КулЛиб - Классная библиотека! Скачать книги бесплатно 

АПОСТОЛ гражданским шрифтом с ударениями [Юрий Иовлев] (fb2) читать онлайн


 [Настройки текста]  [Cбросить фильтры]
  [Оглавление]

АПОСТОЛ на церковнославянском гражданским шрифтом

ДЕЯНИЯ СВЯТЫХ АПОСТОЛ, списана святым Апостолом и Евангелистом Лукою

Зачало 1 (Во святую и великую неделю Пасхи)

Пе́рвое у́бо сло́во сотвори́х о всех, о Фео́филе, я́же нача́т Иису́с твори́ти же и учи́ти да́же до дне, во́ньже, запове́дав апо́столом Ду́хом Святы́м, и́хже избра́, вознесе́ся. Пред ни́миже и поста́ви Себе́ жи́ва по страда́нии Свое́м во мно́зех и́стинных зна́мениих, де́ньми четы́редесятьми явля́яся им и глаго́ля я́же о Ца́рствии Бо́жии. С ни́миже и яды́й, повеле́ им от Иерусали́ма не отлуча́тися, но жда́ти обетова́ния О́тча, е́же слы́шасте от Мене́: я́ко Иоа́нн у́бо крести́л есть водо́ю, вы же и́мате крести́тися Ду́хом Святы́м, не по мно́зех сих днех. Они́ же у́бо соше́дшеся, вопроша́ху Его́, глаго́люще: Го́споди, а́ще в ле́то сие́ устроя́еши ца́рствие Изра́илево? Рече́ же к ним: несть ва́ше разуме́ти времена́ и ле́та, я́же Оте́ц положи́ во Свое́й вла́сти. Но прии́мете си́лу, наше́дшу Свято́му Ду́ху на вы, и бу́дете Ми свиде́тели во Иерусали́ме же и во всей Иуде́и и Самари́и, и да́же до после́дних земли́.

Деян 1:1–8

Зачало 1 (На Вознесение Господне)

Пе́рвое у́бо сло́во сотвори́х о всех, о Фео́филе, я́же нача́т Иису́с твори́ти же и учи́ти да́же до дне, во́ньже, запове́дав апо́столом Ду́хом Святы́м, и́хже избра́, вознесе́ся. Пред ни́миже и поста́ви Себе́ жи́ва по страда́нии Свое́м во мно́зех и́стинных зна́мениих, де́ньми четы́редесятьми явля́яся им и глаго́ля я́же о Ца́рствии Бо́жии. С ни́миже и яды́й, повеле́ им от Иерусали́ма не отлуча́тися, но жда́ти обетова́ния О́тча, е́же слы́шасте от Мене́: я́ко Иоа́нн у́бо крести́л есть водо́ю, вы же и́мате крести́тися Ду́хом Святы́м, не по мно́зех сих днех. Они́ же у́бо соше́дшеся, вопроша́ху Его́, глаго́люще: Го́споди, а́ще в ле́то сие́ устроя́еши ца́рствие Изра́илево? Рече́ же к ним: несть ва́ше разуме́ти времена́ и ле́та, я́же Оте́ц положи́ во Свое́й вла́сти. Но прии́мете си́лу, наше́дшу Свято́му Ду́ху на вы, и бу́дете Ми свиде́телие во Иерусали́ме же и во всей Иуде́и и Самари́и, и да́же до после́дних земли́. И сия́ рек, зря́щим им, взя́тся, и о́блак подъя́т Его́ от о́чию их. И я́ко взира́юще бя́ху на не́бо, иду́щу Ему́, и се му́жа два ста́ста пред ни́ми во оде́жди беле́. Я́же и реко́ста: му́жие Галиле́йстии, что стоите́ зря́ще на не́бо? Сей Иису́с, вознесы́йся от вас на не́бо, та́кожде прии́дет, и́мже о́бразом ви́десте Его́ иду́ща на не́бо. Тогда́ возврати́шася во Иерусали́м от горы́ нарица́емыя Елео́н, я́же есть близ Иерусали́ма, суббо́ты иму́щия путь.

Деян 1:1–12

Зачало 2

Во дни о́ны, возврати́шася апо́столи во Иерусали́м от горы́ нарица́емыя Елео́н, я́же есть близ Иерусали́ма, суббо́ты иму́щия путь. И егда́ внидо́ша, взыдо́ша на го́рницу, иде́же бя́ху пребыва́юще, Петр же и Иа́ков, и Иоа́нн и Андре́й, Фили́пп и Фома́, Варфоломе́й и Матфе́й, Иа́ков Алфе́ов и Си́мон Зило́т и Иу́да Иа́ковль. Си́и вси бя́ху терпя́ще единоду́шно в моли́тве и моле́нии, с жена́ми и Мари́ею Ма́терию Иису́совою и с бра́тиею Его́. И во дни ты́я воста́в Петр посреде́ учени́к, рече́, бе же име́н наро́да вку́пе я́ко сто и два́десять: му́жие бра́тие, подоба́ше сконча́тися Писа́нию сему́, е́же предрече́ Дух Святы́й усты́ Дави́довыми о Иу́де, бы́вшем вожди́ е́мшим Иису́са, я́ко причте́н бе с на́ми и прия́л бя́ше жре́бий слу́жбы сея́, подоба́ет у́бо от сходи́вшихся с на́ми муже́й во вся́ко ле́то, в не́же вни́де и изы́де в нас Госпо́дь Иису́с, наче́н от креще́ния Иоа́ннова да́же до дне, во́ньже вознесе́ся на не́бо от нас, свиде́телю воскресе́ния Его́ бы́ти с на́ми еди́ному от сих. И поста́виша два, Ио́сифа нарица́емаго Варса́ву, и́же нарече́н бысть Иу́ст, и Матфи́а, и помоли́вшеся ре́ша: Ты, Го́споди, Сердцеве́дче всех, покажи́, его́же избра́л еси́ от сею́ двою́ еди́наго, прия́ти жре́бий служе́ния сего́ и апо́стольства, из него́же испаде́ Иу́да, ити́ в ме́сто свое́. И да́ша жре́бия и́ма, и паде́ жре́бий на Матфи́а, и причте́н бысть ко единона́десяти апо́столом.

Деян 1:12–17; 21–26

В понедельник светлыя недели.

Зачало 3

Во дни о́ны, егда́ скончава́шася дни́е Пятьдеся́тницы, бе́ша вси апо́столи единоду́шно вку́пе. И бысть внеза́пу с небесе́ шум, я́ко носи́му дыха́нию бу́рну, и испо́лни весь дом, иде́же бя́ху седя́ще, и яви́шася им разделе́ни язы́цы я́ко о́гненни, се́де же на еди́ном ко́емждо их. И испо́лнишася вси Ду́ха Свя́та и нача́ша глаго́лати ины́ми язы́ки, я́коже Дух дая́ше им провещава́ти. Бя́ху же во Иерусали́ме живу́щии иуде́е, му́жие благогове́йнии, от всего́ язы́ка, и́же под небесе́м. Бы́вшу же гла́су сему́, сни́деся наро́д и смяте́ся, я́ко слы́шаху еди́н ко́йждо их свои́м язы́ком глаго́лющих их. Дивля́хуся же вси и чудя́хуся, глаго́люще друг ко дру́гу: не се ли, вси си́и суть глаго́лющии галиле́ане? И ка́ко мы слы́шим ко́ждо свой язы́к наш, в не́мже роди́хомся, па́рфяне и ми́дяне и елами́те, и живу́щии в Месопота́мии, во Иуде́и же и Каппадоки́и, в По́нте и во Аси́и, во Фриги́и же и Памфили́и, во Еги́пте и страна́х Ливи́и, я́же при Кирини́и, и приходя́щии ри́мляне, иуде́и же и прише́льцы, кри́тяне и ара́вляне, слы́шим глаго́лющих их на́шими язы́ки вели́чия Бо́жия.

Деян 2:1–11

В неделю 8-ю.

Зачало 4

Во дни о́ны, став Петр со единона́десятьми, воздви́же глас свой и рече́ им: му́жие Иуде́йстии и живу́щии во Иерусали́ме вси, сие́ вам разу́мно да бу́дет, и внуши́те глаго́лы моя́, не бо, я́коже вы непщу́ете, си́и пия́ни суть, есть бо час тре́тий дне, но сие́ есть рече́нное проро́ком Ио́илем: и бу́дет в после́дния дни, глаго́лет Госпо́дь, излию́ от Ду́ха Моего́ на вся́ку плоть, и прореку́т сы́нове ва́ши и дще́ри ва́ша, и ю́ноши ва́ши виде́ния у́зрят, и ста́рцы ва́ши со́ния ви́дят, и́бо на рабы́ Моя́ и на рабы́ни Моя́ во дни о́ны излию́ от Ду́ха Моего́, и прореку́т, и дам чудеса́ на небеси́ горе́ и зна́мения на земли́ ни́зу, кровь и огнь и куре́ние ды́ма. Со́лнце преложи́тся во тьму, и луна́ в кровь, пре́жде да́же не приити́ дню Госпо́дню вели́кому и просвеще́нному. И бу́дет, всяк, и́же а́ще призове́т и́мя Госпо́дне, спасе́тся.

Деян 2:14–21

Во вторник светлыя недели.

Зачало 5

Во дни о́ны, рече́ Петр к лю́дем: му́жие Изра́ильстии, послу́шайте слове́с сих: Иису́са Назоре́а, Му́жа от Бо́га изве́ствованна в вас си́лами и чудесы́ и зна́мении, я́же сотвори́ Тем Бог посреде́ вас, я́коже и са́ми ве́сте, Сего́ нарекова́нным сове́том и проразуме́нием Бо́жиим пре́дана прие́мше, рука́ми беззако́нных пригво́ждьше уби́сте: Его́же Бог воскреси́, разреши́в боле́зни сме́ртныя, я́коже не бя́ше мо́щно держа́ну бы́ти Ему́ от нея́. Дави́д бо глаго́лет о Нем: предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся: сего́ ра́ди возвесели́ся се́рдце мое́, и возра́довася язы́к мой: еще́ же и плоть моя́ всели́тся на упова́нии, я́ко не оста́виши души́ моея́ во а́де, ниже́ да́си преподо́бному Твоему́ ви́дети истле́ния: сказа́л ми еси́ пути́ живота́: испо́лниши мя весе́лия с лице́м Твои́м. Му́жие бра́тие, досто́ит рещи́ с дерзнове́нием к вам о патриа́рсе Дави́де, я́ко и у́мре и погребе́н бысть, и гроб его́ есть в нас да́же до дне сего́: проро́к у́бо сый и ве́дый, я́ко кля́твою кля́тся ему́ Бог от плода́ чресл его́ по пло́ти воздви́гнути Христа́ и посади́ти Его́ на престо́ле его́, предви́дев глаго́ла о воскресе́нии Христо́ве, я́ко не оста́вися душа́ Его́ во а́де, ни плоть Его́ ви́де истле́ния. Сего́ Иису́са воскреси́ Бог, ему́же вси мы есмы́ свиде́тели. Десни́цею у́бо Бо́жиею вознесе́ся, и обетова́ние Свята́го Ду́ха прие́м от Отца́, излия́ сие́, е́же вы ны́не ви́дите и слы́шите. Не бо Дави́д взы́де на небеса́, глаго́лет бо сам: рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х. Тве́рдо у́бо да разуме́ет весь дом Изра́илев, я́ко и Го́спода и Христа́ его́ Бог сотвори́л есть, Сего́ Иису́са, Его́же вы распя́сте.

Деян 2:22–36

В среду светлыя недели.

Зачало 6

Во дни о́ны, рече́ Петр к лю́дем: пока́йтеся, и да крести́тся ки́йждо вас во и́мя Иису́са Христа́ во оставле́ние грехо́в, и прии́мете дар Свята́го Ду́ха. Вам бо есть обетова́ние и ча́дом ва́шим и всем да́льним, ели́ки а́ще призове́т Госпо́дь Бог наш. И ины́ми словесы́ мно́жайшими засвиде́тельствоваше и моля́ше я́, глаго́ля: спаси́теся от ро́да стропти́ваго сего́. И́же у́бо любе́зно прия́ша сло́во его́, крести́шася, и приложи́шася в день той душ я́ко три ты́сящи. Бя́ху же терпя́ще во уче́нии Апо́стол и во обще́нии и в преломле́нии хле́ба и в моли́твах. Бысть же на вся́кой души́ страх: мно́га бо чудеса́ и зна́мения Апо́столы бы́ша во Иерусали́ме.

Деян 2:38–43

В четверток светлыя недели.

Зачало 7

Во дни о́ны, вку́пе Петр и Иоа́нн восхожда́ста во святи́лище на моли́тву в час девя́тый. И не́кий муж, хром от чре́ва ма́тере своея́ сый, носи́мь быва́ше, его́же полага́ху по вся дни пред две́рьми церко́вными, реко́мыми Кра́сными, проси́ти ми́лостыни от входя́щих в це́рковь. И́же ви́дев Петра́ и Иоа́нна хотя́щыя вни́ти в це́рковь, проша́ше ми́лостыни. Воззре́в же Петр нань со Иоа́нном, рече́: воззри́ на ны. Он же прилежа́ше и́ма, мня не́что от нею́ прия́ти. Рече́ же Петр: сребра́ и зла́та несть у мене́, но е́же и́мам, сие́ ти даю́, во и́мя Иису́са Христа́ Назоре́а воста́ни и ходи́. И емь его́ за десну́ю ру́ку воздви́же, а́бие же утверди́стеся его́ плесне́ и гле́зне, и вскочи́в ста и хожда́ше, и вни́де с ни́ма в це́рковь, ходя́ и скачя́ и хваля́ Бо́га.

Деян 3:1–8

В пяток светлыя недели.

Зачало 8

Во дни о́ны, держа́щуся исцеле́вшему хромо́му Петра́ и Иоа́нна, притеко́ша к ним вси лю́дие в притво́р, нарица́емый Соломо́нов, ужа́сни. Ви́дев же Петр отвещава́ше к лю́дем: му́жие Изра́ильтяне, что чудите́ся о сем, или́ на ны что взира́ете, я́ко свое́ю ли си́лою или́ благоче́стием сотвори́хом его́ ходи́ти? Бог Авраа́мов и Исаа́ков и Иа́ковль, Бог оте́ц на́ших, просла́ви О́трока Своего́ Иису́са, Его́же вы преда́сте, и отверго́стеся Его́ пред лице́м Пила́товым, су́ждьшу О́ному пусти́ти. Вы же Свята́го и Пра́веднаго отверго́стеся, и испроси́сте му́жа уби́йцу да́ти вам, Нача́льника же жи́зни уби́сте, Его́же Бог воскреси́ от ме́ртвых, ему́же мы свиде́тели есмы́. И о ве́ре и́мене Его́, сего́, его́же ви́дите и зна́ете, утверди́ и́мя Его́, и ве́ра, я́же Его́ ра́ди, даде́ ему́ всю це́лость сию́ пред все́ми ва́ми.

Деян 3:11–16

В субботу светлыя недели.

Зачало 9

Во дни о́ны, рече́ Петр к лю́дем: пока́йтеся и обрати́теся, да очи́ститеся от грех ва́ших, я́ко да прии́дут времена́ прохла́дна от лица́ Госпо́дня, и по́слет пронарече́ннаго вам Христа́ Иису́са, Его́же подоба́ет небеси́ у́бо прия́ти да́же до лет устрое́ния всех, я́же глаго́ла Бог усты́ всех святы́х Свои́х проро́к от ве́ка. Моисе́й у́бо ко отце́м рече́: я́ко Проро́ка вам воздви́гнет Госпо́дь Бог ваш от бра́тии ва́шея, я́ко мене́, Того́ послу́шайте по всему́, ели́ка а́ще рече́т к вам. Бу́дет же, вся́ка душа́, я́же а́ще не послу́шает Проро́ка о́наго, потреби́тся от люде́й. И вси же проро́цы от Саму́ила и и́же по сих, ели́цы глаго́лаша, та́кожде предвозвести́ша дни сия́. Вы есте́ сы́нове проро́к и заве́та, его́же завеща́ Бог ко отце́м ва́шим, глаго́ля ко Авраа́му: и о се́мени твое́м возблагословя́тся вся оте́чествия земна́я. Вам пе́рвее Бог, воздви́гий О́трока Своего́ Иису́са, посла́ Его́ благословя́ща вас, во е́же отврати́тися вам кому́ждо от злоб ва́ших.

Деян 3:19–26

В понедельник вторыя недели.

Зачало 10

Во дни о́ны, глаго́лющым апо́столом к лю́дем, наидо́ша на них свяще́нницы и воево́да церко́вный и саддуке́и, жа́ляще си, за е́же учи́ти им лю́ди и возвеща́ти о Иису́се воскресе́ние ме́ртвых. И возложи́ша на них ру́ки и положи́ша их в соблюде́ние до у́трия, бе бо ве́чер уже́. Мно́зи же от слы́шавших сло́во ве́роваша: и бысть число́ муже́й я́ко ты́сящ пять. Бысть же нау́трие собра́тися князе́м их и ста́рцем и кни́жником во Иерусали́м, и А́нне архиере́ю и Каиа́фе и Иоа́нну и Алекса́ндру, и ели́цы бе́ша от ро́да архиере́йска, и поста́вльше их посреде́, вопроша́ху: ко́ею си́лою или́ ко́им и́менем сотвори́сте сие́ вы? Тогда́ Петр, испо́лнився Ду́ха Свя́та, рече́ к ним: кня́зи лю́дстии и ста́рцы изра́илевы, а́ще мы днесь истязу́еми есмы́ о благодея́нии челове́ка не́мощна, о чесо́м сей спасе́ся, разу́мно бу́ди всем вам и всем лю́дем изра́илевым, я́ко во и́мя Иису́са Христа́ Назоре́а, Его́же вы распя́сте, Его́же Бог воскреси́ от ме́ртвых, о Сем сей стои́т пред ва́ми здрав.

Деян 4:1–10

Во вторник вторыя недели.

Зачало 11

Во дни о́ны, ви́дяще иуде́и Петро́во дерзнове́ние и Иоа́нново и разуме́вше, я́ко челове́ка некни́жна еста́ и про́ста, дивля́хуся, зна́ху же их, я́ко со Иису́сом бе́ста. Ви́дяще же исцеле́вшаго челове́ка с ни́ма стоя́ща, ничто́же имя́ху проти́ву рещи́. Повеле́вше же и́ма вон из со́нмища изы́ти, стяза́хуся ко друг дру́гу, глаго́люще: что сотвори́м челове́кома си́ма? Я́ко у́бо наро́читое зна́мение бысть и́ма, всем живу́щым во Иерусали́ме я́ве, и не мо́жем отврещи́ся, но да не бо́лее простре́тся в лю́дех, преще́нием да запрети́м и́ма ктому́ не глаго́лати о и́мени сем ни еди́ному от челове́к. И призва́вше их, запове́даша и́ма отню́д не провещава́ти ниже́ учи́ти о и́мени Иису́сове. Петр же и Иоа́нн отвеща́вше к ним ре́ста: а́ще пра́ведно есть пред Бо́гом вас послу́шати па́че, не́жели Бо́га, суди́те? Не мо́жем бо мы, я́же ви́дехом и слы́шахом, не глаго́лати. Они́ же призапре́щше и́ма, пусти́ша я́, ничто́же обре́тше ка́ко му́чити их, люде́й ра́ди, я́ко вси прославля́ху Бо́га о бы́вшем. Лет бо бя́ше мно́жае четы́редесяти челове́к той, на не́мже бысть чу́до сие́ исцеле́ния.

Деян 4:13–22

В среду вторыя недели.

Зачало 12

Во дни о́ны, отпуще́на бы́вша апо́стола приидо́ста ко свои́м и возвести́ста, ели́ка к ни́ма архиере́и и ста́рцы ре́ша. Они́ же слы́шавше единоду́шно воздвиго́ша глас к Бо́гу и реко́ша: Влады́ко, ты, Бо́же, сотвори́вый не́бо и зе́млю и мо́ре и вся, я́же в них, и́же усты́ Дави́да о́трока Твоего́ рече́: вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Собра́шася бо вои́стинну во гра́де сем на Свята́го О́трока Твоего́ Иису́са, Его́же пома́зал еси́, И́род же и Понти́йский Пила́т с язы́ки и людьми́ изра́илевыми, сотвори́ти, ели́ка рука́ Твоя́ и сове́т Твой преднарече́ бы́ти. И ны́не, Го́споди, при́зри на преще́ния их и даждь рабо́м Твои́м со вся́ким дерзнове́нием глаго́лати сло́во Твое́, внегда́ ру́ку Твою́ простре́ти Ти во исцеле́ния, и зна́мением и чудесе́м быва́ти и́менем Святы́м О́трока Твоего́ Иису́са. И помоли́вшымся им, подви́жеся ме́сто, иде́же бя́ху со́брани, и испо́лнишася вси Ду́ха Свя́та и глаго́лаху сло́во Бо́жие со дерзнове́нием.

Деян 4:23–31

В четверток вторыя недели.

Зачало 13

Во дни о́ны, муж же не́кий, Ана́ниа и́менем, с Сапфи́рою жено́ю свое́ю, прода́ста село́ и утаи́ от цены́, све́дущей и жене́ его́, и прине́с часть не́кую, пред нога́ми Апо́стол положи́. Рече́ же Петр: Ана́ние, почто́ испо́лни сатана́ се́рдце твое́ солга́ти Ду́ху Свято́му и утаи́ти от цены́ села́? Су́щее тебе́ не твое́ ли бе, и прода́ное не в твое́й ли вла́сти бя́ше? Что я́ко положи́л еси́ в се́рдце твое́м вещь сию́? Не челове́ком солга́л еси́, но Бо́гу. Слы́шав же Ана́ниа словеса́ сия́, пад и́здше. И бысть страх вели́к на всех слы́шащих сия́. Вста́вше же ю́ноши взя́ша его́ и изне́сше погребо́ша. Бысть же я́ко трем часо́м мину́вшым, и жена́ его́ не ве́дущи бы́вшаго вни́де. Отвеща́в же ей Петр: рцы ми, а́ще на толи́це село́ отда́ста? Она́ же рече́: ей, на толи́це. Петр же рече́ к ней: что я́ко согласи́стася искуси́ти Ду́ха Госпо́дня? Се, но́ги погре́бших му́жа твоего́ при две́рех, и изнесу́т тя. Паде́ же а́бие пред нога́ма его́ и и́здше, вше́дше же ю́ноши обрето́ша ю́ ме́ртву и изне́сше погребо́ша близ му́жа ея́. И бысть страх вели́к на всей це́ркви и на всех слы́шаших сия́.

Деян 5:1–11

В пяток вторыя недели.

Зачало 14

Во дни о́ны, рука́ми апо́стольскими бы́ша зна́мения и чудеса́ в лю́дех мно́га, и бя́ху единоду́шно вси в притво́ре Соломо́ни. От про́чих же никто́же сме́яше прилепля́тися им, но велича́ху их лю́дие. Па́че же прилага́хуся ве́рующии Го́сподеви, мно́жество муже́й же и жен. Я́ко и на сто́гны износи́ти неду́жныя и полага́ти на посте́лях и на одре́х, да гряду́щу Петру́, поне́ сень его́ осени́т не́коего от них. Схожда́ше же ся и мно́жество от окре́стных градо́в во Иерусали́м, принося́ще неду́жныя и стра́ждущия от дух нечи́стых, и́же исцелева́хуся вси. Воста́в же архиере́й, и вси и́же с ним, су́щая е́ресь саддуке́йская, испо́лнишася за́висти. И возложи́ша ру́ки своя́ на апо́столы, и посла́ша их в соблюде́ние о́бщее. А́нгел же Госпо́день но́щию отве́рзе две́ри темни́цы, изве́д же их, рече́: иди́те, и ста́вше, глаго́лите в це́ркви лю́дем вся глаго́лы жи́зни сея́.

Деян 5:12–20

В неделю Фомину.

Зачало 15

Во дни о́ны, слы́шавше апо́столи внидо́ша по у́тренице в це́рковь и уча́ху. Прише́д же архиере́й и и́же с ним, созва́ша собо́р и вся ста́рцы от сыно́в Изра́илевых и посла́ша во узи́лище, привести́ их. Слуги́ же ше́дше не обрето́ша их в темни́це, возвра́щше же ся возвести́ша, глаго́люще, я́ко темни́цу у́бо обрето́хом заключе́ну со вся́ким утвержде́нием и блюсти́тели стоя́щыя пред две́рьми, отве́рзше же, внутрь ни еди́наго обрето́хом. Я́коже слы́шаша словеса́ сия́ архиере́й же и воево́да церко́вный и первосвяще́нницы, недоумева́хуся о них, что у́бо бу́дет сие́. Прише́д же не́кто возвести́ им, глаго́ля, я́ко се му́жие, и́хже всади́сте в темни́цу, суть в це́ркви стоя́ще и уча́ще лю́ди. Тогда́ шед воево́да со слуга́ми, приведе́ их не с ну́ждею, боя́хуся бо люде́й, да не ка́мением побию́т их: приве́дше же их, поста́виша на со́нмищи, и вопроси́ их архиере́й, глаго́ля: не запреще́нием ли запрети́хом вам не учи́ти о и́мени сем? И се испо́лнисте Иерусали́м уче́нием ва́шим и хо́щете навести́ на ны кровь Челове́ка Сего́. Отвеща́в же Петр и Апо́столи ре́ша: повинова́тися подоба́ет Бо́гови па́че, не́жели челове́ком: Бог оте́ц на́ших воздви́же Иису́са, Его́же вы уби́сте, пове́сивше на дре́ве. Сего́ Бог Нача́льника и Спа́са возвы́си десни́цею Свое́ю, да́ти покая́ние Изра́илеви и оставле́ние грехо́в. И мы есмы́ Того́ свиде́тели глаго́л сих, и Дух же Святы́й, Его́же даде́ Бог повину́ющымся Ему́. Они́ же слы́шавше распыха́хуся и совеща́ша уби́ти их.

Деян 5:21–33

В субботу вторыя недели.

Зачало 16

Во дни о́ны, умно́жившимся ученико́м, бысть ропта́ние е́ллином ко евре́ем, я́ко презира́еми быва́ху во вседне́внем служе́нии вдови́цы их. Призва́вше же двана́десять мно́жество учени́к, ре́ша: не уго́дно есть нам, оста́вльшим сло́во Бо́жие, служи́ти трапе́зам. Усмотри́те у́бо, бра́тие, му́жи от вас свиде́тельствованы седмь, испо́лнены Ду́ха Свя́та и прему́дрости, и́хже поста́вим над слу́жбою се́ю. Мы же в моли́тве и служе́нии сло́ва пребу́дем. И уго́дно бысть сло́во сие́ пред всем наро́дом. И избра́ша Стефа́на, му́жа испо́лнена ве́ры и Ду́ха Свя́та, и Фили́ппа, и Про́хора и Никано́ра, и Ти́мона, и Парме́на, и Никола́а прише́льца Антиохи́йскаго. Я́же поста́виша пред апо́столы, и помоли́вшеся положи́ша на ня ру́ки. И сло́во Бо́жие растя́ше, и мно́жашеся число́ учени́к во Иерусали́ме зело́, мног же наро́д свяще́нников послу́шаху ве́ры.

Деян 6:1–7

В неделю 3-ю по Пасце.

Зачало 17

Во дни о́ны, Стефа́н испо́лнь ве́ры и си́лы творя́ше зна́мения и чудеса́ ве́лия в лю́дех. Воста́ша же не́цыи от со́нма глаго́лемаго Ливерти́нска и Кирине́йска и Алекса́ндрска, и и́же от Килики́и и Аси́и, стяза́ющеся со Стефа́ном. И не можа́ху проти́ву ста́ти прему́дрости и Ду́ху, И́мже глаго́лаше. Тогда́ подусти́ша му́жы глаго́лющыя, я́ко слы́шахом его́ глаго́люща глаго́лы ху́льныя на Моисе́а и на Бо́га. Сподвиго́ша же лю́ди и ста́рцы и кни́жники, и напа́дше восхи́тиша его́ и приведо́ша на со́нмище, поста́виша же свиде́тели ло́жны глаго́лющыя, я́ко челове́к сей не престае́т глаго́лы ху́льныя глаго́ля на ме́сто свято́е сие́ и зако́н. Слы́шахом бо его́ глаго́люща, я́ко Иису́с Назоре́й сей разори́т ме́сто сие́ и измени́т обы́чаи, я́же предаде́ нам Моисе́й. И воззре́вше нань вси седя́щии в со́нмищи, ви́деша лице́ его́ я́ко лице́ А́нгела. Рече́ же архиере́й: а́ще у́бо сия́ та́ко суть? Он же рече́: му́жие бра́тие и отцы́, послу́шайте. Бог сла́вы яви́ся отцу́ на́шему Авраа́му су́щу в Месопота́мии, пре́жде да́же не всели́тися ему́ в Харра́нь, и рече́ к нему́: изы́ди от земли́ твоея́ и от ро́да твоего́ и от до́му отца́ твоего́, и прииди́ в зе́млю, ю́же а́ще ти покажу́. Тогда́ изше́д от земли́ Халде́йския, всели́ся в Харра́нь, и отту́ду, по уме́ртвии отца́ его́, пресели́ его́ в зе́млю сию́, на не́йже вы ны́не живете́, и не даде́ ему́ насле́дия в ней, ниже́ стопы́ но́гу. Соломо́н же созда́ Ему́ храм. Но Вы́шний не в рукотворе́нных це́рквах живе́т, я́коже проро́к глаго́лет: Не́бо Мне престо́л есть, земля́ же подно́жие нога́ма Мои́ма. Кий храм сози́ждете Ми, глаго́лет Госпо́дь, или́ ко́е ме́сто поко́ищу Моему́? Не рука́ ли Моя́ сотвори́ сия́ вся? Жестоковы́йнии и необре́заннии се́рдцы и ушесы́, вы при́сно Ду́ху Свято́му проти́витеся, я́коже отцы́ ва́ши, та́ко и вы. Кого́ от проро́к не изгна́ша отцы́ ва́ши? И уби́ша предвозвести́вшыя о прише́ствии Пра́веднаго, Его́же вы ны́не преда́теле и уби́йцы бы́сте, и́же прия́сте зако́н устрое́нием А́нгельским и не сохрани́сте. Слы́шаще же сия́, распыха́хуся сердцы́ свои́ми и скрежета́ху зубы́ нань. Стефа́н же сый испо́лнь Ду́ха Свя́та, воззре́в на не́бо, ви́де сла́ву Бо́жию и Иису́са стоя́ща одесну́ю Бо́га, и рече́: се ви́жу небеса́ отве́рста и Сы́на Челове́ча одесну́ю стоя́ща Бо́га. Возопи́вше же гла́сом ве́лиим, затыка́ху у́ши свои́ и устреми́шася единоду́шно нань, и изве́дше вне гра́да, ка́мением побива́ху его́, и свиде́телие сне́мше ри́зы своя́ положи́ша при ногу́ ю́ноши нарица́емаго Са́вла, и ка́мением побива́ху Стефа́на, моля́щася и глаго́люща: Го́споди Иису́се приими́ дух мой. Прекло́нь же коле́на, возопи́ гла́сом ве́лиим: Го́споди, не поста́ви им греха́ сего́. И сия́ рек у́спе.

Деян 6:8–7:5, 47–60

В понедельник 3-я недели.

Сие же и святому Стефану первомученику.

Зачало 18

Во дни о́ны, Фили́пп соше́д во град самари́йский, пропове́даше им Христа́. Внима́ху же наро́ди глаго́лемым от Фили́ппа единоду́шно, слы́шаще и ви́дяще зна́мения, я́же творя́ше: ду́си бо нечи́стии от мно́гих иму́щих я́, вопию́ще гла́сом ве́лиим, исхожда́ху, мно́зи же разсла́бленнии и хро́мии исцели́шася, и бысть ра́дость ве́лия во гра́де том. Муж же не́кий, и́менем Си́мон, пре́жде бе во гра́де волхву́я и удивля́я язы́к самари́йский, глаго́ля не́коего бы́ти себе́ вели́ка, ему́же внима́ху вси от ма́ла да́же до вели́ка, глаго́люще: сей есть си́ла Бо́жия вели́кая. Внима́ху же ему́ за сие́, я́ко дово́льно вре́мя волхвова́нии удивля́ше их. Егда́ же ве́роваша Фили́ппу благовеству́ющу я́же о Ца́рствии Бо́жии и о и́мени Иису́с Христо́ве, креща́хуся му́жие же и жены́. Си́мон же и той ве́рова и кре́щься бе пребыва́я у Фили́ппа, ви́дя же си́лы и зна́мения ве́лия быва́ема, ужа́сен дивля́шеся. Слы́шавше же и́же во Иерусали́ме Апо́столи, я́ко прия́т Самари́а сло́во Бо́жие, посла́ша к ним Петра́ и Иоа́нна, и́же соше́дше помоли́шася о них, я́ко да прии́мут Ду́ха Свята́го, еще́ бо ни на еди́наго их бе прише́л, то́чию креще́ни бя́ху во и́мя Го́спода Иису́са. Тогда́ возложи́ша ру́це на ня, и прия́ша Ду́ха Свята́го.

Деян 8:5–17

Во вторник 3-я недели.

Зачало 19

Во дни о́ны, ви́дев Си́мон, я́ко возложе́нием рук Апо́стольских дае́тся Дух Святы́й, принесе́ им сребро́, глаго́ля: дади́те и мне власть сию́, да, на него́же а́ще положу́ ру́це, прии́мет Ду́ха Свята́го. Петр же рече́ к нему́: сребро́ твое́ с тобо́ю да бу́дет в поги́бель, я́ко дар Бо́жий непщева́л еси́ сребро́м стяжа́ти. Несть ти ча́сти ни жре́бия в словеси́ сем, и́бо се́рдце твое́ несть пра́во пред Бо́гом. Пока́йся у́бо о зло́бе твое́й сей и моли́ся Бо́гу, а́ще у́бо отпу́стится ти помышле́ние се́рдца твоего́, в же́лчи бо го́рести и сою́зе непра́вды зрю тя су́ща. Отвеща́в же Си́мон рече́: помоли́теся вы о мне ко Го́споду, я́ко да ничто́же сих на́йдет на мя, я́же реко́сте. Они́ же у́бо, засвиде́тельствовавше и глаго́лавше сло́во Госпо́дне, возврати́шася во Иерусали́м и мно́гим ве́сем Самари́йским благовести́ша.

Деян 8:18–25

В среду 3-я недели.

Зачало 20

Во дни о́ны, А́нгел Госпо́день рече́ к Фили́ппу, глаго́ля: воста́ни и иди́ на полу́дне, на путь сходя́щий от Иерусали́ма в Га́зу, и той есть пуст. И воста́в по́йде. И се муж Му́рин, евну́х си́лен Кандаки́и цари́цы Му́ринския, и́же бе над все́ми сокро́вищи ея́, и́же прии́де поклони́тися во Иерусали́м. Бе же возвраща́яся, и седя́ на колесни́це свое́й, чтя́ше проро́ка Иса́ию. Рече́ же Дух к Фили́ппу: приступи́ и прилепи́ся колесни́це сей. Прите́к же Фили́пп услы́ша его́ чту́ща проро́ка Иса́ию и рече́: у́бо разуме́еши ли, я́же чте́ши? Он же рече́: ка́ко у́бо могу́ разуме́ти, а́ще не кто наста́вит мя? Умоли́ же Фили́ппа, возше́дша се́сти с ним. Сло́во же Писа́ния, е́же чтя́ше, бе сие́: я́ко овча́ на заколе́ние веде́ся, и я́ко а́гнец пря́мо стригу́щему его́ безгла́сен, та́ко не отверза́ет уст Свои́х. Во смире́нии Его́ суд Его́ взя́тся, род же Его́ кто испове́сть? Я́ко взе́млется от земли́ живо́т Его́. Отвеща́в же ка́женик к Фили́ппу, рече́: молю́ тя, о ком проро́к глаго́лет сие́? О себе́ ли, или́ о ино́м не́коем? Отве́рз же Фили́пп уста́ своя́ и наче́н от Писа́ния сего́, благовести́ ему́ Иису́са. Я́коже идя́ху путе́м, приидо́ша на не́кую во́ду, и рече́ ка́женик: се вода́: что возбраня́ет ми крести́тися? Рече́ же ему́ Фили́пп: а́ще ве́руеши от всего́ се́рдца твоего́, мо́щно ти есть. Отвеща́в же рече́: ве́рую Сы́на Бо́жия бы́ти Иису́са Христа́. И повеле́ ста́ти колесни́це, и снидо́ста о́ба на во́ду, Фили́пп же и ка́женик, и крести́ его́. Егда́ же изыдо́ста от воды́, Дух Святы́й нападе́ на ка́женика. А́нгел же Госпо́день восхи́ти Фили́ппа, и не ви́де его́ ктому́ ка́женик, идя́ше бо в путь свой ра́дуяся.

Деян 8:26–39

В четверток третия недели.

Зачало 21 (В пяток 3-я недели)

Во дни о́ны, Фили́пп обре́теся во Азо́те и проходя́ благовествова́ше градо́м всем, до́ндеже приити́ ему́ в Кесари́ю. Савл же, еще́ дыха́я преще́нием и уби́йством на ученики́ Госпо́дни, присту́пль ко архиере́ю, испроси́ от него́ посла́ния в Дама́ск к собо́рищем, я́ко да а́ще не́кия обря́щет того́ пути́ су́щыя, му́жы же и жены́, свя́заны приведе́т во Иерусали́м. Внегда́ же ити́, бысть ему́ прибли́житися к Дама́ску, и внеза́пу облиста́ его́ свет от небесе́, и пад на зе́млю, слы́ша глас глаго́лющь ему́: Са́вле, Са́вле, что Мя го́ниши? Рече́ же: кто еси́, Го́споди? Госпо́дь же рече́: Аз есмь Иису́с, Его́же ты го́ниши. Жестоко́ ти есть проти́ву рожну́ пра́ти. Трепе́ща же и ужаса́яся глаго́ла: Го́споди, что мя хо́щеши твори́ти? И Госпо́дь рече́ к нему́: воста́ни и вни́ди во град, и рече́тся ти, что ти подоба́ет твори́ти. Му́жие же иду́щии с ним стоя́ху чудя́щеся, слы́шаще у́бо глас, никого́же ви́дяще. Воста́в же Савл от земли́ и отве́рстыма очи́ма свои́ма ни еди́наго ви́дяше, веду́ще же его́ за ру́ку, введо́ша в Дама́ск, и бе дни три не ви́дя, и ни яде́, ниже́ пит. Бе же не́кто учени́к в Дама́сце, и́менем Ана́ниа, и рече́ к нему́ Госпо́дь в виде́нии: Ана́ние. Он же рече́: се аз, Го́споди. Госпо́дь же к нему́: воста́в поиди́ на сто́гну нарица́емую Пра́вую и взыщи́ в дому́ Иу́дове Са́вла и́менем, Тарсяни́на, се бо, моли́тву де́ет и ви́де в виде́нии му́жа, и́менем Ана́нию, вше́дша и возло́жша нань ру́ку, я́ко да про́зрит. Отвеща́ же Ана́ниа: Го́споди, слы́шах от мно́гих о му́жи сем, коли́ка зла сотвори́ святы́м Твои́м во Иерусали́ме: и зде и́мать власть от архиере́й связа́ти вся нарица́ющыя и́мя Твое́. Рече́ же к нему́ Госпо́дь: иди́, я́ко сосу́д избра́н Ми есть сей, пронести́ и́мя Мое́ пред язы́ки и царьми́ и сынми́ изра́илевыми. Аз бо скажу́ ему́, ели́ка подоба́ет ему́ о и́мени Мое́м пострада́ти. По́йде же Ана́ниа и вни́де в хра́мину, и возло́жь нань ру́це, рече́: Са́вле бра́те, Госпо́дь Иису́с явле́й ти ся на пути́, и́мже шел еси́, посла́ мя, я́ко да про́зриши и испо́лнишися Ду́ха Свя́та. И а́бие отпадо́ша от о́чию его́ я́ко чешуя́: прозре́ же а́бие, и воста́в крести́ся, и прие́м пи́щу, укрепи́ся.

Деян 8:40–9:19

Зачало 21 (Октовриа в первый день, апостолу Анании)

Во дни о́ны, бе не́кто учени́к в Дама́сце, и́менем Ана́ниа, и рече́ к нему́ Госпо́дь в виде́нии: Ана́ние. Он же рече́: се аз, Го́споди. Госпо́дь же к нему́: воста́в поиди́ на сто́гну нарица́емую Пра́вую и взыщи́ в дому́ Иу́дове Са́вла и́менем, Тарсяни́на. Се бо, моли́тву де́ет и ви́де в виде́нии му́жа, и́менем Ана́нию, вше́дша и возло́жша нань ру́ку, я́ко да про́зрит. Отвеща́ же Ана́ниа: Го́споди, слы́шах от мно́гих о му́жи сем, коли́ка зла сотвори́ святы́м Твои́м во Иерусали́ме, и зде и́мать власть от архиере́й связа́ти вся нарица́ющыя и́мя Твое́. Рече́ же к нему́ Госпо́дь: иди́, я́ко сосу́д избра́н Ми есть сей, пронести́ и́мя Мое́ пред язы́ки и царьми́ и сынми́ изра́илевыми. Аз бо скажу́ ему́, ели́ка подоба́ет ему́ о и́мени Мое́м пострада́ти. По́йде же Ана́ниа и вни́де в хра́мину, и возло́жь нань ру́це, рече́: Са́вле бра́те, Госпо́дь Иису́с явле́й ти ся на пути́, и́мже шел еси́, посла́ мя, я́ко да про́зриши и испо́лнишися Ду́ха Свя́та. И а́бие отпадо́ша от о́чию его́ я́ко чешуя́, прозре́ же а́бие, и воста́в крести́ся, и прие́м пи́щу, укрепи́ся.

Деян 9:10–19

Зачало 22

Во дни о́ны, бысть Савл с су́щими в Дама́сце ученика́ми дни не́кия, и а́бие на со́нмищах пропове́даше Иису́са, я́ко Сей есть Сын Бо́жий. Дивля́хуся же вси слы́шащии и глаго́лаху: не сей ли есть гони́вый во Иерусали́ме нарица́ющыя и́мя сие́, и зде на сие́ прии́де, да свя́заны ты́я приведе́т ко архиере́ем? Савл же па́че крепля́шеся и смуща́ше иуде́и живу́щыя в Дама́сце, препира́я, я́ко Сей есть Христо́с. Я́коже испо́лнишася дни́е дово́льни, совеща́ша Иуде́е уби́ти его́. Уве́дан же бысть Са́влу сове́т их: стрежа́ху же врат день и нощь, я́ко да убию́т его́. Пое́мше же его́ ученицы́ но́щию, све́сиша по стене́ в ко́шнице. Прише́д же Савл во Иерусали́м, покуша́шеся прилепля́тися ученико́м, и вси боя́хуся его́, не ве́рующе, я́ко есть учени́к. Варна́ва же прие́м его́, приведе́ ко Апо́столом и пове́да им, ка́ко на пути́ ви́де Го́спода, и я́ко глаго́ла ему́, и ка́ко в Дама́сце дерза́ше о и́мени Иису́сове. И бя́ше с ни́ми входя́ и исходя́ во Иерусали́ме и дерза́я о и́мени Го́спода Иису́са. Глаго́лаше же и стяза́шеся с Е́ллины: они́ же иска́ху уби́ти его́. Разуме́вше же бра́тия, сведо́ша его́ в Кесари́ю и отпусти́ша его́ в Тарс. Це́ркви же по всей Иуде́и и Галиле́и и Самари́и име́яху мир, созида́ющеся и ходя́ще в стра́се Госпо́дни, и утеше́нием Свята́го Ду́ха умножа́хуся.

Деян 9:19–31

В субботу 3-ю по Пасце.

Зачало 23

Во дни о́ны, бысть Петру́, посеща́ющу всех, сни́ти и ко святы́м живу́щим в Ли́дде. Обре́те же та́мо челове́ка не́коего, и́менем Ене́а, от осми́ лет лежа́ща на одре́, и́же бе разсла́блен. И рече́ ему́ Петр: Ене́е, исцеля́ет тя Иису́с Христо́с, воста́ни с посте́ли твоея́. И а́бие воста́, и ви́деша его́ вси живу́щии в Ли́дде и во Ассаро́не, и́же обрати́шася ко Го́споду. Во Иоппи́и же бе не́кая учени́ца, и́менем Тави́фа, я́же сказа́ема глаго́лется: се́рна, сия́ бя́ше испо́лнена благи́х дел и ми́лостынь, я́же творя́ше. Бысть же во дни ты́я, боле́вшей ей умре́ти, омы́вше же ю́, положи́ша в го́рнице. Близ же су́щей Ли́дде Иоппи́и, ученицы́ слы́шавше, я́ко Петр есть в ней, посла́ша два му́жа к нему́, моля́ще его́ не облени́тися приити́ до них. Воста́в же Петр и́де с ни́ма, его́же прише́дша возведо́ша в го́рницу, и предста́ша ему́ вся вдови́цы пла́чуща, и показу́юща ри́зы и оде́жды, ели́ка творя́ше, с ни́ми су́щи, Се́рна. Изгна́в же вон вся Петр, прекло́нь коле́на помоли́ся, и обра́щься к те́лу, рече́: Тави́фо, воста́ни. Она́ же отве́рзе о́чи свои́, и ви́девши Петра́, се́де. Пода́в же ей ру́ку, воздви́же ю́, и призва́в святы́я и вдови́цы, поста́ви ю́ жи́ву. Уве́дано же бысть се по всей Иоппи́и, и мно́зи ве́роваша в Го́спода.

Деян 9:32–42

Неделя четвертая, о разслабленном.

Зачало 24

Во дни о́ны, муж не́кий бе в Кесари́и, и́менем Корни́лий, со́тник от спи́ры нарица́ющияся Итали́йския, благогове́ин и боя́йся Бо́га со всем до́мом свои́м, творя́й ми́лостыни мно́ги лю́дем и моля́йся Бо́гу всегда́, ви́де в виде́нии я́ве, я́ко в час девя́тый дне, А́нгела Бо́жия сше́дша к нему́ и ре́кша ему́: Корни́лие. Он же воззре́в нань и пристра́шен быв рече́: что есть, Го́споди? Рече́ же ему́: моли́твы твоя́ и ми́лостыни твоя́ взыдо́ша на па́мять пред Бо́га. И ны́не посли́ во Иоппи́ю муже́й и призови́ Си́мона, нарица́емаго Петра́. Сей стра́нствует у не́коего Си́мона усмаря́, ему́же есть дом при мо́ри, той рече́т тебе́ глаго́лы, в ни́хже спасе́шися ты и весь дом твой. И я́коже оты́де А́нгел глаго́ляй Корни́лию, пригласи́в два от рабо́в свои́х и во́ина благочести́ва от служа́щих ему́, и сказа́в им вся, посла́ их во Иоппи́ю. Воу́трие же, путьше́ствующым им и ко гра́ду приближа́ющымся, взы́де Петр на го́рницу помоли́тися, в час шесты́й. Бысть же приа́лчен и хотя́ше вкуси́ти, гото́вящым же о́нем, нападе́ нань у́жас, и ви́де не́бо отве́рсто и сходя́щ нань сосу́д не́кий, я́ко плащани́цу ве́лию, по четы́рем кра́ем привя́зан и ни́зу спуща́емь на зе́млю, в не́мже бя́ху вся четвероно́гая земли́ и зве́рие и га́ди и пти́цы небе́сныя. И бысть глас к нему́: воста́в, Пе́тре, заколи́ и яждь. Петр же рече́: ника́коже, Го́споди, я́ко николи́же ядо́х вся́ко скве́рно или́ нечи́сто. И се глас па́ки к нему́ втори́цею: я́же Бог очи́стил есть, ты не скверни́. Сие́ же бысть три́щи, и па́ки взя́ся сосу́д на не́бо.

Деян 10:1–16

В понедельник 4-я недели.

Зачало 25

Во дни о́ны, соше́д Петр к муже́м по́сланным к нему́ от Корни́лиа, рече́: се аз есмь, его́же и́щете. Ка́я есть вина́, ея́же ра́ди приидо́сте? Они́ же реко́ша: Корни́лий со́тник, муж пра́веден и боя́йся Бо́га, свиде́тельствован от всего́ язы́ка Иуде́йска, увеще́н есть от А́нгела свя́та призва́ти тя в дом свой и слы́шати глаго́лы от тебе́. Призва́в же их учреди́: нау́трие же Петр воста́в и́де с ни́ми, и не́цыи от бра́тий, и́же от Иоппи́и, идо́ша с ним. И нау́трие внидо́ша в Кесари́ю. Корни́лий же бе ча́я их, созва́в сро́дники своя́ и любе́зныя дру́ги. Я́коже бысть вни́ти Петру́, сре́те его́ Корни́лий, и пад на но́гу его́ поклони́ся. Петр же воздви́же его́, глаго́ля: воста́ни, и аз сам челове́к есмь. И с ним бесе́дуя, вни́де и обре́те собра́вшыяся мно́ги. Рече́ же к ним: вы ве́сте, я́ко не ле́по есть му́жу Иуде́анину прилепля́тися или́ приходи́ти ко иноплеме́ннику, и мне Бог показа́ ни еди́наго скве́рна или́ нечи́ста глаго́лати челове́ка. Те́мже и без сумне́ния приидо́х призва́н: вопроша́ю вы у́бо, ко́им сло́вом посла́сте по мене́? И Корни́лий рече́: от четве́ртаго дне да́же до сего́ часа́ бех постя́ся и в девя́тый час моля́ся в дому́ мое́м, и се муж ста пре́до мно́ю во оде́жде све́тле и рече́: Корни́лие, услы́шана бысть моли́тва твоя́, и ми́лостыни твоя́ помяну́шася пред Бо́гом. Посли́ у́бо во Иоппи́ю и призови́ Си́мона, и́же нарица́ется Петр, сей стра́нствует в дому́ Си́мона усмаря́ близ мо́ря, и́же прише́д возглаго́лет тебе́. А́бие у́бо посла́х к тебе́, ты же до́бре сотвори́л еси́ прише́д. Ны́не у́бо вси мы пред Бо́гом предстои́м слы́шати вся повеле́нная тебе́ от Бо́га.

Деян 10:21–33

Вторник 4-я недели.

Зачало 26

Во дни о́ны, отве́рз Петр уста́, рече́: пои́стинне разумева́ю, я́ко не на лица́ зрит Бог, но во вся́ком язы́це боя́йся Его́ и де́лаяй пра́вду прия́тен Ему́ есть, сло́во, е́же посла́ сыно́м Изра́илевым, благовеству́я мир Иису́с Христо́м, Сей есть всем Госпо́дь. Вы ве́сте глаго́л бы́вший по всей Иуде́и, наче́ншийся от Галиле́и, по креще́нии, е́же пропове́да Иоа́нн, Иису́са, И́же от Назаре́та, я́ко пома́за Его́ Бог Ду́хом Святы́м и си́лою, И́же про́йде благоде́тельствуя и исцеля́я вся наси́лованныя от диа́вола, я́ко Бог бя́ше с Ним. И мы есмы́ свиде́теле всех, я́же сотвори́ во стране́ Иуде́йстей и во Иерусали́ме: Его́же и уби́ша, пове́шше на дре́ве. Сего́ Бог воскреси́ в тре́тий день и даде́ Ему́ явле́ну бы́ти, не всем лю́дем, но нам свиде́телем преднарече́нным от Бо́га, и́же с Ним ядо́хом и пи́хом, по воскресе́нии Его́ от ме́ртвых. И повеле́ нам пропове́дати лю́дем и засвиде́тельствовати, я́ко Той есть нарече́нный от Бо́га Судия́ живы́м и ме́ртвым. О Сем вси проро́цы свиде́тельствуют, оставле́ние грехо́в прия́ти и́менем Его́ вся́кому ве́рующему вонь.

Деян 10:34–43

В четверток 4-я недели.

Зачало 27

Во дни о́ны, глаго́лющу Петру́ глаго́лы сия́, нападе́ Дух Святы́й на вся слы́шащыя сло́во. И ужасо́шася и́же от обре́зания ве́рнии, ели́цы приидо́ша с Петро́м, я́ко и на язы́ки дар Свята́го Ду́ха излия́ся: слы́шаху бо их глаго́лющих язы́ки и велича́ющих Бо́га. Тогда́ отвеща́ Петр: еда́ во́ду возбрани́ти мо́жет кто, е́же не крести́тися сим, и́же Дух Святы́й прия́ша, я́коже и мы? Повеле́ же им крести́тися во и́мя Иису́с Христо́во. Тогда́ моли́ша его́ пребы́ти у них дни не́кия. Слы́шаша же Апо́столи и бра́тия су́щии во Иуде́и, я́ко и язы́цы прия́ша сло́во Бо́жие. И егда́ взы́де Петр во Иерусали́м, препира́хуся с ним и́же от обре́зания, глаго́люще, я́ко к муже́м обре́зания не иму́щым вшел еси́ и ял еси́ с ни́ми. Наче́н же Петр, ска́зоваше им поря́ду, глаго́ля: аз бех во гра́де Иоппи́йстем моля́ся и ви́дех во у́жасе виде́ние, сходя́щь сосу́д не́кий, я́ко плащани́цу ве́лию, от четы́рех кра́ев низпуща́ему с небесе́, и прии́де да́же до мене́, в ню́же воззре́в смотря́х, и ви́дех четвероно́гая земна́я и зве́ри и га́ды и пти́цы небе́сныя. Слы́шах же глас глаго́лющь мне: воста́в, Пе́тре, заколи́ и яждь. Рех же: ника́коже, Го́споди, я́ко вся́ко скве́рно или́ нечи́сто николи́же вни́де во уста́ моя́. Отвеща́ же ми глас втори́цею с небесе́ глаго́лющь: я́же Бог очи́стил есть, ты не скверни́. Сие́ же бысть три́жды, и па́ки взя́шася вся на не́бо.

Деян 10:44–11:10

В пяток 4-я недели.

Зачало 28

Во дни о́ны, разсе́явшиися апо́столи от ско́рби, бы́вшия при Стефа́не, проидо́ша да́же до Финики́и, и Ки́пра, и Антиохи́и, ни еди́ному же глаго́люще сло́ва, то́кмо иуде́ем. Бя́ху же не́цыи от них му́жие ки́прстии и кирине́йстии, и́же вше́дше во Антиохи́ю, глаго́лаху к е́ллином, благовеству́юще Го́спода Иису́са. И бе рука́ Госпо́дня с ни́ми: мно́гое же число́ ве́ровавше обрати́шася ко Го́споду. Слы́шано же бысть сло́во о них во у́шию це́ркве су́щия во Иерусали́ме, и посла́ша Варна́ву преити́ да́же до Антиохи́и. И́же прише́д и ви́дев благода́ть Бо́жию, возра́довася и утеша́ше вся изволе́нием се́рдца терпе́ти о Го́споде. Я́ко бе муж благ, и испо́лнь Ду́ха Свя́та и ве́ры. И приложи́ся наро́д мног Го́сподеви. Изы́де же Варна́ва в Тарс взыска́ти Са́вла, и обре́т его́, приведе́ его́ во Антиохи́ю. Бысть же им ле́то це́ло собира́тися в це́ркви, и учи́ти наро́д мног, нарещи́ же пре́жде во Антиохи́и ученики́, христиа́ны. От учени́к же, по ели́ку кто име́яше что, изво́лиша ки́йждо их на слу́жбу посла́ти живу́щим во Иуде́и бра́тиям, е́же и сотвори́ша, посла́вше к ста́рцем руко́ю Варна́влею и Са́влею.

Деян 11:19–26; 29–30

Неделя пятая, о самаряныни.

Зачало 29

Во дни о́ны, возложи́ И́род царь ру́це озло́бити не́кия и́же от це́ркве, уби́ же Иа́кова, бра́та Иоа́ннова, мече́м. И ви́дев, я́ко го́де есть Иуде́ем, приложи́ я́ти и Петра́, бя́ху же дни́е опресно́чнии. Его́же и емь всади́ в темни́цу, преда́в четы́рем четвери́цам во́инов стрещи́ его́, хотя́ по Па́сце извести́ его́ к лю́дем. И у́бо Петра́ стрежа́ху в темни́це: моли́тва же бе приле́жна быва́емая от це́ркве к Бо́гу о нем. Егда́ же хотя́ше его́ извести́ И́род, в нощи́ той бе Петр спя между́ двема́ во́инома, свя́зан желе́знома у́жема двема́, стра́жие же пред две́рьми стрежа́ху темни́цы. И се А́нгел Госпо́день предста́, и свет возсия́ в хра́мине: толкну́в же в ре́бра Петра́, воздви́же его́, глаго́ля: воста́ни вско́ре. И спадо́ша ему́ у́жя желе́зная с руку́. Рече́ же А́нгел к нему́: препоя́шися и вступи́ в плесни́цы твоя́. Сотвори́ же та́ко. И глаго́ла ему́: облецы́ся в ри́зу твою́ и после́дствуй ми. И изше́д вслед его́ идя́ше и не ве́дяше, я́ко и́стина есть бы́вшее от А́нгела, мня́ше же виде́ние зре́ти. Проше́дша же пе́рвую стра́жу и втору́ю, приидо́ста ко врато́м желе́зным, вводя́щым во град, я́же о себе́ отверзо́шася и́ма, и изше́дше преидо́ша сто́гну еди́ну, и а́бие отступи́ А́нгел от него́. И Петр быв в себе́, рече́: ны́не вем вои́стинну, я́ко посла́ Бог А́нгела Своего́ и изъя́т мя из руки́ И́родовы и от всего́ ча́яния люде́й иуде́йских.

Деян 12:1–11

В субботу 4-я недели.

Сие же и святому мученику Георгию и Иакову Зеведееву.

Зачало 30

Во дни о́ны, смотри́в Петр прии́де в дом Мари́ин ма́тере Иоа́нновы, нарица́емаго Ма́рка, иде́же бя́ху мно́зи со́брани и моля́щеся. Толкну́вшу же Петру́ во врата́ двора́, приступи́ слы́шати отрокови́ца, и́менем Ро́ди, и позна́вши глас Петро́в, от ра́дости не отве́рзе врат, прите́кши же сказа́ Петра́ стоя́ща пред враты́. Они́ же к ней ре́ша: бесну́еши ли ся? Она́ же крепля́шеся та́ко бы́ти. Они́ же глаго́лаху: А́нгел его́ есть. Петр же пребыва́ше толки́й: отве́рзше же ви́деша его́ и ужасо́шася. Помаа́в же им руко́ю молча́ти, сказа́ им, ка́ко Госпо́дь его́ изведе́ из темни́цы. Рече́ же: возвести́те Иа́кову и бра́тиям сия́. И изше́д и́де во и́но ме́сто.

Деян 12:12–17

В понедельник 5-я недели.


Зачало 31

Во дни о́ны, Варна́ва и Савл возврати́стася из Иерусали́ма во Антиохи́ю, испо́лнивше слу́жбу, пое́мше с собо́ю и Иоа́нна, нарица́емаго Ма́рка. Бя́ху же не́цыи во це́ркви су́щей во Антиохи́и проро́цы и учи́телие: Варна́ва же и Симео́н, нарица́емый Ни́гер, и Луки́й Кирине́анин, и Манаи́н со И́родом четвертовла́стником воспита́нный, и Савл. Служа́щым же им Го́сподеви и постя́щымся, рече́ Дух Святы́й: отдели́те Ми Варна́ву и Са́вла на де́ло, на не́же призва́х их. Тогда́ пости́вшеся и помоли́вшеся и возло́жше ру́ки на ня, отпусти́ша их. Сия́ у́бо по́слана бы́вша от Ду́хаСвя́та, снидо́ста в Селевки́ю, отту́ду же отплы́ша в Кипр, и бы́вше в Салами́не, возвеща́ста сло́во Бо́жие в со́нмищах Иуде́йских, име́ста же и Иоа́нна слугу́. Проше́дша же о́стров да́же до Па́фа, обрето́ста не́коего му́жа волхва́ лжепроро́ка Иуде́анина, ему́же и́мя Вариису́с, и́же бе со анфипа́том Се́ргием Па́влом, му́жем разу́мным. Сей призва́в Варна́ву и Са́вла, взыска́ услы́шати сло́во Бо́жие. Сопротивля́шеся же и́ма Елли́ма волхв, та́ко бо сказу́ется и́мя его́, иски́й разврати́ти анфипа́та от ве́ры. Савл же, и́же и Па́вел, испо́лнися Ду́ха Свя́та, и воззре́в нань, рече́: о, испо́лненне вся́кия льсти и вся́кия зло́бы, сы́не диа́воль, вра́же вся́кия пра́вды, не преста́неши ли развраща́я пути́ Госпо́дни пра́выя? И ны́не, се рука́ Госпо́дня на тя, и бу́деши слеп, не ви́дя со́лнца до вре́мене. Внеза́пу же нападе́ нань мрак и тма, и осяза́я иска́ше вожда́. Тогда́ ви́дев анфипа́т бы́вшее, ве́рова, дивя́ся о уче́нии Госпо́дни.

Деян 12:25–13:12

Во вторник 5-я недели.

Зачало 32

Во дни о́ны, отве́зшеся от Па́фа Па́вел и су́щии с ним, приидо́ша в Перги́ю Памфили́йскую. Иоа́нн же, отлучи́вся от них, возврати́ся во Иерусали́м. Они́ же, проше́дше от Перги́и, приидо́ша во Антиохи́ю Писиди́йскую, и вше́дше в со́нмище в день суббо́тный, седо́ша. По чте́нии же зако́на и проро́к, посла́ша нача́льницы со́нмища к ним, глаго́люще: му́жие бра́тие, а́ще есть сло́во в вас утеше́ния к лю́дем, глаго́лите. Воста́в же Па́вел и помаа́в руко́ю, рече́: му́жие изра́ильтяне и боя́щиися Бо́га, услы́шите. Бог люде́й сих избра́ отцы́ на́ши и лю́ди вознесе́ в прише́льствии в земли́ Еги́петстей, и мы́шцею высо́кою изведе́ их из нея́ и до четы́редесяти лет препита́ их в пусты́ни. И низложи́в язы́к седмь в земли́ Ханаа́нстей, даде́ им в насле́дие зе́млю их, и по сих, я́ко лет четы́реста и пятьдеся́т, даде́ им судии́ до Саму́ила проро́ка. И отту́ду проси́ша царя́, и даде́ им Бог Сау́ла сы́на Ки́сова, му́жа от коле́на Вениами́нова, лет четы́редесять. И преста́вль его́, воздви́же им Дави́да в царя́, ему́же и рече́ свиде́тельствовав: обрето́х Дави́да сы́на Иессе́ова, му́жа по се́рдцу Моему́, и́же сотвори́т вся хоте́ния Моя́. От сего́ се́мене Бог по обетова́нию воздви́же Изра́илю спасе́ние Иису́са, пропове́давшу Иоа́нну пред лице́м вни́тия Его́ креще́ние покая́ния всем лю́дем изра́илевым.

Деян 13:13–24

В среду 5-я недели.

Зачало 33

Во дни о́ны, я́коже скончава́ше Иоа́нн тече́ние, глаго́лаше: кого́ мя непщу́ете бы́ти, несмь аз, но се гряде́т по мне, Ему́же несмь досто́ин разреши́ти реме́нь сапогу́ Его́. Му́жие, бра́тие, сы́нове ро́да Авраа́мля, и и́же в вас, боя́щиися Бо́га, вам сло́во спасе́ния Сего́ посла́ся. Живу́щии бо во Иерусали́ме и кня́зи их сего́ не разуме́вше, и гла́сы проро́ческия, по вся суббо́ты что́мыя, осуди́вше Его́, испо́лниша. И ни еди́ныя вины́ сме́ртныя обре́тше, проси́ша у Пила́та уби́ти Его́. Я́коже сконча́ша вся, я́же о Нем пи́сана, сне́мше с дре́ва, положи́ша во гро́бе. Бог же воскреси́ Его́ от ме́ртвых. И́же яви́ся на дни мно́ги совозше́дшим с Ним от Галиле́и во Иерусали́м, и́же ны́не суть свиде́телие Его́ к лю́дем. И мы вам благовеству́ем обетова́ние, бы́вшее ко отце́м, я́ко сие́ Бог испо́лнил есть нам, ча́дом их, воздви́г Иису́са.

Деян 13:25–32

Августа в 29.

Зачало 34

Во дни о́ны, Па́вел и Варна́ва прибего́ста во гра́ды Ликао́нския, в Ли́стру и Де́рвию, и во окре́стныя их, и та́мо бе́ста благовеству́юща. И не́кто муж в Ли́стрех не́мощен нога́ма седя́ше, хром от чре́ва ма́тере своея́ сый, и́же николи́же бе ходи́л. Сей слы́шаше Па́вла глаго́люща, и́же воззре́в нань и ви́дев, я́ко ве́ру и́мать здрав бы́ти, рече́ ве́лиим гла́сом: тебе́ глаго́лю во и́мя Го́спода Иису́са Христа́, вста́ни на но́гу твою́ прав. И а́бие возскочи́ и хожда́ше. Наро́ди же ви́девше, е́же сотвори́ Па́вел, воздвиго́ша глас свой, ликао́нски глаго́люще: бо́зи уподо́бльшеся челове́ком снидо́ша к нам. Нарица́ху же у́бо Варна́ву Ди́а, Па́вла же Ерми́а, поне́же той бя́ше нача́льник сло́ва. Жрец же Ди́ев, су́щаго пред гра́дом их, приведе́ юнцы́, и принесе́ венцы́ пред врата́, с наро́ды хотя́ше жре́ти. Слы́шавша же апо́стола Варна́ва и Па́вел, растерза́вша ри́зы своя́, вскочи́ста в наро́д, зову́ща и глаго́люща: му́жие, что сия́ твори́те? И мы подобостра́стна есма́ вам челове́ка, благовеству́юща вам, от сих су́етных обраща́тися к Бо́гу жи́ву, И́же сотвори́ не́бо и зе́млю, и мо́ре и вся, я́же в них. И́же в мимоше́дшия ро́ды оста́вил бе вся язы́ки ходи́ти в путе́х их. И у́бо не несвиде́тельствована Себе́ оста́ви, благотворя́, с небесе́ нам дожде́вы дая́, и времена́ плодоно́сна, исполня́я пи́щею и весе́лием сердца́ на́ша. И сия́ глаго́люща, едва́ уста́виста наро́ды не жре́ти и́ма, но отыти́ коему́ждо во своя́си.

Деян 14:6–18

В среду 4-я недели, Преполовения.

Зачало 35

Во дни о́ны, изы́де Па́вел с Варна́вою в Де́рвию. Благовествова́ста же гра́ду тому́ и научи́ста мно́ги, возврати́стася в Ли́стру и Икони́ю и Антиохи́ю, утвержда́юща ду́шы ученико́в, моля́ща пребы́ти в ве́ре, и я́ко мно́гими скорбьми́ подоба́ет нам вни́ти в Ца́рствие Бо́жие. Рукополо́жше же им пресви́теры на вся це́ркви и помоли́вшеся с посто́м, преда́ста их Го́сподеви, в Него́же ве́роваша. И проше́дша Писиди́ю, приидо́ста в Памфили́ю. И глаго́лавша в Перги́и сло́во Госпо́дне, снидо́ста во Аттали́ю. И отту́ду отплы́ста во Антиохи́ю, отню́дуже бе́ста пре́дана благода́ти Бо́жией в де́ло, е́же сконча́ста. Прише́дша же и собра́вша це́рковь, сказа́ста, ели́ка сотвори́ Бог с ни́ма и я́ко отве́рзе язы́ком дверь ве́ры.

Деян 14:20–27

В четверток 5-я недели.

Зачало 36

Во дни о́ны, воста́ша не́цыи от е́реси фарисе́йския ве́ровавшии, глаго́люще, я́ко подоба́ет обре́зати их, завещава́ти же блюсти́ зако́н Моисе́ов. Собра́шася же Апо́столи и ста́рцы ве́дети о словеси́ сем. Мно́гу же взыска́нию бы́вшу, воста́в Петр рече́ к ним: му́жие бра́тие, вы ве́сте, я́ко от дний пе́рвых Бог в нас избра́ усты́ мои́ми услы́шати язы́ком сло́во Благове́стия и ве́ровати, и Сердцеве́дец Бог свиде́тельствова им, дав им Ду́ха Свята́го, я́коже и нам, и ничто́же разсуди́ между́ на́ми же и о́неми, ве́рою очи́щь сердца́ их. Ны́не у́бо что искуша́ете Бо́га, хотя́ще возложи́ти и́го на вы́и ученико́м, его́же ни отцы́ на́ши, ни мы возмого́хом понести́? Но благода́тию Го́спода Иису́са Христа́ ве́руем спасти́ся, я́коже и они́. Умолча́ же все мно́жество и послу́шаху Варна́вы и Па́вла пове́дающих, ели́ка сотвори́ Бог зна́мения и чудеса́ во язы́цех и́ма. По умолча́нии же их отвеща́ Иа́ков глаго́ля: му́жие бра́тие, послу́шайте мене́. Симео́н пове́да, я́ко пре́жде Бог посети́ прия́ти от язы́к лю́ди о и́мени Свое́м. И сему́ согласу́ют словеса́ проро́к, я́коже пи́шет: по сих обращу́ся и сози́жду кров Дави́дов па́дший, и раско́паная его́ сози́жду и испра́влю его́, я́ко да взы́щут про́чии челове́цы Го́спода, и вси язы́цы, в ни́хже нарече́ся и́мя Мое́, глаго́лет Госпо́дь, творя́й сия́ вся. Разу́мна от ве́ка суть Бо́гови вся дела́ Его́. Сего́ ра́ди аз сужду́ не стужа́ти от язы́к обраща́ющымся к Бо́гу, но запове́дати им огреба́тися от треб и́дольских и от блуда́ и уда́вленины и от кро́ве, и ели́ка неуго́дна себе́ бы́ти, ины́м не твори́ти. Моисе́й бо от родо́в дре́вних по вся гра́ды пропове́дающыя его́ и́мать, в со́нмищах по вся суббо́ты что́мый. Тогда́ изво́лися Апо́столом и ста́рцем со все́ю це́рковию, избра́вше му́жа от них, посла́ти во Антиохи́ю с Па́влом и Варна́вою, Иу́ду нарица́емаго Варса́ву, и Си́лу, му́жа наро́чита в бра́тии, написа́вше рука́ма их сия́: Апо́столи и ста́рцы и бра́тия, су́щым во Антиохи́и и Сири́и и Килики́и бра́тии, и́же от язы́к, о Го́споде ра́доватися. Поне́же у́бо слы́шахом, я́ко не́цыи от нас изше́дше возмути́ша вас словесы́, развраща́юще ду́шы ва́ша, глаго́люще обре́затися и блюсти́ зако́н, и́мже мы не завеща́хом, изво́лися нам собра́вшымся единоду́шно, избра́нныя му́жы посла́ти к вам, с возлю́бленныма на́шима Варна́вою и Па́влом, челове́кома преда́вшема душа́ своя́ о и́мени Го́спода на́шего Иису́са Христа́. Посла́хом у́бо Иу́ду и Си́лу, и тех сло́вом сказу́ющих та́яжде. Изво́лися бо Свято́му Ду́ху и нам, ничто́же мно́жае возложи́ти вам тяготы́, ра́зве ну́ждных сих: огреба́тися от идоложе́ртвенных и кро́ве, и уда́вленины, и блуда́, и ели́ка не хо́щете вам бы́ти, други́м не твори́те. От ни́хже соблюда́юще себе́, до́бре сотворите́. Здра́вствуйте. Они́ же у́бо по́слани бы́вше приидо́ша во Антиохи́ю, и собра́вше наро́д, вда́ша посла́ние. Проче́тше же, возра́довашася о утеше́нии. Иу́да же и Си́ла, и та проро́ка су́ща, сло́вом мно́зем уте́шиста бра́тию и утверди́ста. Пребы́вше же та́мо вре́мя, отпуще́на бы́ста с ми́ром от бра́тий ко Апо́столом. Изво́лися же Си́ле пребы́ти та́мо, Иу́да же возврати́ся во Иерусали́м.

Деян 15:5–34

В пяток 5-я недели.

Зачало 37

Во дни о́ны, Па́вел и Варна́ва живя́ста во Антиохи́и, уча́ща и благовеству́юща сло́во Госпо́дне, и со ине́ми мно́гими. По не́ких же днех рече́ Па́вел к Варна́ве: возвра́щшеся подоба́ет посети́ти бра́тию на́шу во всех гра́дех, в ни́хже пропове́дахом сло́во Госпо́дне, ка́ко пребыва́ют. Варна́ва же восхоте́ поя́ти с собо́ю Иоа́нна нарица́емаго Ма́рка. Па́вел же глаго́лаше отсту́пльшаго от на́ю от Памфили́и и не ше́дшаго с на́ма на де́ло, на не́же положе́ни бы́хом, не поя́ти сего́ с собо́ю. Бысть у́бо ра́спря, я́ко отлучи́тися и́ма от себе́: Варна́ва у́бо пое́м Ма́рка отплы́ в Кипр. Па́вел же избра́в Си́лу изы́де пре́дан благода́ти Бо́жией от бра́тий, прохожда́ше же Сири́ю и Килики́ю, утвержда́я це́ркви.

Деян 15:35–41

В субботу 5-я недели.

Зачало 38

Во дни о́ны, бысть иду́щим апо́столом на моли́тву, отрокови́ца не́кая иму́щая дух пытли́в сре́те нас, я́же стяжа́ние мно́го дая́ше господе́м свои́м волхву́ющи. Та после́довавши Па́влу и нам, взыва́ше глаго́лющи: си́и челове́цы раби́ Бо́га Вы́шняго суть, и́же возвеща́ют нам путь спасе́ния. Се же творя́ше на мно́ги дни. Стужи́в же си Па́вел, и обра́щся, ду́хови рече́: запреща́ю ти и́менем Иису́са Христа́, изы́ди из нея́. И изы́де в том часе́. Ви́девше же госпо́дие ея́, я́ко изы́де наде́жда тяжа́ния их, пое́мше Па́вла и Си́лу, влеко́ша на торг ко князе́м. И вве́дше их к воево́дам, ре́ша: си́и челове́цы возмуща́ют град наш, иуде́е су́ще. И завещава́ют обы́чаи, я́же не досто́ит нам приима́ти, ни твори́ти, ри́мляном су́щим. И сни́деся наро́д на них, и воево́ды растерза́вше им ри́зы, веля́ху па́лицами би́ти их. Мно́ги же да́вше им ра́ны, всади́ша в темни́цу, завеща́вше темни́чному стра́жу тве́рдо стрещи́ их. И́же таково́ завеща́ние прие́м, всади́ их во вну́треннюю темни́цу, и но́ги их заби́ в кла́де. В полу́нощи же Па́вел и Си́ла моля́щася поя́ста Бо́га, послу́шаху же их ю́зницы. Внеза́пу же трус бысть ве́лий, я́ко поколеба́тися основа́нию темни́чному, отверзо́ша же ся а́бие две́ри вся, и всем ю́зы ослабе́ша. Возбу́ждься же темни́чный страж, и ви́дев отве́рсты две́ри темни́цы, извле́к нож, хотя́ше себе́ уби́ти, мня избе́гша ю́зники. Возгласи́ же гла́сом ве́лиим Па́вел, глаго́ля: ничто́же сотвори́ себе́ зла, вси бо есмы́ зде. Проси́в же свещи́, вскочи́, и тре́петен быв, припаде́ к Па́влу и Си́ле. И изве́д их вон, рече́: госпо́дие, что ми подоба́ет твори́ти, да спасу́ся? О́на же реко́ста: ве́руй в Го́спода Иису́са Христа́, и спасе́шися ты и весь дом твой. И глаго́ласта ему́ сло́во Госпо́дне, и всем и́же в дому́ его́. И пое́м я́ в той же час но́щи, измы́ от ран, и крести́ся сам и свои́ ему́ вси а́бие. Введ же я́ в дом свой, поста́ви трапе́зу, и возра́довася со всем до́мом свои́м, ве́ровав Бо́гу.

Деян 16:16–34

Неделя 6-я, о слепом.

Зачало 39

Во дни о́ны, Па́вел и Си́ла преше́дша Амфипо́ль и Аполло́нию, внидо́ста в Солу́нь, иде́же бе со́нмище Иуде́йское. По обы́чаю же своему́ Па́вел вни́де к ним и по суббо́ты три стяза́шеся с ни́ми от Писа́ний, сказу́я и предлага́я им, я́ко Христу́ подоба́ше пострада́ти и воскре́снути от ме́ртвых, и я́ко Сей Иису́с, Его́же аз пропове́даю вам, есть Христо́с. И не́цыи от них ве́роваша и приложи́шася к Па́влу и Си́ле, от чести́вых Е́ллин мно́жество мно́го и от жен благоро́дных не ма́ло. Зазре́вше же непоко́ршиися Иуде́е и прие́мше крамо́льники не́кия му́жы злы́я, и собра́вше наро́д, мо́лвяху по гра́ду, наше́дше же на дом Иассо́нов, иска́ху их извести́ к наро́ду. Не обре́тше же их, влеча́ху Иассо́на и не́кия от бра́тий ко градонача́льником, вопию́ще, я́ко и́же разврати́ша вселе́нную, си́и и зде приидо́ша, и́же прия́т Иассо́н. И си́и вси проти́вно веле́нием ке́саревым творя́т, царя́ глаго́люще ино́го бы́ти, Иису́са. Смято́ша же наро́д и градонача́льники слы́шащыя сия́. Взе́мше же дово́льное от Иассо́на и от про́чих, отпусти́ша их. Бра́тия же а́бие в нощи́ отсла́ша Па́вла и Си́лу в Бе́рию, и́же прише́дша, идо́ша в собо́р Иуде́йский. Си́и же бя́ху благоро́днейши живу́щих в Солу́не, и́же прия́ша сло́во со всем усе́рдием, по вся дни разсужда́юще Писа́ния, а́ще суть сия́ та́ко. Мно́зи у́бо от них ве́роваша, и от е́ллинских жен благообра́зных и муже́й не ма́ло. И я́ко уве́даша и́же от Солу́ня иуде́е, я́ко и в Бе́рии пропове́дася от Па́вла сло́во Бо́жие, приидо́ша и та́мо дви́жуще и смуща́юще наро́ды. А́бие же тогда́ бра́тия отпусти́ша Па́вла ити́ на помо́рие, оста́ста же Си́ла и Тимофе́й та́мо. Провожда́ющии же Па́вла ведо́ша его́ да́же до Афи́н, и прие́мше за́поведь к Си́ле и Тимофе́ю, да я́ко скоре́е прии́дут к нему́, изыдо́ша.

Деян 17:1–15

В понедельник 6-я недели.

Зачало 40 (Святому Дионисию Ареопагиту)

Во дни о́ны, во Афи́нех жду́щу Па́влу Си́лы и Тимофе́а, раздража́шеся дух его́ в нем зря́щем и́дол полн сущь град. Стяза́шеся же у́бо на со́нмищи со иуде́и и с чести́выми, и на то́ржищи по вся дни с приключа́ющимися. Не́цыи же от епику́р и от сто́ик филосо́ф стяза́хуся с ним, и не́цыи глаго́лаху: что у́бо хо́щет суесло́вивый сей глаго́лати? Ини́и же: чужди́х бого́в мни́тся пропове́дник бы́ти, я́ко Иису́са и воскресе́ние благовествова́ше им. Пое́мше же его́, ведо́ша на ареопа́г, глаго́люще: мо́жем ли разуме́ти, что но́вое сие́ глаго́лемое тобо́ю уче́ние? Стра́нна бо не́кая влага́еши во ушеса́ на́ша, хо́щем у́бо разуме́ти, что хотя́т сия́ бы́ти? Афине́и же вси и приходя́щии стра́ннии ни во что́же и́но упражня́хуся, ра́зве глаго́лати что или́ слы́шати но́вое. Став же Па́вел посреде́ ареопа́га, рече́: му́жие афине́йстии, по всему́ зрю вы а́ки благочести́выя. Проходя́ бо и согля́дая чествова́ния ва́ша, обрето́х и ка́пище, на не́мже бе напи́сано: неве́домому Бо́гу. Его́же у́бо не ве́дуще благоле́пно чтете́, Сего́ аз пропове́дую вам. Бог сотвори́вый мир и вся, я́же в нем, Сей небесе́ и земли́ Госпо́дь сый, не в рукотворе́нных хра́мех живе́т, ни от рук челове́ческих угожде́ния прие́млет, тре́буя что, Сам дая́ всем живо́т и дыха́ние и вся. Сотвори́л же есть от еди́ныя кро́ве весь язы́к челове́чь, жи́ти по всему́ лицу́ земно́му, уста́вив предучине́ная времена́ и преде́лы селе́ния их, взыска́ти Го́спода, да поне́ ося́жут Его́ и обря́щут, я́ко не дале́че от еди́наго коего́ждо нас су́ща. О Нем бо живе́м и дви́жемся и есмы́, я́коже и не́цыи от ва́ших кни́жник реко́ша: Сего́ бо и род есмы́. Род у́бо су́ще Бо́жий, не до́лжни есмы́ непщева́ти подо́бно бы́ти Божество́ зла́ту, или́ сребру́, или́ ка́меню худо́жне начерта́нну, и смышле́нию челове́чу. Ле́та у́бо неве́дения презира́я Бог, ны́не повелева́ет челове́ком всем всю́ду пока́ятися. Зане́ уста́вил есть день, во́ньже хо́щет суди́ти вселе́нней в пра́вде, о Му́же, Его́же предуста́ви, ве́ру подая́ всем, воскреси́в Его́ от ме́ртвых. Слы́шавше же воскресе́ние ме́ртвых, о́вии у́бо руга́хуся, о́вии же ре́ша: да слы́шим тя па́ки о сем. И та́ко Па́вел изы́де от среды́ их. Не́цыи же му́жие прилепи́вшеся ему́, ве́роваша, в ни́хже бе и Диони́сий Ареопаги́тский, и жена́ и́менем Да́марь, и друзи́и с ни́ми.

Деян 17:16–34

Зачало 40 (Во вторник 6-я недели)

Во дни о́ны, пое́мше Па́вла, ведо́ша на ареопа́г, глаго́люще: мо́жем ли разуме́ти, что но́вое сие́ глаго́лемое тобо́ю уче́ние? Стра́нна бо не́кая влага́еши во ушеса́ на́ша, хо́щем у́бо разуме́ти, что хотя́т сия́ бы́ти? Афине́и же вси и приходя́щии стра́ннии ни во что́же и́но упражня́хуся, ра́зве глаго́лати что или́ слы́шати но́вое. Став же Па́вел посреде́ ареопа́га, рече́: му́жие афине́йстии, по всему́ зрю вы а́ки благочести́выя. Проходя́ бо и согля́дая чествова́ния ва́ша, обрето́х и ка́пище, на не́мже бе напи́сано: неве́домому Бо́гу. Его́же у́бо не ве́дуще благоле́пно чтете́, Сего́ аз пропове́дую вам. Бог сотвори́вый мир и вся, я́же в нем, Сей небесе́ и земли́ Госпо́дь сый, не в рукотворе́нных хра́мех живе́т, ни от рук челове́ческих угожде́ния прие́млет, тре́буя что, Сам дая всем живо́т и дыха́ние и вся. Сотвори́л же есть от еди́ныя кро́ве весь язы́к челове́чь, жи́ти по всему́ лицу́ земно́му, уста́вив предучине́ная времена́ и преде́лы селе́ния их, взыска́ти Го́спода, да поне́ ося́жут Его́ и обря́щут, я́ко не дале́че от еди́наго коего́ждо нас су́ща. О Нем бо живе́м и дви́жемся и есмы́.

Деян 17:19–28

Зачало 40В (На обновление Царя града и на основание града)

Во дни о́ны, отлучи́ся Па́вел от Афи́н, прии́де в Кори́нф. И обре́те не́коего иуде́анина и́менем Аки́лу, По́нтянина ро́дом, но́во прише́дша от Итали́и, и Приски́ллу жену́ его́, зане́ повеле́л бя́ше Клавди́й отлучи́тися всем Иуде́ем от Ри́ма, прии́де к ним, и зане́ единохудо́жником бы́ти им, пребы́сть у них и де́лаше, бя́ху бо скинотво́рцы хи́тростию. Стяза́шеся же на со́нмищах по вся суббо́ты и препира́ше иуде́и и е́ллины. И я́коже снидо́ста от Македо́нии Си́ла же и Тимофе́й, тужа́ше ду́хом Па́вел, свиде́тельствуя иуде́ом Иису́са бы́ти Христа́. Проти́вящымся же им и ху́лящым, отря́с ри́зы своя́, рече́ к ним: кровь ва́ша на глава́х ва́ших, чист аз, отны́не во язы́ки иду́. И преше́д отту́ду, прии́де в дом не́коего и́менем Иу́ста, чту́ща Бо́га, ему́же хра́мина бе вскрай со́нмища. Крисп же нача́льник собо́ра ве́рова Го́сподеви со всем до́мом свои́м, и мно́зи от Кори́нфян слы́шавше ве́роваху и креща́хуся. Рече́ же Госпо́дь в виде́нии нощно́м Па́влу: не бо́йся, но глаго́ли и да не умо́лкнеши, зане́ Аз есмь с тобо́ю, и никто́же приложи́т озло́бити тя, зане́ лю́дие суть Ми мно́зи во гра́де сем. Седя́ше же та́мо ле́то и ме́сяц шесть, учя́ в них сло́ву Бо́жию.

Деян 18:1–11

Зачало 41

Во дни о́ны, сшед Па́вел в Кесари́ю, возше́д и целова́в це́рковь, сни́де во Антиохи́ю, и сотво́рь вре́мя не́кое, изы́де, проходя́ поря́ду Галати́йскую страну́ и Фриги́ю, утвержда́я вся ученики́. Иуде́анин же не́кто, Аполло́с и́менем, алекса́ндрянин ро́дом, муж слове́сен, прии́де во Ефе́с, си́лен сый в кни́гах. Сей бе оглаше́н пути́ Госпо́дню, и горя́ ду́хом, глаго́лаше и уча́ше изве́стно я́же о Го́споде, ве́дый то́кмо креще́ние Иоа́нново. Сей же нача́т дерза́ти на со́нмищах. Слы́шавша же его́ Аки́ла и Приски́лла, прия́ша его́ и изве́стнее тому́ сказа́ша путь Госпо́день. Хотя́щу же ему́ преити́ во Аха́ию, предпосла́вше бра́тия написа́ша ученико́м прия́ти его́, и́же прише́д та́мо посо́бствова мно́го ве́ровавшым благода́тию. Тве́рдо бо иуде́и не престая́ облича́ше пред людьми́, сказу́я Писа́ньми, Иису́са бы́ти Христа́.

Деян 18:22–28

В среду 6-я недели.

Зачало 42

Во дни о́ны, бысть внегда́ бы́ти Аполло́су в Кори́нфе, Па́влу же, проше́дшу вы́шния страны́, приити́ во Ефе́с, и обре́т не́кия ученики́, рече́ к ним: а́ще у́бо Дух Свят прия́ли есте́, ве́ровавше? Они́ же ре́ша к нему́: но ниже́, а́ще Дух Святы́й есть, слы́шахом. Рече́ же к ним: во что у́бо крести́стеся? Они́ же реко́ша: во Иоа́нново креще́ние. Рече́ же Па́вел: Иоа́нн у́бо крести́ креще́нием покая́ния, лю́дем глаго́ля: во Гряду́щаго по нем да ве́руют, си́речь во Христа́ Иису́са. Слы́шавше же, крести́шася во И́мя Го́спода Иису́са. И возло́жшу Па́влу на ня ру́це, прии́де Дух Святы́й на ня: глаго́лаху же язы́ки и проро́чествоваху. Бя́ше же всех муже́й я́ко двана́десять. Вшед же в со́нмище, дерза́ше, не обину́яся, три ме́сяцы бесе́дуя и уверя́я я́же о Ца́рствии Бо́жии.

Деян 19:1–8

В пяток 6-я недели.

Сие же и януариа 7, Крестителю.

Зачало 43

Во дни о́ны, во еди́ну от суббо́т, собра́вшымся ученико́м преломи́ти хлеб, Па́вел бесе́доваше к ним, хотя́ изы́ти нау́трие, простре́ же сло́во до полу́нощи. Бя́ху же свещы́ мно́ги в го́рнице, иде́же бе́хом со́брани. Седя́ же не́кто ю́ноша, и́менем Евти́х, во окне́, отягче́н сном глубо́ким, глаго́лющу Па́влу о мно́зе, прекло́нься от сна, паде́ от трекро́вника до́лу, и взя́ша его́ ме́ртва. Соше́д же Па́вел нападе́ нань, и обе́м его́ рече́: не мо́лвите, и́бо душа́ его́ в нем есть. Возше́д же и прело́мль хлеб и вкушь, дово́льно же бесе́довав да́же до зари́, и та́ко изы́де. Приведо́ша же о́трока жи́ва и уте́шишася не ма́ло.

Деян 20:7–12

В субботу 6-ю.

Зачало 44

Во дни о́ны, суди́ Па́вел ми́мо ити́ Ефе́с, я́ко да не бу́дет ему́ закосне́ти во Аси́и, тща́ше бо ся, а́ще возмо́жно бу́дет, в день Пятьдеся́тный бы́ти во Иерусали́ме. От Мили́та же посла́в во Ефе́с, призва́ пресви́теры церко́вныя. И я́коже приидо́ша к нему́, рече́ к ним: внима́йте у́бо себе́ и всему́ ста́ду, в не́мже вас Дух Святы́й поста́ви епи́скопы, пасти́ Це́рковь Го́спода и Бо́га, ю́же стяжа́ Кро́вию Свое́ю. Аз бо вем сие́, я́ко по отше́ствии мое́м вни́дут во́лцы тя́жцы в вас, не щадя́щии ста́да. И от вас саме́х воста́нут му́жие глаго́лющии развраще́ная, е́же отторга́ти ученики́ вслед себе́. Сего́ ра́ди бди́те, помина́юще, я́ко три ле́та нощь и день не престая́х уча́ со слеза́ми еди́наго кого́ждо вас. И ны́не предаю́ вас, бра́тие, Бо́гови и сло́ву благода́ти Его́, могу́щему назда́ти и да́ти вам насле́дие во освяще́нных всех. Сребра́ или́ зла́та или́ риз ни еди́наго возжела́х. Са́ми ве́сте, я́ко тре́бованию моему́ и су́щим со мно́ю послужи́сте ру́це мои́ си́и. Вся сказа́х вам, я́ко та́ко тружда́ющимся подоба́ет заступа́ти немощны́я, помина́ти же сло́во Го́спода Иису́са, я́ко Сам рече́: блаже́ннее есть па́че дая́ти, не́жели приима́ти. И сия́ рек, прекло́нь коле́на своя́, со все́ми и́ми помоли́ся.

Деян 20:16–18; 28–36

Неделя 7-я, святых отец.

Зачало 45

Во дни о́ны, изше́дше Па́вел и и́же с ним, приидо́хом в Кесари́ю, и вше́дше в дом Фили́ппа благове́стника, су́ща от седми́ диа́кон, пребы́хом у него́. Сего́ же бя́ху дще́ри деви́цы четы́ри прорица́ющыя. Пребыва́ющым же нам та́мо дни мно́ги, сни́де не́кто от Иуде́и проро́к, и́менем Ага́в, и прише́д к нам и взем по́яс Па́влов, связа́в же свои́ ру́це и но́зе, рече́: та́ко глаго́лет Дух Святы́й, му́жа, его́же есть по́яс сей, та́ко свя́жут его́ во Иерусали́ме иуде́е и предадя́т в ру́це язы́ков. И я́коже слы́шахом сия́, моли́хом мы же и наме́стнии, не восходи́ти ему́ во Иерусали́м. Отвеща́в же Па́вел и рече́: что творите́, пла́чуще и сокруша́юще ми се́рдце? Аз бо не то́чию свя́зан бы́ти хощу́, но и умре́ти во Иерусали́ме гото́в есмь за и́мя Го́спода Иису́са. Не повину́ющуся же ему́, умолча́хом, ре́кше: во́ля Госпо́дня да бу́дет.

Деян 21:8–14

В понедельник 7-я недели.

Зачало 46

Во дни о́ны, пое́м Па́вел му́жы о́ны, нау́трие с ни́ми очи́щься вни́де во святи́лище, возвеща́я исполне́ние дней очище́ния, до́ндеже принесено́ бысть за еди́наго коего́ждо их приноше́ние. И я́коже хотя́ху седмь дний сконча́тися, и́же от Аси́и иуде́и, ви́девше его́ во святи́лищи, нава́диша весь наро́д и возложи́ша нань ру́це, вопию́ще: му́жие изра́ильстии, помози́те, сей есть челове́к, и́же на лю́ди и зако́н и на ме́сто сие́ всех всю́ду учи́т, еще́ же и е́ллины введе́ в це́рковь и оскверни́ свято́е ме́сто сие́. Бя́ху бо ви́дели Трофи́ма Ефе́сянина во гра́де с ним, его́же мня́ху, я́ко в це́рковь ввел есть Па́вел. Подви́жеся же град весь, и бысть стече́ние лю́дем, и е́мше Па́вла, влеча́ху его́ вон из це́ркве, и а́бие затвори́шася две́ри. И́щущым же им уби́ти его́, взы́де весть к ты́сящнику спи́ры, я́ко весь возмути́ся Иерусали́м. Он же а́бие пои́м во́ины и со́тники, притече́ на ня, они́ же ви́девше ты́сящника и во́ины, преста́ша би́ти Па́вла.

Деян 21:26–32

Во вторник 7-я недели.

Зачало 47

Во дни о́ны, воззре́в Па́вел на сонм, рече́: му́жие бра́тие, аз все́ю со́вестию благо́ю жи́тельствовах пред Бо́гом да́же до сего́ дне. Архиере́й же Ана́ниа повеле́ предстоя́щым ему́ би́ти его́ уста́. Тогда́ Па́вел рече́ к нему́: би́ти тя и́мать Бог, стено́ пова́пленая, и ты седи́ши судя́ ми по зако́ну, преступа́я же зако́н вели́ши, да бию́т мя. Предстоя́щии же ре́ша: архиере́ю ли Бо́жию досажда́еши? Рече́ же Па́вел: не ве́дах, бра́тие, я́ко архиере́й есть. Пи́сано бо есть: кня́зю люде́й твои́х да не рече́ши зла. Разуме́в же Па́вел, я́ко еди́на часть есть саддуке́й, друга́я же фарисе́й, воззва́ в со́нмищи: му́жие бра́тие, аз фарисе́й есмь, сын фарисе́ов, о упова́нии и о воскресе́нии ме́ртвых аз суд прие́млю. Се же ему́ ре́кшу, бысть ра́спря между́ саддуке́и и фарисе́и, и раздели́ся наро́д. Саддуке́и бо глаго́лют не бы́ти воскресе́ния, ни А́нгела, ни ду́ха, фарисе́и же испове́дуют обоя́. Бысть же кличь вели́к, и воста́вше кни́жницы ча́сти фарисе́йския пря́хуся между́ собо́ю, глаго́люще: ни еди́но зло обрета́ем в челове́це сем, а́ще же дух глаго́ла ему́ или́ А́нгел, не проти́вимся Бо́гу. Мно́зе же бы́вшей ра́спре, боя́ся ты́сящник, да не растерза́н бу́дет Па́вел от них, повеле́ во́ином сни́ти и восхи́тити его́ от среды́ их и вести́ его́ в полк. В наста́вшую же нощь предста́в ему́ Госпо́дь, рече́: дерза́й, Па́вле, я́коже бо свиде́тельствовал еси́ я́же о Мне во Иерусали́ме, си́це ти подоба́ет и в Ри́ме свиде́тельствовати.

Деян 23:1–11

В среду 7-я недели.

Зачало 48

Во дни о́ны, Агри́ппа царь и Верники́а снидо́ста в Кесари́ю целова́ти Фи́ста. И я́коже мно́ги дни пребы́ста ту, Фист сказа́ царю́ я́же о Па́вле, глаго́ля: муж не́кий есть оста́влен от Фи́ликса у́зник, о не́мже, бы́вшу ми во Иерусали́ме, яви́ша архиере́е и ста́рцы Иуде́йстии, прося́ще нань суда́. К ни́мже отвеща́х, я́ко несть обы́чай ри́мляном вы́дати челове́ка ко́его на поги́бель, пре́жде да́же оклевета́емый не и́мать пред лице́м клеве́щущих его́ и ме́сто отве́та прии́мет о свое́м согреше́нии. Сше́дшымся же им зде, закосне́ние ни еди́но сотво́рь, нау́трие сед на суди́щи, повеле́х привести́ му́жа. О́крест же его́ ста́вше клеветницы́, ни еди́ну вину́, я́же аз непщева́х, нанесо́ша. Стяза́ния же не́кая о свое́й разли́чней ве́ре имя́ху к нему́ и о не́коем Иису́се уме́ршем, Его́же глаго́лаше Па́вел жи́ва бы́ти.

Деян 25:13–19

В четверток 7-я недели.

Зачало 49

Во дни о́ны, Агри́ппа к Па́влу рече́: повелева́ется ти о себе́ самому́ глаго́лати. Тогда́ Па́вел просте́р ру́ку отвещава́ше: о всех, о ни́хже оклевета́емь есмь от Иуде́й, царю́ Агри́ппо, непщу́ю себе́ блаже́нна бы́ти, я́ко пред тобо́ю отвеща́ти днесь и́мам, па́че же ве́дца тя су́ща све́дый всех иуде́йских обы́чаев и взыска́ний. Те́мже молю́ся ти долготерпели́вно послу́шати мене́. Житие́ у́бо мое́ е́же от ю́ности, испе́рва бы́вшее во язы́це мое́м во Иерусали́ме, ве́дят вси Иуде́е, ве́дяще мя испе́рва, а́ще хотя́т свиде́тельствовати, я́ко по изве́стней е́реси на́шея ве́ры жих фарисе́й. В ни́хже иды́й в Дама́ск со вла́стию и повеле́нием, е́же от архиере́й, в полу́дни на пути́ ви́дех, царю́, с небесе́ па́че сия́ния со́лнечнаго осия́вший мя свет и со мно́ю иду́щих. Всем же па́дшым нам на зе́млю, слы́шах глас глаго́лющь ко мне и веща́ющь евре́йским язы́ком: Са́вле, Са́вле, что Мя го́ниши? Же́стоко ти есть проти́ву рожна́ пра́ти. Аз же рех: кто еси́, Го́споди? Он же рече́: Аз есмь Иису́с, Его́же ты го́ниши, но воста́ни и ста́ни на ногу́ твое́ю, на се бо яви́хся ти, сотвори́ти тя слугу́ и свиде́теля, я́же ви́дел еси́ и я́же явлю́ тебе́, изима́я тя от люде́й иуде́йских и от язы́к, к ни́мже Аз тя послю́, отве́рсти о́чи их, да обратя́тся от тмы в свет и от о́бласти сатанины́ к Бо́гу, е́же прия́ти им оставле́ние грехо́в и достоя́ние во святы́х ве́рою, я́же в Мя. Те́мже, царю́ Агри́ппо, не бых проти́вен небе́сному виде́нию, но су́щым в Дама́сце пре́жде и во Иерусали́ме, и во вся́кой стране́ иуде́йстей и язы́ком пропове́дую пока́ятися и обрати́тися к Бо́гу, досто́йна покая́нию дела́ творя́ще.

Деян 26:1–5; 12–20

Маиа в 21, царю Константину.

Зачало 50 (В пяток 7-я недели)

Во дни о́ны, я́коже су́ждено бысть отплы́ти нам во Итали́ю, преда́ху Па́вла же и ины́я не́кия ю́зники со́тнику, и́менем Иу́лию, спи́ры Севасти́йския. Вше́дше же в кора́бль Адрами́тский, восхоте́вше плы́ти во Аси́йская ме́ста, отвезо́хомся, су́щу с на́ми Ариста́рху Македо́нянину от Солу́ня. В други́й же приста́хом в Сидо́не: человеколю́бие же Иу́лий Па́влови де́я, повеле́ к друго́м ше́дшу прилежа́ние улучи́ти. И отту́ду отве́зшеся приплы́хом в Кипр, зане́ ве́три бя́ху проти́вни, пучи́ну же Килики́йскую и Памфили́йскую преплы́вше, приидо́хом в Ми́ры Лики́йския. И та́мо обре́т со́тник кора́бль Александри́йский плову́щь во Итали́ю, всади́ ны вонь. Во мно́ги же дни ко́сно пла́вающе и едва́ бы́вше в Кни́де, не оставля́ющу нас ве́тру, приплы́хом под Крит при Салмо́не. Едва́ же избира́юще край, приидо́хом на ме́сто не́кое, нарица́емое До́брое Приста́нище, ему́же близ бе град Ласе́й. Мно́гу же вре́мени мину́вшу и су́щу уже́ небезбе́дну пла́ванию, зане́же и пост уже́ бе преше́л, сове́товаше Па́вел, глаго́ля им: му́жие, ви́жу, я́ко с досажде́нием и мно́гою тщето́ю не то́кмо бре́мене и корабля́, но и душ на́ших хо́щет бы́ти пла́вание. Со́тник же ко́рмчия и навкли́ра послу́шаше па́че, не́жели Па́влом глаго́лемых. Не добру́ же приста́нищу су́щу ко озиме́нию, мно́зи сове́т дая́ху отвезти́ся отту́ду, а́ще ка́ко возмо́гут, дости́гше Финики́и, озиме́ти в приста́нищи Кри́тстем, зря́щем к ли́ву и к хо́ру. Дхну́вшу же ю́гу, мне́вше во́лю свою́ улучи́ти, воздви́гше ве́трила, плы́ху вскрай Кри́та. Не по мно́зе же возве́я проти́вен ему́ ветр бу́рен, нарица́емый еврокли́дон. Восхище́ну же бы́вшу кораблю́ и не могу́щу сопроти́витися ве́тру, вда́вшеся волна́м носи́ми бе́хом. О́стров же не́кий мимоте́кше, нарица́ющься Клавди́й, едва́ возмого́хом удержа́ти ладию́, ю́же востя́гше, вся́ким о́бразом помога́ху, подтвержда́юще кора́бль, боя́щеся же, да не в сирть впаду́т, низпусти́вше па́рус, си́це носи́ми бе́ху. Вельми́ же обурева́емым нам, нау́трие измета́ние творя́ху, и в тре́тий день свои́ми рука́ми я́дрило кора́бленое изверго́хом. Ни со́лнцу же, ни звезда́м я́вльшымся на мно́ги дни, и зиме́ не ма́ле належа́щи, про́чее отима́шеся наде́жда вся, е́же спасти́ся нам. Мно́гу же неяде́нию су́щу, тогда́ став Па́вел посреде́ их, рече́: подоба́ше у́бо, о му́жие, послу́шавше мене́, не отвезти́ся от Кри́та и избы́ти досажде́ния сего́ и тщеты́. И се ны́не молю́ вы благоду́шствовати, поги́бель бо ни еди́ной души́ от вас бу́дет, ра́зве корабля́. Предста́ бо ми в сию́ нощь, Его́же аз есмь, Ему́же и служу́, А́нгел Бо́жий глаго́ля: не бо́йся, Па́вле, ке́сарю ти подоба́ет предста́ти, и се дарова́ тебе́ Бог вся пла́вающыя с тобо́ю. Те́мже дерза́йте, му́жие, ве́рую бо Бо́гови, я́ко та́ко бу́дет, и́мже о́бразом рече́но ми бысть: во о́стров же не́кий подоба́ет нам приста́ти. И я́коже четвертаяна́десять нощь бысть, носи́мым нам во Адриа́тской пучи́не, в полу́нощи непщева́ху кора́бленицы приближа́тися им к не́коей стране́, и изме́ривше глубину́ обрето́ша саже́ней два́десять. Ма́ло же преше́дше и па́ки изме́ривше, обрето́ша саже́ней пятьна́десять. Боя́щеся же, да не ка́ко в пру́дная ме́ста впаду́т, от но́са корабля́ ве́ргше ко́твы четы́ре, моля́хомся, да день бу́дет. Кора́блеником же и́щущым бежа́ти из корабля́ и низве́сившым ладию́ в мо́ре, изве́том а́ки от но́са хотя́щым ко́твы просте́рти, рече́ Па́вел со́тнику и во́ином: а́ще не си́и пребу́дут в корабли́, вы спасти́ся не мо́жете. Тогда́ во́ини отре́заша у́жя ладии́ и оста́виша ю́ отпа́сти. Егда́ же у́бо хотя́ше день бы́ти, моля́ше Па́вел вся прия́ти пи́щу, глаго́ля: четыренадеся́тый днесь день ча́юще, не я́дше пребыва́ете, ничто́же вкуси́вше. Те́мже молю́ вас прия́ти пи́щу, се бо к ва́шему спасе́нию есть, ни еди́ному бо от вас влас главы́ отпаде́т. Рек же сия́ и прие́м хлеб, благодари́ Бо́га пред все́ми и прело́мль нача́т я́сти. Благонаде́жни же бы́вше вси, и ти́и прия́ша пи́щу. Бе же в корабли́ всех душ две́сте се́дмьдесят и шесть. Насы́щшеся же бра́шна, облегчи́ша кора́бль, измета́юще пшени́цу в мо́ре. Егда́ же день бысть, земли́ не познава́ху, не́дро же не́кое смотря́ху иму́щее песо́к, на не́же совеща́ша, а́ще мо́щно есть, извлещи́ кора́бль. И ко́твы собра́вше, везя́хуся по мо́рю, и ку́пно осла́бивше у́жя корми́лом, и воздви́гше ма́лое ве́трило к ды́шущему ве́трецу, везо́хомся на край. Впа́дше же в ме́сто исо́пное, увязи́ша кора́бль, и нос у́бо увя́зший пребы́сть недви́жимь, корми́ло же разбива́шеся от ну́жды волн. Во́ином же сове́т бысть, да у́зники убию́т, да не кто поплы́в избе́гнет. Со́тник же, хотя́ соблюсти́ Па́вла, возбрани́ сове́ту их, повеле́ же могу́щым пла́вати, да изскочи́вше пе́рвее изы́ти на край, а про́чии, о́ви у́бо на дщи́цах, о́ви же на не́чем от корабля́. И та́ко бысть всем спасти́ся на зе́млю.

Деян 27:1–44

Зачало 51 (В субботу 7-ю)

Во дни о́ны, спасе́ни бы́вше и́же о Па́вле от корабля́, тогда́ разуме́ша, я́ко о́стров Мели́т нарица́ется. Ва́рвари же творя́ху не ма́лое милосе́рдие нам: возгне́щше бо огнь, прия́ша всех нас, за настоя́щий дождь и зи́му. Сграма́ждшу же Па́влу ро́ждия мно́жество, и возло́жшу на огнь, ехи́дна от теплоты́ изше́дши, секну́ в ру́ку его́. И я́коже ви́деша ва́рвари ви́сящу змию́ от руки́ его́, глаго́лаху друг ко дру́гу: вся́ко уби́йца есть челове́к сей, его́же спасе́на от мо́ря суд Бо́жий жи́ти не оста́ви. Той же у́бо, оттря́с змию́ во огнь, ничто́же зло пострада́. Они́ же ча́яху его́ хотя́ща возгоре́тися, или́ па́сти внеза́пу ме́ртва, на мно́зе же того́ ча́ющим, и ничто́же зло в нем бы́вше ви́дящим, претво́ршеся, глаго́лаху Бо́га того́ бы́ти. О́крест же ме́ста о́наго бя́ху се́ла пе́рваго во о́строве, и́менем Попли́а, и́же прии́м нас, три дни любе́зне учреди́. Бысть же отцу́ Попли́еву огне́м и водны́м трудо́м одержи́му лежа́ти, к нему́же Па́вел вшед, и помоли́вся, и возло́ж ру́це свои́ нань, исцели́ его́. Сему́ же бы́вшу, и про́чии иму́щии неду́ги во о́строве том, прихожда́ху и исцелева́хуся. И́же и мно́гими честьми́ почто́ша нас, и отвозя́щимся нам, я́же на потре́бу вложи́ша. По трех же ме́сяцех отвезо́хомся в корабли́ александри́йстем, подпи́саном Диоску́ры, презиме́вшем во о́строве. И доплы́вше в Сираку́сы, пребы́хом дни три. Отту́ду же отплы́вше, приидо́хом в риги́ю, и по еди́ном дни возве́явшу ю́гу, во вторы́й день приидо́хом в Потио́лы. Иде́же обре́тше бра́тию, умоле́ни бы́хом от них пребы́ти дней седмь, и та́ко в Рим идо́хом. И от та́мо бра́тия, слы́шавше я́же о нас, изыдо́ша во сре́тение на́ше да́же до Аппи́ева торга́, и трие́х корче́мниц, и́хже ви́дев Па́вел и благодари́в Бо́га, прия́т дерзнове́ние. Егда́ же приидо́хом в Рим, со́тник предаде́ у́зники воево́де, Па́влу же повеле́ пребыва́ти осо́бь, соблюда́ющим его́ во́ином. Бысть же по днех трех, созва́ти Па́влу су́щия от иуде́ев пе́рвыя, сше́дшимся же им, глаго́лаше к ним: му́жие бра́тие, аз ничто́же проти́вно сотво́рь лю́дем или́ обы́чаем оте́ческим, у́зник от иерусали́млян пре́дан бых в ру́це ри́мляном. И́же разсуди́вше я́же о мне, хотя́ху пусти́ти, зане́ ни еди́ней вине́ сме́ртней бы́ти во мне. Сопроти́в же глаго́лющым иуде́ем, ну́жда ми бысть нарещи́ ке́саря, не я́ко язы́к мой име́я в чесо́м оклевета́ти. Сея́ ра́ди у́бо вины́ умоли́х вас ви́дети и бесе́довати, наде́жды бо ра́ди изра́илевы вери́гами си́ми обложе́н есмь. Они́ же к нему́ ре́ша: мы ниже́ писа́ния о тебе́ прия́хом от иуде́й, ниже́ прише́д кто от бра́тий возвести́ или́ глаго́ла что о тебе́ зло. Мо́лимся же от тебе́ слы́шати, я́же му́дрствуеши, о е́реси бо сей ве́домо есть нам, я́ко всю́ду сопроти́в глаго́лема есть. Уста́вивше же ему́ день, приидо́ша к нему́ в странноприе́мницу мно́жайшии, и́мже сказа́ше свиде́тельствуя Ца́рствие Бо́жие, и уверя́я их, я́же о Иису́се от зако́на Моисе́ова и проро́к, от у́тра да́же до ве́чера. И о́ви у́бо ве́роваху глаго́лемым, о́ви же не ве́роваху. Несогла́сни же су́ще друг ко дру́гу отхожда́ху, ре́кшу Па́влу глаго́л еди́н, я́ко до́бре Дух Святы́й глаго́ла Иса́ием проро́ком ко отце́м на́шим, глаго́ля: иди́ к лю́дем сим и рцы: слу́хом услы́шите, и не и́мате разуме́ти, и ви́дяще у́зрите, и не и́мате ви́дети. Одебеле́ бо се́рдце люде́й сих, и уши́ма тя́жко слы́шаша, и о́чи свои́ смежи́ша, да не ка́ко уви́дят очи́ма, и уши́ма услы́шат, и се́рдцем уразуме́ют, и обратя́тся, и исцелю́ их. Ве́домо у́бо да бу́дет вам, я́ко язы́ком посла́ся спасе́ние Бо́жие, си́и и услы́шат. И сия́ тому́ ре́кшу, отидо́ша иуде́и, мно́гое иму́ще между́ собо́ю состяза́ние. Пребы́сть же Па́вел два ле́та испо́лнь свое́ю мздо́ю, и приима́ше вся приходя́щия к нему́, пропове́дуя Ца́рствие Бо́жие и уча́ я́же о Го́споде на́шем Иису́се Христе́ со вся́ким дерзнове́нием невозбра́нно.

Деян 28:1–31

СОБОРНОЕ ПОСЛАНИЕ ИАКОВЛЕ

Зачало 50 (В среду 31-я недели)

Иа́ков, Бо́гу и Го́споду Иису́су Христу́ раб, обемана́десяте коле́нома, и́же в разсе́янии, ра́доватися. Вся́ку ра́дость име́йте, бра́тие моя́, егда́ во искуше́ния впа́даете разли́чна, ве́дяще, я́ко искуше́ние ва́шея ве́ры соде́ловает терпе́ние, терпе́ние же де́ло соверше́нно да и́мать, я́ко да бу́дете соверше́нни и всеце́ли, ни в чем же лише́ни. А́ще же кто от вас лише́н есть прему́дрости, да про́сит от даю́щаго Бо́га всем вку́пе и не поноша́ющаго, и да́стся ему́. Да про́сит же ве́рою, ничто́же сумня́ся, сумня́й бо ся уподо́бися волне́нию морско́му, ве́тры возмета́ему и развева́ему. Да не мнит бо челове́к он, я́ко прии́мет что от Бо́га. Муж двоеду́шен неустро́ен во всех путе́х свои́х. Да хва́лится же брат смире́нный в высоте́ свое́й, бога́тый же во смире́нии свое́м, зане́ я́коже цвет травны́й мимои́дет. Возсия́ бо со́лнце со зно́ем, и изсуши́ траву́, и цвет ея́ отпаде́, и благоле́пие ли́ца ея́ поги́бе: си́це и бога́тый в хожде́нии свое́м увяда́ет. Блаже́н муж, и́же претерпи́т искуше́ние, зане́ иску́сен быв, прии́мет вене́ц жи́зни, его́же обеща́ Бог лю́бящым Его́. Никто́же искуша́емь да глаго́лет, я́ко от Бо́га искуша́емь есмь: Бог бо несть искуси́тель злым, не искуша́ет же Той ни кого́же, ко́ждо же искуша́ется, от своея́ по́хоти влеко́мь и прельща́емь. Та́же по́хоть заче́нши ражда́ет грех, грех же соде́ян ражда́ет смерть. Не льсти́теся, бра́тие моя́ возлю́бленная: вся́ко дая́ние бла́го и всяк дар соверше́н свы́ше есть, сходя́й от Отца́ све́тов, у Него́же несть премене́ние, или́ преложе́ния стень. Восхоте́в бо породи́ нас сло́вом и́стины, во е́же бы́ти нам нача́ток не́кий созда́нием Его́.

Иак 1:1–18

Зачало 51 (В четверток 31-я недели)

Бра́тие моя́ возлю́бленная, да бу́дет всяк челове́к скор услы́шати и ко́сен глаго́лати, ко́сен во гнев, гнев бо му́жа, пра́вды Бо́жия не соде́ловает. Сего́ ра́ди отло́жше вся́ку скве́рну и избы́ток зло́бы, в кро́тости приими́те всажде́нное сло́во, могу́щее спасти́ ду́шы ва́ша. Быва́йте же творцы́ сло́ва, а не то́чию слы́шатели, прельща́юще себе́ саме́х. Зане́ а́ще кто есть слы́шатель сло́ва, а не творе́ц, таковы́й уподо́бися му́жу смотря́ющу лице́ бытия́ своего́ в зерца́ле: усмотри́ бо себе́ и оты́де, и а́бие забы́, како́в бе. Прини́кий же в зако́н соверше́н свобо́ды, и пребы́в, сей не слы́шатель забы́тлив быв, но творе́ц де́ла, сей блаже́н в де́лании свое́м бу́дет. А́ще кто мни́тся ве́рен бы́ти в вас, и не обуздова́ет язы́ка своего́, но льстит се́рдце свое́, сего́ су́етна есть ве́ра. Ве́ра бо чиста́ и нескве́рна пред Бо́гом и Отце́м сия́ есть, е́же посеща́ти си́рых и вдови́ц в ско́рбех их, и нескве́рна себе́ блюсти́ от ми́ра.

Иак 1:19–27

Зачало 52

Бра́тие, не на лица́ зря́ще име́йте ве́ру Го́спода на́шего Иису́са Христа́ сла́вы. А́ще бо вни́дет в со́нмище ва́ше муж, злат пе́рстень нося́, в ри́зе све́тле, вни́дет же и нищь в ху́де оде́жде, и воззрите́ на нося́щаго ри́зу све́тлу, и рече́те ему́: ты ся́ди зде до́бре; и ни́щему рече́те: ты ста́ни та́мо, или́ ся́ди зде на подно́жии мое́м; и не разсмотри́сте в себе́, и бы́сте судии́ помышле́ний злых. Слы́шите, бра́тие моя́ возлю́бленная, не Бог ли избра́ ни́щыя ми́ра сего́ бога́ты в ве́ре и насле́дники Ца́рствия, е́же обеща́ лю́бящым Его́? Вы же укори́сте ни́щаго. Не бога́тии ли наси́луют вам, и ти́и влеку́т вы на суди́ща? Не ти́и ли ху́лят до́брое и́мя нарече́нное на вас? А́ще у́бо зако́н соверша́ете ца́рский, по Писа́нию: возлю́биши и́скренняго своего́ я́коже себе́ сама́го, до́бре творите́. А́ще же на лица́ зрите́, то грех содева́ете, облича́еми от зако́на я́коже престу́пницы. И́же бо весь зако́н соблюде́т, согреши́т же во еди́ном, бысть всем пови́нен. Реки́й бо, не прелюбы́ сотвори́ши, рекл есть, и не убие́ши. А́ще же не прелюбы́ сотвори́ши, убие́ши же, был еси́ престу́пник зако́на. Та́ко глаго́лите и та́ко твори́те, я́ко зако́ном свобо́дным хотя́ще суд прия́ти. Суд бо без ми́лости не сотво́ршему ми́лости, и хва́лится ми́лость на суде́.

Иак 2:1–13

В пяток 31-я недели.

Зачало 53

Бра́тие, ка́я по́льза есть, а́ще ве́ру глаго́лет кто име́ти, дел же не и́мать? Еда́ мо́жет ве́ра спасти́ его́? А́ще же брат или́ сестра́ на́га бу́дета и лише́на бу́дета дневны́я пи́щи, рече́т же и́ма кто от вас: иди́та с ми́ром, гре́йтася и насыща́йтася? Не даст же и́ма тре́бования теле́снаго, ка́я по́льза? Та́кожде и ве́ра, а́ще дел не и́мать, мертва́ есть о себе́. Но рече́т кто: ты ве́ру и́маши, аз же дела́ и́мам. Покажи́ ми ве́ру твою́ от дел твои́х, и аз тебе́ покажу́ от дел мои́х ве́ру мою́. Ты ве́руеши, я́ко Бог еди́н есть, до́бре твори́ши, и бе́си ве́руют, и трепе́щут. Хо́щеши же ли разуме́ти, о челове́че су́етне, я́ко ве́ра без дел мертва́ есть? Авраа́м оте́ц наш не от дел ли оправда́ся, возне́с Исаа́ка сы́на своего́ на же́ртвенник? Ви́диши ли, я́ко ве́ра поспе́шествоваше дело́м его́, и от дел соверши́ся ве́ра? И соверши́ся Писа́ние глаго́лющее: ве́рова же Авраа́м Бо́гови, и вмени́ся ему́ в пра́вду, и друг Бо́жий нарече́ся. Зрите́ ли у́бо, я́ко от дел оправда́ется челове́к, а не от ве́ры еди́ныя? Та́кожде же и Раа́в блудни́ца не от дел ли оправда́ся, прие́мши схо́дники и ины́м путе́м изве́дши их? Я́коже бо те́ло без ду́ха мертво́ есть, та́ко и ве́ра без дел мертва́ есть.

Иак 2:14–26

В понедельник 32-я недели.

Зачало 54

Бра́тие, не мно́зи учи́телибыва́йте, ве́дяще, я́ко бо́льшее осужде́ние прии́мем, мно́го бо согреша́ем вси. А́ще кто в сло́ве не согреша́ет, сей соверше́н муж, си́лен обузда́ти и все те́ло. Се бо и ко́нем узды́ во уста́ влага́ем, да повину́ются нам, и все те́ло их обраща́ем. Се и корабли́ вели́цы су́ще и от жесто́ких ве́тров заточа́еми, обраща́ются ма́лым корми́льцем, а́може стремле́ние пра́вящаго хо́щет. Та́кожде же и язы́к мал уд есть, и вельми́ хва́лится. Се мал огнь, и коль вели́ки ве́щи сожига́ет. И язы́к огнь, ле́пота непра́вды: си́це и язы́к водворя́ется во у́дех на́ших, скверня́ все те́ло, и паля́ ко́ло рожде́ния на́шего, и опаля́яся от гее́нны. Вся́ко бо естество́ звере́й же и птиц, гад же и рыб, укроча́ется и укроти́тся естество́м челове́ческим, язы́ка же никто́же мо́жет от челове́к укроти́ти, не удержи́мо бо зло, испо́лнь я́да смертоно́сна. Тем благословля́ем Бо́га и Отца́, и тем клене́м челове́ки бы́вшыя по подо́бию Бо́жию, от тех же уст исхо́дит благослове́ние и кля́тва. Не подоба́ет, бра́тие моя́ возлю́бленная, сим та́ко быва́ти.

Иак 3:1–10

Во вторник 32-я недели.

Зачало 55

Бра́тие, еда́ исто́чник от еди́наго у́стия источа́ет сла́дкое и го́рькое? Еда́ мо́жет, бра́тие моя́, смоко́вница ма́слины твори́ти, или́ виногра́дная лоза́ смо́квы? Та́кожде ни еди́н исто́чник сла́ну и сла́дку твори́т во́ду. Кто прему́др и худо́г в вас, да пока́жет от до́браго жития́ дела́ своя́ в кро́тости и прему́дрости. А́ще же за́висть го́рьку и́мате и рве́ние в сердца́х ва́ших, не хвали́теся, ни лжи́те на и́стину. Несть сия́ прему́дрость свы́ше низходя́щи, но зе́мна, душе́вна, бесо́вска. Иде́же бо за́висть и рве́ние, ту нестрое́ние и вся́ка зла вещь. А я́же свы́ше прему́дрость, пе́рвее у́бо чиста́ есть, пото́м же ми́рна, кротка́, благопокорли́ва, испо́лнь ми́лости и плодо́в благи́х, несумне́нна и нелицеме́рна. Плод же пра́вды в ми́ре се́ется творя́щым мир. Отку́ду бра́ни и сва́ры в вас? Не отсю́ду ли, от сласте́й ва́ших, вою́ющих во у́дех ва́ших? Жела́ете и не и́мате, убива́ете и зави́дите, и не мо́жете улучи́ти, сваря́етеся и бо́рете, и не и́мате, зане́ не про́сите. Про́сите и не прие́млете, зане́ зле про́сите, да в сласте́х ва́ших иждиве́те. Прелюбоде́и и прелюбоде́йцы, не ве́сте ли, я́ко любы́ ми́ра сего́ вражда́ Бо́гу есть, и́же бо восхо́щет друг бы́ти ми́ру, враг Бо́жии быва́ет. Или́ мните́, я́ко всу́е Писа́ние глаго́лет, к за́висти жела́ет дух, и́же всели́ся в ны? Бо́льшую же дае́т благода́ть. Те́мже глаго́лет: Госпо́дь го́рдым проти́вится, смире́нным же дае́т благода́ть.

Иак 3:11–4:6

В среду 32-я недели.

Зачало 56

Возлю́бленнии, повини́теся Бо́гу, проти́витеся же диа́волу, и бежи́т от вас. Прибли́житеся Бо́гу, и прибли́жится вам; очи́стите ру́це, гре́шницы, испра́вите сердца́ ва́ша, двоеду́шнии. Постражди́те и слези́те и пла́читеся, смех ваш в плачь да обрати́тся, и ра́дость в се́тование. Смири́теся пред Го́сподем, и вознесе́т вы. Не оклевета́йте друг дру́га, бра́тие, оклевета́яй бо бра́та, или́ осужда́яй бра́та своего́, оклевета́ет зако́н и осужда́ет зако́н. А́ще ли зако́н осужда́еши, не́си творе́ц зако́на, но судия́. Еди́н есть Законополо́жник и Судия́, моги́й спасти́ и погуби́ти, ты же кто еси́ осужда́яй дру́га? Слы́шите ны́не, глаго́лющии: днесь или́ у́тре по́йдем во он град, и сотвори́м ту ле́то еди́но, и ку́плю де́ем и приобре́тение. И́же не ве́сте, что у́тре случи́тся. Ка́я бо жизнь ва́ша, па́ра бо есть, я́же вма́ле явля́ется, пото́м же исчеза́ет. Вме́сто е́же бы глаго́лати вам: а́ще Госпо́дь восхо́щет, и жи́ви бу́дем, и сотвори́м сие́ или́ о́но. Ны́не же хва́литеся в горды́нях ва́ших: вся́ка хвала́ такова́ зла есть. Ве́дущему у́бо добро́ твори́ти, и не творя́щему, грех ему́ есть. Прииди́те ны́не, бога́тии, пла́читеся и рыда́йте о лю́тых ско́рбех ва́ших гряду́щих на вы. Бога́тство ва́ше изгни́, и ри́зы ва́ша мо́лие поядо́ша. Зла́то ва́ше и сребро́ изоржа́ве, и ржа их в послушество́ на вас бу́дет, и снесть пло́ти ва́ша а́ки огнь, его́же сниска́сте в после́дния дни. Се мзда де́лателей де́лавших ни́вы ва́ша, удержа́ная от вас, вопие́т, и вопие́ния жа́вших во у́ши Го́спода Савао́фа внидо́ша. Возвесели́стеся на земли́, и наслади́стеся, упита́сте сердца́ ва́ша а́ки в день заколе́ния. Осуди́сте, уби́сте Пра́веднаго, не проти́вится вам. Долготерпи́те у́бо, бра́тие моя́, до прише́ствия Госпо́дня. Се земледе́лец ждет честна́го плода́ от земли́, долготерпя́ о нем, до́ндеже прии́мет дождь ран и по́зден. Долготерпи́те у́бо и вы, утверди́те сердца́ ва́ша, я́ко прише́ствие Госпо́дне прибли́жися. Не воздыха́йте друг на дру́га, бра́тие, да не осужде́ни бу́дете; се Судия́ пред две́рьми стои́т.

Иак 4:7–5:9

В четверток 32-я недели.

Зачало 57 (Иулиа 20, пророку Илии. И о бездождии)

Бра́тие, о́браз приими́те злострада́ния и долготерпе́ния, проро́ки, и́же глаго́лаша и́менем Госпо́дним. Се блажи́м терпя́щыя. Терпе́ние И́овле слы́шасте и кончи́ну Госпо́дню ви́десте, я́ко многоми́лостив есть Госпо́дь и щедр. Пре́жде же всех, бра́тие моя́, не клени́теся ни не́бом, ни земле́ю, ни ино́ю ко́ею кля́твою, бу́ди же вам е́же ей, ей, и е́же ни, ни, да не в лицеме́рие впаде́те. Злостра́ждет ли кто в вас, да моли́тву де́ет; благоду́шствует ли кто, да пое́т. Боли́т ли кто в вас, да призове́т пресви́теры Церко́вныя, и да моли́тву сотворя́т над ним, пома́завше его́ еле́ем во и́мя Госпо́дне, и моли́тва ве́ры спасе́т боля́щаго, и воздви́гнет его́ Госпо́дь, и а́ще грехи́ бу́дет сотвори́л, отпу́стятся ему́. Испове́дайте у́бо друг дру́гу согреше́ния и моли́теся друг за дру́га, я́ко да исцеле́ете: мно́го бо мо́жет моли́тва пра́веднаго поспешеству́ема. Илиа́ челове́к бе подобостра́стен нам, и моли́твою помоли́ся, да не бу́дет дождь, и не одожди́ по земли́ ле́та три и ме́сяц шесть. И па́ки помоли́ся, и не́бо дождь даде́, и земля́ прозябе́ плод свой. Бра́тие, а́ще кто в вас заблу́дит от пути́ и́стины, и обрати́т кто его́, да весть, я́ко обрати́вый гре́шника от заблужде́ния пути́ его́ спасе́т ду́шу от сме́рти и покры́ет мно́жество грехо́в.

Иак 5:10–20

Зачало 57 (Над болящим)

Бра́тие, о́браз приими́те злострада́ния и долготерпе́ния, проро́ки, и́же глаго́лаша и́менем Госпо́дним. Се блажи́м терпя́щия. Терпе́ние И́овле слы́шасте и кончи́ну Госпо́дню ви́десте, я́ко многоми́лостив есть Госпо́дь и щедр. Пре́жде же всех, бра́тие моя́, не клени́теся ни не́бом, ни земле́ю, ни ино́ю ко́ею кля́твою, бу́ди же вам е́же ей, ей, и е́же ни, ни, да не в лицеме́рие впаде́те. Злостра́ждет ли кто в вас, да моли́тву де́ет; благоду́шствует ли кто, да пое́т. Боли́т ли кто в вас, да призове́т пресви́теры церко́вныя, и да моли́тву сотворя́т над ним, пома́завше его́ еле́ем во и́мя Госпо́дне, и моли́тва ве́ры спасе́т боля́щаго, и воздви́гнет его́ Госпо́дь, и а́ще грехи́ бу́дет сотвори́л, отпу́стятся ему́. Испове́дайте у́бо друг дру́гу согреше́ния и моли́теся друг за дру́га, я́ко да исцеле́ете: мно́го бо мо́жет моли́тва пра́веднаго поспешеству́ема.

Иак 5:10–16

СОБОРНОЕ ПОСЛАНИЕ ПЕРВОЕ СВЯТАГО АПОСТОЛА ПЕТРА

Зачало 58 (В пяток 32-я недели)

Петр, Апо́стол Иису́с Христо́в, избра́нным прише́льцем разсе́яния По́нта, Галати́и, Каппадоки́и, Аси́и и Вифини́и, по прозре́нию Бо́га Отца́, во святы́ню Ду́ха, в послуша́ние и кропле́ние Кро́ве Иису́с Христо́вы, благода́ть вам и мир да умно́жится. О не́мже спасе́нии взыска́ша и испыта́ша проро́цы, и́же о ва́шей благода́ти прореко́ша, испыта́юще, в каково́ или́ в ко́е вре́мя явля́ше в них Дух Христо́в, пре́жде свиде́тельствуя о Христо́вых страсте́х, и я́же по сих сла́вах. И́мже откры́ся, я́ко не им саме́м, но нам служа́ху сия́, я́же ны́не возвести́шася вам благовествова́вшими вам Ду́хом Святы́м по́сланным с небесе́, в ня́же жела́ют А́нгели прини́кнути. Зане́ пи́сано есть в Писа́нии: се полага́ю в Сио́не ка́мень краеуго́лен, избра́н, че́стен, и ве́руяй вонь не постыди́тся. Вам у́бо честь ве́рующым, а проти́вящымся ка́мень, его́же небрего́ша зи́ждущии, сей бысть во главу́ у́гла, и ка́мень претыка́ния и ка́мень собла́зна. О не́мже и претыка́ются сло́ву противля́ющиися, на не́же и положе́ни бы́ша. Вы же род избра́н, ца́рское свяще́ние, язы́к свят, лю́дие обновле́ния, я́ко да доброде́тели возвестите́ из тмы вас Призва́вшаго в чу́дный Его́ свет, и́же иногда́ не лю́дие, ны́не же лю́дие Бо́жии; и́же не поми́ловани, ны́не же поми́ловани бы́сте.

1 Петр 1:1–2, 10–12; 2:6–10

Зачало 58 (Паремия 1-я на память святых Апостол Петра и Павла)

Бра́тие, благослове́н Бог и Оте́ц Го́спода на́шего Иису́са Христа́, И́же по мно́зей Свое́й ми́лости порожде́й нас во упова́ние жи́во воскресе́нием Иису́с Христо́вым от ме́ртвых, в насле́дие нетле́нно, и нескве́рно, и неувяда́емо, соблюде́но на Небесе́х вас ра́ди, и́же си́лою Бо́жиею соблюде́ни ве́рою во спасе́ние, гото́вое яви́тися во вре́мя после́днее. О не́мже ра́дуйтеся, ма́ло ны́не, а́ще ле́по есть, приско́рбни бы́вше в разли́чных напа́стех, да искуше́ние ва́шея ве́ры многочестне́йше зла́та ги́бнуща, огне́м же искуше́на, обря́щется в похвалу́ и честь и сла́ву, во открове́нии Иису́с Христо́ве, Его́же не ви́девше, лю́бите, и на Него́же ны́не не зря́ще, ве́рующе же, ра́дуетеся ра́достию неизглаго́ланною и просла́вленною, прие́млюще кончи́ну ве́ре ва́шей, спасе́ние душа́м.

1 Петр 1:3–9

Зачало 58 (Паремия 2-я)

Возлю́бленнии, препоя́савше чре́сла помышле́ния ва́шего, трезвя́щеся соверше́нне, упова́йте на приноси́мую вам благода́ть открове́нием Иису́с Христо́вым. Я́ко ча́да послуша́ния, не преобразу́ющеся пе́рвыми неве́дения ва́шего похоте́нии, но по зва́вшему вы Свято́му, и са́ми свя́ти во всем житии́ бу́дите. Зане́ пи́сано есть: свя́ти бу́дите, я́ко Аз Свят есмь. И а́ще Отца́ называ́ете, нелицеме́рно судя́ща кому́ждо по де́лу, со стра́хом жития́ ва́шего вре́мя жи́тельствуйте, ве́дяще, я́ко не истле́нным сребро́м или́ зла́том изба́вистеся от су́етнаго ва́шего жития́, отцы́ пре́даннаго, но честно́ю кро́вию, я́ко а́гнца непоро́чна и пречи́ста, Христа́.

1 Петр 1:13–19

Зачало 58 (Паремия 3-я)

Возлю́бленнии, молю́, я́ко прише́льцы и стра́нники, огреба́тися от плотски́х похоте́й, я́же вою́ют на ду́шу, житие́ ва́ше иму́ще добро́ во язы́цех, да о не́мже клеве́щут вас, а́ки злоде́ев, от до́брых дел ви́девше, просла́вят Бо́га в день посеще́ния. Повини́теся у́бо вся́кому челове́чу созда́нию, Го́спода ра́ди, а́ще царю́, я́ко преоблада́ющу, а́ще ли же князе́м, я́ко от Него́ по́сланным, во отмще́ние у́бо злоде́ем, в похвалу́ же благотво́рцем. Я́ко та́ко есть во́ля Бо́жия, благотворя́щим обуздова́ти безу́мных челове́к неве́жество, я́ко свобо́дни, а не я́ко прикрове́ние иму́ще зло́бы свобо́ду, но я́ко раби́ Бо́жии. Всех почита́йте, бра́тство возлюби́те, Бо́га бо́йтеся, царя́ чти́те. Раби́, повину́йтеся во вся́ком стра́се влады́кам, не то́кмо благи́м и кро́тким, но и стропти́вым. Се бо есть уго́дно пред Бо́гом, а́ще со́вести ра́ди Бо́жия терпи́т кто ско́рби, стражда́ без пра́вды. Ка́я бо похвала́, а́ще согреша́юще, му́чими, терпите́? Но а́ще добро́ творя́ще и стра́ждуще терпите́, сие́ уго́дно пред Бо́гом. На сие́ бо и зва́ни бы́сте, зане́ и Христо́с пострада́ по нас, нам оста́вль о́браз, да после́дуем стопа́м Его́. И́же греха́ не сотвори́, ни обре́теся лесть во усте́х Его́. И́же укоря́емь, проти́ву не укоря́ше, стражда́ не преща́ше, предая́ше же судя́щему пра́ведно. И́же грехи́ на́ша Сам вознесе́ на те́ле Свое́м на дре́во, да от грех избы́вше, пра́вдою поживе́м.

1 Петр 2:11–24

Зачало 59

Возлю́бленнии, Христо́с пострада́ по нас, нам оста́вль о́браз, да после́дуем стопа́м Его́. И́же греха́ не сотвори́, ни обре́теся лесть во усте́х Его́, И́же укаря́емь проти́ву не укаря́ше, стражда́ не преща́ше, предая́ше же Судя́щему пра́ведно, И́же грехи́ на́ша Сам вознесе́ на те́ле Свое́м на дре́во, да от грех избы́вше, пра́вдою поживе́м. Его́же я́звою изцеле́сте. Бе́сте бо я́ко о́вцы заблу́ждшыя не иму́щя па́стыря, но возврати́стеся ны́не к Па́стырю и Посети́телю душ ва́ших. Та́кожде же и жены́, повину́ющяся свои́м муже́м, да и а́ще не́цыи не повину́ются сло́ву, же́нским житие́м без сло́ва плене́ни бу́дут, ви́девше е́же со стра́хом чи́сто житие́ ва́ше. И́мже да бу́дет не вне́шняя, плете́ния влас и обложе́ния зла́та, или́ одея́ния риз, ле́пота, но потае́ный се́рдца челове́к, в неистле́нии кро́ткаго и молчали́ваго ду́ха, е́же есть пред Бо́гом многоце́нно. Та́ко бо иногда́ и святы́я жены́, упова́ющыя на Бо́га, украша́ху себе́, повину́ющяся свои́м муже́м, я́коже Са́рра послу́шаше Авраа́ма, господи́на того́ зову́щи, ея́же бы́сте ча́да, благотворя́щя и не боя́щяся ни еди́наго стра́ха. Му́жие та́кожде, вку́пе живу́ще со свои́ми жена́ми по ра́зуму, я́ко немощне́йшу сосу́ду же́нскому воздаю́ще честь, я́ко и снасле́дницы благода́тныя жи́зни, во е́же не прекраща́тися моли́твам ва́шим. Коне́ц же, вси единому́дрени бу́дите, ми́лостиви, братолю́бцы, милосе́рдни, благоутро́бни, мудролю́бцы, смиреному́дри, не воздаю́ще зла за зло, или́ досажде́ния за досажде́ние, супроти́вное же благословя́ще, ве́дяще, я́ко на се зва́ни бы́сте, да благослове́ние насле́дите.

1 Петр 2:21–3:9

В понедельник 33-я недели.

Зачало 60

Возлю́бленнии, хотя́й живо́т люби́ти и ви́дети дни бла́ги, да удержи́т язы́к свой от зла, и устне́ свои́ е́же не глаго́лати льсти. Да уклони́тся от зла, и да сотвори́т бла́го, да взы́щет ми́ра и да держи́тся его́, зане́ о́чи Госпо́дни на пра́ведныя, и у́ши Его́ в моли́тву их, лице́ же Госпо́дне на творя́щыя злая, е́же потреби́ти их от земли́. И кто озло́бит вас, а́ще благо́му подо́бницы бу́дете? Но а́ще и стра́ждете пра́вды ра́ди, блаже́ни есте́, стра́ха же их не убо́йтеся, ниже́ смуща́йтеся. Го́спода же Бо́га освяти́те в сердца́х ва́ших: гото́ви же при́сно ко отве́ту вся́кому вопроша́ющему вы сло́во о ва́шем упова́нии, с кро́тостию и стра́хом, со́весть иму́ще бла́гу, да о не́мже клеве́щут вас а́ки злоде́ев, постыдя́тся злосло́вящии ва́ше благо́е о Христе́ житие́. Лу́чше бо есть благо́е творя́щым, а́ще хо́щет во́ля Бо́жия, пострада́ти, не́жели зло творя́щым. Зане́ и Христо́с еди́ною о гресе́х на́ших пострада́, пра́ведник за непра́ведники, да приведе́т ны Бо́гови, умерщвле́н у́бо быв пло́тию, ожи́в же ду́хом, о не́мже и су́щым в темни́це духово́м соше́д пропове́да, проти́вльшымся иногда́, егда́ ожида́ше Бо́жие долготерпе́ние, во дни Но́евы, де́лаему ковче́гу, в не́мже ма́ло, си́речь осмь душ, спасо́шася от воды́. Его́же воображе́ние ны́не и нас спаса́ет креще́ние, не плотски́я отложе́ние скве́рны, но со́вести бла́ги вопроше́ние у Бо́га, воскресе́нием Иису́с Христо́вым, И́же есть одесну́ю Бо́га, возше́д на не́бо, поко́ршымся Ему́ А́нгелом и Власте́м и Си́лам.

1 Петр 3:10–22

Во вторник 33-я недели.

Зачало 61

Возлю́бленнии, Христу́ пострада́вшу за ны пло́тию, и вы в ту же мысль вооружи́теся, зане́ пострада́вый пло́тию, преста́ от греха́, во е́же не ктому́ в челове́ческия по́хоти, но в во́лю Бо́жию про́чее во пло́ти жи́ти вре́мя. Довле́ет бо вам мимоше́дшее вре́мя жития́, во́лю язы́ческую твори́вшым, хо́ждшым в нечистота́х, в по́хотех, в скотоло́жстве, в по́мыслех, в пия́нстве, в козлогласова́ниих, в лихоима́ниих и богоме́рзких идолослуже́ниих. О не́мже дивя́тся, не сходя́щымся вам в то же блуда́ разлия́ние, ху́ляще, и́же воздадя́т сло́во гото́ву Су́щему суди́ти живы́м и ме́ртвым. На се бо и ме́ртвым благовести́ся, да суд у́бо прии́мут по челове́ку пло́тию, поживу́т же по Бо́зе ду́хом. Всем же кончи́на прибли́жися. Уцелому́дритеся у́бо и трезви́теся в моли́твах. Пре́жде же всех друг ко дру́гу любо́вь приле́жну име́йте, зане́ любо́вь покрыва́ет мно́жество грехо́в. Страннолю́бцы друг ко дру́гу, без ропта́ний. Ко́ждо я́коже прия́т дарова́ние, между́ себе́ сим служа́ще, я́ко до́брии строи́телие разли́чныя благода́ти Бо́жия. А́ще кто глаго́лет, я́ко словеса́ Бо́жия, а́ще кто слу́жит, я́ко от кре́пости, ю́же подае́т Бог, да о всем сла́вится Бог Иису́с Христо́м, Ему́же есть сла́ва и держа́ва во ве́ки веко́в. Ами́нь.

1 Петр 4:1–11

В среду 33-я недели.

Зачало 62

Возлю́бленнии, не диви́теся е́же в вас раждеже́нию ко искуше́нию вам быва́ему, я́ко чу́жду вам случа́ющуся. Но поне́же приобща́етеся Христо́вым страсте́м, ра́дуйтеся, я́ко да и в явле́ние сла́вы Его́ возра́дуетеся веселя́щеся. А́ще укоря́еми быва́ете о и́мени Христо́ве, блаже́ни есте́ я́ко Сла́вы и Бо́жий Дух на вас почива́ет, о́неми у́бо ху́лится, а ва́ми прославля́ется. Да не кто у́бо от вас постра́ждет я́ко уби́йца, или́ я́ко тать, или́ я́ко злоде́й, или́ я́ко чуждь посети́тель. А́ще ли же я́ко христиа́нин, да не стыди́тся, да прославля́ет же Бо́га в ча́сти сей. Я́ко вре́мя нача́ти суд от до́му Бо́жия, а́ще ли пре́жде от вас, ка́я кончи́на проти́вящымся Бо́жию Ева́нгелию? И а́ще пра́ведник едва́ спасе́тся, нечести́вый и гре́шный где яви́тся? Те́мже и стра́ждущии по во́ли Бо́жией, я́ко ве́рну Зижди́телю да предадя́т ду́шы своя́ во благотворе́нии. Ста́рцы и́же в вас молю́, я́ко ста́рец сый и свиде́тель Христо́вым страсте́м, и́же и хотя́щей сла́ве яви́тися о́бщник: паси́те е́же в вас ста́до Бо́жие, посеща́юще не ну́ждею, но во́лею и по Бо́зе, ниже́ непра́ведными прибы́тки, но усе́рдно, ни я́ко облада́юще при́чту, но о́брази быва́йте ста́ду. И я́вльшуся Пастыренача́льнику, прии́мете неувяда́емый сла́вы вене́ц. Та́коже ю́нии, повини́теся ста́рцем, вси же друг дру́гу повину́ющеся, смиреному́дрие стяжи́те, зане́ Бог го́рдым проти́вится, смире́нным же дае́т благода́ть.

1 Петр 4:12–5:5

В четверток 33-я недели.

Зачало 63

Бра́тие, смири́теся под кре́пкую ру́ку Бо́жию, да вы вознесе́т во вре́мя. Всю печа́ль ва́шу возве́ргше Нань, я́ко Той пече́тся о вас. Трезви́теся, бо́дрствуйте, зане́ супоста́т ваш диа́вол, я́ко лев рыка́я, хо́дит, иски́й кого́ поглоти́ти, ему́же проти́витеся тве́рди ве́рою, ве́дуще, я́ко те́же стра́сти случа́ются ва́шему бра́тству, е́же в ми́ре. Бог же вся́кия благода́ти, призва́вый вас в ве́чную Свою́ сла́ву о Христе́ Иису́се ма́ло пострада́вшыя, Той да соверши́т вы, да утверди́т, да укрепи́т, да оснуе́т. Тому́ сла́ва и держа́ва во ве́ки веко́в. Ами́нь. Силуа́ном вам ве́рным бра́том, я́ко непщу́ю, вма́ле написа́х, моля́ и засвиде́тельствуя сей бы́ти и́стинней благода́ти Бо́жией, в не́йже стоите́. Целу́ет вы я́же в Вавило́не соизбра́нная, и Ма́рко сын мой. Целу́йте друг дру́га лобза́нием любве́. Мир вам всем о Христе́ Иису́се. Ами́нь.

1 Петр 5:6–14

Евангелисту Марку.

СОБОРНОЕ ПОСЛАНИЕ ВТОРОЕ ТОГОЖДЕ СВЯТАГО АПОСТОЛА ПЕТРА

Зачало 64

Си́мон Петр, раб и посла́нник Иису́с Христо́в, равноче́стную с на́ми получи́вшим ве́ру в пра́вде Бо́га на́шего и Спа́са Иису́са Христа́, благода́ть вам и мир да умно́жится в позна́нии Бо́га, и Христа́ Иису́са Го́спода на́шего. Я́ко вся нам Боже́ственныя си́лы Его́, я́же к животу́ и благоче́стию, подана́ ра́зумом Призва́вшаго нас сла́вою и доброде́телию. И́миже честна́я нам и вели́кая обетова́ния дарова́шася, я́ко да сих ра́ди бу́дете Боже́ственнаго прича́стницы естества́, отбе́гше, я́же в ми́ре, по́хотныя тли. И са́мое же сие́, тща́ние все привне́сше, подади́те в ве́ре ва́шей доброде́тель, в доброде́тели же ра́зум, в ра́зуме же воздержа́ние, в воздержа́нии же терпе́ние, в терпе́нии же благоче́стие, во благоче́стии же братолю́бие, в братолю́бии же любо́вь. Сим бо су́щим в вас и мно́жащимся, не пра́здных, ниже́ безпло́дных сотворя́т вы в Го́спода на́шего Иису́са Христа́ позна́ние. Ему́же бо несть сих, слеп есть, мжай, забве́ние прие́м чище́ния дре́вних свои́х грехо́в. Те́мже па́че, бра́тие, потщи́теся изве́стно ва́ше зва́ние и избра́ние твори́ти.

2 Петр 1:1–10

В пяток 33-я недели.

Зачало 65

Бра́тие, потщи́теся изве́стно ва́ше зва́ние и избра́ние твори́ти. Сия́ бо творя́ще, не и́мате согреши́ти никогда́же. Си́це бо оби́льно припода́стся вам вход в ве́чное Ца́рство Го́спода на́шего и Спа́са Иису́са Христа́. Сего́ ра́ди не обленю́ся воспомина́ти при́сно вам о сих, а́ще и ве́дите, и утвержде́ни есте́ в настоя́щей и́стине. Пра́ведно бо мню, доне́леже есмь в сем телеси́, возставля́ти вас воспомина́нием: ве́дый, я́ко ско́ро есть отложе́ние телесе́ моего́, я́коже и Госпо́дь наш Иису́с Христо́с сказа́ мне. Потщу́ся же и всегда́ име́ти вас по мое́м исхо́де, е́же о сих па́мять твори́ти. Не ухищре́нным бо ба́снем после́довавше, сказа́хом вам си́лу и прише́ствие Го́спода на́шего Иису́са Христа́, но самови́дцы бы́вше вели́чествию О́наго. Прие́м бо от Бо́га Отца́ честь и сла́ву, гла́су прише́дшу к Нему́ такову́ от велеле́пныя сла́вы: Сей есть Сын Мой Возлю́бленный, о Не́мже Аз благоизво́лих. И сей глас мы слы́шахом с небесе́ сше́дш, с Ним су́ще на горе́ святе́й. И и́мамы изве́стнейшее проро́ческое сло́во, ему́же внима́юще я́коже свети́лу сия́ющу в те́мнем ме́сте, до́бре творите́, до́ндеже день озари́т, и денни́ца возсия́ет в сердца́х ва́ших.

2 Петр 1:10–19

Августа 6, на Преображение Господне.

Зачало 66

Возлю́бленнии, сие́ пре́жде ве́дуще, я́ко вся́ко проро́чество кни́жное по своему́ сказа́нию не быва́ет. Ни бо во́лею бысть когда́ челове́ком проро́чество, но от Свята́го Ду́ха просвеща́еми глаго́лаша святи́и Бо́жии челове́цы. Бы́ша же и лжи́вии проро́цы в лю́дех, я́коже и в вас бу́дут лжи́вии учи́телие, и́же внесу́т е́реси поги́бели, и иску́пльшаго их Влады́ки отмета́ющеся, приводя́ще себе́ ско́ру поги́бель. И мно́зи после́дствуют их нечистота́м, и́миже путь и́стинный поху́лится. И в преумноже́нии льсти́вых слове́с вас уловя́т: и́хже суд искони́ не косни́т, и поги́бель их не дре́млет. А́ще бо Бог а́ггелов согреши́вших не пощаде́, но плени́цами мра́ка связа́в, предаде́ на суд му́чимы блюсти́. И пе́рваго ми́ра не пощаде́, но осма́го Но́а пра́вды пропове́дника сохрани́, пото́п ми́ру нече́ствовавших наведе́. И гра́ды Содо́мския и Гомо́ррския сжег, разоре́нием осуди́, о́браз хотя́щым нече́ствовати положи́в. И пра́веднаго Ло́та, оби́дима от беззако́нных в нечистоте́ сожи́тия, изба́ви. Виде́нием бо и слу́хом пра́ведный, живы́й в них, день от дне ду́шу пра́ведну беззако́нными де́лы му́чаше. Весть Госпо́дь благочести́выя от напа́сти избавля́ти, непра́ведники же на день су́дный му́чимы блюсти́.

2 Петр 1:20–2:9

В понедельник 34-я недели.

Зачало 67

Возлю́бленнии, весть Госпо́дь благочести́выя от напа́сти избавля́ти, непра́ведники же на день су́дный му́чимы блюсти́, наипа́че же во след плотски́я по́хоти скверне́ния ходя́щыя и о госпо́дьстве нерадя́щыя, продерза́теле, себе́ уго́дницы, сла́вы не трепе́щут ху́ляще, иде́же А́нгели кре́постию и си́лою бо́льши су́ще, не терпя́т на ся от Го́спода укори́знена суда́. Си́и же, я́ко ско́ти живо́тни естество́м бы́вше в поги́бель и тлю, в ни́хже не разуме́ют ху́ляще, во истле́нии свое́м истле́ют, прие́млюще мзду непра́ведну, сласть мня́ще вседне́вное насыще́ние, скверни́тели и поро́чницы, пита́ющеся лестьми́ свои́ми, яду́ще с ва́ми, о́чи иму́ще испо́лнь блудодея́ния и непреста́емаго греха́, прельща́юще ду́шы неутвержде́ны, се́рдце науче́но лихои́мству иму́ще, кля́твы ча́да, оста́вльше пра́вый путь заблуди́ша, после́довавше пути́ Валаа́мову Восо́рова, и́же мзду непра́ведну возлюби́, обличе́ние же име́ своего́ беззако́ния, подъяре́мник безгла́сен, челове́ческим гла́сом провеща́вш, возбрани́ проро́ка безу́мие. Си́и суть исто́чницы безво́дни, о́блацы и мглы от ветр преноси́ми, и́мже мрак те́мный во ве́ки блюде́тся. Прего́рдая бо суеты́ веща́юще, прельща́ют в скве́рны плотски́я по́хоти, отбега́юще их отню́д живу́щих во льсти, свобо́ду им обещава́юще, са́ми раби́ су́ще тле́ния, и́мже бо кто побежде́н быва́ет, сему́ и рабо́тен есть. А́ще бо отбе́гше скверн ми́ра в ра́зум Го́спода и Спа́са на́шего Иису́са Христа́, си́ми же па́ки спле́тшеся побежда́еми быва́ют, бы́ша им после́дняя го́рша пе́рвых. Лу́чше бо бе им не позна́ти пути́ пра́вды, не́жели позна́вшым возврати́тися вспять от пре́данныя им святы́я за́поведи. Случи́ся бо им и́стинная при́тча: пес возвра́щься на свою́ блево́тину, и свиния́, омы́вшися, в кал ти́нный.

2 Петр 2:9–22

Во вторник 34-я недели.

Зачало 68 (В среду 34-я недели)

Возлю́бленнии, сие́ уже́ второ́е вам пишу́ посла́ние, в ни́хже возбужда́ю воспомина́нием ваш чи́стый смысл, помяну́ти пре́жде рече́нныя глаго́лы от святы́х проро́к, и Апо́стол ва́ших за́поведь Го́спода и Спа́са. Сие́ пре́жде ве́дяще, я́ко прии́дут в после́дния дни руга́теле, по свои́х по́хотех ходя́ще и глаго́люще: где есть обетова́ние прише́ствия Его́, отне́леже бо отцы́ успо́ша, вся та́ко пребыва́ют от нача́ла созда́ния. Таи́тся бо им сие́ хотя́щым, я́ко небеса́ бе́ша испе́рва, и земля́ от воды́ и водо́ю соста́влена, Бо́жиим сло́вом, и́миже тогда́шний мир, водо́ю потопле́н быв, поги́бе. А ны́нешняя небеса́ и земля́ те́мже Сло́вом сокрове́на суть, огню́ блюдо́ма на день суда́ и поги́бели нечести́вых челове́к. Еди́но же сие́ да не утаи́тся вас, возлю́бленнии, я́ко еди́н день пред Го́сподем я́ко ты́сяща лет, и ты́сяща лет я́ко день еди́н. Не косни́т Госпо́дь обетова́ния, я́коже не́цыи косне́ние мнят, но долготерпи́т на нас, не хотя́ да кто поги́бнет, но да вси в покая́ние прии́дут. Прии́дет же день Госпо́день я́ко тать в нощи́, во́ньже небеса́ у́бо с шу́мом ми́мо и́дут, стихи́и же сжига́емы разоря́тся, земля́ же и я́же на ней дела́ сгоря́т. Сим у́бо всем разоря́емым, ка́цем подоба́ет бы́ти вам во святы́х пребыва́ниих и благоче́стиих, ча́ющым и скоре́е бы́ти жела́ющым прише́ствия Бо́жияго дне, его́же ра́ди небеса́ жего́ма разоря́тся, и стихи́и опаля́емы раста́ются? Но́ва же небесе́ и но́вы земли́ по обетова́нию Его́ ча́ем, в ни́хже пра́вда живе́т. Те́мже, возлю́бленнии, сих ча́юще, потщи́теся нескве́рни и непоро́чни Тому́ обрести́ся в ми́ре, и Го́спода на́шего долготерпе́ние спасе́ние непщу́йте, я́коже и возлю́бленный наш брат Па́вел по да́нней ему́ прему́дрости написа́ вам, я́коже и во всех свои́х посла́ниих, глаго́ля в них о сих, в ни́хже суть неудо́бь разу́мна не́кая, я́же ненауче́ни и неутвержде́ни развраща́ют, я́коже и про́чая Писа́ния, к свое́й поги́бели им. Вы же у́бо, возлю́бленнии, предве́дяще храни́теся, да не ле́стию беззако́нных сведе́ни бы́вше, отпаде́те своего́ утвержде́ния. Но да расте́те во благода́ти и ра́зуме Го́спода на́шего и Спа́са Иису́са Христа́. Тому́ сла́ва и ны́не и в день ве́ка. Ами́нь.

2 Петр 3:1–18

СОБОРНОЕ ПОСЛАНИЕ ПЕРВОЕ СВЯТАГО АПОСТОЛА ИОАННА БОГОСЛОВА

Зачало 68 (Месяца маиа в 8-й день)

Е́же бе испе́рва, е́же слы́шахом, е́же ви́дехом очи́ма на́шима, е́же узре́хом, и ру́ки на́ша осяза́ша, о Словеси́ Живо́тнем. И Живо́т яви́ся, и ви́дехом, и свиде́тельствуем, и возвеща́ем вам Живо́т ве́чный, И́же бе у Отца́, и яви́ся нам. Е́же ви́дехом и слы́шахом, пове́даем вам, да и вы обще́ние и́мате с на́ми: обще́ние же на́ше со Отце́м и с Сы́ном Его́ Иису́сом Христо́м. И сия́ пи́шем вам, да ра́дость ва́ша бу́дет испо́лнена. И сие́ есть обетова́ние, е́же слы́шахом от Него́, и пове́даем вам, я́ко Бог Свет есть, и тмы в Нем несть ни еди́ныя. А́ще рече́м, я́ко обще́ние и́мамы с Ним, и во тме хо́дим, лжем и не твори́м и́стины. А́ще ли же во све́те хо́дим, я́коже Сам Той есть во све́те, обще́ние и́мамы друг ко дру́гу, и кровь Иису́са Христа́ Сы́на Его́ очища́ет нас от вся́каго греха́.

1 Ин 1:1–7

Зачало 69

Возлю́бленнии, а́ще рече́м, я́ко греха́ не и́мамы, себе́ прельща́ем, и и́стины несть в нас. А́ще испове́даем грехи́ на́ша, ве́рен есть и пра́веден да оста́вит нам грехи́ на́ша и очи́стит нас от вся́кия непра́вды. А́ще рече́м, я́ко не согреши́хом, лжа твори́м Его́, и сло́во Его́ несть в нас. Ча́дца моя́, сия́ пишу́ вам, да не согреша́ете, и а́ще кто согреши́т, хода́тая и́мамы ко Отцу́, Иису́са Христа́ Пра́ведника. И Той очище́ние есть о гресе́х на́ших, не о на́ших же то́чию, но и о всего́ ми́ра. И о сем разуме́ем, я́ко позна́хом Его́, а́ще за́поведи Его́ соблюда́ем. Глаго́ляй, я́ко позна́х Его́, и за́поведи Его́ не соблюда́ет, ложь есть, и в сем и́стины несть. И́же бо а́ще блюде́т сло́во Его́, пои́стинне в сем любы́ Бо́жия соверше́нна есть. О сем разуме́ем, я́ко в Нем есмы́. Глаго́ляй, в Нем пребыва́ти, до́лжен есть, я́коже Он ходи́л есть, и сей та́кожде да хо́дит.

1 Ин 1:8–2:6

В четверток 34-я недели.

Зачало 70

Возлю́бленнии, не за́поведь но́ву пишу́ вам, но за́поведь ве́тху, ю́же име́сте испе́рва. За́поведь ве́тха есть сло́во, е́же слы́шасте испе́рва. Па́ки за́поведь но́ву пишу́ вам, е́же есть пои́стинне в Нем и в вас, я́ко тма ми́мо хо́дит и свет и́стинный сей сия́ет. Глаго́ляй во све́те бы́ти, а бра́та своего́ ненави́дит, во тме есть досе́ле. Любя́й бра́та своего́ во све́те пребыва́ет, и собла́зна в нем несть. А ненави́дяй бра́та своего́ во тме есть, и во тме хо́дит, и не весть ка́мо и́дет, я́ко тма ослепи́ о́чи ему́. Пишу́ вам ча́дца, я́ко оставля́ются вам греси́ и́мене Его́ ра́ди. Пишу́ вам отцы́, я́ко позна́сте Безнача́льнаго. Пишу́ вам ю́ноши, я́ко победи́сте лука́ваго. Пишу́ вам де́ти, я́ко позна́сте Отца́. Писа́х вам отцы́, я́ко позна́сте Иско́ннаго. Писа́х вам ю́ноши, я́ко кре́пцы есте́, и сло́во Бо́жие в вас пребыва́ет, и победи́сте лука́ваго. Не люби́те ми́ра, ни я́же в ми́ре, а́ще кто лю́бит мир, несть любве́ О́тчи в нем. Я́ко все е́же в ми́ре, по́хоть плотска́я и по́хоть очи́ма и го́рдость жите́йская, несть от Отца́, но от ми́ра сего́ есть. И мир прехо́дит, и по́хоть его́, а творя́й во́лю Бо́жию пребыва́ет во ве́ки.

1 Ин 2:7–17

В пяток 34-я недели.

Зачало 71

Де́ти, после́дняя годи́на есть. И я́коже слы́шасте, я́ко анти́христ гряде́т, и ны́не анти́христи мно́зи бы́ша, от сего́ разумева́ем, я́ко после́дний час есть. От нас изыдо́ша, но не бе́ша от нас, а́ще бы от нас бы́ли, пребы́ли у́бо бы́ша с на́ми, но да явя́тся, я́ко не суть вси от нас. И вы пома́зание и́мате от Свята́го, и ве́сте вся. Не писа́х вам, я́ко не ве́сте и́стины, но я́ко ве́сте ю́ и я́ко вся́ка лжа от и́стины несть. Кто есть лжи́вый, то́чию отмета́яйся, я́ко Иису́с несть Христо́с? Сей есть анти́христ, отмета́яйся Отца́ и Сы́на. Всяк отмета́яйся Сы́на, ни Отца́ и́мать, а испове́даяй Сы́на, и Отца́ и́мать. Вы у́бо е́же слы́шасте испе́рва, в вас да пребыва́ет, и а́ще в вас пребу́дет, е́же испе́рва слы́шасте, и вы в Сы́не и Отце́ пребу́дете. И сие́ есть обетова́ние, е́же Сам обеща́ нам, живо́т ве́чный. Сия́ писа́х вам о льстя́щих вас. И вы е́же пома́зание е́же прия́сте от Него́, в вас пребыва́ет, и не тре́буете, да кто учи́т вы, но я́ко то са́мо пома́зание учи́т вы о всем, и и́стинно есть, и несть ло́жно, и я́коже научи́ вас, пребыва́йте в нем. И ны́не ча́дца, пребыва́йте в Нем, да егда́ яви́тся, и́мамы дерзнове́ние и не посрами́мся от Него́ в прише́ствии Его́. А́ще ве́сте, я́ко пра́ведник есть, разуме́йте, я́ко всяк творя́й пра́вду от Него́ роди́ся. Ви́дите, какову́ любо́вь дал есть Оте́ц нам, да ча́да Бо́жия нарече́мся, и есмы́. Сего́ ра́ди мир не зна́ет нас, зане́ не позна́ Его́. Возлю́бленнии, ны́не ча́да Бо́жия есмы́, и не у яви́ся, что бу́дем: ве́мы же, я́ко егда́ яви́тся, подо́бни Ему́ бу́дем, и у́зрим Его́, я́коже есть. И всяк име́яй наде́жду сию́ Нань, очища́ет себе́, я́коже Он чист есть. Всяк творя́й грех, и беззако́ние твори́т, и грех есть беззако́ние. И ве́сте, я́ко Он яви́ся, да грехи́ на́ша во́змет, и греха́ в Нем несть. Всяк, и́же в Нем пребыва́яй, не согреша́ет, всяк согреша́яй не ви́де Его́, ни позна́ Его́. Ча́дца, никто́же да льстит вас. Творя́й пра́вду пра́ведник есть, я́коже Он пра́веден есть. Творя́й грех от диа́вола есть, я́ко испе́рва диа́вол согреша́ет. Сего́ ра́ди яви́ся Сын Бо́жий да разруши́т дела́ диа́воля. Всяк рожде́нный от Бо́га греха́ не твори́т, я́ко се́мя Его́ в нем пребыва́ет, и не мо́жет согреша́ти, я́ко от Бо́га рожде́н есть. Сего́ ра́ди явле́на суть ча́да Бо́жия и ча́да диа́воля.

1 Ин 2:18–3:10А

В понедельник 35-я недели.

Зачало 72

Возлю́бленнии, всяк не творя́й пра́вды несть от Бо́га, и не любя́й бра́та своего́. Я́ко се есть завеща́ние, е́же слы́шасте испе́рва, да лю́бим друг дру́га, не я́коже Ка́ин от лука́ваго бе и закла́ бра́та своего́. За ку́ю вину́ закла́ его́? Я́ко дела́ его́ лука́ва бе́ша, а бра́та его́ пра́ведна. Не чуди́теся, бра́тие моя́, а́ще ненави́дит вас мир. Мы ве́мы, я́ко преидо́хом от сме́рти в живо́т, я́ко лю́бим бра́тию, не любя́й бо бра́та пребыва́ет в сме́рти. Всяк ненави́дяй бра́та своего́ человекоуби́йца есть, и ве́сте, я́ко всяк человекоуби́йца не и́мать живота́ ве́чнаго в себе́ пребыва́юща. О сем позна́хом любо́вь, я́ко Он по нас ду́шу Свою́ положи́, и мы до́лжни есмы́ по бра́тии ду́шы полага́ти. И́же у́бо и́мать бога́тство ми́ра сего́, и ви́дит бра́та своего́ тре́бующа, и затвори́т утро́бу свою́ от него́, ка́ко любы́ Бо́жия пребыва́ет в нем? Ча́дца моя́, не лю́бим сло́вом ниже́ язы́ком, но де́лом и и́стиною. И о сем разуме́ем, я́ко от и́стины есмы́, и пред Ним смиря́ем сердца́ на́ша, зане́ а́ще зазира́ет нам се́рдце на́ше, я́ко бо́лий есть Бог се́рдца на́шего и весть вся.

1 Ин 3:10Б–20

Во вторник 35-я недели.

Зачало 73 (В среду 35-я недели. И на вечерни Иоанну Богослову, чтение первое)

Возлю́бленнии, а́ще се́рдце на́ше не за́зрит нам, дерзнове́ние и́мамы к Бо́гу. И его́же а́ще про́сим, прие́млем от Него́, я́ко за́поведи Его́ соблюда́ем, и уго́дная пред Ним твори́м. И сия́ есть за́поведь Его́, да ве́руем во И́мя Сы́на Его́ Иису́са Христа́ и лю́бим друг дру́га, я́коже дал есть за́поведь нам. И соблюда́яй за́поведи Его́, в Нем пребыва́ет, и Той в нем, и о сем разуме́ем, я́ко пребыва́ет в нас, от Ду́ха, Его́же дал есть нам. Возлю́бленнии, не вся́кому ду́ху ве́руйте, но искуша́йте ду́хи, а́ще от Бо́га суть, я́ко мно́зи лжепроро́цы изыдо́ша в мир. О сем познава́йте Ду́ха Бо́жия и ду́ха ле́стча: всяк дух, и́же испове́дует Иису́са Христа́ во пло́ти прише́дша, от Бо́га есть. И всяк дух, и́же не испове́дует Иису́са Христа́ во пло́ти прише́дша, от Бо́га несть, и сей есть анти́христов, его́же слы́шасте, я́ко гряде́т, и ны́не в ми́ре есть уже́. Вы от Бо́га есте́, ча́дца, и победи́сте тех, я́ко бо́лий есть И́же в вас, не́жели и́же в ми́ре. Они́ от ми́ра суть, сего́ ра́ди от ми́ра глаго́лют, и мир тех послу́шает. Мы от Бо́га есмы́, и́же зна́ет Бо́га, послу́шает нас, и и́же несть от Бо́га, не послу́шает нас. О сем познава́ем Ду́ха И́стины и ду́ха ле́стча.

1 Ин 3:21–4:6

Зачало 73 (Паремия вторая)

Возлю́бленнии, а́ще си́це возлюби́л есть нас Бог, и мы до́лжни есмы́ друг дру́га люби́ти. Бо́га никто́же нигде́же ви́де. А́ще друг дру́га лю́бим, Бог в нас пребыва́ет, и любы́ Его́ соверше́нна есть в нас. О сем разуме́ем, я́ко в Нем пребыва́ем и Той в нас, я́ко от Ду́ха Своего́ дал есть нам. И мы ви́дехом и свиде́тельствуем, я́ко Оте́ц посла́ Сы́на Спаси́теля ми́ру. И́же а́ще испове́сть, я́ко Иису́с есть Сын Бо́жий, Бог в нем пребыва́ет, и той в Бо́зе. И мы позна́хом и ве́ровахом любо́вь, ю́же и́мать Бог в нас. Бог Любы́ есть, и пребыва́яй в любви́ в Бо́зе пребыва́ет, и Бог в нем пребыва́ет.

1 Ин 4:11–16

Зачало 73 (Септемвриа 26)

Возлю́бленнии, Бо́га никто́же нигде́же ви́де. А́ще друг дру́га лю́бим, Бог в нас пребыва́ет, и любы́ Его́ соверше́нна есть в нас. О сем разуме́ем, я́ко в Нем пребыва́ем, и Той в нас, я́ко от Ду́ха Своего́ дал есть нам. И мы ви́дехом и свиде́тельствуем, я́ко Оте́ц посла́ Сы́на Спаси́теля ми́ру. И́же а́ще испове́сть, я́ко Иису́с есть Сын Бо́жий, Бог в нем пребыва́ет, и той в Бо́зе. И мы позна́хом и ве́ровахом любо́вь, ю́же и́мать Бог в нас. Бог любы́ есть, и пребыва́яй в любви́ в Бо́зе пребыва́ет, и Бог в нем пребыва́ет. О сем соверша́ется любы́ с на́ми, да дерзнове́ние и́мамы в день су́дный, зане́ я́коже Он есть, и мы есмы́ в ми́ре сем. Стра́ха несть в любви́, но соверше́нна любы́ вон изгоня́ет страх, я́ко страх му́ку и́мать, боя́йся же не соверши́ся в любви́. Мы лю́бим Его́, я́ко Той пе́рвее возлюби́л есть нас.

1 Ин 4:12–19

Зачало 74 (Паремия третия)

Возлю́бленнии, а́ще кто рече́т, я́ко люблю́ Бо́га, а бра́та своего́ ненави́дит, ложь есть, и́бо не любя́й бра́та своего́, его́же ви́де, Бо́га, Его́же не ви́де, ка́ко мо́жет люби́ти? И сию́ за́поведь и́мамы от Него́, да любя́й Бо́га лю́бит и бра́та своего́. Всяк ве́руяй, я́ко Иису́с есть Христо́с, от Бо́га рожде́н есть, и всяк любя́й Ро́ждшаго лю́бит и рожде́ннаго от Него́. О сем ве́мы, я́ко лю́бим ча́да Бо́жия, егда́ Бо́га лю́бим и за́поведи Его́ соблюда́ем. Сия́ бо есть любы́ Бо́жия, да за́поведи Его́ соблюда́ем, и за́поведи Его́ тя́жки не суть. Я́ко всяк рожде́нный от Бо́га побежда́ет мир, и сия́ есть побе́да, побе́ждшая мир, ве́ра на́ша. Кто есть побежда́яй мир, то́кмо ве́руяй, я́ко Иису́с есть Сын Бо́жий?

1 Ин 4:20–5:5

Зачало 74 (В четверток 35-я недели)

Возлю́бленнии, а́ще кто рече́т, я́ко люблю́ Бо́га, а бра́та своего́ ненави́дит, ложь есть, и́бо не любя́й бра́та своего́, его́же ви́де, Бо́га, Его́же не ви́де, ка́ко мо́жет люби́ти? И сию́ за́поведь и́мамы от Него́, да любя́й Бо́га лю́бит и бра́та своего́. Всяк ве́руяй, я́ко Иису́с есть Христо́с, от Бо́га рожде́н есть, и всяк любя́й Ро́ждшаго лю́бит и рожде́ннаго от Него́. О сем ве́мы, я́ко лю́бим ча́да Бо́жия, егда́ Бо́га лю́бим и за́поведи Его́ соблюда́ем. Сия́ бо есть любы́ Бо́жия, да за́поведи Его́ соблюдаем, и за́поведи Его́ тя́жки не суть. Я́ко всяк рожде́нный от Бо́га побежда́ет мир, и сия́ есть побе́да, побе́ждшая мир, ве́ра на́ша. Кто есть побежда́яй мир, то́кмо ве́руяй, я́ко Иису́с есть Сын Бо́жий? Сей есть прише́дый водо́ю и кро́вию и Ду́хом, Иису́с Христо́с, не водо́ю то́чию, но водо́ю и кро́вию, и Дух есть свиде́тельствуяй, я́ко Дух есть и́стина. Я́ко трие́ суть свиде́тельствующии на небеси́, Оте́ц, Сло́во и Святы́й Дух, и Си́и три еди́но суть. И трие́ суть свиде́тельствующии на земли́, дух и вода́, и кровь, и трие́ во еди́но суть. А́ще свиде́тельство челове́ческое прие́млем, свиде́тельство Бо́жие бо́ле есть, я́ко сие́ есть свиде́тельство Бо́жие, е́же свиде́тельствова о Сы́не Свое́м. Ве́руяй в Сы́на Бо́жия и́мать свиде́тельство в себе́, не ве́руяй Бо́гови лжа сотвори́л есть Его́, я́ко не ве́рова во свиде́тельство, е́же свиде́тельствова Бог о Сы́не Свое́м. И сие́ есть свиде́тельство, я́ко живо́т ве́чный дал есть нам Бог, и сей живо́т в Сы́не Его́ есть. Име́яй Сы́на Бо́жия и́мать живо́т, а не име́яй Сы́на Бо́жия живота́ не и́мать. Сия́ писа́х вам ве́рующым во и́мя Сы́на Бо́жия, да ве́сте, я́ко живо́т ве́чный и́мате, и да ве́руете во и́мя Сы́на Бо́жия. И сие́ есть дерзнове́ние, е́же и́мамы к Нему́, я́ко а́ще чесо́ про́сим по во́ли Его́, послу́шает нас. И а́ще ве́мы, я́ко послу́шает нас, е́же а́ще про́сим, ве́мы, я́ко и́мамы проше́ния, и́хже проси́хом от Него́. А́ще кто у́зрит бра́та своего́ согреша́юща грех не к сме́рти, да про́сит, и даст ему́ живо́т, согреша́ющым не к сме́рти. Есть грех к сме́рти, не о том глаго́лю, да мо́лится. Вся́ка непра́вда грех есть, и есть грех не к сме́рти. Ве́мы, я́ко всяк рожде́нный от Бо́га не согреша́ет, но рожде́нный от Бо́га блюде́т себе́, и лука́вый не прикаса́ется ему́. Ве́мы, я́ко от Бо́га есмы́, и мир весь во зле лежи́т. Ве́мы же, я́ко Сын Бо́жий прии́де и дал есть нам свет и ра́зум, да позна́ем Бо́га и́стиннаго и да бу́дем во и́стиннем Сы́не Его́ Иису́се Христе́, Сей есть и́стинный Бог и живо́т ве́чный. Ча́дца, храни́те себе́ от треб и́дольских. Ами́нь.

1 Ин 4:20–5:21

СОБОРНОЕ ПОСЛАНИЕ ВТОРОЕ СВЯТАГО АПОСТОЛА ИОАННА БОГОСЛОВА

Зачало 75

Ста́рец избра́нней господы́не и ча́дом ея́, и́хже аз люблю́ вои́стинну, и не аз то́чию, но и вси разуме́вшии и́стину. За и́стину пребыва́ющую в нас, и с на́ми бу́дет во ве́ки. Да бу́дет с ва́ми благода́ть, ми́лость, мир от Бо́га Отца́, и от Го́спода Иису́са Христа́, Сы́на О́тча, во и́стине и любви́. Возра́довахся зело́, я́ко обрето́х от чад твои́х ходя́щя во и́стине, я́коже за́поведь прия́хом от Отца́. И ны́не молю́ тя, госпоже́, не я́ко за́поведь пишу́ тебе́ но́ву, но ю́же и́мамы испе́рва, да лю́бим друг дру́га. И сия́ есть любы́, да хо́дим по за́поведем Его́. Сия́ есть за́поведь, я́коже слы́шасте испе́рва, да в ней хо́дите. Зане́ мно́зи лестцы́ внидо́ша в мир, не испове́дающе Иису́са Христа́ прише́дша во пло́ти, сей есть льстец и анти́христ. Блюди́те себе́, да не погубите́ я́же де́ласте до́брая, но да мзду соверше́нну восприи́мете. Всяк преступа́яй и не пребыва́яй во уче́нии Христо́ве, Бо́га не и́мать, пребыва́яй же во уче́нии Христо́ве, сей и Отца́ и Сы́на и́мать. А́ще кто прихо́дит к вам, и сего́ уче́ния не прино́сит, не прие́млите его́ в дом, и ра́доватися ему́ не глаго́лите. Глаго́ляй бо ему́ ра́доватися, сообща́ется дело́м его́ злым. Мно́га име́х писа́ти вам, и не восхоте́х хартие́ю и черни́лом, но наде́юся приити́ к вам и усты́ ко усто́м глаго́лати, да ра́дость ва́ша бу́дет испо́лнена. Целу́ют тя ча́да сестры́ твоея́ избра́нныя. Ами́нь.

2 Ин 1:1–13

Пяток 35-я недели.

СОБОРНОЕ ПОСЛАНИЕ ТРЕТИЕ СВЯТАГО АПОСТОЛА ИОАННА БОГОСЛОВА

Зачало 76

Ста́рец Га́иеви возлю́бленному, его́же аз люблю́ вои́стинну. Возлю́бленне, па́че во всех молю́ся о тебе́ спе́ятися тебе́, здра́вствовати, я́коже спе́ется ти душа́. Возра́довахся зело́, прише́дшым бра́тиям и свиде́тельствующым твою́ и́стину, я́коже ты во и́стине хо́диши. Бо́льши сея́ не и́мам ра́дости, да слы́шу моя́ ча́да во и́стине ходя́ща. Возлю́бленне, ве́рно твори́ши, е́же а́ще де́лаеши в бра́тию и в стра́нныя, и́же свиде́тельствоваша о твое́й любви́ пред це́рковию. И́хже предпосла́в досто́йно Бо́гу, до́бре твори́ши. О и́мени бо Его́ изыдо́ша, ничто́же прие́млюще от язы́к. Мы у́бо до́лжни есмы́ приима́ти таковы́х, да поспе́шницы бу́дем и́стине. Писа́х це́ркви, но первстволю́бец их Диотрефи́с не прие́млет нас. Сего́ ра́ди, а́ще прииду́, воспомяну́ ему́ дела́, я́же твори́т, словесы́ лука́выми укоря́я нас, и недово́лен быва́я о сих, ни сам прие́млет бра́тию, и хотя́щым возбраня́ет, и от це́ркве изго́нит. Возлю́бленне, не уподобля́йся зло́му, но благо́му. Благотворя́й от Бо́га есть, а злотворя́й не ви́де Бо́га. Дими́триеви свиде́тельствовася от всех и от са́мыя и́стины, и мы же свиде́тельствуем, и ве́сте, я́ко свиде́тельство на́ше и́стинно есть. Мно́га име́х писа́ти, но не хощу́ черни́лом и тро́стию писа́ти тебе́, упова́ю же а́бие ви́дети тя и усты́ ко усто́м глаго́лати. Мир тебе́. Целу́ют тя дру́зи, целу́й дру́ги по и́мени.Ами́нь.

3 Ин 1:1–15

В понедельник сырный.

СОБОРНОЕ ПОСЛАНИЕ ИУДИНО

Зачало 77

Иу́да, Иису́су Христу́ раб, брат же Иа́кову, су́щим о Бо́зе Отце́ освяще́нным, Иису́с Христо́м соблюде́нным зва́нным, ми́лость вам, и мир, и любы́ да умно́жится. Возлю́бленнии, вся́ко тща́ние творя́ писа́ти вам о о́бщем спасе́нии ва́шем, ну́жда ми бысть писа́ти вам, моля́ подвиза́тися о преда́нней ве́ре святы́м еди́ною. Привнидо́ша бо не́цыи челове́цы, дре́вле предуста́вленнии на сие́ осужде́ние, нечести́вии, Бо́га на́шего благода́ть прелага́ющии в скве́рну, и еди́наго Влады́ки Бо́га и Го́спода на́шего Иису́са Христа́ отмета́ющиися. Воспомяну́ти же вам хощу́, ве́дущим и вам еди́ною сие́, я́ко Госпо́дь лю́ди от земли́ Еги́петския спасе́, последи́ неве́ровавшия погуби́. А́нгелы же не соблю́дшия своего́ нача́льства, но оста́вльшия свое́ жили́ще, на суд вели́каго дне, у́зами ве́чными под мра́ком соблюде́. Я́коже Содо́ма и Гомо́рра и окре́стныя их гра́ды, подо́бным их о́бразом преблуди́вша и ходи́вша в след пло́ти ины́я, предлежа́т в показа́ние, огня́ ве́чнаго суд подъе́мше. Та́кожде у́бо и си́и, со́ния ви́дяще плоть у́бо скверня́т, госпо́дьства же отмета́ются, сла́вы же ху́ляще не трепе́щут. Михаи́л же Арха́нгел егда́ со диа́волом разсужда́я глаго́лаше о Моисе́ове телеси́, не сме́яше суда́ навести́ ху́льна, но рече́: да запрети́т тебе́ Госпо́дь. Си́и же, ели́ка у́бо не ве́дят, ху́лят: ели́ка же по естеству́, я́ко безслове́сная живо́тная ве́дят, в сих скверня́тся.

Иуд 1:1–10

Во вторник сырный.

Зачало 78

Го́ре им, я́ко в путь Ка́инов ходи́ша, и в лесть Валаа́мовы мзды пролия́шася, и в пререка́нии Корре́ове погибо́ша. Си́и суть в любва́х ва́ших скверни́тели, с ва́ми яду́ще, без боя́зни себе́ пасу́ще, о́блацы безво́дни, от ветр преноси́ми, древеса́ есе́нна безпло́дна, два́жды уме́рша, искорене́на. Во́лны свире́пыя мо́ря, воспеня́юще своя́ стыде́ния, зве́зды преле́стныя, и́мже мрак тьмы во ве́ки блюде́тся. Проро́чествова же и о сих седмы́й от Ада́ма Ено́х, глаго́ля: се прии́дет Госпо́дь во тьмах святы́х А́нгел Свои́х сотвори́ти суд о всех и изобличи́ти всех нечести́вых о всех де́лех нече́стия их, и́миже нече́ствоваша, и о всех жесто́ких словесе́х их, я́же глаго́лаша нань гре́шницы нечести́вии. Си́и суть ропотницы́, укори́тели, часть поро́чна, в по́хотех свои́х ходя́ще нече́стием и законопреступле́нием, и уста́ их глаго́лют прего́рдая, чудя́щеся ли́цам по́льзы ра́ди. Вы же, возлю́бленнии, помина́йте глаго́лы, преждерече́нныя от апо́стол Го́спода на́шего Иису́са Христа́. Зане́ глаго́лаху вам, я́ко в после́днее вре́мя бу́дут руга́тели, по свои́х по́хотех ходя́ще и нече́стиих. Си́и суть отделя́юще себе́ от еди́ности ве́ры и суть теле́сни, Ду́ха не иму́ще. Вы же, возлю́бленнии, свято́ю ва́шею ве́рою назида́юще себе́, Ду́хом Святы́м, и моля́щеся, са́ми себе́ в любви́ Бо́жией соблюда́йте, жду́ще ми́лости Го́спода на́шего Иису́са Христа́, в жизнь ве́чную. И о́вех у́бо ми́луйте разсужда́юще, о́вех же стра́хом спаса́йте, от огня́ восхища́юще. Облича́йте же с боя́знию, ненави́дяще и я́же от пло́ти оскверне́нную ри́зу. Могу́щему же сохрани́ти вы без греха́ и без скве́рны, и поста́вити пред сла́вою Свое́ю непоро́чны в ра́дости, Еди́ному прему́дрому Бо́гу и Спа́су на́шему Иису́сом Христо́м Го́сподем на́шим сла́ва и вели́чие, держа́ва и власть пре́жде всего́ ве́ка, и ны́не, и во вся ве́ки, ами́нь.

Иуд 1:11–25

В четверток сырный.

К РИМЛЯНОМ ПОСЛАНИЕ СВЯТАГО АПОСТОЛА ПАВЛА

Зачало 79 (Во вторник первыя недели по Пятидесятнице)

Па́вел, раб Иису́с Христо́в, зван Апо́стол, избра́н в благове́стие Бо́жие, е́же пре́жде обеща́ проро́ки Свои́ми в писа́ниих святы́х, о Сы́не Свое́м, бы́вшем от се́мене Дави́дова по пло́ти, нарече́ннем Сы́не Бо́жии в си́ле, по ду́ху святы́ни, из воскресе́ния от ме́ртвых, Иису́са Христа́ Го́спода на́шего, И́мже прия́хом благода́ть и апо́стольство в послуша́ние ве́ры во всех язы́цех, о и́мени Его́. В ни́хже есте́ и вы, зва́ни Иису́су Христу́. Всем су́щым в Ри́ме возлю́бленным Бо́гу, зва́нным святы́м. Благода́ть вам и мир от Бо́га Отца́ на́шего, и Го́спода Иису́са Христа́. Не хощу́ же не ве́дети вам, бра́тие, я́ко мно́жицею восхоте́х приити́ к вам, и возбране́н бых досе́ле, да не́кий плод име́ю и в вас, я́коже и в про́чих язы́цех. Е́ллином же и ва́рваром, му́дрым же и неразу́мным до́лжен есмь. Та́ко есть, е́же по моему́ усе́рдию и вам су́щым в Ри́ме благовести́ти. Не стыжу́ся бо благовествова́нием Христо́вым: си́ла бо Бо́жия есть во спасе́ние вся́кому ве́рующему, Иуде́ови же пре́жде и Е́ллину. Пра́вда бо Бо́жия в нем явля́ется от ве́ры в ве́ру, я́коже есть пи́сано: пра́ведный же от ве́ры жив бу́дет.

Рим 1:1–7; 13–17

Зачало 79 (В субботу первую по Пятидесятнице)

Бра́тие, благода́ть вам и мир от Бо́га Отца́ на́шего, и Го́спода Иису́са Христа́. Пе́рвое у́бо благодарю́ Бо́га моего́ Иису́сом Христо́м о всех вас, я́ко ве́ра ва́ша возвеща́ется во всем ми́ре. Свиде́тель бо ми есть Бог, Ему́же служу́ ду́хом мои́м во благовествова́нии Сы́на Его́, я́ко безпреста́ни па́мять о вас творю́, всегда́ в моли́твах мои́х моля́ся, а́ще у́бо когда́ поспе́шен бу́ду во́лею Бо́жиею приити́ к вам. Жела́ю бо ви́дети вас, да не́кое пода́м вам дарова́ние духо́вное, ко утвержде́нию ва́шему. Сие́ же есть, соуте́шитися в вас ве́рою о́бщею, ва́шею же и мое́ю.

Рим 1:7–12

Зачало 80

Бра́тие, открыва́ется бо гнев Бо́жий с небесе́ на вся́кое нече́стие и непра́вду челове́ческую, содержа́щих и́стину в непра́вде. Зане́же разу́мное Бо́жие я́ве есть в них, Бог бо яви́л есть им. Неви́димая бо Его́, от созда́ния ми́ра творе́ньми помышля́ема, ви́дима суть, и присносу́щная си́ла Его́ и Божество́, во е́же бы́ти им безотве́тным. Зане́же разуме́вше Бо́га, не я́ко Бо́га просла́виша или́ благодари́ша, но осуети́шася помышле́нии свои́ми, и омрачи́ся неразу́мное их се́рдце. Глаго́лющеся бы́ти му́дры, объюроде́ша, и измени́ша сла́ву нетле́ннаго Бо́га в подо́бие о́браза тле́нна челове́ка и птиц и четвероно́г и гад. Те́мже и предаде́ их Бог в по́хотех серде́ц их в нечистоту́, во е́же скверни́тися телесе́м их в себе́ саме́х. И́же премени́ша и́стину Бо́жию во лжу, и почто́ша и послужи́ша тва́ри па́че Творца́, И́же есть благослове́н во ве́ки, ами́нь. Сего́ ра́ди предаде́ их Бог в стра́сти безче́стия. И жены́ бо их измени́ша есте́ственную подо́бу в презесте́ственную. Та́кожде и му́жи, оста́вльше есте́ственную подо́бу же́нска по́ла, разжего́шася по́хотию свое́ю друг на дру́га, му́жи на муже́х студ содева́юще, и возме́здие, е́же подоба́ше пре́лести их, в себе́ восприе́млюще.

Рим 1:18–27

В среду первыя недели.

Зачало 81 (В четверток первыя недели)

Бра́тие, я́коже не искуси́ша име́ти Бо́га в ра́зуме, сего́ ра́ди предаде́ их Бог в неиску́сен ум, твори́ти неподо́бная, испо́лнены вся́кия непра́вды, блуже́ния, лука́вства, лихоима́ния, зло́бы. Испо́лнены за́висти, уби́йства, рве́ния, льсти, злонра́вия. Шепотники́, клеветники́, богоме́рзки, досади́тели, велича́вы, го́рды, обрета́тели злых, роди́телем непокори́вы, неразу́мны, непримири́тельны, нелюбо́вны, неклятвохрани́тельны, неми́лостивны. Не́цыи же и оправда́ние Бо́жие разуме́вше, я́ко такова́я творя́щии досто́йни сме́рти суть, не то́чию са́ми творя́т, но и соизволя́ют творя́щым. Сего́ ра́ди безотве́тен еси́, о, челове́че всяк судя́й: и́мже бо судо́м су́диши дру́га, себе́ осужда́еши. Та́яжде бо твори́ши судя́й. Ве́мы же, я́ко суд Бо́жий есть пои́стинне на творя́щих такова́я. Помышля́еши ли же сия́, о челове́че, судя́й такова́я творя́щым и творя́ сам та́яжде, я́ко ты избежи́ши ли суда́ Бо́жия, или́ о бога́тстве бла́гости Его́ и кро́тости и долготерпе́нии неради́ши, неве́дый, я́ко бла́гость Бо́жия на покая́ние тя веде́т? По жесто́кости же твое́й и непока́янному се́рдцу, собира́еши себе́ гнев в день гне́ва и открове́ния пра́веднаго суда́ Бо́жия, И́же возда́ст коему́ждо по дело́м его́. О́вым у́бо, по терпе́нию де́ла блага́го, сла́ву и честь и нетле́ние и́щущым, живо́т ве́чный. А и́же по рве́нию противля́ющимся у́бо и́стине, повину́ющимся же непра́вде, я́рость и гнев. Скорбь и теснота́ на вся́ку ду́шу челове́ка творя́щаго зло́е, иуде́а же пре́жде и е́ллина.

Рим 1:28–2:9

Зачало 81 (Неделя вторая)

Бра́тие, сла́ва и честь и мир вся́кому де́лающему благо́е, иуде́еви же пре́жде и е́ллину. Несть бо на лица́ зре́ния у Бо́га. Ели́цы бо беззако́нно согреши́ша, беззако́нно и поги́бнут, и ели́цы в зако́не согреши́ша, зако́ном суд прии́мут. Не слы́шателие бо зако́на пра́ведни пред Бо́гом, но творцы́ зако́на, си́и оправдя́тся. Егда́ бо язы́цы, не иму́ще зако́на, естество́м зако́нная творя́т; си́и, зако́на не иму́ще, са́ми себе́ суть зако́н. И́же явля́ют де́ло зако́нное напи́сано в сердца́х свои́х, спослушеству́ющи им со́вести, и между́ собо́ю помысло́м осужда́ющым или́ отвеща́ющым, в день, егда́ су́дит Бог та́йная челове́ком, по благове́стию моему́, Иису́сом Христо́м.

Рим 2:10–16

Зачало 82

Бра́тие, егда́ язы́цы, не иму́ще зако́на, естество́м зако́нная творя́т, си́и, зако́на не иму́ще, са́ми себе́ суть зако́н. И́же явля́ют де́ло зако́нное напи́сано в сердца́х свои́х, спослушеству́ющи им со́вести, и между́ собо́ю помысло́м осужда́ющым или́ отвеща́ющым, в день, егда́ су́дит Бог та́йная челове́ком, по благове́стию моему́, Иису́сом Христо́м. Се ты иуде́й имену́ешися, и почива́еши на зако́не, и хва́лишися о Бо́зе, и разуме́еши во́лю, и разсужда́еши лу́чшая, науча́емь от зако́на, упова́я же себе́ вожда́ бы́ти слепы́м, све́та су́щым во тме, наказа́теля безу́мным, учи́теля младе́нцем, иму́ща о́браз ра́зума и и́стины в зако́не. Науча́я у́бо ина́го, себе́ ли не учи́ши, пропове́дая не кра́сти, кра́деши; глаго́ля не прелюбы́ твори́ти, прелюбы́ твори́ши; гнуша́яся и́дол, свята́я кра́деши; и́же в зако́не хва́лишися, преступле́нием зако́на Бо́га безче́ствуеши. И́мя бо Бо́жие ва́ми ху́лится во язы́цех, я́коже есть пи́сано. Обре́зание у́бо по́льзует, а́ще зако́н твори́ши. А́ще же зако́на престу́пник еси́, обре́зание твое́ необре́зание бысть. А́ще у́бо необре́зание оправда́ние зако́на сохрани́т, не необре́зание ли его́ во обре́зание вмени́тся, и осу́дит е́же от естества́ необре́зание, зако́н соверша́ющее, тебе́, и́же Писа́нием и обре́занием су́ща престу́пника зако́на. Не бо и́же я́ве, иуде́й есть, ни е́же я́ве во пло́ти, обре́зание, но и́же вта́йне иуде́й, и обре́зание се́рдца ду́хом, а не Писа́нием, ему́же похвала́ не от челове́к, но от Бо́га.

Рим 2:14–29

В пяток первыя недели.

Зачало 83

Бра́тие, не и́же я́ве, иуде́й есть, ни е́же я́ве во пло́ти, обре́зание. Но и́же вта́йне иуде́й, и обре́зание се́рдца ду́хом, а не Писа́нием, ему́же похвала́ не от челове́к, но от Бо́га. Что у́бо ли́шшее иуде́ю? Или́ ка́я по́льза обре́зания? Мно́го по вся́кому образу: пе́рвее у́бо, я́ко вве́рена бы́ша им словеса́ Бо́жия. Что бо, а́ще не ве́роваша не́цыи? Еда́ у́бо неве́рствие их ве́ру Бо́жию упраздни́т? Да не бу́дет: да бу́дет же Бог и́стинен, всяк же челове́к ложь, я́коже есть пи́сано: я́ко да оправди́шися во словесе́х Твои́х, и победи́ши, внегда́ суди́ти Ти. А́ще ли непра́вда на́ша Бо́жию пра́вду составля́ет, что рече́м? Еда́ ли непра́веден Бог нанося́й гнев? По челове́ку глаго́лю, да не бу́дет, поне́же ка́ко суди́ти и́мать Бог ми́ру? А́ще у́бо и́стина Бо́жия в мое́й лжи избы́точествова в сла́ву Его́, что еще́ и аз я́ко гре́шник осужда́юся, и не я́коже ху́лимся, и я́коже глаго́лют не́цыи нас глаго́лати, я́ко сотвори́м злая, да прии́дут блага́я, и́хже суд пра́веден есть. Что у́бо, преиме́ем ли? Ника́коже, предукори́хом бо иуде́и же и е́ллины вся под грехо́м бы́ти, я́коже есть пи́сано. Я́ко несть пра́веден никто́же, несть разумева́яй, и несть взыска́яй Бо́га, вси уклони́шася, вку́пе непотре́бни бы́ша. Несть творя́й благосты́ню, несть да́же до еди́наго. Гроб отве́рст горта́нь их, язы́ки свои́ми льща́ху. Яд а́спидов под устна́ми их. И́хже уста́ кля́твы и го́рести по́лна суть. Ско́ры но́ги их пролия́ти кровь, сокруше́ние и озлобле́ние на путе́х их, и пути́ ми́рнаго не позна́ша. Несть стра́ха Бо́жия пред очи́ма их.

Рим 2:28–3:18

В понедельник 2-я недели.

Зачало 84

Бра́тие, ве́мы, я́ко ели́ка зако́н глаго́лет, су́щым в зако́не глаго́лет, да вся́ка уста́ заградя́тся, и пови́нен бу́дет весь мир Бо́гови. Зане́ от дел зако́на не оправди́тся вся́ка плоть пред Ним, зако́ном бо позна́ние греха́. Ны́не же кроме́ зако́на пра́вда Бо́жия яви́ся, свиде́тельствуема от зако́на и проро́к. Пра́вда же Бо́жия ве́рою Иису́с Христо́вою во вся и на всех ве́рующих. Несть бо ра́знствия, вси бо согреши́ша, и лише́ни суть сла́вы Бо́жия, оправда́еми ту́не благода́тию Его́, избавле́нием, е́же о Христе́ Иису́се. Его́же предположи́ Бог очище́ние ве́рою в Кро́ви Его́, в явле́ние пра́вды Своея́, за отпуще́ние пре́жде бы́вших грехо́в, в долготерпе́нии Бо́жии, и в показа́ние пра́вды Его́ в ны́нешнее вре́мя, во е́же бы́ти Ему́ пра́ведну и оправда́ющу су́щаго от ве́ры Иису́совы.

Рим 3:19–26

В субботу 2-ю.

Зачало 85

Бра́тие, мы́слим ве́рою оправда́тися челове́ку, без дел зако́на. Или́ иуде́ев Бог то́кмо, а не и язы́ков? Ей и язы́ков. Поне́же еди́н Бог, И́же оправди́т обре́зание от ве́ры и необре́зание ве́рою. Зако́н ли у́бо разоря́ем ве́рою? Да не бу́дет, но зако́н утвержда́ем. Что у́бо рече́м, Авраа́ма отца́ на́шего обрести́ по пло́ти? А́ще бо Авраа́м от дел оправда́ся, и́мать похвалу́, но не у Бо́га. Что бо Писа́ние глаго́лет? Ве́рова же Авраа́м Бо́гови, и вмени́ся ему́ в пра́вду.

Рим 3:28–4:3

В субботу 3-ю.

Зачало 86

Бра́тие, де́лающему мзда не вменя́ется по благода́ти, но по до́лгу. А не де́лающему, ве́рующему же во Оправда́ющаго нечести́ва, вменя́ется ве́ра его́ в пра́вду. Я́коже и Дави́д глаго́лет блаже́нство челове́ка, ему́же вменя́ет Бог пра́вду, без дел зако́на: блаже́ни, и́хже отпусти́шася беззако́ния и и́хже прикры́шася греси́. Блаже́н муж, ему́же не вмени́т Госпо́дь греха́. Блаже́нство у́бо сие́ на обре́зание ли, или́ на необре́зание? Глаго́лем бо, я́ко вмени́ся Авраа́му ве́ра в пра́вду. Ка́ко у́бо вмени́ся ему́, во обре́зании ли су́щу, или́ в необре́зании, не во обре́зании, но в необре́зании. И зна́мение прия́т обре́зания, печа́ть пра́вды ве́ры, я́же в необре́зании. Я́ко бы́ти ему́ отцу́ всех ве́рующих в необре́зании, во е́же вмени́тися и тем в пра́вду. И отцу́ обре́зания, не су́щым то́чию от обре́зания, но и ходя́щым в стопа́х ве́ры, я́же в необре́зании отца́ на́шего Авраа́ма.

Рим 4:4–12

Во вторник 2-я недели.

Зачало 87

Бра́тие, не зако́ном обетова́ние Авраа́му, или́ се́мени его́, е́же бы́ти ему́ насле́днику ми́рови, но пра́вдою ве́ры. А́ще бо су́щии от зако́на насле́дницы, испраздни́ся ве́ра, и разори́ся обетова́ние. Зако́н бо гнев соде́ловает: иде́же бо несть зако́на, ту ни преступле́ния. Сего́ ра́ди от ве́ры, да по благода́ти, во е́же бы́ти изве́стну обетова́нию всему́ се́мени, не то́чию су́щему от зако́на, но и су́щему от ве́ры Авраа́мовы, и́же есть оте́ц всем нам, я́коже есть пи́сано: я́ко отца́ мно́гим язы́ком положи́х тя, пря́мо Ему́же ве́рова Бо́гу, животворя́щему ме́ртвыя и нарица́ющу не су́щая я́ко су́щая. И́же па́че упова́ния во упова́ние ве́рова, во е́же бы́ти ему́ отцу́ мно́гим язы́ком, по рече́нному: та́ко бу́дет се́мя твое́. И не изнемо́г ве́рою, ни усмотре́ своея́ пло́ти уже́ умерщвле́нныя, столе́тен не́где сый, и ме́ртвости ложе́сн Са́рриных. Во обетова́нии же Бо́жии не усумне́ся неве́рованием, но возмо́же ве́рою, дав сла́ву Бо́гови. И изве́стен быв, я́ко е́же обеща́, си́лен есть и сотвори́ти. Те́мже и вмени́ся ему́ в пра́вду. Не пи́сано же бысть за того́ еди́наго то́чию, я́ко вмени́ся ему́, но и за ны, и́мже хо́щет вмени́тися, ве́рующым во Воскреси́вшаго Иису́са Христа́ Го́спода на́шего из ме́ртвых, И́же пре́дан бысть за прегреше́ния на́ша и воста́ за оправда́ние на́ше.

Рим 4:13–25

В среду 2-я недели.

Зачало 88 (Неделя 3-я)

Бра́тие, оправди́вшеся ве́рою, мир и́мамы к Бо́гу Го́сподем на́шим Иису́с Христо́м, И́мже и приведе́ние обрето́хом ве́рою во благода́ть сию́, в не́йже стои́м, и хва́лимся упова́нием сла́вы Бо́жия. Не то́чию же, но и хва́лимся в ско́рбех, ве́дяще, я́ко скорбь терпе́ние соде́ловает, терпе́ние же иску́сство, иску́сство же упова́ние, упова́ние же не посрами́т. Я́ко любы́ Бо́жия излия́ся в сердца́ на́ша Ду́хом Святы́м да́нным нам. Еще́ бо Христо́с су́щым нам немощны́м, по вре́мени за нечести́вых у́мре. Едва́ бо за пра́ведника кто у́мрет, за блага́го бо не́гли кто и де́рзнет умре́ти. Составля́ет же Свою́ любо́вь к нам Бог, я́ко еще́ гре́шником су́щым нам, Христо́с за ны у́мре. Мно́го у́бо па́че, оправда́ни бы́вше ны́не Кро́вию Его́, спасе́мся Им от гне́ва. А́ще бо врази́ бы́вше примири́хомся Бо́гу сме́ртию Сы́на Его́, мно́жае па́че примири́вшеся спасе́мся в животе́ Его́.

Рим 5:1–10

Зачало 88 (В 3-й час Пятка великаго)

Бра́тие, Христо́с су́щим нам немощны́м, по вре́мени за нечести́вых у́мре. Едва́ бо за пра́ведника кто у́мрет, за блага́го бо не́гли кто и де́рзнет умре́ти. Составля́ет же Свою́ любо́вь в нас Бог, я́ко еще́ гре́шником су́щим нам, Христо́с за ны у́мре. Мно́го же у́бо па́че оправда́ни бы́вше ны́не Кро́вию Его́, спасе́мся Им от гне́ва. А́ще бо врази́ бы́вше, примири́хомся Бо́гу сме́ртию Сы́на Его́, мно́жае па́че примири́вшеся, спасе́мся в животе́ Его́. Не то́чию же, но и хва́лимся о Бо́зе Го́сподем на́шим Иису́с Христо́м, И́мже ны́не примире́ние прия́хом.

Рим 5:6–11

Зачало 89

Бра́тие, а́ще врази́ бы́вше примири́хомся Бо́гу сме́ртию Сы́на Его́, мно́жае па́че примири́вшеся спасе́мся в животе́ Его́. Не то́чию же, но и хва́лимся о Бо́зе Го́сподем на́шим Иису́с Христо́м, И́мже ны́не примире́ние прия́хом. Сего́ ра́ди я́коже еди́нем челове́ком грех в мир вни́де, и грехо́м смерть, и та́ко смерть во вся челове́ки вни́де, в не́мже вси согреши́ша. До зако́на бо грех бе в ми́ре, грех же не вменя́шеся, не су́щу зако́ну. Но ца́рствова смерть от Ада́ма да́же до Моисе́а и над несогре́шшими по подо́бию преступле́ния Ада́мова, и́же есть о́браз бу́дущаго. Но не я́коже прегреше́ние, та́ко и дар. А́ще бо прегреше́нием еди́наго мно́зи умро́ша, мно́жае па́че благода́ть Бо́жия и дар благода́тию еди́наго Челове́ка Иису́са Христа́ во мно́гих преизли́шествова. И не я́коже еди́нем согре́шшим, дарова́ние. Грех бо из еди́наго во осужде́ние, дар же от мно́гих прегреше́ний во оправда́ние.

Рим 5:10–16

В четверток 2-я недели.

Зачало 90

Бра́тие, а́ще еди́наго прегреше́нием смерть ца́рствова еди́нем, мно́жае па́че избы́ток благода́ти и дар пра́вды прие́млюще, в жи́зни воцаря́тся еди́нем Иису́с Христо́м. Те́мже у́бо, я́коже еди́наго прегреше́нием во вся челове́ки вни́де осужде́ние, та́кожде и еди́наго оправда́нием во вся челове́ки вни́де оправда́ние жи́зни. Я́коже бо ослуша́нием еди́наго челове́ка гре́шни бы́ша мно́зи, си́це и послуша́нием еди́наго пра́ведни бу́дут мно́зи. Зако́н же привни́де, да умно́жится прегреше́ние, иде́же бо умно́жися грех, преизбы́точествова благода́ть. Да я́коже ца́рствова грех во смерть, та́кожде и благода́ть воцари́тся пра́вдою в жизнь ве́чную, Иису́с Христо́м Го́сподем на́шим. Что у́бо рече́м, пребу́дем ли во гресе́ да благода́ть преумно́жится? Да не бу́дет. И́же бо умро́хом греху́, ка́ко па́ки оживе́м о нем?

Рим 5:17–6:2

В пяток 2-я недели.

Зачало 91

Бра́тие, ели́цы во Христа́ Иису́са крести́хомся, в смерть Его́ крести́хомся. Спогребо́хомся у́бо Ему́ креще́нием в смерть, да я́коже воста́ Христо́с от ме́ртвых сла́вою О́тчею, та́ко и мы во обновле́нии жи́зни ходи́ти на́чнем. А́ще бо сообра́зни бы́хом подо́бию сме́рти Его́, то и воскресе́нию бу́дем. Сие́ ве́дяще, я́ко ве́тхий наш челове́к с Ним распя́тся, да упраздни́тся те́ло грехо́вное, я́ко ктому́ не рабо́тати нам греху́. Уме́рый бо, оправди́ся от греха́. А́ще ли умро́хом со Христо́м, ве́руем, я́ко и жи́ви бу́дем с Ним, ве́дяще, я́ко Христо́с воста́ от ме́ртвых, ктому́ уже́ не умира́ет, смерть Ему́ ктому́ не облада́ет. Е́же бо у́мре, греху́ у́мре еди́ною, а е́же живе́т, Бо́гови живе́т. Та́кожде и вы помышля́йте себе́, ме́ртвым у́бо бы́ти греху́, живы́м же Бо́гови, о Христе́ Иису́се Го́споде на́шем.

Рим 6:3–11

Во святую и великую Субботу, вечер.

Зачало 92

Бра́тие, помышля́йте себе́ ме́ртвых у́бо бы́ти греху́, живы́м же Бо́гови, о Христе́ Иису́се Го́споде на́шем. Да не ца́рствует у́бо грех в ме́ртвеннем ва́шем те́ле, во е́же послу́шати его́ в по́хотех его́, ниже́ представля́йте у́ды ва́ша ору́жия непра́вды греху́, но представля́йте себе́ Бо́гови я́ко от ме́ртвых жи́вы, и у́ды ва́ша ору́жия пра́вды Бо́гови. Грех бо ва́ми да не облада́ет. Не́сте бо под зако́ном, но под благода́тию. Что у́бо, согреши́м ли, зане́ не́смы под зако́ном, но под благода́тию, да не бу́дет. Не ве́сте ли, я́ко ему́же представля́ете себе́ рабы́ в послуша́ние, раби́ есте́, его́же послу́шаете, или́ греха́ в смерть, или́ послуша́ния в пра́вду? Благодари́м у́бо Бо́га, я́ко бе́сте раби́ греху́, послу́шасте же от се́рдца, во́ньже и преда́стеся о́браз уче́ния.

Рим 6:11–17

В субботу 4-ю.

Зачало 93

Бра́тие, свобо́ждшеся от греха́, порабо́тистеся пра́вде. Челове́ческо глаго́лю, за не́мощь пло́ти ва́шея. Я́коже у́бо предста́висте у́ды ва́ша рабы́ нечистоте́ и беззако́нию в беззако́ние, та́ко ны́не предста́вите у́ды ва́ша рабы́ пра́вде во святы́ню. Егда́ бо раби́ бе́сте греха́, свобо́дни бе́сте от пра́вды. Кий у́бо тогда́ име́сте плод? О ни́хже ны́не стыдите́ся, кончи́на бо о́нех, смерть. Ны́не же свобо́ждшеся от греха́, порабо́щшеся же Бо́гови, и́мате плод ваш во святы́ню, кончи́ну же жизнь ве́чную. Обро́цы бо греха́ смерть: дарова́ние же Бо́жие живо́т ве́чный о Христе́ Иису́се Го́споде на́шем.

Рим 6:18–23

Неделя 4-я.

Зачало 94

Бра́тие, ве́дущым зако́н глаго́лю, я́ко зако́н облада́ет над челове́ком, во ели́ко вре́мя живе́т? И́бо мужа́тая жена́ жи́ву му́жу привя́зана есть зако́ном, а́ще ли же у́мрет муж ея́, разреши́тся от зако́на му́жескаго. Те́мже у́бо, жи́ву су́щу му́жу, прелюбоде́йца быва́ет, а́ще бу́дет му́жеви ино́му, а́ще ли у́мрет муж ея́, свобо́дна есть от зако́на, не бы́ти ей прелюбоде́йце, бы́вшей му́жу ино́му. Те́мже, бра́тие моя́, и вы умро́сте зако́ну те́лом Христо́вым, во е́же бы́ти вам ино́му, Воста́вшему из ме́ртвых, да плод принесе́м Бо́гови. Егда́ бо бе́хом во пло́ти, стра́сти грехо́вныя, я́же зако́ном, де́йствоваху во у́дех на́ших, во е́же плод твори́ти сме́рти. Ны́не же упраздни́хомся от зако́на, уме́рше, и́мже держи́ми бе́хом, я́ко рабо́тати нам Бо́гови во обновле́нии ду́ха, а не в ве́тхости пи́смене. Что у́бо рече́м? Зако́н ли грех? Да не бу́дет. Но греха́ не знах, то́чию зако́ном, по́хоти же не ве́дах, а́ще не бы зако́н глаго́лаше: не похо́щеши. Вину́ же прие́м грех за́поведию, соде́ла во мне вся́ку по́хоть, без зако́на бо грех мертв есть. Аз же живя́х кроме́ зако́на иногда́, прише́дши же за́поведи, грех у́бо оживе́, аз же умро́х, и обре́теся ми за́поведь, я́же в живо́т, сия́ в смерть, грех бо вину́ прие́м за́поведию, прельсти́ мя, и то́ю умертви́ мя. Те́мже у́бо зако́н свят, и за́поведь свята́ и пра́ведна и блага́. Благо́е ли у́бо бысть мне смерть? Да не бу́дет, но грех, да яви́тся грех, благи́м ми содева́я смерть, да бу́дет по премно́гу гре́шен грех за́поведию.

Рим 7:1–13

В понедельник 3-я недели.

Зачало 95

Бра́тие, ве́мы, я́ко зако́н духо́вен есть, аз же пло́тян есмь, про́дан под грех. Е́же бо содева́ю, не разуме́ю, не е́же бо хощу́, сие́ творю́, но е́же ненави́жду, то соде́ловаю. А́ще ли, е́же не хощу́, сие́ творю́, хвалю́ зако́н я́ко добр, ны́не же не ктому́ аз сие́ содева́ю, но живы́й во мне грех. Вем бо, я́ко не живе́т во мне, си́речь во пло́ти мое́й, до́брое: е́же бо хоте́ти прилежи́т ми, а е́же соде́яти до́брое, не обрета́ю. Не е́же бо хощу́ до́брое, творю́, но е́же не хощу́ зло́е, сие́ содева́ю. А́ще ли, е́же не хощу́ аз, сие́ творю́, уже́ не аз сие́ творю́, но живы́й во мне грех. Обрета́ю у́бо зако́н, хотя́щу ми твори́ти до́брое, я́ко мне зло́е прилежи́т. Соуслажда́юся бо зако́ну Бо́жию по вну́треннему челове́ку. Ви́жду же ин зако́н во у́дех мои́х, проти́ву вою́ющь зако́ну ума́ моего́ и пленя́ющь мя зако́ном грехо́вным, су́щим во у́дех мои́х. Окая́нен аз челове́к, кто мя изба́вит от те́ла сме́рти сея́? Благодарю́ Бо́га моего́ Иису́с Христо́м Го́сподем на́шим. Те́мже у́бо сам аз умо́м мои́м рабо́таю зако́ну Бо́жию, пло́тию же зако́ну грехо́вному. Ни еди́но у́бо ны́не осужде́ние су́щым о Христе́ Иису́се не по пло́ти ходя́щым, но по ду́ху. Зако́н бо ду́ха жи́зни о Христе́ Иису́се свободи́л мя есть от зако́на грехо́внаго и сме́рти.

Рим 7:14–8:2

Во вторник 3-я недели.

Зачало 96 (Среда 3-я недели)

Бра́тие, зако́н ду́ха жи́зни о Христе́ Иису́се свободи́л мя есть от зако́на грехо́внаго и сме́рти. Немощно́е бо зако́на, в не́мже немоществова́ше пло́тию, Бог Сы́на Своего́ посла́ в подо́бии пло́ти греха́, и о гресе́ осуди́ грех во пло́ти, да оправда́ние зако́на испо́лнится в нас, не по пло́ти ходя́щих, но по ду́ху. Су́щии бо по пло́ти, плотска́я му́дрствуют. А и́же по ду́ху, духо́вная. Мудрова́ние бо плотско́е смерть есть, а мудрова́ние духо́вное живо́т и мир, зане́ мудрова́ние плотско́е вражда́ на Бо́га, зако́ну бо Бо́жию не покаря́ется, ниже́ бо мо́жет. Су́щии же во пло́ти, Бо́гу угоди́ти не мо́гут. Вы же не́сте во пло́ти, но в ду́се, поне́же Дух Бо́жий живе́т в вас. А́ще же кто Ду́ха Христо́ва не и́мать, сей несть Его́в. А́ще ли Христо́с в вас, плоть у́бо мертва́ греха́ ра́ди, дух же живе́т пра́вды ра́ди. А́ще ли же Дух Воскреси́вшаго Иису́са от ме́ртвых живе́т в вас, Воздви́гий Христа́ из ме́ртвых оживотвори́т и ме́ртвенная телеса́ ва́ша, живу́щим Ду́хом Его́ в вас. Те́мже у́бо, бра́тие, до́лжни есмы́ не пло́ти, е́же по пло́ти жи́ти. А́ще бо по пло́ти живете́, и́мате умре́ти, а́ще ли ду́хом дея́ния плотска́я умерщвля́ете, жи́ви бу́дете.

Рим 8:2–13

Зачало 96 (Декемвриа 28)

Бра́тие, немощно́е зако́на, в не́мже немоществова́ше пло́тию, Бог Сы́на Своего́ посла́ в подо́бии пло́ти греха́, и о гресе́ осуди́ грех во пло́ти, да оправда́ние зако́на испо́лнится в нас, не по пло́ти ходя́щих, но по ду́ху. Су́щии бо по пло́ти, плотска́я му́дрствуют. А и́же по ду́ху, духо́вная. Мудрова́ние бо плотско́е смерть есть, а мудрова́ние духо́вное живо́т и мир, зане́ мудрова́ние плотско́е вражда́ на Бо́га, зако́ну бо Бо́жию не покаря́ется, ниже́ бо мо́жет. Су́щии же во пло́ти, Бо́гу угоди́ти не мо́гут. Вы же не́сте во пло́ти, но в ду́се, поне́же Дух Бо́жий живе́т в вас.

Рим 8:3–9

Зачало 96 (Ианнуариа 4)

Бра́тие, су́щии во пло́ти Бо́гу угоди́ти не мо́гут. Вы же не́сте во пло́ти, но в ду́се поне́же Дух Бо́жий живе́т в вас. А́ще же кто Ду́ха Христо́ва не и́мать, сей несть Его́в. А́ще ли Христо́с в вас, плоть у́бо мертва́ греха́ ра́ди, дух же живе́т пра́вды ра́ди. А́ще ли же Дух Воскреси́вшаго Иису́са от ме́ртвых живе́т в вас, Воздви́гий Христа́ из ме́ртвых оживотвори́т и ме́ртвенная телеса́ ва́ша, живу́щим Ду́хом Его́ в вас. Те́мже у́бо, бра́тие, до́лжни есмы́ не пло́ти, е́же по пло́ти жи́ти. А́ще бо по пло́ти живете́, и́мате умре́ти, а́ще ли ду́хом дея́ния плотска́я умерщвля́ете, жи́ви бу́дете. Ели́цы бо Ду́хом Бо́жиим во́дятся, си́и суть сы́нове Бо́жии.

Рим 8:8–14

Зачало 97

Бра́тие, ели́цы Ду́хом Бо́жиим во́дятся, си́и суть сы́нове Бо́жии. Не прия́сте бо ду́ха рабо́ты па́ки в боя́знь, но прия́сте Ду́ха сыноположе́ния, о Не́мже вопие́м: А́вва О́тче. Са́мый Дух спослушеству́ет ду́хови на́шему, я́ко есмы́ ча́да Бо́жия. А́ще же ча́да, и насле́дницы: насле́дницы у́бо Бо́гу, снасле́дницы же Христу́, поне́же с Ним стра́ждем, да и с Ним просла́вимся. Непщу́ю бо, я́ко недосто́йны стра́сти ны́нешняго вре́мене к хотя́щей сла́ве яви́тися в нас. Ча́яние бо тва́ри, открове́ния сыно́в Бо́жиих ча́ет. Суете́ бо тварь повину́ся не во́лею, но за повину́вшаго ю́, на упова́нии, я́ко и сама́ тварь свободи́тся от рабо́ты истле́ния в свобо́ду сла́вы чад Бо́жиих.

Рим 8:14–21

Суббота 5-я недели.

Зачало 98

Бра́тие, ве́мы, я́ко вся тварь с на́ми совоздыха́ет и сболе́знует да́же доны́не, не то́чию же, но и са́ми нача́ток Ду́ха иму́ще, и мы са́ми в себе́ воздыха́ем, всыновле́ния ча́юще, избавле́ния те́лу на́шему. Упова́нием бо спасо́хомся. Упова́ние же ви́димое, несть упова́ние, е́же бо ви́дит кто, что и упова́ет? А́ще ли, его́же не ви́дим, наде́емся, терпе́нием ждем. Си́це же и Дух спосо́бствует нам в не́мощех на́ших, о чесо́м бо помо́лимся, я́коже подоба́ет, не ве́мы, но Сам Дух хода́тайствует о нас воздыха́нии неизглаго́ланными. Испыта́яй же сердца́ весть, что есть мудрова́ние Ду́ха, я́ко по Бо́гу припове́дует о святы́х.

Рим 8:22–27

В четверток 3-я недели.

Зачало 99

Бра́тие, ве́мы я́ко лю́бящым Бо́га вся поспешеству́ют во благо́е, су́щым по предуве́дению зва́нным. И́хже бо предуве́де, тех и предуста́ви сообра́зным бы́ти о́бразу Сы́на Своего́, я́ко бы́ти Ему́ перворо́дну во мно́гих бра́тиях. А и́хже предуста́ви, тех и призва́, а и́хже призва́, сих и оправда́, а и́хже оправда́, сих и просла́ви. Что у́бо рече́м к сим, а́ще Бог по нас, кто на ны? И́же у́бо Своего́ Сы́на не пощаде́, но за ны вся пре́дал есть Его́, ка́ко у́бо не и с Ним вся нам да́рствует? Кто пое́млет на избра́нныя Бо́жия? Бог оправда́яй. Кто осужда́яй? Христо́с Иису́с уме́рый, па́че же и воскресы́й, И́же и есть одесну́ю Бо́га, И́же и хода́тайствует о нас. Кто ны разлучи́т от любве́ Бо́жия? Скорбь ли, или́ теснота́, или́ гоне́ние, или́ глад, или́ нагота́, или́ беда́, или́ мечь? Я́коже есть пи́сано: я́ко Тебе́ ра́ди умерщвля́еми есмы́ весь день, вмени́хомся я́коже о́вцы заколе́ния. Но о сих всех препобежда́ем за Возлю́бльшаго ны. Извести́хся бо, я́ко ни смерть, ни живо́т, ни А́нгели, ни Нача́ла, ниже́ Си́лы, ни настоя́щая, ни гряду́щая, ни высота́, ни глубина́, ни и́на тварь ка́я возмо́жет нас разлучи́ти от любве́ Бо́жия, я́же о Христе́ Иису́се Го́споде на́шем.

Рим 8:28–39

Святым великомучеником.

Зачало 100

Бра́тие, и́стину глаго́лю о Христе́, не лгу, послушеству́ющи ми со́вести мое́й Ду́хом Святы́м, я́ко скорбь ми есть ве́лия и непрестаю́щая боле́знь се́рдцу моему́. Моли́л бых ся бо сам аз отлуче́н бы́ти от Христа́ по бра́тии мое́й, сро́дницех мои́х по пло́ти, и́же суть изра́ильте, и́хже всыновле́ние и сла́ва, и заве́ти и законоположе́ние, и служе́ние и обетова́ния, и́хже отцы́, и от ни́хже Христо́с по пло́ти, сый над все́ми Бог благослове́н во ве́ки, ами́нь.

Рим 9:1–5

Суббота 6-я недели.

Зачало 101

Бра́тие, не та́коже я́ко отпаде́ сло́во Бо́жие, не вси бо су́щии от Изра́иля, си́и Изра́иль, ни зане́ суть се́мя Авраа́мле, вси ча́да, но во Исаа́це, рече́, нарече́тся ти се́мя. Си́речь, не ча́да плотска́я, сия́ ча́да Бо́жия, но ча́да обетова́ния причита́ются в се́мя. Обетова́ния бо сло́во сие́: на сие́ вре́мя прииду́, и бу́дет Са́рре сын. Не то́чию же, но и Реве́кка от еди́наго ло́жа Исаа́ка отца́ на́шего иму́щи. Не у́бо не ро́ждшымся, ни сотво́ршым чесо́ бла́го или́ зло, да по избра́нию предложе́ние Бо́жие пребу́дет, не от дел, но от Призыва́ющаго, рече́ся ей, я́ко бо́лий порабо́тает ме́ньшему, я́коже есть пи́сано: Иа́кова возлюби́х, Иса́ва же возненави́дех. Что у́бо рече́м? Еда́ непра́вда у Бо́га? Да не бу́дет. Моисе́ови бо глаго́лет: поми́лую, его́же а́ще поми́лую, и уще́дрю, его́же а́ще уще́дрю. Те́мже у́бо ни хотя́щаго, ни теку́щаго, но ми́лующаго Бо́га. Глаго́лет бо Писа́ние фарао́нови: я́ко на и́стое сие́ воздвиго́х тя, я́ко да покажу́ тобо́ю си́лу Мою́ и я́ко да возвести́тся и́мя Мое́ по всей земли́. Те́мже у́бо, его́же хо́щет, ми́лует, а его́же хо́щет, ожесточа́ет. Рече́ши же ми у́бо: чесо́ ра́ди у́бо укоря́ет, во́ли бо Его́ кто проти́витися мо́жет?

Рим 9:6–19

Пяток 3-я недели.

Зачало 102

Бра́тие, Бог его́же хо́щет, ми́лует, а его́же хо́щет, ожесточа́ет. Рече́ши же ми у́бо: чесо́ ра́ди у́бо укоря́ет, во́ли бо Его́ кто проти́витися мо́жет? Те́мже у́бо, о челове́че, ты кто еси́, проти́в отвеща́яй Бо́гови? Еда́ рече́т зда́ние созда́вшему е́: почто́ мя сотвори́л еси́ та́ко? Или́ не и́мать вла́сти скуде́льник на бре́нии, от того́же смеше́ния сотвори́ти ов у́бо сосу́д в честь, ов же не в честь? А́ще ли же хотя́ Бог показа́ти гнев Свой и яви́ти си́лу Свою́, пренесе́ во мно́зе долготерпе́нии сосу́ды гне́ва соверше́ны в поги́бель, и да ска́жет бога́тство сла́вы Своея́ на сосу́дех ми́лости, я́же предугото́ва в сла́ву, и́хже и призва́ нас не то́чию от иуде́й, но и от язы́к. Я́коже и во Оси́и глаго́лет: нареку́ не лю́ди Моя́ лю́ди Моя́, и невозлю́бленую возлю́блену. И бу́дет на ме́сте, иде́же рече́ся им: не лю́дие Мои́ есте́ вы, та́мо нареку́тся сы́нове Бо́га жива́го. Иса́иа же вопие́т о Изра́или: а́ще бу́дет число́ сыно́в Изра́илевых я́ко песо́к морски́й, оста́нок спасе́тся. Сло́во бо скончава́я и сокраща́я в пра́вде, я́ко сло́во сокраще́но сотвори́т Госпо́дь на земли́. И я́коже прорече́ Иса́иа: а́ще не бы Госпо́дь Савао́ф оста́вил нам се́мене, я́коже Содо́м у́бо бы́ли бы́хом, и я́коже Гомо́рру уподо́билися бы́хом. Что у́бо рече́м, я́ко язы́цы, не гоня́щии пра́вду, постиго́ша пра́вду, пра́вду же, я́же от ве́ры. Изра́иль же, гоня́ зако́н пра́вды, в зако́н пра́вды не пости́же. Чесо́ ра́ди? Зане́ не от ве́ры, но от дел зако́на, преткну́шася бо о ка́мень претыка́ния. Я́коже есть пи́сано: се полага́ю в Сио́не ка́мень претыка́ния и ка́мень собла́зна, и всяк ве́руяй вонь не постыди́тся.

Рим 9:18–33

Понедельник 4-я недели.

Зачало 103

Бра́тие, благоволе́ние моего́ се́рдца и моли́тва, я́же к Бо́гу по Изра́или, есть во спасе́ние. Свиде́тельствую бо им, я́ко ре́вность Бо́жию и́мут, но не по ра́зуму. Не разуме́юще бо Бо́жия пра́вды и свою́ пра́вду и́щуще поста́вити, пра́вде Бо́жией не повину́шася. Кончи́на бо зако́на Христо́с, в пра́вду вся́кому ве́рующему. Моисе́й бо пи́шет пра́вду ю́же от зако́на, я́ко сотвори́вый та челове́к жив бу́дет в них. А я́же от ве́ры пра́вда си́це глаго́лет: да не рече́ши в се́рдцы твое́м, кто взы́дет на не́бо, си́речь Христа́ свести́. Или́ кто сни́дет в бе́здну, си́речь Христа́ от ме́ртвых возвести́. Но что глаго́лет Писа́ние? Близ ти глаго́л есть, во усте́х твои́х и в се́рдце твое́м, си́речь глаго́л ве́ры, его́же пропове́даем. Я́ко а́ще испове́си усты́ твои́ми Го́спода Иису́са, и ве́руеши в се́рдце твое́м, я́ко Бог Того́ воздви́же из ме́ртвых, спасе́шися. Се́рдцем бо ве́руется в пра́вду, усты́ же испове́дуется во спасе́ние.

Рим 10:1–10

Неделя 5-я.

Зачало 104

Бра́тие, глаго́лет Писа́ние: всяк ве́руяй вонь не постыди́тся. Несть бо ра́знствия иуде́еви же и е́ллину: Той бо Бог всех, богатя́й во всех призыва́ющих Его́. Всяк бо, и́же а́ще призове́т и́мя Госпо́дне, спасе́тся. Ка́ко у́бо призову́т, в Него́же не ве́роваша? Ка́ко же уве́руют, Его́же не услы́шаша? Ка́ко же услы́шат без пропове́дающаго? Ка́ко же пропове́дят, а́ще не по́слани бу́дут? Я́коже есть пи́сано: коль красны́ но́ги благовеству́ющих мир, благовеству́ющих блага́я. Но не вси послу́шаша благовествова́ния. Иса́иа бо глаго́лет: Го́споди, кто ве́рова слу́ху на́шему? Те́мже у́бо ве́ра от слу́ха, слух же глаго́лом Бо́жиим. Но глаго́лю: еда́ не слы́шаша, те́мже у́бо, во всю зе́млю изы́де веща́ние их, и в концы́ вселе́нныя глаго́лы их. Но глаго́лю: еда́ не разуме́ Изра́иль? Пе́рвый Моисе́й глаго́лет: Аз раздражу́ вы не о язы́це, но о язы́це неразу́мне прогне́ваю вас. Иса́иа же дерза́ет и глаго́лет: обрето́хся не и́щущым Мене́, явле́н бых не вопроша́ющым о Мне. Ко Изра́илю же глаго́лет: весь день возде́х ру́це Мои́ к лю́дем непокори́вым и пререка́ющым. Глаго́лю у́бо: еда́ отри́ну Бог лю́ди Своя́? Да не бу́дет. И́бо и аз Изра́ильтянин есмь, от се́мене Авраа́мля, коле́на Вениами́нова. Не отри́ну Бог люде́й Свои́х, и́хже пре́жде разуме́.

Рим 10:11–11:2

Во вторник 4-я недели.

Зачало 105

Бра́тие, не ве́сте ли о Илии́, что глаго́лет Писа́ние, я́ко припове́дует Бо́гови на Изра́иля, глаго́ля: Го́споди, проро́ки Твоя́ изби́ша и олтари́ Твоя́ раскопа́ша, и аз оста́х еди́н, и и́щут ду́шу мою́ изъя́ти. Но что глаго́лет ему́ Боже́ственный отве́т? Оста́вих Себе́ седмь ты́сящ муже́й, и́же не преклони́ша коле́на пред Ваа́лом. Та́ко у́бо и в ны́нешнее вре́мя оста́нок по избра́нию благода́ти бысть. А́ще ли по благода́ти, то не от дел, зане́ благода́ть уже́ не быва́ет благода́ть. А́ще ли от дел, ктому́ несть благода́ть, зане́ бо де́ло уже́ несть де́ло. Что у́бо? Его́же иска́ше Изра́иль, сего́ не получи́, а избра́ние получи́. Про́чии же ослепи́шася, я́коже есть пи́сано: даде́ им Бог дух умиле́ния, о́чи не ви́дети и у́ши не слы́шати, да́же до дне́шняго дне. И Дави́д глаго́лет: да бу́дет трапе́за их в сеть и в лов, и в собла́зн и в воздая́ние им. Да помрача́тся о́чи их е́же не ви́дети, и хребе́т их вы́ну сляца́й. Глаго́лю у́бо: еда́ согреши́ша, да отпаду́т? Да не бу́дет. Но тех паде́нием спасе́ние язы́ком, во е́же раздражи́ти их. А́ще ли же прегреше́ние их бога́тство ми́ру, и отпаде́ние их бога́тство язы́ком, кольми́ па́че исполне́ние их?

Рим 11:2–12

В среду 4-я недели.

Зачало 106

Бра́тие, вам глаго́лю язы́ком, поне́же у́бо есмь аз язы́ком Апо́стол, слу́жбу мою́ прославля́ю. А́ще ка́ко раздражу́ мою́ плоть, и спасу́ не́кия от них? А́ще бо отложе́ние их, примире́ние ми́ру, что прия́тие, ра́зве жизнь из ме́ртвых? А́ще ли нача́ток свят, то и примеше́ние, и а́ще ко́рень свят, то и ве́тви. А́ще ли не́цыи от ве́твей отломи́шася, ты же, ди́вия ма́слина сый, прицепи́лся еси́ в них, и прича́стник ко́рене и ма́сти ма́слинныя был еси́. Не хвали́ся на ве́тви, а́ще ли же хва́лишися, не ты ко́рень но́сиши, но ко́рень тебе́. Рече́ши у́бо: отломи́шася ве́тви, да аз прицеплю́ся. До́бре, неве́рием отломи́шася, ты же ве́рою стои́ши. Не высокому́дрствуй, но бо́йся. А́ще бо Бог есте́ственных ве́твей не пощаде́, да не ка́ко и тебе́ не пощади́т. Виждь у́бо бла́гость и непощаде́ние Бо́жие: на отпа́дших у́бо непощаде́ние, а на тебе́ бла́гость Бо́жия, а́ще пребу́деши в бла́гости, а́ще ли же ни, то и ты отсе́чен бу́деши. И они́ же, а́ще не пребу́дут в неве́рствии, прицепя́тся, си́лен бо есть Бог па́ки прицепи́ти их. А́ще бо ты от есте́ственныя отсе́чен ди́вия ма́слины, и чрез естество́ прицепи́лся еси́ к до́брей ма́слине, кольми́ па́че си́и, и́же по естеству́, прицепя́тся свое́й ма́слине?

Рим 11:13–24

В четверток 4-я недели.

Зачало 107

Бра́тие, не хощу́ вас не ве́дети та́йны сея́, да не бу́дете о себе́ му́дри, я́ко ослепле́ние от ча́сти Изра́илеви бысть, до́ндеже исполне́ние язы́ков вни́дет, и та́ко весь Изра́иль спасе́тся, я́коже есть пи́сано: прии́дет от Сио́на Избавля́яй, и отврати́т нече́стие от Иа́кова. И сей им от Мене́ заве́т, егда́ отиму́ грехи́ их. По благовествова́нию у́бо, врази́ вас ра́ди, по избра́нию же, возлю́блени оте́ц ра́ди. Нераска́янна бо дарова́ния и зва́ние Бо́жие. Я́коже бо и вы иногда́ проти́вистеся Бо́гови, ны́не же поми́ловани бы́сте сих противле́нием. Та́кожде и си́и ны́не проти́вишася ва́шей ми́лости, да и ти́и поми́ловани бу́дут. Затвори́ бо Бог всех в противле́ние, да всех поми́лует. О, глубина́ бога́тства и прему́дрости и ра́зума Бо́жия! Я́ко неиспы́тани су́дове Его́, и неизсле́довани путие́ Его́. Кто бо разуме́ ум Госпо́день, или́ кто сове́тник Ему́ бысть? Или́ кто пре́жде даде́ Ему́, и возда́стся Ему́, я́ко из Того́ и Тем и в Нем вся́ческая. Тому́ сла́ва во ве́ки. Ами́нь.

Рим 11:25–36

В пяток 4-я недели.

Зачало 108

Бра́тие, молю́ вас щедро́тами Бо́жиими, предста́вите телеса́ ва́ша же́ртву жи́ву, свя́ту, благоуго́дну Бо́гови, слове́сное служе́ние ва́ше, и не сообразу́йтеся ве́ку сему́, но преобразу́йтеся обновле́нием ума́ ва́шего, во е́же искуша́ти вам, что есть во́ля Бо́жия, блага́я и уго́дная, и соверше́нная. Глаго́лю бо благода́тию да́вшеюся мне, вся́кому су́щему в вас не му́дрствовати па́че, е́же подоба́ет му́дрствовати, но му́дрствовати в целому́дрии, коему́ждо я́коже Бог раздели́л есть ме́ру ве́ры.

Рим 12:1–3

В субботу 7-ю.

Зачало 109

Бра́тие, я́коже во еди́ном телеси́ мно́ги у́ды и́мамы, у́ды же вси не то́жде и́мут де́лание, та́кожде мно́зи еди́но те́ло есмы́ о Христе́, а по еди́ному друг дру́гу у́ди. Ра́доватися с ра́дующимися, и пла́кати с пла́чущими. То́жде друг ко дру́гу му́дрствующе. Не высо́кая му́дрствующе, но смире́нными веду́щеся, не быва́йте му́дри о себе́. Ни еди́ному же зла за зло воздаю́ще, промышля́юще до́брая пред все́ми челове́ки. А́ще возмо́жно, е́же от вас, со все́ми челове́ки мир име́йте. Не себе́ отмща́юще, возлю́блении, но дади́те ме́сто гне́ву. Пи́сано бо есть: Мне отмще́ние, Аз возда́м, глаго́лет Госпо́дь. А́ще у́бо а́лчет враг твой, ухле́би его́, а́ще ли жа́ждет, напо́й его́. Сие́ бо творя́, у́глие о́гнено собира́еши на главу́ его́. Не побежде́н быва́й от зла, но побежда́й благи́м зло́е.

Рим 12:4–5; 15–21

В понедельник 5-я недели.

Зачало 110

Бра́тие, иму́ще дарова́ния по благода́ти да́нней нам разли́чна, а́ще проро́чество, по ме́ре ве́ры, а́ще ли служе́ние, в служе́нии, а́ще учя́й, во уче́нии, а́ще утеша́яй, во утеше́нии, подава́яй, в простоте́, предстоя́й, со тща́нием, ми́луяй, с до́брым изволе́нием. Любы́ нелицеме́рна, ненави́дящи зло́е, прилепля́ющися благо́му. Братолю́бием друг ко дру́гу любе́зни, че́стию друг дру́га бо́льша творя́ще. Тща́нием не лени́ви, ду́хом горя́ще, Го́сподеви рабо́тающе. Упова́нием ра́дующеся, ско́рби терпя́ще, в моли́тве пребыва́юще. Тре́бованием святы́х приобща́ющеся, страннолю́бия держа́щеся. Благословля́йте гоня́щыя вы, благослови́те, а не клени́те.

Рим 12:6–14

Неделя 6-я.

Зачало 111

Бра́тие, вся́ка душа́ власте́м предержа́щым да повину́ется, несть бо власть а́ще не от Бо́га, су́щыя же вла́сти от Бо́га учинены́ суть. Те́мже противля́яйся вла́сти, Бо́жию повеле́нию противля́ется, противля́ющиися же себе́ грех прие́млют. Кня́зи бо не суть боя́знь до́брым дело́м, но злым. Хо́щеши же ли небоя́тися вла́сти? Благо́е твори́, и име́ти бу́деши похвалу́ от него́. Бо́жий бо слуга́ есть, тебе́ во благо́е. А́ще ли зло́е твори́ши, бо́йся, не бо без ума́ мечь но́сит, Бо́жий бо слуга́ есть, отмсти́тель в гнев зло́е творя́щему. Те́мже потре́ба повинова́тися не то́кмо за гнев, но и за со́весть. Сего́ бо ра́ди и да́ни даете́, служи́тели бо Бо́жии суть, во и́стое сие́ пребыва́юще. Воздади́те у́бо всем до́лжная: ему́же у́бо уро́к, уро́к, а ему́же дань, дань, а ему́же страх, страх, и ему́же честь, честь. Ни еди́ному же ничи́мже до́лжни быва́йте, то́чию е́же люби́ти друг дру́га: любя́й бо дру́га, зако́н испо́лни. Е́же бо, не прелюбы́ сотвори́ши, не убие́ши, не укра́деши, не лжесвиде́тельствуеши, не похо́щеши, и а́ще ка́я и́на за́поведь, в сем словеси́ соверша́ется, во е́же возлю́биши и́скренняго твоего́, я́коже сам себе́. Любы́ и́скреннему зла не твори́т. Исполне́ние у́бо зако́на любы́ есть.

Рим 13:1–10

В субботу 8-ю.

Зачало 112

Бра́тие, ны́не ближа́йшее нам спасе́ние, не́жели егда́ ве́ровахом. Нощь у́бо пре́йде, а день прибли́жися: отложи́м у́бо дела́ те́мная, и облече́мся во ору́жие све́та. Я́ко во дни, благообра́зно да хо́дим, не козлогласова́нии и пия́нствы, не любодея́нии и студодея́нии, не рве́нием и за́вистию, но облецы́теся Го́сподем на́шим Иису́с Христо́м, и пло́ти уго́дия не твори́те в по́хоти. Изнемога́ющаго же в ве́ре прие́млите, не в сомне́ние помышле́ний. Ов бо ве́рует я́сти вся, а изнемога́яй зе́лия да яст. Яды́й не яду́щаго да не укоря́ет, и не яды́й яду́щаго да не осужда́ет, Бог бо его́ прия́т. Ты кто еси́ судя́й чужде́му рабу́? Своему́ Го́сподеви стои́т, или́ па́дает, ста́нет же, си́лен бо есть Бог поста́вити его́.

Рим 13:11–14:4

Неделя сыропустная.

Сие же и Рождеству Иоанна Предтечи.

Зачало 113

Бра́тие, му́дрствуяй день, Го́сподеви му́дрствует, и не му́дрствуяй день, Го́сподеви не му́дрствует. Яды́й, Го́сподеви яст, благодари́т бо Бо́га, и не яды́й, Го́сподеви не яст, и благодари́т Бо́га. Никто́же бо нас себе́ живе́т, и никто́же себе́ умира́ет. А́ще у́бо живе́м, Го́сподеви живе́м, а́ще же умира́ем, Го́сподеви умира́ем, а́ще у́бо живе́м, а́ще умира́ем, Госпо́дни есмы́. На сие́ бо Христо́с и у́мре и воскре́се и оживе́, да и ме́ртвыми и живы́ми облада́ет.

Рим 14:6–9

Суббота 9-я.

Сие же и за упокой в понедельник.

Зачало 114

Бра́тие, на сие́ Христо́с и у́мре, и воскре́се и оживе́, да и ме́ртвыми и живы́ми облада́ет. Ты же почто́ осужда́еши бра́та твоего́, или́ ты что уничижа́еши бра́та твоего́? Вси бо предста́нем суди́щу Христо́ву. Пи́сано бо есть: живу́ Аз, глаго́лет Госпо́дь, я́ко Мне поклони́тся вся́ко коле́но, и всяк язы́к испове́стся Бо́гови. Те́мже у́бо ки́йждо нас о себе́ сло́во даст Бо́гу. Не ктому́ у́бо друг дру́га осужда́ем, но сие́ па́че суди́те, е́же не полага́ти претыка́ния бра́ту или́ собла́зна. Вем и извеще́н есмь о Христе́ Иису́се я́ко ничто́же скве́рно са́мо собо́ю, то́чию помышля́ющему что скве́рно бы́ти, о́ному скве́рно есть. А́ще у́бо бра́шна ра́ди брат твой скорби́т, уже́ не по любви́ хо́диши, не бра́шном твои́м того́ погубля́й, за него́же Христо́с у́мре. Да не ху́лится у́бо ва́ше благо́е. Несть бо Ца́рство Бо́жие бра́шно и питие́, но пра́вда, и мир, и ра́дость о Ду́се Свя́те. И́же бо си́ми слу́жит Христо́ви, благоуго́ден есть Бо́гови и иску́сен челове́ком.

Рим 14:9–18

Во вторник 5-я недели.

Зачало 115

Бра́тие, мир возлю́бим и я́же к созда́нию друг ко дру́гу. Не бра́шна ра́ди разоря́й де́ло Бо́жие. Вся бо чи́ста, но зло челове́ку претыка́нием яду́щему. Добро́ не я́сти мяс, ниже́ пи́ти вина́, ни о не́мже брат твой претыка́ется или́ соблазня́ется, или́ изнемога́ет. Ты ве́ру и́маши? О себе́ сам име́й пред Бо́гом. Блаже́н не осужда́яй себе́, о не́мже искуша́ется. А сомня́яйся, а́ще яст, осужда́ется, зане́ не от ве́ры, вся́ко же, е́же не от ве́ры, грех есть. Могу́щему же вас утверди́ти по благовествова́нию моему́ и пропове́данию Иису́с Христо́ву, по открове́нию та́йны, ле́ты ве́чными умолча́нныя. Я́вльшияся же ны́не, писа́нии проро́ческими, по повеле́нию ве́чнаго Бо́га, в послуша́ние ве́ры во всех язы́цех позна́вшияся, Еди́ному Прему́дрому Бо́гу, Иису́сом Христо́м, Ему́же сла́ва во ве́ки. Ами́нь.

Рим 14:19–26

В субботу сыропустную.

Зачало 116

Бра́тие, до́лжни есмы́ мы си́льнии не́мощи немощны́х носи́ти и не себе́ угожда́ти. Ки́йждо же вас бли́жнему да угожда́ет во благо́е к созда́нию. И́бо и Христо́с не Себе́ угоди́, но я́коже есть пи́сано: поноше́ния понося́щих Тебе́ нападо́ша на мя. Ели́ка бо преднапи́сана бы́ша, в на́ше наказа́ние преднаписа́шася, да терпе́нием и утеше́нием Писа́ний упова́ние и́мамы. Бог же терпе́ния и утеше́ния, да даст вам то́жде му́дрствовати друг ко дру́гу о Христе́ Иису́се; да единоду́шно еди́ными усты́ сла́вите Бо́га и Отца́ Го́спода на́шего Иису́са Христа́. Те́мже прие́млите друг дру́га, я́коже и Христо́с прия́т вас во сла́ву Бо́жию.

Рим 15:1–7

Неделя 7-я.

Зачало 117

Бра́тие, прие́млите друг дру́га, я́коже и Христо́с прия́т вас во сла́ву Бо́жию. Глаго́лю же Христа́ Иису́са служи́теля бы́вша обре́зания по и́стине Бо́жией, во е́же утверди́ти обетова́ния отце́в. А язы́ком по ми́лости, просла́вити Бо́га, я́коже есть пи́сано: сего́ ра́ди испове́мся Тебе́ во язы́цех, Го́споди, и и́мени Твоему́ пою́. И па́ки глаго́лет: возвесели́теся, язы́цы, с людьми́ Его́. И па́ки: хвали́те Го́спода, вси язы́цы, и похвали́те Его́, вси лю́дие. И па́ки Иса́иа глаго́лет: бу́дет ко́рень Иессе́ов, и востая́й владе́ти над язы́ки, на Того́ язы́цы упова́ют. Бог же упова́ния да испо́лнит вас вся́кия ра́дости и ми́ра в ве́ре, избы́точествовати вам во упова́нии, си́лою Ду́ха Свята́го. Извеще́н же есмь, бра́тие моя́, и сам аз о вас, я́ко и са́ми вы по́лни есте́ бла́гости, испо́лнени вся́каго ра́зума, могу́ще и ины́я научи́ти. Де́рзее же писа́х вам, бра́тие моя́, от ча́сти, я́ко воспомина́я вам, за благода́ть да́нную ми от Бо́га, во е́же бы́ти ми служи́телю Иису́с Христо́ву во язы́цех, священноде́йствующу благовествова́ние Бо́жие, да бу́дет приноше́ние е́же от язы́к благоприя́тно и освяще́нно Ду́хом Святы́м.

Рим 15:7–16

В среду 5-я недели.

Зачало 118

Бра́тие, и́мам похвалу́ о Христе́ Иису́се, я́же к Бо́гу. Не сме́ю бо глаго́лати что, и́хже не соде́я Христо́с мно́ю, в послуша́ние язы́ков, сло́вом и де́лом, в си́ле зна́мений и чуде́с, си́лою Ду́ха Бо́жия, я́коже ми от Иерусали́ма и о́крест да́же до Иллири́ка испо́лнити благовествова́ние Христо́во. Си́це же потща́хся благовести́ти, не иде́же именова́ся Христо́с, да не на чуже́м основа́нии сози́жду, но я́коже есть пи́сано: и́мже не возвести́ся о Нем, у́зрят, и и́же не слы́шаша, уразуме́ют. Те́мже и возбране́н бых мно́гажды приити́ к вам. Ны́не же ктому́ ме́ста не имы́й в страна́х сих, жела́ние же имы́й приити́ к вам от мно́гих лет, я́ко а́ще поиду́ во Испа́нию, прииду́ к вам. Упова́ю бо ми́мо гряды́й ви́дети вас и ва́ми проводи́тися та́мо, а́ще вас пре́жде от ча́сти насы́щуся. Ны́не же гряду́ во Иерусали́м, служя́й святы́м, благоволи́ша бо Македо́ниа и Аха́иа обще́ние не́кое сотвори́ти к ни́щым святы́м живу́щым во Иерусали́ме. Благоволи́ша бо, и до́лжни им суть. А́ще бо в духо́вных их прича́стники бы́ша язы́цы, до́лжни суть и в плотски́х послужи́ти им. Сие́ у́бо сконча́в, и запечатле́в им плод сей, поиду́ ва́ми во Испа́нию. Вем же, я́ко гряды́й к вам, во исполне́нии благослове́ния благове́стия Христо́ва прииду́.

Рим 15:17–29

В четверток 5-я недели.

Зачало 119

Бра́тие, молю́ вы Го́сподем на́шим Иису́с Христо́м и любо́вию Ду́ха, споспе́шствуйте ми в моли́твах о мне к Бо́гу, да изба́влюся от противля́ющихся во Иуде́и, и да слу́жба моя́, я́же во Иерусали́ме, благоприя́тна бу́дет святы́м. Да с ра́достию прииду́ к вам во́лею Бо́жиею и упоко́юся с ва́ми. Бог же ми́ра со все́ми ва́ми. Ами́нь.

Рим 15:30–33

В субботу 10.

Зачало 120

Бра́тие, вруча́ю вам Фи́ву, сестру́ на́шу, су́щу служи́тельницу це́ркве, я́же в Кегхре́ех, да прии́мете ю́ о Го́споде досто́йне святы́м, и споспе́шствуйте ей, о не́йже а́ще от вас потре́бует ве́щи, и́бо сия́ засту́пница мно́гим бысть, и самому́ мне. Целу́йте Приски́ллу и Аки́лу, споспе́шника моя́ о Христе́ Иису́се и́же по души́ мое́й своя́ вы́я положи́ша, и́хже не аз еди́н благодарю́, но и вся це́ркви язы́ческия, и дома́шнюю их це́рковь. Целу́йте Епене́та возлю́бленнаго ми, и́же есть нача́ток Аха́ии во Христа́. Целу́йте Мариа́мь, я́же мно́го труди́ся о нас. Целу́йте Андрони́ка и Иуни́ю, сро́дники моя́ и спле́нники моя́, и́же суть наро́читы во Апо́столех, и́же и пре́жде мене́ ве́роваша во Христа́. Целу́йте Ампли́а возлю́бленнаго ми о Го́споде. Целу́йте Урва́на споспе́шника на́шего о Христе́, и Стахи́а возлю́бленнаго ми. Целу́йте Апе́ллиа иску́сна о Христе́. Целу́йте су́щыя от Аристову́ла. Целу́йте Иродио́на сро́дника моего́. Целу́йте и́же от Нарки́сса су́щыя о Го́споде. Целу́йте Трифе́ну и Трифо́су тружда́ющыяся о Го́споде. Целу́йте Перси́ду возлю́бленную, я́же мно́го труди́ся о Го́споде. Целу́йте Ру́фа избра́ннаго о Го́споде, и ма́терь его́ и мою́. Целу́йте Асигкри́та, Фле́гонта, Е́рма, Патро́ва, Ерми́а, и су́щую с ни́ми бра́тию. Целу́йте Филоло́га и Иули́ю, Нире́а и сестру́ его́, и Олимпа́на, и су́щыя с ни́ми вся святы́я. Целу́йте друг дру́га лобза́нием святы́м. Целу́ют вы вся це́ркви Христо́вы.

Рим 16:1–16

В пяток 5-я недели.

Зачало 121 (В понедельник 6-я недели)

Бра́тие, молю́ вы блюди́теся от творя́щих ра́спри и раздо́ры, кроме́ уче́ния, ему́же вы научи́стеся, и уклони́теся от них. Такови́и бо Го́сподеви на́шему Иису́су Христу́ не рабо́тают, но своему́ чре́ву: и́же благи́ми словесы́ и благослове́нием прельща́ют сердца́ незло́бивых. Ва́ше бо послуша́ние ко всем дости́же. Ра́дуюся же е́же о вас. Хощу́ же вас му́дрым у́бо бы́ти во благо́е, просты́м же в зло́е. Бог же ми́ра да сокруши́т сатану́ под но́ги ва́ша вско́ре. Благода́ть Го́спода на́шего Иису́са Христа́ с ва́ми. Ами́нь. Целу́ет вас Тимофе́й споспе́шник мой, и Луки́й и Иа́сон и Сосипа́тр, сро́дницы мои́. Целу́ю вы и аз, Те́ртий, написа́вый посла́ние сие́, о Го́споде. Целу́ет вы Га́ие странноприи́мец мой и це́ркве всея́. Целу́ет вы Ера́ст строи́тель гра́дский, и Куа́рт брат. Благода́ть Го́спода на́шего Иису́са Христа́ со все́ми ва́ми. Ами́нь.

Рим 16:17–24

Зачало 121 (Неделя первая поста, на молебном пении)

Бра́тие, молю́ вы, блюди́теся от творя́щих ра́спри и раздо́ры, кроме́ уче́ния, ему́же вы научи́стеся, и уклони́теся от них. Такови́и бо Го́сподеви на́шему Иису́су Христу́ не рабо́тают, но своему́ чреву: и́же благи́ми словесы́ и благослове́нием прельща́ют сердца́ незло́бивых. Ва́ше бо послуша́ние ко всем дости́же. Ра́дуюся же е́же о вас. Хощу́ же вас му́дрым у́бо бы́ти во благо́е, просты́м же в зло́е. Бог же ми́ра да сокруши́т сатану́ под но́ги ва́ша вско́ре. Благода́ть Го́спода на́шего Иису́са Христа́ с ва́ми. Ами́нь.

Рим 16:17–20

К КОРИНФЯНОМ ПЕРВОЕ ПОСЛАНИЕ СВЯТАГО АПОСТОЛА ПАВЛА

Зачало 122

Па́вел, зван Апо́стол Иису́с Христо́в во́лею Бо́жиею, и Сосфе́н брат, це́ркви Бо́жией су́щей в Кори́нфе, освяще́нным о Христе́ Иису́се зва́нным святы́м, со все́ми призыва́ющими и́мя Го́спода на́шего Иису́са Христа́, во вся́ком ме́сте, тех же и на́шем. Благода́ть вам и мир от Бо́га Отца́ на́шего и Го́спода Иису́са Христа́. Благодарю́ Бо́га моего́ всегда́ о вас, о благода́ти Бо́жией да́нней вам о Христе́ Иису́се я́ко во всем обогати́стеся о Нем, во вся́ком сло́ве и вся́ком ра́зуме, я́коже свиде́тельство Христо́во извести́ся в вас, я́ко вам не лиши́тися ни во еди́ном дарова́нии, ча́ющым открове́ния Го́спода на́шего Иису́са Христа́, И́же и утверди́т вас да́же до конца́ непови́нны в день Го́спода на́шего Иису́са Христа́. Ве́рен Бог, И́мже зва́ни бы́сте во обще́ние Сы́на Его́ Иису́са Христа́, Го́спода на́шего.

1 Кор 1:1–9

Во вторник 6-я недели.

Зачало 123

Бра́тие, благода́ть вам и мир от Бо́га Отца́ на́шего и Го́спода Иису́са Христа́. Благодарю́ Бо́га моего́ всегда́ о вас, о благода́ти Бо́жией да́нней вам о Христе́ Иису́се я́ко во всем обогати́стеся о Нем, во вся́ком сло́ве и вся́ком ра́зуме, я́коже свиде́тельство Христо́во извести́ся в вас, я́ко вам не лиши́тися ни во еди́ном дарова́нии, ча́ющым открове́ния Го́спода на́шего Иису́са Христа́, И́же и утверди́т вас да́же до конца́ непови́нны в день Го́спода на́шего Иису́са Христа́. Ве́рен Бог, И́мже зва́ни бы́сте во обще́ние Сы́на Его́ Иису́са Христа́, Го́спода на́шего.

1 Кор 1:3–9

Суббота 11-я.

Зачало 124

Бра́тие, молю́ вы и́менем Го́спода на́шего Иису́са Христа́, да то́жде глаго́лете вси, и да не суть в вас ра́спри, да есте́ же утвержде́ни в то́мже разуме́нии и в то́йже мы́сли. Возвести́ся бо ми о вас, бра́тие моя́, по́сланным от Хло́иса, я́ко рве́ния в вас суть. Глаго́лю же се я́ко ко́йждо вас глаго́лет: аз у́бо есмь Па́влов, аз же Аполло́сов, аз же Ки́фин, аз же Христо́в. Еда́ раздели́ся Христо́с, еда́ Па́вел распя́тся по вас? Или́ во и́мя Па́влово крести́стеся? Благодарю́ Бо́га, я́ко ни еди́наго от вас крести́х, то́чию Кри́спа и Га́иа, да никто́же рече́т, я́ко в мое́ и́мя крести́х. Крести́х же и Стефани́нов дом, про́чее не вем, а́ще кого́ ина́го крести́х. Не посла́ бо мене́ Христо́с крести́ти, но благовести́ти, не в прему́дрости сло́ва, да не испраздни́тся крест Христо́в. Сло́во бо кре́стное погиба́ющым у́бо юро́дство есть, а спаса́емым нам си́ла Бо́жия есть.

1 Кор 1:10–18

Неделя 8-я.

Зачало 125 (На Воздвижение Креста)

Бра́тие, сло́во кре́стное погиба́ющим у́бо юро́дство есть, а спаса́емым нам си́ла Бо́жия есть. Пи́сано бо есть: погублю́ прему́дрость прему́дрых, и ра́зум разу́мных отве́ргу. Где прему́др? Где кни́жник? Где совопро́сник ве́ка сего́? Не обуи́ ли Бог прему́дрость ми́ра сего́? Поне́же бо в прему́дрости Бо́жией не разуме́ мир прему́дростию Бо́га, благоизво́лил Бог бу́йством про́поведи спасти́ ве́рующих. Поне́же и иуде́е зна́мения про́сят, и е́ллини прему́дрости и́щут: Мы же пропове́дуем Христа́ ра́спята, иуде́ем у́бо собла́зн, е́ллином же безу́мие. Саме́м же зва́нным, иуде́ем же и е́ллином, Христа́, Бо́жию си́лу и Бо́жию прему́дрость.

1 Кор 1:18–24

Зачало 125 (В Пяток великий)

Бра́тие, сло́во кре́стное погиба́ющим у́бо юро́дство есть, а спаса́емым нам си́ла Бо́жия есть. Пи́сано бо есть: погублю́ прему́дрость прему́дрых, и ра́зум разу́мных отве́ргу. Где прему́др? Где кни́жник? Где совопро́сник ве́ка сего́? Не обуи́ ли Бог прему́дрость ми́ра сего́? Поне́же бо в прему́дрости Бо́жией не разуме́ мир прему́дростию Бо́га, благоизво́лил Бог бу́йством про́поведи спасти́ ве́рующих. Поне́же и иуде́е зна́мения про́сят, и е́ллини прему́дрости и́щут. Мы же пропове́дуем Христа́ ра́спята, иуде́ем у́бо собла́зн, е́ллином же безу́мие. Саме́м же зва́нным, иуде́ем же и е́ллином, Христа́, Бо́жию си́лу и Бо́жию прему́дрость. Зане́ бу́ее Бо́жие, прему́дрее челове́к есть, и немощно́е Бо́жие крепча́е челове́к есть. Ви́дите бо зва́ние ва́ше, бра́тие, я́ко не мно́зи ли прему́дри по пло́ти, не мно́зи ли си́льни, не мно́зи ли благородни? Но бу́яя ми́ра избра́ Бог, да прему́дрыя посрами́т, и не́мощная ми́ра избра́ Бог, да посрами́т кре́пкая. И худоро́дная ми́ра, и уничиже́нная избра́ Бог, и не су́щая, да су́щая упраздни́т, я́ко да не похва́лится вся́ка плоть пред Бо́гом. Из него́же вы есте́ о Христе́ Иису́се и́же бысть нам прему́дрость от Бо́га, пра́вда же и освяще́ние, и избавле́ние. Да, я́коже пи́шется, хваля́йся, о Го́споде да хва́лится. И аз прише́д к вам, бра́тие, приидо́х не по превосхо́дному словеси́, или́ прему́дрости, возвеща́я вам свиде́тельство Бо́жие. Не суди́х бо ве́дети что в вас, то́чию Иису́са Христа́, и Сего́ ра́спята.

1 Кор 1:18–2:2

Зачало 125 (В субботу 12-ю и в субботу по Воздвижении)

Бра́тие, ви́дите зва́ние ва́ше, я́ко не мно́зи ли прему́дри по пло́ти, не мно́зи ли си́льни, не мно́зи ли благоро́дни? Но бу́яя ми́ра избра́ Бог, да прему́дрыя посрами́т, и не́мощная ми́ра избра́ Бог, да посрами́т кре́пкая, и худоро́дная ми́ра и уничиже́нная избра́ Бог, и не су́щая, да су́щая упраздни́т, я́ко да не похва́лится вся́ка плоть пред Бо́гом.

1 Кор 1:26–29

Зачало 126

Бра́тие, Прему́дрость глаго́лем в соверше́нных, прему́дрость же не ве́ка сего́, ни князе́й ве́ка сего́ престаю́щих, но глаго́лем прему́дрость Бо́жию, в та́йне сокрове́нную, и́же предуста́ви Бог пре́жде век в сла́ву на́шу, ю́же никто́же от князе́й ве́ка сего́ разуме́. А́ще бо бы́ша разуме́ли, не бы́ша Го́спода сла́вы ра́спяли. Но я́коже есть пи́сано: и́хже о́ко не ви́де, и у́хо не слы́ша, и на се́рдце челове́ку не взыдо́ша, я́же угото́ва Бог лю́бящым Его́.

1 Кор 2:6–9

В субботу 13-ю.

Сие же и в субботу пред Воздвижением.

Зачало 127

Бра́тие, и́хже о́ко не ви́де и у́хо не слы́ша, и на се́рдце челове́ку не взыдо́ша, я́же угото́ва Бог лю́бящым Его́. Нам же Бог откры́л есть Ду́хом Свои́м: Дух бо вся испыту́ет, и глубины́ Бо́жия. Кто бо весть от челове́к, я́же в челове́це, то́чию дух челове́ка, живу́щий в нем? Та́кожде и Бо́жия никто́же весть, то́чию Дух Бо́жий. Мы же не дух ми́ра сего́ прия́хом, но Дух и́же от Бо́га, да ве́мы я́же от Бо́га дарова́нная нам, я́же и глаго́лем не в науче́ных челове́ческия прему́дрости словесе́х, но в науче́ных Ду́ха Свята́го, духо́вная духо́вными сразсужда́юще. Душе́вен же челове́к не прие́млет я́же Ду́ха Бо́жия: юро́дство бо ему́ есть, и не мо́жет разуме́ти, зане́ духо́вне востязу́ется. Духо́вный же востязу́ет у́бо вся, а сам той ни от еди́наго востязу́ется. Кто бо разуме́ ум Госпо́день, и́же изъясни́т и? Мы же ум Христо́в и́мамы. И аз, бра́тие, не мого́х вам глаго́лати я́ко духо́вным, но я́ко пло́тяным, я́ко младе́нцем о Христе́. Млеко́м вы напои́х, а не бра́шном, не у́бо можа́сте, но ни еще́ мо́жете ны́не, еще́ бо пло́тстии есте́. Иде́же бо в вас за́висти, и рве́ния, и ра́спри, не пло́тстии ли есте́ и по челове́ку хо́дите? Егда́ бо глаго́лет кто: аз у́бо есмь Па́влов, други́й же: аз Аполло́сов, не пло́тстии ли есте́? Кто у́бо есть Па́вел? Кто же ли Аполло́с? Но то́чию служи́теле, и́миже ве́ровасте, и кому́ждо я́коже Госпо́дь даде́. Аз насади́х, Аполло́с напои́, Бог же возрасти́. Те́мже ни насажда́яй есть что, ни напая́яй, но возраща́яй Бог. Насажда́яй же и напая́яй еди́но еста́, ки́йждо же свою́ мзду прии́мет по своему́ труду́.

1 Кор 2:9–16; 3:1–8

В среду 6-я недели.

Зачало 128

Бра́тие, Бо́гу есмы́ поспе́шницы: Бо́жие тяжа́ние, Бо́жие зда́ние есте́. По благода́ти Бо́жией да́нней мне, я́ко прему́др архите́ктон основа́ние положи́х, ин же назида́ет, ки́йждо же да блюде́т, ка́ко назида́ет. Основа́ния бо ина́го никто́же мо́жет положи́ти па́че лежа́щаго, е́же есть Иису́с Христо́с. А́ще ли кто назида́ет на основа́нии сем зла́то, сребро́, ка́мение честно́е, дрова́, се́но, тро́стие, кого́ждо де́ло явле́но бу́дет, день бо яви́т, зане́ огне́м открыва́ется, и кого́ждо де́ло, яково́же есть, огнь иску́сит. И его́же а́ще де́ло пребу́дет, его́же назда́, мзду прии́мет. А его́же де́ло сгори́т, отщети́тся: сам же спасе́тся, та́кожде я́коже огне́м. Не ве́сте ли, я́ко храм Бо́жий есте́, и Дух Бо́жий живе́т в вас? А́ще кто Бо́жий храм растли́т, растли́т сего́ Бог, храм бо Бо́жий свят есть, и́же есте́ вы.

1 Кор 3:9–17

Неделя 9-я.

Зачало 129

Бра́тие, никто́же себе́ да прельща́ет. А́ще кто мни́тся мудр бы́ти в вас в ве́це сем, буй да быва́ет, я́ко да прему́др бу́дет. Прему́дрость бо ми́ра сего́ бу́йство у Бо́га есть, пи́сано бо есть: запина́яй прему́дрым в кова́рстве их. И па́ки: Госпо́дь весть помышле́ния челове́ческа, я́ко суть су́етна. Те́мже никто́же да хва́лится в челове́цех, вся бо ва́ша суть. А́ще Па́вел, или́ Аполло́с, или́ Ки́фа, или́ мир, или́ живо́т, или́ смерть, или́ настоя́щая, или́ бу́дущая, вся ва́ша суть. Вы же Христо́вы, Христо́с же Бо́жий.

1 Кор 3:18–23

В четверток 6-я недели.

Зачало 130 (В субботу 14-ю)

Бра́тие, та́ко нас да непщу́ет челове́к, я́ко слуги́ Христо́вы и строи́тели та́йнам Бо́жиим. А е́же про́чее и́щется в строи́телех, да ве́рен кто обря́щется. Мне же не вели́ко есть, да от вас истяжу́ся, или́ от челове́ческаго дне, но ни сам себе́ востязу́ю. Ничесо́же бо в себе́ свем, но ни о сем оправда́юся, востязу́яй же мя Госпо́дь есть. Те́мже пре́жде вре́мене ничто́же суди́те, до́ндеже прии́дет Госпо́дь, И́же во све́те приведе́т та́йная тмы и объяви́т сове́ты серде́чныя, и тогда́ похвала́ бу́дет кому́ждо от Бо́га.

1 Кор 4:1–5

Зачало 130 (В пяток 6-я недели)

Бра́тие, пре́жде вре́мене ничто́же суди́те, до́ндеже прии́дет Госпо́дь, И́же во све́те приведе́т та́йная тмы и объяви́т сове́ты серде́чныя, и тогда́ похвала́ бу́дет кому́ждо от Бо́га. Сия́ же, бра́тие моя́, преобрази́х на себе́ и Аполло́са вас ра́ди, да от на́ю научите́ся не па́че напи́санных му́дрствовати, да не еди́н по еди́ному гордите́ся на друга́го. Кто бо тя разсужда́ет? Что же и́маши, его́же не́си прия́л? А́ще же и прия́л еси́, что хва́лишися я́ко не прие́м? Се сы́ти есте́, се обогати́стеся, без нас ца́рствовасте, и еще́ у́бо да воцарите́ся, да и мы бы́хом с ва́ми ца́рствовали.

1 Кор 4:5–8

Зачало 131

Бра́тие, Бог ны посла́нники после́дния яви́, я́ко насме́ртники, зане́ позо́р бы́хом ми́ру и А́нгелом и челове́ком. Мы у́бо бу́и Христа́ ра́ди, вы же му́дри о Христе́, мы не́мощни, вы же кре́пцы, вы сла́вни, мы же безче́стни. До ны́нешняго часа́ и а́лчем, и жа́ждем, и наготу́ем, и стра́ждем, и скита́емся, и тружда́емся, де́лающе свои́ми рука́ми. Укоря́еми, благословля́ем, гони́ми, терпи́м, ху́лими, утеша́емся, я́коже отре́би ми́ру бы́хом, всем попра́ние досе́ле. Не срамля́я вас сия́ пишу́, но я́коже ча́да моя́ возлю́бленная наказу́ю. А́ще бо и мно́ги пе́стуны и́мате о Христе́, но не мно́ги отцы́, о Христе́ бо Иису́се благовествова́нием аз вы роди́х. Молю́ же вас: подо́бни мне быва́йте, я́коже аз Христу́.

1 Кор 4:9–16

Неделя 10.

Сие же и Апостолом.

Зачало 132

Бра́тие, посла́х к вам Тимофе́а, и́же ми есть ча́до возлю́блено и ве́рно о Го́споде, и́же вам воспомя́нет пути́ моя́, я́же о Христе́ Иису́се я́коже везде́ и во вся́кой це́ркви учу́. Я́ко не гряду́щу ми к вам, разгорде́шася не́цыи. Прииду́ же ско́ро к вам, а́ще Госпо́дь восхо́щет, и уразуме́ю не сло́во разгорде́вшихся, но си́лу. Не в словеси́ бо Ца́рство Бо́жие, но в си́ле. Что хо́щете? С па́лицею ли прииду́ к вам, или́ с любо́вию и ду́хом кро́тости? Отню́д слы́шится в вас блуже́ние, и таково́ блуже́ние, яково́ же ни во язы́цех имену́ется, я́ко не́коему име́ти жену́ о́тчую. И вы разгорде́сте, и не па́че пла́касте, да и́змется от среды́ вас соде́явый де́ло сие́. Аз у́бо я́ко не у вас сый те́лом, ту же живы́й ду́хом, уже́ суди́х, я́ко та́мо сый, соде́явшаго си́це сие́, о и́мени Го́спода на́шего Иису́са Христа́ собра́вшымся вам и моему́ ду́ху, с си́лою Го́спода на́шего Иису́са Христа́, преда́ти такова́го сатане́ во изможде́ние пло́ти, да дух спасе́тся в день Го́спода на́шего Иису́са Христа́.

1 Кор 4:17–5:5

Суббота 15-я.

Зачала 133 и 206 (Во святую и великую Субботу на утрени)

Бра́тие, мал квас все смеше́ние ква́сит. Очи́стите у́бо ве́тхий квас, да бу́дете но́во смеше́ние, я́коже есте́ безква́сни, и́бо Па́сха на́ша за ны пожре́н бысть, Христо́с. Те́мже да пра́зднуем, не в ква́се ве́тсе ни в ква́се зло́бы и лука́вства, но в безква́сиих чистоты́ и и́стины.

Христо́с ны искупи́л есть от кля́твы зако́нныя, быв по нас кля́тва. Пи́сано бо есть: про́клят всяк ви́сяй на дре́ве. Да в язы́цех благослове́ние Авраа́мле бу́дет о Христе́ Иису́се да обетова́ние Ду́ха прии́мем ве́рою.

1 Кор 5:6–8; Гал 3:13–14

Зачало 134

Бра́тие, писа́х вам в посла́нии не примеша́тися блуднико́м. И не вся́ко блуднико́м ми́ра сего́, или́ лихои́мцем, или́ хи́щником, или́ идолослужи́телем, поне́же у́бо до́лжни бы есте́ от ми́ра сего́ изы́ти. Ны́не же писа́х вам не примеша́тися, а́ще не́кий брат имену́емь, бу́дет блудни́к, или́ лихои́мец, или́ идолослужи́тель, или́ досади́тель, или́ пия́ница, или́ хи́щник, с таковы́м ниже́ я́сти. Что бо ми и вне́шних суди́ти? Не вну́тренним ли вы су́дите? Вне́шним же Бог су́дит. И изми́те зла́го от вас саме́х. Сме́ет ли кто от вас, вещь име́я ко ино́му, суди́тися от непра́ведных, а не от святы́х? Не ве́сте ли, я́ко святи́и ми́рови хотя́т суди́ти? И а́ще ва́ми суд прии́мет мир, недосто́йни есте́ суди́щем худы́м? Не ве́сте ли, я́ко а́ггелов суди́ти хо́щем, а не то́чию жите́йским? Жите́йская бо суди́ща а́ще и́мате, уничиже́нных в це́ркви, сих посажда́йте. К сра́му вам глаго́лю: та́ко ли несть в вас мудр ни еди́н, и́же мо́жет разсуди́ти между́ бра́тий свои́х? Но брат с бра́том су́дится, и то пред неве́рными. Уже́ у́бо отню́д вам срам есть, я́ко тяжбы́ и́мате между́ собо́ю. Почто́ не па́че оби́дими есте́? Почто́ не па́че лише́ни быва́ете? Но вы са́ми оби́дите и лиша́ете, да еще́ бра́тию. Или́ не ве́сте, я́ко непра́ведницы Ца́рствия Бо́жия не насле́дят? Не льсти́те себе́, ни блудницы́, ни идолослужи́тели, ни прелюбоде́и, ни скверни́тели, ни малаки́и, ни мужело́жницы, ни лихои́мцы, ни та́тие, ни пия́ницы, ни досади́тели, ни хи́щницы Ца́рствия Бо́жия не насле́дят. И си́ми у́бо не́цыи бе́сте, но омы́стеся, но освяти́стеся, но оправди́стеся и́менем Го́спода на́шего Иису́са Христа́ и Ду́хом Бо́га на́шего.

1 Кор 5:9–6:11

В понедельник 7-я недели.

Зачало 135

Бра́тие, вся ми леть суть, но не вся на по́льзу: вся ми леть суть, но не аз облада́н бу́ду от кого́. Бра́шна чре́ву, и чре́во бра́шном, Бог же и сие́ и сия́ да упраздни́т. Те́ло же не блуже́нию, но Го́сподеви, и Госпо́дь те́лу. Бог же и Го́спода воздви́же, и нас воздви́гнет си́лою Свое́ю. Не ве́сте ли, я́ко телеса́ ва́ша у́дове Христо́вы суть? Взем ли у́бо у́ды Христо́вы, сотворю́ у́ды блудни́чи? Да не бу́дет. Или́ не ве́сте, я́ко прилепля́яйся скверноде́йце, еди́но те́ло есть с блудоде́йцею? Бу́дета бо, рече́, о́ба в плоть еди́ну. Прилепля́яйся же Го́сподеви, еди́н дух есть с Го́сподем. Бе́гайте блудодея́ния: всяк бо грех, его́же а́ще сотвори́т челове́к, кроме́ те́ла есть, а блудя́й, во свое́ те́ло согреша́ет. Или́ не ве́сте, я́ко телеса́ ва́ша храм живу́щаго в вас Свята́го Ду́ха суть, Его́же и́мате от Бо́га, и не́сте свои́? Ку́плени бо есте́ цено́ю. Просла́вите у́бо Бо́га в телесе́х ва́ших и в душа́х ва́ших, я́же суть Бо́жия.

1 Кор 6:12–20

Неделя 34-я, о блудном сыне.

Зачало 136

Бра́тие, просла́вите Бо́га в телесе́х ва́ших и в душа́х ва́ших, я́же суть Бо́жия. А о ни́хже писа́сте ми, добро́ челове́ку жене́ не прикаса́тися. Но блудодея́ния ра́ди ки́йждо свою́ жену́ да и́мать, и ка́яждо жена́ своего́ му́жа да и́мать. Жене́ муж до́лжную любо́вь да воздае́т, та́кожде и жена́ му́жу. Жена́ свои́м те́лом не владе́ет, но муж, та́кожде и муж свои́м те́лом не владе́ет, но жена́. Не лиша́йте себе́ друг дру́га, то́чию по согла́сию ко вре́мени, да пребыва́ете в посте́ и моли́тве, и па́ки вку́пе собира́йтеся, да не искуша́ет вас сатана́ невоздержа́нием ва́шим. Сие́ же глаго́лю по сове́ту, а не по повеле́нию. Хощу́ бо, да вси челове́цы бу́дут, я́коже и аз, но ко́ждо свое́ дарова́ние и́мать от Бо́га, ов у́бо си́це, ов же си́це. Глаго́лю же безбра́чным и вдови́цам: добро́ им есть, а́ще пребу́дут я́коже и аз. А́ще ли не удержа́тся, да посяга́ют: лу́чше бо есть жени́тися, не́жели разжиза́тися. А ожени́вшымся завещава́ю не аз, но Госпо́дь: жене́ от му́жа не разлуча́тися. А́ще ли же и разлучи́тся, да пребыва́ет безбра́чна, или́ да смири́тся с му́жем свои́м, и му́жу жены́ не отпуща́ти. Про́чым же аз глаго́лю, а не Госпо́дь: а́ще кото́рый брат жену́ и́мать неве́рну, и та благоволи́т жи́ти с ним, да не оставля́ет ея́.

1 Кор 6:20–7:12

Во вторник 7-я недели.

Зачало 137

Бра́тие, а́ще кото́рый брат жену́ и́мать неве́рну, и та благоволи́т жи́ти с ним, да не оставля́ет ея́. И жена́ а́ще и́мать му́жа неве́рна, и той благоволи́т жи́ти с не́ю, да не оставля́ет его́. Святи́тся бо муж неве́рен о жене́ ве́рне, и святи́тся жена́ неве́рна о му́жи ве́рне, ина́че бо ча́да ва́ша нечи́ста бы́ли бы, ны́не же свя́та суть. А́ще ли неве́рный отлуча́ется, да разлучи́тся, не порабо́тися бо брат или́ сестра́ в таковы́х, в мир бо призва́ нас Госпо́дь Бог. Что бо ве́си, же́но, а́ще му́жа спасе́ши? Или́ что ве́си, му́жу, а́ще жену́ спасе́ши? То́чию коему́ждо я́коже раздели́л есть Бог, ки́йждо я́коже при́зван бысть Го́сподем, та́ко да хо́дит, и та́ко во всех це́рквах повелева́ю. Во обре́зании ли кто при́зван бысть? Да не отто́ргнется, в необре́зании ли кто при́зван бысть? Да не обре́зуется. Обре́зание ничто́же есть, и необре́зание ничто́же есть, но соблюде́ние за́поведей Бо́жиих. Ки́йждо в зва́нии, в не́мже при́зван бысть, в том да пребыва́ет. Раб ли при́зван был еси́? Да не неради́ши, но а́ще и мо́жеши свобо́ден бы́ти, бо́льши порабо́ти себе́. При́званный бо о Го́споде раб, свобо́дник Госпо́день есть, та́кожде и при́званный свобо́дник, раб есть Христо́в. Цено́ю ку́плени есте́, не бу́дите раби́ челове́ком. Ки́йждо, в не́мже при́зван бысть, бра́тие, в том да пребыва́ет пред Бо́гом.

1 Кор 7:12–24

В среду 7-я недели.

Зачало 138

Бра́тие, ки́йждо в не́мже при́зван бысть, в том да пребыва́ет пред Бо́гом. О де́вах же повеле́ния Госпо́дня не и́мам, сове́т же даю́, я́ко поми́лован от Го́спода ве́рен бы́ти. Мню у́бо сие́ добро́ бы́ти за настоя́щую ну́жду, я́ко добро́ челове́ку та́ко бы́ти. Привяза́л ли ся еси́ жене́? Не ищи́ разреше́ния. Отреши́л ли ся еси́ жены́? Не ищи́ жены́. А́ще ли же и оже́нишися, не согреши́л еси́, и а́ще пося́гнет де́ва, не согреши́ла есть. Скорбь же пло́ти име́ти бу́дут такови́и, аз же вы щажду́. Сие́ же глаго́лю, бра́тие, я́ко вре́мя прекраще́но есть про́чее, да и иму́щии жены́, я́коже не иму́щии бу́дут. И пла́чущиися, я́коже не пла́чущии, и ра́дующиися, я́коже не ра́дующеся, и купу́ющии, я́ко не содержа́ще. И тре́бующии ми́ра сего́, я́ко не тре́бующе: прехо́дит бо о́браз ми́ра сего́. Хощу́ же вас безпеча́льны бы́ти. Не ожени́выйся пече́тся о Госпо́дних, ка́ко угоди́ти Го́сподеви, а ожени́выйся пече́тся о мирски́х, ка́ко угоди́ти жене́. Раздели́ся жена́ и де́ва. Непося́гшая пече́тся о Госпо́дних, да есть свя́та и те́лом, и ду́хом, а пося́гшая пече́тся о мирски́х, ка́ко угоди́ти му́жу. Сие́ же на по́льзу вам саме́м глаго́лю, не да сило́ вам наложу́, но к благообра́зию и благоприступа́нию Го́сподеви безмо́лвну.

1 Кор 7:24–35

В четверток 7-я недели.

Зачало 139

Бра́тие, к по́льзе вам саме́м глаго́лю, не да сило́ вам наложу́, но к благообра́зию и благоприступа́нию Го́сподеви безмо́лвну. А́ще ли же кто безобрази́ти о де́ве свое́й непщу́ет, а́ще есть превозра́стна, и та́ко должна́ есть бы́ти, е́же хо́щет, да твори́т, не согреша́ет, а́ще пося́гнет. А и́же стои́т тве́рдо се́рдцем, не имы́й ну́жды, власть же и́мать о свое́й во́ли, и се разсуди́л есть в се́рдце свое́м блюсти́ де́ву свою́, до́бре твори́т. Те́мже и вдая́й бра́ку свою́ де́ву до́бре твори́т, и не вдая́й лу́чше твори́т. Жена́ привя́зана есть зако́ном, в ели́ко вре́мя живе́т муж ея́. А́ще же у́мрет муж ея́, свобо́дна есть, за него́же хо́щет, пося́гнути, то́чию о Го́споде. Блаже́ннейша же есть, а́ще та́ко пребу́дет, по моему́ сове́ту, мню бо ся и аз Ду́ха Бо́жия име́ти. О идоложе́ртвенных же ве́мы, я́ко вси ра́зум и́мамы. Ра́зум у́бо кичи́т, а любы́ созида́ет. А́ще ли кто мни́тся ве́дети что, не у что разуме́, я́коже подоба́ет разуме́ти, а́ще же кто лю́бит Бо́га, сей позна́н бысть от Него́. О яде́нии же идоложе́ртвенных ве́мы, я́ко и́дол ничто́же есть в ми́ре, и я́ко никто́же Бог ин, то́кмо Еди́н. А́ще бо и суть глаго́лемии бо́зи, или́ на небеси́, или́ на земли́, я́коже суть бо́зи мно́зи и госпо́дие мно́зи, но нам еди́н Бог Оте́ц, из Него́же вся, и мы у Него́, и еди́н Госпо́дь Иису́с Христо́с, И́мже вся, и мы Тем. Но не во всех ра́зум, не́цыи же со́вестию и́дольскою да́же досе́ле я́коже идоложе́ртвенное ядя́т, и со́весть их, немощна́ су́щи, скверни́тся.

1 Кор 7:35–8:7

В пяток 7-я недели.

Зачало 140

Бра́тие, бра́шно нас не поста́вит пред Бо́гом: ниже́ бо а́ще я́мы, избы́точествуем, ниже́ а́ще не я́мы, лиша́емся. Блюди́те же, да не ка́ко власть ва́ша сия́ преткнове́ние бу́дет немощны́м. А́ще бо кто ви́дит тя, иму́ща ра́зум, в тре́бищи возлежа́ща, не со́весть ли его́ немощна́ су́щи сози́ждется идоложе́ртвенная я́сти? И поги́бнет немощны́й брат в твое́м ра́зуме, его́же ра́ди Христо́с у́мре. Та́коже согреша́юще в бра́тию, и бию́ще их со́весть не́мощну су́щу, во Христа́ согреша́ете. Те́мже а́ще бра́шно соблазня́ет бра́та моего́, не и́мам я́сти мя́са во ве́ки, да не соблазню́ бра́та моего́. Несмь ли апо́стол? Несмь ли свобо́дь? Не Иису́са Христа́ ли Го́спода на́шего ви́дех? Не де́ло ли мое́ вы есте́ о Го́споде? А́ще у́бо ины́м несмь апо́стол, но у́бо вам есмь. Печа́ть бо моего́ апо́стольства вы есте́ о Го́споде.

1 Кор 8:8–9:2

Неделя 35-я, мясопустная.

Зачало 141

Бра́тие, печа́ть моего́ апо́стольства вы есте́ о Го́споде. Мой отве́т востязу́ющым мене́ сей есть. Еда́ не и́мамы вла́сти я́сти и пи́ти? Еда́ не и́мамы вла́сти сестру́ жену́ води́ти, я́ко и про́чии Апо́столи, и бра́тия Госпо́дня, и Ки́фа? Или́ еди́н аз и Варна́ва не и́мамы вла́сти е́же не де́лати? Кто во́инствует свои́ми обро́ки когда́? Или́ кто насажда́ет виногра́д, и от плода́ его́ не яст? Или́ кто пасе́т ста́до, и от млека́ ста́да не яст? Еда́ по челове́ку сия́ глаго́лю? Не и зако́н ли сия́ глаго́лет? В Моисе́ове бо зако́не пи́шет: да не загради́ши устну́ вола́ молотя́ща. Еда́ о воло́вех ради́т Бог? Или́ нас ра́ди вся́ко глаго́лет? Нас бо ра́ди вписа́ся, я́ко о наде́жди до́лжен есть оря́й ора́ти, и молотя́й с наде́ждею своего́ упова́ния причаща́тися. А́ще мы духо́вная се́яхом вам, вели́ко ли, а́ще мы ва́ша теле́сная по́жнем? А́ще ини́и вла́сти ва́шея причаща́ются, не па́че ли мы? Но не сотвори́хом по о́бласти сей, но вся терпи́м, да не прекраще́ние ко́е да́мы благовествова́нию Христо́ву.

1 Кор 9:2–12

Неделя 11-я.

Зачало 142

Бра́тие, не ве́сте ли, я́ко де́лающии свяще́нная от святи́лища ядя́т, и служа́щии олтарю́ со олтаре́м сделя́ются? Та́ко и Госпо́дь повеле́ пропове́дающым Благове́стие от благове́стия жи́ти. Аз же ни еди́но сотвори́х от сих. Не писа́х же сия́, да та́ко бу́дет о мне: до́брее бо мне па́че умре́ти, не́жели похвалу́ мою́ кто да испраздни́т. А́ще бо благовеству́ю, несть ми похвалы́, ну́жда бо ми належи́т. Го́ре же мне есть, а́ще не благовеству́ю. А́ще у́бо во́лею сие́ творю́, мзду и́мам: а́ще ли нево́лею, строе́ние ми есть предано́. Кая у́бо ми есть мзда? Да благовеству́яй без мзды положу́ Благове́стие Христо́во, во е́же не твори́ти ми по о́бласти мое́й в благовествова́нии.

1 Кор 9:13–18

В понедельник 8-я недели.

Зачало 143 (В навечерии Просвещения, егда пост есть)

Бра́тие, свобо́ден сый от всех, всем себе́ порабо́тих, да множа́йшия приобря́щу. Бых иуде́ем я́ко иуде́й, да иуде́и приобря́щу, подзако́нным я́ко подзако́нен, да подзако́нныя приобря́щу. Беззако́нным я́ко беззако́нен, не сый беззако́нник Бо́гу, но зако́нник Христу́, да приобря́щу беззако́нныя. Бых немощны́м я́ко не́мощен, да немощны́я приобря́щу. Всем бых вся, да вся́ко не́кия спасу́. Сие́ же творю́ за Благове́стие, да соо́бщник ему́ бу́ду. Не ве́сте ли, я́ко теку́щии в позо́рищи вси у́бо теку́т, еди́н же прие́млет по́честь? Та́ко тецы́те, да пости́гнете. Всяк же подвиза́яйся от всех воздержи́тся, и они́ у́бо да истле́нен вене́ц прии́мут, мы же неистле́нен. Аз у́бо та́ко теку́, не я́ко безве́стно, та́ко подвиза́юся, не я́ко возду́х бия́й, но умерщвля́ю те́ло мое́ и порабоща́ю, да не ка́ко ины́м пропове́дуя, сам неключи́мь бу́ду.

1 Кор 9:19–27

Зачало 143 (В навечерии Просвещения, егда несть пост)

Бра́тие, свобо́ден сый от всех, всем себе́ порабо́тих, да множа́йшыя приобря́щу. Бых иуде́ем я́ко иуде́й, да иуде́и приобря́щу, подзако́нным я́ко подзако́нен, да подзако́нныя приобря́щу. Беззако́нным я́ко беззако́нен, не сый беззако́нник Бо́гу, но зако́нник Христу́, да приобря́щу беззако́нныя. Бых немощны́м я́ко не́мощен, да немощны́я приобря́щу. Всем бых вся, да вся́ко не́кия спасу́. Сие́ же творю́ за Благове́стие, да соо́бщник ему́ бу́ду. Не ве́сте ли, я́ко теку́щии в позо́рищи вси у́бо теку́т, еди́н же прие́млет по́честь? Та́ко тецы́те, да пости́гнете. Всяк же подвиза́яйся от всех воздержи́тся, и они́ у́бо да истле́нен вене́ц прии́мут, мы же неистле́нен. Аз у́бо та́ко теку́, не я́ко безве́стно, та́ко подвиза́юся, не я́ко возду́х бия́й, но умерщвля́ю те́ло мое́ и порабоща́ю, да не ка́ко ины́м пропове́дуя, сам неключи́мь бу́ду. Не хощу́ же вас не ве́дети, бра́тие, я́ко отцы́ на́ши вси под о́блаком бы́ша, и вси сквозе́ мо́ре проидо́ша, и вси в Моисе́а крести́шася во о́блаце и в мо́ри, и вси то́жде бра́шно духо́вное ядо́ша, и вси то́жде пи́во духо́вное пи́ша, пия́ху бо от духо́внаго после́дующаго ка́мене, ка́мень же бе Христо́с.

1 Кор 9:19–10:4

Зачало 143 (На освящение воды)

Бра́тие, не хощу́ вас не ве́дети, я́ко отцы́ на́ши вси под о́блаком бы́ша и вси сквозе́ мо́ре проидо́ша. И вси в Моисе́я крести́шася во о́блаце и в мо́ри. И вси то́жде бра́шно духо́вное ядо́ша. И вси то́жде пи́во духо́вное пи́ша, пия́ху бо от духо́внаго после́дующаго ка́мене, ка́мень же бе Христо́с.

1 Кор 10:1–4

Зачало 144

Бра́тие, не во множа́йших их благоволи́ Бог, пораже́ни бо бы́ша в пусты́ни. Сия́ же о́брази нам бы́ша, я́ко не бы́ти нам похотнико́м злых, я́коже и они́ похоте́ша. Ни идолослужи́тели быва́йте, я́коже не́цыи от них, я́коже есть пи́сано: седо́ша лю́дие я́сти и пи́ти, и воста́ша игра́ти. Ниже́ соблу́дим, я́коже не́цыи от них соблуди́ша, и падо́ша во еди́н день два́десять три ты́сящи. Ни да искуша́им Христа́, я́коже не́цыи от них искуси́ша и от змий погибо́ша. Ни ропщи́те, я́коже не́цыи от них ропта́ша и погибо́ша от всегуби́теля. Сия́ же вся о́брази прилуча́хуся о́нем: пи́сана же бы́ша в науче́ние на́ше, в ни́хже концы́ век достиго́ша. Те́мже мня́йся стоя́ти да блюде́тся, да не паде́т.

1 Кор 10:5–12

Во вторник 8-я недели.

Зачало 145

Бра́тие, мня́йся стоя́ти да блюде́тся, да не паде́т. Искуше́ние вас не дости́же, то́чию челове́ческое, ве́рен же Бог, И́же не оста́вит вас искуси́тися па́че, е́же мо́жете, но сотвори́т со искуше́нием и избы́тие, я́ко возмощи́ вам понести́. Те́мже, бра́тие моя́ возлю́бленная, бе́гайте от идолослуже́ния. Я́ко му́дрым глаго́лю: суди́те вы, е́же глаго́лю. Ча́ша благослове́ния, ю́же благословля́ем, не обще́ние ли Кро́ве Христо́вы есть? Хлеб, его́же ло́мим, не обще́ние ли Те́ла Христо́ва есть? Я́ко еди́н хлеб, еди́но те́ло есмы́ мно́зи: вси бо от еди́наго хле́ба причаща́емся. Ви́дите Изра́иля по пло́ти, не яду́щии ли же́ртвы о́бщницы олтаре́ви суть? Что у́бо глаго́лю? Я́ко и́дол что есть? Или́ идоложе́ртвенное что есть? Но зане́, я́же жрут язы́цы, бесо́м жрут, а не Бо́гови, не хощу́ же вас о́бщников бы́ти бесо́м. Не мо́жете ча́шу Госпо́дню пи́ти и ча́шу бесо́вскую, не мо́жете трапе́зе Госпо́дней причаща́тися и трапе́зе бесо́встей. Или́ раздража́ем Го́спода? Еда́ крепча́йши Его́ есмы́?

1 Кор 10:12–22

В среду 8-я недели.

Зачало 146

Бра́тие, вся ми леть суть, но не вся на по́льзу; вся ми леть суть, но не вся назида́ют. Никто́же своего́ си да и́щет, но е́же бли́жняго ко́йждо. Все е́же на то́ржищи продае́мое, яди́те, ничто́же сумня́щеся за со́весть. Госпо́дня бо земля́ и исполне́ние ея́. А́ще ли кто от неве́рных призыва́ет вы, и хо́щете ити́, все предлага́емое вам яди́те, ничто́же сумня́щеся, за со́весть. А́ще ли же кто вам рече́т: сие́ идоложе́ртвенно есть, не яди́те за о́ного пове́давшаго и со́весть. Госпо́дня бо земля́ и исполне́ние ея́.

1 Кор 10:23–28

Суббота 16-я.

Сие же и в субботу мясопустную.

Зачало 147

Бра́тие, а́ще кто вам рече́т: сие́ идоложе́ртвенно есть, не яди́те за о́ного пове́давшаго и со́весть, Госпо́дня бо земля́ и исполне́ние ея́. Со́весть же глаго́лю не свою́, но друга́го, вску́ю бо свобо́да моя́ су́дится от ины́я со́вести? А́ще аз благода́тию причаща́юся, почто́ хулу́ прие́млю, о не́мже аз благодарю́? А́ще у́бо я́сте, а́ще ли пиете́, а́ще ли и́но что творите́, вся в сла́ву Бо́жию твори́те. Безпреткнове́ни быва́йте иуде́ем и е́ллином, и це́ркви Бо́жией, я́коже и аз во всем всем угожда́ю, не иски́й своея́ по́льзы, но мно́гих, да спасу́тся. Подража́тели мне быва́йте, я́коже и аз Христу́. Хвалю́ же вы, бра́тие, я́ко вся моя́ по́мните, и я́коже преда́х вам, преда́ния держите́. Хощу́ же вас ве́дети, я́ко вся́кому му́жу глава́ Христо́с есть, глава́ же жене́ муж, глава́ же Христу́ Бог. Всяк муж, моли́тву де́яй или́ проро́чествуяй покры́тою главо́ю, срамля́ет главу́ свою́. И вся́ка жена́, моли́тву де́ющая или́ проро́чествующая открове́нною главо́ю, срамля́ет главу́ свою́: еди́но бо есть и то́жде остри́женней. А́ще у́бо не покрыва́ется жена́, да стриже́тся, а́ще ли же срам жене́ стри́щися или́ бри́тися, да покрыва́ется. Муж бо не до́лжен есть покрыва́ти главу́, о́браз и сла́ва Бо́жия сый, жена́ же сла́ва му́жу есть.

1 Кор 10:28–11:7

В четверток 8-я недели.

Зачало 148

Бра́тие, несть муж от жены́, но жена́ от му́жа, и́бо не со́здан бысть муж жены́ ра́ди, но жена́ му́жа ра́ди. Сего́ ра́ди должна́ есть жена́ власть име́ти на главе́ А́нгел ра́ди. Оба́че ни муж без жены́, ни жена́ без му́жа, о Го́споде. Я́коже бо жена́ от му́жа, си́це и муж жено́ю, вся же от Бо́га. В вас саме́х суди́те, ле́по ли есть жене́ открове́нне Бо́гу моли́тися? Или́ и не са́мое естество́ учи́т вы, я́ко муж у́бо а́ще власы́ расти́т, безче́стие ему́ есть, жена́ же а́ще власы́ расти́т, сла́ва ей есть? Зане́ расте́ние власо́в вме́сто одея́ния дано́ бысть ей. А́ще ли кто мни́тся спо́рлив бы́ти, мы такова́го обы́чая не и́мамы, ниже́ це́ркви Бо́жия. Сие́ же завещава́я не хвалю́, я́ко не на лу́чшее, но на ху́дшее сбира́етеся. Пе́рвое у́бо, сходя́щымся вам в це́рковь, слы́шу в вас ра́спри су́щя, и часть не́кую сих ве́рую. Подоба́ет бо и ересе́м в вас бы́ти, да иску́снии явле́ни быва́ютв вас. Сходя́щымся у́бо вам вку́пе, несть Госпо́дскую ве́черю я́сти, ко́ждо бо свою́ ве́черю предваря́ет в снеде́ние, и ов у́бо а́лчет, ов же упива́ется. Еда́ бо домо́в не и́мате, во е́же я́сти и пи́ти? Или́ о це́ркви Бо́жией нерадите́ и срамля́ете не иму́щыя? Что вам реку́? Похвалю́ ли вы о сем? Не похвалю́.

1 Кор 11:8–22

В пяток 8-я недели.

Зачало 149

Бра́тие, аз прия́х от Го́спода, е́же и преда́х вам, я́ко Госпо́дь Иису́с в нощь, в ню́же пре́дан быва́ше, прие́м хлеб, и благодари́в преломи́, и рече́: приими́те, яди́те, сие́ есть Те́ло Мое́, е́же за вы ломи́мое; сие́ твори́те в Мое́ воспомина́ние. Та́кожде и ча́шу по ве́чери, глаго́ля: сия́ ча́ша Но́вый Заве́т есть в Мое́й Кро́ви; сие́ твори́те, ели́жды а́ще пие́те, в Мое́ воспомина́ние. Ели́жды бо а́ще я́сте хлеб сей и ча́шу сию́ пие́те, смерть Госпо́дню возвеща́ете, до́ндеже у́бо прии́дет. Те́мже и́же а́ще яст хлеб сей или́ пие́т ча́шу Госпо́дню недосто́йне, пови́нен бу́дет Те́лу и Кро́ви Госпо́дни. Да искуша́ет же челове́к себе́, и та́ко от хле́ба да яст и от ча́ши да пие́т. Яды́й бо и пия́й недосто́йне, суд себе́ яст и пие́т, не разсужда́я те́ла Госпо́дня. Сего́ ра́ди в вас мно́зи не́мощни и неду́жливи, и спят дово́льни. А́ще бо бы́хом себе́ разсужда́ли, не бы́хом осужде́ни бы́ли. Суди́ми же, от Го́спода наказу́емся, да не с ми́ром осу́димся.

1 Кор 11:23–32

В Четверток великий.

Зачало 150

Бра́тие, а́ще бы́хом са́ми себе́ разсужда́ли, не бы́хом осужде́ни бы́ли. Суди́ми же, от Го́спода наказу́емся, да не с ми́ром осу́димся. Те́мже, бра́тие моя́, сходя́щеся я́сти, друг дру́га жди́те. А́ще ли кто а́лчет, в дому́ да яст, да не в грех схо́дитеся. О про́чих же, егда́ прииду́, устро́ю. О духо́вных же, бра́тие, не хощу́ вас не ве́дети. Ве́сте, я́ко егда́ неве́рни бе́сте, ко и́долом безгла́сным я́ко ведо́ми ведо́стеся. Те́мже сказу́ю вам, я́ко никто́же, Ду́хом Бо́жиим глаго́ляй, рече́т ана́фема Иису́са, и никто́же мо́жет рещи́ Го́спода Иису́са, то́чию Ду́хом Святы́м. Разделе́ния же дарова́ний суть, а то́йжде Дух, и разделе́ния служе́ний суть, а то́йжде Госпо́дь, и разделе́ния действ суть, а то́йжде есть Бог, де́йствуяй вся во всех.

1 Кор 11:31–12:6

В понедельник 9-я недели.

Зачало 151

Бра́тие, кому́ждо дае́тся явле́ние Ду́ха на по́льзу. О́вому бо Ду́хом дае́тся сло́во прему́дрости, ино́му же сло́во ра́зума, о то́мже Ду́се, друго́му же ве́ра, те́мже Ду́хом, ино́му же дарова́ния исцеле́ний, о то́мже Ду́се. Друго́му же де́йствия сил, ино́му же проро́чество, друго́му же разсужде́ния духово́м, ино́му же ро́ди язы́ков, друго́му же сказа́ния язы́ков. Вся же сия́ де́йствует еди́н и то́йжде Дух, разделя́я вла́стию коему́ждо я́коже хо́щет.

1 Кор 12:7–11

Ноемвриа 17, святому Григорию.

Зачало 152

Бра́тие, я́коже те́ло еди́но есть и у́ды и́мать мно́ги, вси же у́ды еди́наго те́ла, мно́зи су́ще, еди́но суть те́ло, та́ко и Христо́с. И́бо еди́нем Ду́хом мы вси во еди́но те́ло крести́хомся, а́ще иуде́и, а́ще е́ллини, или́ раби́, или́ свобо́дни, и вси еди́нем Ду́хом напои́хомся. И́бо те́ло несть еди́н уд, но мно́зи. А́ще рече́т нога́, я́ко несмь рука́, несмь от те́ла, еда́ сего́ ра́ди несть от те́ла? И а́ще рече́т у́хо, я́ко несмь о́ко, несмь от те́ла, еда́ сего́ ра́ди несть от те́ла? А́ще все те́ло о́ко, где слух? А́ще же все слух, где уха́ние? Ны́не же положи́ Бог у́ды, еди́наго коего́ждо их в телеси́, я́коже изво́ли. А́ще ли бы́ша вси еди́н уд, где те́ло? Ны́не же мно́зи у́бо у́дове, еди́но же те́ло. Не мо́жет же о́ко рещи́ руце́: не тре́бе ми еси́, или́ па́ки глава́ нога́ма: не тре́бе ми есте́. Но мно́го па́че, мня́щиися у́ди те́ла немощне́йши бы́ти, ну́жнейши суть, и и́хже мним безче́стнейших бы́ти те́ла, сим честь мно́жайшую прилага́ем. И неблагообра́знии на́ши благообра́зие мно́жайше и́мут, а благообра́знии на́ши не тре́бе и́мут. Но Бог раствори́ те́ло, худе́йшему бо́льшу дав честь, да не бу́дет ра́спри в телеси́, но да то́жде в себе́ пеку́тся у́ди. И а́ще стра́ждет еди́н уд, с ним стра́ждут вси у́ди, а́ще ли же сла́вится еди́н уд, с ним ра́дуются вси у́ди.

1 Кор 12:12–26

Во вторник 9-я недели.

Зачало 153

Бра́тие, вы есте́ те́ло Христо́во и у́ди от ча́сти. И о́вы у́бо положи́ Бог в Це́ркви, пе́рвее апо́столы, второ́е проро́ки, тре́тие учи́тели, пото́м же си́лы, та́же дарова́ния исцеле́ний, заступле́ния, правле́ния, ро́ди язы́ков. Еда́ вси апо́столи? Еда́ вси проро́цы? Еда́ вси учи́тели? Еда́ вси си́лы? Еда́ вси дарова́ния и́мут исцеле́ний? Еда́ вси язы́ки глаго́лют? Еда́ вси сказу́ют? Ревну́йте же дарова́ний бо́льших, и еще́ по превосхожде́нию путь вам показу́ю. А́ще язы́ки челове́ческими глаго́лю и а́нгельскими, любве́ же не и́мам, бых я́ко медь звеня́щи, или́ кимва́л звяца́яй. И а́ще и́мам проро́чество и вем та́йны вся, и весь ра́зум, и а́ще и́мам всю ве́ру, я́ко и го́ры преставля́ти, любве́ же не и́мам, ничто́же есмь. И а́ще разда́м вся име́ния моя́, и а́ще преда́м те́ло мое́, во е́же сжещи́ е́, любве́ же не и́мам, ника́я по́льза ми есть. Любы́ долготерпи́т, милосе́рдствует, любы́ не зави́дит, любы́ не превозно́сится, не горди́тся, ни безчи́нствует, не и́щет своя́ си, не раздража́ется, не мы́слит зла, не ра́дуется о непра́вде, ра́дуется же о и́стине; вся лю́бит, всему́ ве́ру е́млет, вся упова́ет, вся терпи́т. Любы́ николи́же отпа́дает.

1 Кор 12:27–13:8

Святым безсребреником.

Зачало 154 (В среду 9-я недели)

Бра́тие, любы́ долготерпи́т, милосе́рдствует, любы́ не зави́дит, любы́ не превозно́сится, не горди́тся, не безчи́нствует, не и́щет своя́ си, не раздража́ется, не мы́слит зла, не ра́дуется о непра́вде, ра́дуется же о и́стине, вся лю́бит, всему́ ве́ру е́млет, вся упова́ет, вся терпи́т. Любы́ николи́же отпа́дает, а́ще же проро́чествия упраздня́тся, а́ще ли язы́цы умо́лкнут, а́ще ра́зум испраздни́тся. Отча́сти бо разумева́ем и от ча́сти проро́чествуем. Егда́ же прии́дет соверше́нное, тогда́ е́же от ча́сти упраздни́тся. Егда́ бех младе́нец, я́ко младе́нец глаго́лах, я́ко младе́нец му́дрствовах, я́ко младе́нец смышля́х, егда́ же бых муж, отверго́х младе́нческая. Ви́дим у́бо ны́не я́коже зерца́лом в гада́нии, тогда́ же лице́м к лицу́, ны́не разуме́ю от ча́сти, тогда́ же позна́ю, я́коже и позна́н бых. Ны́не же пребыва́ют ве́ра, наде́жда, любы́, три сия́, бо́льши же сих любы́. Держи́теся любве́, ревну́йте же духо́вным, па́че же да проро́чествуете. Глаго́ляй бо язы́ки, не челове́ком глаго́лет, но Бо́гу, никто́же бо слы́шит, ду́хом же глаго́лет та́йны. Проро́чествуяй же, челове́ком глаго́лет созида́ние и утеше́ние, и утвержде́ние. Глаго́ляй бо язы́ки себе́ зи́ждет, а проро́чествуяй це́рковь зи́ждет. Хощу́ же всех вас глаго́лати язы́ки, па́че же да прорица́ете, бо́лий бо проро́чествуяй, не́жели глаго́ляй язы́ки, ра́зве а́ще кто сказу́ет, да це́рковь созида́ние прие́млет.

1 Кор 13:4–14:5

Зачало 154 (Кирику и Иулитте)

Бра́тие, егда́ бех младе́нец, я́ко младе́нец глаго́лах, я́ко младе́нец му́дрствовах, я́ко младе́нец смышля́х, егда́ же бых муж, отверго́х младе́нческая. Ви́дим бо ны́не я́коже зерца́лом в гада́нии, тогда́ же лице́м к лицу́, ны́не разуме́ю от ча́сти, тогда́ же позна́ю, я́коже и позна́н бых. Ны́не же пребыва́ют ве́ра, наде́жда, любы́, три сия́, бо́льши же сих любы́. Держи́теся любве́, ревну́йте же духо́вным, па́че же да проро́чествуете. Глаго́ляй бо язы́ки, не челове́ком глаго́лет, но Бо́гу, никто́же бо слы́шит, ду́хом же глаго́лет та́йны. Проро́чествуяй же, челове́ком глаго́лет созида́ние и утеше́ние и утвержде́ние. Глаго́ляй бо язы́ки себе́ зи́ждет, а проро́чествуяй це́рковь зи́ждет. Хощу́ же всех вас глаго́лати язы́ки, па́че же да прорица́ете, бо́лий бо проро́чествуяй, не́жели глаго́ляй язы́ки, ра́зве а́ще кто сказу́ет, да це́рковь созида́ние прие́млет.

1 Кор 13:11–14:5

Зачало 155

Бра́тие, а́ще прииду́ к вам язы́ки глаго́ля, ку́ю вам по́льзу сотворю́, а́ще вам не глаго́лю или́ во открове́нии, или́ в ра́зуме, или́ в проро́чествии, или́ в науче́нии? Оба́че безду́шная глас даю́щая, а́ще сопе́ль, а́ще гу́сли, а́ще ра́знствия писка́нием не дадя́т, ка́ко разу́мно бу́дет писка́ние или́ гуде́ние? И́бо а́ще безве́стен глас труба́ даст, кто угото́вится на брань? Та́ко и вы а́ще не благоразу́мно сло́во дадите́ язы́ком, ка́ко уразуме́ется глаго́лемое? Бу́дете бо на возду́х глаго́люще. Толи́ки у́бо, а́ще ключи́тся, роди́ гласо́в суть в ми́ре, и ни еди́н их безгла́сен. А́ще у́бо не уве́м си́лы гла́са, бу́ду глаго́лющему иноязы́чник, и глаго́лющий мне иноязы́чник. Та́ко и вы, поне́же ревни́теле есте́ духово́м, я́же к созида́нию це́ркве проси́те, да избы́точествуете. Те́мже глаго́ляй язы́ком да мо́лится, да сказу́ет. А́ще бо молю́ся язы́ком, дух мой мо́лится, а ум мой без плода́ есть. Что у́бо есть? Помолю́ся ду́хом, помолю́ся же и умо́м, воспою́ ду́хом, воспою́ же и умо́м. Поне́же а́ще благослови́ши ду́хом, исполня́яй ме́сто неве́жды ка́ко рече́т ами́нь, по твоему́ благодаре́нию? Поне́же не весть, что глаго́леши. Ты у́бо до́бре благодари́ши, но други́й не созида́ется. Благодарю́ Бо́га моего́, па́че всех вас язы́ки глаго́ля, но в це́ркви хощу́ пять слове́с умо́м мои́м глаго́лати, да и и́ны по́льзую, не́жели тмы слове́с язы́ком.

1 Кор 14:6–19

В четверток 9-я недели.

Зачало 156

Бра́тие, не де́ти быва́йте умы́, но зло́бою младе́нствуйте, умы́ же соверше́ни быва́йте. В зако́не пи́шет: я́ко ины́ми язы́ки и устны́ ины́ми возглаго́лю лю́дем сим, и ни та́ко послу́шают Мене́, глаго́лет Госпо́дь. Те́мже язы́цы в зна́мение суть не ве́рующым, но неве́рным, а проро́чество не неве́рным, но ве́рующым. А́ще у́бо сни́дется це́рковь вся вку́пе, и вси язы́ки глаго́лют, вни́дут же и неразу́мивии или́ неве́рнии, не реку́т ли, я́ко бесну́етеся? А́ще же вси проро́чествуют, вни́дет же не́кий неве́рен или́ неве́жда, облича́ется все́ми, и истязу́ется от всех, и си́це та́йная се́рдца его́ явле́на быва́ют, и та́ко пад ниц покло́нится Бо́гови, возвеща́я, я́ко вои́стинну Бог с ва́ми есть.

1 Кор 14:20–25

В субботу 17-ю.

Зачало 157

Бра́тие, егда́ схо́дитеся, ко́ждо вас псало́м и́мать, уче́ние и́мать, язы́к и́мать открове́ние и́мать, сказа́ние и́мать, вся же к созда́нию да быва́ют. А́ще язы́ком кто глаго́лет, по двема́, или́ мно́жае по трие́м, и по ча́сти, и еди́н да сказу́ет. А́ще ли не бу́дет сказа́тель, да молчи́т в це́ркви, себе́ же да глаго́лет и Бо́гови. Проро́цы же два или́ трие́ да глаго́лют, и друзи́и да разсужда́ют. А́ще ли ино́му откры́ется седя́щу, пе́рвый да молчи́т. Мо́жете бо вси по еди́ному проро́чествовати, да вси уча́тся и вси утеша́ются. И ду́си проро́честии проро́ком повину́ются. Несть бо нестрое́ния Бог, но ми́ра, я́ко во всех це́рквах святы́х. Жены́ ва́ша в це́рквах да молча́т, не повеле́ся бо им глаго́лати, но повинова́тися, я́коже и зако́н глаго́лет. А́ще ли чесому́ научи́тися хотя́т, в дому́ свои́х муже́й да вопроша́ют: сра́мно бо есть жене́ в це́ркви глаго́лати. Или́ от вас сло́во Бо́жие изы́де? Или́ вас еди́ных дости́же? А́ще кто мни́тся проро́к бы́ти или́ духо́вен, да разуме́ет, я́же пишу́ вам, зане́ Госпо́дни суть за́поведи? А́ще ли кто не разуме́ет, да не разумева́ет. Те́мже, бра́тие моя́, ревну́йте е́же проро́чествовати, и е́же глаго́лати язы́ки не возбраня́йте. Вся же благообра́зно и по чи́ну да быва́ют.

1 Кор 14:26–40

В пяток 9-я недели.

Зачало 158

Бра́тие, сказу́ю вам, Благовествова́ние, е́же благовести́х вам, е́же и прия́сте, в не́мже и стоите́, и́мже и спаса́етеся, ка́цем сло́вом благовести́х вам, а́ще содержите́, ра́зве а́ще не всуе ве́ровасте. Преда́х бо вам испе́рва, е́же и прия́х, я́ко Христо́с у́мре грех на́ших ра́ди, по Писа́нием, и я́ко погребе́н бысть, и я́ко воста́ в тре́тий день, по Писа́нием, и я́ко яви́ся Ки́фе, та́же единона́десятим. Пото́м же яви́ся бо́ле пяти́ сот бра́тиям еди́ною, от ни́хже мно́жайшии пребыва́ют досе́ле, не́цыи же и почи́ша. Пото́м же яви́ся Иа́кову, та́же Апо́столом всем. Последи́ же всех, я́ко не́коему и́звергу, яви́ся и мне. Аз бо есмь мний Апо́столов, и́же несмь досто́ин нарещи́ся Апо́стол, зане́ гони́х це́рковь Бо́жию. Благода́тию же Бо́жиею есмь, е́же есмь, и благода́ть Его́, я́же во мне, не тща бысть, но па́че всех их потруди́хся, не аз же, но благода́ть Бо́жия, я́же со мно́ю. А́ще у́бо аз, а́ще ли они́, та́ко пропове́дуем, и та́ко ве́ровасте.

1 Кор 15:1–11

Неделя 12-я.

Зачало 159

Бра́тие, а́ще Христо́с пропове́дуется, я́ко из ме́ртвых воста́, ка́ко глаго́лют не́цыи в вас, я́ко воскресе́ния ме́ртвых несть? И а́ще воскресе́ния ме́ртвых несть, то ни Христо́с воста́. А́ще же Христо́с не воста́, тще у́бо пропове́дание на́ше, тща же и ве́ра ва́ша. Обрета́емся же и лжесвиде́теле Бо́жии, я́ко послушествова́хом на Бо́га, я́ко воскреси́ Христа́, Его́же не воскреси́, а́ще у́бо ме́ртвии не востаю́т, а́ще бо ме́ртвии не востаю́т, то ни Христо́с воста́. А́ще же Христо́с не воста́, су́етна ве́ра ва́ша, еще́ есте́ во гресе́х ва́ших. У́бо и уме́ршии о Христе́, погибо́ша. И а́ще в животе́ сем то́чию упова́юще есмы́ во Христа́ то́чию, окая́ннейши всех челове́к есмы́.

1 Кор 15:12–19

В понедельник 10-я недели.

Зачало 160

Бра́тие, Христо́с воста́ от ме́ртвых, нача́ток уме́ршым бысть. Поне́же бо челове́ком смерть бысть, и челове́ком воскресе́ние ме́ртвых. Я́коже бо о Ада́ме вси умира́ют, та́кожде и о Христе́ вси оживу́т, ко́ждо же во свое́м чину́: нача́ток Христо́с, пото́м же Христу́ ве́ровавшии в прише́ствии Его́. Та́же кончи́на, егда́ преда́ст Ца́рство Бо́гу и Отцу́, егда́ испраздни́т вся́ко нача́льство и вся́ку власть и си́лу. Подоба́ет бо Ему́ ца́рствовати, до́ндеже положи́т вся враги́ под нога́ма Свои́ма. После́дний же враг испраздни́тся смерть, вся бо покори́ под но́зе Его́, внегда́ же рещи́, я́ко вся покоре́на суть Ему́, я́ве я́ко ра́зве Поко́ршаго Ему́ вся. Егда́ же покори́т Ему́ вся́ческая, тогда́ и Сам Сын покори́тся Поко́ршему Ему́ вся́ческая, да бу́дет Бог вся́ческая во всех.

1 Кор 15:20–28

В память умерших.

Зачало 161

Бра́тие, что сотворя́т крестя́щиися ме́ртвых ра́ди? А́ще отню́д ме́ртвии не востаю́т, что и креща́ются ме́ртвых ра́ди? Почто́ же и мы беды́ прие́млем на всяк час? По вся дни умира́ю, та́ко ми ва́ша похвала́, бра́тие, ю́же и́мам о Христе́ Иису́се Го́споде на́шем. А́ще бо по челове́ку со зве́рем боря́хся в Ефе́се ка́я ми по́льза, а́ще ме́ртвии не востаю́т? Да я́мы и пие́м, у́тре бо у́мрем. Не льсти́теся: тлят обы́чаи бла́ги бесе́ды злы. Истрезви́теся пра́ведно и не согреша́йте, неве́дение бо Бо́жие не́цыи и́мут, к сра́му вам глаго́лю. Но рече́т не́кто: ка́ко воста́нут ме́ртвии? Ко́им же те́лом прии́дут? Безу́мне, ты е́же се́еши, не оживе́т, а́ще не у́мрет. И е́же се́еши, не те́ло бу́дущее се́еши, но голо́ зе́рно, а́ще случи́тся, пшени́цы или́ ино́го от про́чих, Бог же дае́т ему́ те́ло, я́коже восхо́щет, и коему́ждо се́мени свое́ те́ло.

1 Кор 15:29–38

Во вторник 10-я недели.

Зачало 162

Бра́тие, не вся́ка плоть та́же плоть, но и́на у́бо плоть челове́ком, и́на же плоть ското́м, и́на же ры́бам, и́на же пти́цам. И телеса́ небе́сная, и телеса́ земна́я, но и́на у́бо небе́сным сла́ва, и и́на земны́м. И́на сла́ва со́лнцу, и и́на сла́ва луне́, и и́на сла́ва звезда́м: звезда́ бо от звезды́ ра́знствует во сла́ве. Та́кожде и воскресе́ние ме́ртвых: се́ется в тле́ние, востае́т в нетле́нии, се́ется не в честь, востае́т в сла́ве, се́ется в не́мощи, востае́т в си́ле, се́ется те́ло душе́вное, востае́т те́ло духо́вное. Есть те́ло душе́вное, и есть те́ло духо́вное. Та́ко и пи́сано есть: бысть пе́рвый челове́к Ада́м в ду́шу жи́ву, после́дний Ада́м в дух животворя́щь.

1 Кор 15:39–45

В субботу 18-ю.

Зачало 163

Бра́тие, пе́рвый челове́к от земли́ пе́рстен, вторы́й Челове́к Госпо́дь с небесе́. Яко́в пе́рстный, такови́ и пе́рстнии, и яко́в небе́сный, та́цы же и небе́снии. И я́коже облеко́хомся во о́браз пе́рстнаго, да облече́мся и во о́браз Небе́снаго. Сие́ же глаго́лю, бра́тие, я́ко плоть и кровь Ца́рствия Бо́жия насле́дити не мо́гут, ниже́ тле́ние нетле́ния насле́дствует. Се та́йну вам глаго́лю: вси бо не у́спнем, вси же измени́мся. Вско́ре, во мгнове́нии о́ка, в после́дней трубе́: востру́бит бо, и ме́ртвии воста́нут нетле́нни, и мы измени́мся. Подоба́ет бо тле́нному сему́ облещи́ся в нетле́ние, и ме́ртвенному сему́ облещи́ся в безсме́ртие. Егда́ же тле́нное сие́ облече́тся в нетле́ние, и сме́ртное сие́ облече́тся в безсме́ртие, тогда́ бу́дет сло́во напи́санное: поже́рта бысть смерть побе́дою. Где ти сме́рте, жа́ло; где ти а́де, побе́да? Жа́ло же сме́рти грех, си́ла же греха́ зако́н. Бо́гу же благодаре́ние, да́вшему нам побе́ду Го́сподем на́шим Иису́с Христо́м.

1 Кор 15:47–57

В память умерших.

Зачало 164

Бра́тие, тве́рди быва́йте, непосту́пни, избы́точествующе в де́ле Госпо́дни всегда́, ве́дяще, я́ко труд ваш несть тощь пред Го́сподем. О ми́лостыни же, я́же ко святы́м, я́коже устро́их це́рквам Галати́йским, та́ко и вы сотворя́йте. По еди́ней от суббо́т ко́ждо вас да полага́ет у себе́ сохраня́я, е́же а́ще что бла́го поспеши́тся, да не егда́ прииду́, тогда́ собра́ния быва́ют. Егда́ же прииду́, и́хже а́ще иску́сите посла́ньми, сих послю́ отнести́ благода́ть ва́шу во Иерусали́м.

1 Кор 15:58–16:3

В субботу 19-ю.

Зачало 165

Бра́тие, а́ще досто́йно бу́дет и мне ити́, со мно́ю по́йдут. Прииду́ же к вам, егда́ Македо́нию прейду́: Македо́нию бо прохожду́. У вас же, а́ще случи́тся мне, пребу́ду, или́ и озиме́ю, да вы мя прово́дите, а́може а́ще поиду́. Не хощу́ бо вас ны́не в мимохожде́нии ви́дети, упова́ю же вре́мя не́кое пребы́ти у вас, а́ще Госпо́дь повели́т. Пребу́ду же во Ефе́се до Пентико́стии, дверь бо ми отве́рзеся вели́ка и поспе́шна, и сопроти́внии мно́зи. А́ще же прии́дет Тимофе́й, блюди́те, да без стра́ха бу́дет у вас, де́ло бо Госпо́дне де́лает, я́коже и аз. Да никто́же у́бо его́ уничижи́т, проводи́те же его́ с ми́ром, да прии́дет ко мне, жду бо его́ с бра́тиею. О Аполло́се же бра́те, мно́го моли́х его́, да прии́дет к вам с бра́тиею, и вся́ко не бе во́ля, да ны́не прии́дет, прии́дет же, егда́ упраздни́тся.

1 Кор 16:4–12

В среду 10-я недели.

Зачало 166

Бра́тие, бо́дрствуйте, сто́йте в ве́ре, мужа́йтеся, утвержда́йтеся. Вся вам любо́вию да быва́ют. Молю́ же вы, бра́тие, ве́сте дом Стефани́нов, я́ко есть нача́ток Аха́ии, и в служе́ние святы́м учини́ша себе́, да и вы повину́йтеся таковы́м и вся́кому споспе́шствующу и тружда́ющуся. Возра́довахся же о прише́ствии Стефани́нове и Фуртуна́тове и Аха́икове, я́ко ва́ше лише́ние си́и испо́лниша. Поко́иша бо мой дух и ваш. Познава́йте у́бо таковы́я. Целу́ют вы це́ркви Аси́йския. Целу́ют вы о Го́споде мно́го Аки́ла и Приски́лла с дома́шнею их це́рковию. Целу́ют вы бра́тия вся. Целу́йте друг дру́га лобза́нием святы́м. Целова́ние мое́ю руко́ю Па́влею. А́ще кто не лю́бит Го́спода Иису́са Христа́, да бу́дет про́клят. Мара́н афа́. Благода́ть Го́спода на́шего Иису́са Христа́ с ва́ми, и любы́ моя́ со все́ми ва́ми о Христе́ Иису́се. Ами́нь.

1 Кор 16:13–24

Неделя 13.

К КОРИНФЯНОМ ВТОРОЕ ПОСЛАНИЕ СВЯТАГО АПОСТОЛА ПАВЛА

Зачало 167 (В четверток 10-я недели)

Па́вел, посла́нник Иису́с Христо́в во́лею Бо́жиею, и Тимофе́й брат, це́ркви Бо́жией су́щей в Кори́нфе, со святы́ми все́ми су́щими во всей Аха́ии: благода́ть вам и мир от Бо́га Отца́ на́шего, и Го́спода Иису́са Христа́. Благослове́н Бог и Оте́ц Го́спода на́шего Иису́са Христа́, Оте́ц щедро́т и Бог вся́кия уте́хи, утеша́яй нас о вся́кой ско́рби на́шей, я́ко возмощи́ нам уте́шити су́щыя во вся́кой ско́рби, утеше́нием, и́мже утеша́емся са́ми от Бо́га. Зане́ я́коже избы́точествуют страда́ния Христо́ва в нас, та́ко Христо́м избы́точествует и утеше́ние на́ше. А́ще ли же скорби́м, о ва́шем утеше́нии и спасе́нии, де́йствующемся в терпе́нии те́хже страда́ний, я́же и мы стра́ждем, и упова́ние на́ше изве́стно о вас. А́ще ли утеша́емся, о ва́шем утеше́нии и спасе́нии, ве́дяще, зане́ я́коже о́бщницы есте́ страсте́м на́шым, та́кожде и утеше́нию.

2 Кор 1:1–7

Зачало 167 (Великим мучеником)

Бра́тие, благослове́н Бог и Оте́ц Го́спода на́шего Иису́са Христа́, Оте́ц щедро́т и Бог вся́кия уте́хи, утеша́яй нас о вся́кой ско́рби на́шей, я́ко возмощи́ нам уте́шити су́щыя во вся́кой ско́рби, утеше́нием, и́мже утеша́емся са́ми от Бо́га. Зане́ я́коже избы́точествуют страда́ния Христо́ва в нас, та́ко Христо́м избы́точествует и утеше́ние на́ше. А́ще ли же скорби́м, о ва́шем утеше́нии и спасе́нии, де́йствующемся в терпе́нии те́хже страда́ний, я́же и мы стра́ждем, и упова́ние на́ше изве́стно о вас. А́ще ли утеша́емся, о ва́шем утеше́нии и спасе́нии, ве́дяще, зане́ я́коже о́бщницы есте́ страсте́м на́шым, та́кожде и утеше́нию.

2 Кор 1:3–7

Зачало 168

Бра́тие, не хощу́ вас не ве́дети о ско́рби на́шей, бы́вшей нам во Аси́и, я́ко по премно́гу и па́че си́лы отяготи́хомся, я́ко не наде́ятися нам и жи́ти. Но са́ми в себе́ осужде́ние сме́рти име́хом, да не наде́ющеся бу́дем на ся, но на Бо́га возставля́ющаго ме́ртвыя, И́же от толи́кия сме́рти изба́вил ны есть и избавля́ет, На́ньже и упова́хом, я́ко и еще́ изба́вит; поспеша́ющим и вам по нас моли́твою, да от мног лиц е́же в нас дарова́ние, мно́гими благодари́тся о вас.

2 Кор 1:8–11

В субботу 20-ю.

Зачало 169

Бра́тие, похвале́ние на́ше сие́ есть, свиде́тельство со́вести на́шея, я́ко в простоте́ и чистоте́ Бо́жией, а не в му́дрости пло́ти, но благода́тию Бо́жиею жи́хом в ми́ре, мно́жае же у вас. Не ина́я бо пи́шем вам, но я́же чтете́ и разумева́ете, упова́ю же, я́ко и до конца́ уразуме́ете, я́коже и разуме́сте нас от ча́сти, я́ко похвале́ние вам есмы́, я́коже и вы нам, в день Го́спода на́шего Иису́са Христа́. И сим упова́нием хоте́х к вам приити́ пре́жде, да втору́ю благода́ть и́мате, и ва́ми проити́ в Македо́нию, и па́ки от Македо́нии приити́ к вам, и ва́ми проводи́тися во Иуде́ю. Сие́ же хотя́, еда́ что у́бо легкото́ю де́ях? Или́ я́же совещава́ю, по пло́ти совещава́ю, да бу́дет у мене́ е́же ей, ей, и е́же ни, ни. Ве́рен же Бог, я́ко сло́во на́ше, е́же к вам, не бысть ей и ни. И́бо Бо́жий Сын Иису́с Христо́с, и́же у вас на́ми пропове́данный, мно́ю и Силуа́ном и Тимофе́ем, не бысть ей и ни, но в Нем Само́м ей бысть. Ели́ка бо обетова́ния Бо́жия, в Том ей и в Том ами́нь, Бо́гу к сла́ве на́ми.

2 Кор 1:12–20

В пяток 10-я недели.

Зачало 170

Бра́тие, известву́яй нас с ва́ми во Христа́ и пома́завый нас Бог, И́же и запечатле́вый нас, и да́вый обруче́ние Ду́ха в сердца́ на́ша. Аз же свиде́теля Бо́га призыва́ю на мою́ ду́шу, я́ко щадя́ вас, ктому́ не приидо́х в Кори́нф, не я́ко облада́ем ве́рою ва́шею, но я́ко споспе́шницы есмы́ ва́шей ра́дости: ве́рою бо стоите́. Суди́х же в себе́ сие́, не па́ки ско́рбию к вам приити́. А́ще бо аз скорбь творю́ вам, то кто есть веселя́яй мя, то́чию прие́мляй скорбь от мене́? И́бо писа́х вам сие́ и́стое, да не прише́д скорбь на скорбь прииму́, о ни́хже подоба́ше ми ра́доватися, наде́яся на вся вы, я́ко моя́ ра́дость всех вас есть. От печа́ли бо мно́гия и туги́ се́рдца написа́х вам мно́гими слеза́ми, не я́ко да оскорбите́ся, но любо́вь да позна́ете, ю́же и́мам изоби́льно к вам.

2 Кор 1:21–2:4

Неделя 14-я.

Зачало 171

Бра́тие, моя́ ра́дость всех вас есть. От печа́ли бо мно́гия и туги́ се́рдца написа́х вам мно́гими слеза́ми, не я́ко да оскорбите́ся, но любо́вь да позна́ете, ю́же и́мам изоби́льно к вам. А́ще ли кто оскорби́л мене́, не мене́ оскорби́, но от ча́сти, да не отягчу́, всех вас. Дово́льно бо таково́му запреще́ние сие́, е́же от мно́гих. Те́мже сопроти́вное па́че вам дарова́ти и уте́шити, да не ка́ко мно́гою ско́рбию поже́рт бу́дет таковы́й. Те́мже молю́ вы, утверди́те к нему́ любо́вь. На сие́ бо и писа́х, да разуме́ю иску́сство ва́ше, а́ще во всем послушли́ви есте́. Ему́же а́ще что да́руете, и аз, и́бо аз а́ще что дарова́х, ему́же дарова́х, вас ра́ди, о лице́ Иису́с Христо́ве, да не оби́дими бу́дем от сатаны́, не не разумева́ем бо умышле́ний его́. Прише́д же в Троа́ду во благове́стие Христо́во, и две́ри отве́рзене ми бы́вшей о Го́споде, не име́х поко́я ду́ху моему́, не обре́тшу ми Ти́та бра́та моего́, но отре́кся им, изыдо́х в Македо́нию. Бо́гу же благодаре́ние, всегда́ победи́тели нас творя́щему о Христе́ Иису́се и воню́ ра́зума Его́ явля́ющу на́ми во вся́ком ме́сте. Я́ко Христо́во благоуха́ние есмы́ Бо́гови.

2 Кор 2:3–15

В понедельник 11-я недели.

Зачало 172

Бра́тие, Бо́гу благодаре́ние, всегда́ победи́тели нас творя́щему о Христе́ Иису́се и воню́ ра́зума Его́ явля́ющу на́ми во вся́ком ме́сте. Я́ко Христо́во благоуха́ние есмы́ Бо́гови в спаса́емых и в погиба́ющих. О́вем у́бо воня́ сме́ртная в смерть, о́вем же воня́ живо́тная в живо́т. И к сим кто дово́лен? Не́смы бо, я́коже мно́зи, нечи́сто пропове́дающии сло́во Бо́жие, но я́ко от чистоты́, но я́ко от Бо́га, пред Бо́гом, во Христе́ глаго́лем. Зачина́ем ли па́ки нас саме́х извещава́ти вам? Или́ тре́буем, я́коже не́цыи, извещава́тельных посла́ний к вам, или́ от вас извести́тельных? Посла́ние бо на́ше вы есте́, напи́саное в сердца́х на́ших, зна́емое и прочита́емое от всех челове́к. Явля́еми, я́ко есте́ посла́ние Христо́во слу́женое на́ми, напи́сано не черни́лом, но Ду́хом Бо́га жи́ва, не на скрижа́лех ка́менных, но на скрижа́лех се́рдца пло́тяных.

2 Кор 2:14–3:3

Во вторник 11-я недели.

Зачало 173

Бра́тие, наде́яние таково́ и́мамы Христо́м к Бо́гу, не я́ко дово́льни есмы́ от себе́ помы́слити что, я́ко от себе́, но дово́льство на́ше от Бо́га. И́же и удово́ли нас служи́тели бы́ти Но́ву Заве́ту, не пи́смени, но ду́ху: писмя́ бо убива́ет, а дух животвори́т. А́ще ли служе́ние сме́рти писмены́, образова́но в ка́менех, бысть в сла́ву, я́ко не мощи́ взира́ти сыно́м Изра́илевым на лице́ Моисе́ово, сла́вы ра́ди ли́ца его́ престаю́щия. Ка́ко не мно́жае па́че служе́ние ду́ха бу́дет в сла́ве? А́ще бо служе́ние осужде́ния, сла́ва, мно́го па́че избы́точествует служе́ние пра́вды в сла́ве. И́бо не просла́вися просла́вленное в ча́сти сей, за превосходя́щую сла́ву. А́ще бо престаю́щее, сла́вою, мно́го па́че пребыва́ющее, в сла́ве.

2 Кор 3:4–11

В среду 11-я недели.

Сие же и святому Убрусу.

Зачало 174

Бра́тие, иму́ще таково́ упова́ние, мно́гим дерзнове́нием де́йствуем, и не я́коже Моисе́й полага́ше покрыва́ло на лице́ свое́м, за е́же не мощи́ взира́ти сыно́м Изра́илевым на коне́ц престаю́щаго. Но ослепи́шася помышле́ния их: да́же бо до сего́ дне то́жде покрыва́ло во чте́нии Ве́тхаго Заве́та пребыва́ет не открове́но, зане́ о Христе́ престае́т. Но да́же до днесь, внегда́ чте́тся Моисе́й, покрыва́ло на се́рдце их лежи́т, внегда́ же обратя́тся ко Го́споду, взима́ется покрыва́ло. Госпо́дь же Дух есть, а иде́же Дух Госпо́день, ту свобо́да. Мы же вси открове́нным лице́м сла́ву Госпо́дню взира́юще, в то́йже о́браз преобразу́емся от сла́вы в сла́ву, я́коже от Госпо́дня Ду́ха.

2 Кор 3:12–18

В субботу 21-ю.

Зачало 175

Бра́тие, иму́ще служе́ние сие́, я́коже поми́ловани бы́хом, не стужа́ем си. Но отреко́хомся та́йных сра́ма, не в лука́вствии ходя́ще, ни льстя́ще словесе́ Бо́жия, но явле́нием и́стины представля́юще себе́ ко вся́кой со́вести челове́честей, пред Бо́гом. А́ще ли же есть покрове́но благовествова́ние на́ше, в ги́бнущих есть покрове́но, в ни́хже бог ве́ка сего́ ослепи́ ра́зумы неве́рных, во е́же не возсия́ти им све́ту благовествова́ния сла́вы Христо́вы, И́же есть о́браз Бо́га неви́димаго. Не себе́ бо пропове́даем, но Христа́ Иису́са Го́спода, себе́ же саме́х рабы́ вам Иису́са Го́спода ра́ди. Я́ко Бог реки́й из тмы све́ту возсия́ти, и́же возсия́ в сердца́х на́ших, к просвеще́нию ра́зума сла́вы Бо́жия о лице́ Иису́с Христо́ве.

2 Кор 4:1–6

В четверток 11-я недели.

Зачало 176

Бра́тие, Бог реки́й из тмы све́ту возсия́ти, и́же возсия́ в сердца́х на́ших, к просвеще́нию ра́зума сла́вы Бо́жия о лице́ Иису́с Христо́ве. И́мамы же сокро́вище сие́ в скуде́льных сосу́дех, да премно́жество си́лы бу́дет Бо́жия, а не от нас. Во всем скорбя́ще, но не стужа́юще си, неча́еми, но не отчаява́еми, гони́ми, но не оставля́еми, низлага́еми, но не погиба́юще. Всегда́ ме́ртвость Го́спода Иису́са в те́ле нося́ще, да и живо́т Иису́сов в те́ле на́шем яви́тся. При́сно бо мы живи́и в смерть предае́мся Иису́са ра́ди, да и живо́т Иису́сов яви́тся в ме́ртвенней пло́ти на́шей. Те́мже смерть у́бо в нас де́йствует, а живо́т в вас. Иму́ще же то́йже дух ве́ры, по пи́санному: ве́ровах, те́мже возглаго́лах, и мы ве́руем, те́мже и глаго́лем, ве́дяще, я́ко Воздви́гий Го́спода Иису́са, и нас со Иису́сом воздви́гнет, и предпоста́вит с ва́ми. Вся бо вас ра́ди, да благода́ть умно́жившаяся, мно́жайшими благодаре́нии избы́точествит в сла́ву Бо́жию.

2 Кор 4:6–15

Неделя 15-я.

Сие же и преподобным.

Зачало 177

Бра́тие, иму́ще то́йже дух ве́ры, по пи́санному: ве́ровах, те́мже возглаго́лах, и мы ве́руем, те́мже и глаго́лем, ве́дяще, я́ко Воздви́гий Го́спода Иису́са, и нас со Иису́сом воздви́гнет, и предпоста́вит с ва́ми. Вся бо вас ра́ди, да благода́ть умно́жившаяся, мно́жайшими благодаре́нии избы́точествит в сла́ву Бо́жию. Те́мже не стужа́ем си, но а́ще и вне́шний наш челове́к тле́ет, но вну́тренний обновля́ется по вся дни. Е́же бо ны́не ле́гкое печа́ли на́шея, по преумноже́нию в преспе́яние тяготу́ ве́чныя сла́вы соде́ловает нам. Не смотря́ющым нам ви́димых, но неви́димых: ви́димая бо вре́менна, неви́димая же ве́чна.

2 Кор 4:13–18

В пяток 11-я недели.

Зачало 178

Бра́тие, ве́мы я́ко а́ще земна́я на́ша хра́мина те́ла разори́тся, созда́ние от Бо́га и́мамы, хра́мину нерукотворе́ну, ве́чну на небесе́х. И́бо о сем воздыха́ем, в жили́ще на́ше небе́сное облещи́ся жела́юще, а́ще и обле́кшеся, не на́зи обря́щемся. И́бо су́щии в те́ле сем воздыха́ем отягча́еми, поне́же не хо́щем совлещи́ся, но пооблещи́ся, да поже́рто бу́дет ме́ртвенное живото́м. Сотвори́вый же нас в сие́ и́стое Бог, И́же и даде́ нам обруче́ние Ду́ха. Дерза́юще у́бо всегда́ и ве́дяще, я́ко живу́ще в те́ле отхо́дим от Го́спода: ве́рою бо хо́дим, а не виде́нием. Дерза́ем же и благоволи́м па́че отити́ от те́ла и вни́ти ко Го́споду. Те́мже и тщи́мся, а́ще входя́ще, а́ще отходя́ще, благоуго́дни Ему́ бы́ти. Всем бо яви́тися нам подоба́ет пред суди́щем Христо́вым.

2 Кор 5:1–10

В субботу 22-ю.

Сие же и в среду усопшим.

Зачало 179

Бра́тие, всем нам яви́тися подоба́ет пред суди́щем Христо́вым, да прии́мет ко́ждо, я́же с те́лом соде́ла, или́ бла́га, или́ зла. Ве́дуще у́бо страх Госпо́день, челове́ки увещава́ем, Бо́гови же явле́ни бы́хом, упова́ем же, я́ко и в со́вестех ва́ших явле́ни есмы́. Не па́ки бо себе́ хва́лим пред ва́ми, но вину́ дае́м вам похвале́нию по нас, да и́мате к хва́лящымся в лице́, а не в се́рдцы. А́ще бо изуми́хомся, Бо́гови, а́ще ли целому́дрствуем, вам. И́бо любы́ Бо́жия содержи́т нас, су́ждших сие́: я́ко а́ще Еди́н за всех у́мре, то у́бо вси умро́ша. Христо́с же за вся у́мре, да живу́щии не ктому́ себе́ живу́т, но уме́ршему за них и воскре́сшему.

2 Кор 5:10–15

В понедельник 12-я недели.

Зачало 180

Бра́тие, Христо́с за вся у́мре, да живу́щии не ктому́ себе́ живу́т, но уме́ршему за них и воскре́сшему. Те́мже и мы отны́не ни еди́наго ве́мы по пло́ти, а́ще же и разуме́хом по пло́ти Христа́, но ны́не ктому́ не разуме́ем. Те́мже а́ще ка́я о Христе́, нова́ тварь: дре́вняя мимоидо́ша, се бы́ша вся нова́. Вся́ческая же от Бо́га, примири́вшаго нас Себе́ Иису́с Христо́м и да́вшаго нам служе́ние примире́ния. Зане́ Бог бе во Христе́ мир примиря́я Себе́, не вменя́я им согреше́ний их и положи́в в нас сло́во примире́ния. По Христе́ у́бо мо́лим, я́ко Бо́гу моля́щу на́ми, мо́лимся у́бо по Христе́, примири́теся с Бо́гом. Не ве́девшаго бо греха́ по нас грех сотвори́, да мы бу́дем пра́вда Бо́жия о Нем.

2 Кор 5:15–21

Во вторник 12-я недели.

Зачало 181

Бра́тие, поспе́шствующе мо́лим, не вотще́ благода́ть Бо́жию прия́ти вам. Глаго́лет бо: во вре́мя прия́тно послу́шах тебе́, и в день спасе́ния помого́х ти. Се ны́не вре́мя благоприя́тно, се ны́не день спасе́ния. Ни еди́но ни в че́мже даю́ще претыка́ние, да служе́ние безпоро́чно бу́дет, но во всем представля́юще себе́ я́коже Бо́жия слуги́, в терпе́нии мно́зе, в ско́рбех, в беда́х, в теснота́х, в ра́нах, в темни́цах, в нестрое́ниих, в труде́х, во бде́ниих, в поще́ниих, во очище́нии, в ра́зуме, в долготерпе́нии, в бла́гости, в Ду́се Свя́те, в любви́ нелицеме́рне, в словеси́ и́стины, в си́ле Бо́жией, ору́жии пра́вды десны́ми и шу́ими, сла́вою и безче́стием, гажде́нием и благохвале́нием, я́ко лестцы́, и и́стинни, я́ко незна́еми, и познава́еми, я́ко умира́юще, и се жи́ви есмы́, я́ко наказу́еми, а не умерщвля́еми, я́ко скорбя́ще, при́сно же ра́дующеся, я́ко ни́щи, а мно́гих богатя́ще, я́ко ничто́же иму́ще, а вся содержа́ще.

2 Кор 6:1–10

Неделя 16.

Сие же и мученицам.

Зачало 182 (В среду 12-я недели)

Бра́тие, уста́ на́ша отверзо́шася к вам, Кори́нфяне, се́рдце на́ше распространи́ся. Не те́сно вмеща́етеся в нас, утесня́етеся же во утро́бах ва́ших. То́жде возме́здие, я́коже ча́дом глаго́лю, распространи́теся и вы. Не быва́йте удо́бь прело́жни ко ино́му ярму́, я́коже неве́рнии. Ко́е бо прича́стие пра́вде к беззако́нию? Или́ ко́е обще́ние све́ту ко тьме? Ко́е же согла́сие Христо́ви с велиа́ром? Или́ ка́я часть ве́рну с неве́рным? Или́ ко́е сложе́ние це́ркви Бо́жией со и́долы? Вы бо есте́ це́ркви Бо́га жи́ва, я́коже рече́ Бог.

2 Кор 6:11–16

Зачало 182 (Неделя 17-я)

Бра́тие, вы есте́ Це́ркви Бо́га Жи́ва, я́коже рече́ Бог, я́ко вселю́ся в них и похожду́, и бу́ду им Бог, и ти́и бу́дут Мне лю́дие. Те́мже изыди́те от среды́ их, и отлучи́теся, глаго́лет Госпо́дь, и нечистоте́ не прикаса́йтеся, и Аз прииму́ вы. И бу́ду вам во Отца́, и вы бу́дете Мне в сы́ны и дще́ри, глаго́лет Госпо́дь Вседержи́тель. Сицева́ у́бо иму́ще обетова́ния, о возлю́бленнии, очи́стим себе́ от вся́кия скве́рны пло́ти и ду́ха, творя́ще святы́ню в стра́се Бо́жии.

2 Кор 6:16–7:1

Зачало 183

Бра́тие, очи́стим себе́ от вся́кия скве́рны пло́ти и ду́ха, творя́ще святы́ню в стра́се Бо́жии. Вмести́те ны: ни еди́наго оби́дехом, ни еди́наго истли́хом, ни еди́наго лихои́мствовахом. Не на осужде́ние глаго́лю, пре́жде бо рех, я́ко в сердца́х на́ших есте́, во е́же умре́ти с ва́ми и сожи́ти. Мно́го ми дерзнове́ние к вам, мно́га ми похвала́ по вас, испо́лнихся уте́хи, преизбы́точествую ра́достию о вся́кой печа́ли на́шей. И́бо прише́дшым нам в Македо́нию, ни еди́наго име́ поко́я плоть на́ша, но во всем скорбя́ще: внеу́ду бра́ни, внутрью́ду боя́зни. Но утеша́яй смире́нныя, уте́ши нас Бог прише́ствием Ти́товым, не то́кмо же прише́ствием его́, но и утеше́нием, и́мже уте́шися о вас, пове́дая нам ва́ше жела́ние, ва́ше рыда́ние, ва́шу ре́вность по мне, я́ко ми па́че возра́доватися. Я́ко а́ще и оскорби́х вас посла́нием, не раска́юся, а́ще и раска́ял бых ся. Ви́жду бо, я́ко посла́ние о́но, а́ще и в час, оскорби́ вас. Ны́не ра́дуюся, не я́ко ско́рбни бы́сте, но я́ко оскорби́стеся в покая́ние: оскорбе́сте бо по Бо́зе, да ни о еди́ном отщетите́ся от нас. Печа́ль бо, я́же по Бо́зе, покая́ние нераска́янно во спасе́ние соде́ловает.

2 Кор 7:1–10

Четверток 12-я недели.

Зачало 184

Бра́тие, печа́ль я́же по Бо́зе, покая́ние нераска́янно во спасе́ние соде́ловает, а сего́ ми́ра печа́ль смерть соде́ловает. Се бо сие́ са́мое, е́же по Бо́зе оскорби́тися вам, коли́ко соде́ла в вас тща́ние? Но отве́т, но негодова́ние, но страх, но вожделе́ние, но ре́вность, но отмще́ние? Во всем предста́висте себе́ чи́сты бы́ти в ве́щи. А́ще бо и писа́х вам, не оби́девшаго ра́ди, ниже́ оби́димаго ра́ди, но за е́же яви́тися в вас тща́нию на́шему, е́же о вас пред Бо́гом. Сего́ ра́ди уте́шихомся о утеше́нии ва́шем: ли́шше же па́че возра́довахомся о ра́дости Ти́тове, я́ко поко́ися дух его́ от всех вас. Я́ко а́ще что ему́ о вас похвали́хся, не посрами́хся, но я́ко вся вои́стинну глаго́лахом вам, та́ко и похвале́ние на́ше, е́же к Ти́ту, и́стинно бысть. И утро́ба его́ и́злиха к вам есть, воспомина́ющаго всех вас послуша́ние, я́ко со стра́хом и тре́петом прия́сте его́. Ра́дуюся у́бо, я́ко во всем дерза́ю в вас.

2 Кор 7:10–16

Пяток 12-я недели.

Зачало 185

Бра́тие, сказу́ю вам благода́ть Бо́жию, да́нную в це́рквах Македо́нских, я́ко во мно́зем искуше́нии скорбе́й избы́ток ра́дости их, и я́же во глубине́ нищета́ их избы́точествова в бога́тство простоты́ их. Я́ко по си́ле их, свиде́тельствую, и па́че си́лы доброхо́тни, со мно́гим моле́нием моля́ще нас, благода́ть и обще́ние служе́ния, е́же во святы́х, прия́ти нам. И не я́коже наде́яхомся, но себе́ вда́ша пе́рвее Го́сподеви, и нам во́лею Бо́жиею.

2 Кор 8:1–5

Суббота 23-я.

Зачало 186

Бра́тие, я́ко во всем избы́точествуете, ве́рою и сло́вом, и ра́зумом, и вся́цем тща́нием, и любо́вию, я́же от вас к нам, да и в сей благода́ти избы́точествуете. Не по повеле́нию глаго́лю, но за ины́х тща́ние и ва́шея любве́ и́стинное искуша́я. Ве́сте бо благода́ть Го́спода на́шего Иису́са Христа́, я́ко вас ра́ди обнища́ бога́т сый, да вы нището́ю Его́ обогатите́ся. И сове́т даю́ о сем: се бо вам есть на по́льзу, и́же не то́чию, е́же твори́ти, но и е́же хоте́ти, пре́жде нача́сте от преше́дшаго ле́та. Ны́не же и е́же твори́ти сконча́йте, да я́коже бысть усе́рдие хоте́ти, та́ко да бу́дет и испо́лнити от е́же име́ти. А́ще бо усе́рдие предлежи́т, по ели́ку а́ще кто и́мать, благоприя́тен есть, а не по ели́ку не и́мать. Не бо да ины́м у́бо отра́да, вам же скорбь, но от изравне́ния. В ны́нешнее вре́мя ва́ше избы́точествие во о́нех лише́ние, да и о́нех избы́ток бу́дет в ва́ше лише́ние, я́ко да бу́дет ра́венство, я́коже есть пи́сано: и́же мно́гое не преумно́жил есть, и и́же ма́лое не ума́лил.

2 Кор 8:7–15

Понедельник 13-я недели.

Зачало 187

Бра́тие, благодаре́ние Бо́гови, да́вшему то́жде тща́ние о вас в се́рдце Ти́тово, я́ко моле́ние у́бо прия́т, тщали́вейший же сый, свое́ю во́лею изы́де к вам. Посла́хом же с ним и бра́та, его́же похвала́ во Ева́нгелии по всем це́рквам. Не то́чию же, но и освя́щся от церкве́й с на́ми ходи́ти, со благода́тию се́ю, служи́мою на́ми к Самого́ Го́спода сла́ве и усе́рдию ва́шему, блюду́щеся того́, да не кто нас порече́т во оби́лии сем служи́мем на́ми, промышля́юще до́брая не то́кмо пред Бо́гом, но и пред челове́ки. Посла́хом же с ни́ми и бра́та на́шего, его́же искуси́хом во мно́гих мно́гащи встанли́ва су́ща, ны́не же зело́ встанли́вейша, наде́янием мно́гим е́же в вас. А́ще ли же о Ти́те, о́бщник мне и в вас поспе́шник, а́ще ли бра́тия на́ша, посла́нницы церкве́й, сла́ва Христо́ва. Показа́ние у́бо любве́ ва́шея и на́шего хвале́ния о вас, в них покажи́те, в лице́ церкве́й. О слу́жбе бо, я́же ко святы́м, ли́шше ми есть писа́ти вам, вем бо усе́рдие ва́ше, и́мже о вас хвалю́ся Македо́няном, я́ко Аха́иа пригото́вися от мимоше́дшаго ле́та, и я́же от вас ре́вность раздражи́ мно́жайших. Посла́х же бра́тию, да не похвале́ние на́ше, е́же о вас, испра́зднится в ча́сти сей, но да я́коже глаго́лах, пригото́вани бу́дете. Да не ка́ко, а́ще прии́дут со мно́ю Македо́няне и обря́щут вы не пригото́ванных, постыди́мся мы, да не глаго́лем вы, в ча́сти сей похвале́ния. Потре́бно у́бо умы́слих умоли́ти бра́тию, да пре́жде прии́дут к вам и предугото́вят пре́жде возвеще́нное благослове́ние ва́ше, сие́ гото́во бы́ти та́ко, я́коже благослове́ние, а не я́ко лихои́мство.

2 Кор 8:16–9:5

Вторник 13-я недели.

Зачало 188

Бра́тие, се́яй ску́достию, ску́достию и по́жнет, а се́яй о благослове́нии, о благослове́нии и по́жнет. Ко́ждо я́коже изволе́ние и́мать се́рдцем, не от ско́рби, ни от ну́жды: доброхо́тна бо да́теля лю́бит Бог. Си́лен же Бог вся́ку благода́ть изоби́ловати в вас, да о всем всегда́ вся́ко дово́льство иму́ще, избы́точествуете во вся́ко де́ло бла́го, я́коже есть пи́сано: расточи́, даде́ убо́гим, пра́вда его́ пребыва́ет во ве́ки. Дая́й же се́мя се́ющему и хлеб в снедь, да пода́ст и умно́жит се́мя ва́ше, и да возрасти́т жи́та пра́вды ва́шея, да о всем богатя́щеся во вся́ку простоту́, я́же содева́ет на́ми благодаре́ние Бо́гу.

2 Кор 9:6–11

Неделя 18-я.

Зачало 189

Бра́тие, рабо́та сего́ служе́ния не то́кмо есть исполня́ющая лише́ния святы́х, но и избы́точествующая мно́гими благодаре́ньми Бо́гови. Искуше́нием служе́ния сего́ сла́вяще Бо́га о покоре́нии испове́дания ва́шего в Благовествова́нии Христо́во, и о простоте́ сообще́ния к ним и ко всем, и тех моли́твою по вас, возжеле́ющим вас за премно́гую благода́ть Бо́жию на вас. Благодаре́ние же Бо́гови о неисповеди́мем Его́ да́ре. Сам же аз Па́вел молю́ вы кро́тостию и ти́хостию Христо́вою, и́же в лице́ у́бо смире́н в вас, не сый же у вас дерза́ю в вас. Молю́ же е́же не сый ту дерза́ти наде́янием, и́мже помышля́ю сме́ти на не́кия непщу́ющыя нас я́ко по пло́ти ходя́щих. Во пло́ти бо ходя́ще, не по пло́ти во́инствуем: ору́жия бо во́инства на́шего не плотска́я, но си́льна Бо́гови на разоре́ние тве́рдем, помышле́ния низлага́юще, и вся́ко возноше́ние взима́ющееся на ра́зум Бо́жий, и пленя́юще всяк ра́зум в послуша́ние Христо́во, и гото́во иму́ще отмсти́ти вся́ко преслуша́ние, егда́ испо́лнится ва́ше послуша́ние. И́же ли пред лице́м, зри́те? А́ще кто наде́ется себе́ Христо́ва бы́ти, да помышля́ет па́ки от себе́, зане́, я́коже он Христо́в, та́кожде и мы Христо́вы.

2 Кор 9:12–10:7

Среда 13-я недели.

Зачало 190

Бра́тие, а́ще кто наде́ется себе́ Христо́ва бы́ти, да помышля́ет па́ки от себе́, зане́ я́коже он Христо́в, та́кожде и мы Христо́вы. А́ще бо и ли́шше что похвалю́ся о вла́сти на́шей, ю́же даде́ нам Госпо́дь в созда́ние, а не на разоре́ние ва́ше, не постыжу́ся. Но да не явлю́ся, я́ко страшя́ вас посла́ньми. Я́ко посла́ния у́бо, рече́, тя́жка и кре́пка, а прише́ствие те́ла не́мощно, и сло́во уничиже́нно. Сие́ да помышля́ет таковы́й, я́ко я́цы же есмы́ сло́вом посла́ний, отстоя́ще, такови́и и ту су́ще есмы́ де́лом. Не сме́ем босуди́ти, или́ прикла́довати себе́ ины́м хва́лящым себе́ саме́х, но са́ми в себе́ себе́ измеря́юще, и прилага́юще себе́, себе́ не разумева́ют. Мы же не в безме́рная похва́лимся, но по ме́ре пра́вила, его́же раздели́ нам Бог ме́ру, достиза́ти да́же и до вас. Не я́ко бо не дося́жуще до вас, па́че простира́ем себе́, да́же бо и до вас достиго́хом благове́стием Христо́вым. Не в безме́рная хва́лящеся, ниже́ в чужди́х труде́х, упова́ние же иму́ще, расту́щей ве́ре ва́шей, в вас велича́тися по пра́вилу на́шему изоби́льно, во е́же и в да́льших вас страна́х благовести́ти, не чужи́м пра́вилом в гото́вая похвали́тися. Хваля́йся же, о Го́споде да хва́лится. Не хваля́й бо себе́ сей иску́сен, но его́же Бог восхваля́ет.

2 Кор 10:7–18

Четверток 13-я недели.

Зачало 191

Бра́тие, о да бы́сте ма́ло потерпе́ли безу́мию моему́! Но и потерпи́те мя. Ревну́ю бо о вас Бо́жиею ре́вностию: обручи́х бо вас еди́ному му́жу, де́ву чи́сту предста́вити Христо́ви. Бою́ся же, да не ка́ко, я́коже змия́ Е́ву прельсти́ лука́вством свои́м, та́ко истле́ют и ра́зумы ва́ша от простоты́, я́же о Христе́. А́ще бо гряды́й и́наго Иису́са пропове́дает, его́же не пропове́дахом, или́ Ду́ха ина́го прие́млете, его́же не прия́сте, или́ благовествова́ние и́но, е́же не прия́сте, до́бре бы́сте потерпе́ли. Непщу́ю бо ничи́мже лиши́тися пре́дних Апо́стол. А́ще бо и неве́жда сло́вом, но не ра́зумом, но везде́ я́вльшеся о всем в вас.

2 Кор 11:1–6

Суббота 24-я.

Зачало 192

Бра́тие, непщу́ю ничи́мже лиши́тися пре́дних Апо́стол. А́ще бо и неве́жда сло́вом, но не ра́зумом, но везде́ я́вльшеся о всем в вас. Или́ грех сотвори́х себе́ смиря́я, да вы вознесе́теся, я́ко ту́не Бо́жие Благовествова́ние благовести́х вам? От ины́х церкве́й уи́м, прии́м обро́к к ва́шему служе́нию, и прише́д к вам, и в ску́дости быв, не стужи́х ни еди́ному. Ску́дость бо мою́ испо́лниша бра́тия, прише́дше от Македо́нии, и во всем без стуже́ния вам себе́ соблюдо́х и соблюду́. Есть и́стина Христо́ва во мне, я́ко похвале́ние сие́ не загради́тся о мне в страна́х Аха́йстех. Почто́? Зане́ не люблю́ ли вас? Бог весть. А е́же творю́, и сотворю́, да отсеку́ вину́ хотя́щым вины́, да о не́мже хва́лятся, обря́щутся я́коже и мы. Такови́и бо лжи́ви апо́столи, де́лателе льсти́вии, преобразу́ющеся во Апо́столы Христо́вы. И не ди́вно: сам бо сатана́ преобразу́ется во А́нгела све́тла. Не ве́лие у́бо, а́ще и служи́телие его́ преобразу́ются я́ко служи́тели пра́вды, и́мже кончи́на бу́дет по дело́м их. Па́ки глаго́лю, да никто́же мнит мя безу́мна бы́ти, а́ще ли ни, поне́ я́ко безу́мна приими́те мя, да и аз ма́ло что похвалю́ся. А е́же глаго́лю, не глаго́лю по Го́споде, но я́ко в безу́мии в сей ча́сти похвалы́. Поне́же мно́зи хва́лятся по пло́ти, и аз похвалю́ся. Любе́зно бо прие́млете безу́мныя, му́дри су́ще. Прие́млете бо, а́ще кто вас порабоща́ет, а́ще кто пояда́ет, а́ще кто не вле́поту прото́рит, а́ще кто по лицу́ бие́т вы, а́ще кто велича́ется. По досажде́нию глаго́лю, зане́ а́ки мы изнемого́хом.

2 Кор 11:5–21

Пяток 13-я недели.

Зачало 193

Бра́тие, о не́мже а́ще дерза́ет кто, несмы́сленно глаго́лю, дерза́ю и аз. Евре́и ли суть? И аз. Изра́ильте ли суть? И аз. Се́мя Авраа́мле ли суть? И аз. Служи́телие ли Христо́вы суть? Не в му́дрости глаго́лю, па́че аз. В труде́х мно́жае, в ра́нах пребо́ле, в темни́цах и́злиха, в сме́ртех мно́гащи. От иуде́й пятькра́ты четы́ридесять, ра́зве еди́ныя, прия́х. Три́щи па́лицами бие́н бых, еди́ною ка́меньми наме́тан бых; трикра́ты кора́бль опрове́ржеся со мно́ю; нощь и день во глубине́ сотвори́х. В пу́тных ше́ствиих мно́жицею: беды́ в река́х, беды́ от разбо́йник, беды́ от сро́дник, беды́ от язы́к, беды́ во граде́х, беды́ в пусты́ни, беды́ в мо́ри, беды́ во лжебра́тии. В труде́ и по́двизе, во бде́ниих мно́жицею, во а́лчбе и жа́жди, в поще́ниих мно́гащи, в зиме́ и наготе́. Кроме́ вне́шних, нападе́ние е́же по вся дни, и попече́ние всех церкве́й. Кто изнемога́ет, и не изнемога́ю; кто соблазня́ется, и аз не разжиза́юся? А́ще хвали́тися ми подоба́ет, я́же о не́мощи мое́й похвалю́ся. Бог и Оте́ц Го́спода на́шего Иису́са Христа́ весть, Сый благослове́н во ве́ки, я́ко не лгу. В Дама́сце язы́ческий князь Аре́фы царя́ стрежа́ше Дама́ск град, я́ти мя хотя́, и око́нцем в ко́шнице све́шен бых по стене́, и избего́х из руку́ его́. Похвали́тися же не по́льзует ми: прииду́ бо в виде́ния и открове́ния Госпо́дня. Вем челове́ка о Христе́, пре́жде лет четырина́десяти, а́ще в те́ле, не вем, а́ще ли кроме́ те́ла, не вем, Бог весть, восхище́на бы́вша такова́го до тре́тияго Небесе́. И вем такова́ челове́ка, а́ще в те́ле, или́ кроме́ те́ла, не вем, Бог весть, я́ко восхище́н бысть в рай, и слы́ша неизрече́нны глаго́лы, и́хже не леть есть челове́ку глаго́лати. О такове́м похвалю́ся, о себе́ же не похвалю́ся, то́кмо о не́мощех мои́х. А́ще бо восхощу́ похвали́тися, не бу́ду безу́мен, и́стину бо реку́, щажду́ же, да не ка́ко кто вознепщу́ет о мне па́че, е́же ви́дит мя, или́ слы́шит что от мене́. И за премно́гая открове́ния да не превозношу́ся, даде́ся ми па́костник пло́ти, а́ггел сатани́н, да ми па́кости де́ет, да не превозношу́ся. О сем трикра́ты Го́спода моли́х, да и отсту́пит от мене́. И рече́ ми: довле́ет ти благода́ть Моя́, си́ла бо Моя́ в не́мощи соверша́ется. Сла́дце у́бо похвалю́ся па́че в не́мощех мои́х, да всели́тся в мя си́ла Христо́ва.

2 Кор 11:21–12:9

Иуниа 29, святым Апостолом.

Зачало 194

Бра́тие, Бог и Оте́ц Го́спода на́шего Иису́са Христа́ весть, сый благослове́н во ве́ки, я́ко не лгу. В Дама́сце язы́ческий князь Аре́фы царя́ стрежа́ше Дама́ск град, я́ти мя хотя́, и око́нцем в ко́шнице све́шен бых по стене́, и избего́х из руку́ его́. Похвали́тися же не по́льзует ми: прииду́ бо в виде́ния и открове́ния Госпо́дня. Вем челове́ка о Христе́, пре́жде лет четырина́десяти, а́ще в те́ле, не вем, а́ще ли кроме́ те́ла, не вем, Бог весть, восхище́на бы́вша такова́го до тре́тияго небесе́. И вем такова́ челове́ка, а́ще в те́ле, или́ кроме́ те́ла, не вем, Бог весть, я́ко восхище́н бысть в рай, и слы́ша неизрече́нны глаго́лы, и́хже не леть есть челове́ку глаго́лати. О такове́м похвалю́ся, о себе́ же не похвалю́ся, то́кмо о не́мощех мои́х. А́ще бо восхощу́ похвали́тися, не бу́ду безу́мен, и́стину бо реку́: щажду́ же, да не ка́ко кто вознепщу́ет о мне па́че, е́же ви́дит мя, или́ слы́шит что от мене́. И за премно́гая открове́ния да не превозношу́ся, даде́ся ми па́костник пло́ти, а́ггел сатани́н, да ми па́кости де́ет, да не превозношу́ся. О сем трикра́ты Го́спода моли́х, да и отсту́пит от мене́, и рече́ ми: довле́ет ти благода́ть Моя́, си́ла бо Моя́ в не́мощи соверша́ется. Сла́дце у́бо похвалю́ся па́че в не́мощех мои́х, да всели́тся в мя си́ла Христо́ва.

2 Кор 11:31–12:9

Неделя 19-я.

Зачало 195

Бра́тие, благоволю́ в не́мощех, в досажде́ниих, в беда́х, во изгна́ниих, в теснота́х по Христе́: егда́ бо немощству́ю, тогда́ си́лен есмь. Бых несмы́слен хваля́ся, вы мя пону́дисте. Аз бо до́лжен бех от вас хвали́мь быва́ти, ничи́мже бо лиши́хся пе́рвейших Апо́стол, а́ще и ничто́же есмь. Зна́мения бо Апо́столова соде́яшася в вас во вся́ком терпе́нии, в зна́мениих и чудесе́х и си́лах. Что бо есть, его́же лиши́стеся па́че про́чих це́рквей, а́ще то́чию я́ко аз сам не стужи́х вам? Дади́те ми непра́вду сию́. Се тре́тие гото́в есмь приити́ к вам, и не стужу́ вам: не ищу́ бо ва́ших, но вас. Не до́лжна бо суть ча́да роди́телем сниска́ти име́ния, но роди́тели ча́дом. Аз же в сла́дость иждиву́ и иждиве́н бу́ду по душа́х ва́ших, а́ще и изли́шше вас любя́, ме́ньши люби́мь есмь. Бу́ди же, аз не отягчи́х вас, но кова́рен сый, ле́стию вас прия́х. Еда́ ко́им от по́сланных к вам лихои́мствовах вас? Умоли́х Ти́та, и с ним посла́х бра́та, еда́ лихои́мствова чим вас Тит? Не те́мже ли ду́хом ходи́хом? Не те́ми же ли стопа́ми? Па́ки ли мните́, я́ко отве́т вам твори́м? Пред Бо́гом, о Христе́ глаго́лем: вся же, возлю́бленнии, о ва́шем созда́нии и утвержде́нии.

2 Кор 12:10–19

Понедельник 14-я недели.

Зачало 196

Бра́тие, бою́ся, еда́ ка́ко прише́д, не я́цех же хощу́, обря́щу вас, и аз обря́щуся вам, якова́ же не хо́щете: да не ка́ко бу́дут рве́ния, за́висти, я́рости, ре́ти, клеветы́, шепта́ния, киче́ния, нестрое́ния. Да не па́ки прише́дша мя смири́т Бог мой у вас, и воспла́чуся мно́гих пре́жде согре́шших и не пока́явшихся о нечистоте́ и блуже́нии и студоло́жствии, я́же соде́яша. Трети́цею се гряду́ к вам: при усте́х двою́ или́ трие́х свиде́телей ста́нет всяк глаго́л. Пре́жде рех и предглаго́лю, я́ко у вас быв второ́е, и не сый ны́не пишу́ пре́жде согре́шшым и про́чым всем, я́ко а́ще прииду́ па́ки, не пощажу́.

2 Кор 12:20–13:2

Во вторник 14-я недели.

Зачало 197

Бра́тие, поне́же искуше́ния и́щете глаго́лющаго во мне Христа́, И́же в вас не изнемога́ет, но мо́жет в вас. И́бо а́ще и ра́спят бысть от не́мощи, но жив есть от си́лы Бо́жия, и́бо и мы немощству́ем в Нем, но жи́ви бу́дем с Ним от си́лы Бо́жия в вас. Себе́ искуша́йте, а́ще есте́ в ве́ре: себе́ искуша́йте. Или́ не зна́ете себе́, я́ко Иису́с Христо́с в вас есть? А́ще то́чию чим неиску́сни есте́. Упова́ю же, я́ко разуме́ти и́мате, я́ко мы не́смы неиску́сни. Мо́лимся же к Бо́гу, не сотвори́ти вам ни еди́наго зла, не я́ко да мы иску́сни яви́мся, но да вы до́брое сотворите́, мы же я́ко неиску́сни бу́дем. Ничто́же бо мо́жем на и́стину, но по и́стине. Ра́дуемся бо, егда́ мы немощству́ем, вы же си́льни быва́ете, се бо и мо́лимся, о ва́шем соверше́нии. Сего́ ра́ди не сый у вас сия́ пишу́, да не прише́д безща́дно сотворю́ по вла́сти, ю́же Госпо́дь дал ми есть в созда́ние, а не на разоре́ние. Про́чее же, бра́тие, ра́дуйтеся, соверша́йтеся, утеша́йтеся, то́жде му́дрствуйте, мир име́йте. И Бог любве́ и ми́ра бу́дет с ва́ми. Целу́йте друг дру́га лобза́нием святы́м. Целу́ют вы святи́и вси. Благода́ть Го́спода на́шего Иису́са Христа́, и любы́ Бо́га и Отца́, и обще́ние Свята́го Ду́ха со все́ми ва́ми. Ами́нь.

2 Кор 13:3–13

В среду 14-я недели.

К ГАЛАТОМ ПОСЛАНИЕ СВЯТАГО АПОСТОЛА ПАВЛА

Зачало 198

Па́вел, Апо́стол ни от челове́к, ни челове́ком, но Иису́с Христо́м и Бо́гом Отце́м воскреси́вшим Его́ из ме́ртвых, и и́же со мно́ю вся бра́тия, це́рквам Галати́йским: благода́ть вам и мир от Бо́га Отца́ и Го́спода на́шего Иису́са Христа́, да́вшаго Себе́ по гресе́х на́ших, я́ко да изба́вит ны от настоя́щаго ве́ка лука́ваго, по во́ли Бо́га и Отца́ на́шего, Ему́же сла́ва во ве́ки веко́в, ами́нь. Чужду́ся, я́ко та́ко ско́ро прелага́етеся от зва́вшаго вы благода́тию Христо́вою, во и́но благовествова́ние: е́же несть и́но, то́чию не́цыи суть смуща́ющии вы и хотя́щии преврати́ти благовествова́ние Христо́во. Но и а́ще мы, или́ А́нгел с небесе́ благовести́т вам па́че, е́же благовести́хом вам, ана́фема да бу́дет. Я́коже предреко́хом, и ны́не па́ки глаго́лю: а́ще кто вам благовести́т па́че, е́же прия́сте, ана́фема да бу́дет. Ны́не бо челове́ки препира́ю, или́ Бо́га, или́ ищу́ челове́ком угожда́ти? А́ще бо бых еще́ челове́ком угожда́л, Христо́в раб не бых у́бо был. А я́же пишу́ вам, се пред Бо́гом, я́ко не лгу. Пото́м же приидо́х в страны́ Си́рския и Килики́йския. Бех же не зна́емь лице́м це́рквам иуде́йским, я́же о Христе́, то́чию же слы́шаще бя́ху, я́ко гоня́й нас иногда́, ны́не благовеству́ет ве́ру, ю́же иногда́ разруша́ше, и сла́вляху о мне Бо́га. Пото́м же по четырена́десяти ле́тех па́ки взыдо́х во Иерусали́м с Варна́вою, пое́м с собо́ю и Ти́та. Взыдо́х же по открове́нию, и возложи́х им благовествова́ние, е́же пропове́дую во язы́цех, наедине́ же мни́мым, да не ка́ко вотще́ теку́, или́ теко́х. Но ни Тит, и́же со мно́ю, е́ллин сый, ну́жден бысть обре́затися. И за привше́дшую лжебра́тию, и́же привнидо́ша согля́дати свобо́ды на́шея, ю́же и́мамы о Христе́ Иису́се да нас порабо́тят. И́мже ни к часу́ повину́хомся в покоре́ние, да и́стина благове́стия пребу́дет в вас.

Гал 1:1–10; 1:20–2:5

В четверток 14-я недели.

Зачало 199

Бра́тие, благода́ть вам и мир от Бо́га Отца́ и Го́спода на́шего Иису́са Христа́, да́вшаго Себе́ по гресе́х на́ших, я́ко да изба́вит ны от настоя́щаго ве́ка лука́ваго, по во́ли Бо́га и Отца́ на́шего, Ему́же сла́ва во ве́ки веко́в, ами́нь. Чужду́ся, я́ко та́ко ско́ро прелага́етеся от зва́вшаго вы благода́тию Христо́вою, во и́но благовествова́ние: е́же несть и́но, то́чию не́цыи суть смуща́ющии вы и хотя́щии преврати́ти благовествова́ние Христо́во. Но и а́ще мы, или́ А́нгел с небесе́ благовести́т вам па́че, е́же благовести́хом вам, ана́фема да бу́дет. Я́коже предреко́хом, и ны́не па́ки глаго́лю: а́ще кто вам благовести́т па́че, е́же прия́сте, ана́фема да бу́дет. Ны́не бо челове́ки препира́ю, или́ Бо́га, или́ ищу́ челове́ком угожда́л? А́ще бо бых еще́ челове́ком угожда́л, Христо́в раб не бых у́бо был.

Гал 1:3–10

В субботу 25-ю.

Зачало 200

Бра́тие, сказу́ю вам, Благовествова́ние благовеще́нное от мене́, я́ко несть по челове́ку. Ни бо аз от челове́ка прия́х е́, ниже́ научи́хся, но явле́нием Иису́с Христо́вым. Слы́шасте бо мое́ житие́ иногда́ в жидо́встве, я́ко попремно́гу гони́х Це́рковь Бо́жию и разруша́х ю́, и преспева́х в жидо́встве па́че мно́гих све́рстник мои́х в ро́де мое́м, и́злиха ревни́тель сый оте́ческих мои́х преда́ний. Егда́ же благоволи́ Бог, Избра́вый мя от чре́ва ма́тере моея́ и призва́вый благода́тию Свое́ю, яви́ти Сы́на Своего́ во мне, да благовеству́ю Его́ во язы́цех, а́бие не приложи́хся пло́ти и кро́ви, ни взыдо́х во Иерусали́м к пре́дним мене́ апо́столом, но идо́х во Арави́ю, и па́ки возврати́хся в Дама́ск. Пото́м же по трие́х ле́тех взыдо́х во Иерусали́м согля́дати Петра́, и пребы́х у него́ дний пятьна́десять. Ино́го же от апо́стол не ви́дех, то́кмо Иа́кова бра́та Госпо́дня.

Гал 1:11–19

Неделя 20.

Сие же и в неделю по Рождестве Христове.

Зачало 201

Бра́тие, от мня́щихся бы́ти что, якови́ не́когда бе́ша, ничто́же ми ра́знствует: лица́ Бог челове́ча не прие́млет. Мне бо мни́мии ничто́же привозложи́ша, но сопроти́вное, уразуме́вше, я́ко уве́рено ми бысть благове́стие необре́зания, я́коже Петру́ обре́зания. И́бо Споспе́шествовавый Петру́ в посла́ние обре́зания, поспе́шествова и мне во язы́ки. И позна́вше благода́ть да́нную ми, Иа́ков и Ки́фа и Иоа́нн, мни́мии столпи́ бы́ти, де́сная да́ша мне и Варна́ве обще́ния, да мы во язы́ки, они́ же во обре́зание, то́чию ни́щих да по́мнима, е́же и потща́хся сие́ и́стое сотвори́ти.

Гал 2:6–10

В пяток 14-я недели.

Зачало 202

Бра́тие, егда́ прии́де Петр во Антиохи́ю, в лице́ ему́ проти́вустах, я́ко зазо́рен бе. Пре́жде бо да́же не приити́ не́ким от Иа́кова, с язы́ки ядя́ше, егда́ же приидо́ша, опря́ташеся и отлуча́шеся, боя́ся су́щих от обре́зания. И лицеме́ришася с ним и про́чии иуде́и, я́ко и Варна́ве приста́ти лицеме́рству их. Но егда́ ви́дех, я́ко не пра́во хо́дят ко и́стине Благовествова́ния, реко́х Петру́ пред все́ми: а́ще ты, иуде́й сый, язы́чески, а не иуде́йски живе́ши, почто́ язы́ки ну́диши иуде́йски жи́тельствовати? Мы естество́м иуде́и, а не от язы́к гре́шницы. Уве́девше же, я́ко не оправди́тся челове́к от дел зако́на, но то́кмо ве́рою Иису́с Христо́вою, и мы во Христа́ Иису́са ве́ровахом, да оправди́мся от ве́ры Христо́вы, а не от дел зако́на, зане́ не оправди́тся от дел зако́на вся́ка плоть.

Гал 2:11–16

В понедельник 15-я недели.

Зачало 203

Бра́тие, уве́девше я́ко не оправди́тся челове́к от дел зако́на, но то́кмо ве́рою Иису́с Христо́вою, и мы во Христа́ Иису́са ве́ровахом, да оправди́мся от ве́ры Христо́вы, а не от дел зако́на, зане́ не оправди́тся от дел зако́на вся́ка плоть. А́ще ли, и́щуще оправди́тися о Христе́, обрето́хомся и са́ми гре́шницы, Христо́с у́бо греху́ ли служи́тель? Да не бу́дет. А́ще бо, я́же разори́х, сия́ па́ки созида́ю, престу́пника себе́ представля́ю. Аз бо зако́ном зако́ну умро́х, да Бо́гови жив бу́ду. Христо́ви сраспя́хся. Живу́ же не ктому́ аз, но живе́т во мне Христо́с. А е́же ны́не живу́ во пло́ти, ве́рою живу́ Сы́на Бо́жия, возлюби́вшаго мене́ и преда́вшаго Себе́ по мне.

Гал 2:16–20

Неделя 21-я.

Зачало 204

Бра́тие, не отмета́ю благода́ти Бо́жия. А́ще бо зако́ном пра́вда, у́бо Христо́с ту́не у́мре. О, несмы́сленнии Гала́те, кто вы прельсти́л есть не покори́тися и́стине, и́мже пред очи́ма Иису́с Христо́с преднапи́сан бысть, в вас ра́спят? Сие́ еди́но хощу́ уве́дети от вас, от дел ли зако́на Ду́ха прия́сте, или́ от слу́ха ве́ры? Та́ко ли несмы́сленни есте́? Наче́нше ду́хом, ны́не пло́тию скончава́ете? Толи́ка пострада́сте ту́не, а́ще же и ту́не. Подая́й у́бо вам Ду́ха и де́йствуяй си́лы в вас, от дел ли зако́на, или́ от слу́ха ве́ры? Я́коже Авраа́м ве́рова Бо́гу, и вмени́ся ему́ в пра́вду. Разуме́йте у́бо, я́ко су́щии от ве́ры, си́и суть сы́нове Авраа́мли.

Гал 2:21–3:7

Во вторник 15-я недели.

Зачало 205

Бра́тие, предуви́девше Писа́ние, я́ко от ве́ры оправда́ет язы́ки Бог, пре́жде благовествова́ Авраа́му, я́ко благословя́тся о тебе́ вси язы́цы. Те́мже су́щии от ве́ры, благословя́тся с ве́рным Авраа́мом. Ели́цы бо от дел зако́на суть, под кля́твою суть. Пи́сано бо есть: про́клят всяк, и́же не пребу́дет во всех пи́санных в кни́зе зако́нней, я́ко твори́ти я́. А я́ко в зако́не никто́же оправда́ется от Бо́га, я́ве, я́ко пра́ведный от ве́ры жив бу́дет. Зако́н же несть от ве́ры, но сотвори́вый та челове́к жив бу́дет в них.

Гал 3:8–12

В субботу 26-ю.

Сие же и в субботу пред Рождеством Христовым.

Зачала 133 и 206 (Во святую и великую Субботу на утрени)

Бра́тие, мал квас все смеше́ние ква́сит. Очи́стите у́бо ве́тхий квас, да бу́дете но́во смеше́ние, я́коже есте́ безква́сни, и́бо Па́сха на́ша за ны пожре́н бысть, Христо́с. Те́мже да пра́зднуем, не в ква́се ве́тсе ни в ква́се зло́бы и лука́вства, но в безква́сиих чистоты́ и и́стины.

Христо́с ны искупи́л есть от кля́твы зако́нныя, быв по нас кля́тва. Пи́сано бо есть: про́клят всяк ви́сяй на дре́ве. Да в язы́цех благослове́ние Авраа́мле бу́дет о Христе́ Иису́се да обетова́ние Ду́ха прии́мем ве́рою.

1 Кор 5:6–8; Гал 3:13–14

Зачало 207

Бра́тие, по челове́ку глаго́лю, оба́че челове́ку предутвержде́нна заве́та никто́же отмета́ет или́ приповелева́ет. Авраа́му же рече́ни бы́ша обе́ты, и се́мени его́. Не глаго́лет же: и се́менем, я́ко о мно́зех, но я́ко о еди́ном: и се́мени твоему́, и́же есть Христо́с. Сие́ же глаго́лю, заве́та предутвержде́нна от Бо́га во Христа́, и́же по ле́тех четы́риста и три́десятих бы́вый зако́н не отмета́ет, во е́же разори́ти обетова́ние. А́ще бо от зако́на насле́дие, не ктому́ уже́ от обетова́ния, Авраа́му же обетова́нием дарова́ Бог. Что у́бо зако́н? Преступле́ния ра́ди приложи́ся, до́ндеже прии́дет се́мя, ему́же обетова́ся, вчине́н А́нгелы, руко́ю хода́тая. Хода́тай же еди́наго несть, Бог же еди́н есть. Зако́н ли у́бо проти́ву обетова́нием Бо́жиим? Да не бу́дет. А́ще бо дан бысть зако́н моги́й оживи́ти, вои́стинну от зако́на бы была́ пра́вда. Но затвори́ Писа́ние всех под грехо́м, да обетова́ние от ве́ры Иису́с Христо́вы да́стся ве́рующым.

Гал 3:15–22

В среду 15-я недели.

Зачало 208 (Преподобным женам)

Бра́тие, пре́жде прише́ствия ве́ры, под зако́ном стрего́ми бе́хом, затворе́ни в хотя́щую ве́ру откры́тися. Те́мже зако́н пе́стун нам бысть во Христа́, да от ве́ры оправди́мся. Прише́дши же ве́ре, уже́ не под пе́стуном есмы́. Вси бо вы сы́нове Бо́жии есте́ ве́рою о Христе́ Иису́се: ели́цы бо во Христа́ крести́стеся, во Христа́ облеко́стеся. Несть иуде́й, ни е́ллин, несть раб, ни свобо́дь, несть му́жеский пол, ни же́нский, вси бо вы еди́но есте́ о Христе́ Иису́се. А́ще ли вы Христо́вы, у́бо Авраа́мле се́мя есте́, и по обетова́нию насле́дницы.

Гал 3:23–29

Зачало 208 (В четверток 15-я недели)

Бра́тие, пре́жде прише́ствия ве́ры, под зако́ном стрего́ми бе́хом, затворе́ни в хотя́щую ве́ру откры́тися. Те́мже зако́н пе́стун нам бысть во Христа́, да от ве́ры оправди́мся. Прише́дши же ве́ре, уже́ не под пе́стуном есмы́. Вси бо вы сы́нове Бо́жии есте́ ве́рою о Христе́ Иису́се: ели́цы бо во Христа́ крести́стеся, во Христа́ облеко́стеся. Несть иуде́й, ни е́ллин, несть раб, ни свобо́дь, несть му́жеский пол, ни же́нский, вси бо вы еди́но есте́ о Христе́ Иису́се. А́ще ли вы Христо́вы, у́бо Авраа́мле се́мя есте́, и по обетова́нию насле́дницы. Глаго́лю же: в нели́ко вре́мя насле́дник млад есть, ничи́мже лу́чший есть раба́, госпо́дь сый всех, но под повели́тели и приста́вники есть да́же до наро́ка о́тча. Та́кожде и мы, егда́ бе́хом мла́ди, под стихи́ами бе́хом ми́ра порабоще́ни. Егда́ же прии́де кончи́на ле́та, посла́ Бог Сы́на Своего́ Единоро́днаго, ражда́емаго от жены́, быва́ема под зако́ном, да подзако́нныя иску́пит, да всыновле́ние восприи́мем.

Гал 3:23–4:5

Зачало 209

Бра́тие, егда́ прии́де кончи́на ле́та, посла́ Бог Сы́на Своего́ Eдиноро́днаго, ражда́емаго от жены́, быва́ема под зако́ном, да подзако́нныя иску́пит, да всыновле́ние восприи́мем. Да я́ко eсте́ сы́нове, посла́ Бог Ду́ха Сы́на Своего́ в сердца́ ва́ша, вопию́ща: А́вва, Oтче. Те́мже уже́ не́си раб, но сын, а́ще ли же сын, и насле́дник Бо́жий Иису́с Христо́м.

Гал 4:4–7

На Рождество Христово.

Зачало 210 (В пяток 15-я недели)

Бра́тие, не ве́дуще Бо́га служи́сте не по естеству́ су́щым бого́м. Ны́не же, позна́вше Бо́га, па́че же позна́ни бы́вше от Бо́га, ка́ко возвраща́етеся па́ки на немощны́я и худы́я стихи́и, и́мже па́ки свы́ше служи́ти хо́щете? Дни смотря́ете, и ме́сяцы, и времена́, и ле́та. Бою́ся о вас, еда́ ка́ко всу́е труди́хся в вас. Бу́дите я́коже аз, зане́ и аз, я́коже вы, бра́тие, молю́ вы. Ничи́мже мене́ оби́десте. Ве́сте же, я́ко за не́мощь пло́ти благовести́х вам пе́рвее. И искуше́ния моего́, е́же во пло́ти мое́й, не уничижи́сте, ни оплева́сте, но я́коже А́нгела Бо́жия прия́сте мя, я́ко Христа́ Иису́са. Ко́е у́бо бя́ше блаже́нство ва́ше, свиде́тельствую бо вам, я́ко а́ще бы бы́ло мо́щно, очеса́ ва́ша изверте́вше да́ли бы́сте ми. Те́мже враг вам бых, и́стину вам глаго́ля? Ревну́ют по вам не до́бре, но отлучи́ти вас хотя́т, да им ревну́ете. Добро́ же, е́же ревнова́ти всегда́ в до́бром, и не то́чию внегда́ приходи́ти ми к вам. Ча́дца моя́, и́миже па́ки боле́зную, до́ндеже вообрази́тся Христо́с в вас. Хоте́х же приити́ к вам ны́не и измени́ти глас мой, я́ко не домышля́юся о вас. Глаго́лите ми, и́же под зако́ном хотя́щии бы́ти, зако́на ли не слу́шаете?

Гал 4:8–21

Зачало 210 (О болящих)

Бра́тие, не ве́дуще Бо́га служи́сте не по естеству́ су́щым бого́м. Ны́не же, позна́вше Бо́га, па́че же позна́ни бы́вше от Бо́га, ка́ко возвраща́етеся па́ки на немощны́я и худы́я стихи́и, и́мже свы́ше па́ки служи́ти хо́щете? Дни смотря́ете, и ме́сяцы, и времена́, и ле́та. Бою́ся о вас, еда́ ка́ко всу́е труди́хся в вас. Бу́дите я́коже аз, зане́ и аз, я́коже вы, бра́тие, молю́ вы. Ничи́мже мене́ оби́десте. Ве́сте же, я́ко за не́мощь пло́ти благовести́х вам пе́рвее. И искуше́ния моего́, е́же во пло́ти мое́й, не уничижи́сте, ни оплева́сте, но я́коже А́нгела Бо́жия прия́сте мя, я́ко Христа́ Иису́са.

Гал 4:8–14

Зачало 210 (Септемвриа 9, святому Иоакиму и Анне, и септемвриа 23, на зачатие Иоанна Предтечи)

Бра́тие, Авраа́м два сы́на име́: еди́наго от рабы́, а друга́го от свобо́дныя. Но и́же от рабы́, по пло́ти роди́ся, а и́же от свобо́дныя, по обетова́нию. Я́же еста́ иносказа́ема, сия́ бо еста́ два заве́та: еди́н у́бо от горы́ Сина́йския, в рабо́ту ражда́яй, и́же есть Ага́рь. Ага́рь бо, Сина́ гора́ есть во Арави́и, прилага́ется же ны́нешнему Иерусали́му, рабо́тает же с ча́ды свои́ми. А вы́шний Иерусали́м свобо́дь есть, и́же есть ма́ти всем нам. Пи́сано бо есть: возвесели́ся, непло́ды, не ражда́ющая, расто́ргни и возопи́, неболя́щая, я́ко мно́га ча́да пусты́я па́че, не́жели иму́щия му́жа. Мы же, бра́тие, по Исаа́ку обетова́ния ча́да есмы́. Но я́коже тогда́ по пло́ти роди́выйся гоня́ше духо́внаго, та́ко и ны́не. Но что глаго́лет Писа́ние? Изжени́ рабу́ и сы́на ея́, не и́мать бо насле́довати сын рабы́нин с сы́ном свобо́дныя. Те́мже, бра́тие, не́смы рабы́нина ча́да, но свобо́дныя.

Гал 4:22–31

Зачало 211

Бра́тие, мы по Исаа́ку обетова́ния ча́да есмы́. Но я́коже тогда́ по пло́ти роди́выйся гоня́ше духо́внаго, та́ко и ны́не. Но что глаго́лет Писа́ние? Изжени́ рабу́ и сы́на ея́, не и́мать бо насле́довати сын рабы́нин с сы́ном свобо́дныя. Те́мже, бра́тие, не́смы рабы́нина ча́да, но свобо́дныя. Свобо́дою у́бо, е́юже Христо́с нас свободи́, сто́йте, и не па́ки под и́гом рабо́ты держи́теся. Се аз Па́вел глаго́лю вам, я́ко а́ще обре́заетеся, Христо́с вас ничто́же по́льзует. Свиде́тельствую же па́ки вся́кому челове́ку обре́зающемуся, я́ко до́лжен есть весь зако́н твори́ти. Упраздни́стеся от Христа́, и́же зако́ном оправда́етеся, от благода́ти отпадо́сте. Мы бо ду́хом от ве́ры упова́ния пра́вды ждем. О Христе́ бо Иису́се ни обре́зание что мо́жет, ни необре́зание, но ве́ра любо́вию поспешеству́ема. Теча́сте до́бре, кто вам возбрани́ не покаря́тися и́стине? Препре́ние не от Призва́вшаго вы. Мал квас все смеше́ние ква́сит. Аз наде́юся о вас о Го́споде, я́ко ничто́же и́но разуме́ти бу́дете, смуща́яй же вас понесе́т грех, и́же а́ще есть.

Гал 4:28–5:10

В понедельник 16-я недели.

Зачало 212

Бра́тие, а́ще обре́зание еще́ пропове́дую, почто́ еще́ гони́мь есмь? У́бо упраздни́ся собла́зн креста́. О, дабы́ отсе́чени бы́ли развраща́ющии вас. Вы бо на свобо́ду зва́ни бы́сте, бра́тие, то́чию да не свобо́да ва́ша в вину́ пло́ти, но любо́вию рабо́тайте друг дру́гу. И́бо весь зако́н в еди́ном словеси́ исполня́ется, во е́же возлю́биши бли́жняго твоего́ я́коже себе́. А́ще же друг дру́га угрыза́ете и снеда́ете, блюди́теся, да не друг от дру́га истребле́ни бу́дете. Глаго́лю же: ду́хом ходи́те, и по́хоти плотски́я не соверша́йте, плоть бо похотству́ет на ду́ха, дух же на плоть, сия́ же друг дру́гу проти́вятся, да не я́же хо́щете, сия́ творите́. А́ще ли ду́хом води́ми есте́, не́сте под зако́ном. Явле́на же суть дела́ плотска́я, я́же суть прелюбодея́ние, блуд, нечистота́, студодея́ние, идолослуже́ние, чародея́ния, вражды́, рве́ния, зави́ды, я́рости, разжже́ния, ра́спри, собла́зны, е́реси, за́висти, уби́йства, пия́нства, безчи́нны кли́чи и подо́бная сим, я́же предглаго́лю вам, и предреко́х, я́ко такова́я творя́щии Ца́рствия Бо́жия не насле́дят.

Гал 5:11–21

Во вторник 16-я недели.

Зачало 213

Бра́тие, плод духо́вный есть любы́, ра́дость, мир, долготерпе́ние, бла́гость, милосе́рдие, ве́ра, кро́тость, воздержа́ние: на таковы́х несть зако́на. А и́же Христо́вы суть, плоть распя́ша со страстьми́ и похотьми́. А́ще живе́м ду́хом, ду́хом и да хо́дим. Не быва́им тщесла́вни, друг дру́га раздража́юще, друг дру́гу зави́дяще. Бра́тие, а́ще и впаде́т челове́к в не́кое прегреше́ние, вы духо́внии исправля́йте такова́го ду́хом кро́тости: блюды́й себе́, да не и ты искуше́н бу́деши. Друг дру́га тяготы́ носи́те, и та́ко испо́лните зако́н Христо́в.

Гал 5:22–6:2

В субботу 27-ю.

Сие же и преподобным.

Зачало 214

Бра́тие, друг дру́га тяготы́ носи́те, и та́ко испо́лните зако́н Христо́в. А́ще бо кто мнит себе́ бы́ти что, ничто́же сый, умо́м льстит себе́. Де́ло же свое́ да искуша́ет ко́йждо, и тогда́ в себе́ то́чию хвале́ние да и́мать, а не во ино́м. Ко́йждо бо свое́ бре́мя понесе́т. Да обща́ется же учя́йся словеси́ уча́щему во всех благи́х. Не льсти́теся, Бог поруга́емь не быва́ет. Е́же бо а́ще се́ет челове́к, то́жде и по́жнет. Я́ко се́яй в плоть свою́, от пло́ти по́жнет истле́ние, а се́яй в дух, от ду́ха по́жнет живо́т ве́чный. До́брое же творя́ще, да не стужа́ем си, во вре́мя бо свое́ по́жнем, не ослабе́юще. Те́мже у́бо, до́ндеже вре́мя и́мамы, да де́лаим благо́е ко всем, па́че же к при́сным в ве́ре.

Гал 6:2–10

В среду 16-я недели.

Зачало 215 (Неделя 22)

Бра́тие, ви́дите коли́цеми кни́гами писа́х вам мое́ю руко́ю. Ели́цы хотя́т хвали́тися по пло́ти, си́и ну́дят вы обре́затися, то́чию да не Кресто́м Христо́вым го́нятся. Ни бо обре́зающиися са́ми зако́н храня́т, но хотя́т вам обре́зоватися, да в ва́шей пло́ти похва́лятся. Мне же да не бу́дет хвали́тися, то́кмо о Кресте́ Го́спода на́шего Иису́са Христа́, и́мже мне мир распя́ся, и аз ми́ру. О Христе́ бо Иису́се ни обре́зание что мо́жет, ни необре́зание, но нова́ тварь. И ели́цы пра́вилом сим жи́тельствуют, мир на них и ми́лость, и на Изра́или Бо́жии. Про́чее, труды́ да никто́же ми дае́т: аз бо я́звы Го́спода Иису́са на те́ле мое́м ношу́. Благода́ть Го́спода на́шего Иису́са Христа́ со ду́хом ва́шим, бра́тие. Ами́нь.

Гал 6:11–18

Зачало 215 (В Великий Пяток, на первом часе)

Бра́тие, мне да не бу́дет хвали́тися, то́кмо о Кресте́ Го́спода на́шего Иису́са Христа́, и́мже мне мир распя́ся, и аз ми́ру. О Христе́ бо Иису́се ни обре́зание что мо́жет, ни необре́зание, но нова́ тварь. И ели́цы пра́вилом сим жи́тельствуют, мир на них и ми́лость, и на Изра́или Бо́жии. Про́чее, труды́ да никто́же ми дае́т: аз бо я́звы Го́спода Иису́са на те́ле мое́м ношу́. Благода́ть Го́спода на́шего Иису́са Христа́ со ду́хом ва́шим, бра́тие. Ами́нь.

Гал 6:14–18

КО ЕФЕСЕЕМ ПОСЛАНИЕ СВЯТАГО АПОСТОЛА ПАВЛА

Зачало 216

Па́вел, посла́нник Иису́с Христо́в во́лею Бо́жиею, святы́м су́щым во Ефе́се и ве́рным о Христе́ Иису́се благода́ть вам и мир от Бо́га Отца́ на́шего и Го́спода Иису́са Христа́. Благослове́н Бог и Оте́ц Го́спода на́шего Иису́са Христа́, благослови́вый нас вся́цем благослове́нием духо́вным в небе́сных о Христе́. Я́коже избра́ нас в Нем пре́жде сложе́ния ми́ра, бы́ти нам святы́м и непоро́чным пред Ним в любви́, пре́жде наре́к нас во усыне́ние Иису́с Христо́м в Него́, по благоволе́нию хоте́ния Его́, в похвалу́ сла́вы благода́ти Его́, в не́йже облагодати́ нас о Возлю́бленнем. О Не́мже и́мамы избавле́ние Кро́вию Его́, и оставле́ние прегреше́ний, по бога́тству благода́ти Его́, ю́же преумно́жил есть в нас во вся́кой прему́дрости и ра́зуме, сказа́в нам та́йну во́ли Своея́ по благоволе́нию Его́.

Еф 1:1–9

В четверток 16-я недели.

Зачало 217

Бра́тие, и́мамы избавле́ние Кро́вию Христо́вою, и оставле́ние прегреше́ний, по бога́тству благода́ти Его́, ю́же преумно́жил есть в нас во вся́кой прему́дрости и ра́зуме, сказа́в нам та́йну во́ли Своея́ по благоволе́нию Его́, е́же пре́жде положи́ в Нем, в смотре́ние исполне́ния време́н, возгла́вити вся́ческая о Христе́, я́же на небесе́х и я́же на земли́ в нем, в Не́мже и насле́дницы бы́хом, пре́жде нарече́ни бы́вше по прозре́нию Бо́жию вся Де́йствующаго по сове́ту во́ли Своея́, я́ко бы́ти нам в похвале́ние сла́вы Его́, пре́жде упова́вшым во Христа́. В Не́мже и вы, слы́шавше сло́во и́стины, благовествова́ние спасе́ния на́шего, в Не́мже и ве́ровавше зна́менастеся Ду́хом обетова́ния Святы́м, И́же есть обруче́ние насле́дия на́шего, во избавле́ние снабде́ния, в похвалу́ сла́вы Его́. Сего́ ра́ди и аз слы́шав ва́шу ве́ру о Христе́ Иису́се и любо́вь, я́же ко всем святы́м, не престаю́ благодаря́ о вас, помина́ние о вас творя́ в моли́твах мои́х, да Бог Го́спода на́шего Иису́са Христа́, Оте́ц сла́вы, даст вам Ду́ха прему́дрости и открове́ния.

Еф 1:7–17

В пяток 16-я недели.

Зачало 218

Бра́тие, не престаю́ благодаря́ о вас, помина́ние о вас творя́ в моли́твах мои́х, да Бог Го́спода на́шего Иису́са Христа́, Оте́ц сла́вы, даст вам Ду́ха прему́дрости и открове́ния, в позна́ние Его́, просвеще́нна очеса́ се́рдца ва́шего, я́ко уве́дети вам, ко́е есть упова́ние зва́ния Его́, и ко́е бога́тство сла́вы достоя́ния Его́ во святы́х, и ко́е преспе́ющее вели́чество си́лы Его́ в нас ве́рующих по де́йству держа́вы кре́пости Его́, ю́же соде́я о Христе́, воскреси́в Его́ от ме́ртвых и поса́ждь одесну́ю Себе́ на небе́сных, превы́ше вся́каго Нача́льства и Вла́сти и Си́лы и Госпо́дства, и вся́каго и́мене имену́емаго не то́чию в ве́це сем, но и во гряду́щем. И вся покори́ под но́зе Его́, и Того́ даде́ главу́ вы́ше всех Це́ркви, я́же есть Те́ло Его́, исполне́ние Исполня́ющаго вся́ческая во всех.

Еф 1:16–23

В субботу 28-ю.

Зачало 219

Бра́тие, Бог и Оте́ц Го́спода на́шего Иису́са Христа́ вся покори́ под но́зе Его́, и Того́ даде́ главу́ вы́ше всех Це́ркви, я́же есть Те́ло Его́, исполне́ние Исполня́ющаго вся́ческая во всех. И вас су́щих прегреше́ньми ме́ртвых и грехи́ ва́шими, в ни́хже иногда́ ходи́сте по ве́ку ми́ра сего́, по кня́зю вла́сти возду́шныя, ду́ха, и́же ны́не де́йствует в сыне́х противле́ния, в ни́хже и мы вси жи́хом иногда́ в по́хотех пло́ти на́шея, творя́ще во́лю пло́ти и помышле́ний, и бе́хом естество́м ча́да гне́ва, я́коже и про́чии.

Еф 1:22–2:3

В понедельник 17-я недели.

Зачало 220 (Неделя 23-я)

Бра́тие, Бог бога́т сый в ми́лости, за премно́гую любо́вь Свою́, е́юже возлюби́ нас, и су́щих нас ме́ртвых прегреше́ньми, сооживи́ Христо́м, благода́тию есте́ спасе́ни, и с Ним воскреси́, и спосади́ на небе́сных во Христе́ Иису́се да яви́т в ве́цех гряду́щих презе́льное бога́тство благода́ти Своея́ благосты́нею на нас о Христе́ Иису́се. Благода́тию бо есте́ спасе́ни чрез ве́ру, и сие́ не от вас, Бо́жий дар, не от дел, да никто́же похва́лится. Того́ бо есмы́ творе́ние, созда́ни во Христе́ Иису́се на дела́ блага́я, я́же пре́жде угото́ва Бог, да в них хо́дим.

Еф 2:4–10

Зачало 220 (В субботу 29-ю)

Бра́тие, помина́йте, я́ко вы, и́же иногда́ язы́цы во пло́ти, глаго́лемии необре́зание от реко́маго обре́зания во пло́ти, рукотворе́ннаго, я́ко бе́сте во вре́мя о́но без Христа́, отчужде́ни жития́ Изра́илева и чу́жди от заве́т обетова́ния, упова́ния не иму́ще и безбо́жни в ми́ре. Ны́не же о Христе́ Иису́се, вы бы́вшии иногда́ дале́че, близ бы́сте Кро́вию Христо́вою.

Еф 2:11–13

Зачало 221

Бра́тие, Христо́с есть мир наш, сотвори́вый обоя́ еди́но, и средосте́ние огра́ды разори́вый, вражду́ Пло́тию Свое́ю, зако́н за́поведей уче́ньми упраздни́в, да о́ба сози́ждет Собо́ю во еди́наго но́ваго челове́ка, творя́ мир, и примири́т обои́х во еди́ном те́ле Бо́гови кресто́м, уби́в вражду́ на нем. И прише́д благовести́ мир вам, да́льним и бли́жним, зане́ Тем и́мамы приведе́ние о́бои во еди́ном Ду́се ко Отцу́. Те́мже у́бо ктому́ не́сте стра́нни и прише́льцы, но сожи́теле святы́м и при́снии Бо́гу, назда́ни бы́вше на основа́нии Апо́стол и проро́к, су́щу краеуго́льну Самому́ Иису́су Христу́, о Не́мже вся́ко созда́ние составля́емо расте́т в це́рковь святу́ю о Го́споде, о Не́мже и вы созида́етеся в жили́ще Бо́жие Ду́хом.

Еф 2:14–22

Неделя 24-я.

Зачало 222

Бра́тие, ктому́ не́сте стра́нни и прише́льцы, но сожи́теле святы́м и при́снии Бо́гу, назда́ни бы́вше на основа́нии Апо́стол и проро́к, су́щу краеуго́льну Самому́ Иису́су Христу́, о не́мже вся́ко созда́ние составля́емо расте́т в це́рковь святу́ю о Го́споде, о Не́мже и вы созида́етеся в жили́ще Бо́жие Ду́хом. Сего́ ра́ди аз Па́вел, ю́зник Иису́с Христо́в о вас язы́цех, похвалю́ся. А́ще у́бо слы́шасте смотре́ние благода́ти Бо́жия да́нныя мне в вас, я́ко по открове́нию сказа́ ми ся та́йна, я́коже преднаписа́х вма́ле. О не́мже мо́жете чту́ще разуме́ти ра́зум мой в та́йне Христо́ве, я́же во ине́х ро́дех не сказа́ся сыно́м челове́ческим, я́коже ны́не откры́ся святы́м Его́ Апо́столом и проро́ком Ду́хом Святы́м, я́ко бы́ти язы́ком снасле́дником и стеле́сником и сприча́стником обетова́ния Его́ о Христе́ Иису́се благовествова́нием, ему́же бых служи́тель по да́ру благода́ти Бо́жия, да́нныя мне по де́йству си́лы Его́.

Еф 2:19–3:7

Во вторник 17-я недели.

Зачало 223

Бра́тие, мне ме́ньшему всех святы́х дана́ бысть благода́ть сия́, во язы́цех благовести́ти неизсле́дованное бога́тство Христо́во, и просвети́ти всех, что есть смотре́ние та́йны сокрове́нныя от веко́в в Бо́зе, созда́вшем вся́ческая Иису́с Христо́м, да ска́жется ны́не нача́лом и власте́м на небе́сных Це́рковию многоразли́чная прему́дрость Бо́жия, по предложе́нию век, е́же сотвори́ о Христе́ Иису́се Го́споде на́шем, о Не́мже и́мамы дерзнове́ние и приведе́ние в наде́янии ве́рою Его́. Те́мже молю́ вы не стужа́ти си в ско́рбех мои́х о вас, я́же есть сла́ва ва́ша. Сего́ ра́ди преклоня́ю коле́на моя́ ко Отцу́ Го́спода на́шего Иису́са Христа́, из Него́же вся́ко оте́чество на небесе́х и на земли́ имену́ется, да даст вам по бога́тству сла́вы Своея́, си́лою утверди́тися Ду́хом Его́ во вну́треннем челове́це, всели́тися Христу́ ве́рою в сердца́ ва́ша: в любви́ вкорене́ни и основа́ни, да возмо́жете разуме́ти со все́ми святы́ми, что широта́, и долгота́, и глубина́, и высота́, разуме́ти же преспе́ющую ра́зум любо́вь Христо́ву, да испо́лнитеся во вся́ко исполне́ние Бо́жие. Могу́щему же па́че вся твори́ти по преизбы́точествию, и́хже про́сим или́ разуме́ем, по си́ле де́йствуемей в нас, Тому́ сла́ва в Це́ркви о Христе́ Иису́се во вся ро́ды ве́ка веко́в. Ами́нь.

Еф 3:8–21

В среду 17-я недели.

Зачало 224 (Неделя 25)

Бра́тие, молю́ вы, аз ю́зник о Го́споде, досто́йно ходи́ти зва́ния, в не́же зва́ни бы́сте, со вся́ким смиреному́дрием и кро́тостию, с долготерпе́нием, терпя́ще друг дру́гу любо́вию, тща́щеся блюсти́ едине́ние ду́ха в сою́зе ми́ра. Еди́но те́ло, еди́н дух, я́коже и зва́ни бы́сте во еди́ном упова́нии зва́ния ва́шего. Еди́н Госпо́дь, еди́на ве́ра, еди́но креще́ние, еди́н Бог и Оте́ц всех, И́же над все́ми и чрез всех и во всех нас.

Еф 4:1–6

Зачало 224 (Неделя по Просвещении. И иерархом)

Бра́тие, еди́ному кому́ждо нас даде́ся благода́ть по ме́ре дарова́ния Христо́ва. Те́мже глаго́лет: возше́д на высоту́, плени́л еси́ плен, и даде́ дая́ния челове́ком. А е́же взы́де, что есть, то́чию я́ко и сни́де пре́жде в до́льнейшыя страны́ земли́? Сше́дый, Той есть и возше́дый превы́ше всех небе́с, да испо́лнит вся́ческая. И Той дал есть о́вы у́бо Апо́столы, о́вы же проро́ки, о́вы же Благове́стники, о́вы же па́стыри и учи́тели, к соверше́нию святы́х, в де́ло служе́ния, в созида́ние Те́ла Христо́ва, до́ндеже дости́гнем вси во едине́ние ве́ры и позна́ния Сы́на Бо́жия, в му́жа соверше́нна, в ме́ру во́зраста исполне́ния Христо́ва.

Еф 4:7–13

Зачало 225

Бра́тие, да не быва́ем ктому́ младе́нцы, вла́ющеся и скита́ющеся вся́ким ве́тром уче́ния, во лжи челове́честей, в кова́рстве ко́зней льще́ния. И́стинствующе же в любви́, да возрасти́м в Него́ вся́ческая, И́же есть глава́ Христо́с, из Него́же все те́ло, составля́емо и счинева́емо прили́чне вся́цем осяза́нием подая́ния, по де́йству в ме́ре еди́ныя коея́ждо ча́сти, возраще́ние те́ла твори́т в созда́ние сама́го себе́ любо́вию. Сие́ у́бо глаго́лю и послушеству́ю о Го́споде, ктому́ не ходи́ти вам, я́коже и про́чии язы́цы хо́дят в суете́ ума́ их, помраче́ни смы́слом, су́ще отчужде́ни от жи́зни Бо́жия, за неве́жество су́щее в них, за окамене́ние серде́ц их, и́же в неча́яние вло́жшеся, преда́ша себе́ студодея́нию, в де́лание вся́кия нечистоты́ в лихоима́нии.

Еф 4:14–19

В четверток 17-я недели.

Зачало 226

Бра́тие, сие́ глаго́лю и послушеству́ю о Го́споде, ктому́ не ходи́ти вам, я́коже и про́чии язы́цы хо́дят в суете́ ума́ их, помраче́ни смы́слом, су́ще отчужде́ни от жи́зни Бо́жия, за неве́жество су́щее в них, за окамене́ние серде́ц их, и́же в неча́яние вло́жшеся, преда́ша себе́ студодея́нию, в де́лание вся́кия нечистоты́ в лихоима́нии. Вы же не та́ко позна́сте Христа́. А́ще у́бо слы́шасте Его́ и о Нем научи́стеся, я́коже есть и́стина о Иису́се: отложи́ти вам, по пе́рвому житию́, ве́тхаго челове́ка, тле́ющаго в по́хотех преле́стных, обновля́тися же ду́хом ума́ ва́шего, и облещи́ся в но́ваго челове́ка, созда́ннаго по Бо́гу в пра́вде и в преподо́бии и́стины. Те́мже отло́жше лжу, глаго́лите и́стину ки́йждо ко и́скреннему своему́.

Еф 4:17–25

В пяток 17-я недели.

Зачало 227

Бра́тие, отло́жше лжу, глаго́лите и́стину ки́йждо ко и́скреннему своему́. Зане́ есмы́ друг дру́гу у́дове. Гне́вайтеся и не согреша́йте, со́лнце да не за́йдет в гне́ве ва́шем, ниже́ дади́те ме́ста диа́волу. Крады́й ктому́ да не кра́дет, но па́че да тружда́ется, де́лая свои́ма рука́ма благо́е, да и́мать подая́ти тре́бующему. Вся́ко сло́во гни́ло да не исхо́дит из уст ва́ших, но то́чию е́же есть бла́го к созда́нию ве́ры, да даст благода́ть слы́шащим. И не оскорбля́йте Ду́ха Свята́го Бо́жия, о Не́мже зна́менастеся в день избавле́ния. Вся́ка го́ресть, и гнев, и я́рость, и кличь, и хула́ да во́змется от вас, со вся́кою зло́бою. Быва́йте же друг ко дру́гу бла́зи, милосе́рди, проща́юще друг дру́гу, я́коже и Бог во Христе́ прости́л есть вам.

Еф 4:25–32

В понедельник 18-я недели.

Зачало 228

Бра́тие, быва́йте подража́тели Бо́гу, я́коже ча́да возлю́бленная, и ходи́те в любви́, я́коже и Христо́с возлюби́л есть нас, и предаде́ Себе́ за ны приноше́ние и же́ртву Бо́гу в воню́ благоуха́ния. Блуд же и вся́ка нечистота́, и лихои́мство ниже́ да имену́ется в вас, я́коже подоба́ет святы́м, и скверносло́вие, и буесло́вие, или́ кощу́ны, и я́же неподо́бная, но па́че благодаре́ние. Сие́ бо да есте́ ве́дуще, я́ко всяк блудни́к, или́ нечи́ст, или́ лихои́мец, и́же есть идолослужи́тель, не и́мать достоя́ния в Ца́рствии Христа́ и Бо́га. Никто́же вас да льстит су́етными словесы́, сих бо ра́ди гряде́т гнев Бо́жий на сы́ны непокори́выя. Не быва́йте у́бо соприча́стницы сим. Бе́сте бо иногда́ тма, ны́не же свет о Го́споде.

Еф 5:1–8

В субботу 30-ю.

Зачало 229

Бра́тие, я́ко ча́да све́та ходи́те, плод бо Духо́вный eсть во вся́кой благосты́ни и пра́вде и и́стине, искуша́юще, что eсть благоуго́дно Бо́гови. И не приoбща́йтеся к дело́м непло́дным тмы, па́че же и облича́йте. Быва́eмая бо о́тай от них, сра́мно eсть и глаго́лати. Вся же облича́eмая, от све́та явля́ются: все бо явля́емое свет eсть. Сего́ ра́ди глаго́лет: воста́ни, спяй, и воскресни́ от ме́ртвых, и освети́т тя Христо́с. Блюди́те у́бо, ка́ко опа́сно хо́дите, не я́коже нему́дри, но я́коже прему́дри, искупу́юще вре́мя, я́ко дни́е лука́ви суть. Сего́ ра́ди не быва́йтенесмы́сленни, но разумева́юще, что eсть во́ля Бо́жия. И не упива́йтеся вино́м, в не́мже eсть блуд, но па́че исполня́йтеся Ду́хом, глаго́люще себе́ во псалме́х и пе́ниих, и пе́снех духо́вных, воспева́юще и пою́ще в сердца́х ва́ших Го́сподеви.

Еф 5:8–19

Неделя 26.

Сие же и в понедельник Святаго Духа.

Зачало 230 Во вторник 18-я недели()

Бра́тие, благодаря́ще всегда́ о всех о и́мени Го́спода на́шего Иису́са Христа́ Бо́гу и Отцу́, повину́ющеся друг дру́гу в стра́се Бо́жии. Жены́, свои́м муже́м повину́йтеся, я́коже Го́споду, зане́ муж глава́ есть жены́, я́коже и Христо́с глава́ Це́ркве, и Той есть Спаси́тель те́ла. Но я́коже Це́рковь повину́ется Христу́, та́кожде и жены́ свои́м муже́м во всем. Му́жие, люби́те своя́ жены́, я́коже и Христо́с возлюби́ Це́рковь, и Себе́ предаде́ за ню, да освяти́т ю́, очи́стив ба́нею водно́ю в глаго́ле.

Еф 5:20–26

Зачало 230 (Во время брака)

Бра́тие, благодаря́ще всегда́ о всех о и́мени Го́спода на́шего Иису́са Христа́ Бо́гу и Отцу́, повину́ющеся друг дру́гу в стра́се Бо́жии. Жены́, свои́м му́жем повину́йтеся, я́коже Го́споду, зане́ муж глава́ есть жены́, я́коже и Христо́с глава́ Це́ркве, и Той есть Спаси́тель те́ла. Но я́коже Це́рковь повину́ется Христу́, та́кожде и жены́ свои́м муже́м во всем. Му́жие, люби́те своя́ жены́, я́коже и Христо́с возлюби́ Це́рковь, и Себе́ предаде́ за ню, да освяти́т ю́, очи́стив ба́нею водно́ю в глаго́ле. Да предста́вит ю́ Себе́ сла́вну Це́рковь, не иму́щу скве́рны, или́ поро́ка, или́ не́что от таковы́х, но да есть свята́ и непоро́чна. Та́ко до́лжни суть му́жие люби́ти своя́ жены́, я́ко своя́ телеса́: любя́й бо свою́ жену́, себе́ сама́го лю́бит. Никто́же бо когда́ свою́ плоть возненави́де, но пита́ет и гре́ет ю́, я́коже и Госпо́дь Це́рковь, зане́ у́ди есмы́ те́ла Его́, от пло́ти Его́, и от косте́й Его́. Сего́ ра́ди оста́вит челове́к отца́ своего́ и ма́терь, и прилепи́тся к жене́ свое́й, и бу́дета два в плоть еди́ну. Та́йна сия́ вели́ка есть, аз же глаго́лю во Христа́ и во Це́рковь. Оба́че и вы по еди́ному, ки́йждо свою́ жену́ си́це да лю́бит, я́коже и себе́, а жена́ да бои́тся своего́ му́жа.

Еф 5:20–33

Зачало 231

Бра́тие, люби́те своя́ жены́, я́коже и Христо́с возлюби́ Це́рковь, и Себе́ предаде́ за ню, да освяти́т ю́, очи́стив ба́нею водно́ю в глаго́ле. Да предста́вит ю́ Себе́ сла́вну Це́рковь, не иму́щу скве́рны, или́ поро́ка, или́ не́что от таковы́х, но да бу́дет свя́та и непоро́чна. Та́ко до́лжни суть му́жие люби́ти своя́ жены́, я́ко своя́ телеса́: любя́й бо свою́ жену́, себе́ сама́го лю́бит. Никто́же бо когда́ свою́ плоть возненави́де, но пита́ет и гре́ет ю́, я́коже и Госпо́дь Це́рковь. Зане́ у́ди есмы́ Те́ла Его́, от пло́ти Его́ и от косте́й Его́. Сего́ ра́ди оста́вит челове́к отца́ своего́ и ма́терь, и прилепи́тся к жене́ свое́й, и бу́дета два в плоть еди́ну. Та́йна сия́ вели́ка есть, аз же глаго́лю во Христа́ и во Це́рковь. Оба́че и вы, по еди́ному ки́йждо свою́ жену́ си́це да лю́бит, я́коже и себе́.

Еф 5:25–33

В среду 18-я недели.

Зачало 232

Бра́тие, по еди́ному ки́йждо вас свою́ жену́ си́це да лю́бит, я́коже и себе́, а жена́ да бои́тся своего́ му́жа. Ча́да, послу́шайте свои́х роди́телей о Го́споде, сие́ бо есть пра́ведно. Чти отца́ твоего́ и ма́терь, я́же есть за́поведь пе́рвая во обетова́нии, да бла́го ти бу́дет, и бу́деши долголе́тен на земли́. И отцы́, не раздража́йте чад свои́х, но воспитова́йте их в наказа́нии и уче́нии Госпо́дни. Раби́, послу́шайте госпо́дий свои́х по пло́ти со стра́хом и тре́петом, в простоте́ се́рдца ва́шего, я́коже и Христа́, не пред очи́ма то́чию рабо́тающе я́ко человекоуго́дницы, но я́коже раби́ Христо́вы, творя́ще во́лю Бо́жию от души́, со благоразу́мием служа́ще я́коже Го́споду, а не я́ко челове́ком, ве́дяще, я́ко ко́ждо, е́же а́ще сотвори́т благо́е, сие́ прии́мет от Го́спода, а́ще раб, а́ще свобо́дь. И госпо́дие, та́яжде твори́те к ним, послабля́юще им преще́ния, ве́дуще, я́ко и вам саме́м и тем Госпо́дь есть на небесе́х, и обинове́ния лица́ несть у Него́.

Еф 5:33–6:9

В четверток 18-я недели.

Зачало 233

Бра́тие, возмога́йте о Го́споде и в держа́ве кре́пости Его́, облецы́теся во вся ору́жия Бо́жия, я́ко возмощи́ вам ста́ти проти́ву ко́знем диа́вольским, я́ко несть на́ша брань к кро́ви и пло́ти, но к нача́лом и ко власте́м и к миродержи́телем тмы ве́ка сего́, к духово́м зло́бы поднебе́сным. Сего́ ра́ди приими́те вся ору́жия Бо́жия, да возмо́жете проти́витися в день лют и вся соде́явше ста́ти. Ста́ните у́бо препоя́сани чресла́ ва́ша и́стиною, и обо́лкшеся в броня́ пра́вды, и обу́вше но́зе во угото́вание благовествова́ния ми́ра, над все́ми же восприи́мше щит ве́ры, в не́мже возмо́жете вся стре́лы лука́ваго разжже́нныя угаси́ти. И шлем спасе́ния восприими́те, и мечь духо́вный, и́же есть глаго́л Бо́жий.

Еф 6:10–17

Неделя 27.

Сие же и в субботу по Просвещении.

Зачало 234

Бра́тие, вся́кою моли́твою и моле́нием моля́щеся на вся́ко вре́мя ду́хом, и в сие́ и́стое бдя́ще во вся́ком терпе́нии и моли́тве о всех святы́х и о мне, да да́стся ми сло́во во отверзе́ние уст мои́х, с дерзнове́нием сказа́ти та́йну благовествова́ния, о не́мже посо́льствую во у́зах, да в нем дерза́ю, я́коже подоба́ет ми глаго́лати. Да уве́сте же и вы, я́же о мне, что де́лаю, вся ска́жет вам Тихи́к, возлю́бленный брат и ве́рен служи́тель о Го́споде, его́же посла́х к вам на сие́ и́стое, да уве́сте, я́же о нас, и да уте́шит сердца́ ва́ша. Мир бра́тии и любо́вь с ве́рою от Бо́га Отца́ и Го́спода Иису́са Христа́. Благода́ть со все́ми лю́бящими Го́спода на́шего Иису́са Христа́ в неистле́нии. Ами́нь.

Еф 6:18–24

В пяток 18-я недели.

К ФИЛИППИСИЕМ ПОСЛАНИЕ СВЯТАГО АПОСТОЛА ПАВЛА

Зачало 235

Па́вел и Тимофе́й, раби́ Иису́с Христо́вы, всем святы́м о Христе́ Иису́се су́щым в Фили́ппех, с епи́скопы и диа́коны, благода́ть вам и мир от Бо́га Отца́ на́шего и Го́спода Иису́са Христа́. Благодарю́ Бо́га моего́ о всей па́мяти ва́шей, всегда́ во вся́кой моли́тве мое́й за всех вас с ра́достию моли́тву мою́ творя́, о обще́нии ва́шем в благовествова́ние от пе́рваго дне да́же и доны́не, наде́явся на сие́ и́стое, я́ко начны́й де́ло бла́го в вас соверши́т е́ да́же до дне Иису́с Христо́ва. Я́коже есть пра́ведно мне сие́ му́дрствовати о всех вас, за е́же име́ти ми в се́рдце вас, во у́зах мои́х и во отве́те и извеще́нии благове́стия, соо́бщников ми благода́ти всех вас су́щих.

Флп 1:1–7

В понедельник 19-я недели.

Зачало 236

Бра́тие, свиде́тель ми есть Бог, я́ко люблю́ всех вас по ми́лости Иису́с Христо́ве. И о сем молю́ся, да любо́вь ва́ша еще́ па́че и па́че избы́точествует в ра́зуме и во вся́ком чу́вствии, во е́же искуша́ти вам лу́чшая, да бу́дете чи́сти и непреткнове́нни в день Христо́в, испо́лнени плодо́в пра́вды Иису́с Христо́м, в сла́ву и похвалу́ Бо́жию. Разуме́ти же хощу́ вам, бра́тие, я́ко я́же о мне па́че во успе́х благовествова́ния приидо́ша, я́ко у́зам мои́м явле́нным о Христе́ бы́вшым во всем суди́щи и в про́чих всех, и мно́жайшии бра́тиям о Го́споде, наде́явшымся о у́зах мои́х, па́че дерза́ти без стра́ха сло́во Бо́жие глаго́лати.

Флп 1:8–14

Вторник 19-я недели.

Зачало 237

Бра́тие, разуме́ти вам хощу́, я́ко я́же о мне па́че во успе́х благовествова́ния приидо́ша, я́ко у́зам мои́м явле́нным о Христе́ бы́вшым во всем суди́щи и в про́чиих всех, и мно́жайшии бра́тия о Го́споде, наде́явшиися о у́зах мои́х, па́че дерза́ти без стра́ха сло́во Бо́жие глаго́лати. Не́цыи у́бо по за́висти и ре́вности, друзи́и же и за благоволе́ние Христа́ пропове́дают. О́ви у́бо от рве́ния Христа́ возвеща́ют нечи́сте, мня́ще печа́ль нанести́ у́зам мои́м, о́ви же от любве́, ве́дяще, я́ко во отве́те благовествова́ния лежу́. Что у́бо? Оба́че вся́цем о́бразом, а́ще вино́ю, а́ще и́стиною Христо́с пропове́даемь есть, и о сем ра́дуюся, но и возра́дуюся. Вем бо, я́ко сие́ сбу́дется ми во спасе́ние ва́шею моли́твою и подая́нием Ду́ха Иису́с Христо́ва, по ча́янию и упова́нию моему́.

Флп 1:12–20

В среду 19-я недели.

Зачало 238

Бра́тие, ни о еди́ном постыжу́ся, но во вся́ком дерзнове́нии, я́коже всегда́, и ны́не возвели́чится Христо́с в те́ле мое́м, а́ще живото́м, а́ще ли сме́ртию. Мне бо е́же жи́ти, Христо́с, и е́же умре́ти, приобре́тение есть. А́ще ли е́же жи́ти ми те́лом, сие́ мне плод дела́, и что изво́лю, не вем. Обдержи́мь же есмь от обою́, жела́ние имы́й разреши́тися и со Христо́м бы́ти, мно́го па́че лу́чше, а е́же пребыва́ти во пло́ти, ну́жднейше есть вас ра́ди. И сие́ изве́стне вем, я́ко бу́ду и спребу́ду вам всем в ваш успе́х и ра́дость ве́ры, я́ко да похвала́ ва́ша избы́точествует о Христе́ Иису́се во мне, мои́м прише́ствием па́ки к вам. То́чию досто́йне благовествова́нию Христо́ву жи́тельствуйте.

Флп 1:20–27

В четверток 19-я недели.

Зачало 239

Бра́тие, досто́йне благовествова́нию Христо́ву жи́тельствуйте, да а́ще прише́д и ви́дев вас, а́ще и не сый у вас, услы́шу я́же о вас, я́ко и́стиною стоите́ во еди́ном ду́се и единоду́шне сподвиза́ющеся по ве́ре Благовествова́ния во́лею, и не коле́блющеся ни о еди́ном же от сопроти́вных, е́же тем у́бо есть явле́ние поги́бели, вам же спасе́ния, и сие́ от Бо́га. Я́ко вам дарова́ся, е́же о Христе́, не то́кмо е́же в Него́ ве́ровати, но и е́же по Нем страда́ти, то́йже по́двиг иму́ще, яко́в же во мне ви́десте и ны́не слы́шите о мне. А́ще у́бо ко́е утеше́ние о Христе́, или́ а́ще ка́я уте́ха любве́, а́ще ко́е обще́ние ду́ха, а́ще ко́е милосе́рдие и щедро́ты, испо́лните мою́ ра́дость, да то́жде му́дрствуете, ту́же любо́вь иму́ще, единоду́шни, единому́дренни, ничто́же по рве́нию или́ тщесла́вию, но смиреному́дрием друг дру́га че́стию бо́льша себе́ творя́ще. Не свои́х си ки́йждо, но и дру́жних ки́йждо смотря́йте.

Флп 1:27–2:4

В пяток 19-я недели.

Зачало 240

Бра́тие, сие́ да му́дрствуется в вас, е́же и во Христе́ Иису́се, И́же во о́бразе Бо́жии сый, не восхище́нием непщева́ бы́ти ра́вен Бо́гу. Но Себе́ ума́лил, зрак раба́ прии́м, в подо́бии челове́честем быв, и о́бразом обре́теся я́коже челове́к. Смири́л Себе́, послушли́в быв да́же до сме́рти, сме́рти же кре́стныя. Те́мже и Бог Его́ превознесе́ и дарова́ Ему́ и́мя, е́же па́че вся́каго и́мене, да о и́мени Иису́сове вся́ко коле́но поклони́тся небе́сных и земны́х и преиспо́дних, и всяк язы́к испове́сть, я́ко Госпо́дь Иису́с Христо́с в сла́ву Бо́га Отца́.

Флп 2:5–11

Богородице.

Зачало 241

Бра́тие, я́коже всегда́ послу́шасте мене́, не я́коже в прише́ствии мое́м то́чию, но ны́не мно́го па́че во отше́ствии мое́м, со стра́хом и тре́петом свое́ спасе́ние содева́йте. Бог бо есть де́йствуяй в вас и е́же хоте́ти и е́же де́яти о благоволе́нии. Вся твори́те без ропта́ния и размышле́ния, да бу́дете непоро́чни и це́ли, ча́да Бо́жия непоро́чна посреде́ ро́да стропти́ва и развраще́на, в ни́хже явля́етеся я́коже свети́ла в ми́ре, сло́во живо́тно предержа́ще, в похвалу́ мне в день Христо́в.

Флп 2:12–16

В понедельник 20-я недели.

Зачало 242

Бра́тие, не вотще́ теко́х, ни вотще́ труди́хся. Но а́ще и жрен быва́ю о же́ртве и слу́жбе ве́ры ва́шея, ра́дуюся и сра́дуюся всем вам, та́кожде и вы ра́дуйтеся и сра́дуйте ми ся. Упова́ю же о Го́споде Иису́се Тимофе́а вско́ре посла́ти к вам, да и аз благоду́шствую, уве́дев я́же о вас. Ни еди́наго бо и́мам равноду́шна, и́же при́снее о вас попече́тся, вси бо свои́х си и́щут, а не я́же Христа́ Иису́са. Иску́сство же его́ зна́ете, зане́ я́коже отцу́ ча́до, со мно́ю порабо́тал в благове́стии. Сего́ же у́бо упова́ю посла́ти а́бие, по внегда́ уве́м я́же о мне.

Флп 2:16–23

Во вторник 20-я недели.

Зачало 243

Бра́тие, наде́юся о Го́споде, я́ко и сам ско́ро прииду́ к вам. Потре́бнее же возмне́х Епафроди́та бра́та и споспе́шника и сво́инника моего́, ва́шего же посла́нника и служи́теля потре́бе мое́й, посла́ти к вам, поне́же жела́нием жела́ше ви́дети всех вас, и тужа́ше, зане́ слы́шасте, я́ко боле́. И́бо боле́ близ сме́рти, но Бог поми́лова его́, не его́ же то́кмо, но и мене́, да не скорбь на скорбь прииму́. Скоре́е у́бо посла́х его́, да ви́девше его́ па́ки, возра́дуетеся, и аз безпеча́лен пребу́ду. Приими́те у́бо его́ о Го́споде со вся́кою ра́достию, и таковы́я че́стны име́йте, зане́ за де́ло Христо́во да́же до сме́рти прибли́жися, пону́див себе́ вседу́шно, да испо́лнит ва́ше лише́ние, е́же к мое́й слу́жбе.

Флп 2:24–30

В среду 20-я недели.

Зачало 244

Бра́тие, ра́дуйтеся о Го́споде. Та́яжде бо писа́ти вам, мне у́бо неле́ностно, вам же тве́рдо. Блюди́теся от псов, блюди́теся от злых де́лателей, блюди́теся от сече́ния неве́рных. Мы бо есмы́ обре́зание, и́же ду́хом Бо́гу слу́жим и хва́лимся о Христе́ Иису́се, а не в пло́ти наде́емся. И́бо и аз име́ю наде́яние во пло́ти. А́ще кто ин мнит наде́ятися во пло́ти, аз па́че, обре́зан осмодне́вно, от ро́да Изра́илева, коле́на Вениами́нова, евре́ин от евре́й, по зако́ну фарисе́й, по ре́вности гони́х Це́рковь Бо́жию, по пра́вде зако́нней быв непоро́чен. Но я́же ми бя́ху приобре́тения, сия́ вмени́х Христа́ ра́ди тщету́. Но у́бо вменя́ю вся тщету́ бы́ти за превосходя́щее ра́зума Христа́ Иису́са Го́спода моего́, Его́же ра́ди всех отщети́хся, и вменя́ю вся уме́ты бы́ти, да Христа́ приобря́щу.

Флп 3:1–8

В четверток 20-я недели.

Зачало 245

Бра́тие, всех отщети́хся, и вменя́ю вся уме́ты бы́ти, да Христа́ приобря́щу. И обря́щуся в Нем, не имы́й моея́ пра́вды, я́же от зако́на, но я́же ве́рою Иису́с Христо́вою, су́щею от Бо́га пра́вду в ве́ре, я́ко разуме́ти Его́, и си́лу воскресе́ния Его́, и сообще́ние страсте́й Его́, сообразу́яся сме́рти Его́, а́ще ка́ко дости́гну в воскресе́ние ме́ртвых. Не зане́ уже́ достиго́х, или́ уже́ соверши́хся, гоню́ же, а́ще и пости́гну, о не́мже и постиже́н бых от Христа́ Иису́са. Бра́тие, аз себе́ не у помышля́ю дости́гша, еди́но же, за́дняя у́бо забыва́я, в пре́дняя же простира́яся, со усе́рдием гоню́, к по́чести вы́шняго зва́ния Бо́жия о Христе́ Иису́се. Ели́цы у́бо соверше́нни, сие́ да му́дрствуим, и е́же а́ще и́но что мы́слите, и сие́ Бог вам откры́ет. Оба́че в не́же достиго́хом, то́же му́дрствовати и те́мже пра́вилом жи́тельствовати. Подо́бни ми быва́йте, бра́тие, и смотря́йте та́ко ходя́щыя, я́коже и́мате о́браз нас. Мно́зи бо хо́дят, и́хже мно́гажды глаго́лах вам, ны́не же и пла́чя глаго́лю, враги́ креста́ Христо́ва, и́мже кончи́на поги́бель, и́мже бог чре́во, и сла́ва в студе́ их, и́же земна́я му́дрствуют.

Флп 3:8–19

В пяток 20-я недели.

Зачало 246

Бра́тие, на́ше житие́ на небесе́х есть, отону́дуже и Спаси́теля ждем, Го́спода на́шего Иису́са Христа́, И́же преобрази́т те́ло смире́ния на́шего, я́ко бы́ти сему́ сообра́зну те́лу сла́вы Его́, по де́йству е́же возмога́ти Ему́ и покори́ти Себе́ вся́ческая. Те́мже, бра́тие моя́ возлю́бленная и вожделе́нная, ра́досте и ве́нче мой, та́ко сто́йте о Го́споде, возлю́бленнии. Ево́дию молю́ и Синти́хию молю́ то́жде му́дрствовати о Го́споде. Ей, молю́ и тебе́, супру́жниче при́сный, споспе́шствуй им, я́же во благовествова́нии сподвиза́шася со мно́ю и с Кли́ментом и с про́чими споспе́шники мои́ми, и́хже имена́ в кни́гах живо́тных.

Флп 3:20–4:3

Священномучеником.

Зачало 247

Бра́тие, ра́дуйтеся всегда́ о Го́споде, и па́ки реку́, ра́дуйтеся. Кро́тость ва́ша разу́мна да бу́дет всем челове́ком. Госпо́дь близ. Ни о че́мже пецы́теся, но во всем моли́твою и моле́нием со благодаре́нием проше́ния ва́ша да сказу́ются к Бо́гу. И мир Бо́жий, превосходя́й всяк ум, да соблюде́т сердца́ ва́ша и разуме́ния ва́ша о Христе́ Иису́се. Про́чее же, бра́тие моя́, ели́ка суть и́стинна, ели́ка че́стна, ели́ка пра́ведна, ели́ка пречи́ста, ели́ка прелюбе́зна, ели́ка доброхва́льна, а́ще ка́я доброде́тель, и а́ще ка́я похвала́, сия́ помышля́йте. И́мже и научи́стеся, и прия́сте, и слы́шасте, и ви́десте во мне, сия́ твори́те, и Бог ми́ра бу́дет с ва́ми.

Флп 4:4–9

Неделя цветная.

Зачало 248

Бра́тие, возра́довахся о Го́споде вельми́, я́ко уже́ когда́ воспомяну́сте пещи́ся о мне, поне́же и печа́стеся, но непого́дным вре́менем обдержа́стеся. Не я́ко по ску́дости глаго́лю, аз бо навыко́х, в ни́хже есмь, дово́лен бы́ти. Вем и смири́тися, вем и избы́точествовати, во всем и во всех навыко́х, и насыща́тися и алка́ти, и избы́точествовати и лиша́тися. Вся могу́ о укрепля́ющем мя Иису́се Христе́. Оба́че до́бре сотвори́сте, сприобщи́вшеся печа́ли мое́й. Ве́сте же и вы, Филипписи́ане, я́ко в нача́ле благовествова́ния, егда́ изыдо́х от Македо́нии, ни еди́на ми це́рковь общева́ся в сло́во дая́ния и прия́тия, то́чию вы еди́ни. Я́ко и в Солу́нь и еди́ною и два́щи в тре́бование мое́ посла́сте ми. Не я́ко ищу́ дая́ния, но ищу́ плода́ мно́жащагося в сло́во ва́ше. Прия́х же вся и избы́точествую: испо́лнихся, прие́м от Епафроди́та по́сланная от вас, воню́ благоуха́ния, же́ртву прия́тну, благоуго́дну Бо́гу. Бог же мой да испо́лнит вся́кое тре́бование ва́ше по бога́тству Своему́ в сла́ве, о Христе́ Го́споде. Бо́гу же и Отцу́ на́шему сла́ва во ве́ки веко́в. Ами́нь. Целу́йте вся́каго свя́та о Христе́ Иису́се. Целу́ют вы су́щая со мно́ю бра́тия. Целу́ют вы святи́и вси, па́че же и́же от ке́сарева до́му. Благода́ть Го́спода на́шего Иису́са Христа́ со все́ми ва́ми. Ами́нь.

Флп 4:10–23

В понедельник 21-я недели.

К КОЛОССАЕМ ПОСЛАНИЕ СВЯТАГО АПОСТОЛА ПАВЛА

Зачало 249 (Во вторник 21-я недели)

Па́вел, Апо́стол Иису́с Христо́в во́лею Бо́жиею, и Тимофе́й брат, су́щым в Колосса́ех святы́м и ве́рным бра́тиям о Христе́ Иису́се. Я́коже и уве́десте от Епафра́са, возлю́бленнаго срабо́тника на́шего, и́же есть ве́рен о вас служи́тель Христо́в, и́же и яви́ нам ва́шу любо́вь в ду́се. Сего́ ра́ди и мы, от него́же дне слы́шахом, не престае́м о вас моля́щеся и прося́ще, да испо́лнитеся в ра́зуме во́ли Его́, во вся́кой прему́дрости и ра́зуме духо́внем, я́ко ходи́ти вам досто́йне Бо́гу во вся́ком угожде́нии и вся́ком де́ле бла́зе, плодонося́ще и возраста́юще в ра́зуме Бо́жии, вся́кою си́лою возмога́юще по держа́ве сла́вы Его́, во вся́ком терпе́нии и долготерпе́нии с ра́достию.

Кол 1:1–2, 7–11

Зачало 249 (В субботу 21-я недели)

Бра́тие, благода́ть вам и мир от Бо́га Отца́ на́шего, и Го́спода Иису́са Христа́. Благодари́м Бо́га и Отца́ Го́спода на́шего Иису́са Христа́, всегда́ о вас моля́щеся, слы́шавше ве́ру ва́шу, я́же о Христе́ Иису́се и любо́вь, ю́же и́мате ко всем святы́м, за упова́ние отложе́нное вам на небесе́х, е́же пре́жде слы́шасте в словеси́ и́стины благовествова́ния, су́щаго в вас, я́коже и во всем ми́ре: и есть плодоно́сно и расти́мо, я́коже и в вас, от него́же дне слы́шасте и разуме́сте благода́ть Бо́жию во и́стине.

Кол 1:3–6

Зачало 250

Бра́тие, благодаря́ще Бо́га и Отца́, призва́вшаго вас в прича́стие насле́дия святы́х во све́те. И́же изба́ви нас от вла́сти те́мныя и преста́ви в Ца́рство Сы́на любве́ Своея́, о Не́мже и́мамы избавле́ние Кро́вию Его́ и оставле́ние грехо́в. И́же есть о́браз Бо́га неви́димаго, перворожде́н всея́ тва́ри. Я́ко о Нем создана́ бы́ша вся́ческая, я́же на небеси́, и я́же на земли́, ви́димая и неви́димая, а́ще престо́ли, а́ще госпо́дствия, а́ще нача́ла, а́ще вла́сти, вся́ческая Тем и о Нем созда́шася. И Той есть пре́жде всех, и вся́ческая в Нем состоя́тся. И Той есть глава́ те́лу Це́ркве, И́же есть нача́ток, перворожде́н из ме́ртвых, я́ко да бу́дет во всех Той пе́рвенствуя.

Кол 1:12–18

Неделя 28-я.

Зачало 251

Бра́тие, Христо́с есть глава́ те́лу Це́ркве, И́же есть нача́ток, перворожде́н из ме́ртвых, я́ко да бу́дет во всех Той пе́рвенствуя. Я́ко в Нем благоизво́ли всему́ исполне́нию всели́тися, и Тем примири́ти вся́ческая к Себе́, умиротвори́в Кро́вию креста́ Его́, чрез Него́, а́ще земна́я, а́ще ли небе́сная. И вас, иногда́ су́щих очужде́нных и враго́в помышле́ньми в де́лех лука́вых, ны́не же примири́ в те́ле Пло́ти Его́ сме́ртию Его́, предста́вити вас свя́ты и непоро́чны и непови́нны пред Собо́ю, а́ще у́бо пребыва́ете в ве́ре основа́ни и тве́рди, и неподви́жими от упова́ния благовествова́ния, е́же слы́шасте, пропове́данное всей тва́ри поднебе́сней, ему́же бых аз Па́вел служи́тель.

Кол 1:18–23

В среду 21-я недели.

Зачало 252

Бра́тие, ны́не ра́дуюся во страда́ниих мои́х о вас, я́ко исполня́ю лише́ние скорбе́й Христо́вых во пло́ти мое́й за Те́ло Его́, е́же есть Це́рковь. Е́йже бых аз служи́тель по смотре́нию Бо́жию, да́нному мне в вас, испо́лнити сло́во Бо́жие, та́йну сокрове́нную от век и от родо́в, ны́не же яви́ся святы́м Его́, И́мже восхоте́ Бог сказа́ти, ко́е бога́тство сла́вы та́йны сея́ во язы́цех, и́же есть Христо́с в вас, упова́ние сла́вы, Его́же мы пропове́дуем, наказу́юще вся́каго челове́ка и уча́ще вся́кой прему́дрости, да предста́вим вся́каго челове́ка соверше́нна о Христе́ Иису́се, в Не́мже и тружда́юся и подвиза́юся по де́йству Его́ де́йствуемому во мне си́лою.

Кол 1:24–29

В четверток 21-я недели.

Зачало 253

Бра́тие, хощу́ вас ве́дети, коли́к по́двиг и́мам о вас и о су́щих в Лаодики́и и во Иерапо́ли, и ели́цы не ви́деша ли́ца моего́ во пло́ти, да уте́шатся сердца́ их, сне́мшихся в любви́ и во вся́ком бога́тстве извеще́ния ра́зума, в позна́ние та́йны Бо́га и Отца́ и Христа́, в Не́мже суть вся сокро́вища прему́дрости и ра́зума сокрове́нна. Сие́ же глаго́лю, да никто́же вас прельсти́т в словопре́нии. А́ще бо и пло́тию отстою́, но ду́хом с ва́ми есмь, ра́дуяся и ви́дя ваш чин и утвержде́ние ва́шея ве́ры, я́же во Христа́. Я́коже у́бо прия́сте Христа́ Иису́са Го́спода, та́коже в Нем ходи́те, укорене́ни и назда́ни в Нем и изве́ствовани ве́рою, я́коже научи́стеся, избы́точествующе в ней благодаре́нием.

Кол 2:1–7

В пяток 21-я недели.

Зачало 254

Бра́тие, блюди́теся, да никто́же вас бу́дет прельща́я филосо́фиею и тще́тною ле́стию, по преда́нию челове́ческому, по стихи́ам ми́ра, а не по Христе́. Я́ко в том живе́т вся́ко исполне́ние Божества́ теле́сне. И да бу́дете в Нем испо́лнени, и́же есть глава́ вся́кому нача́лу и вла́сти; о Не́мже и обре́зани бы́сте обре́занием нерукотворе́нным, в совлече́нии те́ла грехо́внаго пло́ти, во обре́зании Христо́ве, спогре́бшеся Ему́ креще́нием; о Не́мже и совоста́сте ве́рою, де́йством Бо́га, воскреси́вшаго Его́ из ме́ртвых.

Кол 2:8–12

На Обрезание Господне.

Зачало 255

Бра́тие, Бог вы ме́ртвы су́щя в прегреше́ниих и в необре́зании пло́ти ва́шея, сооживи́л есть со Христо́м, дарова́в нам вся прегреше́ния, истреби́в е́же на нас рукописа́ние уче́ньми, е́же бе сопроти́вно нам, и то взят от среды́, пригвозди́в е́ на Кресте́, совле́к нача́ла и вла́сти, изведе́ в позо́р дерзнове́нием, изобличи́в их в Себе́. Да никто́же у́бо вас осужда́ет о яде́нии, или́ о питии́, или́ о ча́сти пра́здника, или́ о новоме́сячиих, или́ о суббо́тах, я́же суть стень гряду́щих, те́ло же Христо́во. Никто́же вас да прельща́ет изволе́нным ему́ смиреному́дрием и слу́жбою А́нгельскою, я́же не уве́де учя́, без ума́ дмя́ся от ума́ пло́ти своея́, а не держя́ главы́, из нея́же все те́ло, соста́вы и соу́зы подае́мо и сне́млемо, расти́т возраще́ние Бо́жие. А́ще у́бо умро́сте со Христо́м от стихи́й ми́ра, почто́ а́ки живу́ще в ми́ре стяза́етеся?

Кол 2:13–20

В понедельник 22-я недели.

Зачало 256

Бра́тие, а́ще умро́сте со Христо́м от стихи́й ми́ра, почто́ а́ки живу́ще в ми́ре стяза́етеся? Не косни́ся, ниже́ вкуси́, ни осяжи́; я́же суть вся во истле́ние употребле́нием, по за́поведем и уче́нием челове́ческим; я́же суть сло́во у́бо иму́ще прему́дрости в самово́льней слу́жбе, и смиреному́дрии и непощаде́нии те́ла, не в че́сти ко́ей к сы́тости пло́ти. А́ще у́бо воскресну́сте со Христо́м, вы́шних ищи́те, иде́же есть Христо́с одесну́ю Бо́га седя́; го́рняя му́дрствуйте, а не земна́я. Умро́сте бо, и живо́т ваш сокрове́н есть со Христо́м в Бо́зе.

Кол 2:20–3:3

Во вторник 22-я недели.

Зачало 257

Бра́тие, егда́ Христо́с яви́тся, живо́т ваш, тогда́ и вы с Ним явите́ся в сла́ве. Умертви́те у́бо у́ды ва́ша, я́же на земли́, блуд, нечистоту́, страсть, по́хоть злу́ю, и лихоима́ние, е́же есть идолослуже́ние. И́хже ра́ди гряде́т гнев Бо́жий на сы́ны противле́ния. В ни́хже и вы иногда́ ходи́сте, егда́ живя́сте в них. Ны́не же отложи́те и вы та вся: гнев, я́рость, зло́бу, хуле́ние, срамосло́вие от уст ва́ших. Не лжи́те друг на дру́га, совле́кшеся ве́тхаго челове́ка с дея́ньми его́. И обле́кшеся в но́ваго, обновля́емаго в ра́зум, по о́бразу созда́вшаго его́. Иде́же несть е́ллин, ни иуде́й, обре́зание, и необре́зание, ва́рвар и скиф, раб и свобо́дь, но вся́ческая и во всех Христо́с.

Кол 3:4–11

Неделя 29-я.

Сие же и в неделю праотцем.

Зачало 258

Бра́тие, облецы́теся у́бо, я́коже избра́ннии Бо́жии, свя́ти и возлю́бленни, во утро́бы щедро́т, бла́гость, смиреному́дрие, кро́тость и долготерпе́ние, прие́млюще друг дру́га и проща́юще себе́, а́ще кто на кого́ и́мать порече́ние, я́коже и Христо́с прости́л есть вам, та́ко и вы. Над все́ми же си́ми стяжи́те любо́вь, я́же есть соу́з соверше́нства. И мир Бо́жий да водворя́ется в сердца́х ва́ших, во́ньже и зва́ни бы́сте во еди́ном те́ле, и благода́рни быва́йте. Сло́во Христо́во да вселя́ется в вас бога́тно, во вся́кой прему́дрости, уча́ще и вразумля́юще себе́ саме́х во псалме́х и пе́ниих и пе́снех духо́вных, во благода́ти пою́ще в сердца́х ва́ших Го́сподеви.

Кол 3:12–16

Неделя 30-я.

Сие же и преподобным.

Зачало 259

Бра́тие, все е́же а́ще что твори́те сло́вом или́ делом, вся во и́мя Го́спода Иису́са Христа́, благодаря́ще Бо́га и Отца́ Тем. Жены́, повину́йтеся свои́м муже́м, я́коже подоба́ет о Го́споде. Му́жие, люби́те жены́ ва́ша, и не огорча́йтеся к ним. Ча́да, послу́шайте роди́телей свои́х во всем, сие́ бо уго́дно есть Го́сподеви. Отцы́, не раздража́йте чад ва́ших, да не уныва́ют. Раби́, послу́шайте по всему́ плотски́х госпо́дий ва́ших, не пред очи́ма то́чию рабо́тающе а́ки человекоуго́дницы, но в простоте́ се́рдца, боя́щеся Бо́га. И вся́ко, е́же а́ще что творите́, от души́ де́лайте, я́коже Го́споду, а не челове́ком, ве́дяще, я́ко от Го́спода прии́мете воздая́ние достоя́ния, Го́споду бо Христу́ рабо́таете. А оби́дяй восприи́мет, е́же оби́де, и несть лица́ обинове́ния. Госпо́дие, пра́вду и уравне́ние рабо́м подава́йте, ве́дяще, я́ко и вы и́мате Го́спода на небесе́х.

Кол 3:17–4:1

В среду 22-я недели.

Зачало 260 (В четверток 22-я недели)

Бра́тие, в моли́тве терпи́те, бо́дрствующе в ней со благодаре́нием. Моля́щеся и о нас вку́пе, да Бог отве́рзет нам две́ри сло́ва, проглаго́лати та́йну Христо́ву, ея́же ра́ди и свя́зан есмь, да явлю́ ю́, я́коже подоба́ет ми глаго́лати. В прему́дрости ходи́те ко вне́шним, вре́мя искупу́юще. Сло́во ва́ше да быва́ет всегда́ во благода́ти, со́лию растворе́но, ве́дети, ка́ко подоба́ет вам еди́ному кому́ждо отвещава́ти. А я́же о мне, вся ска́жет вам Тихи́к, возлю́бленный брат и ве́рен служи́тель и срабо́тник о Го́споде, его́же посла́х к вам на се и́стое, я́ко да разуме́ет я́же о вас и уте́шит сердца́ ва́ша, со Они́симом, ве́рным и возлю́бленным бра́том на́шим, и́же есть от вас, вся вам ска́жут, я́же зде.

Кол 4:2–9

Зачало 260 (Луке Евангелисту)

Бра́тие, в прему́дрости ходи́те ко вне́шним, вре́мя искупу́юще. Сло́во ва́ше да быва́ет всегда́ во благода́ти, со́лию растворе́но, ве́дети, ка́ко подоба́ет вам еди́ному кому́ждо отвещава́ти. А я́же о мне, вся ска́жет вам Тихи́к, возлю́бленный брат и ве́рен служи́тель, и срабо́тник о Го́споде, его́же посла́х к вам на се и́стое, я́ко да разуме́ет я́же о вас и уте́шит сердца́ ва́ша, со Они́симом, ве́рным и возлю́бленным бра́том на́шим, и́же есть от вас, вся вам ска́жут, я́же зде. Целу́ет вы Лука́ врачь возлю́бленный, и Дима́с. Целова́ние мое́ю руко́ю Па́влею. Помина́йте моя́ у́зы. Благода́ть со все́ми ва́ми. Ами́нь.

Кол 4:5–9, 14, 18

Зачало 261

Бра́тие, целу́ет вы Ариста́рх спле́нник мой, и Ма́рко анепсе́й Варна́вин, о не́мже прия́сте за́поведи, а́ще прии́дет к вам, приими́те его́, и Иису́с нарече́нный Иу́ст, су́щии от обре́зания: си́и еди́ни споспе́шницы во Ца́рство Бо́жие, и́же бы́ша ми утеше́ние. Целу́ет вы Епафра́с, и́же от вас, раб Иису́са Христа́, всегда́ подвиза́яйся о вас в моли́твах, да бу́дете соверше́ни и испо́лнени во вся́кой во́ли Бо́жией. Свиде́тельствую бо о нем, я́ко и́мать ре́вность мно́гу и боле́знь о вас и о су́щих в Лаодики́и и во Иерапо́ли. Целу́ет вы Лука́ врачь возлю́бленный, и Дима́с. Целу́йте бра́тию су́щую в Лаодики́и, и Нимфа́на, и дома́шнюю его́ це́рковь. И егда́ прочте́тся посла́ние сие́ у вас, сотвори́те, да и в Лаодики́йстей це́ркви прочте́но бу́дет, и напи́саное от Лаодики́и да и вы прочте́те. И рцы́те Архи́ппу: блюди́ служе́ние, е́же прия́л еси́ о Го́споде, да доверши́ши е́. Целова́ние мое́ю руко́ю Па́влею. Помина́йте моя́ у́зы. Благода́ть со все́ми ва́ми. Ами́нь.

Кол 4:10–18

В пяток 22-я недели.

К СОЛУНЯНОМ ПЕРВОЕ ПОСЛАНИЕ СВЯТАГО АПОСТОЛА ПАВЛА

Зачало 262

Па́вел и Силуа́н, и Тимофе́й це́ркви Солу́нстей о Бо́зе Отце́ и Го́споде Иису́се Христе́: благода́ть вам и мир от Бо́га Отца́ на́шего и Го́спода Иису́са Христа́. Благодари́м Бо́га всегда́ о всех вас, помина́ние ва́ше творя́ще в моли́твах на́ших, непреста́нно помина́юще ва́ше де́ло ве́ры, и труд любве́, и терпе́ние упова́ния Го́спода на́шего Иису́са Христа́, пред Бо́гом и Отце́м на́шим, ве́дяще, бра́тие возлю́бленная, от Бо́га избра́ние ва́ше, я́ко благовествова́ние на́ше не бысть к вам в сло́ве то́чию, но и си́лою, и Ду́хом Святы́м, и во извеще́нии мно́зе, я́коже и ве́сте, какови́ бы́хом в вас ра́ди вас.

1 Фес 1:1–5

В понедельник 23-я недели.

Зачало 263

Бра́тие, вы подо́бницы бы́сте нам и Го́споду, прие́мше сло́во в ско́рби мно́зе с ра́достию Ду́ха Свята́го, я́ко бы́ти вам о́браз всем ве́рующым в Македо́нии и Аха́ии. От вас бо промче́ся сло́во Госпо́дне не то́кмо в Македо́нии и Аха́ии, но и во вся́ко ме́сто ве́ра ва́ша, я́же к Бо́гу, изы́де, я́ко не тре́бовати нам глаго́лати что. Ти́и бо о нас возвеща́ют, како́в вход име́хом к вам, и ка́ко обрати́стеся к Бо́гу от и́дол, рабо́тати Бо́гу жи́ву и и́стинну и жда́ти Сы́на Его́ с небе́с, Его́же воскреси́ из ме́ртвых, Иису́са, избавля́ющаго нас от гне́ва гряду́щаго.

1 Фес 1:6–10

Во вторник 23-я недели.

Зачало 264

Бра́тие, ве́сте вход наш и́же к вам, я́ко не вотще́ бысть, но предпострада́вше и досажде́ни бы́вше, я́коже ве́сте, в Фили́ппех, дерзну́хом о Бо́зе на́шем глаго́лати к вам благовествова́ние Бо́жие со мно́гим по́двигом. Утеше́ние бо на́ше не от пре́лести, ни от нечистоты́, ни ле́стию, но я́коже искуси́хомся от Бо́га ве́рни бы́ти прия́ти благовествова́ние, та́ко глаго́лем, не а́ки челове́ком угожда́юще, но Бо́гу искуша́ющему сердца́ на́ша. Никогда́же бо в словеси́ ласка́ния бы́хом к вам, я́коже ве́сте, ниже́ вино́ю лихоима́ния, Бог свиде́тель! Ни и́щуще от челове́к сла́вы, ни от вас, ни от ине́х, могу́ще в тяготе́ бы́ти, я́коже Христо́вы Апо́столи, но бы́хом ти́си посреде́ вас, я́коже дои́лица гре́ет своя́ ча́да. Та́ко жела́юще вас, благоволи́хом пода́ти вам не то́чию благовествова́ние Бо́жие, но и ду́шы своя́, зане́же возлю́блени бы́сте нам.

1 Фес 2:1–8

В среду 23-я недели.

Зачало 265

Бра́тие, по́мните труд наш и по́двиг: нощь бо и день де́лающе, да не отяготи́ти ни еди́наго от вас, пропове́дахом вам благовествова́ние Бо́жие. Вы свиде́тели и Бог, я́ко преподо́бно и пра́ведно, и непоро́чно вам ве́рующым бы́хом, я́коже ве́сте, зане́ еди́наго кого́ждо вас, я́коже оте́ц ча́да своя́, моля́ще и утеша́юще вас, и свиде́тельствующе вам ходи́ти досто́йно Бо́гу, призва́вшему вы во Свое́ Ца́рство и сла́ву. Сего́ ра́ди и мы благодари́м Бо́га непреста́нно, я́ко прие́мше сло́во слы́шания Бо́жия от нас, прия́сте не а́ки сло́во челове́ческо, но я́коже есть вои́стинну сло́во Бо́жие, е́же и де́йствуется в вас ве́рующих. Вы бо подо́бницы бы́сте, бра́тие, це́рквам Бо́жиим су́щым во Иуде́и о Христе́ Иису́се.

1 Фес 2:9–14

В четверток 23-я недели.

Зачало 266

Бра́тие, вы подо́бницы бы́сте це́рквам Бо́жиим су́щым во Иуде́и о Христе́ Иису́се. Зане́ та́яжде и вы пострада́сте от свои́х сплеме́нник, я́коже и ти́и от иуде́й, уби́вших и Го́спода Иису́са и Его́ проро́ки, и нас изгна́вших, и Бо́гу не угоди́вших, и всем челове́ком проти́вящихся, и возбраня́ющих нам глаго́лати язы́ком, да спасу́тся, во е́же испо́лнити им грехи́ своя́ всегда́, пости́же же на них гнев до конца́. Мы же, бра́тие, осироте́вше от вас ко вре́мени часа́ лице́м, а не се́рдцем, ли́шше тща́хомся лице́ ва́ше ви́дети мно́гим жела́нием. Те́мже хоте́хом приити́ к вам, аз у́бо Па́вел, еди́ною и два́жды, и возбрани́ нам сатана́. Кто бо нам упова́ние или́ ра́дость, или́ вене́ц похвале́ния? Не и вы ли пред Го́сподем на́шим Иису́с Христо́м во прише́ствии Его́?

1 Фес 2:14–19

В пяток 23-я недели.

Зачало 267

Бра́тие, вы есте́ сла́ва на́ша и ра́дость. Те́мже уже́ не терпя́ще, благоволи́хом оста́тися во Афи́нех еди́ни, и посла́хом Тимофе́а, бра́та на́шего и служи́теля Бо́жия и споспе́шника на́шего во благове́стии Христо́ве, утверди́ти вас и уте́шити о ве́ре ва́шей, я́ко ни еди́ному смуща́тися в ско́рбех сих, са́ми бо ве́сте, я́ко на сие́ и́стое лежи́м. И́бо егда́ у вас бе́хом, предреко́хом вам, я́ко и́мамы скорбе́ти, е́же и бысть, и ве́сте. Сего́ ра́ди и аз ктому́ не терпя́, посла́х разуме́ти ве́ру ва́шу, да не ка́ко искуси́л вы бу́дет искуша́яй, и вотще́ бу́дет труд наш. Ны́не же прише́дшу Тимофе́ю к нам от вас и благовести́вшу нам ве́ру ва́шу и любо́вь, и я́ко и́мате па́мять о нас бла́гу, всегда́ жела́юще нас ви́дети, я́коже и мы вас. Сего́ ра́ди уте́шихомся, бра́тие, о вас, во вся́кой ско́рби и ну́жде на́шей, ва́шею ве́рою. Я́ко мы ны́не жи́ви есмы́, а́ще вы стоите́ о Го́споде.

1 Фес 2:20–3:8

В понедельник 24-я недели.

Зачало 268

Бра́тие, ко́е благодаре́ние Бо́гу мо́жем возда́ти о вас, о вся́кой ра́дости, е́юже ра́дуемся вас ра́ди пред Бо́гом на́шим, нощь и день преизли́ха моля́щеся ви́дети лице́ ва́ше и соверши́ти лише́ние ве́ры ва́шея? Сам же Бог и Оте́ц наш и Госпо́дь наш Иису́с Христо́с да испра́вит путь наш к вам. Вас же Госпо́дь да умно́жит и да избы́точествит любо́вию друг ко дру́гу и ко всем, я́коже и мы к вам, во е́же утверди́ти сердца́ ва́ша непоро́чна в святы́ни пред Бо́гом и Отце́м на́шим, в прише́ствие Го́спода на́шего Иису́са Христа́ со все́ми святы́ми Его́. Ами́нь.

1 Фес 3:9–13

Вторник 24-я недели.

Зачало 269

Бра́тие, про́сим вы и мо́лим о Христе́ Иису́се да я́коже прия́сте от нас, ка́ко подоба́ет вам ходи́ти и угожда́ти Бо́гови, я́коже и ходи́те, да избы́точествуете па́че, ве́сте бо, какова́ повеле́ния да́хом вам Го́сподем Иису́сом. Сия́ бо есть во́ля Бо́жия, свя́тость ва́ша, храни́ти себе́ саме́х от блуда́, и ве́дети кому́ждо от вас свой сосу́д стяжава́ти во святы́ни и че́сти, а не в стра́сти по́хотней, я́коже и язы́цы не ве́дящии Бо́га. И е́же не преступа́ти и лихои́мствовати в ве́щи бра́та своего́, зане́ мсти́тель есть Госпо́дь о всех сих, я́коже и пре́жде реко́хом к вам и засвиде́тельствовахом. Не призва́ бо нас Бог на нечистоту́, но во свя́тость. Те́мже у́бо отмета́яй не челове́ка отмета́ет, но Бо́га, да́вшаго Дух Свой Святы́й в нас. О братолю́бии же, не тре́буете, да пи́шется к вам, са́ми бо вы Бо́гом уче́ни есте́, е́же люби́ти друг дру́га, и́бо творите́ то ко всей бра́тии, су́щей во всей Македо́нии. Мо́лим же вы, бра́тие, избы́точествовати па́че, и любе́зно прилежа́ти, е́же безмо́лвствовати и де́яти своя́ и де́лати свои́ми рука́ма, я́коже повеле́хом вам, да хо́дите благообра́зно ко вне́шним и ни еди́наго же тре́бовати.

1 Фес 4:1–12

В среду 24-я недели.

Зачало 270

Бра́тие, не хощу́ вас неве́дети о уме́рших, да не скорбите́, я́коже и про́чии не иму́щии упова́ния. А́ще бо ве́руем, я́ко Иису́с у́мре и воскре́се та́ко и Бог уме́ршия во Иису́се приведе́т с Ним. Сие́ бо вам глаго́лем сло́вом Госпо́дним, я́ко мы живу́щии, оста́вшии в прише́ствие Госпо́дне, не и́мамы предвари́ти уме́рших. Я́ко Сам Госпо́дь в повеле́нии, во гла́се Арха́нгелове и в трубе́ Бо́жии сни́дет с небесе́, и ме́ртвии о Христе́ воскре́снут пе́рвее. Пото́м же мы, живу́щии оста́вшии, ку́пно с ни́ми восхище́ни бу́дем на о́блацех в сре́тение Госпо́дне на возду́се и та́ко всегда́ с Го́сподем бу́дем.

1 Фес 4:13–17

Сие же мертвым.

Зачало 271

Бра́тие, о ле́тех и о времене́х не тре́бе есть вам писа́ти. Са́ми бо вы изве́стно ве́сте, я́ко день Госпо́день, я́коже тать в нощи́, та́ко прии́дет. Егда́ бо реку́т: мир и утвержде́ние, тогда́ внеза́пу нападе́т на них всегуби́тельство, я́коже боле́знь во чре́ве иму́щей, и не и́мут избежа́ти. Вы же, бра́тие, не́сте во тме, да день вас я́коже тать пости́гнет. Вси бо вы сы́нове све́та есте́, и сы́нове дне, не́смы но́щи, ниже́ тмы. Те́мже у́бо да не спим, я́коже и про́чии, но да бо́дрствуим и трезви́мся. Спя́щии бо, в нощи́ спят, и упива́ющиися в нощи́ упива́ются. Мы же, сы́нове су́ще дне, да трезви́мся, обо́лкшеся в броню́ ве́ры и любве́, и шлем упова́ния спасе́ния.

1 Фес 5:1–8

В четверток 24-я недели.

Зачало 272

Бра́тие, не положи́ нас Бог в гнев, но в получе́ние спасе́ния Го́сподем на́шим Иису́с Христо́м, уме́ршим за нас, да а́ще бдим, а́ще ли спим, ку́пно с Ним и оживе́м. Сего́ ра́ди утеша́йте друг дру́га, и созида́йте ко́йждо бли́жняго, я́коже и творите́. Мо́лим же вы, бра́тие, зна́йте тружда́ющихся у вас, и настоя́телей ва́ших о Го́споде, и наказу́ющих вы, и име́йте я́ по преизли́ха в любви́ за де́ло их, ми́рствуйте в себе́. Ве́рен Призва́вый вас, И́же и сотвори́т. Бра́тие, моли́теся о нас. Целу́йте бра́тию всю лобза́нием святы́м. Заклина́ю вы Го́сподем, прочести́ посла́ние сие́ пред все́ю свято́ю бра́тиею. Благода́ть Го́спода на́шего Иису́са Христа́ с ва́ми. Ами́нь.

1 Фес 5:9–13; 24–28

В пяток 24-я недели.

Зачало 273

Бра́тие, мо́лим вы: вразумля́йте безчи́нныя, утеша́йте малоду́шныя, заступа́йте немощны́я, долготерпи́те ко всем. Блюди́те, да никто́же зла за зло кому́ возда́ст, но всегда́ до́брое гони́те, и друг ко дру́гу, и ко всем. Всегда́ ра́дуйтеся, непреста́нно моли́теся, о всем благодари́те, сия́ бо есть во́ля Бо́жия о Христе́ Иису́се в вас. Ду́ха не угаша́йте, проро́чествия не уничижа́йте. Вся же искуша́юще, до́брая держи́те. От вся́кия ве́щи злы́я отгреба́йтеся. Сам же Бог ми́ра да освяти́т вы всесоверше́нны о всем, и всесоверше́н ваш дух, и душа́, и те́ло непоро́чно в прише́ствие Го́спода на́шего Иису́са Христа́ да сохрани́тся.

1 Фес 5:14–23

Суббота 32-я.

К СОЛУНЯНОМ ВТОРОЕ ПОСЛАНИЕ СВЯТАГО АПОСТОЛА ПАВЛА

Зачало 274 (В понедельник 25-я недели)

Па́вел и Силуа́н, и Тимофе́й, це́ркви Солу́нстей, о Бо́зе Отце́ на́шем и Го́споде Иису́се Христе́, благода́ть вам и мир от Бо́га Отца́ на́шего, и Го́спода Иису́са Христа́. Благодари́ти до́лжни есмы́ Бо́га всегда́ о вас, бра́тие, я́коже досто́йно есть, я́ко превозраста́ет ве́ра ва́ша, и мно́жится любо́вь еди́наго коего́ждо всех вас друг ко дру́гу, я́ко саме́м нам хвали́тися о вас в це́рквах Бо́жиих, о терпе́нии ва́шем и ве́ре во всех гоне́ниих ва́ших и ско́рбех, и́хже прие́млете, показа́ние пра́веднаго суда́ Бо́жия, во е́же сподо́битися вам Ца́рствия Бо́жия, его́же ра́ди и стра́ждете. А́ще у́бо пра́ведно у Бо́га, возда́ти скорбь оскорбля́ющым вас, а вам оскорбля́емым отра́ду с на́ми, во открове́нии Го́спода Иису́са с небесе́, со А́нгелы си́лы Своея́, во огни́ пла́менне даю́щаго отмще́ние не ве́дущым Бо́га и не послу́шающым благовествова́ния Го́спода на́шего Иису́са Христа́. И́же му́ку прии́мут, поги́бель ве́чную, от лица́ Госпо́дня и от сла́вы кре́пости Его́, егда́ прии́дет просла́витися во святы́х Свои́х и ди́вен бы́ти во всех ве́ровавших, я́ко уве́рися свиде́тельство на́ше в вас в день он.

2 Фес 1:1–10

Зачало 274 (Во вторник 25-я недели)

Бра́тие, уве́рися свиде́тельство на́ше в вас, в день он. За е́же и мо́лимся всегда́ о вас, да вы сподо́бит зва́нию Бог наш и испо́лнит вся́ко благоволе́ние бла́гости и де́ло ве́ры в си́ле, я́ко да просла́вится и́мя Го́спода на́шего Иису́са Христа́ в вас, и вы в Нем, по благода́ти Бо́га на́шего и Го́спода Иису́са Христа́. Мо́лим же вы, бра́тие, о прише́ствии Го́спода на́шего Иису́са Христа́ и на́шем собра́нии о Нем, не ско́ро подвиза́тися вам от ума́, ни ужаса́тися ниже́ ду́хом, ниже́ сло́вом, ни посла́нием а́ки от нас по́сланным, я́ко уже́ настои́т день Христо́в.

2 Фес 1:10–2:2

Зачало 275

Бра́тие, мо́лим вы о прише́ствии Го́спода на́шего Иису́са Христа́ и на́шем собра́нии о Нем, не ско́ро подвиза́тися вам от ума́, ни ужаса́тися ниже́ ду́хом, ниже́ сло́вом, ни посла́нием а́ки от нас по́сланным, я́ко уже́ настои́т день Христо́в. Да никто́же вас прельсти́т ни по еди́ному же о́бразу, я́ко а́ще не прии́дет отступле́ние пре́жде, и откры́ется челове́к беззако́ния, сын поги́бели, проти́вник и превознося́йся па́че вся́каго глаго́лемаго Бо́га или́ чти́лища, я́коже ему́ се́сти в це́ркви Бо́жией а́ки Бо́гу, показу́ющу себе́, я́ко Бог есть. Не по́мните ли, я́ко еще́ живы́й у вас, сия́ глаго́лах вам? И ны́не одержа́щее ве́сте, во е́же яви́тися ему́ в свое́ ему́ вре́мя. Та́йна бо уже́ де́ется беззако́ния, то́чию держя́й ны́не до́ндеже от среды́ бу́дет, и тогда́ яви́тся беззако́нник, его́же Госпо́дь Иису́с убие́т ду́хом уст Свои́х, и упраздни́т явле́нием прише́ствия Своего́, его́же есть прише́ствие по де́йству сатанину́ во вся́кой си́ле и зна́мениих и чудесе́х ло́жных, и во вся́кой льсти непра́вды в погиба́ющих, зане́ любве́ и́стины не прия́ша, во е́же спасти́ся им. И сего́ ра́ди по́слет им Бог де́йство льсти, во е́жеве́ровати им лжи, да суд прии́мут вси неве́ровавшии и́стине, но благоволи́вше в непра́вде.

2 Фес 2:1–12

В среду 25-я недели.

Зачало 276

Бра́тие, мы до́лжни есмы́ благодари́ти Бо́га всегда́ о вас, бра́тие возлю́бленная от Го́спода, я́ко избра́л есть вас Бог от нача́ла во спасе́ние во святы́ни Ду́ха и ве́ры и́стины, в не́же призва́ вас благовествова́нием на́шим, в получе́ние сла́вы Го́спода на́шего Иису́са Христа́. Те́мже у́бо, бра́тие, сто́йте и держи́те преда́ния, и́мже научи́стеся или́ сло́вом, или́ посла́нием на́шим. Сам же Госпо́дь наш Иису́с Христо́с, и Бог и Оте́ц наш, возлюби́вый нас, и да́вый утеше́ние ве́чно, и упова́ние бла́го в благода́ти, да уте́шит сердца́ ва́ша, и да утверди́т во вся́ком сло́ве и де́ле бла́зе. Про́чее же моли́теся о нас, бра́тие, да сло́во Госпо́дне тече́т и сла́вится, я́коже и в вас, и да изба́вимся от злых и лука́вых челове́к, не всех бо есть ве́ра. Ве́рен есть Госпо́дь, И́же утверди́т вы и сохрани́т от лука́ваго. Упова́ем же на Го́спода о вас, я́ко я́же повелева́ем вам, и творите́ и сотворите́. Госпо́дь же да испра́вит сердца́ ва́ша в любо́вь Бо́жию и в терпе́ние Христо́во.

2 Фес 2:13–3:5

В четверток 25-я недели.

Зачало 277

Бра́тие, повелева́ем вам о и́мени Го́спода на́шего Иису́са Христа́, отлуча́тися вам от вся́каго бра́та безчи́нно ходя́ща, а не по преда́нию, е́же прия́ша от нас. Са́ми бо ве́сте, ка́ко ле́по есть вам подо́битися нам, я́ко не безчи́нновахом у вас, ни ту́не хлеб ядо́хом у кого́, но в труде́ и по́двизе, нощь и день де́лающе, да не отягчи́м никого́же от вас. Не я́ко не и́мамы вла́сти, но я́ко да себе́ о́браз да́мы вам, во е́же уподо́битися нам. И́бо егда́ бе́хом у вас, сие́ завещава́хом вам: я́ко а́ще кто не хо́щет де́лати ниже́ да яст. Слы́шим бо не́кия безчи́нно ходя́щыя у вас, ничто́же де́лающыя, но лука́вно обходя́щыя. Таковы́м запреща́ем и мо́лим о Го́споде на́шем Иису́се Христе́, да с безмо́лвием де́лающе, свой хлеб ядя́т. Вы же, бра́тие, не стужа́йте си до́брое творя́ще. А́ще ли же кто не послу́шает словесе́ на́шего посла́нием, сего́ назна́менуйте и не примеша́йтеся ему́, да посрами́тся. И не а́ки врага́ име́йте его́, но наказу́йте я́коже бра́та. Сам же Госпо́дь ми́ра да даст вам мир всегда́ во вся́ком о́бразе. Госпо́дь со все́ми ва́ми. Целова́ние мое́ю руко́ю Па́влею, е́же есть зна́мение во вся́ком посла́нии, си́це пишу́: благода́ть Го́спода на́шего Иису́са Христа́ со все́ми ва́ми. Ами́нь.

2 Фес 3:6–18

Пяток 25-я недели.

К ТИМОФЕЮ ПЕРВОЕ ПОСЛАНИЕ СВЯТАГО АПОСТОЛА ПАВЛА

Зачало 278

Па́вел, посла́нник Иису́с Христо́в по повеле́нию Бо́га Спа́са на́шего и Го́спода Иису́са Христа́ упова́ния на́шего, Тимофе́ю при́сному ча́ду в ве́ре, благода́ть, ми́лость, мир от Бо́га Отца́ на́шего и Христа́ Иису́са Го́спода на́шего. Я́коже умоли́х тя пребы́ти во Ефе́се иды́й в Македо́нию, да завеща́еши не́ким не и́нако учи́ти, ниже́ внима́ти ба́снем и родосло́вием безконе́чным, я́же стяза́ния творя́т па́че, не́жели Бо́жие строе́ние, е́же в ве́ре. Коне́ц же завеща́ния есть любы́ от чи́ста се́рдца и со́вести бла́ги и ве́ры нелицеме́рныя, и́хже не́цыи погреши́вше, уклони́шася в суесло́вия, хотя́ще бы́ти законоучи́теле, не разуме́юще ни я́же глаго́лют, ни о ни́хже утвержда́ют.

1 Тим 1:1–7

В понедельник 26-я недели.

Зачало 279

Ча́до Тимофе́е, ве́мы я́ко добр зако́н есть, а́ще кто его́ зако́нне твори́т, ве́дый сие́, я́ко пра́веднику зако́н не лежи́т, но беззако́нным и непокори́вым, нечести́вым же и гре́шником, непра́ведным и скве́рным, отца́ и ма́тере досади́телем, мужеуби́йцам, блуднико́м, мужело́жником, разбо́йником, клеветнико́м, скотоло́жником, лжи́вым, клятвопресту́пником, и а́ще что и́но здра́вому уче́нию проти́вится, по благове́стию сла́вы блаже́ннаго Бо́га, е́же мне уве́рено бысть. И благодарю́ укрепля́ющаго мя Христа́ Иису́са Го́спода на́шего, я́ко ве́рна мя непщева́, положи́в мя в слу́жбу, бы́вша мя иногда́ ху́льника и гони́теля и досади́теля, но поми́лован бых, я́ко неве́дый сотвори́х в неве́рствии, упреумно́жися же благода́ть Го́спода на́шего Иису́са Христа́ с ве́рою и любо́вию я́же о Христе́ Иису́се.

1 Тим 1:8–14

Во вторник 26-я недели.

Зачало 280 (Октовриа 2)

Ча́до Тимофе́е, благодарю́ укрепля́ющаго мя Христа́ Иису́са Го́спода на́шего, я́ко ве́рна мя непщева́, положи́в мя в слу́жбу, бы́вша мя иногда́ ху́льника и гони́теля и досади́теля, но поми́лован бых, я́ко неве́дый сотвори́х в неве́рствии, упреумно́жися же благода́ть Го́спода на́шего Иису́са Христа́ с ве́рою и любо́вию я́же о Христе́ Иису́се. Ве́рно сло́во и вся́каго прия́тия досто́йно, я́ко Христо́с Иису́с прии́де в мир гре́шники спасти́, от ни́хже пе́рвый есмь аз. Но сего́ ра́ди поми́лован бых, да о мне пе́рвом пока́жет Иису́с Христо́с все долготерпе́ние, за о́браз хотя́щих ве́ровати Ему́ в жизнь ве́чную. Царю́ же веко́в нетле́нному, неви́димому, еди́ному прему́дрому Бо́гу, честь и сла́ва во ве́ки веко́в. Ами́нь.

1 Тим 1:12–17

Зачало 280 (Неделя 31-я)

Ча́до Тимофе́е, ве́рно сло́во и вся́каго прия́тия досто́йно, я́ко Христо́с Иису́с прии́де в мир гре́шники спасти́, от ни́хже пе́рвый есмь аз. Но сего́ ра́ди поми́лован бых, да во мне пе́рвом пока́жет Иису́с Христо́с все долготерпе́ние, за о́браз хотя́щих ве́ровати Ему́ в жизнь ве́чную. Царю́ же веко́в нетле́нному, неви́димому, еди́ному прему́дрому Бо́гу, честь и сла́ва во ве́ки веко́в. Ами́нь.

1 Тим 1:15–17

Зачало 281

Ча́до Тимофе́е, сие́ завеща́ние предаю́ тебе́ по бы́вших на тя пре́жде проро́чествиих, да во́инствуеши в них до́брое во́инство, име́я ве́ру и благу́ю со́весть, ю́же не́цыи отри́нувше, от ве́ры отпадо́ша. От ни́хже есть Имене́й и Алекса́ндр, и́хже преда́х сатане́, я́ко да нака́жутся не ху́лити. Хощу́ у́бо, да моли́твы творя́т му́жие на вся́ком ме́сте, возде́юще преподо́бныя ру́ки без гне́ва и размышле́ния. Та́кожде и жены́ во украше́нии ле́потном, со стыде́нием и целому́дрием да украша́ют себе́ не в плете́ниих, ни зла́том, или́ би́сером, или́ ри́зами многоце́нными, но е́же подоба́ет жена́м обещава́ющымся благоче́стию, делесы́ благи́ми. Жена́ в безмо́лвии да учи́тся со вся́ким покоре́нием. Жене́ же учи́ти не повелева́ю, ни владе́ти му́жем, но бы́ти в безмо́лвии. Ада́м бо пре́жде со́здан бысть, пото́м же Е́ва. И Ада́м не прельсти́ся, жена́ же прельсти́вшися, в преступле́нии бысть. Спасе́тся же чадоро́дия ра́ди, а́ще пребу́дет в ве́ре и любви́, и во святы́ни с целому́дрием.

1 Тим 1:18–20; 2:8–15

В среду 26-я недели.

Зачало 282

Ча́до Тимофе́е, молю́ пре́жде всех твори́ти моли́твы, моле́ния, проше́ния, благодаре́ния за вся челове́ки, за царя́ и за вся, и́же во вла́сти суть, да ти́хое и безмо́лвное житие́ поживе́м во вся́ком благоче́стии и чистоте́. Сие́ бо добро́ и прия́тно пред Спаси́телем на́шим Бо́гом, И́же всем челове́ком хо́щет спасти́ся и в ра́зум и́стины приити́. Еди́н бо есть Бог, и еди́н хода́тай Бо́га и челове́ков, челове́к Христо́с Иису́с, да́вый Себе́ избавле́ние за всех, свиде́тельство времены́ свои́ми, в не́же поста́влен бых аз пропове́дник и Апо́стол, и́стину глаго́лю о Христе́, не лгу, учи́тель язы́ков в ве́ре и и́стине.

1 Тим 2:1–7

Септемвриа 1.

Зачало 283

Ча́до Тимофе́е, ве́рно сло́во: а́ще кто епи́скопства хо́щет, добра́ де́ла жела́ет. Подоба́ет у́бо епи́скопу бы́ти непоро́чну, еди́ныя жены́ му́жу, тре́звену, целому́дру, благогове́йну, че́стну, страннолюби́ву, учи́тельну, не пия́нице, не би́йце, не сварли́ву, не мшелои́мцу, но кро́тку, не зави́стливу, не сребролю́бцу, свой дом до́бре пра́вящу, ча́да иму́щу в послуша́нии со вся́кою чистото́ю. А́ще же кто своего́ до́му не уме́ет пра́вити, ка́ко о Це́ркви Бо́жией прилежа́ти возмо́жет? Не новокреще́нну, да не разгорде́вся в суд впаде́т и в сеть диа́волю. Подоба́ет же ему́ и свиде́тельство добро́ име́ти от вне́шних, да не в поноше́ние впаде́т и в сеть неприя́знену. Диа́коном та́кожде чи́стым, не двоязы́чным, не вину́ мно́гу внима́ющым, не скверностяжа́тельным, иму́щым та́инство ве́ры в чи́стей со́вести. И си́и у́бо да искуша́ются пре́жде, пото́м же да слу́жат, непоро́чни су́ще. Жена́м та́кожде чи́стым, не клевети́вым, не нава́дницам, тре́звенным, ве́рным о всем. Диа́кони да быва́ют еди́ныя жены́ му́жие, ча́да до́бре заступа́юще и своя́ до́мы. И́бо служи́вшии до́бре степе́нь себе́ добр сниска́ют и мно́гое дерзнове́ние в ве́ре, я́же о Христе́ Иису́се.

1 Тим 3:1–13

В четверток 26-я недели.

Зачало 284

Ча́до Тимофе́е, сия́ пишу́ тебе́, упова́я приити́ к тебе́ ско́ро, а́ще же заме́длю, да уве́си, ка́ко подоба́ет в дому́ Бо́жии жи́ти, я́же есть Це́рковь Бо́га жи́ва, столп и утвержде́ние и́стины. И испове́дуемо ве́лия есть благоче́стия та́йна: Бог яви́ся во пло́ти, оправда́ся в Ду́се показа́ся А́нгелом, пропове́дан бысть во язы́цех, ве́ровася в ми́ре, вознесе́ся во сла́ве. Дух же я́вственне глаго́лет, я́ко в после́дняя времена́ отсту́пят не́цыи от ве́ры, вне́млюще духово́м ле́стьчым и уче́нием бесо́вским, в лицеме́рии лжеслове́сник, сожже́нных свое́ю со́вестию, возбраня́ющих жени́тися, удаля́тися от бра́шен, я́же Бог сотвори́ в снеде́ние со благодаре́нием ве́рным и позна́вшым и́стину. Зане́ вся́кое созда́ние Бо́жие добро́, и ничто́же отме́тно, со благодаре́нием прие́млемо, освяща́ется бо сло́вом Бо́жиим и моли́твою.

1 Тим 3:14–4:5

В субботу пред Просвещением.

Зачало 285 (В пяток 26-я недели)

Ча́до Тимофе́е, вся́кое созда́ние Бо́жие добро́, и ничто́же отме́тно, со благодаре́нием прие́млемо, освяща́ется бо сло́вом Бо́жиим и моли́твою. Сия́ вся сказу́я бра́тии, добр бу́деши служи́тель Иису́са Христа́, пита́емь словесы́ ве́ры и до́брым уче́нием, ему́же после́довал еси́. Скве́рных же и ба́биих ба́сней отрица́йся, обуча́й же себе́ ко благоче́стию. Теле́сное бо обуче́ние вма́ле есть поле́зно, а благоче́стие на все поле́зно есть, обетова́ние име́юще живота́ ны́нешняго и гряду́щаго. Внима́й себе́ и уче́нию и пребыва́й в них: сия́ бо творя́, и сам спасе́шися и послу́шающии тебе́.

1 Тим 4:4–8, 16

Зачало 285 (Неделя 32-я)

Ча́до Тимофе́е, ве́рно сло́во и вся́каго прия́тия досто́йно. На сие́ бо и тружда́емся и поноша́еми есмы́, я́ко упова́хом на Бо́га жи́ва, И́же есть Спаси́тель всем челове́ком, па́че же ве́рным. Завещава́й сия́ и учи́. Никто́же о ю́ности твое́й да неради́т, но о́браз бу́ди ве́рным сло́вом, житие́м, любо́вию, ду́хом, ве́рою, чистото́ю. До́ндеже прииду́, внемли́ чте́нию, утеше́нию, уче́нию. Не неради́ о свое́м дарова́нии живу́щем в тебе́, е́же дано́ тебе́ бысть проро́чеством с возложе́нием рук свяще́нничества. В сих поуча́йся, в сих пребыва́й, в сих разумева́й, да преспе́яние твое́ явле́но бу́дет во всех.

1 Тим 4:9–15

Зачало 285 (В понедельник 27-я недели)

Ча́до Тимофе́е, ста́рцу не твори́ па́кости, но утеша́й я́коже отца́: ю́ношы, я́коже бра́тию, ста́рицы, я́коже ма́тери, ю́ныя, я́коже сестры́, со вся́кою чистото́ю. Вдови́цы чти, су́щыя и́стинныя вдови́цы. А́ще же ка́я вдови́ца ча́да или́ вну́чата и́мать, да уча́тся пре́жде свой дом благочести́вно устро́ити и взае́м воздая́ти роди́телем, сие́ бо есть благоуго́дно пред Бо́гом. А су́щая и́стинная вдови́ца и уедине́на, упова́ на Бо́га и пребыва́ет в моли́твах и моле́ниих день и нощь. Пита́ющаяся же простра́нно, жива́ умерла́. И сия́ завещава́й, да непоро́чни бу́дут. А́ще же кто о свои́х, па́че же о при́сных не промышля́ет, ве́ры отве́рглся есть и неве́рнаго го́рши есть. Вдови́ца же да причита́ется не ме́ньши лет шести́десятих, бы́вши еди́ному му́жу жена́, в де́лех до́брых свиде́тельствуема, а́ще ча́да воспита́ла есть, а́ще святы́х но́зе умы́, а́ще стра́нныя прия́т, а́ще ско́рбным утеше́ние бысть, а́ще вся́кому де́лу бла́гу после́довала есть.

1 Тим 5:1–10

Зачало 286

Ча́до Тимофе́е, ю́ных вдови́ц отрица́йся: егда́ бо разсвире́пеют о Христе́, посяга́ти хотя́т, иму́щя грех, я́ко пе́рвыя ве́ры отверго́шася. Ку́пно же и пра́здны уча́тся обходи́ти до́мы, не то́чию же пра́здны, но и бляди́вы и оплази́вы, глаго́лющыя, я́же не подоба́ет. Хощу́ у́бо ю́ным вдови́цам посяга́ти, ча́да ражда́ти, дом стро́ити, ни еди́ны же вины́ дая́ти проти́вному хулы́ ра́ди. Се у́бо не́кия разврати́шася вслед сатаны́. А́ще кто ве́рен или́ ве́рна и́мать вдови́цы, да довли́т их, я́ко да не тяготи́тся Це́рковь, да су́щих и́стинных вдови́ц удово́лит. Прилежа́щии же до́бре пресви́тери сугу́быя че́сти да сподобля́ются, па́че же тружда́ющиися в сло́ве и уче́нии. Глаго́лет бо Писа́ние: вола́ молотя́ща не оброти́ши, и досто́ин де́латель мзды своея́. На пресви́тера хулы́ не прие́мли, ра́зве при двою́ или́ трие́х свиде́телех. Согреша́ющих же пред все́ми и облича́й, да и про́чии страх и́мут. Засвиде́тельствую пред Бо́гом, и Го́сподем Иису́с Христо́м, и избра́нными его́ А́нгелы, да сия́ сохрани́ши без лицеме́рия, ничесо́же творя́ по уклоне́нию.

1 Тим 5:11–21

Во вторник 27-я недели.

Зачало 287

Ча́до Тимофе́е, руки́ ско́ро не возлага́й ни на кого́же, ниже́ приобща́йся чужы́м грехо́м, себе́ чи́ста соблюда́й. Ктому́ не пий воды́, но ма́ло вина́ прие́мли, стома́ха ра́ди твоего́ и ча́стых твои́х неду́гов. Не́ких же челове́к греси́ явле́ни суть, предваря́юще на суд, не́ким же и после́дствуют. Та́коже и до́брая дела́ явле́на суть, и су́щая и́нако, утаи́тися не мо́гут. Ели́цы суть под и́гом раби́, своя́ господы́ вся́кия че́сти да сподобля́ют, да и́мя Бо́жие не ху́лится и уче́ние. Иму́щии же ве́рны господы́ да не нерадя́т о них, поне́же бра́тия суть, но па́че да рабо́тают, зане́ ве́рни суть и возлю́блени, и́же благода́ть восприе́млющии. Сия́ учи́ и моли́. А́ще ли кто и́нако учи́т и не приступа́ет к здра́вым словесе́м Го́спода на́шего Иису́са Христа́ и уче́нию, е́же по благове́рию, разгорде́вся, ничто́же ве́дый, но неду́гуяй о стяза́ниих и словопре́ниих, от ни́хже быва́ет за́висть, рве́ние, хулы́, непщева́ния лука́ва, бесе́ды злы́я растле́нных челове́ков умо́м и лише́нных и́стины, непщу́ющих приобре́тение бы́ти благоче́стие. Отступа́й от таковы́х. Есть же сниска́ние ве́лие благоче́стие с дово́льством. Ничто́же бо внесо́хом в мир сей я́ве, я́ко ниже́ изнести́ что мо́жем. Име́юще же пи́щу и одея́ние, си́ми дово́льни бу́дем. А хотя́щии богати́тися впа́дают в напа́сти и се́ти, и в по́хоти мно́ги несмы́сленны и врежда́ющыя, я́же погружа́ют челове́ки во всегуби́тельство и поги́бель. Ко́рень бо всем злым сребролю́бие есть, его́же не́цыи жела́юще заблуди́ша от ве́ры, и себе́ пригвозди́ша боле́знем мно́гим. Ты же, о челове́че Бо́жий, сих бе́гай.

1 Тим 5:22–6:11

В среду 27-я недели.

Зачало 288

Ча́до Тимофе́е, гони́ пра́вду, благоче́стие, ве́ру, любо́вь, терпе́ние, кро́тость. Подвиза́йся до́брым по́двигом ве́ры, емли́ся за ве́чную жизнь, в ню́же и зван был еси́, и испове́дал еси́ до́брое испове́дание пред мно́гими свиде́тели. Завещава́ю ти пред Бо́гом оживля́ющим вся́ческая, и Христо́м Иису́сом свиде́тельствовавшим при Понти́йстем Пила́те до́брое испове́дание, соблюсти́ тебе́ за́поведь нескве́рну и незазо́рну, да́же до явле́ния Го́спода на́шего Иису́са Христа́, е́же во своя́ времена́ яви́т блаже́нный и еди́н си́льный, Царь ца́рствующих и Госпо́дь госпо́дствующих, еди́н име́яй безсме́ртие и во све́те живы́й непристу́пнем, Его́же никто́же ви́дел есть от челове́к, ниже́ ви́дети мо́жет, ему́же честь и держа́ва ве́чная. Ами́нь.

1 Тим 6:11–16

В субботу по Рождестве Христове.

Зачало 289

Ча́до Тимофе́е, бога́тым в ны́нешнем ве́це запреща́й не высокому́дрствовати, ниже́ упова́ти на бога́тство погиба́ющее, но на Бо́га жи́ва, даю́щаго нам вся оби́льно в наслажде́ние, благо́е де́лати, богати́тися в де́лех до́брых, благопода́тливым бы́ти, общи́тельным, сокро́вищующе себе́ основа́ние добро́ в бу́дущее, да прии́мут ве́чную жизнь. О, Тимофе́е, преда́ние сохрани́, уклоня́яся скве́рных суесло́вий и прекосло́вий лжеиме́ннаго ра́зума. О не́мже не́цыи хва́лящеся, о ве́ре погреши́ша. Благода́ть с тобо́ю. Ами́нь.

1 Тим 6:17–21

В четверток 27-я недели.

К ТИМОФЕЮ ВТОРОЕ ПОСЛАНИЕ СВЯТАГО АПОСТОЛА ПАВЛА

Зачало 290 (В пяток 27-я недели)

Па́вел, Апо́стол Иису́с Христо́в во́лею Бо́жиею, по обетова́нию жи́зни, я́же о Христе́ Иису́се Тимофе́ю возлю́бленному ча́ду благода́ть, ми́лость, мир от Бо́га Отца́ и Христа́ Иису́са Го́спода на́шего. Не постыди́ся у́бо стра́стию Го́спода на́шего Иису́са Христа́, ни мно́ю ю́зником Его́, но спостражди́ благовествова́нию Христо́ву по си́ле Бо́га, спа́сшаго нас и призва́вшаго зва́нием святы́м, не по дело́м на́шым, но по Своему́ благоволе́нию и благода́ти да́нней нам о Христе́ Иису́се пре́жде лет ве́чных, я́вльшися же ны́не просвеще́нием Спаси́теля на́шего Иису́са Христа́, разруши́вшаго у́бо смерть и возсия́вшаго жизнь и нетле́ние благовествова́нием, в не́же поста́влен бых аз пропове́дник и Апо́стол и учи́тель язы́ков. Ея́же ра́ди вины́ и сия́ стражду́, но не стыжду́ся. Вем бо, Ему́же ве́ровах, и извести́хся, я́ко си́лен есть преда́ние мое́ сохрани́ти в день он. О́браз име́й здра́вых слове́с, и́хже от мене́ слы́шал еси́, в ве́ре и любви́, я́же о Христе́ Иису́се. До́брое завеща́ние соблюди́ Ду́хом Святы́м живу́щим в нас. Ве́си ли сие́, я́ко отврати́шася от мене́ вси, и́же от Аси́и, от ни́хже есть Фиге́лл и Ермоге́н. Да даст же ми́лость Госпо́дь Ониси́форову дому́, я́ко мно́гажды мя упоко́и и вери́г мои́х не постыде́ся, но прише́д в Рим, то́щнее взыска́ мя и обре́те. Да даст ему́ Госпо́дь обрести́ ми́лость от Го́спода в день он, и ели́ко во Ефе́се послужи́ ми, до́брее ты ве́си.

2 Тим 1:1–2, 8–18

Зачало 290 (Святому Апостолу Тимофею)

Ча́до Тимофе́е, благодарю́ Бо́га, Ему́же служу́ от прароди́телей чи́стою со́вестию, я́ко непреста́нную и́мам о тебе́ па́мять в моли́твах мои́х день и нощь, жела́я ви́дети тя, помина́я сле́зы твоя́, да ра́дости испо́лнюся, воспомина́ние прие́мля о су́щей в тебе́ нелицеме́рней ве́ре, я́же всели́ся пре́жде в ба́бу твою́ Лои́ду и в ма́терь твою́ Евники́ю: изве́стен же есмь, я́ко и в тебе́. Ея́же ра́ди вины́ воспомина́ю тебе́ возгрева́ти дар Бо́жий живу́щий в тебе́ возложе́нием руку́ мое́ю. Не бо даде́ нам Бог ду́ха стра́ха, но си́лы и любве́, и целому́дрия. Не постыди́ся у́бо стра́стию Го́спода на́шего Иису́са Христа́, ни мно́ю ю́зником Его́, но спостражди́ благовествова́нию Христо́ву по си́ле Бо́га, спа́сшаго нас и призва́вшаго зва́нием святы́м, не по дело́м на́шым, но по Своему́ благоволе́нию и благода́ти да́нней нам о Христе́ Иису́се.

2 Тим 1:3–9

Зачало 291

Ча́до Тимофе́е, не постыди́ся стра́стию Го́спода на́шего Иису́са Христа́, ни мно́ю ю́зником Его́, но спостражди́ благовествова́нию Христо́ву по си́ле Бо́га, спа́сшаго нас и призва́вшаго зва́нием святы́м, не по дело́м на́шым, но по Своему́ благоволе́нию и благода́ти да́нней нам о Христе́ Иису́се пре́жде лет ве́чных, я́вльшися же ны́не просвеще́нием Спаси́теля на́шего Иису́са Христа́, разруши́вшаго у́бо смерть и возсия́вшаго жизнь и нетле́ние благовествова́нием, в не́же поста́влен бых аз пропове́дник и Апо́стол и учи́тель язы́ков. Ея́же ра́ди вины́ и сия́ стражду́, но не стыжду́ся. Вем бо, Ему́же ве́ровах, и извести́хся, я́ко си́лен есть преда́ние мое́ сохрани́ти в день он. О́браз име́й здра́вых слове́с, и́хже от мене́ слы́шал еси́ в ве́ре и любви́, я́же о Христе́ Иису́се. До́брое завеща́ние соблюди́ Ду́хом Святы́м живу́щим в нас. Ве́си ли сие́, я́ко отврати́шася от мене́ вси, и́же от Аси́и, от ни́хже есть Фиге́лл и Ермоге́н. Да даст же ми́лость Госпо́дь Ониси́форову дому́, я́ко мно́гажды мя упоко́и и вери́г мои́х не постыде́ся, но прише́д в Рим, то́щнее взыска́ мя и обре́те. Да даст ему́ Госпо́дь обрести́ ми́лость от Го́спода в день он, и ели́ко во Ефе́се послужи́ ми, до́брее ты ве́си.

2 Тим 1:8–18

Ноемвриа 28, и исповедником.

Зачало 292

Ча́до Тимофе́е, возмога́й во благода́ти, я́же о Христе́ Иису́се и я́же слы́шал еси́ от мене́ мно́гими свиде́тели, сия́ преда́ждь ве́рным челове́ком, и́же дово́льни бу́дут и ины́х научи́ти. Ты у́бо злопостражди́ я́ко добр во́ин Иису́с Христо́в. Никто́же бо во́ин быва́я обязу́ется ку́плями жите́йскими, да воево́де уго́ден бу́дет. А́ще же и постра́ждет кто, не венча́ется, а́ще не зако́нно му́чен бу́дет. Тружда́ющемуся де́лателю пре́жде подоба́ет от плода́ вкуси́ти. Разуме́й, я́же глаго́лю: да даст у́бо тебе́ Госпо́дь ра́зум о всем. Помина́й Го́спода Иису́са Христа́ воста́вшаго от ме́ртвых, от се́мене Дави́дова, по благовествова́нию моему́, в не́мже злостражду́ да́же до уз, я́ко злоде́й, но сло́во Бо́жие не вя́жется. Сего́ ра́ди вся терплю́ избра́нных ра́ди, да и ти́и спасе́ние улуча́т е́же о Христе́ Иису́се со сла́вою ве́чною.

2 Тим 2:1–10

Мучеником.

Зачало 293

Ча́до Тимофе́е, ве́рно сло́во: а́ще бо со Христо́м умро́хом, то с Ним и оживе́м. А́ще терпи́м, с Ним и воцари́мся, а́ще отве́ржемся, и Той отве́ржется нас, а́ще не ве́руем, Он ве́рен пребыва́ет, отрещи́ бо ся Себе́ не мо́жет. Сия́ воспомина́й, засвиде́тельствуя пред Го́сподем, не словопре́тися, ни на ку́юже потре́бу, на разоре́ние слы́шащих. Потщи́ся себе́ иску́сна поста́вити пред Бо́гом, де́лателя непосты́дна, пра́во пра́вяща сло́во и́стины. Скве́рных же тщегла́сий отмета́йся, наипа́че бо преспе́ют в нече́стие, и сло́во их я́ко га́ггрена жир обря́щет, от ни́хже есть Имене́й и Фили́т, и́же о и́стине погреши́ста, глаго́люща, я́ко воскресе́ние уже́ бысть, и возмуща́ют не́которых ве́ру. Тве́рдое у́бо основа́ние Бо́жие стои́т, иму́щее печа́ть сию́: позна́ Госпо́дь су́щыя Своя́, и да отсту́пит от непра́вды всяк имену́яй и́мя Госпо́дне.

2 Тим 2:11–19

В субботу 33-я недели.

Зачало 294

Ча́до Тимофе́е, в вели́цем дому́ не то́чию сосу́ди зла́ти и сре́бряни суть, но и дре́вяни и гли́няни, и о́ви у́бо в честь, о́ви же не в честь. А́ще же кто очи́стит себе́ от сих, бу́дет сосу́д в честь, освяще́н и благопотре́бен Влады́це, на вся́кое де́ло благо́е угото́ван. Похоте́й ю́ных бе́гай, держи́ся же пра́вды, ве́ры, любве́, ми́ра со все́ми призыва́ющими Го́спода от чи́стаго се́рдца. Бу́их же и ненака́занных стяза́ний отрица́йся, ве́дый, я́ко ражда́ют сва́ры. Рабу́ же Госпо́дню не подоба́ет свари́тися, но ти́ху бы́ти ко всем, учи́тельну, незло́биву, с кро́тостию наказу́ющу проти́вныя, еда́ ка́ко даст им Бог покая́ние в ра́зум и́стины, и возни́кнут от диа́вольския се́ти, жи́ви уловле́ни от него́ в свою́ его́ во́лю.

2 Тим 2:20–26

В понедельник 28-я недели.

Зачало 295

Ча́до Тимофе́е, сие́ веждь, я́ко в после́дния дни наста́нут времена́ лю́та. Бу́дут бо челове́цы самолю́бцы, сребролю́бцы, велича́ви, го́рды, ху́льницы, роди́телем проти́вящиися, неблагода́рни, непра́ведни, нелюбо́вни, непримири́тельни, проде́рзиви, возносли́ви, прелага́тае, клеветницы́, невозде́ржницы, некро́тцы, неблаголю́бцы, преда́теле, на́гли, напыще́ни, сластолю́бцы па́че не́жели боголю́бцы, иму́щии о́браз благоче́стия, си́лы же его́ отве́ргшиися. И сих отвраща́йся. От сих бо суть поныря́ющии в до́мы и пленя́ющии жени́шца отягоще́ны греха́ми, води́мы по́хотьми разли́чными, всегда́ уча́щяся и николи́же в ра́зум и́стины приити́ могу́щя. Я́коже Ианни́й и Иамври́й проти́вистася Моисе́ю, та́кожде и си́и противля́ются и́стине, челове́цы растле́нни умо́м и неиску́сни о ве́ре. Но не преуспе́ют бо́лее: безу́мие бо их явле́но бу́дет всем, я́коже и о́нех бысть.

2 Тим 3:1–9

В субботу 34-ю.

Зачало 296

Ча́до Тимофе́е, ты после́довал еси́ моему́ уче́нию, житию́, приве́ту, ве́ре, долготерпе́нию, любви́, терпе́нию, изгна́нием, страда́нием, якова́ ми бы́ша во Антиохи́и, и во Икони́и, и в Ли́стрех, якова́ изгна́ния прия́х, и от всех мя изба́вил есть Госпо́дь. И вси же хотя́щии благоче́стно жи́ти о Христе́ Иису́се гони́ми бу́дут. Лука́вии же челове́цы и чароде́и преуспе́ют на го́ршее, прельща́юще и прельща́еми. Ты же пребыва́й в ни́хже науче́н еси́ и я́же вве́рена суть тебе́, ве́дый, от кого́ научи́лся еси́. И я́ко из мла́да свяще́нная писа́ния уме́еши, могу́щая тя умудри́ти во спасе́ние ве́рою, я́же о Христе́ Иису́се.

2 Тим 3:10–15

Неделя 33, о мытари и фарисеи.

Зачало 297

Ча́до Тимофе́е, вся́ко Писа́ние богодухнове́нно и поле́зно есть ко уче́нию, ко обличе́нию, ко исправле́нию, к наказа́нию е́же в пра́вде, да соверше́н бу́дет Бо́жий челове́к, на вся́кое де́ло благо́е угото́ван. Засвиде́тельствую же аз пред Бо́гом и Го́сподем на́шим Иису́с Христо́м, хотя́щим суди́ти живы́м и ме́ртвым в явле́нии Его́ и Ца́рствии Его́. Пропове́дуй сло́во, насто́й благовре́менне и безвре́менне, обличи́, запрети́, умоли́ со вся́ким долготерпе́нием и уче́нием. Бу́дет бо вре́мя, егда́ здра́ваго уче́ния не послу́шают, но по свои́х по́хотех изберу́т себе́ учи́тели, че́шеми слу́хом. И от и́стины слух отвратя́т, и к ба́снем уклоня́тся.

2 Тим 3:16–4:4

Во вторник 28-я недели.

Зачало 298

Ча́до Тимофе́е, трезви́ся о всем, злопостражди́, де́ло сотвори́ благове́стника, служе́ние твое́ изве́стно сотвори́. Аз бо уже́ жрен быва́ю, и вре́мя моего́ отше́ствия наста́. По́двигом до́брым подвиза́хся, тече́ние сконча́х, ве́ру соблюдо́х, про́чее у́бо соблюда́ется ми вене́ц пра́вды, его́же возда́ст ми Госпо́дь в день он, пра́ведный Судия́, не то́кмо же мне, но и всем возлю́бльшым явле́ние Его́.

2 Тим 4:5–8

Неделя пред Просвещением.

Зачало 299

Ча́до Тимофе́е, потщи́ся ско́ро приити́ ко мне. Дима́с бо мене́ оста́ви, возлюби́в ны́нешний век, и и́де в Солу́нь, Кри́скент в Галати́ю, Тит в Далма́тию, Лука́ еди́н есть со мно́ю. Ма́рка пое́м приведи́ с собо́ю, есть бо ми благопотре́бен в слу́жбу. Тихи́ка же посла́х во Ефе́с. Фело́н, его́же оста́вих в Троа́де у Ка́рпа, гряды́й принеси́, и кни́ги, па́че же ко́жаныя. Алекса́ндр кова́чь мно́га ми зла сотвори́, да возда́ст ему́ Госпо́дь по дело́м его́, от него́же и ты себе́ блюди́, зело́ бо проти́вится словесе́м на́шым. В пе́рвый мой отве́т никто́же бысть со мно́ю, но вси мя оста́виша, да не вмени́тся им. Госпо́дь же мне предста́ и укрепи́ мя, да мно́ю пропове́дание изве́стно бу́дет, и услы́шат вси язы́цы, и изба́влен бых от уст львов. И изба́вит мя Госпо́дь от вся́каго дела́ лука́ва и спасе́т во Ца́рствие Свое́ Небе́сное, Ему́же сла́ва во ве́ки веко́в. Ами́нь. Целу́й Приски́ллу и Аки́лу и Ониси́форов дом. Ера́ст оста́ в Кори́нфе, Трофи́ма же оста́вих в Мили́те боля́ща. Потщи́ся пре́жде зимы́ приити́. Целу́ют тя Евву́л и Пуд, и Лин, и Клавди́а, и бра́тия вся. Госпо́дь Иису́с Христо́с со ду́хом твои́м. Благода́ть с ва́ми. Ами́нь.

2 Тим 4:9–22

В среду 28-я недели.

К ТИТУ ПОСЛАНИЕ СВЯТАГО АПОСТОЛА ПАВЛА

Зачало 300 (Августа 25)

Па́вел, раб Бо́жий, Апо́стол же Иису́с Христо́в, по ве́ре избра́нных Бо́жиих и ра́зуму и́стины, я́же по благоче́стию, о упова́нии жи́зни ве́чныя, ю́же обетова́ нело́жный Бог пре́жде лет ве́чных, яви́ же во времена́ своя́ сло́во Свое́ пропове́данием, е́же мне поруче́но бысть по повеле́нию Спаси́теля на́шего Бо́га, Ти́ту, при́сному ча́ду по о́бщей ве́ре, благода́ть, ми́лость, мир от Бо́га Отца́ и Го́спода Иису́са Христа́ Спа́са на́шего. Сия́ глаго́ли, и моли́, и облича́й со вся́ким повеле́нием, да никто́же тя преоби́дит. Воспомина́й тем нача́льствующым и владе́ющым повинова́тися и покаря́тися, и ко вся́кому де́лу бла́гу гото́вым бы́ти: ни еди́наго ху́лити, не сварли́вым бы́ти, но ти́хим, вся́ку явля́ющым кро́тость ко всем челове́ком. Бе́хом бо иногда́ и мы несмы́сленни, и непокори́ви, и прельще́ни, рабо́тающе похоте́м и сласте́м разли́чным, в зло́бе и за́висти живу́ще, ме́рзцы су́ще и ненави́дяще друг дру́га. Егда́ послю́ Арте́му к тебе́ или́ Тихи́ка, потщи́ся приити́ ко мне в Никопо́ль, ту бо суди́х озиме́ти. Зи́ну зако́нника и Аполло́са ско́ро предпосли́, и да ничто́же и́ма ску́дно бу́дет. Целу́ют тя со мно́ю су́щии вси. Целу́й лю́бящыя ны в ве́ре. Благода́ть со все́ми ва́ми. Ами́нь.

Тит 1:1–4; 2:15–3:3; 3:12–13, 15

Зачало 300 (В четверток 28-я недели)

Ча́до Ти́те, сего́ ра́ди оста́вих тя в Кри́те, да недоконча́нная испра́виши и устро́иши по всем градо́м пресви́теры, я́коже тебе́ аз повеле́х. А́ще кто есть непоро́чен, еди́ныя жены́ муж, ча́да имы́й ве́рна, не во укоре́нии блуда́, или́ непокори́ва. Подоба́ет бо епи́скопу без поро́ка бы́ти, я́коже Бо́жию строи́телю: не себе́ угожда́ющу, не де́рзу, не напра́сливу, не гневли́ву, не пия́нице, не би́йце, не скверностяжа́тельну, но страннолюби́ву, благолю́бцу, целому́дренну, пра́ведну, преподо́бну, воздержа́тельну, держа́щемуся ве́рнаго словесе́ по уче́нию, да си́лен бу́дет и утеша́ти во здра́вем уче́нии, и проти́вящыяся облича́ти. Суть бо мно́зи непокори́ви, суесло́вцы и умо́м прельще́ни, наипа́че же су́щии от обре́зания, и́хже подоба́ет уста́ загражда́ти, и́же вся до́мы развраща́ют, уча́ще я́же не подоба́ет, скве́рнаго ра́ди прибы́тка. Рече́ же не́кто от них, свой им проро́к: Кри́тяне при́сно лжи́ви, зли́и зве́рие, утро́бы пра́здныя. Свиде́тельство сие́ и́стинно есть. Ея́же ра́ди вины́ облича́й их неща́дно, да здра́ви бу́дут в ве́ре, не внима́юще иуде́йским ба́снем, ни за́поведем челове́к отвраща́ющихся от и́стины. Вся у́бо чи́ста чи́стым, оскверне́ным же и неве́рным ничто́же чи́сто, но оскверни́ся их и ум и со́весть. Бо́га испове́дуют ве́дети, а де́лы отме́щутся Его́, ме́рзцы су́ще и непокори́ви и на вся́кое де́ло благо́е неиску́сни. Ты же глаго́ли, я́же подоба́ет здра́вому уче́нию.

Тит 1:5–2:1

Зачало 301

Ча́до Ти́те, вся чи́ста чи́стым, оскверне́ным же и неве́рным ничто́же чи́сто, но оскверни́ся их и ум и со́весть. Бо́га испове́дуют ве́дети, а де́лы отме́щутся Его́, ме́рзцы су́ще и непокори́ви, и на вся́кое де́ло благо́е неиску́сни. Ты же глаго́ли, я́же подоба́ет здра́вому уче́нию: ста́рцем тре́звенным бы́ти, че́стным, целому́дренным, здра́вствующым ве́рою, любо́вию, терпе́нием. Ста́рицам та́кожде во украше́нии святоле́пным, не клевети́вым, не вину́ мно́гу порабоще́нным, доброучи́тельным, я́ко да уцелому́дрят ю́ныя, мужелю́бицам бы́ти, чадолю́бицам, целому́дренным, чи́стым, до́мы до́бре пра́вящым, благи́м, покаря́ющымся свои́м муже́м, да не сло́во Бо́жие ху́лится. Ю́ношы та́кожде моли́ целому́дрствовати. О всем же сам себе́ подава́я о́браз до́брых дел, во уче́нии незави́стное, че́стность, нетле́ние, сло́во здра́вое, незазо́рное. Да проти́вный посрами́тся, ничто́же име́я глаго́лати о нас уко́рно. Рабы́, свои́м господе́м повинова́тися, во всем благоуго́дным бы́ти, не прекосло́вным, не кра́дущым, но ве́ру вся́ку явля́ющым бла́гу, да уче́ние Спаси́теля на́шего Бо́га украша́ют во всем.

Тит 1:15–2:10

В пяток 28-я недели.

Зачало 302 (На Крещение Господне)

Ча́до Ти́те, яви́ся благода́ть Бо́жия спаси́тельная всем челове́ком, наказу́ющи нас, да отве́ргшеся нече́стия и мирски́х похоте́й, целому́дренно, и пра́ведно, и благоче́стно поживе́м в ны́нешнем ве́це, жду́ще блаже́ннаго упова́ния и явле́ния сла́вы Вели́каго Бо́га и Спа́са на́шего Иису́са Христа́. И́же дал есть Себе́ за ны, да изба́вит ны от вся́каго беззако́ния и очи́стит Себе́ лю́ди избра́нны, ревни́тели до́брым дело́м. Егда́ же благода́ть и человеколю́бие яви́ся Спа́са на́шего Бо́га, не от дел пра́ведных, и́хже сотвори́хом мы, но по Свое́й Его́ ми́лости, спасе́ нас ба́нею пакибытия́ и обновле́нием Ду́ха Свята́го, Его́же излия́ на нас оби́льно Иису́с Христо́м, Спаси́телем на́шим, да оправди́вшеся благода́тию Его́, насле́дницы бу́дем по упова́нию жи́зни ве́чныя.

Тит 2:11–14; 3:4–7

Зачало 302 (В память 5-го собора)

Ча́до Ти́те, ве́рно сло́во, и о сих хощу́ тя извеща́ти, да пеку́тся до́брым дело́м прилежа́ти ве́ровавшии Бо́гу, сия́ суть поле́зна челове́ком и добра́. Бу́их же стяза́ний и родосло́вий и рве́ний и сва́ров зако́нных отступа́й: суть бо неполе́зны и су́етны. Еретика́ челове́ка по пе́рвом и второ́м наказа́нии отрица́йся, ве́дый, я́ко разврати́ся таковы́й, и согреша́ет, и есть самоосужде́н. Егда́ послю́ Арте́му к тебе́ или́ Тихи́ка, потщи́ся приити́ ко мне в Никопо́ль, ту бо суди́х озиме́ти. Зи́ну зако́нника и Аполло́са ско́ро предпосли́, и да ничто́же и́ма ску́дно бу́дет. Да уча́тся же и на́ши до́брым дело́м прилежа́ти в ну́жная тре́бования, да не бу́дут безпло́дни. Целу́ют тя со мно́ю су́щии вси. Целу́й лю́бящыя ны в ве́ре. Благода́ть со все́ми ва́ми. Ами́нь.

Тит 3:8–15

К ФИЛИМОНУ ПОСЛАНИЕ СВЯТАГО АПОСТОЛА ПАВЛА

Зачало 302 (Ноемвриа 22. На память святаго Апостола Филимона.)

Па́вел, ю́зник Иису́с Христо́в, и Тимофе́й брат, Филимо́ну возлю́бленному и споспе́шнику на́шему, и Апфи́и сестре́ возлю́бленней, и Архи́ппу сово́инственнику на́шему, и дома́шней твое́й це́ркви, благода́ть вам и мир от Бо́га Отца́ на́шего, и Го́спода Иису́са Христа́. Благодарю́ Бо́га моего́, всегда́ па́мять о тебе́ творя́ в моли́твах мои́х, слы́шав любо́вь твою́ и ве́ру, ю́же и́маши ко Го́споду Иису́су и ко всем святы́м. Я́ко да обще́ние твоея́ ве́ры де́йственно бу́дет в ра́зуме вся́каго бла́га, е́же в вас, о Христе́ Иису́се. Ра́дость бо и́мам мно́гу и утеше́ние о любви́ твое́й, я́ко утро́бы святы́х почи́ша тобо́ю, бра́те. Сего́ ра́ди мно́гое дерзнове́ние име́я во Христе́ повелева́ти тебе́, е́же потре́бно есть, любве́ же ра́ди па́че молю́, тако́в сый я́коже Па́вел ста́рец, ны́не же и ю́зник Иису́са Христа́, молю́ тя о мое́м ча́де, его́же роди́х во у́зах мои́х Они́сима, иногда́ тебе́ непотре́бнаго, ны́не же тебе́ и мне благопотре́бна, его́же возпосла́х тебе́, ты же его́, си́речь мою́ утро́бу, приими́. Его́же аз хоте́х у себе́ держа́ти, да в тебе́ ме́сто послу́жит ми во у́зах благовествова́ния. Без твоея́ же во́ли ничто́же восхоте́х сотвори́ти, да не а́ки по ну́жди благо́е твое́ бу́дет, но по во́ли. Не́гли бо ра́ди сего́ разлучи́ся на час, да ве́чна того́ прии́меши, не ктому́ а́ки раба́, но вы́ше раба́, бра́та возлю́бленна, па́че же мне, кольми́ же па́че тебе́, и по пло́ти и о Го́споде. А́ще у́бо и́маши мене́ о́бщника, приими́ сего́ я́коже мене́. А́ще же в чесо́м оби́де тебе́, или́ до́лжен есть, мне сие́ вмени́. Аз Па́вел написа́х руко́ю мое́ю, аз возда́м, да не реку́ тебе́, я́ко и сам себе́ ми еси́ до́лжен. Ей, бра́те, аз да получу́ е́же прошу́ у тебе́ о Го́споде: упоко́й мою́ утро́бу о Го́споде. Наде́явся послуша́нию твоему́ написа́х тебе́, ве́дый, я́ко и па́че, е́же глаго́лю, сотвори́ши. Ку́пно же и угото́ви ми оби́тель: упова́ю бо, я́ко моли́твами ва́шими дарова́н бу́ду вам. Целу́ет тя Епафра́с, спле́нник мой о Христе́ Иису́се, Ма́рко, Ариста́рх, Дима́с, Лука́, споспе́шницы мои́. Благода́ть Го́спода на́шего Иису́са Христа́ со ду́хом ва́шим. Ами́нь.

Флм 1:1–25

КО ЕВРЕЕМ ПОСЛАНИЕ СВЯТАГО АПОСТОЛА ПАВЛА

Зачало 303

Многоча́стне и многообра́зне дре́вле Бог, глаго́лавый отце́м во проро́цех. В после́док дний сих глаго́ла нам в Сы́не, Его́же положи́ насле́дника всем, И́мже и ве́ки сотвори́. И́же Сый сия́ние сла́вы и о́браз Ипоста́си Его́, нося́ же вся́ческая глаго́лом си́лы Своея́, Собо́ю очище́ние сотвори́в грехо́в на́ших, се́де одесну́ю Престо́ла вели́чествия на высо́ких. Толи́ко лу́чший быв А́нгел, ели́ко пресла́внее па́че их насле́дствова и́мя. Кому́ бо рече́ когда́ от А́нгел: Сын Мой еси́ Ты, Аз днесь роди́х Тя? И па́ки: Аз бу́ду Ему́ во Отца́, и Той бу́дет Мне в Сы́на. Егда́ же па́ки вво́дит Перворо́днаго во вселе́нную, глаго́лет: и да покло́нятся Ему́ вси А́нгели Бо́жии. И ко А́нгелом у́бо глаго́лет: творя́й А́нгелы Своя́ ду́хи и слуги́ Своя́ огнь паля́щ. К Сы́ну же: престо́л Твой, Бо́же, в век ве́ка, жезл пра́вости, жезл Ца́рствия Твоего́. Возлюби́л еси́ пра́вду и возненави́дел еси́ беззако́ние, сего́ ра́ди пома́за Тя, Бо́же, Бог Твой еле́ем ра́дости па́че прича́стник Твои́х. И па́ки: в нача́ле Ты, Го́споди, зе́млю основа́л еси́, и дела́ руку́ Твое́ю суть небеса́. Та поги́бнут, Ты же пребыва́еши, и вся, я́коже ри́за, обетша́ют, и я́ко оде́жду, свие́ши их, и изменя́тся; Ты же то́йжде еси́, и лета́ Твоя́ не оскуде́ют.

Евр 1:1–12

В субботу первую поста.

Сие же и в навечерии Рождества Христова.

Зачало 304

В нача́ле Ты, Го́споди, зе́млю основа́л еси́, и дела́ руку́ Твое́ю суть Небеса́. Та поги́бнут, Ты же пребыва́еши, и вся, я́коже ри́за, обетша́ют, и я́ко оде́жду, свие́ши их, и изменя́тся, Ты же то́йжде еси́, и ле́та Твоя́ не оскуде́ют. Кому́ же от А́нгел рече́ когда́: седи́ одесну́ю Мене́, до́ндеже положу́ враги́ Твоя́ подно́жие ног Твои́х? Не вси ли суть служе́бнии ду́си, в служе́ние посыла́еми за хотя́щих насле́довати спасе́ние? Сего́ ра́ди подоба́ет нам ли́шше внима́ти слы́шанным, да не когда́ отпа́днем. А́ще бо глаго́ланное А́нгелы сло́во бысть изве́стно и вся́ко преступле́ние и ослуша́ние, пра́ведное прия́т мздовоздая́ние. Ка́ко мы убежи́м, о толи́цем неради́вше спасе́нии, е́же зача́ло прие́мше, глаго́латися от Го́спода слы́шавшими в нас извести́ся?

Евр 1:10–2:3

Неделя вторая поста.

Зачало 305

Бра́тие, а́ще глаго́ланное А́нгелы сло́во бысть изве́стно, и вся́ко преступле́ние и ослуша́ние пра́ведное прия́т мздовоздая́ние, ка́ко мы убежи́м, о толи́цем неради́вше спасе́нии, е́же зача́ло прие́мше глаго́латися от Го́спода, слы́шавшими в нас извести́ся, сосвиде́тельствующу Бо́гу зна́меньми же и чудесы́, и разли́чными си́лами, и Ду́ха Свята́го разделе́ньми, по Свое́й Ему́ во́ли? Не А́нгелом бо покори́ Бог вселе́нную гряду́щую, о не́йже глаго́лем. Засвиде́тельствова же не́где не́кто, глаго́ля: что есть челове́к, я́ко по́мниши его́? Или́ сын челове́ческий, я́ко посеща́еши и́? Ума́лил еси́ его́ ма́лым не́чим от А́нгел, сла́вою и че́стию венча́л еси́ его́ и поста́вил еси́ его́ над де́лы руку́ Твое́ю, вся покори́л еси́ под но́зе его́. Внегда́ же покори́ти ему́ вся́ческая, ничто́же оста́ви ему́ непокоре́но. Ны́не же не у ви́дим ему́ вся́ческая покоре́на. А ума́ленаго ма́лым чим от А́нгел ви́дим Иису́са, за прия́тие сме́рти сла́вою и че́стию венча́нна, я́ко да благода́тию Бо́жиею за всех вку́сит сме́рти. Подоба́ше бо ему́, Его́же ра́ди вся́ческая и И́мже вся́ческая, приве́дшу мно́ги сы́ны в сла́ву, нача́льника спасе́ния их страда́ньми соверши́ти.

Евр 2:2–10

Ноемвриа 8, Архангелом.

Зачало 306

Бра́тие, святя́й и освяща́емии, от Еди́наго вси, ея́же ра́ди вины́ не стыди́тся бра́тию нарица́ти их, глаго́ля: возвещу́ И́мя Твое́ бра́тии Мое́й, посреде́ Це́ркве воспою́ Тя. И па́ки: Аз бу́ду наде́яся Нань. И па́ки: се Аз и де́ти, я́же Ми дал есть Бог. Поне́же у́бо де́ти приобщи́шася пло́ти и кро́ви, и Той прии́скренне приобщи́ся те́хже, да сме́ртию упраздни́т иму́щаго держа́ву сме́рти, си́речь диа́вола, и изба́вит сих, ели́цы стра́хом сме́рти чрез все житие́ пови́нни бе́ша рабо́те. Не от А́нгел у́бо когда́ прие́млет, но от се́мене Авраа́мова прие́млет; отню́дуже до́лжен бе по всему́ подо́битися бра́тии, да ми́лостив бу́дет и ве́рен первосвяще́нник в тех, я́же к Бо́гу, во е́же очи́стити грехи́ людски́я. В не́мже бо пострада́, Сам искуше́н быв, мо́жет и искуша́емым помощи́.

Евр 2:11–18

На Благовещение, и на Собор Богородицы.

Сие же и в Великий Пяток, на 6-м часе.

Зачало 307

Бра́тие свята́я, зва́ния небе́снаго прича́стницы, разуме́йте Посла́нника и Святи́теля испове́дания на́шего Иису́са Христа́, ве́рна су́ща Сотво́ршему Его́, я́коже и Моисе́й во всем дому́ Его́. Мно́жайшей бо сла́ве Сей па́че Моисе́а сподо́бися, ели́ко мно́жайшую честь и́мать па́че до́му сотвори́вый его́. Всяк бо дом созида́ется от не́коего, а сотвори́вый вся́ческая Бог.

Евр 3:1–4

На освящение церкве.

Зачало 308

Бра́тие, Моисе́й ве́рен бе во всем дому́ Его́, я́коже слуга́, во свиде́тельство глаго́латися име́вшым, Христо́с же я́коже Сын в дому́ Свое́м, Его́же дом мы есмы́, а́ще у́бо дерзнове́ние и похвалу́ упова́ния да́же до конца́ изве́стно удержи́м. Те́мже, я́коже глаго́лет Дух Святы́й: днесь, а́ще глас Его́ услы́шите, не ожесточи́те серде́ц ва́ших, я́коже в прогне́вании, по дни искуше́ния в пусты́ни, иде́же искуси́ша Мя отцы́ ва́ши, искуси́ша Мя и ви́деша дела́ Моя́ четы́редесять лет. Сего́ ра́ди негодова́х ро́да того́ и рех: при́сно блу́дят се́рдцем, ти́и же не позна́ша путе́й Мои́х. Я́ко кля́хся во гне́ве Мое́м, а́ще вни́дут в поко́й Мой. Ко́их же негодова́ четы́редесять лет? Не согреши́вших ли, и́хже ко́сти падо́ша в пусты́ни? Кото́рым же кля́лся не вни́ти в поко́ище Его́? Я́ве, я́ко проти́вльшымся. И ви́дим, я́ко не возмого́ша вни́ти за неве́рствие.

Евр 3:5–11; 17–19

В понедельник 29-я недели.

Зачало 309

Бра́тие, блюди́те, да не когда́ бу́дет в не́коем от вас се́рдце лука́во, испо́лнено неве́рия, во е́же отступи́ти от Бо́га жи́ва. Но утеша́йте себе́ на всяк день до́ндеже днесь нарица́ется, да не ожесточи́тся не́кто от вас ле́стию грехо́вною. Прича́стницы бо бы́хом Христу́, а́ще у́бо нача́ток соста́ва да́же до конца́ изве́стен удержи́м. Внегда́ глаго́лет: днесь, а́ще глас Его́ услы́шите, не ожесточи́те серде́ц ва́ших, я́коже в прогне́вании. Не́цыи бо слы́шавше прогне́ваша, но не вси изше́дшии из Еги́пта с Моисе́ом.

Евр 3:12–16

В субботу 2-ю поста.

Зачало 310

Бра́тие, убои́мся у́бо, да не когда́ оста́влену обетова́нию Бо́жию вни́ти в поко́й Его́, яви́тся кто от вас лиши́вся. И́бо есмы́ благовествова́ни, я́коже и они́, но не по́льзова о́нех сло́во слу́ха, нерастворе́нное ве́рою слы́шавших. Вхо́дим бо в поко́й ве́ровавшии, я́коже рече́: я́ко кля́хся во гне́ве Мое́м, а́ще вни́дут в поко́й Мой, а́ще и дело́м от сложе́ния ми́ра бы́вшым. Рече́ бо не́где о седмо́м си́це: и почи́ Бог в день седмы́й от всех дел Свои́х. И о сем па́ки: а́ще вни́дут в поко́й Мой. Поне́же у́бо лише́ни не́цыи вни́ти в него́, и и́же пре́жде благовествова́ни бы́ша, не внидо́ша за непослуша́ние, па́ки не́кий уставля́ет день, днесь, в Дави́де глаго́ля, по толи́цех ле́тех, я́коже пре́жде глаго́лася: днесь, а́ще глас Его́ услы́шите, не ожесточи́те серде́ц ва́ших. А́ще бо бы о́нех Иису́супоко́ил, не бы о ино́м дни глаго́лал по сих. У́бо оста́влено есть и еще́ суббо́тство лю́дем Бо́жиим. Вше́дый бо в поко́й Его́, и той почи́ от дел свои́х, я́коже от Свои́х Бог. Потщи́мся у́бо вни́ти во о́ный поко́й, да не кто в ту́же при́тчу противле́ния впаде́т. Жи́во бо сло́во Бо́жие и де́йственно, и остре́йше па́че вся́каго меча́ обою́ду остра́, и проходя́щее да́же до разделе́ния души́ же и ду́ха, члено́в же и мозго́в, и суди́тельно помышле́нием и мы́слем серде́чным. И несть тварь неявле́на пред Ним, вся же нага́ и объявле́нна пред очи́ма Его́, к Нему́же нам сло́во.

Евр 4:1–13

Во вторник 29-я недели.

Зачало 311 (Неделя 3-я поста)

Бра́тие, иму́ще Архиере́а вели́ка, проше́дшаго небеса́, Иису́са Сы́на Бо́жия, да держи́мся испове́дания. Не и́мамы бо архиере́а не могу́ща спострада́ти не́мощем на́шим, но искуше́на по вся́чeским по подо́бию, ра́зве греха́. Да приступа́ем у́бо с дерзнове́нием к престо́лу благода́ти, я́ко да прии́мем ми́лость и благода́ть обря́щем во благовре́менну по́мощь. Всяк бо первосвяще́нник, от челове́к прие́млемь, за челове́ки поставля́ется на слу́жбы я́же к Бо́гу, да прино́сит да́ры же и жéртвы о гресе́х. Спострада́ти моги́й неве́жствующим и заблужда́ющим, поне́же и той не́мощию обложе́н eсть. И сего́ ра́ди до́лжен eсть я́коже о лю́дех, та́коже и о себе́ приноси́ти за грехи́. Никто́же сам о себе́ прие́млет честь, но зва́нный от Бо́га, я́коже и Ааро́н. Та́ко и Христо́с, не Себе́ просла́ви бы́ти первосвяще́нника, но Глаго́лавый к Нему́: Сын Мой eси́ Ты, Аз днесь роди́х Тя. Я́коже и и́нде глаго́лет: Ты eси́ свяще́нник во век по чи́ну Мелхиседе́кову.

Евр 4:14–5:6

Зачало 311 (Обще святителем)

Бра́тие, никто́же сам о себе́ прие́млет честь, но зва́нный от Бо́га, я́коже и Ааро́н. Та́ко и Христо́с не Себе́ просла́ви бы́ти первосвяще́нника, но Глаго́лавый к Нему́: Сын Мой еси́ Ты, Аз днесь роди́х Тя. Я́коже и и́нде глаго́лет: Ты еси́ свяще́нник во век по чи́ну Мелхиседе́кову. И́же во днех пло́ти Своея́ моле́ния же и моли́твы к Могу́щему спасти́ Его́ от сме́рти с во́плем кре́пким и со слеза́ми прине́с, и услы́шан быв от благогове́инства, а́ще и Сын бя́ше, оба́че навы́че, отону́дуже пострада́, послуша́нию, и соверши́вся бысть всем послу́шающым Его́ вино́вен спасе́ния ве́чнаго, нарече́н от Бо́га Первосвяще́нник по чи́ну Мелхиседе́кову.

Евр 5:4–10

Зачало 312

Бра́тие, о Мелхиседе́це мно́гое нам сло́во и неудо́бь сказа́емое глаго́лати, поне́же не́мощни бы́сте слу́хи. И́бо до́лжни су́ще бы́ти учи́тели ле́та ра́ди, па́ки тре́буете учи́тися, ка́я пи́смена нача́ла слове́с Бо́жиих, и бы́сте тре́бующе млека́, а не кре́пкия пи́щи. Всяк бо причаща́яйся млека́ неиску́сен сло́ва пра́вды, младе́нец бо есть. Соверше́нных же есть тве́рдая пи́ща, иму́щих чу́вствия обуче́на до́лгим уче́нием в разсужде́ние добра́ же и зла. Те́мже оста́вльше нача́ла Христо́ва сло́во, на соверше́ние да веде́мся, не па́ки основа́ние покая́ния полага́юще от ме́ртвых дел, и ве́ры в Бо́га, креще́ний уче́ния, возложе́ния же рук, воскресе́ния же ме́ртвых и суда́ ве́чнаго. И сие́ сотвори́м, а́ще Бог повели́т. Невозмо́жно бо просвеще́нных еди́ною и вкуси́вших да́ра небе́снаго, и прича́стников бы́вших Ду́ха Свята́го, и до́браго вкуси́вших Бо́жия глаго́ла и си́лы гряду́щаго ве́ка, и отпа́дших, па́ки обновля́ти в покая́ние, второ́е распина́ющих Сы́на Бо́жия себе́ и облича́ющих. Земля́ бо пи́вшая сходя́щий на ню мно́жицею дождь и ражда́ющая бы́лия до́брая о́ным, и́миже и де́лаема быва́ет, прие́млет благослове́ние от Бо́га, а износя́щая те́рния и волче́ц непотре́бна есть и кля́твы близ, ея́же кончи́на пожже́ние.

Евр 5:11–6:8

В среду 29-я недели.

Зачало 313

Бра́тие, наде́емся о вас, возлю́бленнии, лу́чших и придержа́щихся спасе́ния, а́ще и та́ко глаго́лем. Не оби́длив бо Бог, забы́ти дела́ ва́шего и труда́ любве́, ю́же показа́сте во и́мя Его́, послужи́вше святы́м и служа́ще. Жела́ем же, коего́ждо вас явля́ти то́же тща́ние ко извеще́нию упова́ния да́же до конца́, да не лени́ви бу́дете, но подража́тели насле́дствующих обетова́ния ве́рою и долготерпе́нием.

Евр 6:9–12

В субботу 4-ю поста.

Зачало 314

Бра́тие, Авраа́му обетова́я Бог, поне́же ни eди́нем имя́ше бо́льшим кля́тися, кля́тся Собо́ю, глаго́ля: вои́стинну благосло́вствуя благословлю́ тя, и мно́жя умно́жу тя. И та́ко долготерпе́в, получи́ обетова́ние. Челове́цы у́бо бо́льшим клену́тся, и вся́кому их прекосло́вию кончи́на во извеще́ние, кля́тва eсть. В не́мже ли́шше хотя́ Бог показа́ти насле́дником обетова́ния непрело́жное сове́та Своего́, хода́тайствова кля́твою. Я́ко да двема́ ве́щма непрело́жныма, в не́юже не возмо́жно солга́ти Бо́гу, кре́пкое утеше́ние и́мамы прибе́гшии, я́тися за предлежа́щее упова́ние. Eже а́ки ко́тву и́мамы души́, тве́рду же и изве́стну, и входя́щую во вну́треннее заве́сы. Иде́же предте́ча о нас вни́де Иису́с, по чи́ну Мелхиседе́кову, Первосвяще́нник быв во ве́ки.

Евр 6:13–20

Неделя 4-я поста.

Зачало 315

Бра́тие, Мелхиседе́к, царь Сали́мский, свяще́нник Бо́га Вы́шняго, и́же сре́те Авраа́ма возвра́щшася от се́ча царе́й и благослови́ его́, ему́же и десяти́ну от всех отдели́ Авраа́м. Пе́рвее у́бо сказу́ется царь пра́вды, пото́м же царь Сали́мский, е́же есть, царь ми́ра, без отца́, без ма́тере, без при́чта ро́да, ни нача́ла днем, ни животу́ конца́ име́я, уподо́блен же Сы́ну Бо́жию, пребыва́ет свяще́нник вы́ну. Ви́дите же, ели́к сей, ему́же и десяти́ну дал есть Авраа́м патриа́рх от избра́нных. И прие́млющии у́бо свяще́нство от сыно́в Леви́ин за́поведь и́мут одеся́тствовати лю́ди по зако́ну, си́речь, бра́тию свою́, а́ще и от чресл Авраа́мовых изше́дшую. Не причита́емый же ро́дом от них, одеся́тствова Авраа́ма и иму́щаго обетова́ния благослови́.

Евр 7:1–6

В четверток 29-я недели.

Зачало 316

Бра́тие, без вся́каго прекосло́вия ме́ньшее от бо́льшаго благословля́ется. И зде у́бо десяти́ны челове́цы умира́ющии прие́млют, та́мо же свиде́тельствуемый, я́ко жив eсть. И да си́це реку́, Авраа́мом и Леви́й прие́мляй десяти́ны, десяти́ны дал eсть. Eще́ бо в чре́слех óтчиих бя́ше, eгда́ сре́те eго́ Мелхиседе́к. А́ще у́бо соверше́нство леви́тским свяще́нством бы́ло, лю́дие бо на нем взаконе́ни бы́ша: ка́я eще́ потре́ба по чи́ну Мелхиседе́кову ино́му воста́ти свяще́ннику, а не по чи́ну Ааро́нову глаго́латися? Прелага́ему у́бо свяще́нству, по ну́жди и зако́ну премене́ние быва́ет. О не́мже бо глаго́лются сия́: коле́ну ино́му причасти́ся, от него́же никто́же приступи́ ко oлтарю́. Я́ве бо, я́ко от коле́на Иу́дова возсия́ Госпо́дь наш, о не́мже коле́не Моисе́й о свяще́нстве ничесо́же глаго́ла. И ли́шше eще́ я́ве eсть, я́ко по подо́бию Мелхиседе́кову воста́нет Свяще́нник ин, И́же не по зако́ну за́поведи плотски́я бысть, но по си́ле живота́ неразруша́емаго. Свиде́тельствует бо, я́ко Ты eси́ свяще́нник во век по чи́ну Мелхиседе́кову.

Евр 7:7–17

На Сретение Господне.

Зачало 317

Бра́тие, отлага́ние быва́ет пре́жде бы́вшия за́поведи за не́мощное ея́ и неполе́зное. Ничто́же бо соверши́л зако́н, привведе́ние же есть лу́чшему упова́нию, и́мже приближа́емся к Бо́гу. И по ели́ку не без кля́твы, они́ бо без кля́твы свяще́нницы бы́вшии, Сей же с кля́твою чрез глаго́лющаго к Нему́: кля́тся Госпо́дь и не раска́ется, Ты еси́ свяще́нник во век по чи́ну Мелхиседе́кову. По толи́ку лу́чшаго заве́та бысть испору́чник Иису́с. И они́ множа́йши свяще́нницы бы́вше, зане́ сме́ртию возбране́ни суть пребыва́ти, Сей же, за е́же пребыва́ти Ему́ во ве́ки, непресту́пное и́мать свяще́нство, те́мже и спасти́ до конца́ мо́жет приходя́щих чрез Него́ к Бо́гу, всегда́ жив сый, во е́же хода́тайствовати о них.

Евр 7:18–25

В пяток 29-я недели.

Зачало 318 (Святителем)

Бра́тие, тако́в нам подоба́ше Архиере́й, преподо́бен, незло́бив, безскве́рнен, отлуче́н от гре́шник и вы́шше Небе́с быв. И́же не и́мать по вся дни ну́жды, я́коже первосвяще́нницы, пре́жде о свои́х гресе́х же́ртвы приноси́ти, пото́м же о людски́х: сие́ бо сотвори́ еди́ною, Себе́ прине́с. Зако́н бо челове́ки поставля́ет первосвяще́нники, иму́щыя не́мощь, сло́во же кля́твенное, е́же по зако́не, Сы́на во ве́ки соверше́нна. Глава́ же о глаго́лемых, такова́ и́мамы Первосвяще́нника, и́же се́де одесну́ю Престо́ла Вели́чествия на Небесе́х, святы́м служи́тель и ски́нии и́стинней, ю́же водрузи́ Госпо́дь, а не челове́к.

Евр 7:26–8:2

Зачало 318 (Павлу исповеднику и иным)

Бра́тие, всяк первосвяще́нник, во е́же приноси́ти да́ры же и же́ртвы, поставля́емь быва́ет, те́мже потре́ба име́ти что и Сему́, е́же принесе́т. А́ще бы у́бо был на земли́, не бы был свяще́нник, су́щым свяще́нником принося́щым по зако́ну да́ры, и́же о́бразу и сте́ни слу́жат небе́сных, я́коже глаго́лано бысть Моисе́ю, хотя́щу сотвори́ти ски́нию: виждь бо, рече́, сотвори́ши вся по о́бразу пока́занному ти на го́ре. Ны́не же лу́чшее улучи́ служе́ние, по ели́ку и лу́чшаго заве́та есть хода́тай, и́же на лу́чшая обетова́ния взако́нися.

Евр 8:3–6

Зачало 319

Бра́тие, а́ще бы пе́рвый зако́н непоро́чен был, не бы второ́му иска́лося ме́сто. Укоря́я бо их глаго́лет: се дни́е гряду́т, глаго́лет Госпо́дь, и совершу́ на дом Изра́илев и на дом Иу́дов заве́т нов, не по заве́ту, его́же сотвори́х отце́м их в день, во́ньже е́мшу ми их за ру́ку, извести́ их от земли́ Еги́петския, зане́ ти́и не пребы́ша в заве́те Мое́м, и Аз неради́х о них, глаго́лет Госпо́дь. Я́ко сей заве́т, его́же завеща́ю дому́ Изра́илеву по о́нех днех, глаго́лет Госпо́дь, дая́ зако́ны Моя́ в мы́сли их, и на сердца́х их напишу́ их, и бу́ду им Бог, и ти́и бу́дут Мне лю́дие. И не и́мать научи́ти ко́ждо и́скренняго своего́ и ко́ждо бра́та своего́, глаго́ля: позна́й Го́спода, я́ко вси уве́дят Мя от ма́ла да́же и до вели́ка их, зане́ ми́лостив бу́ду непра́вдам их и грехо́в их и беззако́ний их не и́мам помяну́ти ктому́. Внегда́ же глаго́лет нов, обветши́ пе́рваго, а обветша́ющее и состаре́ющееся близ есть истле́ния.

Евр 8:7–13

В понедельник 30-я недели.

Зачало 320

Бра́тие, име́яше пе́рвая ски́ниа оправда́ния слу́жбы, свято́е же людско́е. Ски́ниа бо сооружена́ бысть пе́рвая, в не́йже свети́льник, и трапе́за, и предложе́ние хле́бов, я́же глаго́лется Свята́я. По вторе́й же заве́се ски́ниа глаго́лемая, Свята́я святы́х. Зла́ту иму́щи кади́льницу, и ковче́г заве́та окова́н всю́ду зла́том, в не́мже ста́мна злата́ иму́щая ма́нну, и жезл Ааро́нов прозя́бший, и скрижа́ли заве́та. Превы́шше же eго́ херуви́ми сла́вы, осеня́ющии oлта́рь, о ни́хже несть ны́не глаго́лати подро́бну. Сим же та́ко устро́eным, в пе́рвую у́бо ски́нию вы́ну вхожда́ху свяще́нницы, слу́жбы соверша́юще. Во втору́ю же eди́ною в ле́то eди́н архиере́й, не без кро́ве, ю́же прино́сит за себе́, и о людски́х неве́жествиих.

Евр 9:1–7

На Вход Богородицы.

Зачало 321 (Во вторник 30-я недели)

Бра́тие, се явля́ющу Ду́ху Свято́му, я́ко не у яви́ся святы́х путь, еще́ пе́рвей ски́нии иму́щей стоя́ние. Я́же при́тча во вре́мя настоя́щее утверди́ся, в не́же да́рове и же́ртвы прино́сятся, не могу́щыя по со́вести соверши́ти служа́щаго, то́чию в бра́шнах и пития́х, и разли́чных омове́ниих, и оправда́ниих пло́ти, да́же до вре́мене исправле́ния надлежа́щая. И сего́ ра́ди но́вому заве́ту хода́тай есть, да я́ко сме́рти бы́вши, во искупле́ние преступле́ний бы́вших в пе́рвом заве́те, обетова́ние ве́чнаго насле́дия прии́мут зва́ннии. Иде́же бо заве́т, сме́рти ну́жно есть носи́тися завеща́ющаго, заве́т бо в ме́ртвых изве́стен есть: поне́же ничесо́же мо́жет, егда́ жив есть завещава́яй. Те́мже ни пе́рвый без кро́ве обновле́н бысть. Рече́нней бо вся́кой за́поведи по зако́ну от Моисе́а всем лю́дем, прие́м кровь ко́злию и те́льчую, с водо́ю и во́лною червле́ною и иссо́пом, са́мыя же ты́я кни́ги и вся лю́ди покропи́, глаго́ля: сия́ кровь заве́та, его́же завеща́ к вам Бог. И ски́нию же и вся сосу́ды служе́бныя кро́вию та́коже покропи́. И отню́д кро́вию вся очища́ются по зако́ну, и без кровопроли́тия не быва́ет оставле́ние. Ну́жда у́бо бя́ше образо́м небе́сных си́ми очища́тися, саме́м же небе́сным лу́чшими же́ртвами, па́че сих.

Евр 9:8–10; 15–23

Зачало 321 (Неделя 5-я поста. И Симеону Богоприимцу)

Бра́тие, Христо́с, прише́д Архиере́й гряду́щих благ, бо́льшею и соверше́ннейшею ски́ниею, нерукотворе́нною, си́речь, не сея́ тва́ри, ни кро́вию ко́злею, ни те́льчею, но Свое́ю Кро́вию, вни́де eди́ною во свята́я, ве́чное искупле́ние обреты́й. А́ще бо кровь ко́злия и те́льчая, и пе́пел ю́нчий кропя́щий осквернeныя, освяща́ет к пло́тней чистоте́, кольми́ па́че Кровь Христо́ва, И́же Ду́хом Святы́м Себе́ принесе́ непоро́чна Бо́гу, очи́стит со́весть на́шу от ме́ртвых дел, во eже служи́ти нам Бо́гу жи́ву и и́стинну.

Евр 9:11–14

Зачало 322

Бра́тие, не в рукотворе́нная свята́я вни́де Христо́с, противообра́зная и́стинных, но в са́мое Не́бо, ны́не да яви́тся лицу́ Бо́жию о нас. Ни да мно́гащи прино́сит Себе́, я́коже первосвяще́нник вхо́дит во свята́я святы́х по вся ле́та с кро́вию чужде́ю. Поне́же подоба́ше бы Ему́ мно́жицею страда́ти от сложе́ния ми́ра, ны́не же еди́ною в кончи́ну веко́в, во отмета́ние греха́, же́ртвою Свое́ю яви́ся. И я́коже лежи́т челове́ком еди́ною умре́ти, пото́м же суд. Та́ко и Христо́с еди́ною принесе́ся, во е́же вознести́ мно́гих грехи́, второ́е без греха́ яви́тся, жду́щим Его́ во спасе́ние.

Евр 9:24–28

В субботу 5-ю поста.

Зачало 323

Бра́тие, сень имы́й зако́н гряду́щих благ, а не са́мый о́браз веще́й, на вся́кое ле́то те́миже же́ртвами, и́хже прино́сят вы́ну, никогда́же мо́жет приступа́ющих соверши́ти. Поне́же преста́ли бы бы́ти приноси́мы, ни еди́ну ктому́ иму́щым со́весть о гресе́х служа́щым, еди́ною очище́нным. Но в них воспомина́ние грехо́в на ко́еждо ле́то быва́ет, невозмо́жно бо кро́ви ю́нчей и ко́злей отпуща́ти грехи́. Те́мже входя́ в мир, глаго́лет: же́ртвы и приноше́ния не восхоте́л еси́, те́ло же соверши́л Ми еси́, всесожже́ний и о гресе́ не благоволи́л еси́. Тогда́ рех: се иду́, в глави́зне кни́жней написа́ся о Мне, е́же сотвори́ти во́лю Твою́, Бо́же. Вы́ше глаго́ля: я́ко же́ртвы и приноше́ния и всесожже́ний и о гресе́х не восхоте́л еси́, ниже́ благоволи́л еси́, я́же по зако́ну прино́сятся. Тогда́ рече́: се иду́ сотвори́ти во́лю Твою́, Бо́же. Оте́млет пе́рвое, да второ́е поста́вит. О не́йже во́ли освяще́ни есмы́ принесе́нием те́ла Иису́с Христо́ва еди́ною. И всяк у́бо свяще́нник стои́т на всяк день служя́ и ты́я же мно́жицею принося́ же́ртвы, я́же никогда́же мо́гут отя́ти грехо́в. Он же еди́ну о гресе́х прине́с же́ртву, всегда́ седи́т одесну́ю Бо́га, про́чее ожида́я, до́ндеже положа́тся врази́ Его́ подно́жие нога́ма Его́. Еди́нем бо приноше́нием соверши́л есть во ве́ки освяща́емых. Свиде́тельствует же нам и Дух Святы́й, по рече́нному пре́жде: сей заве́т, его́же завеща́ю к ним по днех о́нех, глаго́лет Госпо́дь, дая́ зако́ны Моя́ на сердца́ их, и в помышле́ниих их напишу́ их. Та́же глаго́лет Госпо́дь: и грехо́в их и беззако́ний их не и́мам помяну́ти ктому́. А иде́же отпуще́ние сих, ктому́ несть приноше́ния о гресе́х.

Евр 10:1–18

В среду 30-я недели.

Зачало 324

Бра́тие, иму́ще дерзнове́ние входи́ти во свята́я Кро́вию Иису́с Христо́вою, путе́м но́вым и живы́м, его́же обнови́л есть нам заве́сою, си́речь пло́тию Свое́ю, и Иере́а вели́ка над до́мом Бо́жиим. Да приступа́ем со и́стинным се́рдцем во извеще́нии ве́ры, окропле́ни сердца́ от со́вести лука́выя, и измове́ни телеса́ водо́ю чи́стою. Да держи́м испове́дание упова́ния неукло́нное, ве́рен бо есть Обеща́вый. И да разумева́ем друг дру́га в поощре́нии любве́ и до́брых дел. Не оставля́юще собра́ния своего́, я́коже есть не́ким обы́чай, но друг дру́га подвиза́юще: и толи́ка па́че, ели́ко ви́дите приближа́ющся день су́дный. Во́лею бо согреша́ющим нам по прия́тии ра́зума и́стины, ктому́ о гресе́х не обрета́ется же́ртва. Стра́шно же не́кое ча́яние суда́, и огня́ ре́вность, поя́сти хотя́щаго сопроти́вныя. Отве́рглся кто зако́на Моисе́ова, без милосе́рдия при двою́ или́ трие́х свиде́телех умира́ет. Коли́ко, мните́, го́ршия сподо́бится му́ки, и́же Сы́на Бо́жия попра́вый, и Кровь заве́тную скве́рну возмни́в, в не́йже освяти́ся, и Ду́ха благода́ти укори́вый. Ве́мы бо Ре́кшаго: Мне отмще́ние, Аз возда́м, глаго́лет Госпо́дь. И па́ки: я́ко су́дит Госпо́дь лю́дем Свои́м. Стра́шно есть е́же впа́сти в ру́це Бо́га Жива́го.

Евр 10:19–31

В Пяток Великий на 9-м часе.

Зачало 325

Бра́тие, воспомина́йте пе́рвыя дни ва́ша, в ни́хже просвети́вшеся, мно́гия стра́сти претерпе́сте страда́ний, о́во у́бо, поноше́ньми и скорбьми́ позо́р бы́вше, о́во же, о́бщницы бы́вше живу́щым та́ко. И́бо ю́зам мои́м спострада́сте и разграбле́ние име́ний ва́ших с ра́достию прия́сте, ве́дяще име́ти себе́ име́ние на небесе́х пребыва́ющее и лу́чшее. Не отлага́йте у́бо дерзнове́ния ва́шего, е́же и́мать мздовоздая́ние вели́ко. Терпе́ния бо и́мате потре́бу, да во́лю Бо́жию сотво́рше, прии́мете обетова́ние. И еще́ бо ма́ло ели́ко ели́ко, Гряды́й прии́дет и не укосни́т, а пра́ведный от ве́ры жив бу́дет.

Евр 10:32–38

В субботу 3-ю поста.

Сие же и преподобномучеником.

Зачало 326

Бра́тие, не отлага́йте дерзнове́ния ва́шего, е́же и́мать мздовоздая́ние вели́ко. Терпе́ния бо и́мате потре́бу, да во́лю Бо́жию сотво́рше, прии́мете обетова́ние. И еще́ бо ма́ло ели́ко ели́ко, Гряды́й прии́дет и не укосни́т. А пра́ведный от ве́ры жив бу́дет, и а́ще обине́тся, не благоволи́т душа́ Моя́ о нем. Мы же бра́тие не́смы обинове́ния в поги́бель, но ве́ры в снабде́ние души́. Есть же ве́ра упова́емых извеще́ние, веще́й обличе́ние неви́димых. В сей бо свиде́тельствовани бы́ша дре́внии. Ве́рою разумева́ем соверши́тися веко́м глаго́лом Бо́жиим, во е́же от неявля́емых ви́димым бы́ти. Ве́рою множа́йшую же́ртву А́вель па́че Ка́ина принесе́ Бо́гу, е́юже свиде́тельствован бысть бы́ти пра́ведник, свиде́тельствующу о да́рех его́ Бо́гу, и то́ю уме́рый еще́ глаго́лет. Ве́рою Ено́х преложе́н бысть не ви́дети сме́рти, и не обрета́шеся, зане́ преложи́ его́ Бог, пре́жде бо преложе́ния его́ свиде́тельствован бысть, я́ко угоди́ Бо́гу. Без ве́ры же невозмо́жно угоди́ти Бо́гу, ве́ровати же подоба́ет приходя́щему к Бо́гу, я́ко есть, и взыска́ющым Его́ мздовозда́тель быва́ет. Ве́рою отве́т прии́м Но́е, о ни́хже не у бе ви́дев, и убоя́вся, сотвори́ ковче́г во спасе́ние до́му своего́, е́юже осуди́ весь мир, и я́же по ве́ре пра́вды бысть насле́дник.

Евр 10:35–11:7

В четверток 30-я недели.

Зачало 327

Бра́тие, ве́рою зово́м Авраа́м послу́ша изы́ти на ме́сто, е́же хотя́ше прия́ти в насле́дие, и изы́де не ве́дый, ка́мо гряде́т. Ве́рою и сама́ Са́рра непло́ды си́лу во удержа́ние се́мене прия́т и па́че вре́мене во́зраста роди́, поне́же ве́рна непщева́ Обетова́вшаго. Те́мже и от еди́наго роди́шася, да еще́ умерщвле́ннаго, я́коже зве́зды небе́сныя мно́жеством и я́ко песо́к вскрай мо́ря безчи́сленный. По ве́ре умро́ша си́и вси, не прие́мше обетова́ний, но издале́ча ви́девше я́, и целова́вше, и испове́давше, я́ко стра́ннии и прише́льцы суть на земли́. И́бо такова́я глаго́лющии явля́ются, я́ко оте́чествия взыску́ют. И а́ще бы у́бо о́но по́мнили, из него́же изыдо́ша, име́ли бы вре́мя возврати́тися, ны́не же лу́чшаго жела́ют, си́речь небе́снаго, те́мже не стыди́тся си́ми Бог, Бог нарица́тися их, угото́ва бо им град.

Евр 11:8; 11–16

В пяток 30-я недели.

Зачало 328

Бра́тие, ве́рою прии́де Авраа́м на зе́млю обетова́ния, я́коже на чу́жду, в кро́вы всели́ся со Исаа́ком и Иа́ковом, снасле́дникома обетова́ния того́жде. Жда́ше бо основа́ния иму́щаго гра́да, ему́же худо́жник и соде́тель Бог. Ве́рою приведе́ Авраа́м Исаа́ка искуша́емь, и единоро́днаго приноша́ше, обетова́ния прие́мый. К нему́же глаго́лано бысть: я́ко о Исаа́це нарече́т ти ся се́мя. Помы́слив, я́ко и из ме́ртвых воскреси́ти си́лен есть Бог, те́мже того́ и в при́тчи прия́т. Ве́рою о гряду́щих благослови́ Исаа́к Иа́кова и Иса́ва. Ве́рою, Иа́ков умира́я, коего́ждо сы́на Ио́сифова благослови́, и поклони́ся на верх жезла́ его́. Ве́рою, Ио́сиф умира́я, о исхожде́нии сыно́в Изра́илевых па́мятствова, и о косте́х свои́х запове́да. Ве́рою Моисе́й роди́вся сокрове́н бысть три ме́сяцы от оте́ц свои́х, зане́ ви́деша красно́ отроча́, и не убоя́шася повеле́ния царе́ва. И что еще́ глаго́лю? Не доста́нет бо ми повеству́ющу ле́та о Гедео́не, Вара́це же и Сампсо́не, и Иеффа́и, о Дави́де же и Самуи́ле, и о други́х проро́цех, и́же ве́рою победи́ша ца́рствия, соде́яша пра́вду, получи́ша обетова́ния, загради́ша уста́ львов, угаси́ша си́лу о́гненную, избего́ша о́стрея меча́, возмого́ша от не́мощи, бы́ша кре́пцы во бране́х, обрати́ша в бе́гство полки́ чужи́х. Прия́ша жены́ от воскресе́ния ме́ртвыя своя́, ини́и же избие́ни бы́ша, не прие́мше избавле́ния, да лу́чшее воскресе́ние улуча́т. Друзи́и же руга́нием и ра́нами искуше́ние прия́ша, еще́ же и уз, и темни́ц. Ка́мением побие́ни бы́ша, претре́ни бы́ша, искуше́ни бы́ша, уби́йством меча́ умро́ша, проидо́ша в ми́лотех и в ко́зиях ко́жах, лише́ни, скорбя́ще, озло́блени. И́хже не бе досто́ин весь мир, в пусты́нях скита́ющеся, и в гора́х, и в верте́пах, и в про́пастех земны́х. И си́и вси послу́шествани бы́вше ве́рою, не прия́ша обетова́ния, Бо́гу лу́чшее что о нас предзре́вшу, да не без нас соверше́нство прии́мут.

Евр 11:9–10; 17–23; 32–40

Неделя пред Рождеством Христовым, святых отец.

Зачало 329 (В понедельник 31-я недели)

Бра́тие, ве́рою приведе́ Авраа́м Исаа́ка искуша́емь, и единоро́днаго приноша́ше, обетова́ния прие́мый, к нему́же глаго́лано бысть: я́ко о Исаа́це нарече́т ти ся се́мя. Помы́слив, я́ко и из ме́ртвых воскреси́ти си́лен есть Бог, те́мже того́ и в при́тчи прия́т. Ве́рою о гряду́щих благослови́ Исаа́к Иа́кова и Иса́ва. Ве́рою Иа́ков умира́я коего́ждо сы́на Ио́сифова благослови́ и поклони́ся на верх жезла́ его́. Ве́рою Ио́сиф умира́я о исхожде́нии сыно́в Изра́илевых па́мятствова и о косте́х свои́х запове́да. Ве́рою Моисе́й роди́вся сокрове́н бысть три ме́сяцы от оте́ц свои́х, зане́ ви́деша красно́ отроча́ и не убоя́шася повеле́ния царе́ва. Ве́рою оста́ви Еги́пет, не убоя́вся я́рости царе́вы, Неви́димаго бо я́ко ви́дя, терпя́ше. Ве́рою сотвори́ Па́сху и проли́тие кро́ве, да не погубля́яй перворожде́нная ко́снется их. Ве́рою преидо́ша Чермно́е мо́ре а́ки по су́се земли́, его́же искуше́ние прие́мше Еги́птяне истопи́шася. Ве́рою сте́ны Иерихо́нския падо́ша обхожде́нием седми́х дний. Ве́рою Раа́в блудни́ца не поги́бе с сопроти́вльшимися, прии́мши схо́дники с ми́ром и ины́м путе́м изве́дши.

Евр 11:17–23; 27–31

Зачало 329 (Неделя первая поста, православия)

Бра́тие, ве́рою Моисе́й, вели́к быв, отве́ржеся нарица́тися сын дще́ре фарао́новы. Па́че же изво́ли страда́ти с людьми́ Бо́жиими, не́жели име́ти вре́менную греха́ сла́дость. Бо́льшее бога́тство вмени́в еги́петских сокро́вищ поноше́ние Христо́во, взира́ше бо на мздовоздая́ние. И что eще́ глаго́лю? Не доста́нет бо ми повеству́ющу ле́та, о Гедео́не, Вара́це же и Сампсо́не и Иеффа́и, о Дави́де же и Самуи́ле, и о други́х проро́цех, и́же ве́рою победи́ша ца́рствия, соде́яша пра́вду, получи́ша обетова́ния, загради́ша уста́ львов, угаси́ша си́лу óгненную, избего́ша óстрея меча́, возмого́ша от не́мощи, бы́ша кре́пцы во бране́х, обрати́ша в бе́гство полки́ чужи́х. Прия́ша жeны́ от воскресе́ния ме́ртвыя своя́; ини́и же избие́ни бы́ша, не прие́мше избавле́ния, да лу́чшее воскресе́ние улуча́т. Друзи́и же руга́нием и ра́нами искуше́ние прия́ша, eще́ же и уз и темни́ц. Ка́мением побие́ни бы́ша, претре́ни бы́ша, искуше́ни бы́ша, уби́йством меча́ умро́ша, проидо́ша в ми́лотех, и в ко́зиях ко́жах, лише́ни, скорбя́ще, озло́блени. И́хже не бе досто́ин весь мир, в пусты́нях скита́ющеся, и в гора́х, и в верте́пах, и в про́пастех земны́х. И си́и вси послу́шествовани бы́вше ве́рою, не прия́ша обетова́ния, Бо́гу лу́чшее что о нас предзре́вшу, да не без нас соверше́нство прии́мут. Те́мже у́бо и мы, толи́к иму́ще облежа́щь нас о́блак свиде́телей, го́рдость вся́ку отло́жше, и удо́бь обстоя́тельный грех, терпе́нием да тече́м на предлежа́щий нам по́двиг, взира́юще на нача́льника ве́ры и соверши́теля Иису́са.

Евр 11:24–26; 32–12:2

Зачало 330

Бра́тие, святи́и вси ве́рою победи́ша ца́рствия, соде́яша пра́вду, получи́ша обетова́ния, загради́ша уста́ львов, угаси́ша си́лу о́гненную, избего́ша о́стрея меча́, возмого́ша от не́мощи, бы́ша кре́пцы во бране́х, обрати́ша в бе́гство полки́ чужи́х. Прия́ша жены́ от воскресе́ния ме́ртвыя своя́; ини́и же избие́ни бы́ша, не прие́мше избавле́ния, да лу́чшее воскресе́ние улуча́т; друзи́и же руга́нием и ра́нами искуше́ние прия́ша, еще́ же и уз, и темни́ц. Ка́мением побие́ни бы́ша, претре́ни бы́ша, искуше́ни бы́ша, уби́йством меча́ умро́ша, проидо́ша в ми́лотех, и в ко́зиях ко́жах, лише́ни, скорбя́ще, озло́блени. И́хже не бе досто́ин весь мир, в пусты́нях скита́ющеся, и в гора́х, и в верте́пах, и в про́пастех земны́х. И си́и вси послу́шествовани бы́вше ве́рою, не прия́ша обетова́ния, Бо́гу лу́чшее что о нас предзре́вшу, да не без нас соверше́нство прии́мут. Те́мже у́бо и мы, толи́к иму́ще облежа́щь нас о́блак свиде́телей, го́рдость вся́ку отло́жше, и удо́бь обстоя́тельный грех, терпе́нием да тече́м на предлежа́щий нам по́двиг, взира́юще на нача́льника ве́ры и соверши́теля Иису́са.

Евр 11:33–12:2

Неделя всем святым.

Зачало 331 (Марта 9, святых великомученик 40)

Бра́тие, толи́к иму́ще облежа́щь нас о́блак свиде́телей, го́рдость вся́ку отло́жше и удо́бь обстоя́тельный грех, терпе́нием да тече́м на предлежа́щий нам по́двиг, взира́юще на нача́льника ве́ры и соверши́теля Иису́са, И́же вме́сто предлежа́щия Ему́ ра́дости претерпе́ крест, о срамоте́ неради́в, одесну́ю же престо́ла Бо́жия се́де. Помы́слите у́бо таково́е Пострада́вшаго от гре́шник на Себе́ прекосло́вие, да не стужа́ете, душа́ми свои́ми ослабля́еми. Не у до кро́ве ста́сте, проти́ву греха́ подвиза́ющеся, и забы́сте утеше́ние, е́же вам я́ко сыно́м глаго́лет: сы́не мой, не пренемога́й наказа́нием Госпо́дним, ниже́ ослабе́й, от Него́ облича́емь. Его́же бо лю́бит Госпо́дь, наказу́ет, бие́т же вся́каго сы́на, его́же прие́млет. А́ще наказа́ние терпите́, я́коже сыново́м обрета́ется вам Бог. Кото́рый бо есть сын, его́же не наказу́ет оте́ц? А́ще же без наказа́ния есте́, ему́же прича́стницы бы́ша вси, у́бо прелюбоде́йчищи есте́, а не сы́нове. К сим, пло́ти на́шей отца́ име́хом наказа́теля, и срамля́хомся, не мно́го ли па́че повине́мся Отцу́ духово́м, и жи́ви бу́дем? Они́ бо в ма́ло дней, я́коже го́де им бе, нака́зоваху нас, а Сей на по́льзу, да причасти́мся святы́ни Его́.

Евр 12:1–10

Зачало 331 (Сие трусу)

Бра́тие, его́же лю́бит Госпо́дь, наказу́ет: бие́т же вся́каго сы́на, его́же прие́млет. А́ще наказа́ние терпите́, я́коже сыново́м обрета́ется вам Бог. Кото́рый бо есть сын, его́же не наказу́ет оте́ц? А́ще же без наказа́ния есте́, ему́же прича́стницы бы́ша вси, у́бо прелюбоде́йчищи есте́, а не сы́нове. К сим, пло́ти на́шей отца́ име́хом наказа́теля, и срамля́хомся: не мно́го ли па́че повине́мся Отцу́ духово́м, и жи́ви бу́дем? Они́ бо в ма́ло дней, я́коже го́де им бе, нака́зоваху нас, а Сей на по́льзу, да причасти́мся святы́ни Его́. Вся́кое бо наказа́ние в настоя́щее вре́мя не мни́тся ра́дость бы́ти, но печа́ль: последи́ же плод ми́рен науче́ным тем воздае́т пра́вды. Те́мже осла́бленныя ру́ки и осла́бленная коле́на испра́вите. И стези́ пра́вы сотвори́те нога́ми ва́шими, да не хро́мое соврати́тся, но па́че да исцеле́ет. Блюди́те же, да не отрече́теся Глаго́лющаго, а́ще бо не избежа́ша они́, отре́кшиися проро́чествующаго на земли́, мно́жае па́че мы отрица́ющиися Небе́снаго. Его́же глас зе́млю тогда́ поколеба́, ны́не же обетова́, глаго́ля: еще́ еди́ною Аз потрясу́ не то́кмо земле́ю, но и не́бом. А е́же, еще́ еди́ною, сказу́ет коле́блемых преложе́ние, а́ки сотворе́нных, да пребу́дут, я́же суть не подви́жимая.

Евр 12:6–13; 25–27

Зачало 332

Бра́тие, мир име́йте и святы́ню со все́ми, и́хже кроме́ никто́же у́зрит Го́спода. Смотря́юще, да никто́же лиши́тся благода́ти Бо́жия, да не кий ко́рень го́рести, выспрь прозяба́яй, па́кость сотвори́т, и тем оскверня́тся мно́зи. Да не кто блудоде́й, или́ скверни́тель, я́коже Иса́в, и́же за ядь еди́ну отда́л есть перворо́дство свое́. Ве́сте бо, я́ко и пото́м похоте́в насле́довати благослове́ние, отве́ржен бысть, покая́ния бо ме́ста не обре́те, а́ще и со слеза́ми поиска́л его́. Не приступи́сте бо к горе́ осяза́емей и разгоре́вшемуся огню́, и о́блаку и сумра́ку, и бу́ре, и тру́бному зву́ку, и гла́су глаго́л, его́же слы́шавшии отреко́шася, да не приложи́тся им сло́во. Не терпя́ху бо повелева́ющаго, а́ще и зверь прико́снется горе́, ка́мением побие́н бу́дет. И та́ко стра́шно бе ви́димое, Моисе́й рече́: пристра́шен есмь и тре́петен. Но приступи́сте к Сио́нстей горе́ и ко гра́ду Бо́га жива́го, Иерусали́му небе́сному и тмам А́нгелов, торжеству́ и це́ркви перворо́дных на небесе́х напи́санных, и Судии́ всех Бо́гу и духо́м пра́ведник соверше́нных, и к Хода́таю заве́та но́ваго Иису́су и Кро́ви кропле́ния, лу́чше глаго́лющей, не́жели А́велева.

Евр 12:14–24

Егда огня запаления.

Зачало 333 (Во вторник 31-я недели)

Бра́тие, блюди́те да не отрече́теся Глаго́лющаго. А́ще бо не избежа́ша они́ отре́кшиися проро́чествующаго на земли́, мно́жае па́че мы отрица́ющиися небе́снаго, Его́же глас зе́млю тогда́ поколеба́, ны́не же обетова́, глаго́ля: еще́ еди́ною Аз потрясу́ не то́кмо земле́ю, но и не́бом. Молю́ же вы, бра́тие, приими́те сло́во утеше́ния, и́бо вма́ле написа́в посла́х вам. Зна́йте бра́та на́шего отпуще́на Тимофе́а, с ни́мже, а́ще скоре́е прии́дет, узрю́ вас. Целу́йте вся наста́вники ва́ша и вся святы́я. Целу́ют вы и́же от Итали́и су́щии. Благода́ть со все́ми ва́ми. Ами́нь.

Евр 12:25–26; 13:22–25

Зачало 333 (В субботу 6-ю поста, цветоносную)

Бра́тие, ца́рство непоколеби́мо прие́млюще, да и́мамы благода́ть, eюже слу́жим благоуго́дно Бо́гу с благогове́нием и стра́хом, и́бо Бог наш oгнь пояда́яй eсть. Братолю́бие да пребыва́ет. Страннолю́бия не забыва́йте, тем бо не ве́дяще не́цыи странноприя́ша а́нгелы. Помина́йте ю́зники, а́ки с ни́ми свя́зани: озлобля́eмыя, а́ки и са́ми су́ще в те́ле. Честна́ жени́тва во всех и ло́же нескве́рно, блуднико́м же и прелюбоде́eм су́дит Бог. Не сребролю́бцы нра́вом, дово́льни су́щими. Той бо рече́: не и́мам тебе́ оста́вити, ниже́ и́мам от тебe отступи́ти. Я́ко дерза́ющим нам глаго́лати: Госпо́дь мне помо́щник, и не убою́ся, что сотвори́т мне челове́к? Помина́йте наста́вники ва́ша, и́же глаго́лаша вам сло́во Бо́жие, и́хже взира́юще на сконча́ние жи́тельства, подража́йте ве́ре их. Иису́с Христо́с вчера́ и днесь, То́йже и во ве́ки.

Евр 12:28–13:8

Зачало 334

Бра́тие, помина́йте наста́вники ва́ша, и́же глаго́лаша вам сло́во Бо́жие, и́хже взира́юще на сконча́ние жи́тельства, подража́йте ве́ре их. Иису́с Христо́с вчера́ и днесь то́йже, и во ве́ки. В науче́ния стра́нна и разли́чна не прилага́йтеся, добро́ бо благода́тию утвержда́ти сердца́, а не бра́шны, от ни́хже не прия́ша по́льзы ходи́вшии в них. И́мамы же олта́рь, от него́же не и́мут вла́сти я́сти служа́щии се́ни. И́хже бо кровь живо́тных вно́сится во свята́я за грехи́ первосвяще́нником, сих телеса́ сжига́ются вне ста́на. Те́мже Иису́с, да освяти́т лю́ди свое́ю кро́вию, вне врат пострада́ти изво́лил. Те́мже у́бо да исхо́дим к нему́ вне ста́на, поноше́ние его́ нося́ще. Не и́мамы бо зде пребыва́ющаго гра́да, но гряду́щаго взыску́ем. Тем у́бо прино́сим же́ртву хвале́ния вы́ну Бо́гу, си́речь плод усте́н испове́дающихся и́мени Его́. Благотворе́ния же и обще́ния не забыва́йте, таковы́ми бо же́ртвами благоугожда́ется Бог.

Евр 13:7–16

Месяца иулиа в 16 день, память соборов.

Зачало 335

Бра́тие, повину́йтеся наста́вником ва́шим и покаря́йтеся, ти́и бо бдят о душа́х ва́ших, я́ко сло́во возда́ти хотя́ще, да с ра́достию сие́ творя́т, а не воздыха́юще, несть бо поле́зно вам сие́. Моли́теся о нас, упова́ем бо, я́ко добру́ со́весть и́мамы во всем, до́бре хотя́ще жи́ти. Ли́шше же молю́, сие́ твори́те, да вско́ре устро́юся вам. Бог же ми́ра, возведы́й из ме́ртвых Па́стыря овца́м вели́каго, кро́вию заве́та ве́чнаго, Го́спода на́шего Иису́са Христа́, да соверши́т вы во вся́ком де́ле бла́зе, сотвори́ти во́лю Его́, творя́ в вас благоуго́дное пред Ним, Иису́с Христо́м. Ему́же сла́ва во ве́ки веко́в. Ами́нь.

Евр 13:17–21

Святителем.

СКАЗАНИЕ О ПРОКИМЕНАХ И ЕЖЕ КАКО НА ВСЯК ДЕНЬ ДОЛЖНО ЕСТЬ ЧЕСТИ АПОСТОЛ В СЕДМИЦАХ ВСЕГО ЛЕТА

В неделю Пасхи

Прокимен, глас 8: Сей день, его́же сотвори́ Госпо́дь, / возра́дуемся и возвесели́мся вонь. Стих: Испове́дайтеся Го́сподеви я́ко благ, я́ко в век ми́лость Его́.

Апостол в Деяниих, Зачало 1.

Аллилуиа, глас 4: Ты Го́споди воскре́с, уще́дриши Сио́на. Стих: Госпо́дь с небесе́ на зе́млю призре́.

В понедельник светлыя недели

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол в Деяниих, Зачало 2.

Аллилуиа, глас 1: Испове́дят Небеса́ чудеса́ Твоя́, Го́споди. Стих: Бог прославля́емь в сове́те святы́х.

Во вторник светлыя недели

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол в Деяниих, Зачало 4.

Аллилуиа, глас 8: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною и не отве́ржется ея́.

В среду светлыя недели

Прокимен, глас 6: Помяну́ и́мя Твое́ / во вся́ком ро́де и ро́де. Стих: Слы́ши, Дщи, и виждь, и приклони́ у́хо Твое́.

Апостол в Деяниих, Зачало 5.

Аллилуиа, глас 2: Вели́чит душа́ Моя́ Го́спода, и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

В четверток светлыя недели

Прокимен, глас 3: По́йте Бо́гу на́шему, по́йте, / по́йте Царе́ви на́шему, по́йте. Стих: Вси язы́цы восплещи́те рука́ми, воскли́кните Бо́гу гла́сом ра́дования.

Апостол в Деяниих, Зачало 6.

Аллилуиа, глас 4: Наляцы́ и успева́й, и ца́рствуй и́стины ра́ди и кро́тости, и пра́вды. Стих: Возлюби́л еси́ пра́вду, и возненави́дел еси́ беззако́ние.

В пяток светлыя недели

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

И Богородицы, прокимен, глас 3: Вели́чит душа́ Моя́ Го́спода, и возра́довася дух Мой о Бо́зе, Спа́се Мое́м.

Апостол в Деяниих, Зачало 7. И Богородицы, к филипписием, Зачало 240.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х. Стих: Слы́ши, Дщи, и виждь, и приклони́ у́хо Твое́.

В субботу светлыя недели

Прокимен, глас 3: Госпо́дь просвеще́ние мое́ и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся?

Апостол в Деяниих, Зачало 8.

Аллилуиа, глас 5: Госпо́дь воцари́ся, в ле́поту облече́ся. Стих: И́бо утверди́ вселе́нную, я́же не подви́жится.

Неделя 2 о Фоме

Прокимен, глас 3: Ве́лий Госпо́дь наш, и ве́лия кре́пость Его́, / и ра́зума Его́ несть числа́. Стих: Хвали́те Го́спода, я́ко благ псало́м, Бо́гови на́шему да услади́тся хвале́ние.

Апостол в Деяниих, Зачало 14.

Аллилуиа, глас 8: Прииди́те, возра́дуемся Го́сподеви, воскли́кнем Бо́гу, Спаси́телю на́шему. Стих: Я́ко Бог ве́лий Госпо́дь, и Царь ве́лий по всей земли́.

В понедельник: апостол в Деяниих, Зачало 9.

Во вторник: апостол в Деяниих, Зачало 10.

В среду: апостол в Деяниих, Зачало 11.

В четверток: апостол в Деяниих, Зачало 12.

В пяток: апостол в Деяниих, Зачало 13.

В субботу: апостол в Деяниих, Зачало 15.

Неделя 3 о мироносицах

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол в Деяниих, Зачало 16.

Аллилуиа, глас 8: Благоволи́л еси́, Го́споди, зе́млю Твою́, возврати́л еси́ плен Иа́ковль. Стих: Ми́лость и и́стина срето́стеся, пра́вда и мир облобыза́стася.

В понедельник: апостол в Деяниих, Зачало 17.

Во вторник: апостол в Деяниих, Зачало 18.

В среду: апостол в Деяниих, Зачало 19.

В четверток: апостол в Деяниих, Зачало 20.

В пяток: апостол в Деяниих, Зачало 21.

В субботу: апостол в Деяниих, Зачало 22.

Неделя 4 о расслабленнем

Прокимен, глас 1: Бу́ди, Го́споди, ми́лость Твоя́ на нас, / я́коже упова́хом на Тя. Стих: Ра́дуйтеся, пра́веднии, о Го́споде, пра́вым подоба́ет похвала́.

Апостол в Деяниих, Зачало 23.

Аллилуиа, глас 5: Ми́лости Твоя́, Го́споди, во век воспою́. Стих: Зане́ рекл еси́: в век ми́лость сози́ждется.

В понедельник: апостол в Деяниих, Зачало 24.

Во вторник: апостол в Деяниих, Зачало 25.

В среду преполовения

Прокимен, глас 3: Ве́лий Госпо́дь наш, и ве́лия кре́пость Его́, / и ра́зума Его́ несть числа́. Стих: Хвали́те Го́спода, я́ко благ псало́м, Бо́гови на́шему да услади́тся хвале́ние.

Апостол в Деяниих, Зачало 34.

Аллилуиа, глас 1: Помяни́ сонм Твой, его́же стяжа́л еси́ испе́рва. Стих: Бог же Царь наш пре́жде ве́ка, соде́ла спасе́ние посреде́ земли́.

В четверток: апостол в Деяниих, Зачало 26.

В пяток: апостол в Деяниих, Зачало 27.

В субботу: апостол в Деяниих, Зачало 29.

Неделя 5 о самаряныни

Прокимен, глас 3: По́йте Бо́гу на́шему, по́йте, / по́йте Царе́ви на́шему, по́йте. Стих: Вси язы́цы восплещи́те рука́ми, воскли́кните Бо́гу гла́сом ра́дования.

Апостол в Деяниих, Зачало 28.

Аллилуиа, глас 4: Наляцы́, и успева́й, и ца́рствуй и́стины ра́ди, и кро́тости, и пра́вды. Стих: Возлюби́л еси́ пра́вду, и возненави́дел еси́ беззако́ние.

В понедельник: апостол в Деяниих, Зачало 30.

Во вторник: апостол в Деяниих, Зачало 31.

В среду: апостол в Деяниих, Зачало 32.

В четверток: апостол в Деяниих, Зачало 35.

В пяток: апостол в Деяниих, Зачало 36.

В субботу: апостол в Деяниих, Зачало 37.

Неделя 6 о слепом

Прокимен, глас 8: Помоли́теся и воздади́те / Го́сподеви Бо́гу на́шему. Стих: Ве́домь во Иуде́и Бог, во Изра́или ве́лие и́мя Его́.

Апостол в Деяниих, Зачало 38.

Аллилуиа, глас 8: При́зри на мя, и поми́луй мя. Стих: Стопы́ моя́ напра́ви по словеси́ Твоему́.

В понедельник: апостол в Деяниих, Зачало 39.

Во вторник: апостол в Деяниих, Зачало 40 от полу.

В среду отдание Пасхи

Прокимен и аллилуиа Пасхи.

Апостол в Деяниих, Зачало 41.

В четверток Вознесения

Прокимен, глас 7: Вознеси́ся на небеса́, Бо́же, / и по всей земли́ сла́ва Твоя́. Стих: Гото́во се́рдце мое́, Бо́же, гото́во се́рдце мое́, воспою́ и пою́ во сла́ве мое́й.

Апостол в Деяниих, Зачало 1.

Аллилуиа, глас 2: Взы́де Бог в воскликнове́нии, Госпо́дь во гла́се тру́бне. Стих: Вси язы́цы восплещи́те рука́ми, воскли́кните Бо́гу гла́сом ра́дования.

В пяток: апостол в Деяниих, Зачало 42.

В субботу: апостол в Деяниих, Зачало 43.

Неделя 7, святых Отец

Прокимен, глас 4, песнь Отцев: Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки. Стих: Я́ко пра́веден еси́ о всех, я́же сотвори́л еси́ нам.

Апостол в Деяниих, Зачало 44.

Аллилуиа, глас 1: Бог бого́в Госпо́дь глаго́ла, и призва́ зе́млю от восто́к со́лнца до за́пад. Стих: Собери́те Ему́ преподо́бныя Его́, завеща́ющия заве́т Его́ о же́ртвах.

В понедельник: апостол в Деяниих, Зачало 45.

Во вторник: апостол в Деяниих, Зачало 46.

В среду: апостол в Деяниих, Зачало 47.

В четверток: апостол в Деяниих, Зачало 48.

В пяток: апостол в Деяниих, Зачало 50.

В субботу

Прокимен, глас 6: Ду́ши их / во благи́х водворя́тся. Стих: К Тебе́, Го́споди, воздвиго́х ду́шу мою́, Бо́же мой.

Апостол в Деяниих, Зачало 51. И за упокой, Зачало 270.

Аллилуиа, глас 4: Блаже́ни, я́же избра́л и прия́л еси́, Го́споди. Стих: И па́мять их в род и род.

Неделя 8

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол в Деяниих, Зачало 3.

Аллилуиа, глас 1: Сло́вом Госпо́дним небеса́ утверди́шася, и ду́хом уст Его́ вся си́ла их. Стих: С небесе́ призре́ Госпо́дь, ви́де вся сы́ны челове́ческия.

В понедельник Святаго Духа

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол к ефесеем, Зачало 229.

Аллилуиа, глас 2: Поми́луй мя, Бо́же, по вели́цей ми́лости Твое́й. Стих: Не отве́ржи мене́ от лица́ Твоего́, и Ду́ха Твоего́ Свята́го не отими́ от мене́.

Во вторник: апостол к римляном, Зачало 79.

В среду: апостол к римляном, Зачало 80.

В четверток: апостол к римляном, Зачало 81.

В пяток: апостол к римляном, Зачало 82.

В субботу: апостол к римляном, Зачало 79 от полу.

Неделя 1-я всех святых. Глас 8

Прокимен, глас 8: Помоли́теся и воздади́те / Го́сподеви Бо́гу на́шему. Стих: Ве́дом во Иуде́и Бог, во Изра́или ве́лие и́мя Его́. И святых, глас 4: Ди́вен Бог во святы́х Свои́х, Бог Изра́илев.

Апостол ко евреем, Зачало 330.

Аллилуиа, глас 4: Воззва́ша пра́веднии, и Госпо́дь услы́ша их. Стих: Мно́ги ско́рбипра́ведным, и от всех их изба́вит я́ Госпо́дь.

Седмица 2

В понедельник: апостол к римляном, Зачало 83.

Во вторник: апостол к римляном, Зачало 86.

В среду: апостол к римляном, Зачало 87.

В четверток: апостол к римляном, Зачало 89.

В пяток: апостол к римляном, Зачало 90.

В субботу: апостол к римляном, Зачало 84.

Неделя 2-я всех святых в земли Российстей просиявших. Глас 1

Прокимен, глас 1: Бу́ди, Го́споди, ми́лость Твоя́ на нас, / я́коже упова́хом на Тя. Стих: Ра́дуйтеся, пра́веднии, о Го́споде, пра́вым подоба́ет похвала́.

Прокимен святых, глас 4: Святы́м, и́же суть на земли́ Его́, удиви́ Госпо́дь вся хоте́ния Своя́ в них.

Апостол к римляном, Зачало 81 от полу. И святых, апостол ко евреем, Зачало 330.

Аллилуиа, глас 1: Бог дая́й отмще́ние мне, и покори́вый лю́ди под мя. Стих: Велича́яй спасе́ния царе́ва, и творя́й ми́лость христу́ Своему́ Дави́ду, и се́мени Его́ до ве́ка.

И святых, глас 4: Бо́же, уши́ма на́шима услы́шахом, и отцы́ на́ши возвести́ша нам. Стих: Спасл еси́ нас от стужа́ющих нам и ненави́дящия нас посрами́л еси́.

Седмица 3

В понедельник: апостол к римляном, Зачало 94.

Во вторник: апостол к римляном, Зачало 95.

В среду: апостол к римляном, Зачало 96.

В четверток: апостол к римляном, Зачало 98.

В пяток: апостол к римляном, Зачало 101.

В субботу: апостол к римляном, Зачало 85.

Неделя 3. Глас 2, апостол к римляном, Зачало 88.

Седмица 4

В понедельник: апостол к римляном, Зачало 102.

Во вторник: апостол к римляном, Зачало 104.

В среду: апостол к римляном, Зачало 105.

В четверток: апостол к римляном, Зачало 106.

В пяток: апостол к римляном, Зачало 107.

В субботу: апостол к римляном, Зачало 92.

Неделя 4. Глас 3, апостол к римляном, Зачало 93.

Седмица 5

В понедельник: апостол к римляном, Зачало 109.

Во вторник: апостол к римляном, Зачало 114.

В среду: апостол к римляном, Зачало 117.

В четверток: апостол к римляном, Зачало 118.

В пяток: апостол к римляном, Зачало 120.

В субботу: апостол к римляном, Зачало 97.

Неделя 5. Глас 4, апостол к римляном, Зачало 103.

Седмица 6

В понедельник: апостол к римляном, Зачало 121.

Во вторник: апостол к коринфяном, Зачало 122.

В среду: апостол к коринфяном, Зачало 127.

В четверток: апостол к коринфяном, Зачало 129.

В пяток: апостол к коринфяном, Зачало 130 от полу.

В субботу: апостол к римляном, Зачало 100.

Неделя 6. Глас 5, апостол к римляном, Зачало 110.

Седмица 7

В понедельник: апостол к коринфяном, Зачало 134.

Во вторник: апостол к коринфяном, Зачало 136.

В среду: апостол к коринфяном, Зачало 137.

В четверток: апостол к коринфяном, Зачало 138.

В пяток: апостол к коринфяном, Зачало 139.

В субботу: апостол к римляном, Зачало 108.

Неделя 7. Глас 6, апостол к римляном, Зачало 116.

Седмица 8

В понедельник: апостол к коринфяном, Зачало 142.

Во вторник: апостол к коринфяном, Зачало 144.

В среду: апостол к коринфяном, Зачало 145.

В четверток: апостол к коринфяном, Зачало 147.

В пяток: апостол к коринфяном, Зачало 148.

В субботу: апостол к римляном, Зачало 111.

Неделя 8. Глас 7, апостол к коринфяном, Зачало 124.

Седмица 9

В понедельник: апостол к коринфяном, Зачало 150.

Во вторник: апостол к коринфяном, Зачало 152.

В среду: апостол к коринфяном, Зачало 154.

В четверток: апостол к коринфяном, Зачало 155.

В пяток: апостол к коринфяном, Зачало 157.

В субботу: апостол к римляном, Зачало 113.

Неделя 9. Глас 8, апостол к коринфяном, Зачало 128.

Седмица 10

В понедельник: апостол к коринфяном, Зачало 159.

Во вторник: апостол к коринфяном, Зачало 161.

В среду: апостол к коринфяном, Зачало 165.

В четверток: апостол к коринфяном, Зачало 167.

В пяток: апостол к коринфяном, Зачало 169.

В субботу: апостол к римляном, Зачало 119.

Неделя 10. Глас 1, апостол к коринфяном, Зачало 131.

Седмица 11

В понедельник: апостол к коринфяном, Зачало 171.

Во вторник: апостол к коринфяном, Зачало 172.

В среду: апостол к коринфяном, Зачало 173.

В четверток: апостол к коринфяном, Зачало 175.

В пяток: апостол к коринфяном, Зачало 177.

В субботу: апостол к коринфяном, Зачало 123.

Неделя 11. Глас 2, апостол к коринфяном, Зачало 141.

Седмица 12

В понедельник: апостол к коринфяном, Зачало 179.

Во вторник: апостол к коринфяном, Зачало 180.

В среду: апостол к коринфяном, Зачало 182.

В четверток: апостол к коринфяном, Зачало 183.

В пяток: апостол к коринфяном, Зачало 184.

В субботу: апостол к коринфяном, Зачало 125 от полу.

Неделя 12. Глас 3, апостол к коринфяном, Зачало 158.

Седмица 13

В понедельник: апостол к коринфяном, Зачало 186.

Во вторник: апостол к коринфяном, Зачало 187.

В среду: апостол к коринфяном, Зачало 189.

В четверток: апостол к коринфяном, Зачало 190.

В пяток: апостол к коринфяном, Зачало 192.

В субботу: апостол к коринфяном, Зачало 126.

Неделя 13. Глас 4, апостол к коринфяном, Зачало 166.

Седмица 14

В понедельник: апостол к коринфяном, Зачало 195.

Во вторник: апостол к коринфяном, Зачало 196.

В среду: апостол к коринфяном, Зачало 197.

В четверток: апостол к галатом, Зачало 198.

В пяток: апостол к галатом, Зачало 201.

В субботу: апостол к коринфяном, Зачало 130.

Неделя 14. Глас 5, апостол к коринфяном, Зачало 170.

Седмица 15

В понедельник: апостол к галатом, Зачало 202.

Во вторник: апостол к галатом, Зачало 204.

В среду: апостол к галатом, Зачало 207.

В четверток: апостол к галатом, Зачало 208.

В пяток: апостол к галатом, Зачало 210.

В субботу: апостол к коринфяном, Зачало 132.

Неделя 15. Глас 6, апостол к коринфяном, Зачало 176.

Седмица 16

В понедельник: апостол к галатом, Зачало 211.

Во вторник: апостол к галатом, Зачало 212.

В среду: апостол к галатом, Зачало 214.

В четверток: апостол к ефесеем, Зачало 216.

В пяток: апостол к ефесеем, Зачало 217.

В субботу: апостол к коринфяном, Зачало 146.

Неделя 16. Глас 7, апостол к коринфяном, Зачало 181.

Седмица 17

В понедельник: апостол к ефесеем, Зачало 219.

Во вторник: апостол к ефесеем, Зачало 222.

В среду: апостол к ефесеем, Зачало 223.

В четверток: апостол к ефесеем, Зачало 225.

В пяток: апостол к ефесеем, Зачало 226.

В субботу: апостол к коринфяном, Зачало 156.

Неделя 17. Глас 8, апостол к коринфяном, Зачало 182 от полу.

Седмица 18

В понедельник: апостол к ефесеем, Зачало 227.

Во вторник: апостол к ефесеем, Зачало 230.

В среду: апостол к ефесеем, Зачало 231.

В четверток: апостол к ефесеем, Зачало 232.

В пяток: апостол к ефесеем, Зачало 234.

В субботу: апостол к коринфяном, Зачало 162.

Неделя 18. Глас 1, апостол к коринфяном, Зачало 188.

Седмица 19

В понедельник: апостол к филипписием, Зачало 235.

Во вторник: апостол к филипписием, Зачало 236.

В среду: апостол к филипписием, Зачало 237.

В четверток: апостол к филипписием, Зачало 238.

В пяток: апостол к филипписием, Зачало 239.

В субботу: апостол к коринфяном, Зачало 164.

Неделя 19. Глас 2, апостол к коринфяном, Зачало 194.

Седмица 20

В понедельник: апостол к филипписием, Зачало 241.

Во вторник: апостол к филипписием, Зачало 242.

В среду: апостол к филипписием, Зачало 243.

В четверток: апостол к филипписием, Зачало 244.

В пяток: апостол к филипписием, Зачало 245.

В субботу: апостол к коринфяном, Зачало 168.

Неделя 20. Глас 3, апостол к галатом, Зачало 200.

Седмица 21

В понедельник: апостол к филипписием, Зачало 248.

Во вторник: апостол к колоссаем, Зачало 249.

В среду: апостол к колоссаем, Зачало 251.

В четверток: апостол к колоссаем, Зачало 252.

В пяток: апостол к колоссаем, Зачало 253.

В субботу: апостол к коринфяном, Зачало 174.

Неделя 21. Глас 4, апостол к галатом, Зачало 203.

Седмица 22

В понедельник: апостол к колоссаем, Зачало 255.

Во вторник: апостол к колоссаем, Зачало 256.

В среду: апостол к колоссаем, Зачало 259.

В четверток: апостол к колоссаем, Зачало 260.

В пяток: апостол к колоссаем, Зачало 261.

В субботу: апостол к коринфяном, Зачало 178.

Неделя 22. Глас 5, апостол к галатом, Зачало 215А.

Седмица 23

В понедельник: апостол к солуняном, Зачало 262.

Во вторник: апостол к солуняном, Зачало 263.

В среду: апостол к солуняном, Зачало 264.

В четверток: апостол к солуняном, Зачало 265.

В пяток: апостол к солуняном, Зачало 266.

В субботу: апостол к коринфяном, Зачало 185.

Неделя 23. Глас 6, апостол к ефесеем, Зачало 220.

Седмица 24

В понедельник: апостол к солуняном, Зачало 267.

Во вторник: апостол к солуняном, Зачало 268.

В среду: апостол к солуняном, Зачало 269.

В четверток: апостол к солуняном, Зачало 271.

В пяток: апостол к солуняном, Зачало 272.

В субботу: апостол к коринфяном, Зачало 191.

Неделя 24. Глас 7, апостол к ефесеем, Зачало 221.

Седмица 25

В понедельник: апостол к солуняном, Зачало 274.

Во вторник: апостол к солуняном, Зачало 274 от полу.

В среду: апостол к солуняном, Зачало 275.

В четверток: апостол к солуняном, Зачало 276.

В пяток: апостол к солуняном, Зачало 277.

В субботу: апостол к галатом, Зачало 199.

Неделя 25. Глас 8, апостол к ефесеем, Зачало 224.

Седмица 26

В понедельник: апостол к Тимофею, Зачало 278.

Во вторник: апостол к Тимофею, Зачало 279.

В среду: апостол к Тимофею, Зачало 281.

В четверток: апостол к Тимофею, Зачало 283.

В пяток: апостол к Тимофею, Зачало 285.

В субботу: апостол к галатом, Зачало 205.

Неделя 26. Глас 1, апостол к ефесеем, Зачало 229.

Седмица 27

В понедельник: апостол к Тимофею, Зачало 285 от полу.

Во вторник: апостол к Тимофею, Зачало 286.

В среду: апостол к Тимофею, Зачало 287.

В четверток: апостол к Тимофею, Зачало 289.

В пяток: апостол к Тимофею, Зачало 290.

В субботу: апостол к галатом, Зачало 213.

Неделя 27. Глас 2, апостол к ефесеем, Зачало 233.

Седмица 28

В понедельник: апостол к Тимофею, Зачало 294.

Во вторник: апостол к Тимофею, Зачало 297.

В среду: апостол к Тимофею, Зачало 299.

В четверток: апостол к Титу, Зачало 300.

В пяток: апостол к Титу, Зачало 301.

В субботу: апостол к ефесеем, Зачало 218.

Неделя 28. Глас 3, апостол к колоссаем, Зачало 250.

Седмица 29

В понедельник: апостол к евреем, Зачало 308.

Во вторник: апостол к евреем, Зачало 310.

В среду: апостол к евреем, Зачало 312.

В четверток: апостол к евреем, Зачало 315.

В пяток: апостол к евреем, Зачало 317.

В субботу: апостол к ефесеем, Зачало 220 от полу.

Неделя 29. Глас 4, апостол к колоссаем, Зачало 257.

Седмица 30

В понедельник: апостол к евреем, Зачало 319.

Во вторник: апостол к евреем, Зачало 321.

В среду: апостол к евреем, Зачало 323.

В четверток: апостол к евреем, Зачало 326.

В пяток: апостол к евреем, Зачало 327.

В субботу: апостол к ефесеем, Зачало 228.

Неделя 30. Глас 5, апостол к колоссаем, Зачало 258.

Седмица 31

В понедельник: апостол к евреем, Зачало 329.

Во вторник: апостол к евреем, Зачало 333.

В среду: апостол от Иаковля, Зачало 50.

В четверток: апостол от Иаковля, Зачало 51.

В пяток: апостол от Иаковля, Зачало 52.

В субботу: апостол к колоссаем, Зачало 249 от полу.

Неделя 31. Глас 6, апостол к Тимофею, Зачало 280 от полу.

Седмица 32

В понедельник: апостол от Иаковля, Зачало 53.

Во вторник: апостол от Иаковля, Зачало 54.

В среду: апостол от Иаковля, Зачало 55.

В четверток: апостол от Иаковля, Зачало 56.

В пяток: апостол от Петрова, Зачало 58.

В субботу: апостол к солуняном, Зачало 273.

Неделя 32. Глас 7, апостол к Тимофею, Зачало 285 от полу.

Седмица 33

В понедельник: апостол от Петрова, Зачало 59.

Во вторник: апостол от Петрова, Зачало 60.

В среду: апостол от Петрова, Зачало 61.

В четверток: апостол от Петрова, Зачало 62.

В пяток: апостол от Петрова, Зачало 64.

В субботу: апостол к Тимофею, Зачало 293.

Неделя 33, о мытари и фарисеи. Глас 8, апостол к Тимофею, Зачало 296.

Седмица 34

В понедельник: апостол от Петрова, Зачало 66.

Во вторник: апостол от Петрова, Зачало 67.

В среду: апостол от Петрова, Зачало 68.

В четверток: апостол от Иоаннова, Зачало 69.

В пяток: апостол от Иоаннова, Зачало 70.

В субботу: апостол к Тимофею, Зачало 295.

Неделя 34, о блуднем сыне. Глас 1, апостол к коринфяном, Зачало 135.

Седмица 35

В понедельник: апостол от Иоаннова, Зачало 71.

Во вторник: апостол от Иоаннова, Зачало 72.

В среду: апостол от Иоаннова, Зачало 73.

В четверток: апостол от Иоаннова, Зачало 74.

В пяток: апостол от Иоаннова, Зачало 75.

В субботу 35, мясопустную

Прокимен, глас 6: Ду́ши их / во благи́х водворя́тся. Стих: К Тебе́, Го́споди, воздвиго́х ду́шу мою́.

Апостол к коринфяном, Зачало 146, и мертвым, к солуняном, Зачало 270.

Аллилуиа, глас 6: Блаже́ни, я́же избра́л и прия́л еси́, Го́споди. Стих: И па́мять их в род и род.

Неделя 35, мясопустная

Прокимен, глас 3: Ве́лий Госпо́дь наш, и ве́лия кре́пость Его́, / и ра́зума Его́ несть числа́. Стих: Хвали́те Го́спода, я́ко благ псало́м, Бо́гови на́шему да услади́тся хвале́ние.

Апостол к коринфяном, Зачало 140.

Аллилуиа, глас 8: Прииди́те возра́дуемся Го́сподеви, воскли́кнем Бо́гу, Спаси́телю на́шему. Стих: Предвари́м лице́ Его́ во испове́дании, и во псалме́х воскли́кнем Ему́.

В понедельник: апостол от Иоаннова, Зачало 76.

Во вторник: апостол от Иудина, Зачало 77.

В четверток: апостол от Иудина, Зачало 78.

В субботу 36, сырную

Прокимен отцев един, глас 4: Восхва́лятся преподо́бнии во сла́ве, / и возра́дуются на ло́жах свои́х. Стих: Возноше́ния Бо́жия в горта́ни их, и мечи́ обою́ду остры́ в рука́х их.

Апостол к римляном, Зачало 115, и преподобным, к галатом, Зачало 213.

Аллилуиа, глас 2: Насажде́ни в дому́ Госпо́дни, во дво́рех Бо́га на́шего процвету́т. Стих: Весели́теся о Го́споде и ра́дуйтеся пра́веднии, и хвали́теся вси пра́вии се́рдцем.

В неделю сырную

Прокимен, глас 8: Помоли́теся и воздади́те / Го́сподеви Бо́гу на́шему. Стих: Ве́домь во Иуде́и Бог, во Изра́или ве́лие и́мя Его́.

Апостол к римляном, Зачало 112.

Аллилуиа, глас 6: Бла́го есть испове́датися Го́сподеви, и пе́ти и́мени Твоему́, Вы́шний. Стих: Возвеща́ти зау́тра ми́лость Твою́, и и́стину Твою́ на вся́ку нощь.

ПОСЛЕДОВАНИЕ СВЯТЫЯ ЧЕТЫРЕДЕСЯТНИЦЫ, СУББОТАМ И НЕДЕЛЯМ СВЯТАГО ВЕЛИКАГО ПОСТА

Суббота 1 поста

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к евреем, Зачало 303, и святому, к Тимофею, Зачало 292.

Аллилуиа. глас 4: Пра́ведник я́ко фи́никс процвете́т, я́ко кедр, и́же в Лива́не, умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

Неделя 1 поста

Прокимен, глас 4. Песнь отцев: Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки. Стих: Я́ко пра́веден еси́ о всех, я́же сотвори́л еси́ нам.

Апостол к евреем, Зачало 329, от полу.

Аллилуиа, глас 4: Моисе́й и Ааро́н во иере́ех Его́, и Саму́ил в призыва́ющих и́мя Его́. Стих: Призыва́ху Го́спода, и Той послу́шаше их.

На молебном пении

Прокимен, глас 4: Насажде́ни в дому́ Госпо́дни, / во дво́рех Бо́га на́шего процвету́т. Стих: Ра́дуйтеся пра́веднии о Го́споде, пра́вым подоба́ет похвала́.

Апостол к римляном, Зачало 121.

Суббота 2 поста

Прокимен и аллилуиа дне, и за упокой.

Апостол к евреем, Зачало 309. За упокой, Зачало 270.

Неделя 2 поста

Прокимен, глас 5: Ты, Го́споди, сохрани́ши ны, и соблюде́ши ны / от ро́да сего́ и во век. Стих: Спаси́ мя, Го́споди, я́ко оскуде́ преподо́бный.

И святаго, прокимен, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол к евреем, Зачало 304. И святаго, Зачало 318.

Аллилуиа гласа.

Суббота 3 поста

Прокимен дне, и за упокой.

Апостол к евреем, Зачало 325: и за упокой, Зачало 270.

Неделя 3 поста

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол к евреем, Зачало 311.

Аллилуиа, глас 8: Помяни́ сонм Твой, его́же стяжа́л еси́ испе́рва. Стих: Бог же Царь наш пре́жде ве́ка, соде́ла спасе́ние посреде́ земли́.

Суббота 4 поста

Прокимен дне, и за упокой.

Апостол к евреем, Зачало 313, и за упокой, Зачало 163.

Неделя 4 поста

Прокимен гласа, и преподобнаго, глас 7: Восхва́лятся преподо́бнии во сла́ве, и возра́дуются на ло́жах свои́х.

Апостол к евреем, Зачало 314, и святаго, Зачало 229.

Аллилуиа гласа, и святаго. Стих: Насажде́ни в дому́ Госпо́дни, во дво́рех Бо́га на́шего процвету́т.

Суббота 5 поста

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́, се бо от ны́не ублажа́т Мя вси ро́ди.

Апостол к евреем, Зачало 322. И Богородице, Зачало 320.

Аллилуиа, глас 8: Воскресни́, Го́споди, в поко́й Твой, Ты и киво́т святы́ни Твоея́. Стих: Помяни́, Го́споди, Дави́да, и всю кро́тость его́.

Неделя 5 поста

Прокимен гласа, и преподобныя, глас 4: Ди́вен Бог во святы́х Свои́х, Бог Изра́илев.

Апостол к евреем, Зачало 321, от полу, и преподобныя, Зачало 208.

Аллилуиа гласа.

Суббота 6, Лазарева

Прокимен, глас 3: Госпо́дь просвеще́ние мое́, и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся?

Апостол к евреем, Зачало 333, от полу.

Аллилуиа, глас 5: Госпо́дь воцари́ся, в ле́поту облече́ся. Стих: И́бо утверди́ вселе́нную, я́же не подви́жится.

В неделю цветоносную

Прокимен, глас 4: Благослове́н Гряды́й во и́мя Госпо́дне, / Бог Госпо́дь и яви́ся нам. Стих: Испове́дайтеся Го́сподеви, я́ко благ, я́ко в век ми́лость Его́.

Апостол к филипписием, Зачало 247.

Аллилуиа, глас 1: Воспо́йте Го́сподеви песнь но́ву, я́ко ди́вна сотвори́ Госпо́дь. Стих: Ви́деша вси концы́ земли́ спасе́ние Бо́га на́шего.

Во святый и великий четверток на литургии

Прокимен, глас 7: Кня́зи людсти́и собра́шася вку́пе, / на Го́спода и на Христа́ Его́. Стих: Вску́ю шата́шася язы́цы, и лю́дие поучи́шася тще́тным?

Апостол к коринфяном, Зачало 149.

Аллилуиа, глас 6: Блаже́н разумева́яй на ни́ща и убо́га, в день лют изба́вит его́ Госпо́дь. Стих: Врази́ мои́ ре́ша мне зла́я: когда́ у́мрет, и поги́бнет и́мя его́? Стих: Яды́й хле́бы моя́, возвели́чи на мя запина́ние.

Во святый великий пяток

На 1-м часе, апостол к галатом, Зачало 215, от полу.

На 3-м часе, апостол к римляном, Зачало 88, от полу.

На 6-м часе, апостол к евреем, Зачало 306.

На 9-м часе, апостол к евреем, Зачало 324.

В тойже пяток вечера

Прокимен, глас 6: Положи́ша мя в ро́ве преиспо́днем, / в те́мных и се́ни сме́ртней. Стих: Го́споди Бо́же спасе́ния моего́, во дни воззва́х, и в нощи́ пред Тобо́ю.

Апостол к коринфяном, Зачало 125.

Аллилуиа, глас 5: Спаси́ мя, Бо́же, я́ко внидо́ша во́ды до души́ моея́. Стих: Поноше́ние ча́яше душа́ моя́, и страсть. Стих: Да помрача́тся о́чи их, е́же не ви́дети.

Во святую и великую субботу

На утрени, по великом славословии

Прокимен, глас 7: Воскресни́, Го́споди Бо́же мой, да вознесе́тся рука́ Твоя́, / не забу́ди убо́гих Твои́х до конца́. Стих: Испове́мся Тебе́, Го́споди, всем се́рдцем мои́м, пове́м вся чудеса́ Твоя́.

Апостол к коринфяном, Зачало 133, конец в 206-м зачале.

Аллилуиа, глас 5: Да воскре́снет Бог, и расточа́тся врази́ Его́, и да бежа́т от ли́ца Его́ ненави́дящии Его́. Стих: Я́ко исчеза́ет дым, да исче́знут, я́ко та́ет воск от ли́ца огня́. Стих: Та́ко да поги́бнут гре́шницы от ли́ца Бо́жия, а пра́ведницы да возвеселя́тся.

На литургии

Прокимен, глас 5: Вся земля́ да покло́нится Тебе́, и пое́т Тебе́, / да пое́т же и́мени Твоему́, Вы́шний. Стих: Воскли́кните Го́сподеви вся земля́, по́йте же и́мени Его́.

Апостол к римляном, Зачало 91.

Аллилуиа не поется, но по еже рещи иерею: Мир ти.

И абие чтец глаголет: Воскресни́, Бо́же, суди́ земли́, я́ко Ты насле́диши во всех язы́цех.

И лик тожде на глас 7. Чтец же глаголет стихи сия: Бог ста в со́нме бого́в, посреде́ же бо́ги разсу́дит. И певцы: Воскресни́, Бо́же:

Стих: Доко́ле су́дите непра́вду, и ли́ца гре́шников прие́млете? И певцы: Воскресни́, Бо́же:

Стих: Суди́те си́ру и убо́гу, смире́на и ни́ща оправда́йте. И певцы: Воскресни́, Бо́же:

Стих: Изми́те ни́ща и убо́га, из руки́ гре́шничи изба́вите его́. И певцы: Воскресни́, Бо́же:

Стих: Не позна́ша, ниже́ уразуме́ша, во тме хо́дят. И певцы: Воскресни́, Бо́же:

Стих: Да подви́жатся вся основа́ния земли́. Аз рех: бо́зи есте́, и сы́нове Вы́шняго вси, вы же я́ко челове́цы умира́ете, и я́ко еди́н от князе́й па́даете. И певцы: Воскресни́, Бо́же:

И абие чтец: Воскресни́, Бо́же, суди́ земли́.

И лик: Я́ко Ты насле́диши во всех язы́цех.

ПРОКИМЕНИ И АЛЛИЛУИАРЕ ВОСКРЕСНИИ, ЛИТУРГИЙНИИ, ОСМИ ГЛАСОВ

Глас 1

Прокимен: Бу́ди, Го́споди, ми́лость Твоя́ на нас, / я́коже упова́хом на Тя. Стих: Ра́дуйтеся, пра́веднии, о Го́споде, пра́вым подоба́ет похвала́.

Аллилуиа: Бог дая́й отмще́ние мне и покори́вый лю́ди под мя. Стих: Велича́яй спасе́ния царе́ва и творя́й ми́лость Христу́ Своему́ Дави́ду и се́мени его́ до ве́ка.

Глас 2

Прокимен: Кре́пость моя́ и пе́ние мое́ Госпо́дь, / и бысть мне во спасе́ние. Стих: Наказу́я наказа́ мя Госпо́дь, сме́рти же не предаде́ мя.

Аллилуиа: Услы́шит тя Госпо́дь в день печа́ли, защи́тит тя и́мя Бо́га Иа́ковля. Стих: Го́споди, спаси́ царя́ и услы́ши ны, во́ньже а́ще день призове́м Тя.

Глас 3

Прокимен: По́йте Бо́гу на́шему, по́йте, / по́йте Царе́ви на́шему, по́йте. Стих: Вси язы́цы, восплещи́те рука́ми, воскли́кните Бо́гу гла́сом ра́дования.

Аллилуиа: На Тя, Го́споди, упова́х, да не постыжу́ся во век. Стих: Бу́ди ми в Бо́га Защи́тителя и в дом прибе́жища, е́же спасти́ мя.

Глас 4

Прокимен: Я́ко возвели́чишася дела́ Твоя́, Го́споди, / вся прему́дростию сотвори́л еси́. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Аллилуиа: Наляцы́ и успева́й, и ца́рствуй, и́стины ра́ди и кро́тости, и пра́вды. Стих: Возлюби́л еси́ пра́вду и возненави́дел еси́ беззако́ние.

Глас 5

Прокимен: Ты, Го́споди, сохрани́ши ны / и соблюде́ши ны от ро́да сего́ и во век. Стих: Спаси́ мя, Го́споди, я́ко оскуде́ преподо́бный.

Аллилуиа: Ми́лости Твоя́, Го́споди, во век воспою́, в род и род возвещу́ и́стину Твою́ усты́ мои́ми. Стих: Зане́ рекл еси́: во век ми́лость сози́ждется, на небесе́х угото́вится и́стина Твоя́.

Глас 6

Прокимен: Спаси́, Го́споди, лю́ди Твоя́ / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Аллилуиа: Живы́й в по́мощи Вы́шняго, в кро́ве Бо́га Небе́снаго водвори́тся. Стих: Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́.

Глас 7

Прокимен: Госпо́дь кре́пость лю́дем Свои́м даст, / Госпо́дь благослови́т лю́ди Своя́ ми́ром. Стих: Принеси́те Го́сподеви сы́нове Бо́жии, принеси́те Го́сподеви сы́ны о́вни.

Аллилуиа: Бла́го есть испове́датися Го́сподеви и пе́ти И́мени Твоему́, Вы́шний. Стих: Возвеща́ти зау́тра ми́лость Твою́, и и́стину Твою́ на вся́ку нощь.

Глас 8

Прокимен: Помоли́теся и воздади́те / Го́сподеви Бо́гу на́шему. Стих: Ве́дом во Иуде́и Бог, во Изра́или ве́лие И́мя Его́.

Аллилуиа: Прииди́те, возра́дуемся Го́сподеви, воскли́кнем Бо́гу Спаси́телю на́шему. Стих: Предвари́м лице́ Его́ во испове́дании, и во псалме́х воскли́кнем Ему́.

ПРОКИМЕНИ И АЛЛИЛУИАРЕ ДНЕВНИИ

В понедельник

Прокимен, глас 4: Творя́й а́нгелы Своя́ ду́хи, / и слуги́ Своя́ пла́мень о́гненный. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Аллилуиа, глас 5: Хвали́те Го́спода, вси а́нгели Его́, хвали́те Его́, вся си́лы Его́. Стих: Я́ко Той рече́ и бы́ша, Той повеле́ и созда́шася.

Во вторник

Прокимен, глас 7: Возвесели́тся пра́ведник о Го́споде / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Аллилуиа, глас 4: Пра́ведник я́ко фи́никс процвете́т, я́ко кедр, и́же в Лива́не, умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

В среду

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м. Стих: Я́ко призре́ на смире́ние рабы́ Своея́, се бо отны́не ублажа́т Мя вси ро́ди.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

В четверток

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Аллилуиа, глас 1: Испове́дят небеса́ чудеса́ Твоя́, Го́споди, и́бо и́стину Твою́ в Це́ркви святы́х. Стих: Бог прославля́ем в сове́те святы́х.

В пяток

Прокимен, глас 7: Возноси́те Го́спода Бо́га на́шего, и покланя́йтеся подно́жию но́гу Его́, / я́ко свя́то есть. Стих: Госпо́дь воцари́ся, да гне́ваются лю́дие.

Аллилуиа, глас 1: Помяни́ сонм Твой, его́же стяжа́л еси́ испе́рва. Стих: Бог же Царь наш пре́жде ве́ка, соде́ла спасе́ние посреде́ земли́.

В субботу

Прокимен, глас 8: Весели́теся о Го́споде, / и ра́дуйтеся, пра́веднии. Стих: Блаже́ни, и́хже оста́вишася беззако́ния и и́хже прикры́шася греси́.

И умершим

Прокимен, глас 6: Ду́ши их / во благи́х водворя́тся.

Аллилуиа, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь. Стих: Блаже́ни, я́же избра́л и прия́л еси́, Го́споди, и па́мять их в род и род.

СОБОРНИК ДВУНАДЕСЯТИМ МЕСЯЦЕМ. СКАЗАНИЕ КОЕМУЖДО ПРАЗДНИКУ И ИЗБРАННЫМ СВЯТЫМ, АПОСТОЛЫ И ПРОКИМЕНЫ НА ЛИТУРГИИ

МЕСЯЦ СЕПТЕМВРИЙ

1. Начало индикта, сиречь, новаго лета и память преподобнаго отца нашего Симеона Столпника и матере его́ Марфы

Прокимен, глас 3: Ве́лий Госпо́дь наш, и ве́лия кре́пость Его́, / и ра́зума Его́ несть числа́. Стих: Хвали́те Го́спода, я́ко благ псало́м, Бо́гови на́шему да услади́тся хвале́ние. И преподобному, глас 7: Честна́ пред Го́сподем смерть преподо́бных Его́.

Апостол к Тимофею, Зачало 282. Другий апостол к колоссаем, Зачало 258.

Аллилуиа, глас 4: Тебе́ подоба́ет песнь, Бо́же, в Сио́не, и Тебе́ возда́стся моли́тва во Иерусали́ме. Стих: Благослови́ши вене́ц ле́та бла́гости Твоея́, Го́споди. И преподобному: Блаже́н муж боя́йся Го́спода, в за́поведех Его́ восхо́щет зело́.

(обратно)

4. Святителя Иоасафа Белгородскаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

5. Святаго пророка Захарии, отца Предтечева

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол ко евреем, Зачало 314.

Аллилуиа, глас 7: Свет возсия́ пра́веднику, и пра́вым се́рдцем весе́лие.

(обратно)

6. Воспоминание бывшаго в Колоссаех, еже есть в Хонех, чудесе, от Архистратига Михаила

Прокимен, глас 4: Творя́й а́нгелы Своя́ ду́хи, / и слуги́ Своя́ пла́мень о́гненный. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Апостол ко евреем, Зачало 305.

Аллилуиа, глас 5: Хвали́те Го́спода вси а́нгели Его́, хвали́те Его́ вся си́лы Его́. Стих: Я́ко Той рече́ и бы́ша, Той повеле́ и созда́шася.

(обратно)

7. Святаго мученика Созонта

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к ефесеем, Зачало 233.

Аллилуиа, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

8. Рождество Пресвятыя Владычицы нашея Богородицы и Приснодевы Марии

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

9. Святых и праведных Богоотец Иоакима и Анны

Прокимен праздника, и до отдания. И святых, глас 4: Ди́вен Бог во святы́х Свои́х, Бог Изра́илев.

Апостол к галатом, Зачало 210 от полу.

Аллилуиа праздника и святых, глас 1: Спасе́ние же пра́ведных от Го́спода, и защи́титель их есть во вре́мя ско́рби.

(обратно)

11. Преподобнаго Силуана Афонскаго

Прокимен праздника и святаго, глас 7: Честна́ пред Го́сподем смерть преподо́бных Его́.

Апостол дне и святаго, к галатом, Зачало 213.

Аллилуиа праздника и святаго, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

12. В сий день отдается праздник Рождества Богородицы

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол дне и праздника, к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

[зри] Суббота пред Воздвижением

Прокимен, глас 3: По́йте Бо́гу на́шему, по́йте, / по́йте Царе́ви на́шему, по́йте. Стих: Вси язы́цы восплещи́те рука́ми, воскли́кните Бо́гу гла́сом ра́дования.

Апостол к коринфяном, Зачало 126.

Аллилуиа, глас 5: Ми́лости Твоя́, Го́споди, во век воспою́, в род и род возвещу́ и́стину Твою́ усты́ мои́ми. Стих: Зане́ рекл еси́: во век ми́лость сози́ждется, на небесе́х угото́вится и́стина Твоя́.

(обратно)

[зри] Неделя пред Воздвижением

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол к галатом, Зачало 215.

Аллилуиа, глас 1: Вознесо́х избра́ннаго от люде́й Мои́х. Стих: И́бо рука́ Моя́ засту́пит его́, и мы́шца Моя́ укрепи́т его́.

(обратно)

13. Обновление святаго храма, Христа и Бога нашего Воскресения

Прокимен, глас 4: До́му Твоему́ подоба́ет святы́ня, Го́споди, / в долготу́ дний. Стих: Госпо́дь воцари́ся, в ле́поту облече́ся.

Апостол ко евреем, Зачало 307.

Аллилуиа, глас 2: Основа́ния Его́ на гора́х святы́х. Стих: Пресла́вная глаго́лашася о тебе́, гра́де Бо́жий.

(обратно)

14. Всемирное Воздвижение Честнаго и Животворящаго Креста

Прокимен, глас 7: Возноси́те Го́спода, Бо́га на́шего, / и покланя́йтеся подно́жию но́гу Его́, я́ко свя́то есть. Стих: Госпо́дь воцари́ся, да гне́ваются лю́дие.

Апостол к коринфяном, Зачало 125.

Аллилуиа, глас 1: Помяни́ сонм Твой, его́же стяжа́л еси́ испе́рва. Стих: Бог же, Царь наш пре́жде ве́ка, соде́ла спасе́ние посреде́ земли́.

(обратно)

[зри] Суббота по Воздвижении

Прокимен и аллилуиа праздника.

Апостол и коринфяном, Зачало 125 от полу.

(обратно)

[зри] Неделя по Воздвижении

Прокимен и аллилуиа праздника.

Апостол к галатом, Зачало 203.

(обратно)

16. Святыя великомученцы Евфимии Всехвальныя

Прокимен праздника и святыя, глас 4: Ди́вен Бог во святы́х Свои́х, Бог Изра́илев.

Апостол дне и святыя, к коринфяном, Зачало 181.

Аллилуиа праздника и святыя, глас 6: Терпя́ потерпе́х Го́спода, и внят ми, и услы́ша моли́тву мою́.

(обратно)

20. Святаго великомученика Евстафиа и дружины его́

Прокимен праздника и святаго, глас 4: Святы́м, и́же суть на земли́ Его́, удиви́ Госпо́дь вся хоте́ния Своя́ в них.

Апостол дне и святаго, к ефесеем, Зачало 233.

Аллилуиа праздника и святаго, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

21. Отдание праздника Животворящаго Креста. В тойже день память и́же во святых отца нашего Димитриа, митрополита Ростовскаго

Прокимен праздника и святаго, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол праздника и святаго, ко евреем, Зачало 318.

Аллилуиа праздника и святаго, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

23. Зачатие честнаго, славнаго пророка, Предтечи и Крестителя Господня Иоанна

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к галатом, Зачало 210 от полу.

Аллилуиа, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

25. Преставление преподобнаго отца нашего Сергиа игумена, Радонежскаго чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

26. Преставление святаго Апостола и Евангелиста Иоанна Богослова

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол от Иоаннова соборнаго послания, Зачало 73, от полу.

Аллилуиа, глас 1: Испове́дят небеса́ чудеса́ Твоя́, Го́споди, и́бо и́стину Твою́ в це́ркви святы́х. Стих: Бог прославля́емь в сове́те святы́х.

(обратно)

28. Преподобнаго отца нашего и исповедника Харитона

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Апостол к коринфяном, Зачало 176.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

30. Святаго Михаила, перваго митрополита Киевскаго, и всея России чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно) (обратно)

МЕСЯЦ ОКТОВРИЙ

1. Покров Пресвятыя Богородицы, и святаго Апостола Анании, единаго от 70

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди. И апостолу, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол ко евреем, Зачало 320. И апостолу в Деяниих, Зачало 21 от полу.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии. И апостолу глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

3. Святаго священномученика Дионисиа Ареопагита

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву.

Апостол в Деяниих, Зачало 40.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

5. Святых святителей, Петра, Алексиа, Ионы и Филиппа, митрополитов Московских, и всея России чудотворцев

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 335.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются. Стих: Блаже́н муж боя́йся Го́спода, в за́поведех Его́ восхо́щет зело́.

(обратно)

6. Святаго и славнаго Апостола Фомы

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

9. Святаго Апостола Иакова Алфеова

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

10. Преставление преподобнаго Амвросиа, старца Оптинскаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

11. Святаго Апостола Филиппа, единаго от седми диакон

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол в Деяниих, Зачало 20.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

[зри] Во грядущую неделю память празднуем святаго Седмаго Собора, святых отец 365

Прокимен, глас 4, песнь отцев: Благослове́н еси́ Го́споди Бо́же оте́ц на́ших, / и хва́льно и просла́влено и́мя Твое́ во ве́ки. Стих: Я́ко пра́веден еси́ о всех, я́же сотвори́л еси́ нам.

Апостол ко евреем, Зачало 334.

Аллилуиа, глас 1: Бог бого́в Госпо́дь глаго́ла, и призва́ зе́млю. Стих: Собери́те Ему́ преподо́бныя Его́, завеща́ющия заве́т Его́ о же́ртвах.

(обратно)

13. Празднование Пресвятей Богородице, в честь иконы Ея нарицаемыя Иверския

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятсябога́тии лю́дстии.

(обратно)

16. Святаго мученика Логгина сотника, и́же при Кресте Господни

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к Тимофею, Зачало 292.

Аллилуиа, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

18. Святаго Апостола и Евангелиста Луки

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к колоссаем, Зачало 260 от полу.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

22. Празднование явлению иконы Пресвятыя Владычицы нашея Богородицы Казанския

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

23. Святаго Апостола Иакова брата Божия

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к галатом, Зачало 200.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

24. Празднование Пресвятей Богородице, в честь иконы Ея именуемыя Всех скорбящих радости

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

26. Святаго и славнаго великомученика Димитрия Мироточца. И воспоминание великаго и страшнаго трясения

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́. И святаго, глас 7: Возвесели́тся пра́ведник о Го́споде, и упова́ет на Него́.

Апостол трясения, ко евреем, Зачало 331 от полу, и святаго, к Тимофею, Зачало 292.

Аллилуиа, глас 4: Бо́же, отри́нул ны еси́, и низложи́л еси́ нас. Стих: Стрясл еси́ зе́млю, и смути́л еси́ ю́. И святаго, глас 4: Пра́ведник я́ко фи́никс процвете́т, я́ко кедр и́же в Лива́не умно́жится.

(обратно)

28. Иже во святых отца нашего Димитриа, митрополита Ростовскаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

29. Преподобнаго отца нашего Аврамиа архимандрита, Ростовскаго чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно) (обратно)

МЕСЯЦ НОЕМВРИЙ

1. Святых и чудотворцев безсребреников Космы и Дамиана, и́же от Асии

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к коринфяном, Зачало 153.

Аллилуиа, глас 2: Се что добро́, или́ что красно́, но е́же жи́ти бра́тии вку́пе.

(обратно)

5. Преставление и́же во святых отца нашего Ионы архиепископа, Новогородскаго чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

6. Преподобнаго и богоноснаго отца нашего Варлаама Новогородскаго чудотворца, и́же на Хутыне

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

8. Собор святаго Архистратига Михаила, и прочих Безплотных Сил

Прокимен, глас 4: Творя́й а́нгелы Своя́ ду́хи, / и слуги́ Своя́ пла́мень о́гненный. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Апостол ко евреем, Зачало 305.

Аллилуиа, глас 5: Хвали́те Го́спода вси а́нгели Его́, хвали́те Его́ вся си́лы Его́. Стих: Я́ко Той рече́ и бы́ша, Той повеле́ и созда́шася.

(обратно)

13. Иже во святых отца нашего Иоанна, архиепископа Константиня града, Златоустаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

14. Святаго и всехвальнаго Апостола Филиппа

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

15. Преподобнаго и богоноснаго отца нашего Паисиа, игумена святыя Нямецкия обители и всея России чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 334.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

16. Святаго Апостола и Евангелиста Матфеа

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́, Го́споди, и́бо и́стину Твою́ в це́ркви святы́х. Стих: Бог прославля́емь в сове́те святы́х.

(обратно)

19. Святителя Филарета, митрополита Московскаго и Коломенскаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол к ефесеем, Зачало 233.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

21. Вход во храм Пресвятыя Богородицы

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 320.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

22. Святаго Апостола Филимона, и и́же с ним

Прокимен праздника и святым, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святым, к Филимону, последи 302-го зачала.

Аллилуиа праздника и святым, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

23. Святаго благовернаго великаго князя Александра Невскаго

Прокимен праздника и святаго, глас 7: Честна́ пред Го́сподем смерть преподо́бных Его́.

Апостол дне и святаго, к галатом, Зачало 213.

Аллилуиа праздника и святаго, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

24. Святыя великомученицы Екатерины

Прокимен праздника и святыя, глас 4: Ди́вен Бог во святы́х Свои́х, Бог Изра́илев.

Апостол дне и святыя, к ефесеем, Зачало 233.

Аллилуиа праздника и святыя, глас 1: Воззва́ша пра́веднии, и Госпо́дь услы́ша их.

(обратно)

25. Иже во святых отец наших и священномученик, Климента, папы Римскаго, и Петра Александрийскаго. В сей же день отдается праздник входа Пресвятыя Богородицы

Прокимен праздника, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Прокимен святым, глас 7: Честна́ пред Го́сподем смерть преподо́бных Его́.

Апостол ко евреем, Зачало 320. И святым, к филипписием, Зачало 246.

Аллилуиа праздника, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

Аллилуиа святым, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

27. Святаго великомученика Иакова Персянина. В тойже день празднуем о Бозе бывшее знамение Пресвятыя Богородицы, еже в Великом Новеграде

Прокимен праздника, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Прокимен святаго, глас 4: Святы́м, и́же суть на земли́ Его́, удиви́ Госпо́дь вся хоте́ния Своя́ в них.

Апостол ко евреем, Зачало 320. И апостолу, к ефесеем, Зачало 233.

Аллилуиа праздника, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

Аллилуиа святаго, глас 4: Мно́ги ско́рби пра́ведным, и от всех их изба́вит я́ Госпо́дь.

(обратно)

28. Святаго преподобномученика Стефана Новаго

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Апостол к Тимофею, Зачало 291.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

30. Святаго Апостола Андреа Первозваннаго

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно) (обратно)

МЕСЯЦ ДЕКЕМВРИЙ

3. Преподобнаго отца нашего Саввы Сторожевскаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

4. Святыя великомученицы Варвары

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к галатом, Зачало 208.

Аллилуиа, глас 1: Терпя́ потерпе́х Го́спода, и внят ми, и услы́ша моли́тву мою́.

(обратно)

5. Преподонаго и богоноснаго отца нашего, Саввы Освященнаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

6. Иже во святых отца нашего Николаа архиепископа, Мир Ликийских чудотворца

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол ко евреем, Зачало 335.

Аллилуиа, глас 4: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

9. Зачатие святыя Анны, егда зачат Святую Богородицу

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к галатом, Зачало 210 от полу.

Аллилуиа, глас 1: Спасе́ние же пра́ведных от Го́спода, и защи́титель их есть во вре́мя ско́рби.

(обратно)

10. Святых мученик, Мины, Ермогена и Евграфа

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к ефесеем, Зачало 233.

Аллилуиа, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

12. Преподобнаго отца нашего Спиридона чудотворца, епископа Тримифийскаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 335.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

13. Святых великомученик: Евстратиа, Авксентиа, Евгениа, Мардариа и Ореста

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к ефесеем, Зачало 233.

Аллилуиа, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

17. Святаго пророка Даниила, и святых триех отроков: Анании, Азарии и Мисаила

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол ко евреем, Зачало 330.

Аллилуиа, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

[зри] Неделя святых Праотец

Прокимен, глас 4. Песнь отцев: Благослове́н еси́ Го́споди Бо́же оте́ц на́ших, / и хва́льно и просла́влено и́мя Твое́ во ве́ки. Стих: Я́ко пра́веден еси́ о всех, я́же сотвори́л еси́ нам.

Апостол к колоссаем, Зачало 257.

Аллилуиа, глас 4: Моисе́й и Ааро́н во иере́ех Его́, и Саму́ил в призыва́ющих и́мя Его́. Стих: Призыва́ху Го́спода, и Той послу́шаше их.

(обратно)

[зри] Суббота пред Рождеством Христовым

Прокимен дне, апостол к галатом, Зачало 205.

(обратно)

[зри] Неделя пред Рождеством Христовым, святых Отец

Прокимен, глас 4. Песнь отцев: Благослове́н еси́ Го́споди Бо́же оте́ц на́ших, / и хва́льно и просла́влено и́мя Твое́ во ве́ки. Стих: Я́ко пра́веден еси́ о всех, я́же сотвори́л еси́ нам.

Апостол ко евреем, Зачало 328.

Аллилуиа, глас 4: Бо́же, уши́ма на́шима услы́шахом, и отцы́ на́ши возвести́ша нам. Стих: Спасл еси́ нас от стужа́ющих нам, и ненави́дящия нас посрами́л еси́.

(обратно)

20. Святаго праведнаго Иоанна Кронштадскаго. И святаго священномученика Игнатиа Богоносца, архиепископа Антиохийскаго

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол ко евреем, Зачало 311.

Аллилуиа, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

21. Преставление во святых отца нашего Петра митрополита, всея России чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

22. Святыя великомученицы Анастасии Узорешительницы

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к галатом, Зачало 208.

Аллилуиа, глас 1: Терпя́ потерпе́х Го́спода, и внят ми, и услы́ша моли́тву мою́.

(обратно)

24. Предпразднство Христова Рождества

В навечерии Рождества Христова:

На 1-м часе, апостол ко евреем, Зачало 303.

На 3-м часе, апостол к галатом, Зачало 208.

На 6-м часе, апостол ко евреем, Зачало 304.

На 9-м часе, апостол ко евреем, Зачало 306.

(обратно)

На литургии:

Прокимен, глас 1: Госпо́дь рече́ ко Мне: Сын мой еси́ Ты, / Аз днесь роди́х Тя. Стих: Проси́ от Мене́, и дам Ти язы́ки достоя́ние Твое́, и одержа́ние Твое́ концы́ земли́.

Апостол ко евреем, Зачало 303. Аще прилучится суббота или неделя, апостол к галатом, Зачало 207.

Аллилуиа, глас 5: Рече́ Госпо́дь Го́сподеви Моему́: седи́ одесну́ю Мене́, до́ндеже положу́ враги́ Твоя́ подно́жие нога́ма Твои́ма. Стих: Жезл си́лы по́слет Ти Госпо́дь от Сио́на, и Госпо́дьствуй посреде́ враго́в Твои́х. Стих: Из чре́ва пре́жде денни́цы роди́х Тя, кля́тся Госпо́дь, и не раска́ется.

(обратно) (обратно)

25. Еже по плоти Рождество Го́спода Бога и Спаса нашего Иису́са Христа

Прокимен, глас 8: Вся земля́ да покло́нится Тебе́, и пое́т Тебе́, / да пое́т же и́мени Твоему́, Вы́шний. Стих: Воскли́кните Го́сподеви вся земля́, по́йте же и́мени Его́, дади́те сла́ву хвале́ Его́.

Апостол к галатом, Зачало 209.

Аллилуиа, глас 1: Небеса́ пове́дают сла́ву Бо́жию, творе́ние же руку́ Его́ возвеща́ет твердь. Стих: День дни отрыга́ет глаго́л, и нощь но́щи возвеща́ет ра́зум.

(обратно)

26. Собор Пресвятыя Богородицы

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 306.

Аллилуиа, глас 8: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно)

[зри] Суббота по Рождестве Христове

Прокимен, глас 4: Помяну́ и́мя Твое́ / во вся́ком ро́де и ро́де. Стих: Слы́ши, Дщи, и виждь, и приклони́ у́хо Твое́.

Апостол к Тимофею, Зачало 288.

Аллилуиа, глас 8: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно)

[зри] Неделя по Рождестве Христове

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к галатом, Зачало 200.

Аллилуиа, глас 4: Помяни́, Го́споди, Дави́да и всю кро́тость его́.

(обратно)

27. Святаго Апостола первомученика и архидиакона Стефана

Прокимен праздника и до отдания. И святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, в Деяниих, Зачало 17.

Аллилуиа праздника и святаго, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

28. Святых мученик дву тму, в Никомидии сожженных

Прокимен праздника и святых, глас 5: Ты, Го́споди, сохрани́ши ны, и соблюде́ши ны от ро́да сего́ и во век.

Апостол дне и святых, к римляном, Зачало 96 от полу.

Аллилуиа праздника и святых, глас 4: Воскли́кните Го́сподеви вся земля́, по́йте же и́мени Его́, дади́те сла́ву хвале́ Его́. Стих: Я́ко искуси́л ны еси́, Бо́же, разже́гл ны еси́, я́коже разжиза́ется сребро́.

(обратно)

29. Святых младенец 14 тысящ, Христа ради избиенных от Ирода в Вифлееме

Прокимен праздника и святых, глас 6: Хвали́те о́троцы, Го́спода, хвали́те и́мя Госпо́дне.

Апостол дне и святых, к коринфяном, Зачало 180.

Аллилуиа праздника и святых, глас 5: Пролия́ша кровь их я́ко во́ду.

(обратно)

31. Отдание праздника Христова Рождества

Прокимен праздника, глас 8: Вся земля́ да покло́нится Тебе́, и пое́т Тебе́, / да пое́т же и́мени Твоему́, Вы́шний. Стих: Воскли́кните Го́сподеви вся земля́, по́йте же и́мени Его́, дади́те сла́ву хвале́ Его́.

Апостол дне.

Аллилуиа, глас 1: Небеса́ пове́дают сла́ву Бо́жию, творе́ние же руку́ Его́ возвеща́ет твердь. Стих: День дни отрыга́ет глаго́л, и нощь но́щи возвеща́ет ра́зум.

(обратно) (обратно)

МЕСЯЦ ИАННУАРИЙ

1. Еже по плоти обрезание Го́спода Бога и Спаса нашего Иису́са Христа. И память и́же во святых отца нашего Василиа Великаго

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́. И святаго, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол к колоссаем, Зачало 254. И святаго, ко евреем, Зачало 318.

Аллилуиа, глас 8: Пасы́й Изра́иля, вонми́, наставля́яй я́ко овча́ Ио́сифа. Стих: Уста́ пра́веднаго поуча́тся прему́дрости, и язы́к его́ возглаго́лет суд.

(обратно)

[зри] Суббота пред Просвещением

Прокимен дне.

Апостол к Тимофею, Зачало 284.

(обратно)

[зри] Неделя пред Просвещением

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол к Тимофею, Зачало 298.

Аллилуиа, глас 8: Бо́же, уще́дри ны и благослови́ ны, просвети́ лице́ Твое́ на ны, и поми́луй ны.

(обратно)

2. Преподобнаго Серафима Саровскаго, чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

4. Собор святых седмидесяти Апостол

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к римляном, Зачало 96.

Аллилуиа, глас 1: Испове́дят небеса́ чудеса́ Твоя́, Го́споди, и́бо и́стину Твою́ в це́ркви святы́х. Стих: Бог прославля́емь в сове́те святы́х.

(обратно)

5. Предпразднство Богоявления

В навечерии Просвещения

На 1-м часе, апостол в Деяниих, Зачало 33.

На 3-м часе, апостол в Деяниих, Зачало 42.

На 6-м часе, апостол к римляном, Зачало 91.

На 9-м часе, апостол к Титу, Зачало 302.

(обратно)

На литургии

Прокимен, глас 3: Госпо́дь просвеще́ние мое́ и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся?

Апостол к коринфяном, Зачало 143. Аще ли несть пост, начинаем его́ от полу.

Аллилуиа, глас 6: Отры́гну се́рдце мое́ сло́во бла́го, глаго́лю аз дела́ моя́ Царе́ви. Стих: Красе́н добро́тою па́че сыно́в челове́ческих.

(обратно)

На освящение воды

Прокимен и стих тойжде.

Апостол к коринфяном, Зачало 143 от полу.

Аллилуиа, глас 4: Глас Госпо́день на вода́х: Бог сла́вы возгреме́, Госпо́дь на вода́х мно́гих.

(обратно) (обратно)

6. Святое Богоявление Го́спода Бога и Спаса нашего Иису́са Христа

Прокимен, глас 4: Благослове́н Гряды́й во и́мя Госпо́дне, / Бог Госпо́дь и яви́ся нам. Стих: Испове́дайтеся Го́сподеви, я́ко благ, я́ко в век ми́лость Его́.

Апостол к Титу, Зачало 302.

Аллилуиа, глас 4: Принеси́те Го́сподеви, сы́нове Бо́жии, принеси́те Го́сподеви сы́ны о́вни. Стих: Глас Госпо́день на вода́х, Бог сла́вы возгреме́, Госпо́дь на вода́х мно́гих.

(обратно)

7. Собор святаго славнаго пророка Предтечи и Крестителя Господня Иоанна

Прокимен праздника и Предтечи, глас 7: Возвесели́тся пра́ведник о Го́споде, и упова́ет на Него́.

Апостол дне и Предтечи, в Деяниих, Зачало 42.

Аллилуиа праздника и Предтечи, глас 5: Свет возсия́ пра́веднику, и пра́вым се́рдцем весе́лие. Стих: Весели́теся пра́веднику о Го́споде, и испове́дайте па́мять святы́ни Его́.

(обратно)

[зри] Суббота по Просвещении

Прокимен и аллилуиа празднику.

Апостол ко ефесеем, Зачало 233.

(обратно)

[зри] Неделя по Просвещении

Прокимен, глас 1: Бу́ди, Го́споди, ми́лость Твоя́ на нас, / я́коже упова́хом на Тя. Стих: Ра́дуйтеся, пра́веднии, о Го́споде, пра́вым подоба́ет похвала́.

И праздника, глас 4: Благослове́н Гряды́й во и́мя Госпо́дне, Бог Госпо́дь и яви́ся нам.

Апостол ко ефесеем, Зачало 224 от полу, и дне.

Аллилуиа, глас 5: Ми́лости Твоя́, Го́споди, во век воспою́, в род и род возвещу́ и́стину Твою́ усты́ мои́ми. Стих: Зане́ рекл еси́: в век ми́лость сози́ждется, на небесе́х угото́вится и́стина Твоя́.

И праздника, глас 4: Принеси́те Го́сподеви, сы́нове Бо́жии, принеси́те Го́сподеви сы́ны о́вни. Стих: Глас Госпо́день на вода́х, Бог сла́вы возгреме́, Госпо́дь на вода́х мно́гих.

(обратно)

9. Иже во святых отца нашего Филиппа, митрополита Московскаго и всея России чудотворца

Прокимен праздника и святаго, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол дне, и ко евреем, Зачало 335.

Аллилуиа праздника и святаго, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

10. Иже во святых отца нашего Феофана, затворника Вышинскаго

Прокимен праздника и святаго, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол дне, и ко евреем, Зачало 318.

Аллилуиа праздника и святаго, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

И и́же во святых отца нашего Григориа, епископа Ниссийскаго

Прокимен праздника и Григорию, глас 7: Честна́ пред Го́сподем смерть преподо́бных Его́.

Апостол дне, и к коринфяном, Зачало 151.

Аллилуиа праздника и Григорию, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются. Стих: Блаже́н муж боя́йся Го́спода, в за́поведех Его́ восхо́щет зело́.

(обратно)

11. Преподобнаго и богоноснаго отца нашего Феодосиа, общежитии начальника

Прокимен праздника и святаго, глас 7: Честна́ пред Го́сподем смерть преподо́бных Его́.

Апостол дне, и к коринфяном, Зачало 176.

Аллилуиа праздника и святаго, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

14. В сий день отдается праздник Просвещения. И память святыя равноапостольныя Нины, просветительницы Грузии

Прокимен, глас 4: Благослове́н Гряды́й во и́мя Госпо́дне, / Бог Госпо́дь и яви́ся нам. Стих: Испове́дайтеся Го́сподеви, я́ко благ, я́ко в век ми́лость Его́.

И святыя, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне, и святыя, к коринфяном, Зачало 131.

Аллилуиа, глас 4: Принеси́те Го́сподеви, сы́нове Бо́жии, принеси́те Го́сподеви сы́ны о́вни. Стих: Глас Госпо́день на вода́х, Бог сла́вы возгреме́, Госпо́дь на вода́х мно́гих.

И святыя, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

16. Поклонение честных вериг святаго всехвальнаго Апостола Петра

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол в Деяниих, Зачало 29.

Аллилуиа, глас 1: Испове́дят небеса́ чудеса́ Твоя́, Го́споди, и́бо и́стину Твою́ в це́ркви святы́х.

(обратно)

17. Преподобнаго и богоноснаго отца нашего Антониа Великаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 335.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́, род пра́вых благослови́тся.

(обратно)

20. Преподобнаго и богоноснаго отца нашего Евфимиа Великаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 335.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

Неделя от 23-го месяца сего, и восходит до 31-го дне. Празднование собору новомучеников, и исповедников Российских

Прокимен гласа, и новомучеников, глас 7: Бог нам прибе́жище и си́ла.

Апостол гласа, и новомучеников, к римляном, Зачало 99.

Аллилуиа гласа, и новомучеников, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

24. Святей, блаженней во Христе Ксении, бездомней страннице Петрова града

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

25. Иже во святых отца нашего Григориа Богослова, архиепископа Константиня града

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол к коринфяном, Зачало 151.

Аллилуиа, глас 2: Внемли́те, лю́дие мои́, зако́ну моему́, приклони́те у́хо ва́ше во глаго́лы уст мои́х.

(обратно)

27. Пренесение честных мощей, во святых отца нашего Иоанна Златоустаго, патриарха Царя града

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

30. Иже во святых отец наших триех святителей, Василиа Великаго, Григориа Богослова и Иоанна Златоустаго

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол ко евреем, Зачало 334.

Аллилуиа, глас 4: Испове́дят небеса́ чудеса́ Твоя́, Го́споди, и́бо и́стину Твою́ в це́ркви святы́х. Стих: Бог прославля́емь в сове́те святы́х.

(обратно) (обратно)

МЕСЯЦ ФЕВРУАРИЙ

2. Сретение Го́спода Бога и Спаса нашего Иису́са Христа

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 316.

Аллилуиа, глас 8: Ны́не отпуща́еши раба́ Твоего́, Влады́ко, по глаго́лу Твоему́ с ми́ром. Стих: Свет во открове́ние язы́ков, и сла́ву люде́й Твои́х, Изра́иля.

(обратно)

3. Святаго и праведнаго Симеона Богоприимца и Анны пророчицы

Прокимен праздника и святаго, глас 7: Возвесели́тся пра́ведник о Го́споде, и упова́ет на Него́.

Апостол дне и святаго, ко евреем, Зачало 321, от полу.

Аллилуиа праздника и святаго, глас 6: Свет возсия́ пра́веднику, и пра́вым се́рдцем весе́лие.

(обратно)

5. Иже во святых отца нашего Феодосия, архиепископа Черниговскаго, чудотворца

Прокимен праздника и святителя, глас 7: Честна́ пред Го́сподем смерть преподо́бных Его́.

Апостол дне и святителя, ко евреем, Зачало 335.

Аллилуиа праздника и святителя, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́, род пра́вых благослови́тся.

(обратно)

8. Святаго великомученика Феодора Стратилата

Прокимен праздника и святаго, глас 7: Возвесели́тся пра́ведник о Го́споде, и упова́ет на Него́.

Апостол дне и святаго, к Тимофею, Зачало 292.

Аллилуиа праздника и святаго, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

9. В сий день отдается праздник Сретения

Прокимен праздника, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 316.

Аллилуиа праздника, глас 8: Ны́не отпуща́еши раба́ Твоего́, Влады́ко, по глаго́лу Твоему́ с ми́ром. Стих: Свет во открове́ние язы́ков, и сла́ву люде́й Твои́х, Изра́иля.

(обратно)

12. Празднование Пресвятей Богородице, в честь иконы Ея, нарицаемыя Иверския. И преставление во святых отца нашего Алексиа, митрополита Московскаго и всея России чудотворца

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Прокимен святителя, глас 7: Честна́ пред Го́сподем смерть преподо́бных Его́.

Апостол к филипписием, Зачало 240, и святителя, ко евреем, Зачало 335.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

Аллилуиа святителя, глас 6: Воззва́ша пра́веднии, и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

17. Святаго великомученика Феодора Тирона

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к Тимофею, Зачало 292.

Аллилуиа, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

24. Первое и второе обретение честныя главы честнаго и славнаго пророка и Предтечи, Крестителя Господня Иоанна

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к коринфяном, Зачало 176.

Аллилуиа, глас 4: Пра́ведник я́ко фи́никс процвете́т, я́ко кедр и́же к Лива́не умно́жится. Стих: И́стина от земли́ возсия́, и пра́вда с небесе́ прини́че.

(обратно) (обратно)

МЕСЯЦ МАРТ

9. Святых великомученик четыредесяти, и́же в Севастии

Прокимен, глас 5: Ты, Го́споди, сохрани́ши ны, / и соблюде́ши ны от ро́да сего́ и во век. Стих: Спаси́ мя, Го́споди, я́ко оскуде́ преподо́бный.

Апостол ко евреем, Зачало 331.

Аллилуиа, глас 4: Воскли́кните Го́сподеви вся земля́, по́йте же и́мени Его́, дади́те сла́ву хвале́ Его́. Стих: Я́ко искуси́л ны еси́, Бо́же, разже́гл ны еси́, я́коже разжиза́ется сребро́.

(обратно)

25. Благовещение Пресвятыя Владычицы нашея Богородицы, и Приснодевы Марии

Прокимен, глас 4: Благовести́те день от дне / спасе́ние Бо́га на́шего. Стих: Воспо́йте Го́сподеви песнь но́ву, воспо́йте Го́сподеви вся земля́.

Апостол ко евреем, Зачало 306.

Аллилуиа, глас 6: Сни́дет я́ко дождь на руно́, и я́ко ка́пля ка́плющая на зе́млю. Стих: Бу́дет и́мя Его́ благослове́но во ве́ки, пре́жде со́лнца пребыва́ет и́мя Его́.

(обратно) (обратно)

МЕСЯЦ АПРИЛЛИЙ

23. Святаго славнаго великомученика, победоносца и чудотворца Георгиа

Прокимен праздника и святаго, глас 7: Возвесели́тся пра́ведник о Го́споде, и упова́ет на Него́.

Апостол дне и святаго, в Деяниих, Зачало 29.

Аллилуиа праздника и святаго, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

25. Святаго Апостола и Евангелиста Марка

Прокимен праздника и святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, от Петрова послания, Зачало 63.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

27. Святаго священномученика Симеона, сродника Господня

Прокимен праздника и святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, к коринфяном, Зачало 131.

Аллилуиа праздника и святаго, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

30. Святаго Апостола Иакова, брата святаго Иоанна Богослова

Прокимен праздника и святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, в Деяниих, Зачало 29.

Аллилуиа праздника и святаго, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно) (обратно)

МЕСЯЦ МАИЙ

1. Святаго пророка Иеремии

Прокимен праздника и пророка, глас 4: Ты иере́й во век по чи́ну Мелхиседе́кову.

Апостол дне и пророка, к коринфяном, Зачало 156.

Аллилуиа праздника и пророка, глас 8: Моисе́й и Ааро́н во иере́ех Его́, и Саму́ил в призыва́ющих и́мя Его́. Стих: Свет возсия́ пра́веднику, и пра́вым се́рдцем весе́лие.

(обратно)

2. Пренесение мощей святых мученик Бориса и Глеба, нареченных во святом крещении Романа и Давида

Прокимен праздника и святым, глас 4: Святы́м, и́же суть на земли́ Его́, удиви́ Госпо́дь вся хоте́ния Своя́ в них.

Апостол дне и святым, к римляном, Зачало 49.

Аллилуиа праздника и святым, глас 4: Воззва́ша пра́веднии и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

3. Преставление преподобнаго отца нашего Феодосиа, игумена монастыря Печерскаго, начальника в Российстей земли монашескаго общаго жития

Прокимен праздника и святаго, глас 7: Честна́ пред Го́сподем смерть преподо́бных Его́.

Апостол дне и святаго, ко евреем, Зачало 334.

Аллилуиа праздника и святаго, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

7. Воспоминание на небеси явльшагося знамения Честнаго и Животворящаго Креста, во святем граде Иерусалиме, в 3 час дне, при царе Константии, сыне Великаго Константина

Прокимен праздника и Креста, глас 7: Возноси́те Го́спода, Бо́га на́шего, и покланя́йтеся подно́жию но́гу Его́, я́ко свя́то есть.

Апостол дне и Креста, к коринфяном, Зачало 125.

Аллилуиа праздника и Креста, глас 1: Помяни́ сонм Твой, его́же стяжа́л еси́ испе́рва. Стих: Бог же, Царь наш пре́жде ве́ка, соде́ла спасе́ние посреде́ земли́.

(обратно)

8. Святаго славнаго и всехвальнаго Апостола и Евангелиста Иоанна Богослова

Прокимен праздника и святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, в Деяниих, Зачало 68.

Аллилуиа праздника и святаго, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

9. Пренесение честных мощей, и́же во святых отца нашего Николаа чудотворца, от Мир в Бар град

Прокимен праздника и святаго, глас 7: Восхва́лятся преподо́бнии во сла́ве, и возра́дуются на ло́жах свои́х.

Апостол дне и святаго, ко евреем, Зачало 335.

Аллилуиа праздника и святаго, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

10. Святаго Апостола Симона Зилота

Прокимен праздника и святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, к коринфяном, Зачало 131.

Аллилуиа праздника и святаго, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

11. Иже во святых отец наших, равноапостольных Мефодиа и Кирилла, учителей Словенских

Прокимен праздника и святым, глас 7: Честна́ пред Го́сподем смерть преподо́бных Его́.

Апостол дне и святым, ко евреем, Зачало 318.

Аллилуиа праздника и святым, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

12. Иже во святых отца нашего Ермогена, патриарха Московскаго и всея Руси

Прокимен праздника и святаго, глас 7: Возвесели́тся пра́ведник о Го́споде, и упова́ет на Него́.

Апостол дне и святаго, ко евреем, Зачало 335.

Аллилуиа праздника и святаго, глас 4: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

15. Убиение благовернаго царевича князя Димитриа, Московскаго и всея России чудотворца

Прокимен праздника и святаго, глас 7: Возвесели́тся пра́ведник о Го́споде, и упова́ет на Него́.

Апостол дне и святаго, к Тимофею, Зачало 292.

Аллилуиа праздника и святаго, глас 4: Пра́ведник я́ко фи́никс процвете́т, я́ко кедр и́же в Лива́не умно́жится.

(обратно)

19. Святаго великаго благовернаго князя Димитрия Донскаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

20. Обретение честных мощей, во святых отца нашего Алексиа, митрополита Московскаго, и всея России чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 335.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

21. Святых великих царей и равноапостолов Константина и Елены

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к галатом, Зачало 200. Аще ли прилучится внутрь 50-цы: апостол в Деяниих, Зачало 49.

Аллилуиа, глас 1: Вознесо́х избра́ннаго от люде́й мои́х, обрето́х Дави́да раба́ Moeгó. Стих: Го́споди, си́лою Твое́ю возвесели́тся царь, и о спасе́нии Твое́м возра́дуется зело́.

(обратно)

В тойже день празднуем сретение чудотворныя иконы Пресвятыя Богородицы Владимирския

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

23. Обретение честных мощей и́же во святых отца нашего Леонтиа епископа, Ростовскаго чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318 от полу.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд.

(обратно)

25. Третие обретение честныя главы, честнаго и славнаго Пророка и Предтечи, Крестителя Господня Иоанна

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к коринфяном, Зачало 176.

Аллилуиа, глас 5: Свет возсия́ пра́веднику, и пра́вым се́рдцем весе́лие. Стих: И́стина от земли́ возсия́, и пра́вда с небесе́ прини́че.

(обратно)

27. Святаго праведнаго Иоанна Русскаго исповедника

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Апостол к ефесеем, Зачало 233.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно) (обратно)

МЕСЯЦ ИУНИЙ

8. Святаго великомученика Феодора Стратилата

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к Тимофею, Зачало 292.

Аллилуиа, глас 4: Пра́ведник я́ко фи́никс процвете́т, я́ко кедр и́же в Лива́не умно́жится.

(обратно)

9. Иже во святых отца нашего Кирилла, архиепископа Александрийскаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 334.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́.

(обратно)

И преподобнаго отца нашего Кирилла, Белоезерскаго чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́.

(обратно)

10. Иже во святых отца нашего Иоанна, митрополита Тобольскаго

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 335.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

11. Святых Апостол, Варфоломеа и Варнавы

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол в Деяниих, Зачало 28.

Аллилуиа, глас 1: Испове́дят небеса́ чудеса́ Твоя́, Го́споди.

(обратно)

14. Святаго пророка Елиссеа

Прокимен, глас 4: Ты иере́й во век / по чи́ну Мелхиседе́кову. Стих: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х.

Апостол от Иаковля послания, Зачало 57.

Аллилуиа, глас 4: Моисе́й и Ааро́н во иере́ех Его́, и Саму́ил в призыва́ющих и́мя Его́.

(обратно)

15. Иже во святых отца нашего Ионы митрополита Московскаго, и всея России чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 335.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

18. Празднование Пресвятей Богородице, в честь Ея иконы Боголюбския. И святаго мученика Леонтиа

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди. И святаго, глас 7: Возвесели́тся пра́ведник о Го́споде, и упова́ет на Него́.

Апостол к филипписием, Зачало 240. И святаго, в Деяниих, Зачало 29.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии. И святаго, глас 4: Пра́ведник я́ко фи́никс процвете́т, я́ко кедр и́же в Лива́не умно́жится.

(обратно)

19. Святаго Апостола Иуды, брата Господня по плоти

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол от Иудина соборнаго послания, Зачало 77.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

В тойже день, святителя Иова, перваго патриарха Московскаго и всея Руси

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

23. В сий день празднуем сретение Пресвятыя Богородицы чудотворныя иконы Владимирския

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

24. Рождество честнаго славнаго Пророка, Предтечи и Крестителя Иоанна

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к римляном, Зачало 112.

Аллилуиа, глас 3: Благослове́н Госпо́дь Бог Изра́илев, я́ко посети́ и сотвори́ избавле́ние лю́дем свои́м. Стих: И ты, отроча́, проро́к Вы́шняго нарече́шися.

(обратно)

25. Святых чудотворцев муромских, благовернаго князя Петра, нареченнаго во иноцех Давида, и благоверныя княгини Февронии, нареченныя во инокинях Евфросинии

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́.

(обратно)

26. Явление иконы Пресвятыя Владычицы нашея Богородицы и Приснодевы Марии, Тихфинския

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

28. Празднование Пресвятей Богородице в честь Ея иконы Троеручица

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

В тойже день, преподобных отец Сергиа и Германа, Валаамских чудотворцев

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

29. Святых славных и всехвальных первоверховных Апостол, Петра и Павла

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 193.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

30. Собор святых славных и всехвальных апостол 12

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно) (обратно)

МЕСЯЦ ИУЛИЙ

1. Святых и чудотворцев безсребреников, Космы и Дамиана, в Риме пострадавших

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к коринфяном, Зачало 153.

Аллилуиа, глас 4: Се что добро́, или́ что красно́, но е́же жи́ти бра́тии вку́пе?

(обратно)

2. Положение честныя ризы Пресвятыя Владычицы нашея Богородицы, во Влахерне

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 320.

Аллилуиа, глас 8: Воскресни́, Го́споди, в поко́й Твой, Ты и киво́т святы́ни Твоея́.

(обратно)

3. Пренесение мощей во святых отца нашего Филиппа, митрополита Московскаго и всея России чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 335.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

4. Святых царственных страстотерпец императора Николая, императрицы Александры, царевича Алексия, великих княжен Ольги, Татианы, Марии, Анастасии, от безбожныя власти избиенных

Прокимен, глас 7: Го́споди, си́лою Твое́ю возвесели́тся царь, / и о спасе́нии Твое́м возра́дуется зело́. Стих: Жела́ние се́рдца его́ дал еси́ ему́, и хоте́ния устну́ его́ не́си лиши́л его́.

Апостол к римляном, Зачало 99.

Аллилуиа, глас 1: Я́ко царь упова́ет на Го́спода, и ми́лостию Вы́шняго не подви́жится. Стих: Вознеси́ся, Го́споди, си́лою Твое́ю, воспое́м и пое́м си́лы Твоя́.

(обратно)

В тойже день, преподобнаго Андреа Рублева, иконописца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 334.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

5. Преподобнаго и богоноснаго отца нашего Афанасиа Афонскаго. И обретение честных мощей преподобнаго и богоноснаго отца нашего Сергиа игумена, Радонежскаго чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

8. Явление иконы Пресвятыя Владычицы нашея Богородицы во граде Казани

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

10. Положение честныя и многоцелебныя ризы Го́спода Бога и Спаса нашего Иису́са Христа. И преподобнаго отца нашего Антониа Печерскаго Киевскаго

Прокимен, глас 7: Возноси́те Го́спода, Бо́га на́шего, / и покланя́йтеся подно́жию но́гу Его́, я́ко свя́то есть. Стих: Госпо́дь воцари́ся, да гне́ваются лю́дие. И святаго, глас 7: Честна́ пред Го́сподем смерть преподо́бных Его́.

Апостол к коринфяном, Зачало 125. И святаго, к галатом, Зачало 213.

Аллилуиа, глас 1: Помяни́ сонм Твой, его́же стяжа́л еси́ испе́рва. Стих: Бог же, Царь наш пре́жде ве́ка, соде́ла спасе́ние посреде́ земли́. И святаго, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

11. Святыя мученицы и прехвальныя Евфимии

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к коринфяном, Зачало 181.

Аллилуиа, глас 1: Терпя́ потерпе́х Го́спода, и внят ми, и услы́ша моли́тву мою́.

(обратно)

12. Празднование Пресвятей Богородице в честь Ея иконы Троеручица

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

13. Собор святаго Архангела Гавриила

Прокимен, глас 4: Творя́й а́нгелы Своя́ ду́хи, / и слуги́ Своя́ пла́мень о́гненный. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Апостол ко евреем, Зачало 305.

Аллилуиа, глас 5: Хвали́те Го́спода вси а́нгели Его́, хвали́те Его́ вся си́лы Его́. Стих: Я́ко Той рече́ и бы́ша, Той повеле́ и созда́шася.

(обратно)

15. Святаго равноапостола, великаго князя Владимира, нареченнаго во святом крещении Василиа

Прокимен, глас 3: По́йте Бо́гу на́шему, по́йте, / по́йте Царе́ви на́шему, по́йте. Стих: Вси язы́цы восплещи́те рука́ми, воскли́кните Бо́гу гла́сом ра́дования.

Апостол к галатом, Зачало 200.

Аллилуиа, глас 6: Вознесо́х избра́ннаго от люде́й мои́х. Стих: И́бо рука́ Моя́ засту́пит его́, и мы́шца Моя́ укрепи́т его́.

(обратно)

В неделю по шестомнадесять числе настоящаго месяца, память совершаем шести соборов святых отец

Прокимен гласа и отцев песнь, глас 4: Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки.

Апостол дне и отцев, ко евреем, Зачало 334.

Аллилуиа гласа и отцев, глас 1: Бог бого́в Госпо́дь глаго́ла, и призва́ зе́млю от восто́к со́лнца до за́пад. Стих: Собери́те ему́ преподо́бныя Его́.

(обратно)

19. Прославление преподобнаго Серафима Саровскаго, чудотворца

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

20. Святаго славнаго пророка Илии

Прокимен, глас 4: Ты иере́й во век / по чи́ну Мелхиседе́кову. Стих: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х.

Апостол от Иаковля послания, Зачало 57.

Аллилуиа, глас 4: Моисе́й и Ааро́н во иере́ех Его́, и Саму́ил в призыва́ющих и́мя Его́.

(обратно)

22. Святыя мироносицы и равноапостольныя Марии Магдалины

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к коринфяном, Зачало 141.

Аллилуиа, глас 1: Терпя́ потерпе́х Го́спода, и внят ми.

(обратно)

23. Празднование Пресвятей Богородице в честь Ея иконы Почаевския

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 320.

Аллилуиа, глас 2: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно)

24. Святых мученик, Бориса и Глеба, нареченных во святом крещении Романа и Давида

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к римляном, Зачало 99.

Аллилуиа, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

25. Успение святыя Анны, матере Пресвятыя Богородицы

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к галатом, Зачало 210 от полу.

Аллилуиа, глас 1: Спасе́ние пра́ведных от Го́спода, и защи́титель их есть во вре́мя ско́рби.

(обратно)

27. Святаго великомученика и целителя Пантелеимона

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к Тимофею, Зачало 292.

Аллилуиа, глас 2: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

28. В сий день празднуем явление иконы Смоленския Пресвятыя Владычицы нашея Богородицы, Одигитрии

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

30. Святаго мученика Иоанна Воина

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к римляном, Зачало 116.

Аллилуиа, глас 4: Мно́ги ско́рби пра́ведным, и от всех их изба́вит я́ Госпо́дь.

(обратно) (обратно)

МЕСЯЦ АВГУСТ

1. Происхождение честных древ Честнаго и Животворящаго Креста. И память святых седми мученик Маккавей, и матере их Соломонии, и учителя их Елеазара

Прокимен, глас 6: Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.

Святым, прокимен, глас 4: Святы́м, и́же суть на земли́ Его́, удиви́ Госпо́дь вся хоте́ния Своя́ в них.

Апостол к коринфяном, Зачало 125. И святым, ко евреем, Зачало 330.

Аллилуиа, глас 4: Помяни́ сонм Твой, его́же стяжа́л еси́ испе́рва. Стих: Бог же Царь наш пре́жде ве́ка, соде́ла спасе́ние посреде́ земли́. Святым, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.

(обратно)

2. Пренесение мощей святаго первомученика и архидиакона Стефана

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол в Деяниих, Зачало 17.

Аллилуиа, глас 1: Испове́дят небеса́ чудеса́ Твоя́, Го́споди, и́бо и́стину Твою́ в це́ркви святы́х.

(обратно)

6. Преображение Го́спода Бога и Спаса нашего Иису́са Христа

Прокимен, глас 4: Я́ко возвели́чишася дела́ Твоя́, Го́споди, / вся прему́дростию сотвори́л еси́. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Апостол от Петрова послания, Зачало 65.

Аллилуиа, глас 8: Твоя́ суть небеса́, и твоя́ есть земля́. Стих: Блаже́ни лю́дие ве́дущии воскликнове́ние.

(обратно)

7. Память святителя Митрофана, епископа Воронежскаго

Прокимен праздника и до отдания. И святаго, прокимен, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол дне и святаго, ко евреем, Зачало 318.

Аллилуиа праздника и святаго, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

9. Святаго Апостола Матфиа

Прокимен праздника и святаго, глас 8: Во всю зе́млю изы́де веща́ние их, и в концы́ вселе́нныя глаго́лы их.

Апостол дне и святаго, в Деяниих, Зачало 2.

Аллилуиа праздника и святаго, глас 1: Испове́дят небеса́ чудеса́ Твоя́, Го́споди.

(обратно)

13. В сий день отдается праздник Преображения. И память и́же во святых отца нашего Тихона, епископа Воронежскаго

Прокимен праздника, глас 4: Я́ко возвели́чишася дела́ Твоя́, Го́споди, / вся прему́дростию сотвори́л еси́. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Прокимен святаго, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.

Апостол дне и святаго, ко евреем, Зачало 318.

Аллилуиа праздника, глас 8: Твоя́ суть небеса́, и твоя́ есть земля́. Стих: Блаже́ни лю́дие ве́дущии воскликнове́ние.

Аллилуиа святаго, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́.

(обратно)

15. Успение Пресвятыя Владычицы нашея Богородицы, и Приснодевы Марии

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 2: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно)

16. Пренесение от Едеса нерукотвореннаго образа Го́спода Бога и Спаса нашего Иису́са Христа, еже есть святый убрус, в царский град

Прокимен, глас 4: Воспо́йте Го́сподеви песнь но́ву, / я́ко ди́вна сотвори́ Госпо́дь. Стих: Ви́деша вси концы́ земли́ спасе́ние Бо́га на́шего.

И праздника прокимен, глас 3, песнь Богородицы: Вели́чит душа́ Моя́ Го́спода, и возра́довася дух Мой о Бо́зе, Спа́се Мое́м.

Апостол к колоссаем, Зачало 250, и дне.

Аллилуиа, глас 4: Го́споди, во све́те лица́ Твоего́ по́йдем, и о и́мени Твое́м возра́дуемся во ве́ки.

И праздника, глас 2: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно)

23. В сий день отдается праздник Успения Пресвятыя Богородицы

Прокимен праздника, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол дне и праздника, к филипписием, Зачало 240.

Аллилуиа праздника, глас 2: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно)

24. Пренесение честных мощей, и́же во святых отца нашего Петра, митрополита Киевскаго и всея России чудотворца

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

25. Возвращение мощей святаго Апостола Варфоломеа. И память святаго Апостола Тита

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к Титу, Зачало 300.

Аллилуиа, глас 1: Испове́дят небеса́ чудеса́ Твоя́, Го́споди. Стих: Бог прославля́емь в сове́те святы́х.

(обратно)

26. В сий день празднуем воследование похвально сретения чудотворныя иконы Владимирския, Пресвятыя Владычицы нашея Богородицы

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол к филипписием, Зачало 240.

Аллилуиа, глас 8: Слы́ши, Дщи, и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии.

(обратно)

29. Усекновение честныя главы честнаго славнаго Пророка, Предтечи и Крестителя Господня Иоанна

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол в Деяниих Зачало 33.

Аллилуиа, глас 4: Пра́ведник я́ко фи́никс процвете́т, я́ко кедр и́же в Лива́не умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

30. Пренесение мощей святаго благовернаго великаго князя Александра Невскаго

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

31. Положение честнаго пояса Пресвятыя Владычицы нашея Богородицы в Халкопратии, принесену от епископии Зилы в царствующий град

Прокимен, глас 3, песнь Богородицы: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́: се бо от ны́не ублажа́т Мя вси ро́ди.

Апостол ко евреем, Зачало 320.

Аллилуиа, глас 2: Воскресни́, Го́споди, в поко́й Твой, Ты и киво́т святы́ни Твоея́. Стих: Кля́тся Госпо́дь Дави́ду и́стиною, и не отве́ржется ея́.

(обратно) (обратно) (обратно)

ПРОКИМЕНИ, АПОСТОЛИ И АЛЛИЛУИАРЕ ОБЩИ СВЯТЫМ, ИМЖЕ ЕГДА ТВОРИМ СЛУЖБУ

Служба Пресвятей Богородице

Прокимен, глас 3. Песнь Богородицы: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м. Стих: Я́ко призре́ на смире́ние рабы́ Своея́, се бо от ны́не ублажа́т Мя вси ро́ди.

Другий прокимен, глас 6: Помяну́ и́мя Твое́ / во вся́ком ро́де и ро́де. Стих: Слы́ши, Дщи, и виждь, и приклони́ у́хо Твое́.

Апостол к филипписием, Зачало 240. Другий ко евреем, Зачало 320.

Аллилуиа, глас 8: Слы́ши дщи и виждь, и приклони́ у́хо Твое́. Стих: Лицу́ Твоему́ помо́лятся бога́тии лю́дстии. Стих: Кля́тся Госпо́дь Дави́ду и́стиною, и не отве́ржется ея́.

(обратно)

Служба святым Небесным Безплотным Силам

Прокимен, глас 4: Творя́й А́нгелы Своя́ ду́хи, / и слуги́ Своя́ пла́мень о́гненный. Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Апостол ко евреем, Зачало 305.

Аллилуиа, глас 5: Хвали́те Го́спода вси А́нгели Его́, хвали́те Его́ вся Си́лы Его́. Стих: Я́ко Той рече́, и бы́ша: Той повеле́, и созда́шася.

(обратно)

Служба святым пророком обща

Прокимен, глас 4: Ты иере́й во век / по чи́ну Мелхиседе́кову. Стих: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х.

Апостол к коринфяном, Зачало 156. Другий ко евреем, Зачало 314. Третий от соборнаго послания Иаковля, Зачало 57.

Аллилуиа, глас 5: Моисе́й и Ааро́н во иере́ех Его́, и Саму́ил в призыва́ющих и́мя Его́. Стих: Свет возсия́ пра́веднику, и пра́вым се́рдцем весе́лие.

(обратно)

Служба святым Апостолом обща

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Апостол к коринфяном, Зачало 131.

Аллилуиа, глас 1: Испове́дят небеса́ чудеса́ Твоя́ Го́споди, и́бо и́стину Твою́ в це́ркви святы́х. Стих: Бог прославля́емь в сове́те святы́х.

(обратно)

Служба святителю единому

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. Стих: Услы́шите сия́ вси язы́цы, внуши́те вси живу́щии по вселе́нней.

Апостол ко евреем, Зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́.

(обратно)

Служба святителей обща

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 335.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

Служба преподобных, и Христа ради юродивых обща

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол к галатом, Зачало 213.

Аллилуиа, глас 6: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

Служба мученика

Прокимен, глас 7: Возвесели́тся пра́ведник о Го́споде, / и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́.

Апостол к Тимофею, Зачало 292.

Аллилуиа, глас 4: Пра́ведник я́ко фи́никс процвете́т, я́ко кедр, и́же в Лива́не, умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т.

(обратно)

Служба мучеников обща

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к римляном, Зачало 99, или ко евреем, Зачало 330.

Аллилуиа, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь.

(обратно)

Служба священномученика

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Апостол ко евреем, Зачало 334.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

Служба священномучеников обща

Прокимен, глас 7: Честна́ пред Го́сподем / смерть преподо́бных Его́. Стих: Что возда́м Го́сподеви о всех, я́же воздаде́ ми?

Апостол ко евреем, Зачало 318, или к филипписием, Зачало 246.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

(обратно)

Служба преподобномучеников обща

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Апостол преподобномученика единаго, к Тимофею, Зачало 291. Преподобномучеником апостол к римляном, Зачало 99.

Аллилуиа, глас 6: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

Служба святых мучениц обща

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к коринфяном, Зачало 181. Другий к галатом, Зачало 208.

Аллилуиа, глас 1: Терпя́ потерпе́х Го́спода, и внят ми и услы́ша моли́тву мою́.

(обратно)

Служба преподобных жен обща

Прокимен, глас 4: Ди́вен Бог во святы́х Свои́х, / Бог Изра́илев. Стих: В це́рквах благослови́те Бо́га, Го́спода от исто́чник Изра́илевых.

Апостол к галатом, Зачало 208.

Аллилуиа, глас 1: Терпя́ потерпе́х Го́спода, и внят ми и услы́ша моли́тву мою́.

(обратно)

Служба исповедников

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Апостол ко ефесеем, Зачало 233.

Аллилуиа, глас 6: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.

(обратно)

Служба безмездников

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Апостол к коринфяном, Зачало 153.

Аллилуиа, глас 2: Се что добро́, или́ что красно́, но е́же жи́ти бра́тии вку́пе?

(href=#r>обратно)

Служба за мертвыя

Прокимен, глас 6: Ду́ши их / во благи́х водворя́тся. Стих: К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век.

В понедельник апостол к римляном, Зачало 113.

Во вторник апостол к коринфяном, Зачало 162.

В среду апостол к коринфяном, Зачало 178.

В четверток апостол к коринфяном, Зачало 160.

В пяток апостол к коринфяном, Зачало 163.

В субботу апостол к солуняном, Зачало 270.

Аллилуиа, глас 8: Блаже́ни я́же избра́л и прия́л еси́, Го́споди. Стих: И па́мять их в род и род.

(обратно) (обратно)

ПРОКИМЕНИ, АПОСТОЛИ И АЛЛИЛУИАРЕ НА ВСЯКУ ПОТРЕБУ РАЗЛИЧНИИ

На крещение человеков

Прокимен, глас 3: Госпо́дь просвеще́ние мое́ и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся?

Апостол к римляном, Зачало 91.

(обратно)

Во вре́мя брака

Прокимен, глас 8: Положи́л еси́ на глава́х их венцы́, от ка́меней честны́х, / живота́ проси́ша у Тебе́, и дал еси́ им. Стих: Я́ко да́си им благослове́ние во век ве́ка, возвесели́ши я́ ра́достию с лице́м Твои́м.

Апостол к ефесеем, Зачало 230.

Аллилуиа, глас 5: Стих: Ты Го́споди сохрани́ши ны, и соблюде́ши ны от ро́да сего́ и во век.

(обратно)

На освящение елеа. Седмь иереев

Первый иерей глаголет:

Прокимен, глас 1: Бу́ди, Го́споди, ми́лость Твоя́ на нас, / я́коже упова́хом на Тя. Стих: Ра́дуйтеся пра́веднии о Го́споде, пра́вым подоба́ет похвала́.

Апостол от Иаковля послания, Зачало 57.

Аллилуиа, глас 8: Ми́лость и суд воспою́ тебе́, Го́споди.

(обратно)

Вторый иерей глаголет:

Прокимен, глас 2: Кре́пость моя́ и пе́ние мое́ Госпо́дь, / и бысть мне во спасе́ние. Стих: Наказу́я наказа́ мя Госпо́дь, сме́рти же не предаде́ мя.

Апостол к римляном, Зачало 116.

Аллилуиа, глас 5: Ми́лости Твоя́, Го́споди, во век воспою́.

(обратно)

Третий иерей глаголет:

Прокимен, глас 3: Госпо́дь просвеще́ние мое́ и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся?

Апостол к коринфяном, Зачало 153.

Аллилуиа, глас 2: На Тя, Го́споди, упова́х, да не постыжу́ся во век.

(обратно)

Четвертый иерей глаголет:

Прокимен, глас 4: Во́ньже а́ще день призову́ Тя, / ско́ро услы́ши мя. Стих: Го́споди, услы́ши моли́тву мою́, и вопль мой к Тебе́ да прии́дет.

Апостол к коринфяном, Зачало 182 от полу.

Аллилуиа, глас 2: Терпя́ потерпе́х Го́спода, и внят ми.

(обратно)

Пятый иерей глаголет:

Прокимен, глас 5: Ты, Го́споди, сохрани́ши ны, и соблюде́ши ны / от ро́да сего́, и во век. Стих: Спаси́ мя, Го́споди, я́ко оскуде́ преподо́бный.

Апостол к коринфяном, Зачало 168.

Аллилуиа, глас 5: Ми́лости Твоя́, Го́споди, во век воспою́.

(обратно)

Шестый иерей глаголет:

Прокимен, глас 6: Поми́луй мя, Бо́же, / по вели́цей ми́лости Твое́й. Стих: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Апостол к галатом, Зачало 213.

Аллилуиа, глас 6: Блаже́н муж боя́йся Го́спода, в за́поведех Его́ восхо́щет зело́.

(обратно)

Седмый иерей глаголет:

Прокимен, глас 7: Го́споди, да не я́ростию Твое́ю обличи́ши мене́, / ниже́ гне́вом Твои́м нака́жеши мене́. Стих: Поми́луй мя, Го́споди, я́ко не́мощен есмь.

Апостол к солуняном, Зачало 273.

Аллилуиа, глас 7: Услы́шит тя Госпо́дь в день печа́ли, защи́тит тя и́мя Бо́га Иа́ковля.

(обратно) (обратно)

На пострижение монахов

Прокимен, глас 3: Госпо́дь просвеще́ние мое́ и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся,

Апостол к ефесеем, Зачало 233.

Аллилуиа, глас 1: Сей ни́щий воззва́, и Госпо́дь услы́ша и́, и от всех скорбе́й его́ спасе́ и́.

(обратно)

На погребение мирян

Прокимен, глас 6: Блаже́н путь, во́ньже и́деши днесь, душе́, / я́ко угото́вася тебе́ ме́сто упокое́ния. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол к солуняном, Зачало 270.

Аллилуиа. Блаже́н, его́же избра́л и прия́л еси́, Го́споди.

(обратно)

На погребение монахов

Прокимен, глас 6: Блаже́н путь, во́ньже и́деши, бра́те, днесь, / я́ко угото́вася тебе́ ме́сто поко́я. Стих: Обрати́ся душе́ моя́, в поко́й Твой, я́ко Госпо́дь благоде́йствова тя.

Апостол к солуняном, Зачало 270.

Аллилуиа, глас 6: Блаже́н, его́же избра́л и прия́л еси́, Го́споди.

(обратно)

На погребение священников

Прокимен, глас 6: Блаже́н путь, во́ньже и́деши днесь душе́, / я́ко угото́вася тебе́ ме́сто упокое́ния. Стих: Обрати́ся, душе́ моя́, в поко́й Твой, я́ко Госпо́дь благоде́йствова тя.

Апостол к солуняном, Зачало 270.

Аллилуиа, глас 6: Блаже́н, его́же избра́л и прия́л еси́, Го́споди.

Вторый прокимен, глас 6: Блаже́н, его́же избра́л / и прия́л еси́, Го́споди. Стих: Тебе́ подоба́ет песнь, Бо́же, в Сио́не.

Апостол к римляном, Зачало 89.

Аллилуиа, глас 6: Блаже́н, его́же избра́л и прия́л еси́, Го́споди.

Третий прокимен, глас 6: Блаже́н, его́же избра́л / и прия́л еси́, Го́споди. Стих: Па́мять его́ в род и род.

Апостол к коринфяном, Зачало 158.

Аллилуиа, глас 6: Блаже́н, его́же избра́л и прия́л еси́, Го́споди.

Четвертый прокимен, глас 6: Душа́ его́ / во благи́х водвори́тся. Стих: К Тебе́, Го́споди, воззову́, Бо́же мой, да не премолчи́ши от мене́.

Апостол к коринфяном, Зачало 160.

Аллилуиа, глас 6: Блаже́н муж боя́йся Го́спода. Стих: Си́льно на земли́ бу́дет се́мя его́.

Пятый прокимен, глас 6: Блаже́н, его́же избра́л / и прия́л еси́, Го́споди. Стих: Душа́ его́ во благи́х водвори́тся.

Апостол к римляном Зачало 113.

Аллилуиа, глас 6: Блаже́н, его́же избра́л и прия́л еси́, Го́споди. Стих: Душа́ его́ во благи́х водвори́тся.

(обратно)

На погребении младенцев

Прокимен, глас 6: Блаже́н путь, во́ньже по́йдеши, душе́, / я́ко угото́вася тебе́ ме́сто упокое́ния. Стих: Обрати́ся, душе́ моя́, в поко́й Твой, я́ко Госпо́дь благоде́йствова тя.

Апостол к коринфяном, Зачало 162.

Аллилуиа, глас 6: Блаже́н, его́же избра́л и прия́л еси́, Го́споди. Стих: Душа́ его́ во благи́х водвори́тся.

(обратно)

Августа в первый день, на освящение воды

Прокимен, глас 3: Госпо́дь просвеще́ние мое́, и Спаси́тель мой, / кого́ убою́ся? Стих: Госпо́дь защи́титель живота́ моего́, от кого́ устрашу́ся?

Апостол ко евреем, Зачало 306.

Аллилуиа, глас 6: Отры́гну се́рдце мое́ сло́во бла́го. Стих: Глаго́лю аз дела́ моя́ Царе́ви.

(обратно)

На освящение церкве

Прокимен, глас 4: До́му Твоему́ подоба́ет святы́ня, Го́споди, / в долготу́ дний. Стих: Госпо́дь воцари́ся, в ле́поту облече́ся, облече́ся Госпо́дь в си́лу и препоя́сася.

Апостол ко евреем, Зачало 307.

Аллилуиа, глас 1: Основа́ния его́ на гора́х святы́х, лю́бит Госпо́дь врата́ Сио́ня па́че всех селе́ний Иа́ковлих. Стих: Пресла́вная глаго́лашася о тебе́, гра́де Бо́жий.

(обратно)

Над болящим

Прокимен, глас 1: Аз рех: Го́споди, поми́луй мя, исцели́ ду́шу мою́, / я́ко согреши́х Тебе́. Стих: Блаже́н разумева́яй на ни́ща и убо́га, в день лют изба́вит его́ Госпо́дь.

Апостол Иаковля послания, Зачало 57.

Аллилуиа, глас 8: При́зри на мя, и поми́луй мя.

(обратно)

На основание и на обновление града

Прокимен, глас 4: До́му Твоему́ подоба́ет святы́ня, / Го́споди, в долготу́ дний. Стих: И́бо утверди́ вселе́нную, я́же не подви́жится.

Апостол в Деяниих, Зачало 40 от полу.

Аллилуиа, глас 2: Основа́ния его́ на гора́х святы́х, лю́бит Госпо́дь врата́ Сио́ня па́че всех селе́ний Иа́ковлих. Стих: Пресла́вная глаго́лашася о тебе́, гра́де Бо́жий.

(обратно)

Последование в бездождие

Прокимен, глас 4: Бразды́ земны́я упо́й, / и умно́жи жи́та ея́. Стих: В ка́плях ея́ возвесели́тся возсия́ющи.

Апостол Иаковля послания, Зачало 57.

Аллилуиа, глас 8: Благослови́ши вене́ц ле́та бла́гости Твоея́, и поля́ Твоя́ испо́лнятся ту́ка. Стих: Разботе́ют кра́сная пусты́ни, и ра́достию хо́лми препоя́шутся.

(обратно)

Во время безведрия

Прокимен, глас 4: Спаси́ мя, Бо́же, / я́ко внидо́ша во́ды до души́ моея́. Стих: Углебо́х в тиме́нии глубины́, и несть постоя́ния.

Апостол к римляном, Зачало 98.

Аллилуиа, гласа: Спаси́ мя от бре́ния, да не угле́бну, и от глубо́ких вод. Стих: Да не потопи́т мене́ бу́ря водна́я, ниже́ да пожре́т мене́ глубина́.

(обратно)

Во страх труса

Прокимен, глас 8: Го́споди, да не я́ростию Твое́ю обличи́ши мене́, / ниже́ гне́вом Твои́м нака́жеши мене́. Стих: Не отврати́ лица́ Твоего́ от о́трока Твоего́.

Апостол ко евреем, Зачало 331 от полу.

Аллилуиа, глас 5: Бо́же, отри́нул ны еси́, и низложи́л еси́ нас. Стих: Стрясл еси́ зе́млю, и смути́л еси́ ю́, исцели́ сокруше́ние ея́, я́ко подви́жеся.

(обратно)

В запалении огня

Прокимен, глас 1: Бу́ди, Го́споди, ми́лость Твоя́ на нас, / я́коже упова́хом на Тя. Стих: Се, о́чи Госпо́дни на боя́щияся Его́, и упова́ющия на ми́лость Его́.

Апостол ко евреем, Зачало 332.

Аллилуиа. Щедр и ми́лостив Госпо́дь всем призыва́ющим Его́.

(обратно)

Последование за люди во время брани

Прокимен, глас 4: Го́споди, си́лою Твое́ю возвесели́тся царь, / и о спасе́нии Твое́м возра́дуется зело́. Стих: Жела́ние се́рдца его́ дал еси́ ему́, и хоте́ния устну́ его́ не́си лиши́л его́.

Апостол ко ефесеем, Зачало 233.

Аллилуиа, глас 2: Услы́шит тя Госпо́дь в день печа́ли, защи́тит тя и́мя Бо́га Иа́ковля. Стих: Го́споди, спаси́ царя́, и услы́ши ны, во́ньже а́ще день призове́м Тя.

(обратно)

В нашествии брани

Прокимен, глас 1: Госпо́дь кре́пок и си́лен, / Госпо́дь си́лен в бра́ни. Стих: Госпо́дня земля́ и исполне́ние ея́, вселе́нная и вси живу́щии на ней.

Апостол ко ефесеем, Зачало 220.

Аллилуиа, глас 8: Госпо́дь сил с на́ми, засту́пник наш Бог Иа́ковль. Стих: Бог нам прибе́жище и си́ла, помо́щник в ско́рбех, обре́тших ны зело́.

(обратно)

В нашествии варвар

Прокимен, глас 4: Да воскре́снет Бог, / и расточа́тся врази́ Его́. Стих: Я́ко исчеза́ет дым, да исче́знут.

Апостол ко ефесеем, Зачало 220.

Аллилуиа, стих: Госпо́дь сокруша́яй бра́ни, Госпо́дь и́мя Ему́.

(обратно)

Последование в мир

Прокимен, глас 4: Мир мног / лю́бящим Тя, Го́споди. Стих: Ча́ях Бо́га спаса́ющаго мя.

Апостол ко ефесеем, Зачало 221.

Аллилуиа, глас 4: Вопроси́те я́же о ми́ре Иерусали́ма.

Конeц, и Богу слaва.

(обратно) (обратно)

Оглавление

  • ДЕЯНИЯ СВЯТЫХ АПОСТОЛ, списана святым Апостолом и Евангелистом Лукою
  •   Зачало 1 (Во святую и великую неделю Пасхи)
  •   Зачало 1 (На Вознесение Господне)
  •   Зачало 2
  •   Зачало 3
  •   Зачало 4
  •   Зачало 5
  •   Зачало 6
  •   Зачало 7
  •   Зачало 8
  •   Зачало 9
  •   Зачало 10
  •   Зачало 11
  •   Зачало 12
  •   Зачало 13
  •   Зачало 14
  •   Зачало 15
  •   Зачало 16
  •   Зачало 17
  •   Зачало 18
  •   Зачало 19
  •   Зачало 20
  •   Зачало 21 (В пяток 3-я недели)
  •   Зачало 21 (Октовриа в первый день, апостолу Анании)
  •   Зачало 22
  •   Зачало 23
  •   Зачало 24
  •   Зачало 25
  •   Зачало 26
  •   Зачало 27
  •   Зачало 28
  •   Зачало 29
  •   Зачало 30
  •   Зачало 31
  •   Зачало 32
  •   Зачало 33
  •   Зачало 34
  •   Зачало 35
  •   Зачало 36
  •   Зачало 37
  •   Зачало 38
  •   Зачало 39
  •   Зачало 40 (Святому Дионисию Ареопагиту)
  •   Зачало 40 (Во вторник 6-я недели)
  •   Зачало 40В (На обновление Царя града и на основание града)
  •   Зачало 41
  •   Зачало 42
  •   Зачало 43
  •   Зачало 44
  •   Зачало 45
  •   Зачало 46
  •   Зачало 47
  •   Зачало 48
  •   Зачало 49
  •   Зачало 50 (В пяток 7-я недели)
  •   Зачало 51 (В субботу 7-ю)
  • СОБОРНОЕ ПОСЛАНИЕ ИАКОВЛЕ
  •   Зачало 50 (В среду 31-я недели)
  •   Зачало 51 (В четверток 31-я недели)
  •   Зачало 52
  •   Зачало 53
  •   Зачало 54
  •   Зачало 55
  •   Зачало 56
  •   Зачало 57 (Иулиа 20, пророку Илии. И о бездождии)
  •   Зачало 57 (Над болящим)
  • СОБОРНОЕ ПОСЛАНИЕ ПЕРВОЕ СВЯТАГО АПОСТОЛА ПЕТРА
  •   Зачало 58 (В пяток 32-я недели)
  •   Зачало 58 (Паремия 1-я на память святых Апостол Петра и Павла)
  •   Зачало 58 (Паремия 2-я)
  •   Зачало 58 (Паремия 3-я)
  •   Зачало 59
  •   Зачало 60
  •   Зачало 61
  •   Зачало 62
  •   Зачало 63
  • СОБОРНОЕ ПОСЛАНИЕ ВТОРОЕ ТОГОЖДЕ СВЯТАГО АПОСТОЛА ПЕТРА
  •   Зачало 64
  •   Зачало 65
  •   Зачало 66
  •   Зачало 67
  •   Зачало 68 (В среду 34-я недели)
  • СОБОРНОЕ ПОСЛАНИЕ ПЕРВОЕ СВЯТАГО АПОСТОЛА ИОАННА БОГОСЛОВА
  •   Зачало 68 (Месяца маиа в 8-й день)
  •   Зачало 69
  •   Зачало 70
  •   Зачало 71
  •   Зачало 72
  •   Зачало 73 (В среду 35-я недели. И на вечерни Иоанну Богослову, чтение первое)
  •   Зачало 73 (Паремия вторая)
  •   Зачало 73 (Септемвриа 26)
  •   Зачало 74 (Паремия третия)
  •   Зачало 74 (В четверток 35-я недели)
  • СОБОРНОЕ ПОСЛАНИЕ ВТОРОЕ СВЯТАГО АПОСТОЛА ИОАННА БОГОСЛОВА
  •   Зачало 75
  • СОБОРНОЕ ПОСЛАНИЕ ТРЕТИЕ СВЯТАГО АПОСТОЛА ИОАННА БОГОСЛОВА
  •   Зачало 76
  • СОБОРНОЕ ПОСЛАНИЕ ИУДИНО
  •   Зачало 77
  •   Зачало 78
  • К РИМЛЯНОМ ПОСЛАНИЕ СВЯТАГО АПОСТОЛА ПАВЛА
  •   Зачало 79 (Во вторник первыя недели по Пятидесятнице)
  •   Зачало 79 (В субботу первую по Пятидесятнице)
  •   Зачало 80
  •   Зачало 81 (В четверток первыя недели)
  •   Зачало 81 (Неделя вторая)
  •   Зачало 82
  •   Зачало 83
  •   Зачало 84
  •   Зачало 85
  •   Зачало 86
  •   Зачало 87
  •   Зачало 88 (Неделя 3-я)
  •   Зачало 88 (В 3-й час Пятка великаго)
  •   Зачало 89
  •   Зачало 90
  •   Зачало 91
  •   Зачало 92
  •   Зачало 93
  •   Зачало 94
  •   Зачало 95
  •   Зачало 96 (Среда 3-я недели)
  •   Зачало 96 (Декемвриа 28)
  •   Зачало 96 (Ианнуариа 4)
  •   Зачало 97
  •   Зачало 98
  •   Зачало 99
  •   Зачало 100
  •   Зачало 101
  •   Зачало 102
  •   Зачало 103
  •   Зачало 104
  •   Зачало 105
  •   Зачало 106
  •   Зачало 107
  •   Зачало 108
  •   Зачало 109
  •   Зачало 110
  •   Зачало 111
  •   Зачало 112
  •   Зачало 113
  •   Зачало 114
  •   Зачало 115
  •   Зачало 116
  •   Зачало 117
  •   Зачало 118
  •   Зачало 119
  •   Зачало 120
  •   Зачало 121 (В понедельник 6-я недели)
  •   Зачало 121 (Неделя первая поста, на молебном пении)
  • К КОРИНФЯНОМ ПЕРВОЕ ПОСЛАНИЕ СВЯТАГО АПОСТОЛА ПАВЛА
  •   Зачало 122
  •   Зачало 123
  •   Зачало 124
  •   Зачало 125 (На Воздвижение Креста)
  •   Зачало 125 (В Пяток великий)
  •   Зачало 125 (В субботу 12-ю и в субботу по Воздвижении)
  •   Зачало 126
  •   Зачало 127
  •   Зачало 128
  •   Зачало 129
  •   Зачало 130 (В субботу 14-ю)
  •   Зачало 130 (В пяток 6-я недели)
  •   Зачало 131
  •   Зачало 132
  •   Зачала 133 и 206 (Во святую и великую Субботу на утрени)
  •   Зачало 134
  •   Зачало 135
  •   Зачало 136
  •   Зачало 137
  •   Зачало 138
  •   Зачало 139
  •   Зачало 140
  •   Зачало 141
  •   Зачало 142
  •   Зачало 143 (В навечерии Просвещения, егда пост есть)
  •   Зачало 143 (В навечерии Просвещения, егда несть пост)
  •   Зачало 143 (На освящение воды)
  •   Зачало 144
  •   Зачало 145
  •   Зачало 146
  •   Зачало 147
  •   Зачало 148
  •   Зачало 149
  •   Зачало 150
  •   Зачало 151
  •   Зачало 152
  •   Зачало 153
  •   Зачало 154 (В среду 9-я недели)
  •   Зачало 154 (Кирику и Иулитте)
  •   Зачало 155
  •   Зачало 156
  •   Зачало 157
  •   Зачало 158
  •   Зачало 159
  •   Зачало 160
  •   Зачало 161
  •   Зачало 162
  •   Зачало 163
  •   Зачало 164
  •   Зачало 165
  •   Зачало 166
  • К КОРИНФЯНОМ ВТОРОЕ ПОСЛАНИЕ СВЯТАГО АПОСТОЛА ПАВЛА
  •   Зачало 167 (В четверток 10-я недели)
  •   Зачало 167 (Великим мучеником)
  •   Зачало 168
  •   Зачало 169
  •   Зачало 170
  •   Зачало 171
  •   Зачало 172
  •   Зачало 173
  •   Зачало 174
  •   Зачало 175
  •   Зачало 176
  •   Зачало 177
  •   Зачало 178
  •   Зачало 179
  •   Зачало 180
  •   Зачало 181
  •   Зачало 182 (В среду 12-я недели)
  •   Зачало 182 (Неделя 17-я)
  •   Зачало 183
  •   Зачало 184
  •   Зачало 185
  •   Зачало 186
  •   Зачало 187
  •   Зачало 188
  •   Зачало 189
  •   Зачало 190
  •   Зачало 191
  •   Зачало 192
  •   Зачало 193
  •   Зачало 194
  •   Зачало 195
  •   Зачало 196
  •   Зачало 197
  • К ГАЛАТОМ ПОСЛАНИЕ СВЯТАГО АПОСТОЛА ПАВЛА
  •   Зачало 198
  •   Зачало 199
  •   Зачало 200
  •   Зачало 201
  •   Зачало 202
  •   Зачало 203
  •   Зачало 204
  •   Зачало 205
  •   Зачала 133 и 206 (Во святую и великую Субботу на утрени)
  •   Зачало 207
  •   Зачало 208 (Преподобным женам)
  •   Зачало 208 (В четверток 15-я недели)
  •   Зачало 209
  •   Зачало 210 (В пяток 15-я недели)
  •   Зачало 210 (О болящих)
  •   Зачало 210 (Септемвриа 9, святому Иоакиму и Анне, и септемвриа 23, на зачатие Иоанна Предтечи)
  •   Зачало 211
  •   Зачало 212
  •   Зачало 213
  •   Зачало 214
  •   Зачало 215 (Неделя 22)
  •   Зачало 215 (В Великий Пяток, на первом часе)
  • КО ЕФЕСЕЕМ ПОСЛАНИЕ СВЯТАГО АПОСТОЛА ПАВЛА
  •   Зачало 216
  •   Зачало 217
  •   Зачало 218
  •   Зачало 219
  •   Зачало 220 (Неделя 23-я)
  •   Зачало 220 (В субботу 29-ю)
  •   Зачало 221
  •   Зачало 222
  •   Зачало 223
  •   Зачало 224 (Неделя 25)
  •   Зачало 224 (Неделя по Просвещении. И иерархом)
  •   Зачало 225
  •   Зачало 226
  •   Зачало 227
  •   Зачало 228
  •   Зачало 229
  •   Зачало 230 Во вторник 18-я недели()
  •   Зачало 230 (Во время брака)
  •   Зачало 231
  •   Зачало 232
  •   Зачало 233
  •   Зачало 234
  • К ФИЛИППИСИЕМ ПОСЛАНИЕ СВЯТАГО АПОСТОЛА ПАВЛА
  •   Зачало 235
  •   Зачало 236
  •   Зачало 237
  •   Зачало 238
  •   Зачало 239
  •   Зачало 240
  •   Зачало 241
  •   Зачало 242
  •   Зачало 243
  •   Зачало 244
  •   Зачало 245
  •   Зачало 246
  •   Зачало 247
  •   Зачало 248
  • К КОЛОССАЕМ ПОСЛАНИЕ СВЯТАГО АПОСТОЛА ПАВЛА
  •   Зачало 249 (Во вторник 21-я недели)
  •   Зачало 249 (В субботу 21-я недели)
  •   Зачало 250
  •   Зачало 251
  •   Зачало 252
  •   Зачало 253
  •   Зачало 254
  •   Зачало 255
  •   Зачало 256
  •   Зачало 257
  •   Зачало 258
  •   Зачало 259
  •   Зачало 260 (В четверток 22-я недели)
  •   Зачало 260 (Луке Евангелисту)
  •   Зачало 261
  • К СОЛУНЯНОМ ПЕРВОЕ ПОСЛАНИЕ СВЯТАГО АПОСТОЛА ПАВЛА
  •   Зачало 262
  •   Зачало 263
  •   Зачало 264
  •   Зачало 265
  •   Зачало 266
  •   Зачало 267
  •   Зачало 268
  •   Зачало 269
  •   Зачало 270
  •   Зачало 271
  •   Зачало 272
  •   Зачало 273
  • К СОЛУНЯНОМ ВТОРОЕ ПОСЛАНИЕ СВЯТАГО АПОСТОЛА ПАВЛА
  •   Зачало 274 (В понедельник 25-я недели)
  •   Зачало 274 (Во вторник 25-я недели)
  •   Зачало 275
  •   Зачало 276
  •   Зачало 277
  • К ТИМОФЕЮ ПЕРВОЕ ПОСЛАНИЕ СВЯТАГО АПОСТОЛА ПАВЛА
  •   Зачало 278
  •   Зачало 279
  •   Зачало 280 (Октовриа 2)
  •   Зачало 280 (Неделя 31-я)
  •   Зачало 281
  •   Зачало 282
  •   Зачало 283
  •   Зачало 284
  •   Зачало 285 (В пяток 26-я недели)
  •   Зачало 285 (Неделя 32-я)
  •   Зачало 285 (В понедельник 27-я недели)
  •   Зачало 286
  •   Зачало 287
  •   Зачало 288
  •   Зачало 289
  • К ТИМОФЕЮ ВТОРОЕ ПОСЛАНИЕ СВЯТАГО АПОСТОЛА ПАВЛА
  •   Зачало 290 (В пяток 27-я недели)
  •   Зачало 290 (Святому Апостолу Тимофею)
  •   Зачало 291
  •   Зачало 292
  •   Зачало 293
  •   Зачало 294
  •   Зачало 295
  •   Зачало 296
  •   Зачало 297
  •   Зачало 298
  •   Зачало 299
  • К ТИТУ ПОСЛАНИЕ СВЯТАГО АПОСТОЛА ПАВЛА
  •   Зачало 300 (Августа 25)
  •   Зачало 300 (В четверток 28-я недели)
  •   Зачало 301
  •   Зачало 302 (На Крещение Господне)
  •   Зачало 302 (В память 5-го собора)
  • К ФИЛИМОНУ ПОСЛАНИЕ СВЯТАГО АПОСТОЛА ПАВЛА
  •   Зачало 302 (Ноемвриа 22. На память святаго Апостола Филимона.)
  • КО ЕВРЕЕМ ПОСЛАНИЕ СВЯТАГО АПОСТОЛА ПАВЛА
  •   Зачало 303
  •   Зачало 304
  •   Зачало 305
  •   Зачало 306
  •   Зачало 307
  •   Зачало 308
  •   Зачало 309
  •   Зачало 310
  •   Зачало 311 (Неделя 3-я поста)
  •   Зачало 311 (Обще святителем)
  •   Зачало 312
  •   Зачало 313
  •   Зачало 314
  •   Зачало 315
  •   Зачало 316
  •   Зачало 317
  •   Зачало 318 (Святителем)
  •   Зачало 318 (Павлу исповеднику и иным)
  •   Зачало 319
  •   Зачало 320
  •   Зачало 321 (Во вторник 30-я недели)
  •   Зачало 321 (Неделя 5-я поста. И Симеону Богоприимцу)
  •   Зачало 322
  •   Зачало 323
  •   Зачало 324
  •   Зачало 325
  •   Зачало 326
  •   Зачало 327
  •   Зачало 328
  •   Зачало 329 (В понедельник 31-я недели)
  •   Зачало 329 (Неделя первая поста, православия)
  •   Зачало 330
  •   Зачало 331 (Марта 9, святых великомученик 40)
  •   Зачало 331 (Сие трусу)
  •   Зачало 332
  •   Зачало 333 (Во вторник 31-я недели)
  •   Зачало 333 (В субботу 6-ю поста, цветоносную)
  •   Зачало 334
  •   Зачало 335
  • СКАЗАНИЕ О ПРОКИМЕНАХ И ЕЖЕ КАКО НА ВСЯК ДЕНЬ ДОЛЖНО ЕСТЬ ЧЕСТИ АПОСТОЛ В СЕДМИЦАХ ВСЕГО ЛЕТА
  •   В неделю Пасхи
  •   В понедельник светлыя недели
  •   Во вторник светлыя недели
  •   В среду светлыя недели
  •   В четверток светлыя недели
  •   В пяток светлыя недели
  •   В субботу светлыя недели
  •   Неделя 2 о Фоме
  •   Неделя 3 о мироносицах
  •   Неделя 4 о расслабленнем
  •   В среду преполовения
  •   Неделя 5 о самаряныни
  •   Неделя 6 о слепом
  •   В среду отдание Пасхи
  •   В четверток Вознесения
  •   Неделя 7, святых Отец
  •   В субботу
  •   Неделя 8
  •   В понедельник Святаго Духа
  •   Неделя 1-я всех святых. Глас 8
  •   Седмица 2
  •   Неделя 2-я всех святых в земли Российстей просиявших. Глас 1
  •   Седмица 3
  •   Седмица 4
  •   Седмица 5
  •   Седмица 6
  •   Седмица 7
  •   Седмица 8
  •   Седмица 9
  •   Седмица 10
  •   Седмица 11
  •   Седмица 12
  •   Седмица 13
  •   Седмица 14
  •   Седмица 15
  •   Седмица 16
  •   Седмица 17
  •   Седмица 18
  •   Седмица 19
  •   Седмица 20
  •   Седмица 21
  •   Седмица 22
  •   Седмица 23
  •   Седмица 24
  •   Седмица 25
  •   Седмица 26
  •   Седмица 27
  •   Седмица 28
  •   Седмица 29
  •   Седмица 30
  •   Седмица 31
  •   Седмица 32
  •   Седмица 33
  •   Седмица 34
  •   Седмица 35
  •   В субботу 35, мясопустную
  •   Неделя 35, мясопустная
  •   В субботу 36, сырную
  •   В неделю сырную
  • ПОСЛЕДОВАНИЕ СВЯТЫЯ ЧЕТЫРЕДЕСЯТНИЦЫ, СУББОТАМ И НЕДЕЛЯМ СВЯТАГО ВЕЛИКАГО ПОСТА
  •   Суббота 1 поста
  •   Неделя 1 поста
  •   На молебном пении
  •   Суббота 2 поста
  •   Неделя 2 поста
  •   Суббота 3 поста
  •   Неделя 3 поста
  •   Суббота 4 поста
  •   Неделя 4 поста
  •   Суббота 5 поста
  •   Неделя 5 поста
  •   Суббота 6, Лазарева
  •   В неделю цветоносную
  •   Во святый и великий четверток на литургии
  •   Во святый великий пяток
  •   В тойже пяток вечера
  •   Во святую и великую субботу
  •     На утрени, по великом славословии
  •     На литургии
  • ПРОКИМЕНИ И АЛЛИЛУИАРЕ ВОСКРЕСНИИ, ЛИТУРГИЙНИИ, ОСМИ ГЛАСОВ
  •   Глас 1
  •   Глас 2
  •   Глас 3
  •   Глас 4
  •   Глас 5
  •   Глас 6
  •   Глас 7
  •   Глас 8
  • ПРОКИМЕНИ И АЛЛИЛУИАРЕ ДНЕВНИИ
  •   В понедельник
  •   Во вторник
  •   В среду
  •   В четверток
  •   В пяток
  •   В субботу
  • СОБОРНИК ДВУНАДЕСЯТИМ МЕСЯЦЕМ. СКАЗАНИЕ КОЕМУЖДО ПРАЗДНИКУ И ИЗБРАННЫМ СВЯТЫМ, АПОСТОЛЫ И ПРОКИМЕНЫ НА ЛИТУРГИИ
  •   МЕСЯЦ СЕПТЕМВРИЙ
  •     1. Начало индикта, сиречь, новаго лета и память преподобнаго отца нашего Симеона Столпника и матере его́ Марфы
  •     4. Святителя Иоасафа Белгородскаго
  •     5. Святаго пророка Захарии, отца Предтечева
  •     6. Воспоминание бывшаго в Колоссаех, еже есть в Хонех, чудесе, от Архистратига Михаила
  •     7. Святаго мученика Созонта
  •     8. Рождество Пресвятыя Владычицы нашея Богородицы и Приснодевы Марии
  •     9. Святых и праведных Богоотец Иоакима и Анны
  •     11. Преподобнаго Силуана Афонскаго
  •     12. В сий день отдается праздник Рождества Богородицы
  •     [зри] Суббота пред Воздвижением
  •     [зри] Неделя пред Воздвижением
  •     13. Обновление святаго храма, Христа и Бога нашего Воскресения
  •     14. Всемирное Воздвижение Честнаго и Животворящаго Креста
  •     [зри] Суббота по Воздвижении
  •     [зри] Неделя по Воздвижении
  •     16. Святыя великомученцы Евфимии Всехвальныя
  •     20. Святаго великомученика Евстафиа и дружины его́
  •     21. Отдание праздника Животворящаго Креста. В тойже день память и́же во святых отца нашего Димитриа, митрополита Ростовскаго
  •     23. Зачатие честнаго, славнаго пророка, Предтечи и Крестителя Господня Иоанна
  •     25. Преставление преподобнаго отца нашего Сергиа игумена, Радонежскаго чудотворца
  •     26. Преставление святаго Апостола и Евангелиста Иоанна Богослова
  •     28. Преподобнаго отца нашего и исповедника Харитона
  •     30. Святаго Михаила, перваго митрополита Киевскаго, и всея России чудотворца
  •   МЕСЯЦ ОКТОВРИЙ
  •     1. Покров Пресвятыя Богородицы, и святаго Апостола Анании, единаго от 70
  •     3. Святаго священномученика Дионисиа Ареопагита
  •     5. Святых святителей, Петра, Алексиа, Ионы и Филиппа, митрополитов Московских, и всея России чудотворцев
  •     6. Святаго и славнаго Апостола Фомы
  •     9. Святаго Апостола Иакова Алфеова
  •     10. Преставление преподобнаго Амвросиа, старца Оптинскаго
  •     11. Святаго Апостола Филиппа, единаго от седми диакон
  •     [зри] Во грядущую неделю память празднуем святаго Седмаго Собора, святых отец 365
  •     13. Празднование Пресвятей Богородице, в честь иконы Ея нарицаемыя Иверския
  •     16. Святаго мученика Логгина сотника, и́же при Кресте Господни
  •     18. Святаго Апостола и Евангелиста Луки
  •     22. Празднование явлению иконы Пресвятыя Владычицы нашея Богородицы Казанския
  •     23. Святаго Апостола Иакова брата Божия
  •     24. Празднование Пресвятей Богородице, в честь иконы Ея именуемыя Всех скорбящих радости
  •     26. Святаго и славнаго великомученика Димитрия Мироточца. И воспоминание великаго и страшнаго трясения
  •     28. Иже во святых отца нашего Димитриа, митрополита Ростовскаго
  •     29. Преподобнаго отца нашего Аврамиа архимандрита, Ростовскаго чудотворца
  •   МЕСЯЦ НОЕМВРИЙ
  •     1. Святых и чудотворцев безсребреников Космы и Дамиана, и́же от Асии
  •     5. Преставление и́же во святых отца нашего Ионы архиепископа, Новогородскаго чудотворца
  •     6. Преподобнаго и богоноснаго отца нашего Варлаама Новогородскаго чудотворца, и́же на Хутыне
  •     8. Собор святаго Архистратига Михаила, и прочих Безплотных Сил
  •     13. Иже во святых отца нашего Иоанна, архиепископа Константиня града, Златоустаго
  •     14. Святаго и всехвальнаго Апостола Филиппа
  •     15. Преподобнаго и богоноснаго отца нашего Паисиа, игумена святыя Нямецкия обители и всея России чудотворца
  •     16. Святаго Апостола и Евангелиста Матфеа
  •     19. Святителя Филарета, митрополита Московскаго и Коломенскаго
  •     21. Вход во храм Пресвятыя Богородицы
  •     22. Святаго Апостола Филимона, и и́же с ним
  •     23. Святаго благовернаго великаго князя Александра Невскаго
  •     24. Святыя великомученицы Екатерины
  •     25. Иже во святых отец наших и священномученик, Климента, папы Римскаго, и Петра Александрийскаго. В сей же день отдается праздник входа Пресвятыя Богородицы
  •     27. Святаго великомученика Иакова Персянина. В тойже день празднуем о Бозе бывшее знамение Пресвятыя Богородицы, еже в Великом Новеграде
  •     28. Святаго преподобномученика Стефана Новаго
  •     30. Святаго Апостола Андреа Первозваннаго
  •   МЕСЯЦ ДЕКЕМВРИЙ
  •     3. Преподобнаго отца нашего Саввы Сторожевскаго
  •     4. Святыя великомученицы Варвары
  •     5. Преподонаго и богоноснаго отца нашего, Саввы Освященнаго
  •     6. Иже во святых отца нашего Николаа архиепископа, Мир Ликийских чудотворца
  •     9. Зачатие святыя Анны, егда зачат Святую Богородицу
  •     10. Святых мученик, Мины, Ермогена и Евграфа
  •     12. Преподобнаго отца нашего Спиридона чудотворца, епископа Тримифийскаго
  •     13. Святых великомученик: Евстратиа, Авксентиа, Евгениа, Мардариа и Ореста
  •     17. Святаго пророка Даниила, и святых триех отроков: Анании, Азарии и Мисаила
  •     [зри] Неделя святых Праотец
  •     [зри] Суббота пред Рождеством Христовым
  •     [зри] Неделя пред Рождеством Христовым, святых Отец
  •     20. Святаго праведнаго Иоанна Кронштадскаго. И святаго священномученика Игнатиа Богоносца, архиепископа Антиохийскаго
  •     21. Преставление во святых отца нашего Петра митрополита, всея России чудотворца
  •     22. Святыя великомученицы Анастасии Узорешительницы
  •     24. Предпразднство Христова Рождества
  •       В навечерии Рождества Христова:
  •       На литургии:
  •     25. Еже по плоти Рождество Го́спода Бога и Спаса нашего Иису́са Христа
  •     26. Собор Пресвятыя Богородицы
  •     [зри] Суббота по Рождестве Христове
  •     [зри] Неделя по Рождестве Христове
  •     27. Святаго Апостола первомученика и архидиакона Стефана
  •     28. Святых мученик дву тму, в Никомидии сожженных
  •     29. Святых младенец 14 тысящ, Христа ради избиенных от Ирода в Вифлееме
  •     31. Отдание праздника Христова Рождества
  •   МЕСЯЦ ИАННУАРИЙ
  •     1. Еже по плоти обрезание Го́спода Бога и Спаса нашего Иису́са Христа. И память и́же во святых отца нашего Василиа Великаго
  •     [зри] Суббота пред Просвещением
  •     [зри] Неделя пред Просвещением
  •     2. Преподобнаго Серафима Саровскаго, чудотворца
  •     4. Собор святых седмидесяти Апостол
  •     5. Предпразднство Богоявления
  •       В навечерии Просвещения
  •       На литургии
  •       На освящение воды
  •     6. Святое Богоявление Го́спода Бога и Спаса нашего Иису́са Христа
  •     7. Собор святаго славнаго пророка Предтечи и Крестителя Господня Иоанна
  •     [зри] Суббота по Просвещении
  •     [зри] Неделя по Просвещении
  •     9. Иже во святых отца нашего Филиппа, митрополита Московскаго и всея России чудотворца
  •     10. Иже во святых отца нашего Феофана, затворника Вышинскаго
  •     И и́же во святых отца нашего Григориа, епископа Ниссийскаго
  •     11. Преподобнаго и богоноснаго отца нашего Феодосиа, общежитии начальника
  •     14. В сий день отдается праздник Просвещения. И память святыя равноапостольныя Нины, просветительницы Грузии
  •     16. Поклонение честных вериг святаго всехвальнаго Апостола Петра
  •     17. Преподобнаго и богоноснаго отца нашего Антониа Великаго
  •     20. Преподобнаго и богоноснаго отца нашего Евфимиа Великаго
  •     Неделя от 23-го месяца сего, и восходит до 31-го дне. Празднование собору новомучеников, и исповедников Российских
  •     24. Святей, блаженней во Христе Ксении, бездомней страннице Петрова града
  •     25. Иже во святых отца нашего Григориа Богослова, архиепископа Константиня града
  •     27. Пренесение честных мощей, во святых отца нашего Иоанна Златоустаго, патриарха Царя града
  •     30. Иже во святых отец наших триех святителей, Василиа Великаго, Григориа Богослова и Иоанна Златоустаго
  •   МЕСЯЦ ФЕВРУАРИЙ
  •     2. Сретение Го́спода Бога и Спаса нашего Иису́са Христа
  •     3. Святаго и праведнаго Симеона Богоприимца и Анны пророчицы
  •     5. Иже во святых отца нашего Феодосия, архиепископа Черниговскаго, чудотворца
  •     8. Святаго великомученика Феодора Стратилата
  •     9. В сий день отдается праздник Сретения
  •     12. Празднование Пресвятей Богородице, в честь иконы Ея, нарицаемыя Иверския. И преставление во святых отца нашего Алексиа, митрополита Московскаго и всея России чудотворца
  •     17. Святаго великомученика Феодора Тирона
  •     24. Первое и второе обретение честныя главы честнаго и славнаго пророка и Предтечи, Крестителя Господня Иоанна
  •   МЕСЯЦ МАРТ
  •     9. Святых великомученик четыредесяти, и́же в Севастии
  •     25. Благовещение Пресвятыя Владычицы нашея Богородицы, и Приснодевы Марии
  •   МЕСЯЦ АПРИЛЛИЙ
  •     23. Святаго славнаго великомученика, победоносца и чудотворца Георгиа
  •     25. Святаго Апостола и Евангелиста Марка
  •     27. Святаго священномученика Симеона, сродника Господня
  •     30. Святаго Апостола Иакова, брата святаго Иоанна Богослова
  •   МЕСЯЦ МАИЙ
  •     1. Святаго пророка Иеремии
  •     2. Пренесение мощей святых мученик Бориса и Глеба, нареченных во святом крещении Романа и Давида
  •     3. Преставление преподобнаго отца нашего Феодосиа, игумена монастыря Печерскаго, начальника в Российстей земли монашескаго общаго жития
  •     7. Воспоминание на небеси явльшагося знамения Честнаго и Животворящаго Креста, во святем граде Иерусалиме, в 3 час дне, при царе Константии, сыне Великаго Константина
  •     8. Святаго славнаго и всехвальнаго Апостола и Евангелиста Иоанна Богослова
  •     9. Пренесение честных мощей, и́же во святых отца нашего Николаа чудотворца, от Мир в Бар град
  •     10. Святаго Апостола Симона Зилота
  •     11. Иже во святых отец наших, равноапостольных Мефодиа и Кирилла, учителей Словенских
  •     12. Иже во святых отца нашего Ермогена, патриарха Московскаго и всея Руси
  •     15. Убиение благовернаго царевича князя Димитриа, Московскаго и всея России чудотворца
  •     19. Святаго великаго благовернаго князя Димитрия Донскаго
  •     20. Обретение честных мощей, во святых отца нашего Алексиа, митрополита Московскаго, и всея России чудотворца
  •     21. Святых великих царей и равноапостолов Константина и Елены
  •     В тойже день празднуем сретение чудотворныя иконы Пресвятыя Богородицы Владимирския
  •     23. Обретение честных мощей и́же во святых отца нашего Леонтиа епископа, Ростовскаго чудотворца
  •     25. Третие обретение честныя главы, честнаго и славнаго Пророка и Предтечи, Крестителя Господня Иоанна
  •     27. Святаго праведнаго Иоанна Русскаго исповедника
  •   МЕСЯЦ ИУНИЙ
  •     8. Святаго великомученика Феодора Стратилата
  •     9. Иже во святых отца нашего Кирилла, архиепископа Александрийскаго
  •     И преподобнаго отца нашего Кирилла, Белоезерскаго чудотворца
  •     10. Иже во святых отца нашего Иоанна, митрополита Тобольскаго
  •     11. Святых Апостол, Варфоломеа и Варнавы
  •     14. Святаго пророка Елиссеа
  •     15. Иже во святых отца нашего Ионы митрополита Московскаго, и всея России чудотворца
  •     18. Празднование Пресвятей Богородице, в честь Ея иконы Боголюбския. И святаго мученика Леонтиа
  •     19. Святаго Апостола Иуды, брата Господня по плоти
  •     В тойже день, святителя Иова, перваго патриарха Московскаго и всея Руси
  •     23. В сий день празднуем сретение Пресвятыя Богородицы чудотворныя иконы Владимирския
  •     24. Рождество честнаго славнаго Пророка, Предтечи и Крестителя Иоанна
  •     25. Святых чудотворцев муромских, благовернаго князя Петра, нареченнаго во иноцех Давида, и благоверныя княгини Февронии, нареченныя во инокинях Евфросинии
  •     26. Явление иконы Пресвятыя Владычицы нашея Богородицы и Приснодевы Марии, Тихфинския
  •     28. Празднование Пресвятей Богородице в честь Ея иконы Троеручица
  •     В тойже день, преподобных отец Сергиа и Германа, Валаамских чудотворцев
  •     29. Святых славных и всехвальных первоверховных Апостол, Петра и Павла
  •     30. Собор святых славных и всехвальных апостол 12
  •   МЕСЯЦ ИУЛИЙ
  •     1. Святых и чудотворцев безсребреников, Космы и Дамиана, в Риме пострадавших
  •     2. Положение честныя ризы Пресвятыя Владычицы нашея Богородицы, во Влахерне
  •     3. Пренесение мощей во святых отца нашего Филиппа, митрополита Московскаго и всея России чудотворца
  •     4. Святых царственных страстотерпец императора Николая, императрицы Александры, царевича Алексия, великих княжен Ольги, Татианы, Марии, Анастасии, от безбожныя власти избиенных
  •     В тойже день, преподобнаго Андреа Рублева, иконописца
  •     5. Преподобнаго и богоноснаго отца нашего Афанасиа Афонскаго. И обретение честных мощей преподобнаго и богоноснаго отца нашего Сергиа игумена, Радонежскаго чудотворца
  •     8. Явление иконы Пресвятыя Владычицы нашея Богородицы во граде Казани
  •     10. Положение честныя и многоцелебныя ризы Го́спода Бога и Спаса нашего Иису́са Христа. И преподобнаго отца нашего Антониа Печерскаго Киевскаго
  •     11. Святыя мученицы и прехвальныя Евфимии
  •     12. Празднование Пресвятей Богородице в честь Ея иконы Троеручица
  •     13. Собор святаго Архангела Гавриила
  •     15. Святаго равноапостола, великаго князя Владимира, нареченнаго во святом крещении Василиа
  •     В неделю по шестомнадесять числе настоящаго месяца, память совершаем шести соборов святых отец
  •     19. Прославление преподобнаго Серафима Саровскаго, чудотворца
  •     20. Святаго славнаго пророка Илии
  •     22. Святыя мироносицы и равноапостольныя Марии Магдалины
  •     23. Празднование Пресвятей Богородице в честь Ея иконы Почаевския
  •     24. Святых мученик, Бориса и Глеба, нареченных во святом крещении Романа и Давида
  •     25. Успение святыя Анны, матере Пресвятыя Богородицы
  •     27. Святаго великомученика и целителя Пантелеимона
  •     28. В сий день празднуем явление иконы Смоленския Пресвятыя Владычицы нашея Богородицы, Одигитрии
  •     30. Святаго мученика Иоанна Воина
  •   МЕСЯЦ АВГУСТ
  •     1. Происхождение честных древ Честнаго и Животворящаго Креста. И память святых седми мученик Маккавей, и матере их Соломонии, и учителя их Елеазара
  •     2. Пренесение мощей святаго первомученика и архидиакона Стефана
  •     6. Преображение Го́спода Бога и Спаса нашего Иису́са Христа
  •     7. Память святителя Митрофана, епископа Воронежскаго
  •     9. Святаго Апостола Матфиа
  •     13. В сий день отдается праздник Преображения. И память и́же во святых отца нашего Тихона, епископа Воронежскаго
  •     15. Успение Пресвятыя Владычицы нашея Богородицы, и Приснодевы Марии
  •     16. Пренесение от Едеса нерукотвореннаго образа Го́спода Бога и Спаса нашего Иису́са Христа, еже есть святый убрус, в царский град
  •     23. В сий день отдается праздник Успения Пресвятыя Богородицы
  •     24. Пренесение честных мощей, и́же во святых отца нашего Петра, митрополита Киевскаго и всея России чудотворца
  •     25. Возвращение мощей святаго Апостола Варфоломеа. И память святаго Апостола Тита
  •     26. В сий день празднуем воследование похвально сретения чудотворныя иконы Владимирския, Пресвятыя Владычицы нашея Богородицы
  •     29. Усекновение честныя главы честнаго славнаго Пророка, Предтечи и Крестителя Господня Иоанна
  •     30. Пренесение мощей святаго благовернаго великаго князя Александра Невскаго
  •     31. Положение честнаго пояса Пресвятыя Владычицы нашея Богородицы в Халкопратии, принесену от епископии Зилы в царствующий град
  • ПРОКИМЕНИ, АПОСТОЛИ И АЛЛИЛУИАРЕ ОБЩИ СВЯТЫМ, ИМЖЕ ЕГДА ТВОРИМ СЛУЖБУ
  •   Служба Пресвятей Богородице
  •   Служба святым Небесным Безплотным Силам
  •   Служба святым пророком обща
  •   Служба святым Апостолом обща
  •   Служба святителю единому
  •   Служба святителей обща
  •   Служба преподобных, и Христа ради юродивых обща
  •   Служба мученика
  •   Служба мучеников обща
  •   Служба священномученика
  •   Служба священномучеников обща
  •   Служба преподобномучеников обща
  •   Служба святых мучениц обща
  •   Служба преподобных жен обща
  •   Служба исповедников
  •   Служба безмездников
  •   Служба за мертвыя
  • ПРОКИМЕНИ, АПОСТОЛИ И АЛЛИЛУИАРЕ НА ВСЯКУ ПОТРЕБУ РАЗЛИЧНИИ
  •   На крещение человеков
  •   Во вре́мя брака
  •   На освящение елеа. Седмь иереев
  •     Первый иерей глаголет:
  •     Вторый иерей глаголет:
  •     Третий иерей глаголет:
  •     Четвертый иерей глаголет:
  •     Пятый иерей глаголет:
  •     Шестый иерей глаголет:
  •     Седмый иерей глаголет:
  •   На пострижение монахов
  •   На погребение мирян
  •   На погребение монахов
  •   На погребение священников
  •   На погребении младенцев
  •   Августа в первый день, на освящение воды
  •   На освящение церкве
  •   Над болящим
  •   На основание и на обновление града
  •   Последование в бездождие
  •   Во время безведрия
  •   Во страх труса
  •   В запалении огня
  •   Последование за люди во время брани
  •   В нашествии брани
  •   В нашествии варвар
  •   Последование в мир