КулЛиб - Классная библиотека! Скачать книги бесплатно 

Куля для прэзідэнта [Уладзімір Падгол] (fb2) читать онлайн


 [Настройки текста]  [Cбросить фильтры]
  [Оглавление]

Уладзімір Падгол Куля для прэзыдэнта


Пра кнігу


Першае выданне Кулі пад назвай “Ладдзя роспачы ў Санта-Балоце, альбо Як любіць Прэзідэнта” надрукавана ў газеце “Выбар”, № 20 (113), чэрвень 1997 г. Першадрукар “Кулі”: Барыс ХАМАЙДА.

Газета “Выбар” з творам арыштавана разам з галоўным рэдактарам Барысам Хамайдам і Ўладзімірам Плешчанкам 26 ліпеня 1997 года ў 22.45 ў вагоне за пяць хвілін да адыходу цягніка Полацк -- Баранавічы. Усе арыштаваныя “Кулі” (200 асобнікаў) міліцыянты перадалі ў КДБ.

15 жніўня 1997 г. Намеснік пракурора Віцебскай вобласці Жыгаленка адкрыў крымінальную справу па факце “Оскорбления высшего должностного лица в произведении ”...Як любіць Прэзідэнта” -- урыўку з кнігі “Куля для Прэзідэнта”.

У жніўні Б. Хамайда выпусціў чарговы нумар “Выбару” № 21 (114) з працягам твора.

15 верасня 1997 г. Б. Хамайда быў выкліканы на першы допыт у якасці абвінавачанага ў Пракуратуру. На допыце Хамайда адмовіўся адказваць на пытанні следчага Зайцава.

20 кастрычніка 1997 г. На допыт у Пракуратуру была выклікана дачка Ул. Падгола Алена. Следчы Зайцаў распытваў, што яна ведае пра кнігу бацькі і дзе знаходзіцца бацька. Алена на допыце паказала, што нічога не ведае.

20 лістапада 1997 г. У Пракуратуру быў выкліканы У. Плешчанка. На пытаньні следчага адказваць адмовіўся.

У снежні 1997 года ў газеце “Выбар” надрукавана трэцяя частка кнігі “Куля для Прэзідэнта”.

30 кастрычніка 1998 г. Капітан КДБ В.Дземяньцей і капітан А. Лебедзеў высачылі У. Падгола ў Віцебску і ўручылі яму позву ў Пракуратуру.

31 кастрычніка – 1 лістапада 1998 г. У Віцебскай Пракуратуры праведзены допыт У. Падгола па абразе прэзыдэнта ў яго кнізе. Следчы задаваў пытаньні: “Как возник замысел написания книги?”, “Какова роль отдельных героев книги?”, “Какова в книге роль цитат Лукашенко?” і г.д.

16.11 1998 года крымінальная справа прыпынена следчым пракуратуры Віцебскай вобласці С.Саўчанкам па артыкуле 5 ч.1 п. 3 УПК Рэспублікі Беларусь.

16.01. 1999 года крымінальная справа ізноў адкрыта…

У снежні 2004 г. у Менск трапіла «Куля для прэзыдэнта», выдадзеная ў Санкт-Пяцярбурзе.

У студзені 2005 г. Падгол дапытаны ў пракуратуры Менска следчым А.Пікаравым пытаньнямі: «Хто выдаў Кулю?», «Колькі каштавала выданьне Кулі?», «Колькі Куль выпусьцілі?», «Як Кулю даставілі ў Менск?».

На ўсе пытаньні ў пратакол запісаны адказы: «Ня ведаю, ня ведаю, ня ведаю».

У гэты ж час адбываліся і іншыя падзеі, якія потым сышліся ў адзін шэраг.

Але Куля для прэзыдэнта была выпушчана і зьмяніць яе траекторыю, ці спыніць мог толькі Бог.

КАСЬМІЧНЫ ХЛОПЧЫК


Крык дзіцяці кроіў паветра быццам гіганцкая цыркулярка -- бясконцы бохан. Шыбы радзільні, дзе некалькі дзён таму зьявіўся на свет гэты хлопчык, вібравалі ад ягонага крыку так, што цясьляр нават праверыў, ці ёсьць запас шкла. Ён падчас вайны перажыў не адно бамбаваньне й інстынктыўна нарэзаў з газэтаў палосак, каб заклеіць шкло.

У бліжняй царкве на трэцьці дзень пранізьлівага крыку, які пачынаўся акурат з пачаткам службы, сьвятар прачытаў адмысловую малітву за здароўе немаўлят і пазбаўленьне іх ад пакутаў. У навакольных дамох гаспадыні па ягоным крыку спраўджвалі час і спачувалі маці будучага опэрнага сьпевака – такую будучыню прарокаваў шмат хто зь нявольных слухачоў.

Дзіва, але амаль нікога крык не раздражняў. У ім не было болю, ня чулася гістэрыкі. Голас быццам клікаў кагосьці далёкага, нябачнага.

Крычаў ён роўна 30 хвілінаў і, як жартаваў стары хірург, які ў юнацтве марыў стаць касманаўтам, немаўля трапіла ў радзільны дом проста з космасу. Бо яно крычала столькі, колькі пралятае над імі касьмічны спадарожнік. «Гукавы маяк!» – ці то жартаўліва, ці то сур'ёзна казаў хірург, заходзячы да хлопчыка. Яшчэ адзін доктар, які ў юнацтве скончыў музычную вучэльню, сцьвярджаў, што так не крычаў ніводзін навароджаны, і што ў пранізьлівым голасе можна разабраць гучаньне нейкай сымфоніі. Іх абвяргаў заўхоз -- былы вайсковец- сувязіст. Ён сьцвярджаў, што голас перадае інфармацыю, бо ў ім гукі -- азбука морзэ, толькі знакі расьцягнутыя ў часе.

Галоўная мэдсястра, якая пакутвала ад раўнівага мужа, сьцьвярджала, што хлопчык крычыць, прагнучы волі, імкнучыся пазбавіцца спавітасьці, сьценаў і ўвогуле зямнога цяжару – ён прагне волі.

У першыя дні ад крыку разьюшваліся толькі ўладальнікі аўто ў суседніх дварох ды жыхары, бо спрацоўвала ахоўная сыгналізацыя. Урэшце яе адключылі.

Кухарка радзільні казала, што немаўля, відаць, хоча сваім чароўным голасам пакроіць бясконцы бохан шчасьця, каб ягоным кавалкам адарыць кожнага. “Той бохан сьпечаны Богам з зерняў усіх добрых чалавечых пачуцьцяў, – казала яна і, крыху падумаўшы, дадавала – а д’ябал укінуў у цеста зерне спакусы й гора, як кідаюць у цёплае малако хлебныя скарынкі, каб сыр быў з плесьняю. Вось шчыры голас, кроячы шчасьце, і пакутуе, калі трапляе на зло...” Намаляваны рамантычны вобраз ніяк не стасаваўся да заўжды сквапнай на словы кухаркі, і раздатчыцы ежы разносілі ейны твор па больніцы, уражваючы ўсіх.

І сапраўды вакол зямлі лётаў нябачны ні воку, ні прыборам гіганцкі бохан, а зьблізу, калі бачыліся дзіркі, можна было сказаць, што лётае сыр. За дзевяць месяцаў да народзінаў хлопчыка на зямной арбіце, значна вышэй ад спадарожнікаў зямлян, зьявілася касьмічная станцыя. Яна прыляцела з-за межаў Сонечнай сыстэмы. Гэта быў міжплянэтны выведніцкі цэнтар, велічынёй з футбольны стадыён, наладаваны электроннай апаратурай. На станцыі былі дзясяткі касьмічных караблёў, яны адляталі й вярталіся праз дзіркі-тунэлі. Абалонка станцыі паглынала промні радараў. Калі да яго ляцела ракета з Зямлі, карабель плаўна мяняў ейную траекторыю, ракета абмінала разведцэнтар, а потым ён яе выпраўляў.

Цывілізацыя, якая паслала дасьледчы карабель, была старэйшая за зямную. Тамтэйшыя істоты нагадвалі людзей, але характарам адрозьніваліся. Шмат год яны жылі бяз дрэнных звычак і пачуцьцяў, што псуюць нэрвы. Яны дасьледавалі больш за палову Сусьвету, але не разумелі аднаго: чаму прылётнікі, папрацаваўшы на Зямлі некалькі гадоў, не хацелі вяртацца. Яны дасылалі інфармацыю ў свае цэнтры. Па відэафоне гутарылі са сваімі жонкамі й дзецьмі, душарэтрансьлятар замацоўваў у родных надзею на хуткае вяртаньне, але яны -- не вярталіся.

Невяртальцы працавалі нават лепей, чым у першыя гады адаптацыі на Зямлі. Спэцыялісты па кадрах апрацоўвалі сваіх астранаўтаў, угаворвалі вярнуцца, але згодных набіралася чалавек дзесяць з тысячы. Вярнуўшыся, яны хварэлі, іх адольвала туга, самота, душыла скруха. І празь нейкі час яны зноў ірваліся на Зямлю. Тыя, каму не пашчасьціла вярнуцца, паміралі.

Астранаўты на караблі мелі такія душы, што ў выпадку разбурэньня звыштрывалай абалонкі карабля, душы імгненна б злучаліся і праменілі пачуцьцё, якое ўтварала абалонку для цел і апаратуры. Тады яны маглі яшчэ пэўны час працаваць. Пасьля таго, як кампутары перадалі б апошнюю інфармацыю ў пазасонечную цывілізацыю, яны б трансфармавалі дамоў і астранаўтавы душы. А пасьля кампутары й целы самазьнішчаліся б, каб дамоў у выглядзе астранаўтаў не трапілі ворагі ці вірусы.

На караблі працавала некалькі групаў. Адна, навуковая, з Цэнтра касьмічных даследваньняў, мела за мэту выявіць прычыны захворваньня астранаўтаў, выпрацаваць мэтады прафіляктыкі й лекаваньня.

Другая група адказвала за бясьпеку цэнтра выведкі.

Трэцюю групу даслалі з аховы Прэзыдэнта іншаплянэтнай цывілізацыі. Яны мусілі падрыхтаваць інфармацыю аб мажлівасьці сяброўскага візыту свайго Прэзыдэнта на Зямлю. Плянавалася першая сустрэча з Прэзыдэнтам асноўнай зямной цывілізацыі – беларусаў -- і заключэньне Дамовы аб інтэграцыі, стварэньне міжплянетнага Саюза – першай касьмічнай дзяржавы. Гэта было патрэбна прэзыдэнту той цывілізацыі для перамогі на прэзыдэнскіх выбарах.

Беларусы славіліся на ўвесь космас імкненьнем інтэгравацца. Яны пераўтварылі здольнасьць інтэгравацца ў выгодны бізнес, а прэзыдэнты тых краінаў, якія ішлі на Саюз, умацоўвалі ў працэсе інтэграцыі з беларусамі сваю ўладу, бо ў беларусах бачылі ідэальных рабоў.

Візыт рыхтаваўся напярэдадні чарговых выбараў Прэзыдэнта іншаплянэтнай цывілізацыі і мог, у выпадку заключэньня Дамовы аб інтэграцыі дзьвюх цывілізацыяў, забясьпечыць яму перамогу над спадужнікамі.

Посьпех візыту залежаў ад узроўню бясьпекі Прэзыдэнта пазасонечнай цывілізацыі. А пагроза магла быць як ад тэрарыстаў, так і ад хваробы, як ад стыхійнага бедства, так і ад псыхатропнага ўзьдзеяньня. Усё павінны былі прадугледзець прэзыдэнтавы ахоўнікі, нават пагрозу невяртаньня ягонай душы.

Асноўную частку зямлянаў на час прылёту разведцэнтра складалі беларусы. Было таксама вядома, што беларусаў калісьці было 10 мільёнаў, праз стагодзьдзе, пасьля катастрофы ў Чарнобылі засталося крыху болей за сто. Потым нешта здарылася, і колькасьць беларусаў пачала павялічвацца неверагоднымі тэмпамі, і ўрэшце беларуская мова загучала па ўсёй зямлі.

Было вядома, што с цягам часу беларусы скарылі жывёльны свет і падпарадкавалі сабе хітрых пацукоў. Прусакі таксама трапілі ў залежнасьць ад беларусаў, якія пачалі засяляць іншыя планеты і казалі, што некаторыя зухі ўжо кіруюць іншымі цівілізацыямі.

Раз-пораз з выведстанцыі дасылаліся на зямлю мінікараблі-выведнікі. Караблі зьбіралі інфармацыю, розныя пробы, часам дастаўлялі на станцыю і людзей, дасьледвалі – і вярталі назад, папярэдне выцершы памяць аб перажытым.

На станцыі працавала яшчэ адна група. Усе звалі іх віжамі і пабойваліся, бо ніхто нават не здагадваўся аб іхняй мэце. Яны мелі на станцыі свой касьмічны карабель, здольны вярнуцца дамоў самастойна. Звышзасакрэчаных астранаўтаў паслаў асабіста Прэзыдэнт пазасонечнай цывілізацыі. Яны мусілі вызначыць стан беларускай душы і кантраляваць бясьпеку немаўляці.

За суткі да народзінаў хлопчыка астранаўты адстыкавалі свой карабель ад станцыі й завісьлі над Беларусьсю. Праз некалькі дзён крыку прылётнікі ўключылі нейкі прыбор і хлопчык больш не крычаў. Ягоная маці са зьдзіўленьнем заўважыла, што немаўлятка раз-пораз да нечага прыслухоўваецца.

А на станцыі слухалі абсалютна ўсе каналы сувязі, праглядалі ўсе тэлеперадачы. Дасьледчыкі ўваходзілі ў электронныя сховішчы бібліятэкаў. Але беларуская душа хавала свае таямніцы. Хаця ўсе падставы, каб адкрыць іх, былі. Роднай мовай пазасонечных астранаўтаў, як ні дзіўна, была беларуская, і ніхто зь іх не ведаў, адкуль такое супадзеньне.

Таямніца беларусаў была схаваная ў адмысловай Кнізе. Яе трэба было знайсьці й дасьледаваць. Яе доўга шукалі. Шмат хто чуў пра яе, нехта чытаў розныя вэрсіі гэтай кнігі, але аўтэнтычнага тэксту ніхто ніколі ня бачыў. Меркавалася, што ў Кнізе зашыфраваныя культурныя коды беларускай нацыі. Расшыфраваўшы гэтыя коды, можна было знайсьці й прычыны невядомай хваробы.

Казалі, што Кніга вяртае беларусам чалавечыя душы, і прылётнікі мусілі раскрыць сакрэт вяртаньня душаў.

Некаторыя нават параўноўвалі кнігу з Бібліяй, дзе быў свой Богаў сын – беларускі Хрыстос, шлях на беларускую галгофу і нават укрыжаваньне Хрыстовай Душы.

І вось урэшце сапраўдны асобнік даставілі на станцыю. Кнігу знайшлі на другім краі Зямлі, ў ЗША -- ў Лесі -- дачкі перакладчыка Васіля Сёмухі, што жыў у Менску. Жыла Леся і хавала кнігу ў прыгарадзе Вашынгтона “Падаючая царква”. Лесява сабака па мянушцы Саша кожны дзень абсцыкала сусецки плот. У хуткім часе дом за плотам купіў прыстойны і таленавіты амерыканец.

Невядома ці то Лесяў характар меў чароўныя ўласьцівасьці, ці то нават беларускія сабакі могуць уплываць на лёсы і гістарычныя падзеі, альбо чаравалі паганскія багі з прыхаванай кнігі, але так здарылася, што дзярждэпартамэнт прызначыў суседа амерыканца амбасадарам ЗША ў Беларусь і той за некалькі месяцаў вывучыў беларускую мову.

А бадай усё разам і паўплывала на Амерыку. А потым і на лёс беларускага прэзыдэнта. Першы беларускі касьмічны спадарожнік завіс над ЗША, над прыгарадам Вашынгтона і плотам Лесі і амбасадара і фіксаваў кожны падыход з абодвух бакоў да плота, кожную прыўзьнятую лапку сабакі Саша…

Выконваўся загад прэзыдэнта Беларусі па адсочваньню шляхоў дастаўкі Кулі ў Беларусь і збор доказаў аб далучанасьці ЗША да Кулі і любові да яе пасла…

Лёсавызначальныя падзеі чакалі і прылётнікаў пасьля доўгачаканай знаходкі. На касьмічным караблі пачалася праца. Кнігу чыталі дасьледчыкі. Кожны меў сваю мэту. Чыталі псыхолягі, біёлягі, фізыкі, астраномы. Чыталі спэцыялісты ў галіне невядомых культурных аб’ектаў і містыкі, парапсіхолягі, уфолягі, а таксама спэцыялісты па паранармальных зьявах. А пілёты і тэхнічны персанал чыталі проста так. Тэкст увялі ў кампутар, і той пачаў аналізаваць яго па шэрагу парамэтраў. Кіраўнікі дасьледных калектываў мусілі прад'явіць вынікі дасьледваньня камандзіру карабля, а той павінен быў прыняць рашэньне: ці вяртацца назад на родную плянэту, ці працягваць дасьледаваньне, пасадзіўшы карабель на Зямлю. Чальцы каманды бясьпекі экіпажу ня толькі чыталі й вывучалі Кнігу самі, але й сканавалі душы чытачоў, улучаючы камандзіра карабля. Яны замяралі парамэтры арганізму ўсіх чальцоў экіпажа ў адпаведнасьці з фрагмэнтамі кнігі, і прыборы пісалі кардыёграмы, асцыляграмы функцыянаваньня ўсіх сыстэмаў арганізму.

Прыборы паказвалі, што ва ўсіх дасьледнікаў зьмяніліся фізыялягічныя парамэтры. І кіраўнік бясьпекі касьмічнага разведцэнтра ўвёў для мэдпэрсаналу рэжым падвышанай гатоўнасьці.

Сама назва Кнігі ды ейны пачатак насьцярожвалі нязвыклых да эмоцый іншаплянэтнікаў.

КНЯЗЁЎНА ПАПАРАЦІ І СЬМЕРЦЬ

“Наверное, всё-таки есть какая-то сила, которая управляет

не только мною и отдельными людьми, но и обществом в целом."

(Прэзыдэнт Беларусі А. Лукашэнка, БТ, 20.04. 1995).

Кніга першая


ПРАРОК З АМЕРЫКІ
У Менску ў парку побач з прэзыдэнцкім палацам размаўлялі двое. Яны стаялі каля фантана, струмяні якога лашчылі скульптуру хлопчыка з лебедзем. Адзін з суразмоўцаў меў вялізную сівую бараду. Другі – высокі з кароткаю стрыжкаю -- постацьцю нагадваў спартоўца, разумныя вочы з хітрынкаю сведчылі, што ён зух, а старажытная вопратка выдавала ў ім актора і глядзелася натуральна, бо яны стаялі побач з тэатрам .

Дзед, размахваючы рукамі, ледзь не крычаў:

-- Ды яны, як толькі зьменіцца ўлада, самі сьцяг заменяць і скокнуць у бізнэс. А Прэзыдэнт схаваецца ці ў Лівіі, ці ў КНДР.

Актор гнуў сваё:

-- Я згодны й думаю, што ў палацы больш нельга быць уладзе. Тут столькі пачварнага дзеялася, што лепей каб палац адмываў свае грахі, слугуючы ці студэнтам ці чытачам.

-- Ты як быццам прэзыдэнтавы думкі чытаеш! -- усклікнуў стары й паказаў спартоўцу газэту. Той услых працытаваў:

«У відзе памятніка, аткрою вам сякрэт, я сібе хачу памятнік аставіць, я хачу Нацыанальную бібліацеку»

Каля іх апынуўся высокі малады чалавек таксама спартовага выгляду, лысаваты, у модным касьцюме й акулярах з маленькімі шкельцамі. Дробненькія вочкі акуляраў рабілі яго крыху несур'ёзным, крыху насьмешлівым, а часам здавалася, што ён прадстаўнік нейкай таямнічай звышмагутнай сілы – так упэўнена ён паводзіў сябе.

Незнаёмец адразу ўлез у размову і, гаворачы па-руску, словы вымаўляў з акцэнтам:

-- А я бачу на гэтым месцы парк з музычным фантанам. Пасярэдзіне фантана – стод -- мармуровая копія Шклоўскага Ідала, які стаіць у вас у Нацыянальным музэі. З галавы струменіць вада. Вакол стода мармуровы басэйн, па ягоных краёх тырчаць каменныя фаласы па мэтру кожны і струменяць фантанамі.

Суразмоўцы асьцярожна перавялі позіркі з прыхадня на палац і маланка з грукатам раскроіла чорнае неба, разваліла палац, і пасярэдзіне яны ўбачылі струмень і фаласы.

Відовішча зьнікла, вярнуўшы жоўтыя вокны палаца. Суразмоўцы з разяўленымі ратамі пазіралі на палац, на незнаёмца. Той працягнуў руку:

-- Пазнаёмімся. Я Хрыстафер Паніка – з США. Тут -- назіральнікам АБСЕ. Вяду маніторынг правоў чалавека.

Барадаты першы паціснуў руку:

-- Валеры Шчукін – праваабаронца і журналіст.

Павітаўся і другі:

-- Лявон Выліваха – падарожнік з Варшавы.

Дзед спытаў амэрыканца:

-- Дазвольце спытаць, паважаны, а калі гэта будзе?

-- Калі ласка! Калі на вуліцы выйдуць усе людзі, калі летам пойдзе снег і ўсіх прабярэ сьмех.

Выліваха ўзрадваўся роднаснай душы:

-- У Вас добры гумар. Але ж тады яшчэ трэба, каб гэты палац пад зямлю праваліўся, прэзыдэнт скамянеў і амаладзіўся?!

Амэрыканец зьдзіўлена паглядзеў на Выліваху і сказаў:

-- Так! А Вы, як я бачу, незвычайны падарожнік?! – І праз паўзу дадаў: -- Засталося назваць яшчэ адну драбязу...

-- Куля! – Нечакана для самога сябе выпаліў Лявон.

-- Йес! – радасна ўсклікнуў амерыканец і яны, як баскетбалісты пасля трапнага кідка, ускінулі рукі, стукнуліся далонямі.

Барадаты, успрыняўшы ўсё як гумар, пажартаваў:

-- Калі так будзе, тады мы з вамі, відаць, калісьці сустрэнемся ды вып’ем вунь на тых зорках!

І яны паглядзелі ў чорную бездань неба, быццам выбіраючы месца сустрэчы, і пачулі голас Крыстафера, які чамусьці рэхам ляцеў з зорак:

-- Там і сустрэнемся!

Калі яны апусьцілі вочы, амэрыканца не было. Яны агледзелі навакольныя постаці, але ніводная не нагадвала яго. Моўчкі зрабілі некалькі крокаў у цемру, спыніліся, памаўчалі. Стары нечакана параіў Лявону:

-- Ты пачытай у бібліятэцы гісторыю пасля 16-га стагоддзя – зусім ня ведаеш яе.

Яны разьвіталіся, і Выліваха пайшоў у чытальную залу.


ПАКЛАДЗІ НА СЯБЕ КРЫЖ
Гэта табе, чытач, сказана! Пакладзі крыж на сябе і на кнігу і чытай далей. Бо разам з Лявонам мы крочым у д'яблаву майстроўню – бібліятэку. Забяжы, чытач, наперад Лявона, стань на ганак чытальні і пільна глядзі на тых, хто падыходзіць. Ногі іх быццам самі нясуць, а вось вышэй пад гузікамі, бачыш? Кіпцюры чорт хавае! Нячысьцікі душы тураць да спакусы!

Хто ходзіць у бібліятэкі? Ці вар'яты, ці зацятыя грэшнікі. І такія прыхадні, як Лявон. Звычайна людзі – працуюць, пьюць піва, куляюць чарку і глытаюць шкварку… У меру грэшныя мацаюць юрлівыя азадкі і раскрываюць для спакуслівых рук ножкі – да асалоды сьцежкі-дарожкі…

А гэтыя, седзячы за сталом, глядзяць на паперу ў літары і ачмураюцца, адлятаючы ў сьвет спакусаў. Як наркаманы, што пакеты на галаву ды клеем у іх напырскалі…Толькі тут пакет гіганцкі, агульны з цэглы, шкла і бетону, куды чорт дзьмухнуў. Яго подых літарамі абярнуўся, а яго паслугачы-пісьменьнікі тыя літары склалі ў словы і сказы і ў кнігах асадзілі. Тыя літары, што прыступкі ў іншы сьвет. Што? Біблія? Пакажыце таго, хто ходзіць у чытальню за Бібліяй! Правільна! Такія ў царкву ці касьцёл ходзяць. Спачатку сьвету было слова. Боскае. Яно ў Боскай кнізе.. А ў бібліятэчных кнігах ачмуральныя літары чортава душа надзьмухала і рукамі пісьменьнікаў у словы і грахоўныя радкі склала. Хто чытае, той як бы свой сьвет стварае і асалоду Ўсявышняга Творцы мае... які грэх! І пісьменьнікі і чытачы -- блюзьнераць хаўрусам, светаўтварэньнем займаючыся.

З тых кніг пыл спакусьлівы ўвесь час праменіць, воляю чытачоў выцягнуты, і цнатлівых наведавальнікаў атручвае. Во дзе сапраўдная нарката!

Філёлягі там вучацца, як правільна літары ў радкі паставіць, каб грэшнік чытач не збочыў са шляху ў бездань з пякельным вогнішчам. Рыхтуюцца ў памочнікі чортавых паслугачоў.

А на твары тых чытачоў ды філёлягаў зірніце. Ногі іх яшчэ тут, а душы ўжо там і ў вачох агні пякельныя. Яны з бібліятэчнага паветра спакусу чортаву смокчуць, і кожны ў сваім сьвеце трызьніць.

Вось і ў гэтую кнігу чорт раз пораз улазіў і такое рукамі аўтара ўпісваў, што цнатлівым ці святым чытаць такое і нельга і немажліва. А ты, паважаны чытач, набярыся мужнасьці, адвагі, пакладзі на сябе крыж і наперад за Лявонам, бо ўрэшце ўсё, што ні робіцца – ад Бога.

І Лявон не Біблію ўзяў.

Гартае старонкі гістарычных раманаў, часопісы з прыгажунямі і па дзявочых тварах захоплена зыркае і вядома пра што марыць... Ён жа бачыў дзяўчат толькі у спадніцах да пят, ды сукенкі на грудзях, як кратовыя паўкулі пад снегам, а тут… вунь чорт колькі грэшніц сюды натурыў! Сядзяць, нага на назе так, што з-пад сталоў зіхаціць, вабіць спакуса ў сілках з калготкавых сетак. Локцікі на стол, у далонях раскрытая вокладка, носік у кнігу і бачаць – фігу! Ды не тую сымбалічную з трох пальцаў, а яе сапраўдны правобраз. Чаму так Лявон бачыць? Прасачыце за яго позіркам на яе пальчыкі, як яны вокладку лашчаць… Так азадак любага песьцяць, у далонях яго трымаючы, быццам хлопец сядзіць на стале перад ёй ногі зьвесіўшы… Глядзіць Лявон і ледзь сьверб стрымлівае...

Ад такога відовішча -- мазгі кружэлкаю. Ён так цярпеў, каб не пайсьці ўздоўж сталоў заляцацца, што зьнясілеў, вочы закрыў і ў сон пацягнула гаротніка… ад дзявочага і кніжнага чмуру і гарадзкога тлуму. І ў сон кніжныя словы вялі:

«У лясах, дзе цяпер стаіць Шклоў, на беразе рэчкі Серабранкі жылі старажытныя людзі – нашы продкі. Яны былi слабыя i верылі ў розныя цуды, якiя, маўляў, зробяць iх жыцьцё сытым i абароняць ад ворагаў. З вялiкага каменя людзi вычасалі iдала, тварам падобнага да чалавека, i паверылi, што менавiта гэты iдал i ёсць цудадзей. Людзi перасталi працаваць i паляваць, а толькi мiтусiлiся каля каменнага стода, натхняючы адзiн аднаго як мага мацней любiць iдала. I енчылi каля балвана, i кленчылі, i ахвяры яму прыносiлi, і ў каменныя вусны цалавалi, а некаторыя жанчыны спрабавалi, абняўшы таго шклоўскага iдала, зацяжарыць i нарадзiць волата! Бог бачыў тое і насылаў кару, пра што нам вядома ад прарока Ераміі».

Лявон засынаў, абапершыся на далонь і ціхенька мармытаў:

“… адкрытым блудадзействам яна апаганiла зямлю, i пералюбнiчала з каменем i дрэвам. За тое былi затрыманы дажджы, i ня было дажджу позьняга” (Ер., 3:3.9.)


ЗА ШТО СЬКІДВАЮЦЬ ІДАЛАЎ
Прачнуўся Лявон каля вогнішча. Разбудзіў жаночы енк:

-- Колькі пакутавала ад яго! Амаль кожны дзень на каменны тырчак праз боль сядала… а ён волата мне ня даў. Ды што там волата, нават дзяўчо ня даў! Другая пярэчыла:

-- Дурніца! Па табе вунь якія асілкі сохнуць! А ты глядзець на іх ня хочаш. Ад каменя ніколі дзетак не будзе. Скажы: хто нарадзіў ад яго?

Яна падбегла да ідала, схапіла камень і адбіла каменны тырчак. Падхапіла яго і паднесла да вачэй сяброўкі:

-- Глядзі! Проста кавалак...

Некалькі разоў стукнула тырчаком аб камень, з якога высякалі

агонь, але ніводнай іскры не выляцела.

-- Вось бачыш, нават іскры не дае, а ты хацела дзіця!

І яна кінула тырчак у вогнішча. Усчаўся лямант. Да іх беглі людзі. Вакол вогнішча пасела веча. Жанчыну выцягнулі да агню. Гучала:

-- Бяда будзе!

-- Судзіць яе! Забіць! Катаваць!

Лявон усхапіўся:

-- Не чапайце яе! Ваш балван – каменны й нічога не адчувае. Калі ён пакрыўдзіўся, тады няхай яе сам і карае.

Усе моўчкі паглядзелі на ідала, а Лявон зьвярнуўся да яго:

-- Ну, балван, што маўчыш!? Нашлі кару! Дай знак, што маеш моц!

Ідал моўчкі глядзеў сваімі пустымі, бяззрэнкавымі вачыма. На ягоным твары біліся водбліскі полымя, падавался, што ідал гневаецца.

Чальцы веча падалі галасы:

-- У агонь яе! Інакш нам спакою не будзе! Усе праз яе будзем пакутаваць! І дзецям таксама кара будзе...

Лявон падбег да ідала і спакойна сказаў яму ў вочы:

-- Я цябе не баюся! Ты кавалак каменю, які абчасаў мой дзед. Ён цябе стварыў, а я цябе пахаваю…

Лявон абхапіў ідала за тулава й сьпіхнуў з абрыва ў рэчку. Жудасны вокліч паляцеў усьлед, заглушыўшы удар каменя аб ваду. Усе, прысеўшы ад страху, чакалі кары, але толькі птушачкі ціўкалі над Лявонавай галавой.

Наваліліся на Лявона некалькі супляменьнікаў, але ён раскідаў іх, а дзесяцёх ужо не адолеў.

Доўга не сьціхалі лямант і спрэчкі. Урэшце веча вынесла прысуд:

-- Абодвух аддаць ідалу. Той што хоча, тое й зробіць: ці пакарае, ці даруе і назад верне. У ваду!

Іх пацягнулі на край берага, прывязалі да шыі вяроўкі з камянямі. Кат узняў руку і тут магутны голас князя спыніў прысуд:

Ён -- лепшы ваяр! А яна -- таксама ў целе, калі можа нарадзіць нам ваяроў! Дык навошта сабе шкоду рабіць!? Давайце пачакаем. Пасадзім у яму і паглядзім. Калі ідал вырашыць пакараць, дык пад зямлю зацягне, ці ў яме заваліць. А калі зь імі нічога ня здарыцца, тады няхай жывуць ды ваяроў нараджаюць!

Усе задумаліся. Жаночы сьмех скалануў цішыню, і Лявон падумаў, што яна звар'яцела. А жанчына зрабіла крок да вогнішча і нагой паказала на полымя. Усе ўбачылі каменны тырчак, які пакрылі дробныя расколіны. Жанчына, сьмеючыся, казала:

-- Знайшлі асілка-цудадзея! Ён нават свой тырчак выратаваць не можа!

І юрліва паглядзела на Лявона.

Яго цела працяў поцяг.

-- У яму іх! У яму! -- Крычалі чальцы веча, а Князь падсумаваў:

-- Можа, і сапраўды волата народзяць!?

Іх патурылі да ямы, сьцены якой былі выкладзены зь бярвеньняў і скінулі ўніз. Зверху бухнула вечка і ўсё аціхла. І толькі зорачкі праз невялікае акенца назіралі за іхнымі злучанымі душамі, і за шчасьлівымі снамі.

Абудзіў Лявона дзявочы голас:

-- Ой, ці не дасьцё на хвіліначку аловак? Нешта мой не піша…

-- Які аловак? -- зьдзівіўся Лявон. Адкрыў вочы. Бібліятэка! Каля яго -- прыгожая дзяўчына, падобная на тую, зь якой быў у яме. Яе рука дакранулася да ягонага рукава, паказваючы пальчыкам на аловак. Агледзеўся. Вакол моладзь. На старонцы кнігі вугольчыкі-літары.

-- Калі ласка!

Лявон працягнуў дзяўчыне аловак, а сам сабе мармытаў: «І прысьніцца ж такое!». Працёршы вочы, чытаў далей кнігу Арлова:

“На поўначы заселенага некалі палачанамі абшару, там, дзе цяперашні Гарадоцкі раён мяжуе з Расіяй, ляжыць прыгожае лясное возера Сеніца. Не кожны з жыхароў недалёкай вёскі Дорахі адважыцца сказаць незнаёмаму падарожніку, як завецца прыазёрны лес… назва цалкам нецензурная. У лесе… і ў возеры людзі здавён знаходзяць мноства, зробленых з цёмна-шэрага пескавіка фаласаў (яны і далі наваколлю адмысловую назву), найбольшы з якіх дасягаў 80 сантыметраў. Гэта не што іншае, як сімвалы плоднасці і ўрадлівасці, звязаныя з культам Ярылы…”

Сон зьляцеў. Лявон скоса, саромячыся, паглядзеў на суседку – ці не прачытала выпадкова. Яна засяроджана нешта пісала, заглядваючы ў такую ж кнігу. Ён падгледзеў:

“… валун Дзед, які стаяў у Мінску на беразе Свіслачы таксама выконваў фалічныя абавязкі. Нават напачатку ХХ стагоддзя ён заставаўся месцам паломніцства бясплодных жанчын, што сядалі на яго “голым месцам” і, закрыўшыся спадніцаю, прасілі падараваць дзіця…

камбінацыя з трох пальцаў, якую беларусы каларытна называюць дуляй, таксама з’ўляецца водгуллем даўнейшых фалічных рытуалаў”.

Лявон адкрыў другую кнігу -- А. К. Лявонава. «Старажытна-беларуская скульптура». Мінск, Навука і тэхніка, 1991: і прачытаў: "Ідал знойдзены ў 1963 годзе ў Шклове на беразе ракі Серабранкі. Ідал высечаны з пясчаніку ў Х-м стагоддзі. Ён мае даўжыню 1,2 м. і вагу 250 кг. Скульптура цыліндрычнай формы, моцна абагульненая. Ніжняя частка яе апрацавана даволі грубым сечным інструментам, са спіны крыху абчасана. Калі ўлічыць, што ідалы ствараліся не толькі ў гонар багоў, але і памерлых правадыроў, то шклоўская скульптура, відаць, не з'яўляецца выключэннем. Яе форма захоўвае прыродныя абрысы драўлянага слупа. Строгая вертыкаль формы нагадвае ствол дрэва, у які арганічна ўпісваецца фігура чалавека.

Ідалы былі племянныя, родавыя, сямейныя, і асабістыя. Племянных і родавых ставілі на свяцілішчах, вядомых па старажытных летапісах як трэбішчы, капішчы, кумірніцы, якія мясціліся на высокіх пагорках, акружаліся валамі і рвамі, дзе запальваўся рытуальны агонь. У цэнтры пляцоўкі размяшчаўся ідал, іншы раз вакол яго -- маленькія ідальчыкі. Ім прыносілі розныя падарункі -- ежу, воўну і г.д."

Выліваха падумаў: “Відаць, каб распазнаць шклоўскага ідала, трэба чакаць ад яго слоў пра ствол, слуп, вэртыкаль. А вакол яго мусіць быць шмат ідальчыкаў”.

Лявон папрасіў кнігу пра Шклоў, Яму далі «Запіскі» Энгельгарда Л. Н. М., 1867, дзе на старонках 29, 35 Лявон прачытаў:

"Шклоў быў напоўнены самымі рознымі людзьмі -- шулерамі, авантурыстамі ўсякага роду, чужаземцамі… словам, усякім збродам і валацугамі. Калі імператрыцы трэба было адшукаць якога злачынцу, то яна звычайна загадвала паглядзець, ці няма его ў Шклове”.


ЧАС НАРОДЗІНАЎ КАХАНЬНЯ
Побач з Лявонам у сьне круцілася Кашчавая. І ў яме паміж ім і дзяўчынай уточвалася, і камаром абарочвалася, за азадкі іх злосна кусаючы. І, зьнясіленая, ад відовішча, глядзела і пакутавала вушы заткнуўшы ад стогнаў шчасьлівых.

А тое, што перажыў Лявон у сьне, шмат стагодзьдзяў таму адбывалася ў розных кутках краіны. І кожны раз на вечавым судзе нябачным пракурорам прысутнічала Кашчавая. Тады большасьць судоў яна прайграла. За ськінутых і разьбітых ідалаў збольшага не забівалі сваіх суродзічаў, а саджалі ў ямы. Шмат волатаў з таго нарадзілася, а Сьмерць помстай поўнілася і зайздрасьцю да беларусачак, чыі душы з каханьнем парадніліся.

Той час, калі ськідвалі ідалаў, але покуль не палюбілі Хрыста быў вясною каханьня беларускіх душаў. Жанчыны сталі відушчымі да мужчынскае моцы. І ў мужчынах годнасьць абудзілася. Як вясною палка, ўторкнутая ў зямлю ажывае, лісьцём, так і Кашчавая ў той час набыла жаноцкасьць. Як прычараваў ее нехта. Вядома, што зайздрасьць зьмяняе людзей и нават характар Багоў. Так і Сьмерць уцелелася.

Ды напаткала Кашчавая на Гервасія Выліваху – Лявонавага бацьку і закахалася. Не забрала яго жыцьцё, а, вар'яцеючы ад шчасьця, вярнула.

Яе радасьць зьмешвалася з пакутаю, як муштарда з цукрам, бо адорваць жыцьцём было насуперак яе натуры. Адным супакойвала сябе, што і ў падарунак аддала жыцьцё Гервасію, і так, каб потым назаўжды любага сабе забраць.

Так Сьмерць упершыню пайшла супраць Боскай наканаванасьці. І чакалі Кашчавую адмысловыя выпрабаваньні.

Але на ўсё воля Ўсявышняга. Толькі ён адорвае каханьнем, ці ім жа карае, альбо выпрабоўвае… І ў Боскай абранасьці адоранага каханьнем найвялікшая таямніца.

А вось у пачатку каханьня ніякай таямніцы няма. Ён з трэньня. Сьмерць доўга церлася аб раўнадушны час, абыякавую прастору, пераводзячы душы з гэтага сьвету на той. Церлася аб халодныя чалавечыя душы, лядашчыя ад страху невядомасьці. І раптам адчула цяпло Вылівахавай душы. Матыліхай да яе прытулілася, а душа і страху не зазнала, і ледзяным потам не пакрылася. Наадварот у ёй прага ды жыцьця полымям шуганула, іскры каханьня зоркамі неба расквецілі і так Сьмерць апалілі, што і ў ейнай душы каханьне полымям выбухнула.

Кашчавая заляцалася да Гервасія, а той шабляй сек яе шкілеты, прывід сьмяротны адганяючы. Час ляцеў і Гервасій раптам некуды зьнік. Кашчавая шалела ад невядомасьці і неспатоленасьці сваёй пустой душы. Шукала сьляды каханага, за людзьмі віжуючы, падслухоўваючы, што пра яго казалі. Але чула адно: «Бог яго прыбраў…».

Ад Гервасія Вылівахі застаўся сын -- Лявон. Кашчавая напачатку лютавала, што не яна нарадзіла ад Гервасія таго сына і ў лютасьці шмат немаўлят прыбрала. Аднойчы нават над Лявонам рукі занесла, а потым схамянулася, а калі час прайшоў, лаяла сябе і любавалася гожым хлопцам.

Менавіта ён Лявон сядзеў у чытальнай зале, чытаючы пра бацьку ў «Ладзьзі роспачы» Караткевіча, і пра сьмерць ўзгадваў. Але да чытальні столькі ўсяго адбылося, што ў гэта немагчыма паверыць нармальнаму, але ж хто з нармальных чытае?


РУСКАЯ РУЛЕТКА
Лявон у бацьку пайшоў. Статны, прыгожы ды зух, якіх сьвет не бачыў. Калі пасталеў, у Кашчавай каханьне рэшту розуму выпаліла. У ім зьмяшаліся, настоены чаканьнем стылы поцяг да Лявонавага бацькі і разбуялая прага да сынавага цела.

А Лявон мясцовую прыгажуню пакахаў. Забрала Сьмерць Лявонаву любую. Адпомсьціла ёй за Лявонава каханьне. Забрала да сябе і служыць загадала. Пасылала былую прыгажуню па хлопцаў. Тыя жахаліся, пужаліся, прыгажуня-спачвараная пакутавала, а Кашчавая выскалялася.

А прыгажунін шкілет сабе ўзяла і хадзіла ў ім, носячы пустую душу і трызненьні, што Лявон яе ў абдымках так моцна сьціскае, быццам да гэтых костак дастаць хоча й сакрэт каханьня менавіта ў іх.

Выліваха жыў тым болем, цяжка жыў. Пакуты ўпрыгожылі яго сівізной і мужнасьцю. Сьмерці не баяўся--наадварот, у бітвах толькі й шукаў яе. Але нешта не давала Лявону загінуць. Ці сама Кашчавая не хацела яго браць мёртвым, ці нейкая невядомая сіла бараніла Лявона, а можа, нават, апекваўся Бог – покуль невядома.

А Сьмерць ад неспатоленасьці месца сабе не знаходзіла. Вырашыла пазбавіцца ад хваробы, чалавечай заразы -- каханьня. У вогнішча кідалася, пад лёдам купалася, праз лясны гушчар прадзіралася -- але ні выпаліць каханьне, ні вымаразіць, а ні тым больш выдраць, ці атруціць яго ў душы не ўспасобілася. Бо каханьнем Усявышні не толькі адорвае, але і забірае.

Кашчавую жарсьць да Лявона абарочвала раўнівіцаю і сачыла яна за ім удзень і ўначы, працу сваю занядбаўшы. Яна нават шкілеты мяняла, бы тая модніца сукенкі, бо спадзявалася з косткамі новых ахвяраў-каханак вярнуць старую душу. Не дапамагло.

Вырашыла інакш і паслала па Лявона яго былую каханую, прыгажуню, ператвораную ў страхалюдзіну жудасную. А вопратку ёй выдала, у якой упершыню сустрэла прыгажуня Лявона. Ськіравала пудзіла хадзячае, а сама ўлезла ў новы шкілет з маладзіцы, якую толькі што прыбрала, ды сьледам паляцела, бы варона да сокала.

Ціха ступіла на Вылівахаў двор пасланка Сьмерці, а ў палац не змагла зайсьці. Віхурай крутанулася над ёю Кашчавая, разьюшаная і каханьнем бы Хрыстос цьвікамі працятая, штурхнула ў спіну. Але пакутніца – ані зь месца, быццам Бог вярнуў ёй душу й волю. Выліваха адчуў цягу неадольную і выйшаў і міжволі ўкленчыў.

Цуд! Родная і пачварная! Любая і недасягальная! «Харошая мая!» -- мовіў Лявон. Яна моўчкі, сарамліва схіліла галаву, роспаччу ачмураная. Ён зрабіў крок насустрач, працягнуў рукі ў абдымкі ўзяць, супакоіць і супакоіцца. Але тутака ў галаве Сьмерці нешта нябачнае знутры шыбанула, апякло, ледзь чэрап не разваліла. І, трацячы прытомнасьць ад прыступу рэўнасьці, Сьмерць адкінула былую прыгажуню ў свой сьвет, а сама, сабраўшы апошнія сілы, скокнула на ейнае месца. Войкнуў Лявон, паморшчыўся і спытаў:

-- І не абрыдла табе, здыхляціна, зьдзеквацца? Нават калі возьмеш мяне, ведай, што душы табе не аддам.

Забраць Лявона без каханьня, было для Кашчавай, што падзяліцца на два шкілеты і згвалціць самую сябе.

-- Няўжо я страшнейшая за гэты прывід? -- з роспаччу спытала Кашчавая, -- яе ж ты хацеў цалаваць, а я ў параўнанні з ёю -- топ-мадэль!

-- Як ты дзяўчыну ні калечыла, а душы не зьнявечыла. Душа ейная кветкаю чароўную сьвеціцца, пялёсткамі прыгажосьць праменіць!

-- Ты што, Лявон, з глузду зьехаў? Нічога не бачна, акрамя костак паламаных ды абы як змацаваных...

-- А не даў жа табе Бог сьветлую душу бачыць. Ты, Кашчавая, нават вачэй сваіх не ўбачыш, хоць вечна ў люстра глядзіся... А любую, нават калі б спаралізаваная была ды ў страхалюдзіну ператвораная, усё роўна за жонку пабраў бы, толькі б дыхала. Карміў бы яе, казкі распавядаў і цалаваў, бо душа яе дабрынёю ўсё жывое прыцягвае.

Вой як захацелася Кашчавай кінуцца ў абдымкі шчыраму беларусу, адчуць ягонае цяпло, смак пацалункаў! Нават словы “я твая, належу толькі табе” ледзь з рота ейнага не вылецелі.

А сама бы ў зямлю ўрасла, кроку зрабіць не можа, бо ўладарніца жыцьцяў чалавечых магла дзейнічаць толькі з вышыні сваёй улады. Нават каханьне мерылася падначаліць сілаю, страхам альбо хітрасьцю зваяваць. А тут ні сіла, ні страх не дапамагаюць.

А Лявон, як бы цьвеліць яе, кажучы:

-- Навошта з небаракі зьдзекуешся? Мала табе дзявочага жыцця й шчасьця? Калі хочаш забраць мяне, дык бяры не стой стодам…

Кашчавая аж падскочыла ад пякучасьці Лявонавых словаў:

-- Чаму ты вырашыў, што я за табой прыйшла? Сынок твой ужо хадзіць пачаў… Можа я яго за ручку на першы ў яго жыцці шпацыр і апошні да сябе правяду?

І дачушка твая лялькамі саламянымі бавіцца… а ў мяне можа ёй больш спадабаецца? Лялькі з шкілетаў гучней брынчаць, цацкі з костак не ламаюцца – вечна бавіцца можна.

Лявонавы ногі падкасіліся, прысеў дзе стаяў проста на куст шыпшыны. А Кашчавая кпіла:

-- Ты зьбіраўся аддаць сына на дзядзькаваньне? Добрая люцкая традыцыя… А відаць, прыдзецца яго аддаць на цёткаваньне – на выхаваньне цётухне Сьмерці Лявон сутаргава тургануўся і Кашчавая душа панеслася над крапівой, зрываючы сцябліны, хвошчучы па стылых костках – сьвята перамогі над ганарлівым зухам!

Суцішылася і пайшла вакол Лявона, танчачы лямбаду і з кожным крокам за ёй новы шкілет узнікае, рукі-косткі на сраку каляжанцы кладзе. Атачыла Лявона кола шкілетаў бразгаючых. То звужаецца, то пашыраецца – дыхае кола чароўнае і ў вір кашчавы душы з сусвету ўцягвае.

Спынілася Кашчавая, знікла кола і яна -- да галоўнага:

-- Замест сына пайсьці са мной на доўгі шпацыр зможаш ты … замест дачкі згуляць у мае цацкі і лялькі здолее твая душа …

-- Гавары… -- прахрыпеў Лявон. -- Што трэба рабіць.

-- Хачу жыць па-чалавечы, -- рыпуча пачала сваю споведзь Сьмерць, -- і вырашыла я зрабіць тваю краіну сваёй толькі без вас – сапраўдных беларусаў. Цябе аднаго пакіну. І даю табе шанец. Можаш згуляць са мной… не, не ў шахматы, як калісьці гулялі з тваім бацькам. А у рускую рулетку.

-- Што за гульня? – здзівіўся Лявон.

-- Калі ў афіцэра ў рэвальверы толькі адна куля і ніхто не ведае дзе яна месьціцца, кожны па чарзе цэліць сабе ў лоб і цісне на курок. І вось тут, як вы кажэце, “камусьці шанцуе, а хтосьці мазгамі кулю частуе”.

Хацеў Лявон паслаць яе да чортавай бабулі, нават руку ўзьняў, каб рубануць паветра, падмацаваць пасыл, а тут бачыць побач з кашчавай зь ніадкуль прывід дзявочы. Ды такі дзіўны! Дзяўчо быццам бы, а ў ваччу -- жаноцкасць, тая няўлоўная, калі дзяўчына дзіцятка прагне.

Стаіць, ласкава глядзіць у Лявонавы вочы і распальвае яго жаданьне… пабачыць нараджэньне дзіцяці ды так, што Лявон ужо марыць пачаў, бачыць, як хлопчык маленькі падбег да яго, ручкі цягне і смяецца: «Тата! Тата! Паднімі мяне да сонейка хачу з гэтым цёплым мячыкам пагуляць…»

Лявон слупам стаў. Кашчавая агледзела яго, вакол прайшлася, зразумець ня можа, што з хлопцам здарылася. Да яго твару падсунулася, а Лявон рукі праз яе косткі да прывіднай дзяўчыны цягне і пытае: «А як хлопчыка назавем? Давай, як майго бацьку, Гервасікам!» І ў руцэ сваёй працягнутай кветку ўбачыў. Кветка праменіць, а рука Лявонава цёплую дзіцячую руку трымае воку нябачную.

Дзяўчына кветку ўзяла, да сэрца прытуліла, грудзі, уздымаюцца як хвалі і схавалі кветку. І пырснула з прыгажуніных вачэй сьвячэньне чароўнае ў душу Лявонаву і ачысьцілася яна. Так хораша, што ні абдымкаў ні пацалункаў не трэба, толькі б стаяць і глядзець…

Напалохалася Кашчавая. Падумала: звар'яцеў хлопец, але ўбачыла свячэньне зь яго працягнутай рукі, схапіла за яго і зьнік Лявонаў прывід, а ў душы радасць засталася і ў сэрцы шчасьлівая надзея, што цуд гэты паўторыцца.

Засьмяўся, расквітнеўшы Лявон проста ў вочы Кашчавай, а яна, напалохана пытае:

-- Дык будзеш гуляць у «рускую рулетку»?

-- Буду! Каманду сабе падбяру!

-- Пахавальную!—не стрымалася Кашчавая.—Калі я выйграю разам са сваімі афіцэрамі, усіх беларусаў прыбяру. Калі ты выйграеш, пакіну вас на стагодзьдзі.

І падумала:

“Больш за ўсё я не люблю прыходзіць па такіх, як ты, – яны такія прагныя да жыцця, што я пачынаю думаць: ці не памылілася я са сваёй работай. І яны так любяць гэтую зямлю, што я ў сваіх пячорах пачынаю на хвіліну зайздросціць ім.” (Ул.Караткевіч. “Ладзьдзя роспачы”.)

Выліваха жыў, гуляючы і ніколі не прайграваў. Ускінуў ён руку, што Сьмерць ад страху адхіснулася і пляснуў у знак згоды па плячы магутнай пяцярнёй, аж старая ледзь не рассыпалася i забрынчала шкiлетам, бы тая "русская трещотка".


ПЕРАМОГА АЛЬБО СЬМЕРЦЬ
Пасля Лявонавага ўдару Сьмерць не стрымалася, з хітраватай радасьцю дадала:

-- Ледзь не забылася сказаць табе, -- калі ты прайграеш, дык існаваць будзеш вечна. І табе ўжо беларусам век не звацца, а са мною -- Сьмерцю, як з каханкай, мілавацца. І кожнае ночы будзеш мяне лашчыць і цалаваць, асалоду любоўную даваць.

Пачуў Лявон блізкае, незямное, такое жыцьцёва прывабнае, і інстынктыўна, як рабіў гэта ў далёкім юнацтве, з рызыкай для цнатлівасці хлапечай, з рызыкай нарвацца на вясковыя кепікі, з мужыцкім тайным смакам прыпячатаў далонь да быццам фігурыстага азадка "сяброўкі". Боль працяў даланю, а Сьмерць разьвярэдзілася, разьюрылася, гарэзьліва павяла плячыма, як тая паненка-нечапанка, "крутанулася", размалявала "шчочкі" чэрапа бураком, месца вакол рота, дзе былі вусны, адмысловай шмінкаю -- "сгущенкой из крови" ахвяры, а ў вачніцы ўклала сьветлякі з могілак, і яны пачалі сьвяціцца халодным гіпнатызуюча-прыцягальным святлом. Лявон асьцярожна намацаў тое вострае, ад чаго так забалела і што тым не менш абуджала надмужчынскі незямны поцяг. У далоні аказаўся хвасьцец, прыкрыты зверху чорнай накідкай.

У гэты момант Сьмерць уцягнула ў сябе паветра, і сьветлякі ў яе вачніцах заблішчалі нечым, падобным на жаноцкую жарсьць. Кашчавая па-свойму зразумела Лявона: "А, мітусіцца мужычок! Каханьня прагне! Ну-ну, настойлівы гарэза!.. На ж табе..." Рашуча пасунулася Сьмерць да будучага каханка, і так гэта зрабіла, халодная, што яе вопратка -- смяротная накідка расхінулася, і явіла пагляду тое, на што чалавеку звычайнаму і дзівіцца брыдка.

Не разгубіўся Лявон, хоць і напалохаўся. Мармытаў: “Каб хоць не звар'яцець!» Убачыў Лявон тое месца, якое ў жанчын падчас Вылівахавай песты распускалася, як маладзенькая ружа. А тут -- выперла лабковая костка зь бліскуча-белага тазавага касцяка адшліфаванага фаласамі Лявонавых продкаў, зробленых з пескавіка, а замест "ружы" жудасна зьзяла чорная дзірка-няўтульніца, з якой цягнула сьцюдзённым скразьняком.

Ён скамянеў, уявіўшы, як прыйдзецца яму ўсё сваё ў будучым бясконцае жыцьцё шаравацца аб гэтую костку і націраць крывавыя мазалі аб касьцякі свідравіны, што даўно пазбавілася жаноцкага цяпла. І яшчэ невядома, ці будзе Сьмерці асалода з таго...

А калі?.. Калі будзе так, што ён, Лявон, ужо пусты і зьняможаны, адкінецца на ложку, а яна галодная,спрадвеку без жывога мужыка на сабе, незадаволеная і разьятраная, што не можа адчуць радасьці здаровага жаночага шчасьця, накінецца на яго... Калі Сьмерць з жудасным стогнам "Еще! Еще!" схопіць у сваю Кашчавую пяцярню яго зьнясіленую і спустошаную плоць, якую пакінулі семя і кроў, зацісьне яе ў халодных як лёд фалангах і пачне шморгаць туды-сюды, як пустую казіную цыцку, каб дамагчыся пругкасьці, адчуць халоднымі косткамі гарачыню і пульсацыю жыцьця, ды паказытаць сваё сэксуальнае бяздоньне гарачым жыцьцёвым семем...

Гонар і сымбаль моцы Лявона, пра які марыла шмат жанчын, гледзячы на яго нос, ад відовішча сьмяротнай дзіркі і ўяўленьня пра аргазменныя канвульсіі бразготнага шкілета Кашчавай скукожыўся і зрабіўся падобны на пысак маленькага мышаняці, якое высунулася з норкі.

Вось тут і зразумеў Лявон, што азначае "свабода альбо вечныя пакуты", "перамога альбо Сьмерць". Спытаў:

-- Калі пачнём “гульню”?

-- Я цябе паклічу… -- Злосна адказала Сьмерць.

-- А дзе гуляць будзем?

-- Там дзе спыняць Час!

-- Як гэта? Хто спыніць?

-- Тыя, хто паскарае Час, і тыя, хто марудзіць яго хаду, вяртаючы Час назад. Калі іх сілы зраўняюцца, прастора разломіцца і ўтворыць пастку. І ў яе Час трапіць і спыніцца.

-- Дык гэта ж сьмерць! – жахнуўся Лявон – Гэта час твайго панаваньня!

-- Памыляешся… – задуменна сказала Кашчавая. – Раней і я так думала… А цяпер… Спынены Час – гэта каханьне…Гэта Час уладараньня такіх як ты! А я спадзяюся, што ён стане нашым часам…

Яны моўчкі стаялі, уяўляючы спынены час. Першай загаварыла Кашчавая:

Ад вынікаў гульні будзе залежыць далейшы накірунак хады часу, і лёсы людзкія…

І ведай, што ў нас будзе не адна гульня, а цэлы турнір. Бо для беларусаў час спыняўся шмат калі…

Калі б пра гэтую дамову даведаліся кіраўнікі дзяржавы, ці выбітныя князі-ваяры, яны б абурыліся, кажучы: «Чаму лёс наш і нашых дзетак будзе вызначаць гэты бабздыр і піяка?! Ён жа замест змаганьня прапьець ўсю краіну! Ён увесь народ за ноч з каханкамі аддасьць дзьяблу і душу сваю таксама!» І пасадзілі б Выліваху за краты, каб не рызыкаваць краінай. Пасьля гэтага б сойм склікалі і дэбаты вялі б некалькі месяцаў пра тое, каму абарону ўзначаліць адзінаму гэтак сказаць кандыдату...

А калі б пра Вылівахаву дамову са Сьмерцю даведаліся лідэры сучаснай апазыцыі, вох і ляманту было б: «Хто ён такі!? Хто яму даверыў!? Хто за ім стаіць, якая партыя!? Толькі хаўрус піякаў, бабздыраў ды іхных каханак! Мы гэтае пытаньне разгледзім на каардынацыйнай радзе! У нас для гістарычнай гульні ёсць палітыкі «новай хвалі» з гістарычнай самасьвядомасьцю і адказнасьцю!» І хуценька напісалі б заяўкі на грант па змаганьню са Сьмерцю ў сотню фондаў. І чакалі б з год, апісваючы на старонках газэтаў, які вораг страшны і як яны будуць з ворагам змагацца.

Але, як заўжды бывае, ні выбітных князёў ні вядомых апазыцыянераў не было падчас дамовы. А калі паразважаць – можа, й на лепшае. Бо падчас гістарычных бітваў лёс перамогі й вырашаюць такія, як Лявон зь ягонымі сябрамі. Яны імгненна вырашаюць і хутка дзейнічаюць.


НАРОДЗІНЫ СЬМЕРЦІ
Сьмерці пасля размовы зь Лявонам яшчэ больш карціла авалодаць сакрэтам каханьня.

Запусьцiла яна па краіне ладзьдзi роспачы. Плылі ладзьдзі ў паветры над людзьмі нябачнымі прывідамі да закаханых, усіх ачмураючы. Толькі закаханыя бачылі ладзьдзю, калі ўточвалася яна паміж імі. Закаханым ладзьдзі здаваліся чароўнымі сховішчамі іх шчасьця, што вязуць проста да кветкі-папараці. Верылі, што любы з падарожжа хутка вернецца, грошы вялікія прывязе і долю лепшую. Так траплялі адораныя Боскім пачуцьцём ў сьмяротную пастку. І несьлі тыя ладзьдзі здабычу на спатканьне да Сьмерці. А закаханыя, ўцяміўшы, што да Сьмерці плывуць, ужо не маглі з пасткі вырвацца, іх душы пакідалі роспач і адчай, ён туманавымі сьцежкамі сьцяліўся за імі. А ў люстры неба цені ладзьдзёвыя плылі хмарамі, зь якіх сьлёзы імжой краіну накрывалі.

Кашчавая бясконца дапытвала ахвяраў пра каханьне. Тых, хто не хацеў зь ёй размаўляць, ці не мог нічога словамі пра сваё каханьне сказаць, катавала. Потым смактала нябожчыкаў, бы ледзянец, думаючы, што высмакча з закаханых Боскія пачуцьці. І дурэлі людзі ад страху, безнадзейнасьці.

І пачалі ў сьвеце зваць тутэйшых небаракамі, якія стогнуць, енчаць, сьлёзы льюць і перад любою свалатою кленьчаць. Дайшло да таго, што пачалі самі сабе труны і крыжы майстраваць, магілы капаць і сябе жывымі хаваць...

Але як ні шчыравала Сьмерць, а на кожнай ладзьдзі роспачы знаходзілася душа, якая не баялася, не скарылася, а... жартам і сьмехам чмур з ахвяр ськідвала, надзею ўсяляючы. І вар'яцела Сьмерць ад бясьсільля, бо сьмех аднаго шчырага беларуса ў Сьмерці гумар і надзею адбіраў ды шмат каму вяртаў.

Не змагла Сьмерць прыбраць усіх беларусаў. Раз-пораз над краінай чуліся іншыя крыкі, і зьяўляліся на вачах у мацярок іншыя сьлёзы -- сьлёзы радасьці. А хаты напаўняў дзіцячы сьмех... і радасныя песьні.

І тады зайздрасьць, што яна, Кашчавая, не можа паспытаць жаночай радасьці нараджэньня дзіцяці, балюча паліла яе косткі знутры. Ёй карціла пазбавіцца ад Боскай наканаванасьці вечнай самоты і паспытаць жаноцкага шчасьця. Шмат разоў чула, як людзі казалі, што пасьля народзінаў прыгажэйшай і прывабнай робяцца. І задумала Кашчавая незвычайнае – дзіця нарадзіць, пераўтварыцца ў прыгажуню й Лявона прываражыць. І народжаным – сынком задумала яшчэ больш жудасны жах на людзей навесьці.

У бяды свае званы. У злыдняў свае ачмуральныя сьвяты. У Сьмерці свае хітрыкі, звычкі, прымхі і завядзёнкі, а яшчэ ў яе ёсць свае слабасьці. Нялюдзкія, няжывыя, стылыя, як апёк снежаньскага маладзіка ў завірушных ваўкалачых прыцемках. Калі ў шчасьця пацалунак, дык у Сьмерці -- выскал, калі ў радасьці сьпеў, у гора -- сковыт. Замест сьмеху -- плач; ня кветка-чароўная, а выцьцё ў гушчары і драпежная зяпа на кожным лясным кроку; не прасьветлы дзень, а бясконцая ноч. Ці арабінавая, калі ўся нечысьць зь пекла на свае шабасныя ўгодкі збіраецца, а Бог бліскавіцамі меціць пачвар, грукатам зь нябёсаў жах наганяе: турыць назад у пекла. Ці самая доўгая і самая вусьцішна-таямнічая ноч, калі ўзімку грымоты грымяць і калі ніхто, акрамя Сьмерці, ня ведае, што гэта такое...

І вось аднойчы у гэтакую ноч, самую доўгую ўзімку, устала Сьмерць на дыбкі ад радасці, сакоча, як маладзіца перад спатканьнем, нясьпешна рыхтуецца да свайго сьвята. Вой, цяжка ёй даецца чаканьне ў хвалюючым прадчуваньні блізкай асалоды. І замітусілася Кашчавая -- носіцца па сьвеце, касою сьцінае жыцьці людзкія. І злятаюць з касы кроплі атрутныя, трапляючы ў нутро чалавека не як божая раса, а Сьмерці радасная сьляза. Але ўсё ж такі цягне час Кашчавая, марудзіць, і пакута яе, як мёд, чалавеку, бо разумее паганая, што сьвята чаканьня, сьвята -- як талер жабраку, неспадзеўку знойдзены пад дзьвярыма карчмы.

А сьвяточны клопат у Кашчавай гэтай ноччу адмысловы. Убраная ў вянкі з гора, у накідцы з бяды, у карунках з тугі і смутку ходзіць яна, урачыста пастуквае на марозе косткамі, сярод магіл. Пяшчотна прыцмоквае, мармыча штосьці сваё, толькі ёй зразумелае.

І стыне сэрца ў выпадковых падарожных, і адымаюцца ногі ў іх і рукі, высалопваецца язык, калі бачаць яны, як раптам, нібы на адзіны загад, выбух уськідваецца над могілкамі сьнежным дымам, як трашчаць і лопаюцца пад прамерзлым покрывам паўзгнілыя дамавіны, як выварочваюцца стылыя камякі зямлі пад рукамі-косткамі тых, у каго і пры жыцьці душы чорныя былі ды мёртвыя. І выпаўзаюць на месяцовае сьвятло пачвары, і сьхіляюць звыкла сьлізкія чарапы перад сваёй матухнай Сьмерцю. А тая, таксама застылая ва ўрачыстым разуменьні ўлады сваёй, нетаропка пералічвае гадаванцаў-паганцаў, паслугачоў гора, бяды і граху, яшчэ раз падсумоўвае, як сквапны старац - нарабаванае ў маладосьці багацьце, плён жорсткай сьмяротнай навалы.

А потым, калі падлічыць усіх да аднаго нябожчыкаў і памеціць тых, каго возьме на ачмуральнае свята ў гэтую жудасную ноч, хутчэй да рэчкі, да возера. Туды, дзе пад цьмяным лёдам сьцішана да часу дыхаюць віры, а на дне -- тапельцы, якія не вытрымалі выпрабаваньня жыцьцём. І пад вар'яцкі рогат узрадаваных мерцьвякоў уздымаюцца яны, міргаюць вырачанымі вачыма, б'юць рукамі-водарасьцямі аб лёд, замілавана пазіраюць з-пад яго на гаспадыню. І зноў вядзе Сьмерць сваю пачварную інвэнтарызацыю, загінаючы косткі на далонях, ускідваючы ў захапленьні яміны вачэй да халодных зорак. Ды нават зоркі тыя для Кашчавай - што вугольчыкі ці сонечныя зайчыкі – пякуць болем нясьцерпным і сьлепяць. А ў небе ловіць яна падміргванне дзірак чорных, якія чалавечаму воку нябачныя, і толькі вачніцам Кашчавай - гаючасьць. А дзіркі гэтыя – душа Сьмерці, што ўцягвае ў сябе з усёй зямлі чалавечыя пачуцьці й гонар, і годнасць, храбрасьць і адвагу, спачуваньне й дабрыню, зычлівасьць, любоў і каханьне. А выплёўваюць дзіркі смяротнай душы страх і злосьць, зайздрасьць і сквапнасьць, здрадніцтва і нявер’е. І, пакуль сьпяць людзі, вядзе Кашчавая сваю сьмяротную сяўбу, узорваючы душы людзкія снамі-жахліўцамі. Ды - ўзняўшы душы поўняю бліжэй да жэрлаў чорных.

І вось у адну такую жудасную ноч пераўзышла Сьмерць саму сябе ў вар'яцкім вынаходстве. Калі звычайна адбірала яна ў людзей жыцьцё, высмоктвала радасьць і шчасьце, дык гэтым разам вырашыла даць жыцьцё. Але жыцьцё не звычайнае - з каханьнем, дзецьмі, сябрамі - а жыцьцё, якое ўсё гэта панішчыць. І абранца патрэбнага падшукала.

І сьціхлі мерцьвякі ў тую гадзіну, і яшчэ больш вылупілі набрынялыя вочы тапельцы, і прачнуліся ў страшэнным прадчуваньні сумленныя людзі, а набрыдзь усялякая, наадварот, сны гідкамярзотныя смакавала, калі выйшла на засьнежаны бераг Серабранкі, пад Шкловам, сама Сьмерць. Зьмяла сьнег з ільду сваім памялом, якім звычайна зьмятае кроў з ахвяры. Дзьмухнула гнілізной на лёд -- адшліфавала яго. Ня лёд зрабіўся, а шкло. У мёртвай цішыні месяц у галавах завіс, не варухнецца, натужыўся цягнуць нешта цяжкае, а рэчка серабром пераліваецца. Ні брэху сабачага, ні духу чалавечага над ракой. Ну, якія тут народзіны?! Але...

Штосьці цьмянае і вялікае цяжка варухнулася на дне. І яшчэ больш пругкую цішыню навесіла ў навакольлі. За сто вёрстаў адсюль прачнуўся ў халодным поце на гарачым чарэне Лявонаў дзядзька. Палясоўшчыкам столькі жыцьцяў выратаваў, што сярод вяскоўцаў мала не за сьвятога лічыўся. Усё жыцьцё царкву абыходзіў, а тут па бажніцы ў чырвоным куце вачыма павёў і нечакана забытую малітву ўспомніў. Упаў з грукатам на падлогу: "Божа, абарані, аслані..."

А Сьмерць, касу і памяло ўбок адклаўшы, рукі-косткі з берагу над вірам узьнесла, мармыча, вохкае, здалёк быццам і да жанчыны цяжарнае стала падобная, бо рэбры ў яе раздаліся, як жывот у цяжарнай, і ў крыжы разапнулася ўшыркі. Напружылася Кашчавая, ногі растапырыла і зноў замерла, як крумкач над падлам. І з ільду рэшткі сьнегу ўзьняліся віхураю і ў жывот Сьмерці ўцягнуліся. А унізе, на дне захвалявалася, заварушылася нешта цёмнае, вялізнае і няўклюднае. А на беразе зноў заенчыла, трызьніць, амаль па-бабску з прыдыхам хліпае. І нейкая жвавасьць пабегла пад ільдом. Бо і ў нелюдзяў цяжкія народзіны! Закульгала нешта на дне, пачало ўздымацца чорна-тлустым слупам і тут жа схавалася гэтае "нешта" у цёмных клубах ускалочанага глею. Крумкачы ўзьняліся з вершалін дрэў і з крумканьнем кінулся на лёд, як да нябожчыка. Як толькі чорныя целы затулілі цёмную пляму, што варушылася пад лёдам, нябачная віхура ўзьняла іх, закруціла і ўцягнула груганоў праз рэбры ў нутро Сьмерці, дзе яны зьніклі і толькі рэха карканьня з яе нутра даляцела і зноў -- цішыня. Але ўсьлед вырвалася вялізная істота з падлёднай хмары, завісла на імгненне і ўпэўнена пасунулася ўгору. Б-у-у-у-м! Здрыгануўся лёд, але вытрымаў. І ў гэты момант разваліла марознае неба маланка, і ляснуў пярун, як пастух бізуном. "Навальніца на голы лес! За што, божухна..."-- з такой думкай і памёр пад лаўкай Лявонаў дзядзька, якога празвалі сьвятым. І не ён адзін. Адышлі тае ночы ў нябыт многія. У час начнога роздуму, каханьня гарачага, спакойнага сну пасля працы. І зьдзіўляўся люд, бо памерлі людзі чыстыя душой, абранцы шчасьця і лёсу. Пра такіх звычайна кажуць: "Добры чалавек доўга не жыве. Бог да сябе самых лепшых бярэ".

У тую ноч відаць Бог не толькі забіраў лепшых, каб пазбавіць іх ад пакутаў, бо жыцьцё пачыналася ў тых краях нярадаснае, але громам і бліскавіцамі, можа, хацеў прыпыніць народзіны Сьмерці, напалохаць дзіця Кашчавай, каб яно на свет Божы не з'явілася, але Сьмерць у той момант як усё роўна з глузду зьехала. Зусім забылася, што ёй наканавана волю Бога на зямлі выконваць, а не ўласнае жыццё ладзіць. Толькі адно яе магло б спыніць: каб Бог загадаў Сьмерці ўсё жывое з зямлі прыбраць.

Усявышні не стаў гэтага рабіць: відаць, вырашыў паглядзець, што з усяго гэтага выйдзе. А можа, Усявышні ў гэты момант нават і сьмяяўся з д'яблавых вычварэньняў, разважаючы, прыкладна так: «Гэта ж трэба прыдумаць, каб духам сваім д'яблавым змусіць зацяжарыць Кашчавую, ды падштурхнуць яе да народзінаў пачварных, калі яна, не як жанчына, зь сябе нарадзіць мусіць, а ў сябе пачвару ўцягнуць! Гэта што ж атрымліваецца? Ён, д'ябал, зь мяне зьдзеквацца надумаў? Пародыю з зацяжарваньня Марыі маім сьвятым духам наладзіў?! Што ж, тады і я згуляю сваю ролю ў гэтым спэктаклі!»

А тое тупое і тлустае, якое пасьля першага ўдару асела на дно, зноў узьнялося, разагналася і дзёўбнула лёд. Ледзяное шкло пайшло павуціньнем-шчылінамі, раскрылася і праз шырокую прагаліну істота пачварная прадралася, выскачыла над лёдам з шумам:

Ш-ш-у-р-р-ш-ш! і зь дзікім рогатам, явіўшы Сьмерці-маці пакрытае мохам і слізьзю цела. Рогат той падхапіла рэха, і крумкачы, што зноў зьляцеліся адусюль, наладзілі хорам гімн сьмяротны на радасьць Кашчавай. У людзей немаўлятка нараджаецца з крыкам, бо на радасьць, на ўсё астатняе жыцьцё. А Сьмерць, наадварот – нарадзіла, уцягнуўшы ў сваё нутро і шморганьне каменя аб лёд і шоргат аб рэбры, і ўвогульле ўсе гукі ўцягнула!

Кароткі каменны слуп, ракетаю вылецеўшы з вады праз лёд, праз рэбры трапіў у жывот Кашчавай і расьпёр ейныя рэбры. Ад болю завыла Кашчавая жанчын вар’яткамі лаючы за тое, што радзіць імкнуцца праз гэткі невыносны, катавальны боль, і за тое, што яе – уладарніцу жыцьця, гаспадыню сьмерці на народзіны спакусілі.

Сабрала Кашчавая апошнія сілы і выпхнула ўніз праз шчыліну ў тазавай костцы каменнага стода, зараўла ад болю.

Ён бразнуўся на лёд паміж ног матухны-Сьмерці, застыў нерухома, як нябожчык. І тут не па-людзку, бо ў жываце Кашчавай удыхнуў атрутнага паветра. Цьвільлю ад яго пацягнула, балотам сьмярдзючым. Вось табе й сынок!

Уздыхнула з палёгкай матухна-Сьмерць і каля сыночка-ідалочка ўкленчыла. А той удыхнуў зімовага паветра і слупам выпрастаўся. Кашчавая сьхілілася над “дзіцём”, замілавалася і пацалавала яго, ляснуўшы зубамі аб каменныя вусны. Хукнула ў камень, і той увабраў сьмертаносны подых іскрынкай жыцьцёвай – стодам ляжыць! Рот разьзявіў! Паклікала яго: «І-і!-Да-а-л!» Той не азваўся.

Тады Кашчавая выразала з яго галавы кулю. І шаптала нешта над ёй, і рукамі разводзіла, і ў далонях круціла, і ў рот клала. Потым у вогнішчы паліла, пад лёдам вытрымлівала, ў зёлках купала, ветрам севярыла.

Урэшце зачаравала кулю так, што тая магла ў залежнасьці ад волі Кашчавай абарочвацца і стогам саломы, і кастылямі-мыліцамі, і зямным шарам. Да таго ж куля магла кулем стаць -- сховішчам чалавечых пачуцьцяў. І вядома ж «пуляю» слугаваць. І магла тая куля несьці атруту чалавечай душы: скукожваць страхам і ачмураць захапленьнем. Ды не ўсю уладу над куляю атрымала Кашчавая. Як маці валодае дзіцём да часу, так сапраўдным ўладаром Кулі была не яна…

Зачараваўшы Кулю, Кашчавая кланавала Ідала зь яго простай зьвіліны. Клоны пахавала да пэўнага часу ў лясах і балотах.

Пасьля гэтага Сьмерць памяньціла аб Ідалаву галаву касу, нарэзала ёй каменных валасоў. Ад шморганьня касы аб галаву з каменя сыпанулі іскры, і маланкі паляцелі па краіне, ідал затросься ад страху, бы ў эпілептычным прыпадку. Сьмерць кашчавай пяцярнёй супакоіла, пагладзіла яго па раскроеным чэрапе, перакiнула каменныя валасы цераз лысiну, закрыўшы дзірку на галаве з грукатам, i прашкрэбла жалезнай касой дэкаратыўнае прадзела над вухам. Замілавана гледзячы на свайго сынка, цмокнула яго ў зачос, даўшы яму назву "Касмыль жарсьці", і натхнёна сказала: "И это хорошо!" І далей замармытала словы усявышняга: ”I дам iм сэрца адзiнае, i дух новы пакладу ў iх, i вазьму з плоцi iхняй сэрца каменнае, i дам iм сэрца цялеснае, каб яны хадзiлi паводле запаведзяў Маiх i трымалiся пастановаў Маiх, i выконвалi iх; i будуць Маiм народам, а Я буду iхнiм Богам". (Езэк., 11:19-20).

Калі Сьмерць трапіла ў пастку Богавага жарту – закахалася, а пасля – нарадзіла, даўшы жыцьцё Шклоўскаму Ідалу, двойчы парушыла яна Боскую завядзёнку.

І чакалі яе за тое адмысловыя выпрабаваньні ды пакараньні.

...І шмат хто прачнуўся ў ноч сьвятога сьмяротнага сьвята -- Ідалаву ноч - у Будучай Беларусі, адчуў продкавы боль ад навальнічнага ўдару, але не да абразоў кінуўся, а, памятаючы бабульчын запавет, сутаргава схапіў нацельны крыж, рэліквію, што засталася ад бацькоў, і ўпэўнена пакрочыў да віроў серабранскіх, дзе, як людзі казалі, зноў нешта чорнае пад лёдам заварушылася. І Лявон у сьне паклаў крыж бацькавы, як продкі наканавалі, на лёд над вірамі, запячатаў воляй чалавечай і спадчынай Хрыстовай выхад ідалам сьмерцяносным.

А яшчэ Лявон разам з хлопцамі раскладваў крыжы з сухастою на лёдзе над вірамі і палілі крыжы тыя цэлую ноч, каб вогненны знак Божы нагадаў Сьмерці, што яна служка Божая, ды ідала настрашыў караю Ўсявышняга…

Калі Лявон крыжык у лёд запячатваў, была ноч яго сапраўднага жыцьця, а калі потым крыжы з сухастою паліў, быў у начы сваёй сапраўднай, але неверагодна далёкай будучыні, а насамрэч тыя падзеі былі адначасова. Лявонава ноч і тая, што на некалькі стагодзьдзяў наперад будзе, раптам саўпалі і Лявон са свайго сну ў будучую ноч трапіў і назад у свой сон вярнуўся. Відаць у тую ноч Боскія і д'ябальскія сілы дужыліся, за ўладу над часам, прасторай і душамі дэманструючы сваю моц на Лявоне.

А Сьмерць радавалася, што ўдаліся народзіны: падскоквала, віскатала. А калі крыху ўсцішылася, уклала ў сынка жыцьцё неўміручае з мэтаю сьмяротнаю. Бачыла, як пакутуе ад жыцця яе сынок, які, не паспеўшы нарадзіцца, ужо трызніць аб сьмерці. Прадчувала, што Шклоўскі Ідал ўсё вакол сябе зможа падпарадкаваць і да яе, Кашчавай, прывесьці. Толькі прадчуваньне шчасьця нараджала ў яе прагу болю. Не хапала ёй Лявонавага каханьня.


ЧАРКАВАНЬНЕ -- ЯК З ЛЮБІМЫМІ СЯБРАМІ РАЗВІТАНЬНЕ
А Лявон зьбіраўся ў будучыню, як на ўласнае пахаваньне. Рыхтаваўся згуляць у «Русскую рулетку» і думаў: «Як туды трапіць? На кані паскакаць, ці па рацэ плотам даплыць? А мо трэба напіцца ці праз зельле чароўне ў сон праваліцца?!»

І Выліваха вырашыў зладзіць вячэру, запрасіць сяброў ды параіцца. Да сябе ў родавы замак у Жэбеньцяі запрасіў усіх, каго добра ведаў. Нават аднаго старога, якога ўсе мелі за вар'ята, бо ён ўвесь час плёў нешта няўцямнае, а калі зь яго сьмяяліся, не крыўдаваў. Празвалі яго Сакратам. Стары калісьці сябраваў з бацькам, загадваў бацькавай бібліятэкай і сам пісаў нешта.

Сталы накрылі ў двары, бо на небе ні хмурынкі не было. Зладзілі драўляныя "козлы" і на іх паклалі негабляваныя дошкі. Сталы паставілі па старой завядзёнцы -- падковай.

Колькі гімнаў спета чаркаваньню! Колькі слоў перабрана і адкінута дзеля апісаньня гэтай слаўнай працы, сапраўднага мастацтва чалавечых зносінаў. Не дзеля п'янства ліхога, а дзеля ўзьнёсласьці душэўнай і ўрачыстасьці цялеснай бяруцца сапраўдныя мужыкі за чаркі і не апускаюць, пакуль не пераканаюцца, што мужыкі яны сапраўдныя, а не нейкія бязглуздыя істоты ў штанах. І не чмурам б'юць гарэлка і медавуха ў галовы, калі гэта сапраўдныя галовы, а думкі, як іскры, праменіць і вочы ад сьмецьця дзённай мітусьні прамывае, прасьвятляе пачуцьці. І бачыш прыгожае ясна-ясна, і часьцінкай гэтага прыгожага пачуваешся. І вой як жыць хораша, і дыхаць на поўныя грудзі, нават не дыхаць, а піць паветра, келіхамі, што з віроў паветраных над лугамі ўтвораны, ўцягваць у сябе жыцьцядайныя водары, прыхоўваючы дзеля вялікага, высакароднага.

Але ці толькі ў напоі шчасьце (аднаму, праўда, чаркі хапае, а другому - вядро якраз). Вадзіца гэта чароўная, празрыстая, бы сьляза, пякучая, як каханьне. Разумнаму -- здабытак, дурню -- ліха... А галоўнае, мабыць, што дом ёсьць, пакой сьветлы, а ў ім стол вялікі, а за сталом сябры, як сям'я, нават бліжэй, бо крывёю ў бітвах парадніліся, а ў вокнах -- лес, рака і поле. Такія родныя і чыстыя, бы ў лазьні памыліся -- так дожджык абмыў. І песьня гучыць, і п'яніць і цьвярэзіць! Хоць і выпіта нямала! І плячом плячо адчуваеш, і дыхаеш-сьпяваеш, як цалуеш і кахаеш! Як і сусед твой -- сябра. І зьвініць штосьці ў грудзях: не адзін ты на сьвеце гэтым. Такія ж, як ты,-- поплеч і поруч. Каравай адзін ламаюць і лёс дзеляць, плачуць і сьмяюцца разам... А дзьверы ў тым доме не зачыняюцца нанач. Няма ад каго хавацца, няма чаго хаваць. І, галоўнае, душа гаспадара, як дзьверы ў тым доме, таксама заўсёды наросхрыст. А калі на вуліцы зь сябрамі за сталом, дык дом твой, беларус, -- суцэльны свет, дах -- зорнае неба, што праменіць любоў і водар кветак.

Так думаў Выліваха, рассаджваючы сяброў, стол аглядаючы. І было тут на каго і на што паглядзець. Моцныя, гожыя ў паставе і ясныя тварам мужыкі -- бы гарэлка жытнёвая -- "хлеб надзённы", ці пшанічная -- "хлеб сьвяточны". А на іншыя твары глянеш, дык у каго твар, як анісаўка, у каго, як камяноўка, палыноўка ці цымонаўка, настойка на персікавых костачках. І твары гэтыя ў гарэлцы адпаведнай, як у люстры, бачныя. А кабеты і маладыя дзяўчаты -- як пяшчотнае і падманліва мяккае віно.

І, як вострая заморская прыправа, без якой страўнік на ежу і не адгукаецца, стары сябра габрэй Пэйцах насупраць Лявона. Сівыя пэйсы, вочы Хрыста, а на вуснах усьмешка гандляра, штукара, пакепніка. Ніколі за адным сталом ім сядзець не даводзілася, бо мяжа была каставая мацнейшая за мяжу паміж жыцьцём і сьмерцю. А тут селі. І кожны -- і Лявон, і стары габрэй перайшлі сваю мяжу, бо Выліваха зьбіраўся згуляць з Кашчавай і перамагчы, а ў гульні той незвычайнай і так можа стацца, што жарт мацней за кулю паляціць ці, як звыштрывалы шчыт, ад хаўрусьнікаў Сьмерці абароніць. А габрэйскі жарт Сьмерцьцю выпрабаваны. Селі разам -- значыць, сэнс у сёньняшняга сталаваньня адмысловы будзе. Сапраўдны беларус без сапраўднага габрэя -- што бульба без солі. Пакуты ад нядолі аднолькавыя, упартасьць у барацьбе за сваё роднае -- таксама. Таму і цягне Лявона да Пэйцаха, а Пэйцаха да Лявона.

А вось ужо на куце і Сымонка мосьціцца. Не ведае бедны, пад якую паху скрыпачку прыладзіць. Гэты не мужчына яшчэ, але і не дзіцё ўжо. Не так да стала яго цягне, як музыкі прагне, якою праз некаторы час і пральецца, прагу душаў гасьцей наталяючы.

-- На гэта і гарэлкі не трэба, музыкай зачараваны ды іншых цвяроза-раўнадушнымі не пакіне,-- каторы ўжо раз зьдзівіўся Выліваха, а сам позірк налева кінуў.

Ваяр Война. Чорны, няголены і нахабны. З тымі, хто волю нагой прыціскае, тады меч з ножнаў -- ластаўкай. Адзін супраць дзясятка, і толькі іскрынка вар'яцкай весялосьці ў вачах. А на сьцягу словы бліскавіцай: "Воля!"

Раптам Выліваху нібы жарам апякло. Позірк у позірку патануў. Незнаёмая, чарнявая, а ў вачах усё жыцьцё, уся музыка сьвету, кветкі палявыя, радасьць і смутак. Хто такая... адкуль... чыя? Але тут быццам вадой са студні хто акаціў. Узгадаў, чаго сяброў сабраў, у якую невядомую дарогу намерыўся і гаркнуў, як з печы саскочыў:

-- А ці не стаміліся вы чакаць, госьцейкі дарагія?

-- Чакаць -- плакаць і стагнаць! Медавуху піць -- весяліцца! І маладзіцца! -- звыкла падхапіў сябра Пэйцах. І як у сук уляпіў. Ажыла прыціхлая грамада. -- Налівай, браце, покуль ё што наліваць! Раз такі ўжо сабантуй, няма чаго чаркам парожніцца!

Салодкае імгненьне! Першая -- сьвятая. Выліваха спачатку зьеў кавалак мяса, наліў маленькі кілішак віна і пачаў піць ім "здароўе" гасьцей. Называў паасобку кожнага госьця, кранаў вусны кілішкам. Кожны, каго называў Выліваха, уставаў і адказваў тым самым Лявону.

Звычайна на першым тосьце за сталом стаяў такі гармідар, што ніхто нічога ня чуў. Але тут было інакш. Лявон зычыць госьцю здароўя, не сьпяшаецца называць прозьвішча наступнага, а ўважліва глядзіць у вочы, слухае зычэньне ў адказ, быццам выпрабоўвае яго на ролю паплечніка ці дарадцы, і адначасова разьвітваецца.

Калі першая -- сьвятая, то другая жыцьцёва-грахоўная... бо на адной назе не ходзяць. Трэцяя -- Бог тройцу любіць. Чацьвёртая, бо ў хаце колькі кутоў? Пятая за пятніцу і пяцярню, каб шаблю, чарку, сякеру і лёс надзейна трымалі... Цяжкая і слаўная праца! Але ніхто не кіне, раз талакой пачалі. І Бога памянулі, каб даў здароўя і нячысьціка закранулі, каб не заблытаў.

Там-сям ужо мацюжок ласкавы мужчынскі, сакатаньне жаноцкае, як срэбрам на аксаміт. А ў цэнтры стала, дзе ад патэльняў жар і водар, размова амаль што сур'ёзная, калі б не свавольнік Пэйцах. Слухае Лявон сяброў і душой адпачывае.

-- Не, вы, канечне, будзеце вельмі сьмяяцца і не паверыце, але я клянуся вам на Талмудзе, вы не можаце не ведаць, што гэта за кніга,-- гаварыў ўладальнік сівых пэйсаў, размахваючы рукамі. – І мой местачковы сусед Мікіта, ён не габрэй -- але ў кожнага свае недахопы, і я яму веру -- сам расказваў тое самае. Казаў, надоечы ў гаспадыні-хутаранкі парсюк чалавечым голасам загаварыў. За стол паспрабаваў сесьці, такім, вы ведаеце, важнікам, нават гарэлкі патрабаваў! Нібыта хацеў сказаць,-- Я, таксама чалавек і калі-небудзь яшчэ вамі пакірую.

-- Лухта, -- прамармытаў глуха Война, нетаропка прапускаючы ці то сёмую, ці то восьмую чарку. -- Пахмяляцца трэба, пан Пэйцах, своечасова і якасна... Але... Хто ж яго ведае. Мабыць, і праўда, не дай Божа. Няма горш пана, чым з хама...

З розных кутоў стала адгукнуліся госці:

-- А ў нашых краях таксама казалі, што баран за стол палез ды бляяць пачаў: "Я-я-я-а-с-п-а-д-а-р! Сем шкур здыму! Калі хто слухацца не будзе!".

-- Не, не так было,-- устраў другі госць,-- не баран, а казёл, ды рагамі пачаў бліны калоць, да столі кідаць ды ротам лавіць, а барадой у сьмятану ўмачаць. І пагрозьліва лаяцца: "Я гаспадаром буду, а хто слухацца ня будзе, як блін падкіну: сракай аб столь, пузам аб стол, ды рагамі на вушы пастаўлю...”

-- Брыдоцьце! -- узьвіўся Пэйцах.-- Чалавекапарсюкоў разьвялося. Жах! Вось бы іх маткі ў траву павысцыкалі!

Грымнуў рогат, і завяла грамада гаворку пра ведзьмакоў-пачвар, пра ноч арабінавую-вераб'іную, пра жахі-прывіды.

А тут якраз пад размову тарты пачалі рэзаць, а зь іх пырхнулі жывыя птушкі! Ды крыламі па насах гасьцям шморгнулі. Мужчыны моўчкі адхіснуліся, а жанчыны -- ў віск.

Нехта, дасьведчаны, спытаў у Лявона:

-- А качка запечаная з жывым сэрцам ці будзе?!

Лявон спахмурнеў. Ён аднойчы бачыў гэткую страву ў магната... Качку пяклі паступова, а сэрца, каб захаваць жывым, увесь час абкладвалі халоднымі мокрымі анучкамі. Уся качка запякалася, апрача сэрца. Так яе і падавалі гасцям. Не ўсякі кухар мог так прыгатаваць, дакладней з тутэйшых ніхто не мог, з-за мяжы майстроў выпісвалі. Лявон гідзіўся, калі госьці прагна рэзалі птушку, правяралі, ці б'ецца сэрца, а некаторыя яго выразалі і тут жа пачыналі жаваць-плямкаць... Былі і такія, што глыталі жывое сэрца і слухалі, ці тахтае яно ў жываце. Выліваха не вытрываў зьдзеку з жывога боскага тварэньня, не змог без агіды глядзець на нелюдзтва -- выбег з-за стала.

На пытаньне госьця пра качку Лявон адказаў рэзка, як адрэзаў:

-- Такіх качак ніколі ў мяне не было і не будзе! А вось іншыя птушкі, дык калі ласка, частуйцеся! -- Пад гэтыя словы на сярэдзіну "падковы" вынесьлі вялізны пірог. Лявон загадаў наліць гасьцям і сказаў тост: "Каб вы, госьцейкі дарагія, напіліся ды не пабіліся!” Як толькі чаркі ў гасьцей паказалі дно, Выліваха падміргнуў служку, той разрэзаў пірог, і адтуль з крыкам вылецеў певень, засьпяваў, ускочыў на стол, пабег уздоўж. Спыняўся каля тых хто паклаў ўжо галаву ў талерку, біў іх па галаве крыламі, дзёўб у патыліцу. Пасьля некалькіх удараў заснулы прадзіраў вочы, махаў рукамі, праганяў пеўня пад рогат гасьцей.

Вэрхал падняўся неверагодны. А адзін знаўца трапна зазначыў:

-- Гэта шклоўскі певень! Іх спецыяльна на гэта муштруюць!

Калі певень разбудзіў паснулых, Выліваха загадаў:

-- На патэльню пеўня! І падаць абражаным на сатысфакцыю!

І зноў рогат, і нават пакрыўджаныя кінуліся абдымаць і цалаваць Выліваху. А Сакрат толькі ўсьміхаецца. Быццам і няма яго за сталом. Спажывае гарэлачку, як верабей п'е, а есьць толькі вачыма. Паглядзеў на яго Выліваха і адчуў, што за сталом толькі ён ды стары аднолькава ўсё разумеюць і адчуваюць. І так не вельмі вясёлы быў Выліваха, а тут успомніў пра нешта сваё, патаемнае... параўнаў сябе з качкай на стале на баляваньні ў Сьмерці... страшна.

І сябры -- іх Бог на зямлі на тое і стварыў -- смутак Лявонаў зьмецілі, прыціхлі, а гэтага Сымонка якраз і чакаў, дзеля стоенай цішыні жыў. І прачнулася скрыпачка, і ўжо не відаць было, дзе яна, а дзе рукі хлапчука, ці яго душа. Падрыжалі струны хрыпам са сну і праз хвілю гук ўзьвіўся жаўручком і рассыпаўся па душах чароўнымі смыкамі, якія абудзілі ў кожным сэрцы сваю патаемную скрыпачку. А жаўрукі са струн шчыравалі, заліваліся. Уверх, як па сонечным праменьчыку узьляталі, весялосьцю захліпаліся. Госьці ў абдымкі адзін аднаму кінуліся, сьлёз радасьці не хавалі, сьпяваць спрабавалі. Калі жаўрук уніз камянем падаў, -- журбою, тугою ўмываўся. І жах людзей браў. Першабытны, халодны, сьлізкі. Хоць Дабро і Зло хатамі вокны ў вокны жывуць, хоць няма бяз гора і радасьці музыкі сапраўднай, аднак ці лягчэй ад гэтага душы чалавечай. Але ўсё роўна ні песню не кідалі, ні абдымкаў моцных (усё ж такі гора сябры лягчэй дзеляць, чым радасьць). А тугу і смутак сапраўдны сябар толькі сабе пакідае.

Апусьціў Сымон чароўныя руку са смыкам, скрыпачцы даў падзівіцца на людзей, а душам -- супакоіцца. Уздыхнулі: хто з палёгкай, хто з сумам. Каторы раз здзівіўся Выліваха, як з гэтага кавалка драўлянага і з жылаў грубых такая моц па душах шыбае. Чаруе. Нават калі гук аціх, чаруе душу.

-- Вось такое, пане-дабрадзею, чаркаваньне...-- кінуў хтосьці, як разьвітаўся.

І ў гэты момант (іншага не прыгадаць было) падышоў да Лявона Сакрат. Супакоіў паглядам, рукой руку падхапіў і загаварыў, вачэй не адводзячы.

-- Што здарылася, сынок?

Лявон павагаўся:

-- Пра будучыню думаю, шаноўны, як туды трапіць.

Хваляць Лявона сябры за незвычайны жарт і кпяць:

-- Відаць, карціць кветкі на сваю магілу ўскласьці?

-- Не! Ён сасьніў прыгажуню з будучыні і закахаўся!

Лявон адбіваўся:

Мне, сапраўды, туды трэба! Там лёс нашчадкаў будзе вырашацца…

-- І ты, Лявон, лічыш, што нашчадкі дурнейшыя за нас?

-- Скажы, Лявон, шчыра. Відаць, дазнаўся, што ў будучыні такія напоі ёсць, што нетолькі галаву хмеляць, а і цела малодзяць так, што дзяўчаты да цябе як пчолы на кветнік!

-- А можа там напой вечнай маладосьці прыдумалі і каханьнем адорваць навучыліся!

-- Ну, і жартаўнік ты, Лявон! Але нас чаму не паважаеш, калі ў нашым часе кідаеш?

-- Ды не, сябры шаноўныя! Вы мне і ў будучыні былі б дарункам боскім, але ж і сам пакуль не ведаю, як туды праскочыць, што з сабою ці часам зрабіць, каб у будучыні пабыць. А можа гэта пастка сьмяротная? Тады навошта ўсім гінуць? І калі так, тады адпомсьціце за мяне...

І яшчэ голас:

-- Мудра робіш, Лявон, можа ў будучыні ад ідала і ўцячэш…

-- Якога ідала? – зьдзіўлена спытаў Выліваха.

-- А вось якога… ты свайго прапрадзеда і прапрабабку ведаеш?

-- А як жа!

-- Дык вось, твая прапрабабка аднойчы ідалу тырчак адбіла, а прапрадзед твой таго ідала ў рэчку ськінуў.

-- Чуў пра гэта, як і аб тым, што яны ў яме пазнаёміліся, а калі іх выпусьцілі, ажаніліся. Але не верыў – думаў, што гэта міт.

-- Не! Тады усе чакалі, ідалавай помсты. Вельмі доўга яны пражылі, а калі памерлі, чараўніца патлумачыла, што ідал іх не чапаў, бо баяўся. Лютым быў твой продак: калі б што з жонкай здарылася, тады ён бы ідала з рэчкі дастаў і на дробненькія каменьчыкі раструшчэліў. А калі б мужа крануў, тады б жонка ідала ў пясок сьцерла. Чараўніца казала, што з-за гэтага ідал іх нават ахоўваў. Ненавідзеў, а бараніў. Але, як усялякі баязьлівец, ён нашчадкам намерыўся помсьціць.

А твой прадзед царкву пабудаваў. Ізноў ідал баяўся іх чапаць. Не ведаў, што гэта за Бог і чаго ад яго чакаць, якой кары.

А на табе, можа, яго страх скончыўся. Бо ты і блюзьнер, і з ганарліўцаў кпіш. Ня шмат у цябе заступнікаў. Добра, што ты ў будучыню трапіш. Далей ад ідала – больш бясьпечна…

Усе загаманілі разам. І Выліваха разабраў толькі, як нехта сказаў, што ў цыганаў ёсць конік, які можа завезьці хоць у будучыню, хоць да чорта. Другія пярэчылі, кажучы, што цыганы тым конікам людзей ачмураюць, а потым рабуюць, распранаюць і голымі ў лесе кідаюць.

Пакуль гаманілі, Сакрат стаяў побач з Лявонам, і ён вырашыў, што наўрад ці стары будзе сьмяяцца, калі яму праўду адкрыць, бо сам, кажуць, нешта падобнае казаў. І Лявон распавёў старому пра дамову са Сьмерцю згуляць у "Рускую рулетку".

Сакрат не зьдзівіўся:

-- Вось і прыйшоў час, Лявон, для спадчыны тваіх бацькоў.-- Падаў Лявону тоўсты сшытак і дадаў: -- Тут твая бабуля пісала. Ёсць там пра тое, як з пасланцамі Сьмерці змагацца, хто яны такія, на што сапраўднаму беларусу спадзявацца. Астатняе на словах мушу перадаць, табе ж трэба ўважліва слухаць і запамінаць.

Пайшлі яны ў бібліятэку, і стары пачаў расказваць, і на вачах у Лявона ён паступова ператвараўся ў мудрага чараўніка з казкі.

А калі змоўк стары, Выліваха адразу да яго:

-- Дапамажы! Давай разам у будучыню. Аднаму мне Сьмерць з яе хаўруснікамі не адолець!

Сакрат крыху падумаў і згадзіўся:

-- У маладосьці не было нікога за мяне мацнейшага ў кулачным баі. Бачыш, нос крывы з тае пары – зламаны.


САКРЭТ КНЯЗЁЎНЫ ПАПАРАЦІ
Усю ноч гаманілі Лявон і стары. Раз-пораз выходзілі да гасьцей. Лявон за ноч новае жыццё пражыў -- столькі даведаўся. А ўвесь наступны дзень яго сусед Князь Пятро паліў лазьню. Да сонца Выліваха мусіў парыцца. Сакрат чакаў таго моманту, калі можна будзе пачаць старадаўні рытуал. І вось, калі яны чарговы раз праверылі лазьню, мудрэц сказаў:

-- Глядзі. Усе камяні чырвоныя, як сонейка. Ніводнай цёмнай пляміны. Пачынаем!

Покуль распраналіся, стары казаў:

-- Камяні назапасілі гойны жар агню, які можа ацаляць і гартаваць. Яны аддадуць жар соку траў, настоеных на крынічнай вадзе, сок парай абернецца. І тады -- наша чарга ўзяць дарунак гойнасьці агню, вады і траў.

Яны селі на паліцу, быццам -- у печ: гарэла ўсё цела, пякло ў роце і носе. Сьпінамі прытуліліся да бярвеньняў з розных дрэў. Азадак падпіраў дуб, паясніцу грэў вяз, плячам цяпло аддаваў ясень, у грудзі дыхала водарам ліпа. Сядзелі ж яны на дошках з сасны і з іх жа са столі кроплі жывіцы патыхалі водарам. Пятро расказваў:

-- Гэтую лазьню я рабіў разам з тваім бацькам. Хто папарыцца ў ёй -- лучыцца з багамі старажытнымі. Бо ў бярвеньні жывуць душы нашых багоў, а Перуноў жар пераплаўляе іхную волю ў моц нашую.

-- Дык тады, можа, і ў Багоў ператварымся? – спытаў Лявон.

Стары не адказаў, лінуў на камяні настой з траў. З печы бухнула. Камяні прывіталі гаспадароў і па-сяброўску ўзялі ў гарачыя абдымкі. Глыбока ўдыхнуўшы жар, стары вымавіў:

-- Калі багі захочуць, адчуюць, што ты для іх свой, дык, можа, і возьмуць да сябе. Але калі і зробяць, ты можаш і ня заўважыць. Возьмуць -- каб сілаю боскаю падсілкаваць. Забудзь пра сябе – трэба злучыцца з духам, аддаць сябе, душу сілам зямлі і нябёсаў, паветра і вады.

А могуць і надоўга да сябе забраць – і незаўважыш.

Скура выціснула кропелькі, быццам трава расу. Стары зноў лінуў на камяні настой з траў. Выліваха спытаў:

-- Чаму якраз гэтыя травы вісяць у лазьні? Што гойнага ў іх настоі?

Стары нетаропка апавядаў:

-- Зёлкі гэтыя, сабраныя кожная ў свой дзень ці ноч, калі яны квітнелі, каб палюбіць… Кветкі зьбіралі і ў самы доўгі дзень года, таму яны назапасілі ўсю гойную моц Перуна-бацькі і Зямлі-матухны.

Некаторыя асьвяцілі ў царкве. Вось цяпер мы і дыхаем самай чароўнай парай – кветкавымі душамі, якія напоўняць нашы. Усё лета мы дыхалі водарам лугоў і лясоў, пылком кветак лугавых і з дрэў. Не злічыць, колькі жыцьцядайнага пылку ў нашай крыві. А зараз мы пачуем іхны шэпт. Яны павядуць размову, з камянямі, калі на іх пальем настой зёлак і кветак.

Слухай, што скажуць камяні, калі іх гойны настой будзе лашчыць. Для іх гэта найшчасьлівейшы час. А для нас -- часьцінка сакрэта боскага каханьня…якое лучыць душы зёлак, кветак і камянёў.

Ад цела свайго зараз цалкам адцурайся -- хай гартуюць яго. А душу расхіні, бо яна злучыцца з магутнымі душамі. Яны ўжо шэпчуць пра нешта. Ціха! Чуеш? што яны гавораць...

Выліваха глыбока ўдыхнуў, увабраў у грудзі горыч, і кроплі поту зьліліся ў танюткія ручайкі і пабеглі ўніз па целе, казычачы скуру. І зноў Выліваха спытаў:

-- А ці ёсьць сярод гэтых кветак папараць?

-- Можа, і ёсць. Можа, нават Князёўна папараці…

-- Як гэта? што за Князёўна?

-- Уладарніца чароўных кветак папараці.

-- Беларус, які перад тварам Сьмерці не толькі не палохаўся, а, надварот, закахаўся ў дзяўчыну ці ў жанчыну, -- адорваўся Богам Князёўнай папараці.

-- Князёўна папараці -- кветка мае сакрэт, якога людзі не ведаюць, а Сьмерць яго каму і адкрые, дык тут жа да сябе таго чалавека і возьме. Хавае Кашчавая сакрэт кветкі-чараўніцы.

-- А ты адкуль даведаўся?

-- Ад твайго бацькі.

-- У чым ён?

-- Кветка-чараўніца надзяляла абранца незвычайным зрокам. Мог ён

разгледзець у душы любога чалавека зародак каханьня і прывід сьмерці.

Князёўна папараці бараніла ад Сьмерці.

Стары лінуў на камяні, яны запыхкалі, зашапацелі. Старац казаў, а Лявону падалося, што камяні шэпчуць: «Так-х-так-х… ках-ханьне… ч-шаканьне…

Стары, адкінуў галаву, заплюшчыў вочы і прамаўляў ужо аднекуль з іншага свету:

-- Каханьне тое ўзносіць да чароўных зорак, ўзвышае чалавека да боскіх вяршынь, адольваючы зямныя страхі.

Князёўна дае ўладальніку разумець мову ідалаў.

І галоўнае Князёўна папараці робіць Боскага абраньніка ўладаром кулі.

--Якой? – спытаў Лявон.

-- Той, якая можа ягоны лёс вырашыць ці лёс ворага. Той, якая можа зьмяніць лёс народа.

Так што, можа, нехта з тутэйшых Сьмерць сустрэў і не спалохаўся, а закахаўся. Вось і далася тады кветка-чараўніца яму ў рукі. І падарыў ён тую кветку каханай, а яна занесла Боскі дарунак з зёлкамі, што назьбірала, у лазьню…

І тут Лявон прыгадаў бацькаў расказ, што калі Сьмерць бацьку да сябе забірала і да Ладзьдзі роспачы вяла, адбылося незвычайнае.

Сустрэлі яны вясковую прыгажуню. Сьмерць убачыла ў бацькавых вачах апошняе полымя каханьня, і такая зайздрасьць апаліла яе, такая нянавісьць да жыцьця й дзяўчыны, што яе белыя рэбры пад чорным балахонам імгненна разагрэліся, бы галінкі ў вогнішчы, абвугліліся, счарнелі.

Зачараваная бацькавым каханьнем, дзяўчына нырнула ў яго вочы, прытулілася да яго грудзей і жыцьцё ёй без каханага стала непатрэбным.

Сьмерць кінулася тады да бацькі, каб вырваць Князёўну папараці, але стрымалася, ведала, што кветку тую сілай не возьмеш. Засаромелася свайго чорнага выгляду.

Сьмерць роспачна загадала бацьку:

“-- Кветка...

Гервасій здзівіўся

-- Шыпшыну? Табе?

Смерць засмяялася:

-- Глядзі, Выліваха, пашкадуеш. Наўрад ці ты так трымаў бы сябе, каб ведаў, які падарунак я табе прызапасіла..”. (Ул. Караткевіч. Ладзьдзя роспачы).

А кветкай Лявонаў бацька адорыў вясковую прыгажуню.

Старац працягваў:

-- Ніхто і ніколі не бачыў, не сустракаў і не чуў пра таго чалавека, якому пашчасьціла знайсьці кветку папараці. І беларусы пачалі лічыць, што яна – з казкі. І кожны год сьвяткуючы ноч на Купалу і папараць-кветку шукаючы, быццам гульню гулялі.

Зноў Лявон лінуў вады на камяні, і яны адказалі стрэлам: «Так-х – так-х», гарачымі абдымкамі парай і шэптам: «Сак-хрэт…за-хфа-вфаць…п-фа-п-фа-раць…к-х-а-ха-ць»

Лявон спытаў:

-- А куды пасьля сьмерці бацькі Князёўна трапляе? Можа ды сыноў?

-- Можа...І гэты сакрэт ведаў твой бацька, але не пасьпеў мне сказаць.

-- Сядзелі моўчкі, думаючы аб лёсе Князёўны папараці. Падкідалі ў печ, слухаючы перашэпт камянёў і траваў.

Лявон спытаў:

-- А як даведацца, што годзе парыцца?

-- Зараз… Хадзем.

Яны выйшлі пад зоркі. Маладзенькі месяц назіраў за хаўрусьнікамі з-за хмаркі. Лявон глыбока ўдыхнуў:

-- Дыхаецца, бы крынічную вадзіцу п’еш!

-- Гэта-па першае.

-- А па другое? – перапытаў Лявон.

-- А чаго табе цяпер хочацца больш за ўсё?

-- Узьляцець.. ляцець, да зорак цягне…і вопратка не патрэбная і крылы адчуваю. Мне зоркі цяпер -- як родныя браты і сёстры.

-- Вось табе другая азнака. У табе зорная душа абудзілася.

-- Як зорная? А якія душы мы яшчэ маем? Я думаў толькі адну – чалавечую, што з Боскай знітавана…

-- Беларусы шмат душ маюць. Калі жарам нашы целы плавіла. Тады нашы кветкавыя душы абуджаліся, што з паганскімі багамі нас лучаць. Іх сваім каханьнем абуджалі з пары чароўныя зёлкі і камяні, зьліваючыся.

Калісьці беларусы былі кветкамі, семя якіх трапіла ад зорак. Нашы продкі-кветкі маглі хадзіць, лётаць і абарочвацца. Потым мы абярнуліся ў жывёл і набылі жывёльную душу. Пазьней нашы душы набылі крылы і палёт стаў сэнсам існаваньня для шмат каго. І гэта ўсё было дадзена нам, каб мы, стаўшы людзьмі, маглі выжыць у любых варунках. І ўсе заваёўнікі выбівалі і выпальвалі з беларусаў Богам дадзеныя душы.

-- А якія яны – люцкія душы? – Спытаў Лявон.

-- Ня ведаю. І, шчыра кажучы, ня ўпэўнены, што беларусы іх набудуць. Вось сяляне жывуць горш за скаціну. А паны, што шаблю ў гной на возе ўторкваюць, як гады на пузе перад магнатамі коўзаюцца, магнаты ж драпежнікамі адзін аднаму глоткі грызуць. Калі стомяцца, віно цэбрамі глыкчуць і дзевак гвалцяць. Ні ў кога людзкай душы не бачна.

Габрэі -- Богаабраны народ на зямлі. Іх Бог сорак год праз Майсея вадзіў па пустэльні, каб памер апошни габрэй з рабскай душою перад тым як увайсьці ў зямлю абетаваную. Беларусы – Богаабраны зорны народ. Нас Усявышні будзе сорак год насіць па касьмічнай пустэльне, каб, блукаючы паміж зорак, памёр апошні раб, апошні ідалапаклонец, і абудзіліся нашы касьмічныя душы і тады Бог заселіць беларусамі новую планету, бо на зямлі, нам відаць ня будзе месца…

-- Чаму?! Усклікнуў шакаваныЛявон.

Памятаеш, як у Новым запавеце сказана, што будзе другое Хрыстова Прышэсьце? І ўпадзе зорка Палын- Чорнабыльнік. На беларусаў яна трапіць… і смерцьцю атруціць ваду і зямлю, целы нашы і нашых дзетак…

А зараз што адчуваеш?

Лявон прыслухаўся да тахтаньня сэрца і адказаў:

-- Унутры бухкае ды ў такт вунь той зорачцы, што міргае, а яшчэ…-- Лявон зноў знерухомеў, -- чую быццам шэпт ад зорак ідзе, ці гэта лісьцё шапоча, а можа, трава, а можа, яны ўсе паміж сабой перашэптваюцца ціхенька, каб людзі не пачулі...

-- А я думаю, што нам зоркі нешта хочуць сказаць, але мы пакуль іх не разумеем, -- дадаў старац і падсумаваў:

-- Трэба нам яшчэ разок выпарыцца.

Яшчэ раз аддаўшыся гоману камянёў, ласкам гойнага жару і моцнаму дотыку бярвеньня, скочылі яны ў вялізарную бочку з ледзяной вадой. З яе куляй пераскочылі ў бочку з вадой цяплыні цела маці. Там для іх зямны час спыніўся. І толькі мігценьне зорак адлічвала зорны час.

Калі вярнуліся ў зямны час, старац спытаў:

-- Што адчуваеш, Лявон?

-- Як толькі на сьвет нарадзіўся! І, здаецца, разумею, пра што трава шапоча, пра што зоркі гавораць… Яны кажуць, як любяць адно аднаго і разам Бога; як цудоўна жыць!

Абмыліся. І тут Лявон зьдзівіўся:

-- Цела дыхае, быццам скуры няма! І душа дыхае, быццам цела няма! І яшчэ жару хоча…

Яны зноў залезьлі пад столь, прытуліліся да бярвеньняў, падкінулі ў печ, і жар ахінуў душу. Лявон прыслухаўся і павольна выдыхнуў:

-- А зараз хочацца нырнуць і плыць... у зорным сьвятле плыць!

-- Я ведаю. Хадзем.

Яны выйшлі да зорак. Раса, што пасерабрыла траву, укленьчыла Лявона. Ён далонямі набраў расы, абмыў твар, а потым лёг у траву.

-- Вось і плыві, -- сказаў старац, -- у гэтай расе -- сіла зямлі з сокаў траў і кветак і промні зорак, што жывуць у кожнай расінцы, як у доме – зоркавыя душы. Іх нарадзілі наша багіня ўрадлівасьці і Бог, які стварыў сусьвет. Зорныя душы – павадыры, што правядуць беларусаў да зорак.

Сіла зямлі не дасць зьбіць цябе з ног аніякім злыдням, а моц неба абудзіць у табе такую прагу палёту, што па жыцьці ніколі поўзаць не будзеш -- толькі лётаць. Раса гэтая колькі б ты ня піў, колькі б цябе ня чмурылі – цвярозым і бадзёрым захавае.

І Лявон даў нырца у срэбныя прамяні, і росная жывіца напойвалася яго целам покуль каціўся па траве. Скура гарэла. Трава пакідала парэзы, і праз іх скура піла расу – моц зямлі, гойнасьць травы і прыцягальнасьць зорак. Хмель зьнік. А на цёмны след на срэбранай траве ад Лявона накрыла нябачная цень ад чорнай постаці... Лявон як адчуў нешта, на ногі пружыністыя так ўскочыў, як да бойкі гатовы. Старац зіхацеў:

-- Вось і выпарыліся.

А Лявона расьпірала. Ён, узняўшы рукі да неба, крычаў:

-- Божа! Вялікі дзякуй табе за рай на зямлі! Калі мяне прыбярэш да сябе і будзеш доўга вагацца, куды зьмясьціць, дазволь пачакаць мне ў Пётравай парыльні!

І падумаў:

-- Калі пасьля патраплю ў пекла, любую спякоту вытрымаю. А калі – у рай… у Бібліі пра лазню нічога не сказана, а рай без парыльні для сапраўднага беларуса – недасканалы. Тады такую ж лазьню, як у Пятра, зраблю.


ФУТАРАЛ ЧАСУ
Лявон думаў, што каб падабрацца бліжэй да спадужніка, трэба было б набыць здольнасьці рабіцца нябачным і вандраваць у часе. Як жа гэта зрабіць?

І ўспомніў пра бабульчын сшытак. Пайшоў у бібліятэку. Праз расчыненыя вокны ўварваўся вецер і насіўся ўздоўж кніжных паліцаў, імкнучыся паразгортваць кнігі, выведаўшы іх тайну, а яны, цесна сьціснуўшы старонкі вокладкамі тэчак, як сьцісквае калені цнатлівая дзяўчына, шэптам адмаўлялі яму. Лявон насьцярожыўся, быццам у паветры быў той, хто хацеў выведаць таямніцы спадчыны Лявонавага роду. За акном грукнула, і за сьпінай рыпнула дзвярына. Лявон уздрыгануў, абярнуўся – на парозе стаяў Сакрат і лагодна ўсьміхаўся, прамаўляючы:

-- Вось і прыйшла арабінавая ноч. Сёньня ўся нечысьць папрэ наверх на свой сход абіраць завадатара. Калі абьяднаюцца вакол аднаго на зямлі, тады іх моц у сто разоў памножыцца.

Пярун ужо сьцебануў па іх, папярэдзіў, што ўсё бачыць і не дазволіць ім на зямлі хаўрус наладзіць.

І бачыш як Падвей на іх дзьме... І так пачынаецца кожны год.

За акном зноў грукнула, і вецер наваліўся на вокны. Лявон супакоіўся і спытаў:

-- І кожны раз яму ўдаецца загнаць іх назад?

-- Не. Аслаблі нашыя багі. Усё часьцей бяда прыходзіць на нашыя землі, -- адказаў мудрэц.

-- А можа, гэта справа рук чужынцаў? Нашая ж нечысьць вялікага зла не робіць. А чужынцам Пярун -- ня Бог.

-- Можа, і так, а можа, старыя багі нам так помсьцяць і пра сябе нагадваюць, бо забывацца пра іх пачалі -- не тое, што нашыя продкі. Жывем кожны сам па сабе…

Селі.

-- Што ж бабуля падкажа,-- мармытаў Лявон, гартаючы яе сшытак. Да яго на калені ўскочыў чорны з белымі вусікамі каток, уладкаваўся і таксама глядзеў на старонкі, быццам чытаў.

Каток стаў заднімі лапкамі на Лявонавы калені, абняў яго за шыю, як той дзіцёнак, і пачаў лізаць шчокі і вусны. Лявон чмокнуў яго і ў роспачы, спытаў:

-- Што ж рабіць, каб навучыцца нябачным быць і ў будучыню трапіць? Так… Так… Як нябачным стаць напісана, а вось у будучыню як трапіць ні слова, ні поўслова.

Сакрат падышоў да вялізарнай басэтлі ў куце бібліятэкі:

-- Калі табе бабульчына спадчына не падыходзіць, вось табе бацькава. Станеш у футарал басэтлі і ўявіш мэлёдыю спыненага часу, куды хочаш трапіць, і футарал перанясе цябе туды.

-- Адкуль чароўны футарал?

Спытаў Лявон.

-- Твой бацька больш за ўсе на сьвеце, любіў майстраваць скрыпкі. Марыў зрабіць такую, каб яна чаравала каханую. Урэшце твой бацька зрабіў, але ня скрыпку -- басэтлю. І футарал для яе зрабіў. Калі граў жалобнае -- неба плакала сітнічкам, граў сьмешнае -- сьмяялася нават сонейка. Калі басэтля грала задуменнае, жалобнае ці скрушнае -- аціхалі птушкі, зьвяры і вецер. Калі граў, размаўляючы з басэтляй -- у прыродзе ўсё гаманіла і людзі дамаўляліся.

Басэтля пераўтварала ўсё навокал, ўладарыла жывым.

Але нядоўга чаравала басэтля. Яе аднойчы слухаў хлопец, які пакахаў дзяўчыну. Яе аддалі замуж за іншага і яны зьехалі кудысьці вельмі далёка. Ён, слухаючы басэтлю, трапіў да яе. Што та там крывавае адбылося. Пасьля вяртаньня хлопец памёр. Пасьля гэтага больш ніхто ня чуў басэтлю. Яна зьнікла з з зычыненай шафы. А замок не кранутым, зачыненым застаўся. Толькі Бог мог так узяць, ці чорт. А футарал застаўся.

Думалі на Хапуна, але ўсе казалі, што Хапун кляўся перад нашымі багамі, што не крануў тую басэтлю. Не, ня чорт браў. Чорт той бы і футарал прыхапіў. А Ўсявышні па-Боску падзяліў. Вось гэты футарал у спадчыну табе і дастаўся, і атрымліваецца, што не толькі ад бацькі... А душа, здольная сьпяваць мелодыі спыненага часу, табе дакладна бацька перадаў.

-- А адкуль даведаліся, што футарал ловіць час у пастку? – спытаў Лявон.

-- Ня проста ловіць, а злучае чалавека і яго спынены час. Робіць яго ўладаром часу.

Твой бацька некалькі раз спрабаваў. Казкі, якія ён табе, маленькаму расказваў, былі аповедамі з тых падарожжаў. Відаць нейкая чараўнічасьць ад тых казак у тваёй душы ўзьнікла.

А калі бацька стаў стары, нямоглы. Пры мне стаў у футарал, разьвітаўся і больш яго не бачылі.

-- Дык яго ж хавалі…

-- Пустую труну хавалі. Пра гэта толькі я і твая маці ведалі. Людзям сказалі, што яго ў бітве так зьнявечылі, што глядзець страшна…

Так што ў спадчыну табе бацька акрамя дома і зямлі пакінуў чароўны футарал, які можа цябе куды заўгодна па часе даставіць, а можа нават і да яго…

Лявон спрабаваў уявіць, як гэта можа быць і ня змог. “

Аж галава забалела ад пытаньняў і галоўнае задаў:

-- А як узгадаць мэлёдыю спыненага часу, калі там не бываў і тых песень не чуў?

-- Душа сама прасьпявае. – Адказаў Сакрат і уважліва ўгледзеўся за Лявонаву сьпіну.

Той азірнуўся і тут жа адскочыў ад дзіўнай істоты. У куце стаяў маленькі празрысты чалавечак зь ледзь відочнымі рожкамі на лобе. Праз яго цела бачыліся кнігі, сьцяна. Чалавечак стаяў пануры і цёр вочы, як гэта робяць дзеці, калі саромеюцца сваіх сьлёз.


РОСПАЧ БАГОЎ
-- Хіхатун! Што ты тут робіш?! Скуль зьявіўся?-- спытаў стары.

-- Мы багі заўжды побач з вамі. І покуль вы памятаеце пра нас, мы не зьўляемся, сілкуючыся вашай верай, даючы вам недзею. Калі пачынаецца беспамяцтва, мы прыходзім. А зараз усё пераблыталася. Вашы нашчадкі пра нас забыліся. Да таго ж да нас зьявілася нейкая істота з вашага сьвету. І жыве адначасова і ў нас, і з вамі.

-- Вось я і прыйшоў прасіць дапамогі. – адказаў чалавечак, сьціпла пераступаючы на месцы. Толькі ты, Лявон можаш дапамагчы…

-- Апытвайся, Лявон, -- сказаў стары. -- Гэта наш беларускі бог сьмеху Хіхатун, а гэта...

-- Ведаю яго. – сказаў Хіхатун. -- Пакуль твой бацька, Лявон, з сябрамі свае жарты ладзіў, дык была ў мяне праца па душы, як селяніну на сваёй зямлі. Ох, колькі нарагатаўся я дзякуючы твайму бацьку! А смех ды рогат для мяне, як для вас ежа і пітво!

Асабліва цяжка мне прыйшлося, калі ён з сябрамі скрынку з каштоўнасьцямі быццам з неба падкінуў на замкавы двор. А на скрынцы напісалі, што ўсё гэта дасылае сьвяты Юры таму, хто не парушыў ніводнай Божай запаведзі.

Лявон успомніў спрэчкі, што пачаліся ў мястэчку паміж заможнымі гаспадарамі зямлі, людей і царквы. Усміхнуўся. Стары лагодна сказаў:

-- Давайце прысядзем, бо ў нагах праўды няма.

Селі, а чалавечак стаў за плячыма ў старога, усхліпнуў, пацёр вочы і сказаў:

-- Тады над скрынкай счапіліся ўсе -- і замкавыя вялікія людзі, і касьцельныя, і людзі царквы. Кожны даводзіў, што гэта -- яму, а таму іншых усіх выкрываў і пляжыў. То ж бо рогату было! І за сьпінай у кожнага “сьвятошы” мне пастаяць давялося і парагатаць! Дык пасьля тых падзеяў я доўга адпачываў -- так ад сьмеху балелі, і жывот, і шчокі! Во даў тады мне твой бацька, Лявон, працы! Сапраўдным богам пачуваўся!

Чалавечак зноў спахмурнеў і замоўк. А стары патлумачыў:

-- Хіхатун заўжды ведае, у каго здарыцца благое. І тады стаіць за сьпінай у таго чалавека і хіхікае. Але ён ні Сьмерці не кліча, ні шкоды вялікай не робіць. Ён заўсёды за плячыма ў тых хіхікае, хто дурны крыху ці зашмат сам сабе наўме. У каго гонару залішне, як на цуцыку блох, ці хто ўладаю разбэшчаны.

-- Так! -- Падхапіў Хіхатун, танчачы паміж Лявонам і старым. -- Я і другі выпадак навечна запомніў. Калі ты, Лявон, з сябрамі чортаву вопратку напяўшы, некалькі слуг святошаў і паноў у лесе спаймалі, ды, зьбіраючыся тых засмажыць, распавялі, што ідзеце ў мястэчка па грэшнікаў, што крыжамі маскіруюцца і золатам ад грахоў адкупляюцца. А потым укусілі аднаго і абурыліся нясмачным мясам служак грэшнікаў... Адпусьцілі і гучна крычалі, што гаспадары на добрых харчах будуць смачнейшыя... Слугі шпарка дамоў прыбеглі і ўсё расказалі. Пахапалі мясцовыя ўладары, што пад руку трапіла і наўцёкі. Поп дык той з прыхажанкі саскочыў і, голай сракай замест свечак праменячы, па царкве бег, потым праз хмызьняк... рэчку... Гальлё і крапіва так яго тырчак адсьцябалі, што доўга потым грашыць ня мог!

Лявон зіхацеў:

-- Слаўна мы тады пагулялі! Усе дзеўкі раскрыліся кветкамі! Асабліва дочкі грэшнікаў бацькоўскі грэх з хлопцамі замольвалі шчырымі пацалункамі – першы праз сапраўднае шчасьце прайшлі...

Хіхатун апынуўся за плячыма ў Лявона:

-- А зараз -- бяда, хлопцы! Істота, што зьявілася паміж намі багамі і не Бог і не чалавек. Не Ідал і не чорт.

Людзі на яго моляцца. Ад яго чакаюць ласкі, грошай, ладу і спакою. Нават каханьня ад яго чакаюць. А ён сеіць вакол сябе зайздрасьць. Сьмерць з-за яго сьпіны зыркае... Людзі дурэюць. Гарэлку глыкчуць. Працаваць не хочуць. Чакаюць, што ён ім усё дасьць

З-за яго людзі пра нас – багоў забыліся. І мы сілу сваю страцілі. Што для іх не робім, а людзі ўсё яму прыпісваюць…

-- А чаму ты, Хіхатун, менавіта да нас прыйшоў? -- перапытаў Лявон.

-- Зьвярнуўся да Марні. Яна звычайна перасьледуе тых, хто ўчыніў нейкае зладзейства, і прымае выгляд таго чалавека, якога перасьледуе. Дык яна кажа, што ледзьві не звар'яцела з-за яго. Ёй ніяк не ўдавалася цалкам прыняць выгляд той істоты. Колькі на яго ні палявала, нічога не атрымалася. Марня перасьледуе злачынцаў і пасля іх сьмерці, не дае ім ды іх родзічам спакою, аж пакуль яны не адкрыюць народу злачынствы нябожчыка. А тут пачала ягоных родзічаў шукаць, дык усё дарогі да Сьмерці вядуць. Паспрабавала Марня перад Кашчавай у ягоным выглядзе з'явіцца, дык тая лашчыць Марню пачала і цалаваць, як сынка! Цьфу! Брыдоцьце! Пасьля гэтага Марня кінула паляваньне. Кажа, бязрод нейкі, а злачынстваў столькі нарабіў, што і кары патрэбнай на яго няма.

Асабліва пакутуе ўся наша эліта -- нечысьць. Чорт -- дык якімі толькі чарцякамі не абкладаў тую істоту! Тлусты Цмок і той разварушыўся і да мяне запоўз, каб я і за яго папрасіў. І жалезная баба і злыдні – усе цябе прасілі. Бо мы хоць шкоду робім, але ж да сьмерці не даводзім, мы не зьдзекуемся з людзей, бо ўсе ж мы -- тутэйшыя... А праз гэтага хрыпатага зь дзіркай у галаве і роду невядомага на нас людзі усе беды сьпісваюць. А мы з-за гэтага прыхадня сваю сілу страцілі і такое адчуваньне, што паміраем. Час для нас быццам спыніўся!

Марня паслала мяне да Купальскага дзядка, а той і расказаў пра цябе, Лявон.

-- Што расказаў?

-- Сказаў дзядок, што не даваў табе папараць-кветку, што кветкі, якімі ён, Купальскі дзядок, адорвае, не маюць той моцы, што ты маеш. Ён сказаў, што ты Князёўнай папараці валодаеш, яна табе слугуе, а ён такой кветкі нават не бачыў.

-- І што з гэтага?

-- Ты можаш усё наладзіць. А я хачу табе дапамагчы, каб зноў усё было, як было. Каб мяне ніхто не штурхаў і не кідаў. Каб праца ў нашых багоў была. І каб людзі паміралі не ад жахлівай Сьмерці, а ад рогату!

Разьбярыся ты, Лявон, што там да чаго, ды навядзі парадак. Гэта не толькі маё жаданьне: і Лады й Дзявоі. А Лёля казала, што калі ты пазбавіш нас ад вырадка, тады каханьне тваё набудзе бязмежную моц, бо твая душа зможа ўзнаўляць каханьне беларусаў, якіх заўчасна прыбрала Сьмерць, і перадаваць гэтае каханьне тым, каго выратуеш.

-- А чаму багі самі не прыйшлі?

-- Яны побач. Ахоўваюць нашу сустрэчу, нават пад зямлёй. Аб ёй ніхто не мусіць ведаць, і каб ніхто не перашкодзіў. Нават нячысьцікі адмовіліся свайго прэзыдэнта абіраць, і Пяруном памірыліся. Бачыш, як усё аціхла…

І ўсе вырашылі, што я, Хіхатун, табе больш за ўсіх дапамагу, калі побач буду. А на шчасьце і посьпех я за вашымі плячыма паплакаў.


ЛЯВОНАЎ СОН ПРА ЗОРНЫЯ ДУШЫ БЕЛАРУСАЎ
У будучыню вырашылі скіравацца ўтрох. Госьці даўно пайшлі дамоў. Перад тым, як зайсьці ў футарал Лявон аддаў усе распараджэньні на той час, покуль яго не будзе, і з надзеяй сказаў:

-- Можа там бацьку сустрэну…

-- А можа кулю! – адказаў стары.

-- Толькі б не дулю… -- ўточыў Хіхатун.

Праз вакно Лявон агледзеў свой двор. Зірнуў на верхаліны ялін, што плотам аддзялялі яго зямлю ад уладаньняў дружбака Вайжбуна. Над верхалінамі ўздымаўся дым, якога ні разу Лявон адтуль не бачыў. Хваляваньне стрымлівала падарожжа – ці не здарылася што з сябрам? Пачуў стрэлы, воклічы, лямант.

Памкнуўся да дзвярэй, каб з ганка, паглядзець: можа скача хто з весткай, як у пакой заскочылі незнаёмыя людзі. Лявон абурана крыкнуў, але стрэл у столь заглушыў яго крык. Удар у грудзі зьбіў на падлогу. На яго навалілася некалькі чалавек, прыціснулі да падлогі, дыхнулі водырам кіслай капусты з цыбуляй, рукі зьвязалі, потым паднялі і пасадзілі ў крэсла. Побач пасадзілі зьвязанага старога і толькі Хіхатун ціхенька стаяў у кутку ля футарала басэтлі і цікаваў. Бачыў як за Лявонавай і дзедавай сьпінамі сталі гатовыя да гвалту ўзброеныя людзі.

Да Лявона падыйшоў шляхецкага выгляду чалавек, засунуў у похвы шаблю і, прыціснуўшы руку да сэрца, ветліва сказаў:

-- Прашу прабачэньня, васпане! Даруйце мне гвалт, але інакш не мог выканаць загад. – Сказаўшы, сеў.

-- Што хочаце? – Узвіўся Лявон з крэсла, але некалькі чалавек ззаду наваліліся на плечы і ўціснулі ў крэсла.

-- Каб ноч дома пабыў.

-- Чаму?

-- Ня ведаю. Толькі загад такі, каб Вас да раніцы дома затрымаць, а ўсіх, хто да Вас прыйдзе, прапускаць і нікога не выпускаць.

-- Чый загад? – Усклікнуў Лявон і падумаў пра Кашчавую, што можа такім чынам нанесла першы ўдар у гульні ў рускую рулетку.

-- Загад Радзівіла Пане каханку.

-- Зусім звар’яцеў мечнік! А да ветру дазволіў выпускаць?

-- Выбачайце, васпане, дазволена, але, калі да ветру пойдзеце і зьбяжыце, тады мне не будзе праз што да ветру хадзіць – адсекчы абяцаў. Таму да ветру я вас зьвязаным вадзіць буду і сам штаны здымаць…

-- Можа і сраку падціраць?!

-- Так! Толькі каб да раніцы са двара ні нагой!

Лявон зарагатаў. Потым усталявалася цішыня.

З двара даляцеў тупат каня. Вершнік шпарка забег на ганак, загрукаталі дзверы:

-- Вашмосць Выліваха! Адчыніце! Бяда!

Радзівілаў паслугач жэстам указаў хаўрусьнікам стаць за дзьверы, і калі тыя сталі, адчыніў дзверы.

Госьць шпарка ўвайшоў і яго скруцілі, звязалі рукі і пасадзілі за стол.

Лявон пазнаў Вайжбунавага і крыкнуў:

-- Што з гаспадаром?

-- Цяжка паранены – у непрытомнасьці, дай Бог каб выжыў. Радзівіл напаў, дачку яго паланіў і павез немаведама куды. Пане Каханку некалькі разоў Вайжбуна ўгаворваў аддаць за яго дачку. Грошы абяцаў, зямлю. Той не пагаджаўся. А дачка проста ў вочы Радзівіла цьвеліла сваім гонарам. Той раззлаваўся і вайсковую атаку наладзіў. Дзяўчыну Радзівіл кудысьці схаваў і пэўны, што за ноч угаворыць пакахаць яго. Вайжбун прасіў цябе на дапамогу паклікаць, бо толькі на цябе спадзеў, што людзей збярэш, пагоню наладзіш, дачку адаб’еш і вернеш.

-- Дык вось чаму да раніцы арышт… -- раздумліва сказаў Лявон. -- Усё прадумаў магнат… а можа яго хто і падштурхнуў, каб менавіта зараз… І Лявон зноў падумаў пра Кашчавую.

Толькі часам і воляй яму не авалодаць, а тым больш каханьнем…

Уточыўся Радзівілаўскі слуга:

-- Вас стрымаць загадаў так, каб ніводнай драпіны не атрымалі. Не хацеў з Вамі разладу. І загадаў ад яго імя прабачэньня прасіць і абяцаньне перадаваць, што калі ўсё ўладзіцца, за гэтую пакутлівую ноч Вам сотню салодкіх падорыць з пітвом, ежаю і дзяўчаткамі на любы густ – сотню райскіх ночак…

Зноў запанавала цішыня. Кожны думаў пра сваё. Лявона бянтэжылі захопнікі, што ніяк не мог засяродзіцца, каб даць рады сваім думкам. Толькі адно дзівіла: звычайна сумаваў па сыне, якога аддаў на дзядзькаваньне і па дачушцы, якая зранку паехала на ярмарку, каб заначаваць у цётухны ў мястэчку. А зараз была адна радасьць, што іх няма дома…

-- Добра. – Сказаў Лявон. Зьвязаныя мы нікуды не зьбяжым. Пакіньце нас у пакоі адных. Трэба крыху адпачыць ад валтузьні.

Захопнікі выйшлі. Сьцямнела. Лявон вагаўся. Што рабіць. Дружбакову дачку вызваляць, ці тысячы невядомых беларусачак? Думаў: “Куды ў цемры паскачаш, калі сьлядоў не відаць? Каго за ноч з пасьцелі на каня пасадзіш, калі сапраўдны шляхціч толькі да палудня працьвяразее, а шарачковы --супраць Радзівіла не пойдзе… Вырашыў, што да раніцы лепей у будучыню трапіць, у рускую рулетку выйграць, вярнуцца і Вайжбунаўну адшукаць і вызваліць. Усё роўна ад гэтых гвалтаўнікоў да раніцы не ўцячэш. Відаць і цяпер у шчыліны цікуюць і пад вокнамі стаяць. Бо ведаюць, што калі не ўпільнуюць, Радзівіл іх закатуе.

Лявон гукнуў Радзівілаўца. Той увайшоў і пачціва схіліў галаву. Лявон загадаў:

-- Запалі нам сьвечкі, прынясі віна, і сабе захапі бутэльку.

Праз некалькі хвілін Лявон і стары звязанымі наперадзе рукамі падносілі кілішкі да рота і пілі за здароўе Вайжбуна і яго дачкі.

Калі выпілі некалькі бутэлек, Лявон папрасіў пакінуць іх адных і распарадзіўся даць віна астатнім захопнікам. Пры гэтым гукнуў: “Хай ведае Пане каханку, як мае слугі жывуць!”

Радзівілавец выйшаў і Лявон позіркам паказаў старому на футарал басэтлі. Той кіўнуў. Лявон сказаў Вайжбунаваму слузе: “Калі мы зьнікнем, а цябе спытаюць куды мы дзеліся, скажаш, што ўзьніклі анёлы, падхапілі нас пад пахі і панесьлі ў неба проста праз столь”. Слуга кіўнуў. Лявон дзьмухнуў на сьвечкі, і ў поўнай цемры, разам з Хіхатуном і старым зайшоў у футарал. І цемра разам з цішынёй паглынулі іх, і песьня з Лявонавай мары пра будучыню загучала, пра купальскую ноч…

Праз імгненьні забыцьця Лявон -- у лесе. Побач сяброўка. У гушчары пад ялінамі шукаюць кветку-папараці. Потым скакалі праз вогнішча, варажылі і зноў шукалі. А знаходзілі... пяшчоту рук ды поцяг.

А як жа хацелася убачыць чароўную кветку! Асьцярожна хадзілі ў зарасьніках папараці, укленчвалі, разглядваючы пад ёй мох:

-- Можна знайсьці папараць-кветку і з ёю скарбы, а калі ляжаць усю ноч у папараці, можна ўведаць усё, што на сьвеце робіцца.

Казаў Лявон і глядзеў у сяброўчыны вочы, радуючыся, што яе вабяць клады, схаваныя ў яго вачах. А яна адказвала:

-- Нячыстая сіла адводзіць вочы, палохае рознымі жахамі. Часцей за ўсё -- хто пайшоў у лес па чароўную кветку, памірае ад страху. Табе ня страшна?

Лявон узяў яе руку ў свае далоні, супакойваючы:

-- Хто папаратны цвет мае, той усё ведае..., будзе ведаць, што худоба гаворыць... і можа ведзьмаю стаць. Каб пабачыць тую папараць, трэба пайсьці ў карчы, -- там яна цьвіце; сесьці, каля сябе абвесьці кола рукамі. Ну, а як сядзіш, дажыдаешся, каб зацьвіла папараць, -- то трэба не баяцца нічога, бо палохалы ўсялякія будуць: прыйдзе жаба з возам, з фураю саломы, будзе тую салому паліць, на цябе кідаць, але баяцца не трэба, бо салома таго кола не пераляціць.

А я не баюся палохаў. За цябе баюся, каб ты ведзьмы не спужалася. Каб тыя скарбы, што твае вочы хаваюць жабы сваімі вагнямі не выпалілі, чэрці ня скралі.

Яна прыціснулася да Лявона, калоцячыся ўсім целам, і папрасіла:

-- Пайшлі дамоў, мне страшна! Не палохаў баюся… страшна, што цябе ведзьма прычаруе і ў палюбоўнікі забя

Яны паціху крочылі і расказвалі:

-- У бабульчыным сшытку запісана, што на папараць сыходзіць і ўспыхвае яркім цьветам Перуноў агонь. Гэта і ёсьць папараць-кветка.

-- У купальскую ноч выходзяць на паверхню зачараваныя скарбы, як чырвоныя ці сінія агні - гледзячы з чаго той скарб: з золата ці з срэбра. Вось бы знайсьці!

-- Іх вартуе нячыстая сіла і рознымі прывідамі палохае адважнікаў, якія рызыкуюць падступіцца да іх.

Каля дому сяброўка мацней прыціснулася да Лявона і ён прапанаваў:

-- Ты уначы сасьніш страшнае, напалохаешся і захварэеш, дык лепей не спаць. Пайшлі да мяне, будзем казкі баяць.

Рэшту ночы яны правялі ў пуні на сене. Маці, зачыніўшы за імі дзьверы, пажадала «дабранач» і дадала:

-- Глядзіце мне, не балуйцеся...

Яны ляжалі на кажуху і трымаліся за рукі. Воўна казытала скуру. Водар купальскай ночы і страхі вярэдзілі душы. У Лявонавай галаве бухкала, шалёна віравалі рэшткі расказаў старэйшых хлопцаў пра таямніцы першага спатканьня, а вусны прамаўлялі іншае:

-- Папараць-кветка пранікае ў душу і квітнее там. І пацалункі таго чалавека робяцца пялёсткамі папараці, а пяшчота рук прыжыўляе тыя пялёсткі, і зь іх утвараецца чароўная нябачная кашуля, што бароніць каханьне і выпраменьвае боскае пачуцьцё. Да такога чалавека цягнецца ўсё жывое.

-- Бабуля казала, што папараць-кветку можа знайсьці чалавек чысьціні крынічнай вады, а я - грэшніца. У царкву рэдка хаджу і вось з табою голая...

-- Дык то ж купальская ноч! Сам Бог дазваляе!

-- Які Бог?

-- Пярун!

-- А я другога Бога баюся, пра якога ў царкве святар кажа, што толькі яго трэба любіць болей за ўсіх, а я болей за ўсіх кахаю... цябе!-- Дзяўчына ўздыхнула і дадала:

-- Вось таму і грэшніца.

Яны памаўчалі. Лявон прапанаваў:

-- Думай пра нашых Багоў. Для іх ты ня грэшніца.

І зноў цішыня. Яна вагалася і зноў загаварыла пра папараць:

-- Калі нашы продкі навучыліся кахаць, яны здагадаліся, што папараць-кветка дазваляе знайсьці абраньніцу лёсу і мацуе каханьне.

Зноў прыціхлі ў асалодзе ласкаў воўны і лучнасьці.

-- Сёньня ўсё можна! – Сказаў Лявон.

Ягоная рука выпадкова дакранулася да яе нагі. Дзяўчына ўздрыгнула ўсім целам, пасунулася бліжэй да яго так, што яе нага апынулася на іх сьціснутых далонях. Яе доўгі ўздых абудзіў у яго галаве чароўнага каваля, які пачаў біць молатам з пухавіка па скронях.

Кожны ўдар абдаваў цела жарам, як пара з пячы ў лазьні, і толькі далонь халадзіла пяшчотная аксамітная рука сяброўкі.

-- Ты зьмерзла?! -- здзівіўся Лявон.

-- Ад страху! -- дрыготкім голасам адказала дзяўчына.

І тут жа прыўзьнялася і пацягнулася па вопратку праз яго. Грудзьмі ўперлася ў гарачае і пругкае, жар імгненна палыхнуў па грудзях, і яна застыла.

Потым яе далонь сама асьцярожна легла побач з пругкім і гарачым і ціхенька, быццам баючыся абпячыся, дакранулася... Па пальцах ударылі пульсуючыя заклікі яна сьціснула іх, імкнучыся авалодаць іх моцаю, увабраць яе ў далонь, а потым падпарадкавацца іх рытму.

Лявон ад дотыку мяккага і пяшчотнага, ня змог стрымаць таго, што рвалася зь яго. Салодкая сутарга скруціла цела, знутры вырваўся боль, пакінуўшы душы слодыч і срэбраныя кроплі арасілі яе грудзі, апалі на яго ногі, воўну. Іх разам з пуняй ўцягваў у сябе, круціў зорны вір чароўнага неба, уладаром якога гэтай ноччу быў Іван Купала.

Абодва поўніліся сорамам, пяшчотай і палёгкай. Яна дакранулася да яго вуснаў сваімі і так прашаптала:

-- Як мне хораша с табою, я такая шчасьлівая!

-- Ляцець бы так вечна! -- Адказаў Лявон.

Зямная цяга саступіла іх узаемнаму поцягу, і Лявон прашаптаў:

-- А можа, зоркі і ёсць тое срэбра, што выйшла з-пад зямлі ў купальскую ноч і Бог Хапун узьнес яго на неба, а Пярун асьвяціў? І мы дарэмна шукаем клады… Відаць, трэба жыць, узьняўшы галаву да неба, і тады не толькі клады зямныя і з нябёсаў набудзеш, але і зорку лёсавызначальную…

– А можа нешта не тое робіцца на нашай зямлі, і чароўныя кветкі-папараці пакінулі нас і там цвітуць, а для нас бачны зоркамі…

-- Чаму пакінулі?

-- Яны, відаць, лічаць, што мы не здольныя зьберагчы іх…

-- Эх! Даляцець бы да зорак ды спытацца, чаму ім дрэнна...

-- А калі б я даляцеў, сабраў бы табе букет зорнай папараці!

-- А як даляціш? Крылаў жа няма...

-- Можна даляцець! Чуў я пра нашага зямляка, які стварыў такую кулю – ракету! Даляцеў бы, сабраў табе кветак, каб у вачах тваіх іх кожнае імгненьне зорачкамі шчасьця бачыць!

Лявон пільна паглядзеў на сяброўку, потым на зоркі і раптам сам, дзівуючыся свайму адкрыцьцю сказаў:

-- Відаць, зоркі -- гэта душы беларусаў, якія не змаглі зберагчы любоў на зямлі, ці сваіх каханых. Вось і ўзьляцелі на неба і адтуль праменяць каханьне. Ты паглядзі на неба, колькі закаханых душ! -– усё абсыпана! Беларусы, відаць, самыя закаханыя людзі... І самыя няшчасныя, бо каханьню няўтульна на нашай зямлі, яно пакідае нас і жыве ў небе.

-- Каб гэта ўзяць ды вярнуць усё зорнае каханьне беларусаў на зямлю! Сапраўдны рай у краіне настаў бы! Кветнік каханьня.

-- А давай пашукаем паміж зорак месца для нашых душ!

-- Давай...

Яны ўглядзеліся ў зорнае неба. Іх позіркі, быццам крыламі, пераносілі іх з зоркі на зорку, нібы пчолак, -- з кветкі на кветку. Урэшце яны заляцелі ў чароўны сон -- брата каханьня.

Зоркі абярнуліся кветкамі. Бязмежны луг кветак - закаханых душаў прыняў іх мяккім дываном, і ўладарны голас аднекуль прарочыў:

“...памнажаючы памножу семя ваша, як зоркi нябесныя, i ўсю зямлю гэтую, пра якую Я сказаў, дам семенi вашаму, i будуць валодаць ёю вечна”.

Абудзіў Лявона дзявочы голасочак-званочак:

-- О, Божачка! Які ж ты цуд стварыў! У кроплі расы сапраўднага беларуса пасадзіў! Барані яго, Божа, не дай гэтаму цуду зьнікнуць! А мне яго ніколі не забыць!

Лявон адкрыў вочы і падскочыў. Перад ім стаяла прыгажуня-прывід, якая ўпершыню зьявілася перад ім, калі Кашчавая прапанавала згуляць у рускую рулетку. Ён асьцярожна, каб не напалохаць, працягнуў да яе руку, памацаў валасы – спраўджваючы ці не сон. Упэўніўся – сапраўдная.

Яна сарамліва вочы долу апусьціла, а зь іх -- прамяні, а па іх хлопчык на азадачку сьлізгануў яму пад ногі. Узьняў рукі ўгору і кажа: «Тата! Тата! Уздымі! – хачу вунь тую!

Лявон працягнуў рукі хлопчыку і зірнуў уверх, а там сапраўды на блакіце неба зорка.

А дзяўчына вачыма прабегла з хлопчыка да зоркі паўз Лявонаў твар і позіркам ўзьнесла хлопчыка вышэй той зоркі. Толькі сьмех званочкам адтуль даляцеў і аціх.

Лявон агледзеўся. Вакол дрэвы. Каля лаўкі -- футарал ад басэтлі. Удалечыні – стары ходзіць паміж дрэвамі.

-- Дзе мы? -- Спытаў у дзяўчыны.

-- Пад Варшавай.

-- А ты мясцовая?

-- Не. Я з Беларусі. Клічуць мяне Настачка. Маці памерла, бацька зьнік, і ўсе кажуць, што яго слугі прэзыдэнскія забілі. Мяне бацькоўскія сябры забралі да сябе. Тут я звычайна зранку малюю расу. У кожнай кропельцы ёсць сонейка і божая кароўка, чароўнае казачнае вока і возера ў лясной глушы, зямная куля і мой дом на ёй.

Лявон угледзеўся ў расінкі і ў тон дзяўчыне сказаў:

-- А я бачу сьлёзы смалістай сасны і кроплі бярозавага соку -- "капеж" вясны. Павуцінку, як лёсу сьцяжынку, над якой ляціць празрыстым матыльком нечая душа.

-- А я часьцей за ўсё ў расе і дом свой бачу і бацьку, які глядзіць праз вакно. А тут раптам Вы… Я спачатку Вас у росных кульках убачыла, а потым ужо так…

Дзівачка шчырым беларусам захапілася, душа да воблакаў птушкаю ўзьляцела, сэрца закалацілася так, што зямля пад нагамі скаланулася, нібы ад землятрусу -- так прыходзіць сапраўднае каханьне да беларусаў.

Калісьці жарсьцю, як сілкамі, Выліваха імкнуўся ўтрымаць каханьне, зрабіць яго сваёй уласнасьцю. Але цяпер дявочая цнатлівасьць стала найвышэйшай каштоўнасьцю для Лявона.


СКАНЭР
Праз некалькі дзён Настачка ведала пра Лявона ўсё. Аднойчы ўзяла яго руку, асьцярожна замацавала на ёй бранзалет з гадзіньнікам і патлумачыла:

-- У ім партатыўны кампутар са сканэрам -- ён уштукаваны ў гадзіннік. Сканэр можа ў мазгах ідалаў чытаць.

-- Адкуль гэта? – зьдзівіўся Лявон.

-- Нашы хлопцы з Беларусі, што тут жывуць, зрабілі. Калі даведаліся пра цябе, вырашылі падарыць.

Лявон зьбіраўся ў загадкавую краіну і слухаў парады Сакрата:

-- Памятай, Лявон, што змагацца ты можаш толькі словамі і пачуцьцямі. Больш ніякай зброі табе ня дадзена ў будучыні. Ды яшчэ вера Богу.

Настачка дадала:

-- А Бог ёсьць любоў. Памятай, Лявон, што ты ў мяне адзіны. І калі стане цяжка, узгадай мае словы.


Кніга другая


УКРЫЖАВАНЬНЕ ПА-БЕЛАРУСКУ
Стрэл шклоўскага ідала

Лявон зьбіраўся ехаць у Мінск адзін у спальным купэ на двух пасажыраў. У купэ ўладкаваў рэчы, паклаў гадзіньнік на столік і ўключыў сканер.

Вагон крануўся і дзьверы купэ адчыніліся.

-- Добры дзень! – Бадзёра павітаўся пасажыр.

Агаломшаны Лявон спытаў:

-- Вы маеце сюды квіток? Я купіў білеты на ўсё купэ…

Нечаканы пасажыр дастаў такія ж квіткі з адной кішэні потым з сур’ёзным выглядам такія ж -- з другой, і яны зарагаталі.

-- Хрыстафер Паніка! – пазнаў Лявон. -- Вось дык сустрэча! Я вельмі рады!

-- Ён самы! – адказаў іншаземец у акулярах з маленькімі шкельцамі.

-- Якім лёсам!? – спытаў Лявон.

-- Еду на працу ў Мінск у Кансультатыўна Назіральную Группу ОБСЕ. Некалькі дзён быў дома – у ЗША. І вось зноў, як у вас кажуць, на працу.

Яны яшчэ крыху пагаманілі аб нязначным. І ўрэшце Хрыстафер спытаў:

-- А Вас, відаць, больш за ўсё цікавяць прэзыдэнты?

-- Вельмі! Я псіхоляг. Зьбіраюся пісаць кнігу пра ніх.

-- Тады раскажу табе пра тых, пра каго ні ў газэтах не напішуць, ні па тэлевізару не пакажуць.

Лявон засяродзіўся і Хрыстафер пачаў расказ.

Ад расказу пра народзіны Сьмерці Лявон зьніякавеў, забыўся, што сядзіць у цягніку. Не чуў нават грукату калёс. А Хрыстафер нястомна апавядаў:

«Адмыслова рыхтавала Кашчавая ажыўленага стода да бітваў.

Цяжкае дзяцінства яму наладзіла – без бацькі. Рос с пугай у руцэ і з марай усім адпомсьціць, усімі валодаць.

Дарослым на кожнай пасадзе трэніраваўся людзей ачмураць. Кіруючы саўгасам, упартым даводзіў кулаком у пысу. І як дзейнічала! Карацей усё рабіў як Першы Прэзыдэнт.

І вось нарэшце яна іспыт яму наладзіла адмысловы. Дала выступіць у тэлескрыні на ўсю краіну.

Той мовіў, і з гукаў яго голаса на экране ўзьнікалі пачвары ў чалавечым абліччы. Яны па-драпежніцку ценямі хадзілі вакол дамоў, і воклічы жаху скаланулі краіну.

І журналісты заклікалі народ да пільнасьці, як і ў часы Першага Прэзыдэнта:

“… мы живем в сатанинское время. Разрушительное наступление зла на нашем славянском поле как никогда сильно. Если мы не объединим свои силы, то это поле станет диким…

І бачыць народ на тэлеэкранах, што з Усходу каціцца лавіна вершнікаў з крывымі мечамі. Гэргэчуць, паветра сякуць і маладыя дрэўцы. Вось-вось дзетак пашынкуюць.

Наш герой у поле перад імі на кані выехаў, растраіўся на трох волатаў і папёр ворагаў. Сячэ іх, трупы кулямі складвае, а тыя, напалоханыя, вакол яго здальля скачуць і да вёсак і маленькіх гарадкоў прабіраюцца, да штурму рыхтуюцца.

Тры волаты зьліліся ў адным і ён імгненна на тэлеэкранах на тысячы памножыўся. І ў гарадкі і вёскі -- да народа, Прыгледзіліся людзі, бачаць, а іх абаронца на экранах дзеўкай абярнуўся Анастасіяй Слуцкай. Дзеўка позіркам спяпяліла нашэсьце. Людзі шчасьлівы, а збаўца папярэджвае, што вораг не зьгінуў, хоча ўраджай зьнішчыць.

І сапраўды ў маленькай тэлескрыні ўбачылі людзі як па ўсёй краіне з Захаду лятуць жукі каларадзкія да бульбы. Вось-вось усю бульбу зьядуць. Дзеўка зухаватым вясковым мужыком абярнулася, кліча народ на бітву за ўраджай, каб пугі бралі, набрыць секчы. Бачаць людзі, што Зух па-гаспадарску ў кожным гародчыку завіхаецца, жукоў ботамі трушчэліць. З хат павыскоквалі, ўсю бульбу пугамі пасеклі і зноў да экранаў. Бачаць, што жукі ў поле адпаўзьлі, НАТАўскімі жаўнерамі абярнуліся.

А Шклоўскі Ідал ужо з пагонамі і ў вялізнай маршальскай шапцы з брылём, што ў тэлеэкран неўлазіць, а ў кожнай кватэры паветра рэжа. І з тэлескрыні кліча людзей на вуліцы, крычыць пра небясьпеку. Бачаць людзі, што жукі-жаўнеры напалохаліся і рушылі ў неба па лесьвіцах, што са шрубалётаў ім ськінулі. А з-за хмар НАТАўскія самалёты-зьнішчальнікі ўжо лятуць бамбіць гароды.

Тут Ідал на экране з-за хлеўчука выляцеў ім насустрач, асядлаўшы ракету, бы вершнік. З вачэй як лупцане бліскавіцамі лазернымі па лятунах, дым -- да нябёсаў, крылы -- долу. Дзьмухнуў на іх, і ўзьнялася віхура да неба, і ўцягнула ў сябе жукоў, самалёты, шрубалёты зь лесьвіцамі. Зноў дзьмухнуў, і панесла тая віхура натаўскую навалу за акіян на амерыканскую радзіму, так, што там прыбрэжныя дамы зьнесла.

Бачаць людзі ў Шклоўскім Ідале – трох: Бога-Пяруна, Хрушчова, які чаравікам па трыбуне грукае, і вызваліцеля маршала Жукава, а той падсумоўвае: «Хто к нам прыдзёт каларадскія яйцы класьць, тот ад яіц і згіне!»

«Які мудры!” – захапляліся людзі.

А натхнёны Ідал з экрана кайданкамі трасе пагрозьліва і голасам Першага Прэзыдэнта прамаўляе:

“Бизнесмены – пиявки сосущие кровь”.

Людзі ж у сваіх хатах убачылі, як па падлозе з усіх шчылін паўзуць да іх крывасмокі-бізнесмены з тулавам як у п'яўкі і па сорак лап у кожнага. Людзі ногі падцягнулі і бачыцца ім, што бізнес-піяўкі па ножках крэсел паўзуць да цела народнага пруцца, каб кроў смактаць.

Лявон падцягнуў ногі і з прыкрасьцю паглядзеў на падлогу вагона -- там нікога.

Бачаць людзі на тэлеэкране, што Ідал самых тлустых спаймаў, кайданкі на ўсе лапы надзеў, і ў кожнай хаце выдых палёгкі – зьніклі крывасмокі.

Толькі радасны народ пачаў капейкі падлічваць, каб у магазін зьлётаць па напой чароўны, што радасьць памнажае – збаўленьне-перамогу адзначыць каб, а Ідал зноў трывожна папярэджвае. Убачылі людзі на тэлеэкране, што новыя бізнесмены – вшывыя блохі да дамоў скачуць, вось уже хаты і кватэры апанавалі, кожнаму пад кашулі і кальсоны забраліся і што тыя піраньні кусаюць, сьвярбіць да непрытомнасьці. Нават гарэлка сьверб не здымае!

Паскідвалі людзі вопратку, голыя перад тэлеэкранам сядзяць, рукамі паміж ног прыкрыліся, што ўжо і выпіць немагчыма і на збавіцеля глядзяць, пачэсваюцца. Той зноў у кожнай хаце жаўном лётае, дзяўбе блох. Праз імгненьне ўся краіна вольная ад сьвербу.

Народ шчаслівы пасьпеў за чарнільцам зьбегаць, налівае ў пляшкі, толькі да рота паднесьлі, а руплівец-абаронца аб новым ворагу папярэджвае. Здалёк на тэлеэкране бачаць людзі, што скачыць вершнік з мечам у руцэ, а за ім яшчэ цэлы шэраг вершнікаў. Воклічы пагрозлівыя чуюцца «Пагоня! Пагоня!!» Вершнікі усё бліжэй. Людзі разгледзелі, што скачуць гады-гарынычы. Плюнулі гады моваю беларускаю ў калодзежы і атруцілі ваду. Пацэлілі ў стрэхі і тыя -- ў полымі. Людзі з хат павыскоквалі і па ўсёй краіне енк стаіць, воклічы: «Пажар! Гарым! Ратуйце!»

Ідал на тэлеэкране сячэ гадам галовы, языкі вырывае іх з ратоў. Імгненна ўсіх панішчыў. Потым пырснуў сьлязьмі і згасіў пажары па ўсёй краіне і чуе адусюль: «Сапраўдны Дажджбог!»

-- Дык гэта ж чмур! Ён гіпнатызаваў людзей! -- Усклікнуў Лявон.

-- Так, але як ні кажы, а шмат каму захацелася мець Ідала ў сваёй вёсцы за гаспадара. Ездзіць Шклоўскі Ідал па краіне і паўсюль расказвае як ён з ворагамі змагаўся, самаахвярна. Колькі разоў ледзь не загінуў. З кожнай паездкай улюбёнца ўсё больш трывожыцца народ: «А што калі злыдні дзе падпільнуюць збаўцу-абаронцу? І не дай Бог заб'юць!»

А на лясной дарозе Сьмерць стаіць, сустракае гадаванца. Падала Ідалу рэвальвер, з куляй зачараванай.

… Грымнуў стрэл. Куля прабіла абшыўку «Мерсэдэса» і працяла зямную кулю, нарабіўшы вэрхалу ў д'яблавым панстве. Завісла над ім і целіць яму ў галаву куды б той не рушыў. Расхваляваўся чорт: «Відаць моцны супернік зьявіўся!?». Напалохала Куля чорта и да гаспадыні вярнулася.

Кашчавая ўкінула Шклоўскага Ідала, ў прэзыдэнцкае крэсла, што стаяла пад зямлёй Беларусі ў «Невиданном миру государстве», «на престоле с царскими полномочиями». І толькі Сьмерць ды той, хто ўсё ведае, бачылі, што адбывался яшчэ ў лесе пад Лёзна.

Там дзе зьнік Шклоўскі Ідал Кашчавая далей чаруе. Выхапіла з мяшэчка Ідалаў клон. Працягнула наперад руку, і ў ёй -- певень, што Лявонавых гасьцей на праводзінах дзёўб. Хукнула на клон, пацерла яго косткамі пальцаў, разьдзерла пеўню грудзі і ў сэрца, якое яшчэ тахкала, той клон уціснула. З клона ўзьнік Ідалаў двайнік, задзірысты, а певень зьнік.

Ідалавы хаўрусьнікі падмены не заўважылі, лічылі, што змогуць кіраваць балванам, як тое і раней было.

Для насельніцтва кланаваны Ідал «явился как взрыв, порождающий молодую планету. Как подземный огонь, прожигающий мертвые глухие породы».

Кашчавая кулю чароўную падвесіла над краінай і сачыла тая за ўсім, чакаючы загада Сьмерці

А тым часам ад стрэлу рэха ляцела па краіне. Куляй страху трапляла ў кожную галаву. Напалохаліся людзі, што застрэляць злыдні Абаронцу, і не будзе тады ўжо ніякага ратунку ад зла.

А калі даведаліся, што пазьбег Абаронца кулі злыднявай, шчасьце апьяніла ўсіх! Тыя, хто нават хадзіць не мог на выбарчыя ўчасткі ледзь не паляцелі, хто мог толькі паўзьці – узьняўся з кален і пакрочыў ўпэўнена. І выбрала людзтва Выратавальніка сабе за Прэзыдэнта, і назвала яго за бітвы, бойкі і перамогі -- Лепшым.

Лепшы сам не мог паверыць у сваё абраньне і паўтараў словы Першага Прэзыдэнта: “...Впервые в этой жизни так произошло, что случилось что-то такое неординарное и Президентом стал человек вопреки всем канонам политической борьбы и политической жизни”.

А журналісты перапісвалі словы трыццацігадовай даўніны: «избрание -- человека яркого и энергичного, сумевшего подняться среди пожарища, всеобщего разброда и метаний до уровня государственного мышления, есть по сути решительное коллективное, народное выдвижение из низов, из своих рядов защитника и выразителя интересов родной земли.”

І атрымаў Лепшы надзейную ахову, але атрымаў і страх за сваё жыцьцё. О не, людзей ён не палохаўся! Адразу пасьля абраньня Лепшы зрабіў па інструкцыі Першага Прэзыдэнта -- заявіўся ў КДБ і папярэдзіў:

«Пришел молодой безусый Президент и вам прямо сказал. Цитирую: «Государства в государстве не будет. Имейте в виду: я вас не боюсь, я вас очень уважаю. Чекисты правильно поняли, что я сказал».

Лепшы, хоць і займеў велізарную ўладу, але ўсё адно адчуваў сваю залежнасьць ад звышмагутнай сілы, якой змушаны быў падпарадкоўвацца і служыць. Гэта быў наканаваны лёс беларускіх прэзыдэнтаў, і Лепшы цьвердзіў словы Першага Прэзыдэнта:

"Я рос человеком, который не верит в судьбу. Но особенно после президентских выборов я подумал, что какие-то есть сверхъестественные силы, которые человека ведут в этой жизни...»

Лявон архіваваў у памяці кампутара выказваньні і думаў, што каб перамагчы суперніка трэба было б падрабязьней даведацца пра таямнічыя стрэлы, якія былі ў жыцьці кожнага беларускага прэзыдэнта. Па сканеру пачаў праглядаць, што ведалі пра тыя стрэлы спецслужбы. Бо нават тое, пра што пісалі ў тагачасных газетах 30 год таму, засакрэцілі. Падабраў пароль да архіву спецслужбаў, чытаў і паказваў Хрыстаферу:

ДЕЛО № 1

КДБ ПАВЕДАМЛЯЕ, ШТО ЗАМАХУ НА ЖЫЦЦЁ … НЕ БЫЛО

"Замаху на жыццё народнага дэпутата, кандыдата ў Прэзыдэнты Рэспублікі Беларусь са Шклова не было. Аб гэтым заявіў на прэс-канферэнцыі для беларускіх і замежных журналістаў ад імя Камітэта дзяржаўнай бяспекі Беларусі прэс-скаратар КДБ Пётр Снапок. Са сказанага вынікае, што сітуацыя з абстрэлам аўтамашыны, на якой кандыдат ехаў з Віцебска ў Лёзна, была інсцэніравана. Следчая група, якая выехала ў Лёзненскі раён, зрабіла такі вывад на падставе следчага эксперыменту, праведзенага на месцы здарэння, і сур'ёзных супярэчнасцей паказанняў тых, хто суправаджаў кандыдата ў Прэзыдэнты".

"... ПОКУШЕНИЕ БЫЛО ИМИТИРОВАНО"

"Титенков утверждал, что он резко затормозил. Остановились на обочине и обнаружили, что задняя дверца "Мерседэса" прошита пулей. Но следственная группа не обнаружила на месте происшествия следов экстренного торможения. Следственный эксперимент показал, что "налётчики" не могли стрелять так, как объяснял водитель. Чтобы всадить пулю так, как она вошла в дверцу, "налётчик" должен был стоять на подножке своей машины во весь рост. И это при скорости 130-140 км в час?.. Заместитель министра внутренних дел Люциан Соболевский изложил своё мнение о том, что покушение было сымитировано".

"Немаловопросов вызвало сообщение агентства "Интерфакс" об обращении к ним человека, который представился как член группы поддержки Найлепшего и заявил, что они сами организуют инцидент с покушением на него. Также вызвало удивление и сообщение московской аспирантки, которая 16 июня в 16 часов позвонила друзьям в Россию, и те сказали ей о покушении на Найлепшего, хотя его ещё не было.

Покуль Лявон чытаў Хрыстаферу дакументы, той ківаў галавой у такт кожнаму сказу, мармычучы: “Ведаю, ведаю…” Лявон, не дачытаўшы, спытаў:

-- А які лёс Першага Прэзыдэнта?

-- Загадкавы. Калі Першы Прэзыдэнт зьнік з тэлеэкранаў, папаўзьлі чуткі, што ён памёр. Але пахаваньня не было і тады панесьліся плёткі, што яго выкралі за выкуп. Але выкупу ніхто не патрабаваў. Тады ўсе сьхіліліся да думкі, што Першы Прэзыдэнт проста зьнік. Частка яго падначаленых думала, што гаспадар спецыяльна схаваўся і правярае падначаленых на лаяльнасьць. І вось-вось зьявіцца, каб пакараць няверных. Такія ўсё рабілі так, як быццам Прэзыдэнт нікуды не зьнікаў, а па ранейшаму кіруе. Яны ў кожным сказе, ў кожнай дзеі спасылаліся на распараджэньні вышэйшага кіраўніка, дэманструючы адданасьць яму і яго ідэям і раз-пораз хвалілі яго за найвышэйшую мудрасьць. І людзі таксама працяглы час пасля зьнікненьня Прэзыдэнта дзячылі яго за мажлівасць жыць, есьці і піць.

Некаторыя, што сапраўды верылі ў зьнікненьне Прэзыдэнта і мелі шанец заняць яго месца, адмовіліся ад мары, бо страх самім зьнікнуць стрымліваў ад спакусы.

Так цягнулася да зьяўленьня Лепшага.

-- А куды ж падзеўся Першы Прэзыдэнт?

-- Не сьпяшайся, пра ўсё даведаешся ў свой час… Тым больш, што ён табе не супернік. Са сьмяротнай тройцай табе прыдзецца біцца…

І Хрыстафер працягваў свой расказ.


СЬМЯРОТНЫ ПРАРЫЎ У БУДУЧЫНЮ
Калі Сьмерць утварыла Лепшага ад клона Шклоўскага Ідала, адразу ўзялася за стварэньне іх нашчадка. Выцягнула зь меха пацука і пацучыху, прусака і прусачыху. Разьціснула іх і зьляпіла з месіва кулю.

Паліла яе упакоранасьцю тутэйшых, вымачыла ў іх страхах. Пасыпала беларускай абыякавасьцю і раўнадушшам.

Дастала з мяшэчка ідалаў клон, пацерла его ў далонях, хукнула на яго і засунула ў сярэдзіну пацучына-прусачынай кулі. Яна ажыла, задыхала, затрымцела. Кашчавая заглынула Кулю, рукою падсунула яе пад крышку чэрапа на месца мазгоў. І што ты думаеш магло ў тым месцы адбыцца ў закаханай Сьмерці?

Лявон падумаў і моўчкі паціснуў плячыма.

Бездань часу адкрылася ў ейнай галаве. Жаданьне Сьмерці ўкінула чароўную Кулю у будучыню. Праз тысячу год Сьмерць спыніла Кулю, але спыніць яе імкненьне да ўладараньня будучыняй не змагла. Сьмяротная Куля павялічылася да памераў зямной і выбухнула, утварыўшы жыцьцё ў будучым небыцьці. Там нават Бог яшчэ нічога не меў і не бачыў, а Сьмерць Куляю ўтварыла Будучую Беларусь, начале з Лукапшыкам, са сваёй гісторыяй й ідэалёгіяй. Але падуладна Будучая Беларусь стала толькі Куле. А Сьмерці стаў падуладны Час. Яна зламала яго і Будучая Беларусь, утвораная Сьмерцю, што на тысячу год наперад ад нас, стала існаваць адначасова з сучаснай краінай, але толькі ў іншай прасторавай нішы.

І ніхто з Беларусі і нішто праз 1000 год немаглі існаваць далей. Ніводзін нашчадак сучасных беларусаў не мог працягнуць свой род праз 1000 год. Там гісторыя пачыналася з нуля, з твора Сьмерці.

І «Невіданное міру государство» існавала разам з імі. А злучыцца тры прэзыдэнты маглі толькі ў адным месцы – Чарнобыльскім Саркафагу. Сапраўдным беларускім ЧаСе.

Лукапшык быў абліччам падобны да… калі ў вочы глядзець -- на чалавека, зьлева на яго твар зірнеш – пацучыны аскал палохае, справа зойдзеш – прусачыны выраз вусамі варушыць.

Вось так утварала Сьмерць жыцьцё ў мінулым і будучым.

Лукапшык жыў ва ўніверсальнай выбарчай урне, якая служыла яму і мерсэдэсам, і боінгам, і кватэрай, і ложкам, і габінэтам і прыбіральняй. Выбарчую ўрну Сьмерць пакрыла як самалёт “стэлс” рэчывам, якое ўсё паглынала і нічога не аддавала. Садызмій звалі тое рэчыва. Таму радары не маглі засекчы Прэзыдэнтавы пералёты. Ніякая праслушка не давала падслухаць Лукапшыкавы размовы. З урны тырчэлі антэны, а замест вокан зіхацелі тэлевізійныя экраны. І на кожным -- быў Лукапшык. На адным – чытае, на другім – размаўляе, на трэцьцім -- у хакей грае, на чацьвёртым – на баяне й сьпявае.

Твой сканер, Лявон, не трапіць у Лукапшыкавы мазгі, бо тым жа садызміем Кашчавая пакрыла Лукапшыкаў чэрап.

Агітацыя на выбарах за Лукапшыка была адмысловай. Асноўным аргумэнтам за выбары нашчадка Лепшага было тое, што лукавыя пад час доўгага кіраваньня набылі «Прэзідэнцкі Ген»! Па людзях чуткі пускалі, што лукавыя столькі кралі, што больш няма чаго красьці, а што накралі – няма ўжо куды класьці, а таму ўсё людзям гатовы аддасьці.

Лукапшыкам прэзыдэнта ў народзе празвалі таму, што ён пераканаўча пшыкаў на міністраў, якіх жа сам і прызначаў, а ўжо тэлевізар так узмацняў і зьмяняў яго голас, да рыку.

Жыў Лукапшык у выбарчай скрыні, бо быў палітычнай жывёлай. Ён не займаўся гаспадаркай, а кожную сустрэчу з людзьмі разглядаў як перадвыбарчую.

Усе лукавя мелі гераічныя бітвы і перамогі. Так Лепшы з лукавых славіўся тым, што перамог у бітве за ўраджай. Перамога была настолькі яўная, што разьбіты ўшчэнт ураджай больш ніколі не рос і людзі карміліся з гуманітарнай дапамогі.

Другі Лепшы славіўся перамогай у бітвах з дэпутатамі. Ён прымусіў іх перад тэлекамерамі не толькі кішэні выварочваць, каб паказаць іх пустэчу, але нават распранаў данага і душу ім выварочваў, каб людзі ведалі, што за іхнай душой нічога няма.

З таго часу ў дэпутаты ніхто не лез. І калі з палітычнай Эўропы зьвягалі, што, бач, у краіне няма Парляманту, і пагражалі спыніць пастаўкі гуманітарнай дапамогі, Лукапшык пасылаў АМАП і той прыводзіў і садзіў у парлямант палітычных прастытутак. Іх у Лепшага быў спецыяльны прэзыдэнцкі фонд.

Выяўлялі іх па традыцыі з часоў Першага Прэзыдэнта тэст-пытаньнем: «Як вы ставіціся да зьнікненьня палітыкаў?» Справа ў тым, што па традыцыі ўсе моцныя канкурэнты лукавых зьнікалі бяз сьледу. І калі кандыдат у дэпутаты адказваў, што нічога аб гэтым не ведае і ведаць ня хоча, тады яго саджалі ў парлямант.

Некаторых у парлямант дасылалі па накіраванью праваслаўнай царквы Першага Прэзыдэнта. Зірні ў сканер. Лявон.

Ён зірнуў і прачытаў:

«22 октября по инициативе прихожан в Лунинецкой Крестовоздвиженской церкви прошел молебен о здравии кандидата в депутаты парламента Василия Гаргуна… Таким образом верующие решили выразить свою благодарность В.С.Гаргуну за доброту и внимание к людям».

А вось апазіцыянераў у парламент не пускалі, а палохалі таксама з часоў Першага Прэзыдэнта:

“Этим лидерам оппозиции надо дать по рукам. Мы должны о них все рассказать народу. Как они ездят по заграницам и уговаривают не давать нам кредитов. Мы должны не пропустить их в Парламент. Для них чем хуже, тем лучше! Пусть с улицы гавкают”

Лукапшык меў прагу да гістарычных перамог і беспярапынна шукаў ворагаў. Але ўсе чалавечыя ворагі даўно былі выкрытыя і вынішчаныя. Нават хмары баяліся неба краіны, бо Лукапшыкаў продак быў такі шчодры і ўсемагутны, што раздаваў дажджы, выціскаючы іх з хмар і нават з аблокаў. І калі ўсе дажджы скончыліся, ён пасылаў за межы краіны самалёты, і тыя лавілі хмары ў мяхі і буксіравалі іх у беларускае неба. І тады лукавы шчодрай рукой зноў раздаваў.

Усе былі абавязаны паспрачацца кожны дзень пра тое, што сьвеціць ярчэй -- сонца ці Лукапшык. Спецыяльны Лукапшыкаў «Сонечны указ» прыпісваў кожнаму вывучыць Найсьвятлейшыя доказы Найярчэйшай перавагі Лукапшыка над сонцам:

сонца сьвеціць людзям і ўраджаю толькі тады, калі няма хмар і няма ночы, а Лукапшык сьвеціць пры любым надвор'і і нават ўначы.

-- Чаму?» -- зьдзівіўся Лявон

-- Таму, што ў кожным пакоі краіны мусіў вісець Прэзыдэнцкі партрэт з німбам над галавой. Німб утварала лямпачка. За электрычнасьць бралі шмат грошай і таму людзі замест лямпачкі падкладвалі сьветлякоў з могілак!

І па тэлевізары кругласутачна выступаў Лукапшык.

Біёлагі-батанікі вывелі дрэвы, лісьце на якіх было з выяваю твараў Лепшых лукавых. Твары былі з жылак лісьця. У восень, паліцыя і армія пад кіраўніцтвам Лукапшыкавай службы бясьпекі выстаўлялі каля кожнага дрэва пасты ў белых пальчатках, і вартавыя мусілі лавіць лісьце, каб лукавыя не падалі тварам у бруд. Каторыя не пасьпявалі злавіць Лукапшыкаву выяву, караліся. Каб усё ж такі лісьцікі, падаючы, не пляскаліся Лукапшыкавым тварам аб глебу, пад кожным дрэвам клалі салому. Вартавыя, каб не траціць дарэмна час, бо ён цалкам належыў Прэзыдэнту, мусілі слухаць, што кажуць людзі, калі ападаюць прэзыдэнты. І калі нехта кпіў з іх, ці казаў па-беларуску, іх лавілі, тыцкалі тварам аб асфальт так, каб галава апусьцілася ніжэй узроўню асфальту і, адпаведна, ніжэй дзяржаўных лісьцікаў, а потым адвозілі ў пастарунак.

Батанікі паводле Лукапшыкавага Указа вывелі такі “лук” (слова “цыбуля” было забаронена), што калі яе абіраеш, дык не плачаш, а рагочаш і есці не хочаш.

Цікавіцца папараць-кветкай лічылася крамолай. Выйграць бітву з папарацьцю Лукапшык ніяк не мог. У верасьні, калі студэнты ехалі на бульбу, Лукапшык выдаваў Папаратны Указ “пасля працы на полі, уначы вырываць папараць у лесе”. За тону папараці плацілі выдатнымі адзнакамі па ідэалагічных прадметах: “Вернасьць Прэзыдэнту”, “Адданасьць Прэзыдэнту”, «Любоў да Прэзыдэнта». Выкладчыкі пад наглядам прэзыдэнцкіх кантралёраў перабіралі кожнае сьцябло папараці, каб не згубіць кветку. Таму, хто здаў бы папараць-кветку, сьвяціла дзяржаўная прэмія і дыплом Прэзыдэнцкай Акадэміі Кіраваньня. Лукапшык хацеў вырасьціць кветку папараць з пялёсткамі са сваёй выяваю. А яшчэ марыў авалодаць Князёўнай-папараці і стаць неўміручым.

У тэлеперадачах кожны летні месяц паведамлялі, што ў лесе знайшлі папараць, якая сама пачала расьці з Лукапшыкавай выяваю на лісьці, а на ягоны дзень нараджэння - квітнець. Потым чуткі абвяргалі, але гэта прывяло да таго, што адданыя Лукапшыку грамадзяне панесьлі да прэзідэнцкага палаца са сваіх хат кветкі, на лісьцях якіх ім бачыліся выявы любага правадыра. Падысьці да палаца стала немагчыма, і ахова баялася тыя кветкі кранаць, каб не абразіць Лукапшыка. Давялося каля палаца рабіць выставу расьлін, на лісьці якіх быццам бы бачылася Лукапшыкава выява. Іншаземцы з усяго сьвету ехалі паглядзець на цуд і папаўнялі Лукапшыкаву скарбонку валютай з выяваю заморскіх прэзыдэнтаў.

Паліцыя строга сачыла за тымі, хто паліць. Курцы былі абавязаныя выдыхаць дым з Лукапшыкавай выяваю. Парушальнікаў штрафавалі і паліць забаранялі.

Спецыяльныя сканеры правяралі ў грамадзян мазгі. Кожны мусіў мець столькі вертыкальных зьвілін, колькі было над ім начальнікаў. Астатнія зьвіліны павінны былі быць гарызантальныя. За правільнай прапорцыяй сачыў «Госкомитет Учета Звілін» (ГУЗ).

Калі прапорцыя парушалася, зьвіліны вышчыквалі. Занадта зьвілістыя зьвіліны – выпроствалі.

Такую практыку завялі яшчэ пры Першым Прэзыдэнце:

«Руководителям профтехучилищ и техникумов. Телефонограмма.

Направить в министерство образования списки учащихся, которым исполнилось 18 лет, с указанием напротив каждой фамилии, голосовал ли учащийся на выборах в парламент 15 октября и 29 октября».

Рэферэндуры аб даверы Лукапшыку і недаверы апазіцыі праводзіліся тры разы ў дзень перад выдачай пайкі. Напярэдадні зьнікненьня Першага Прэзыдэнта народ аднадушна вырашыў, што ўсе нармальныя грамадзяне мусяць галасаваць "ЗА", а тых, хто “устрымаўся”, трэба лічыць хворымі, а хто галасаваў "супраць" – Ворагамі Народа. Лічба 1001% лічылася ў дзяржаве сьвятой. Пасьля кожнага рэферэндура 0,1% хворых ды ворагаў забіралі і лячылі.

-- Адкуль ведалі, хто як галасаваў? – Спытаў Лявон.

-- Кожны пасля таго, як запаўняў бюлецэнь мусіў запоўніць рэферэндурную дэкларацыю і заверыць яе ў прадстаўніка «Гос Комитета Контроля за Голосованием». (ГоКоКоГо).

Калі пасля рэферэндура раптам атрымлівалася лічба меньшая за 1001%, дык пайкі затрымлівалі, праводзілі паўторны рэферэндур. Гэтую моду перанялі на Украіне. І тады лічбы даходзілі да 1120% і больш.

-- Адкуль такіе лічбы? – Спытаў Лявон.

-- Кожны, хто пасьля галасаваньня меў сумнеў, ці так ён прагаласаваў, мог прагаласаваць паўторна, і трэцьці раз і чацьвёрты... да ўзьнікненьня ў душы пачуцьця ўпэўненасьці за правільны выбар. Бо пачуцьцё "уверенности в завтрашнем дне" было адным з галоўных пачуцьцяў - пасьля веры, любові, надзеі да Лукапшыка. Толькі гэтыя пачуцьці было дазволена мець насельніцтву без спецыяльнага дазволу!

І кожны грамадзянін распісваўся ў азнаямленьні з сакрэтным указам, што ён абавязаны мець гэткі набор пачуцьцяў.

-- А чаму ты ўвесь час кажаш рэферэндур»? – спытаў Лявон.

-- На Захадзе праводзілі «рэферэн-дум», таму, што робячы выбар, людзі думалі. А Лукапшыкавых – пераканалі, што думаньне прыводзіць да хітрасьці і ўкараненьню падманных тэхналогіяў Захадую. Вось і праводзілі апытаньні, змагаючыся з Заходнім ворагом пад дэвізам «Нас не надурыш!» -- «рэферэндур».

Хрыстафер замаўчаў. Калёсы рытмічна адлічвалі на шпалах, набліжэньне Найлепшай дзяржавы, а Лявону здавалася, што цягнік ужо не едзе па рэйках, а ляціць па часе і калёсы адстукваюць гады ў Будучую Беларусь.

Урэшце Лявон спытаў:

-- Адкуль ты гэта ведаеш?

-- Быў там не раз. – Упэўнена адказаў Хрыстафер. Потым усміхнуўся:

-- Я ж з Кансультацыйна Назіральнай Группы Організацыі па Бясьпецы і Супрацоўніцтву Еўропы Будучага КНГ АБСЕ(Б). Мы мусім за ўсім назіраць і ўсіх кансультаваць каб забясьпэчыць бясьпеку будучыні.

І нечакана, пільна паглядзеўшы ў Лявонавы вочы, спытаў:

-- А ты хочаш туды?

Лявон зьдзівіўся Хрыстаферым здольнасьцям чытаць думкі і, ўздыхнуўшы, адказаў:

-- І хачу, і трэба. Толькі як туды трапіць?

-- Проста! Вельмі пажадаць!

Яшчэ крыху памаўчалі. Лявон зірнуў на гадзіньнік і папрасіў:

-- Раскажы крыху пра Лепшага

Хрыстафер згодна кіўнуў і пачаў:

«Найлепшая краіна была Ўскраінай Краіны Вялікай Мудрасьці, адкуль на Ўскраіну быў пракладзены Дураправод з абдуральным газам. Паддурваўся кожны пакой Ускраіны ў чым і была Мудрасьць суседзяў. На дургазе гатавалі ежу, тапілі батарэі, заводы, ім напампоўвалі тэлеперадачы і мазгі людзей. І за гэта Лепшы і яго людзі мусілі плаціць уладарам Крана Дургаза.

Часта ён вёў хітраперамовы з кіраўнікамі Краіны Вялікай Мудрасьці аб гарантаваных пастаўках Дургазу за бясплатна, бо які ж дурань мусіць плаціць за Дургаз?! А сам тым часам шукаў хаўрусьнікаў у іх кіраўніцтве, каб яны Кран Дургаза на Захад даверылі яму. Лепшы не марыў, як Першы Прэзыдэнт, узначаліць Краіну Вялікай Мудрасьці. Але на правах аднаго з кіраўнікоў Саюза лічыў, што Кран от Дургаза мусіць атрымаць.

Тыя баяліся, што непрадказальны Лепшы пачне ўладарыць Дуркранам, як пугай. Закрываць газ апазыцыянерам і іншым недавольным, вінаваціць у гэтым кіраўніцтва Краіны Вялікай Мудрасьці. Прадаваць Дургаз на Захад, абдзяляючы сваю Ўскраіну. Ці ўвогульле перакрые Дуркран на Захад, каб захапіць уладу Эўразьвязу і далучыць яго да Ўскраіны.

Дуркран Лепшаму не давяралі. Праз гэта ён злаваўся, лаяўся на гаспадароў Дурагаза і кіраўнікоў Вялікай Мудрасьці і абражаў іх. Тыя велікадушна гневаліся і крышачку падкручвалі кранік. Тады дурасьці ў кватэрах Ускраіны памяньшалася, у галавах простыя зьвіліны згіналіся, і ў людзей узьнікала прага волі. Яны разумнелі, а Лепшы на іх вачах выглядаў Найдурнейшым. Яго Камітэт Геніяльнай Бясьпекі (КГБ) не пасьпяваў забіраць і лячыць хворых на мазгі. Апазыцыя здабывала ўплыў, і ўсё ішло да таго, каб прэзыдэнта ськінуць з седала. Нацыя ўпадала ў дэстабілізацыю.

Лепшы, на вялікую асалоду кіраўніка Краіны Вялікай Мудрасьці, ляцеў у Маскву. Укленчваў перад галоўным. У Крамлі каля царскага прастола яму давалі выпіць чарку гарэлкі і нават дазвалялі яе разьбіць. Потым выпускалі на тэлеэкран, і ён кляўся народу Краіны Вялікай Мудрасці ў адданасьці справе аб'яднаньня мудрацоў усяго сьвету супраць дурняў, пасьля чаго Кран адкручвалі, народ Ускраіны дурэў, апазыцыя шылася ў падпольле, а Лепшы -- шчасьлівы ляцеў у Сочы падлячыць свае нэрвы.

З-за дураадносінаў дэградацыя апаноўвала кіраўніцтва Ўскраіны, таму на Захад за розумам раз-пораз пасылалі кіраўнікоў, але выключна з Найлепшай санкцыі. Так павялося з часоў Першага Прэзыдэнта. Хрыстафер працытаваў:

“… газеты надрукавалі Прэзідэнцкі ўказ №464 …пункт 4 указу ўстанаўлівае, што “накіраваньне ў службовыя замежныя камандзіроўкі,.. незалежна ад крыніцаў фінансаваньня... ажыцьцяўляецца з пісьмовай згоды Прэзыдэнта Рэспублікі ”.

-- А што ж апазыцыя? -- Спытаў Лявон. -- Яны што рабілі? Можа дзіркі сьвідравалі ў Дураправодзе?

-- Апазыцыі ён не пужаўся. Наадварот. Яна для яго была як цацка для дзіцяці, ці мышыня для кацяняці.

Яны змагаліся паміж сабой.

З аднаго боку шчыраваў партблок «пяцёрка з плюсам»:

«Правыя Індывідуальныя Фанаты» (ПІФ)

"Першы Антыдурацки Фронт" (ПАФ);

"Аб'яднаныя Грамадзянскія Антыдурні" (АГА).

«Объединенные Гордым Орлом» (ОГО)

«Ангелы Народного Успеха» (АНУ)

З імі супернічаў партблок КОЛ «Каманда Отборных Лідэраў», дзе шэраговых сябраў увогульле не было, а толькі адны прымы.

Сябры партый іх лідэры бясперапынна змагаліся паміж сабой за званьне самых разумных і на прэзыдэнта і выбаршчыкаў часу не хапала.

Сябры ПІФа, спадзяваліся на кілера і спрабавалі зьбіраць на яго грошы. Тое што зьбіралі, пасьпяхова раскрадалі. Члены ПАФа чакалі ўзброены пераварот. У АГА ўваходзілі тыя, хто заўжды пагаджаўся з кіраўніком, штоб ён не рабіў, ці не казаў. Сябры ОГО заўжды захапляліся сваім кіраўніком і абагаўлялі яго. АНУшысты лічылі, што трэба пераканаць выбарцаў, каб яны разам сказалі: «А НУ ЯГО НА…» і Лепшы і пойдзе НА…, па меньшай меры на пэнсыю.

Сябры пяцёркі называлі супернікаў з КОЛа так, як след пісаць па-беларуску не Каманда Отборных Лідэраў», а Атборных -- КАЛам.

На бяду апазыцыянераў Захад выкарыстоўваў абдуральны газ як паліва і даводзіў да Ўскраіннай апазыцыі, што не трэба сьвідраваць дзіркі. Замест гэтага апазыцыю, запрашалі за мяжу, сілкавалі тамтэйшым розумам. Апазыцыянеры везьлі заходні розум кантрабандаю дамоў. Заходнія інструктары прыязджалі праводзіць семінары з апазіцыянерамі па распаўсюджваньню розуму сярод насельніцтва. Але яшчэ з Лепшых часоў насельніцтву рабілі тэлепрышчэпкі ад розуму і яны набылі ад яго імунітэт. Таму лічылі такіх інструктароў – тэрарыстамі, а памежнікі лавілі іх і высылалі, канфіскуючы розум у прэзыдэнцкі фонд.

Кіраўнікі Эўразьвязу і Краіны Вялікай Мудрасьці хацелі зьмяніць Лепшага на Найкампраміснага, падтрымлівалі грамадзкія аб'яднаньні Прыхільнікаў Дураправоду і Дургазу (ПрыДур) і Захавальнікаў Дураправоду і Дургазу (ЗахаДур) і шукалі моцнага суперніка.

А Лепшы саджаў яго ў турму.


НАЙЛЕПШАЯ МЯЖА
Зноў ехалі моўчкі. Лявон узгадваў, што чытаў пра Найлепшую краіну.

Быў пачатак юбілею -- 30 гадоў панаваньню Лепшага. Тамтэйшыя цэрберы пачалі арыштоўваць нават супрацоўнікаў амбасадаў за тое, што яны проста стаялі на вуліцы і глядзелі на дэманстрацыю. Арыштоўвалі за грубейшае парушэньне Лепшага Указа аб “Несанкцыянаваных позірках”. Карацей, калі заходні грамадзянін хацеў пайсці па горадзе, ён мусіў атрымаць дазвол у аддзеле МЗС на тое, куды можна пайсьці, што можна глядзець і якім позіркам: лагодным ці асуджальным. Абгрунтоўвалася гэта так: «Усе будынкі ў сталіцы належалі Найлепшай адміністрацыі. А гэта значыць былі сакрэтнымі! Адпаведна кожны дыпламат, ці замежны турыст, што кідаў свой позірк на будынкі, быў патэнцыйным шпіёнам. Акрамя гэтага позірк па законах фізікі рабіў уціск на будынкі, што аценьвалася як умяшальніцтва ў ва ўнутраныя справы краіны».

А калі б замежнікі мэтанакірвана глядзелі толькі на жанчын, тады іх можна было б прыцягнуць да адказнасьці за сексуальныя дамагальніцтвы! У гэтым нарэшце дагналі ЗША! Заходніх жанчын за прыязныя позіркі на мужчын можна было таксама затрымліваць самі ведаеце за што…

Лявон гартаў газеты і не мог пазбавіцца страху:

«То, что происходит в стране с исчезновением людей, можно назвать безумием. Потому что люди будто растворяются в неизвестном направлении. Как мираж, как туман, как радуга. Был человек – и нет его. И никаких следов”

А яму ж ні ў коім разе нельга было зьнікнуць!

Цягнік Варшава -- Мінск няспешна сунуўся да мяжы. Машыністы збавілі хуткасць.

Па радыё гучала прамова Першага Прэзыдэнта:

“Мы, как в 1941 году, находимся во вражеском кольце! Враги засели в руководстве соседнего государства, с которым мы недавно подписали договор о сообществе”.

“Мы их сотнями, тысячами ловим на границе, из афроазиатского региона… С наркотой идут, черт знает с чем. Я иногда думаю: Зачем мне это нужно? Я завтра открою два метра границы и эту толпу туда запущу. И они меня тут долбают за что-то! За что!?… Мы же поставили заслон на западной границе всем немцам, полякам и так далее. Дайте деньги, помогите. Потому что как только мы здесь уберем границу -–хана вам будет”.


“Я СВОЁ ГОСУДАРСТВО ЗА ЦИВИЛИЗОВАННЫМ МИРОМ НЕ ПОВЕДУ!"
Цягнік спыніўся і па вагонах пайшлі мытнікі. Яны давалі кожнаму пасажыру запоўніць нейкія бланкі. Наверсе аднаго было напісана "Указ Лепшага аб перасячэнні мяжы", на другім "Амаральная дэкларацыя". Далі і проста дэкларацыю.

Выліваху папярэдзілі, як трэба запаўняць амаралку на сябе і ён пачаў уважліва чытаць указ.

УКАЗ

На границе кинофотоматериалы засвечивать, собственные мнения о Найлепшем изымать, мозги -- прочищать, дурь -- выбивать, мысли -- выпрямлять.

На пороге своего дома, на государственной границе, а также на грани помешательства обязательно заполнять "Аморальные декларации", в которые каждый обязан ежедневно вносить свои отрицательные к Найлепшему мысли, чувства, эмоции и высказывания. А также фиксировать несанкционированную любовь и симпатию.

У купэ стаяў вялізны футарал басэтлі -- самая вялікая Лявонава каштоўнасьць, і яму доўга прыйшлося тлумачыць мытнікам, навошта яму гэта ў Мінску, калі тут усё ёсць. Адно неасьцярожна кінутае слова магло прывесьці да страты чароўнага футарала. І тут Хрыстафер працягнуў мытнікам свой дыпламатычны пашпарт і сказаў:

-- Маё!

Мытнікі пайшлі далей. Лявон паціснуў Хрыстафераву руку, а па радыё ішла перадача «Старонкі гісторыі», дзе цытаваліся выказваньні Першага Прэзыдэнта:

“Нашы апазицыанеры каждый дзень там швэндаюцца, пазьняки, навумчыки, вааружонные и невааружонные, вдоль границы шастают! Эта ашмоцце дабра нашаму гасударству не прыносят!”

Лявон пільна ўгледзеўся ў акно і ўбачыў за ім шэрагі амапаўцаў у бронекамізэльках. “Відаць, пільнуюць, каб хто-небудзь у акно не выскачыў ды назад у цывілізацыю цягу не даў” – падумаў Выліваха.

А голас Першага мацнеў :

“Гэта народ!... Гэта народ, які выратаваў ад “карычневай чумы” разам з рускім і ўкраінскім народамі ўсю цывілізацыю! Ніхто не мае права сёння тыкаць у яго пальцам. Тым больш цяперашнія пакаленні Захаду. Яны павінны прыязджаць сюды, як у Мекку, і на каленях стаяць на граніцы з Польшчай, кланяцца беларускаму народу, які перажывае не лепшыя часы. Я абараняю свой народ, і я буду яго абараняць!»

Пасля прамовы па вагонах пабеглі афіцэры, загадваючы замежнікам укленчыць. Выліваха і Хрыстафер сядзелі, як сядзелі, і афіцэр чамусьці не зрэагаваў. У купэ мытнік занёс вялізны капялюш са стужкай, на якой напісана “Прэзідэнцкі гуманітарны фонд” і ўмольна загадаў:“Пожертвуйте сколько не жалко…, а если жалко, то потом еще больше пожалеете!”

А па радыё зноў гучаў голас Першага Прэзыдэнта:

"Гуманитарная помощь -- это бесплатно, это для народа, в том числе для ученых, для чиновников»

Пасля перадалі інтэрв'ю журналісткі з Польшы:

«13 октября. Приехала в совхоз «Гастелло». Зашла к знакомым бабушкам. Была у них в 1996 году. Они тогда боготворили Первого Президента.

Спросила как им живется сейчас. Бабушки ответили, что жить стало гораздо хуже. А Найлепшего любите? Отвечают, что еще сильнее чем прежде! «Почему!?»-- изумилась я. «Он нам дал в этом году огромный урожай!»

Наконец я узнала самый большой секрет Беларуси... ее народа и Президента».

Цягнік падыходзіў да цэнтральнага вакзала Мінска. Лявон уключыў свой партатыўны кампутар і глянуў, ці знайшоў што-небудзь сканер. Там сапраўды былі першыя вынікі:

Президент -- здоров! Президент -- чемпион!

Президент в прекрасной форме!

В Президенте множество идей! У Президента множество людей!

Президент -- гений, а не злодей!

Пусть знает увесь мир, што Президент -- Человек, потому что Президент в Дзекрэце!"

Каля вакзала было відаць, што сярод людзей, якія сустракалі, стаялі афіцэры службы бяспекі Лепшага на дыстанцыі адзін ад аднаго, роўнай даўжыні вагона. Вагоны яшчэ рухаліся, калі афіцэры пачалі заскокваць у вагоны. Ніхто з пасажыраў не рваўся, як звычайна, да выхаду. Усе чагосьці чакалі. Афіцэр механічна загадаў:

-- Всем оставаться на своих местах.

Ён шпарка ішоў праходах і раздаваў нейкія паперы.

-- Ознакомтесь и распишитесь!

Усе пакорліва бралі паперу і ўважліва чыталі.

Выліваха неахвотна ўзяў паперу, а афіцэр патлумачыў: «Все иностранцы, не говоря уже о наших гражданах, давно знают, что каждый день в нашей стране издаётся новый Указ Найлепшего о совершенствовании одной из сторон жизни! Темпы роста уровня жизни поэтому у нас самые большие в мире. Правда, некоторые иностранцы не могут этого понять -- не "догоняют"... отсталый народ! Советую внимательно изучить Указ и проникнуться... Вам здесь по нему жить!

Выліваха пачаў чытаць:

УКАЗ

О СИНХРОНИЗАЦИИ ЧУВСТВ

Запретить всем иметь отрицательные по отношению к Президенту мысли чувства и эмоции.

Запретить не любить Президента.

Разрешить любить Президента, только Президента и никого кроме Найлепшего Президента.


БІТВА З НЕСАНКЦЫЯНАВАНАЙ ЛЮБОЎЮ
Яны выйшлі з вагона. Хрыстафер узяўся вынесьці футарал. Дзіўна вынес, не кранаючы! Ён пад рукой як рыба праплыў. Развіталіся і Лявон уважліва агледзеў людзей на пероне.

У бабульцы, якая гандлявала цыгарэтамі спытаў:

-- "Выбар" ёсць?

-- Не, сынку. Выбар Указам Лепшага даўно забаронены. За нас даўно выбіраюць. Толькі вар’яты ці беларусы-зухаватыя “рабяты” выбіраюць. Спытайся вунь у таго дзядзькі – ён да ненармальнага падобны. У позірку думка бачна і не хавае, яе…

І бабулька ўказала позіркам на мужчыну з вясёлымі вачыма, які стаяў, нібыта кагосьці сустракаў. Да яго раз пораз-падыходзілі людзі і прасілі агню. Ён падаваў ім скрыначку запалак, браў грошы, і прахожы адыходзіў. Выліваха зрабіў тое самае. У парку ён дастаў са скрыначкі газету “Выбар”, разгарнуў і прачытаў:

"… Б. Хамайда затрыманы i дастаўлены ў РАУС Чыгуначнага раёна г. Вiцебска за тое, што стаяў з плакатам "Я ЛЮБЛЮ БЕЛАРУСЬ"...

Лявон узьняў галаву і убачыў вайскоўцы, якія ачэплівалі парк. Яму прыйшлося абыходзіць іх, як плот. Непадалёк ад "плоту" з мундзіраў стаялі вясёлыя людзі. Нехта з прахожых раздражнёна кінуў у бок вясёлых хлопцаў рэпліку:

-- У людзей празьник смеха сягодня, а им делаць нечего -- веселяцца! Работаць нада!

Калі з чырвонага аўтобуса пачалі выходзіць нейкія важныя, надзьмутыя, як індыкі, дзядзькі, людзі, што стаялі паблізу, убачыўшы іх, засьмяяліся. З групы вясёлых людзей катанулі ім пад ногі гарбуз. Усе зарагаталі. Нехта пажартаваў:

«Каціцеся гарбузом у Краіну Вялікай Мудрасці! Ды не вяртайцеся, калі сваіх мазгоў не запае!»

«Гэта па-нашаму! -- узрадаваўся Лявон. -- Свае людзі! Не прападу!»

Ад вясёлых хлопцаў даведаўся, што яны праводзяць нейкіх дэпутатаў з палаты, якія едуць у сталіцу Краіны Вялікай Мудрасьці, каб цалкам далучыць да яе сваю рэспубліку.

Лявонаву ўвагу прыцягнуў жвавы дзядок з белай барадою, які голасна жартаваў, смяяўся. Не паспеў Лявон прыслухацца, да дедавых жартаў, як яго аточылі вайскоўцы, схапілі і панесьлі. Дзядок нечым спадабаўся Лявону і ён, абураны, падскочыў да "плямістых" і запатрабаваў адказу:

-- За што вы яго так? Ці ж ён вас чапаў?

-- А ты адкуль? – Пагрозьліва зарычаў на Лявона старшы.

-- З Вялікага Княства Літоўскага! – З гонарам адказаў Лявон

-- Да вас як тараканав! Ловім, садзім гэтах нацыяналістаў, а яны всё лезуць і лезуць! Нада кніжкі спаліць з эцім княствам, тады угаманіцесь!

Грамілы ўкінулі дзядка ў чэрава маленькай машыны і Лявону завярнулі рукі так, што ён пацалаваў свае калені, разбіў вусны і, лежачы ў машыне, частаваўся саланаватай крывёю.

У турэмнай камеры не было чым дыхаць. Сумесь дыму танных цыгарэт, парашы і гнілой капусты давялі Лявона да непрытомнасьці. Ачуняў ён толькі ў судовай зале, куды яго занеслі і паклалі на лаву падсудных. Дыхаць стала лепей, і Лявон змог разабраць пытаньні судзьдзі:

-- Когда и где родились? Где живете и работаете?

Лявон, забыўшыся пра ўсялякую канспірацыю, пачаў мармытаць пра тысяча пяцьсот …наццаты год нараджэння, пра Наваградак і працу князем...

Судзьдзя не зьдзівілася, а механічна спытала ў вялізных міліцыянтаў:

-- Гэты бэнээфавец на вас нападаў?

-- Да! -- пацьвердзілі тыя.

Судзьдзя вынесла прысуд:

-- 20 мільёнаў штрафу за напад на ахоўнікаў парадку.

Пасьля спытала:

-- Вам бумаги на бэнээф посылать?

Агаломшаны Лявон, не разумеючы пытаньня, кіўнуў. А ў залу ўжо заносілі дзядка з белай барадой.


БІТВА З РУКАМІ
Выліваха прысеў на лаву каля дзьвярэй, дзядка занесьлі ў залу, і Выліваха пачуў голас судзьдзі:

ПОСТАНОВЛЕНИЕ

"… судья Риштовская М. И. Октябрьского р-на г. Минска, проверив материалы на Щукина Валерия Алексеевича, УСТАНОВИЛА:

… состоялось несанкционированное массовое собрание.

На Щукина был составлен протокол, в котором указано, что в этот день в 18-40 он участвовал в несанкционированном собрании по ул. Кирова, 4, в группе граждан, публично обсуждал общественно-политические мероприятия в стране, действия Правительства и Президента, активно жестикулировал, чем нарушил Декрет № 5 Президента Республики Беларусь от 05.03.1997 г., п. 10".

Раптам судзьдзя закрычала:

-- Я запрещаю вам, журналисты, писать в блокноты и записывать на диктофоны. Если не прекратите писать, то удалю вас из зала! Неужели непонятно?

Дзядок з белай барадой выйшаў з залы і да Вылівахі:

-- Вы першы раз? Не засмучайцесь! Добра, што выпусьцілі.

Неўзабаве яны з бутэлькай гарэлкі ехалі да дзеда сьвяткаваць свой дзень вызваленьня.

-- І што ўсё гэта азначае? -- спытаў Выліваха. -- Цябе судзілі толькі за тое, што размахваў рукамі!?

-- І языком таксама! Высока ўзнятыя рукі на вуліцы каля афіцыйных будынкаў ці асоб – гэта “замах” на ўладу. Вось паслухай:

“Максім Кашынскі, Зміцер Каспяровіч і іх непаўналетні сябар схоплены міліцыянтамі ў центры Мінска. Уся іх віна ў тым, што яны, заклаўшы рукі за галаву, некалькі разоў прайшліся па ганку судовага будынка. Тут судзілі А. Шыдлоўскага і В. Лабковіча. ”.

Прачытаўшы, дзед дадаў:

-- А высока ўзнятыя вочы і распраўленыя плечы – гэта адзнака тэрарыста.


БІТВА ЗА СВАБОДУ «МЫСЛИ»
Яны ішлі па ходніках размаўлялі, а да іх праз кожных дзесяць метраў падыходзіў чалавек у спецвопратцы балотна-плямістага колеру, крочыў побач, прыслухоўваўся. Дзед працягваў яму нейкую паперку і той, глянуўшы ў яе, адыходзіў.

Дзед патлумачыў:

-- Нашы людзі могуць сустракаюцца толькі на мітынгах, шэсцях і пікетах. Калі сустрэнуцца па-за дазволенай акцыяй -- турма. Кожнага апазіцыянера міліцыянты ведаюць у твар. За кожным на вуліцы сочаць. Дастаткова на вуліцы сустрэцца некалькім апазіцыянерам, як побач зь імі стаіць інспектар з ГосКомПроСлух і слухае. Калі яму дрэнна чуваць, ён выклікае нарад: арышт, турма, інспектар праслухоўвае камеру…

-- Што гэта за ГосКомПроСлух? – спытаў Лявон.

-- Госкомитет па праслухоўванню. Яго стварылі, каб прэзыдэнт лепш ведаў думкі, жаданьні і памкненьні людзей.

Лявон пільна паглядзеў на дзеда, ці не жартуе ён, і сказаў:

-- Я думаю, што…

Але дзед не даў яму скончыць, заціснуў Лявонаў рот сваёй рукой:

-- Маўчы! Бяду наклічаш! – Ён спрытна дастаў з кішэні бланк даведкі, запісаў туды Лявонава прозьвішча, і тады дазволіў: -- Вось цяпер кажы.

Лявон скончыў думку:

-- Я думаю, што людзі з такім праслухоўваньнем, як голыя на вуліцы -- з голымі душамі… Так можна звар'яцець!

-- Усе звыклі. – Адказаў дзед. -- Хто пазбавіўся душы, таму няма чаго прыкрываць. Хто душу прэзыдэнту заклаў, то выстаўляе яе напаказ.

А хто хацеў захаваць душу, выпрацавалі спецмову, дзе кожнае слова шыфраванае. Напрыклад, напярэдадні шэсця сустрэліся два апазіцыянера і адзін кажа: «Заўтра будзе град і паб'е маладыя расліны». Гэта азначае, што пад час шэсьця паліцыя будзе біць моладзь…

Лявон паспрабаваў уявіць чалавека без душы, але нічога не атрымалася і спытаў:

-- А куды ты ўпісаў маё прозьвішча?

-- У бланк даведкі, якая сведчыць, што табе дазволена думаць.

Лявон зарагатаў:

-- Шыкоўны жарт! Ты б яшчэ…

Дзед спрытна прыкрыў Лявонаў рот, выцягнуў яшчэ адзін бланк і зноў упісаў Лявонава прозьвішча, кажучы:

-- Вось цяпер рагачы…

Але смяяцца Лявону расхацелася:

-- Ты што сур'ёзна выпісаў мне дазвол на сьмех?

-- Не я выпісаў, а дзяржава… Я подделал. Я маю чыстыя бланкі дазволу на сьмех, сьлёзы, сум…

Лявон спыніўся і пільна паглядзеў у дзедавы вочы, правяраючы ці зьдзекуецца той, ці жартуе, ці вар'ят. Па разумных і сур'ёзных вачах было бачна, што дед кажа праўду.

-- Ведаеш, што я з гэтай нагоды думаю? -- сказаў Лявон, і дзед гукнуў:

– Маўчы! Цябе трэба навучыць размаўляць і паводзіць сябе ў грамадзкім месцы. Я мяне бланкі-дазволы на думаньне скончыліся.

У нас ёсць указ, па якому думкі і пачуцьці грамадзяніна ёсць уласнасьць дзяржавы. Кожны, хто можа мець думкі і пачуцьці мусіць быць зарэгістраваны ў «Государственном Комитете Мыслей и Чувств» (ГосКом-МыЧу), як упаўнаважаны дзяржавай распараджацца думкамі і пачуцьцямі. Адпаведна і адказнасць несьці за іх захаваньне.

Распаўсюджваньне думак накшталт выказваньня свайго меркаваньня без дазволу лічыцца злачынствам. Той хто слухаў, караецца як раскрадальнік дзяржмаёмасьці, а хто выказваўся – лічыцца пасобнікам, дапусьціўшым злачынную нядбайнасьць.

Калі нехта рагатаў без дазволу ці рыдаў, таго жорстка каралі за злоўжываньне службовым становішчам і растрату дзяржмаёмасьці. Вядома, калі ён стаіць на ўліку ў МыЧу. Бо, калі ты не там, тады мусіш быць на ўліку ў ГосКомПсіх і мець пра гэта даведку.

Так што, калі толькі табе закарцела нешта падумаць, і ты не маеш ліцэнзіі, гора табе! Ліцэнзія для думкі і пачуцьці – гэта, як пашпарт у старыя часы.

-- А так купіў ліцэнзію і думай хоць да ўсрачкі? – спытаў Лявон.

-- Не. Пасьля атрыманьня ліцэнзіі трэба ў ГосКом МыЧу зарэгістраваць праэкт думкі і дачакацца дазволу на рэалізацыю праэкту.

-- Дык думка за той час ці збудзецца, ці забудзецца! – усклікнуў Лявон.

-- Правільна. На тое і разьлік. Таму ніхто туды не ходзіць і лічыцца, што думае толькі прэзыдэнт.

-- Навошта ўсё гэта! – Усклікнуў Лявон. – Гэта дзяржаўнае вар’яцтва!

-- Не сьпяшайся. Гэта – каб згуртаваць народ.

Уяві сабе, што ты ў індывідуальным парадку насьмяяўся ці нагневаўся, і узьнік адказны для дзяржавы момант, калі трэба ўсім разам кпіць над апазіцыянерам, ці гневацца на Заходняга ворага, палохаючы яго. А у цябе ўжо няма ні смеху, ні гневу! Разваліцца Найлепшая дзяржава. Апазіцыянеры знутры, а Заходні вораг звонку захопяць яго.

Як вы, паважаны чытач, мяркуеце, што адбывалася ў гэты момант у Лявонавай галаве? Лічыў тамтэйшых беларусаў вар’ятамі? Ня верыў пачутаму? Не спяшайцеся з адказам.

Уявіце, што вы самі трапілі з шаснаццатага стагодзьдзя на трыццаць год наперад дваццаць першага стагодзьдзя. Дамы з падсветкай, аўтамабілі, сотавыя відэатэлефоны, шрубалёты і самалёты… ды яшчэ тэлевізары, па якіх ракеты і іншапланецяне гойсаюць…

І калі ад зьдзіўленьня ўбачанаму ськівіцы вашага адкрытага рота працінае боль, вам кажуць, што Прэзыдэнт аб’явіў думкі і пачуцьці беларусаў, як самай сьвятой нацыі, найвялікшай каштоўнасьцю, за якую дзяржава можа атрымліваць грошы, пастаўляючы думкі меньш разумным дзяржавам. Ці паверылі б? Асабліва, калі раз-пораз куплялі сабе адпушчэньне грахоў? Падтрымалі б? Калі б Вам сказалі, што грошы пойдуць на падтрымку пенсіянераў – большасьці ў краіне?

Лявон не толькі паверыў, але гонар за нашчадкаў так ашчаслівіў яго твар, што, гледзячы на яго, прахожыя прымалі Лявона за вар’ята. Бо яму пагражаў арышт за несанкцыянаваную дэманстрацыю шчасьця. Дзед тыцнуў у Лявонаву руку іглу, сагнаў з яго твара шчасьце, патлумачыў:

-- Указа на дэманстрацыю ўсенароднага шчасьцьця зараз няма. Асабістае -- даўно забаронена. Яго дэманстрацыя лічыцца замахам на стабільнасьць і парадак у дзяржаве. Больш таго, адказ усьмешкай на шчасьце лічыцца группавым злачынствам – змовай.

А Лявон ужо ліхаманкава стаў падлічваць колькі прыкладна мог зарабіць грошай, калі б прадаваў свае думкі і ўсьмешкі. Лічбы атрымлівалісь настолькі вялізныя, што галава не магла іх зьмясьціць. Упершыню ён радаваўся, што трапіў да вынаходлівых нашчадкаў і шкадаваў з-за неабходнасьці змагацца з супернікамі ў рускую рулетку.

І толькі адно непакоіла.

-- А чаму назва “ГосМыЧу” на рускай мове? – Спытаў Лявон. Няўжо ніхто не абураўся, патрабуючы зрабіць назву па-беларуску?

-- Усё было. Абураліся і дамагаліся. З-за спрэчак па гэтаму пытаньню апазыцыя пакалолася. Кансэрватары з апазыцыі патрабавалі зрабіць Дзяржаўны Камітэт па Думках і Пачуцьцях. Ім і зрабілі і назвалі ДзяржКамДуПа. Вось яны ў тую ДуПу і ходзяць. А маладыя адмовіліся. Сказалі лепей хадзіць у МыЧу, чым у ДуПу. А радыкалы аб’явілі байкот і МыЧу і ДуПе так ім выдалі даведкі ў псіхушцы і да выбараў ды рэферэндураў не дапускаюць…

-- А калі ўсё гэта пачалося. -- Спытаў Лявон

-- Пры Першым Прэзыдэнце. -- Адказаў дзед і паказаў Лявону газету:

““З 1 чэрвеня ператворыцца ў чынную выдадзеная два месяцы таму пастанова Савета міністраў “Аб дзейнасці па аказанні дапамогі грамадзянам у самастойнай адукацыі”. Гэты дакумент прадугледжвае, што цяпер такая дзейнасць “у формах народнага універсітэта, школы, лекторыя, нацыянальна-культурнага (іншага) цэнтра і курсаў ажыццяўляецца юрыдычнымі асобамі на падставе спецыяльных дазволаў (ліцэнзіяў), якія выдаюцца аблвыканкамамі і Мінскім гарвыканкамам””.

-- А ты маеш ліцэнзію на перадачу мне інфармацыі пра Рэспубліку і публіку? – спытаў Лявон.

Дзядок паказаў паперку, дзе было ўпісана Лявонава прозвішча і сказаў:

-- Калі ж я адкрыю душу іншаземцу без такой паперкі, вось, як табе, тады наша злачынства пацягне на вышэйшую меру пакараньня для абодвух, бо для замежніка будзе лічыцца шпіянажам, а для мяне – здрадай Радзіме.

-- А калі наадварот, напрыклад я, як замежнік, нешта табе скажу без дазволу?

Спытаў Лявон.

-- Тады гэта будзе лічыцца падбухторваньнем да звяржэньня законна абранай улады. Ці падрыхтоўкай тэракта. У лепшым выпадку атрымаеш штраф, як гэты шчасьліўчык з часоў Першага Прэзыдэнта.

І дзед паказаў Лявону газету:

“Старшыня Ляхавіцкай раённай Рады КХП-БНФ Ігар Лобан перадрукаваў з газеты “Пагоня” “Ідзе вялікая чарнобыльская вайна” з важнай інфармацыяй аб наступствах Чарнобыльскай трагедыі на Беларусі. Аркушы з артыкулам Лобан занёс старшыні Ляхавіцкага райвыканкама А.Сакуну і старшыні райсавету В.Сапуну.

Яны вырашылі, што Лобан распаўсюдзіў друкаванае выданне, вырабленае с парушэннем вызначанага парадку, змест якога накіраваны на нанясенне шкоды дзяржаўнаму і грамадскаму парадку і перадалі аркушы у міліцыю.

7 траўня Лобана выклікалі туды і склалі пратакол аб адміністратыўным парушэнні. Адміністратыўныя камісія пры Ляхавіцкім райвыканкаме прызнала Лобана вінаватым і аштрафавала на 5.700 рублёў”.

А хутка і саму газету «Пагоня» закрылі – дадаў дзед.

-- І даўно так стала? – Спытаў Лявон.

-- Не вельмі. Раней дзейнічаў фіксацыйны прынцып. Дастаткова было паведаміць у «Гос Комитет Фиксации Мыслей и Чувств» (ГКФикМыЧу) пра думку ці пачуцьцё, у цябе фіксавалі адбіткі ўсіх пальцаў і думак, усіх сяброў і знаёмых, форму думаньня: услых ці пра сябе і думай ці рагачы хоць да ўсрачкі.

А зараз – дазваляльны: спачатку тая ж фіксацыя, потым для чыноўнікаў дэманстрацыя, і дазвол год чакаць.

-- Ну гэта ўжо бюракратыя! – Абурыўся Лявон. -- Адкуль Лепшы гэтага набраўся? Покуль будзешь даведкі зьбіраць, і дазволу чакаць, усе думкі ўлятуць.

Бюракратыі ён набраўся ў савецкай улады і Першага Прэзыдэнта, а вось іншага…

Дзед дастаў тэчку, выцягнуў з яе газету і даў Лявону:

“На Кубе новое законодательство в области печати относит свободу волеизъявления в разряд криминальных преступлений, предотвращая любые контакты местных жителей с представителями местных СМИ”

-- Вось пасьля візіта на Кубу Лепшы і прыдумаў гэты “Фіг-Мык”.

-- Што за “Фіг”? – Спытаў Лявон.

-- Ужо народнае. Людзі так кажуць, што покуль атрымаеш даведку на думку, дык так намыкаешся, што фіг думаць захочаш.

-- Я як жа тады людзі жывуць?

-- Проста. Дзяржава выдала на кожны выпадак жыцьця кніжачкі з наборам стандартных думак і пачуцьцяў.

І толькі апазыцыянеры думаюць, калі захочуць і што захочуць ды ўсё больш “супраць” і пішуць заявы на дазволы. А разумныя людзі назапасілі бланкаў на ўсе выпадкі жыцьця…

-- Нават на тое каб сраку падцерці?

-- А ты здагадлівы!

А ўсё пачыналася з абурэньня Першага Прэзыдэнта свавольствам дробных чынуш. Дзед паказаў часопіс:

“Селянін жа сёння заняволены не проста эканамічна. Камандна-адміністрацыйная сістэма кіравання сельскай гаспадаркай прымушае яго нават думаць так, як хоча кіраўнік... Яны да гэтага часу баяцца выказаць свой пункт гледжання, асцерагаючыся рэпрэсій…”

-- Вось каб вызваліць калгаснікаў ад думпрыгнёту дробнымі чынушамі, Лепшы і ўвёў дзяржаўныя органы ды ўзяў іх пад свой кантроль і рэгуляваньне.

Да таго ж Лепшыя думкі Лепшых грамадзянаўкарысталіся попытам за мяжой, за імі вялося паляваньне, шпіёны выкрадалі думкі і вывозілі, як абразы.

Дзед прыслухаўся і прыклаў палец да вуснаў. Па беларускаму радыё перадавалі:

“В Литве ускоренно строится шесть НАТОвских станций радиотехнического слежения за территорией Беларуси. Это нужно для того, чтобы НАТОвские штабы и ЦРУ могли контролировать в том числе и телефонные разговоры белорусских граждан»

Стары палез у шуфляду, шукаў паперы. А Лявон глянуў у сканер:

«Совершенно секретно»

«Единственно Верная историческая Книга «Аб Найцяжэйшых Бітвах Лепшага, яго Наймагутнейшай сіле, Найвялікшых Перамогах і Найвышэйшых Дасягненнях».

Лявон паказаў дзеду запіс галоўнага рэдактара гэтай кнігі палкоўніка Заліваліна пра тое, што Лепшы навёў парадак сярод думак і пачуцьцяў сваіх грамадзянаў. «Цяпер думкі, -- пісаў палкоўнік, -- як статак авечак з клапатлівым пастухом, а пачуцці, як бараны, выгадаваныя на сакавітых лугах, не пхнуцца куды ім не след, а скубуць сакавітую траву на Найлепшай ідэалагічнай ніве і тлусцеюць, не ведаючы клопату і сумненняў. А калі прыйдзе час, тыя думкі і пачуцці засведчаць любоў свайму клапатліваму гаспадару і пераймуць ягоныя мудрыя ідэі і выказванні»».

І палкоўнік Загібалін у тую ж кнігу запісаў, што мудрасць Лепшага дасягнула такіх вяршынь, што кожны чалавек, жадаючы падумаць і саромеючыся надумаць нешта недарэчнае, нёс сваё думальнае памкненне да Лепшага, а той раіў ці ёсць сэнс пра тое думаць. Людзі неслі да Лепшага і нечакана нарадзіўшыеся думкі, каб той блаславіў і вырашыў, ці можна карыстацца тымі думкамі, ці лепей іх забыць, а можа і ўвогулле не думаць, а карыстацца Лепшымі думкамі.

А для дапамогі народу ў Лепшым думанні палкоўнік Задумкін пачаў выдаваць часопіс «Беларуская думка». І Лепшыя думкі з яго пераносіліся ў газеты. Лявон і дзед чыталі ў «Советской Белоруссии»:

«Для того, чтобы обеспечить информационную безопасность человека, общества и государства, не допустить концентрации власти в руках теневых сил и диктата их интересов, государство может и должно ввести цензуру. Цензуру, призванную обеспечить свободу мысли, свободу идейной борьбы между отдельными лицами, группами и слоями общества и государства в целом. Именно такую цензуру А.С.Пушкин рассматривал не как врага свободы печати, а как непременное ее условие».

-- «Дык вось якую кніжку пішуць Лепшыя пісарчукі замест забароненых падручнікаў па гісторыі!»

Здагадаўся Лявон.

-- Толькі застаецца даведацца для чаго яе пішуць

Сказаў дзед.

-- Як “для чаго?” Для школ, відаць.

-- Калі для школ, тады навошта грыф “Совершенно секретно”? – спытаў дзед. – Я на флоце служыў. Ведаю, што проста так грыф не паставяць. Нешта яны задумалі…

І стары выцягнуў і паказаў Лявону жоўтую ад часу газету:

Декрет Президента Республики Беларусь №8

О НЕКОТОРЫХ МЕРАХ ПО СОВЕРШЕНСТВОВАНИЮ ПОРЯДКА ПОЛУЧЕНИЯ И ИСПОЛЬЗОВАНИЯ ИНОСТРАННОЙ БЕЗВОЗМЕЗДНОЙ ПОМОЩИ

«Инострання безвозмездная помощь регистрируется в Департаменте по гуманитарной деятельности при Президенте Республики Беларусь по заявлению получателей.

Иностранная безвозмездная помощь не может использоваться для … проведения семинаров и других форм агитационно-массовой работы среди населения

В случае нарушения, деятельность иностранных представительств прекращается, иностранные граждане высылаются»

Президент Республики Беларусь

-- Не ведаю, як ты зможаш у нас жыць. -- Падсумаваў дзед.— Цябе ў нас хутка арыштуюць.

-- А як усе людзі жывуць?! Так жа немагчыма…

- Нармальна жывуць. Ты за нас не хвалюйся. Мы – беларусы, прыстасаваліся. У кожнага ў кішэні па 100 дазволаў на думанне, столькі ж на выказванне. Маем і чыстыя бланкі для размоў з новымі людзьмі. Адны даведкі за хабар атрымліваюць, каб адразу на год хапіла. Кантралёры – такія ж беларусы, ім хочацца добра жыць. Моладзь на кампутарах і ксераксах са старых папер падроблівае.

-- Ну вы і зухі! -- Павясялеў Лявон. – Хочацца выпіць за беларусі народ.

Чокнуліся за дзедава «Жыве Беларусь» і Лявонава «Жывуць беларусачкі», выпілі, і дзядок працягваў расказ пра тутэйшае жыццё.

-- Калісьці Лепшы абяцаў забяспечыць кожнаму заробак 100 даляраў у месяц. А калі ўбачыў, што не атрымліваецца, тады выдаў указ, якім забараніў думаць пра 100 даляраў, а потым забараніў думаць увогулле. І праз нейкі час паабяцаў выдаць кожнаму па 100 дазволаў на думанне і выказванне, а чыноўнікам выдаў дэкрэт, каб яны кожнаму далі па 100 дазволаў. Калі тыя не паспевалі выдаваць, беручы хабар за дзяржаўныя дазволы, Лепшы здымаў іх з працы, перад тэлекамерамі надзяваў ім кайданкі.

Выліваха слухаў-слухаў і зноў не вытрымаў:

-- Але ж нашчадкі з Лепшага будуць смяяцца. І з продкаў таксама. Няўжо ніхто гэтага не разумее?

-- Народ аб гэтым не думае. – Адказаў Дзед. – А Першы Прэзыдэнт даўно падумаў. Ён аддаў загад каб «изъяли все до него написанные учебники по истории». Потым па Лепшаму загаду сфармавалі атрад палкоўнікаў і паставілі перад імі задачу: напісаць і стварыць новую і навейшую Лепшыя гісторыі.

-- І хто тыя палкоўнікі?

-- Былыя нампаліты: Загібалін, Залівалін, Завіралін, Засвісталін, Закрывалін, Запрещалін, Задзяўбалін, Падпевалін, Заківалін, Запугалін, Закрычалін. Да і сам Лепшы былы нампаліт.

Добра выпіўшы, Лявон спытаў:

-- А хочаш пакажу якія думкі ў прэзыдэнтавай галаве без усякага дазволу шастаюць?

-- Хто ж не хоча!?

І Лявон паказаў свой гадзіннік з партатыўным сканерам. Дед прачытаў на экране тэкст:

"Я часто сам себе задумываюсь: наверно, мне просто из республики нельзя выезжать, надо постоянно здесь сидеть?!"

-- А мне «сідзець» абрыдла! – Заявіў Дзед. -- Пайшлі ў лазню!

Яны крочылі па ходніках, а побач нетаропка ехалі машыны з будкамi, на дашках якiх павольна круцiлiся антэны ў выглядзе вялiзных талерак. Дзед тлумачыў:

-- Гэта радары сканаваньня мазгоў. Яны дазваляюць прымаць нават зародкi пачуцьцяў, думак, настрояў людей.

Яны дасягнулі таго, чым валодалі некаторыя беларускія пісьменьнікі напрыканцы таго стагодздзя.

Усё ў нашай галаве фіксуюць сканеры. У кватэрых яны -- у пажарнай сігналізацыі. Пры перабольшваньні дапусьцімых нормаў, спрацоўвае сыгналізацыя на пульце Раённага Аддзела Бясьпекі МыЧу (РАБ-МыЧу), аператыўная машына з равуном і мігалкай забірае не так замычаўшага.

-- Божа! Як можна так жыць?! – Усклікнуў Лявон.

-- Беларусы навучыліся праменіць для РАБ-МыЧу санкцыянаваныя дзяржаваю думкі і пачуцьці. Як кажуць жартаўнікі: “Вашаму РАБ-МыЧу – наша дупа”.


ПЕРШАЯ ПЕРАМОГА НАД ПАЭТАМІ
Лявон з дзедам ішлі да лазьні. У старога на галаве былі слухаўкі ён, размаўляючы з Лявонам, слухаў радыё. Раптам ён зняў слухаўкі, адну даў Лявону, а другую прыклаў сабе да вуха. Там гучала:

«Гаворыць радыё «Рацыя». Перадаём выпуск навінаў. Сёньня скончыўся зьезд Саюза пісьменьнікаў Беларусі. Старшынёй абралі Вольгу Іпатаву. Яна канкуравала з Міколам Мятліцкім і пры галасаваньні перамагла невялікай колькасьцю галасоў. За Іпатаву даслаў ліст Васіль Быкаў, за Мятліцкага агітаваў Іван Шамякін.

Пасля зьезда некалькі творцаў побач з домам пісьменьнікаў у парку Горкага ля брамы селі за столікі ў кавярні. Яны абмяркоўвалі зьезд. Лявон Баршчэўскі чытаў вершы на розных мовах. Недалёка ад іх з дзесятак чалавек пілі гарэлку і гарлалі песьні і лаяліся мацюкамі. Каля творцаў спыніліся міліцыянты. Адзін сказаў другому:

«Разгаварывают па беларускаму – хулиганы!»

Міліцыянты загадалі творцам прайсьці зь імі. Паэт Скобла абурыўся:

-- Не пайду!

Трое міліцыянтаў павалілі паэта на бетонныя пліты і надзелі яму кайданкі. Усіх патурылі ў аддзяленьне міліцыі. Там іх пратрымалі некалькі гадзінаў, высветляючы месца працы і складваючы пратакол аб парушэньні грамадзкага парадку, што выявілася па-мяркаваньню міліцыянтаў у лаянцы матам. На подпіс пісьменьнікам падалі пратаколы з іх прозьвішчамі, але ў графе «состав правонарушения» было пуста. Разам з Баршчэўскім і Скоблам затрымалі паэта В.Шніпа, намесніка рэдактара ЛІМа, пісьменьніка Сачанку Барыса Пятровіча, паэтэсу Антаніну Хатэнку.

Творцы адказвалі па-беларуску. Міліцыянты не разумелі і па тэлефоне ў кагосьці прасілі перакласьці ім кожнае слова. Пісьменьнікаў чакае суд».

-- Ну вось, -- сказаў стары, -- а ты кажаш злачынцаў арыштавалі… Не проста злодзеяў, а слоўзлачынцаў – прафесійных рэцыдывістаў! Цікава, што там на зьездзе рабілася? Трэба газеты пачытаць.

Яны падыйшлі да газетнага кіёску і купілі газэты. Разгарнулі газету “Звязда” і прачыталі белы верш паэта Міколы Мятліцкага:

“Перакананы, што толькі дзяржава можа дапамагчы росту стваральнага мыслення пісьменніка, падзяляючы шчыра ягоны творчы клопат, уважліва і беражліва падтрымліваючы творчае гарэнне нераўнадушнага да жыццёвых праблем пісьменніцкага сэрца”

-- Правільна кажа! – пагадзіўся Лявон. – Нават мяне непісьменьніка гэтая дзяржава натхняе напісаць твор, адмысловую кнігу пра тое, як дзяржава імкнецца абудзіць у пісьменьнікаў сабачую душу і ў адных абуджае іменна сабачую, а ў другіх – людскую. А потым перадаць гэты твор маім сябрам, каб яны ведалі, што напаткала іх нашчадкаў. Можа б тады па іншаму жылі…


БІТВА ЗА ЧЫСЦІНЮ ЦЕЛА І ДУШЫ
Праз некаторы час дзед і Лявон зайшлі ў лазню. Там было шмат людзей. Але пасля турэмнай камеры, дзе іх было як селядцоў у бочцы, Выліваха не зьвяртаў на гэта ўвагі. Ён некалькі разоў выпарыўся. Скура пайшла чырвонымі кропелькамі, якія у некаторых месцах зліваліся ў плямы: скура дыхала. Ён стаяў каля душа і, заплюшчыўшы вочы, намыльваў сабе галаву, калі ў лазні пачуліся крыкі і ляскат абцасаў. Лявон не зьдзівіўся, – думаў, што так яно і трэба.

Нехта гучна размаўляў:

-- Глядзі этат как расслабілся!

-- І той!

-- А вунь там у вуглу на лавцы прачацца, развалівшыся.

Гвалт заглушыў камандны голас:

-- Стоять! К стене! Руки за голову!

Чуліся ўдары па голым целе, войкі, воклічы: "За што?". І над Лявонавым вухам нехта гаркнуў:

-- Цябе што, не тычыцца?

Потым рэзкі боль у жываце ад удару сагнуў Выліваху, удар у сківіцу выпрастаў яго, а падсечка на імгненьне скіравала ў палёт. Лявон стукнуўся патыліцай аб падлогу і страціў прытомнасьць.

Ачуняў на ложку ў пакоі дзядка, які з усмешкай на вуснах вітаў яго:

-- З лёгкім парам! З гарачым жарам!

На пытаньне, што здарылася, дзядок падаў яму газету часоў Першага Прэзыдэнта з падкрэсленымі радкамі:

"Вечарам у суботу, 11 студзеня ў вёсцы Чэрні (3 км ад Брэста) . З крыкамі "Не смотреть и не переговариваться!" у лазню ўварваліся 10 амонаўцаў у бронекамплектах і з аўтаматамі пачалі кідаць голых людзей на падлогу. Пастуху саўгаса "Маладая гвардыя", 70- гадоваму дзеду, у кроў разбілі галаву. Старшыні Тэльмінскага сельсавета Брэсцкага района Мікалаю Дроню, якому 56 год, адзін з амонаўцаў моцна стукнуў нагой у жывот".

-- Вось і мы с табой папарыліся ў такой лазні. Гэта Лепшы кожны месяц праводзіць аперацыю "Ачышчэнне" па лазнях -- выбівае з людзей дурныя думкі і намеры”.

-- Не разумею. Навошта?

-- Па-першае – пужае сваіх ворагаў паводле прынцыпа: "Бі сваіх, каб чужыя пужалісь!".

-- Па-другое, людзі ў лазнях асабліва пасля парыльні расслабляюцца. А пасля гэтага адчуваюць волю, бо скура дыхае і цела адчувае невясомасць, узьнікае прага палёту, чысьціня цела выклікае такія ж думкі і пачуцьці. Гэта для Лепшага самы небясьпечны стан электарата. Бо людзі ў такім стане прагнуць волі і робяцца патэнцыйнымі апазіцыянерамі.

Вось у лазьнях перыядычна бьюць насельніцтва і яно адразу трапляе ў стан барацьбы, напружваецца, засяроджваецца, чакае нападу ворагаў і гатова для барацьбы з Захадам і апазыцыяй.

-- І як людзі да гэтага ставяцца?

-- Вельмі добра! Падтрымліваюць! Пасьля кожнай падобнай прапаркі людзі кажуць: "Нам нужан парадак! Наш Лепшы -- сільная рука! Нас нужна дзержаць в строгасці, а то народ распусцілся! А враг схаваўся!»


БІТВА З КАРЦІНАМІ І ПЕРАМОГА НАД МАСТАКАМІ
Лявон, слухаючы дзеда, думаў, што Лепшы, відаць адзін з тых супернікаў, з якім прыдзецца гуляць у рускую рулетку. Яму карціла як мага болей даведацца пра Лепшага і адначасова Лявон імкнуўся хоць на нейкі час уцячы ад усюдыіснага вар'яцтва, даць душы адпачыць.

Спытаў дзеда:

-- А мастакі нармальныя ў вас ёсць? Ці таксама ўсе Лепшыя?

Дзед прапанаваў:

-- У Палацы мастацтваў выстава "Пагоня" ўчора адкрылася. Хадзем?

Перад палацам стаяла шмат людзей. На шкляных дзвярах вісела нейкая папера, якую па чарзе ўсе чыталі. Гучала:

-- Зноў забаранілі выстаўляць карціны!

Дзед патлумачыў, што бітвы з карцінамі пачаліся яшчэ пры Лукашэнка.

Лявон настроіў сканер на бітвы з карцінамі і прачытаў:

МIНIСТЭРСТВА КУЛЬТУРЫ

РЭСПУБЛIКI БЕЛАРУСЬ

"Старшынi Беларускага саюза мастакоў Г. В. Буралкiну.

25 сакавiка 1997 года ў Палацы мастацтваў адбылося адкрыццё выстаўкi суполкi "Пагоня", якая ўваходзiць у склад Беларускага саюза мастакоў. Асобныя творы, прадстаўленыя на выстаўцы, па свайму зместу не адпавядаюць iснуючым заканадаўчым i нарматыўным дакументам. (Дэкрэт Прэзiдента Рэспублiкi Беларусь ад 05.03.1997 № 5, Закон Рэспублiкi Беларусь "Аб культуры ў Рэспублiцы Беларусь", статут Беларускага саюза мастакоў).

Прапаную Вам неадкладна прывесцi экспазiцыю выстаўкi ў адпаведнасць з iснуючым заканадаўствам.

Мiнiстр А. У. Сасноўскi

Ніжэй ішоў пералік твораў, якія парушылі Дэкрэт:

СПIС ТВОРАЎ

якiя парушiлi дэкрэт Прэзiдэнта, i якiя трэба "изъять"з выставы.

Карповiч А. з серыi "Сатырычня малюнкi": "Плошча Незалежнасцi",

"Вусы над Беларуссю", "Свабода слова", "Вертыкаль", "Цяжкая атлетыка",

"Iуда. Сардэчна запрашаем у Беларусь".

Маркавец Г. трыпцiх "Вокны друку".

Крукоўскi У. "Беларуская мадэль".

Карповiч А., Марачкiн А. "Нашы лялькi".

Марачкiн А., Талбузiн Л., Шунейка Я. Iнсталяцыя "Красный уголок -- Зона"".

-- Чым карціны не дагадзілі? – Спытаў Лявон.

-- Людзям кожны дзень дзяржідэёлагі прышчэплівалі прэзыдэнскій позірк на ўсё. А мастакі малявалі так, што людзі бачылі ўсё, што ёсць насамрэч. І прышчэпленыя фільтры у людзей разбураліся, вочы адкрываліся.

Вярнуліся дамоў. Зайшлі ў пад'езд. Дзед адчыніў паштовую скрыню, дзе была паперка. У паперцы паведамлялася, што газеты канфіскаваны падатковай паліцыяй для аплаты штрафаў, пэнсія таксама і дзед мусіць заплаціць яшчэ сто мінімальных заробкаў, каб разлічыцца з дзяржаваю. Дзед аж прысеў на прыступкі.

Лявон узяў зь яго рук другую паперку і прачытаў:

Декрет

Изъять со всех граждан налог за

-- случайные мысли и их передачу другим гражданам;

--случайные чувства и их передачу другим гражданам;

-- Изымать налог на все отрицательные мысли, чувства и эмоции в десятикратном размере.

-- Создать Полицию по Чувствам и Мыслям (ПолЧуМы)

У пакоі сябры ўключылі тэлевізар, з якога перадавалі пра новы ўказ Лепшага, па якому грамадзяне, якія мелі Лепшыя думкі і пачуцьці, атрымліваюць льготы па падатках, а тыя, хто ўвогулле пазбавяцца ад уласных пачуццяў і думак вызваляюцца ад падаткаў. На тэлеэкране віліся чэргі грамадзянаў, якія паглыналі дзверы ПолЧуМы. Дыктар тлумачыў, што грамадзяне пішуць дэкларацыі аб адсутнасці думак і пачуцьцяў і абяцаньні не мець іх у новым годзе.

Дзед разважаў:

-- Атрымліваецца, што каб жыць, думаючаму трэба плаціць ЧуМе велізарные грошы?! А калі іх няма?

Па тэлевізару перадавалі, што за неуплату падатка супрацоўнікі ЧуМы будуць забіраць маёмасьць, кватэры і нават вопратку.

-- Уяўляеш? -- Кіпяціўся дзед, – усе апазіцыянеры хутка стануць бамжамі, ды яшчэ голымі…

-- А як астатнія?

-- Просты народ таксама вінны дзяржаве столькі, што сто будучых пакаленьняў не разлічацца… І з кожным пакаленьнем вінасьць расьце!

Дык яны дадумаліся з кожным заключаць кантракт на жыцьцё ў Беларусі. Па кантракце прэзыдэнт гарантуе чалавеку дазвол на жыцьцё ў дзяржаве, а чалавек – адданасьць прэзыдэнту. З апазыцянерамі кантракт часта разрываўся і чалавек мусіў ці хуценька зьехаць за мяжу, ці зьнікаў бяз сьлядоў…

-- А як жа ў Вас з каханьнем? – Спытаў Лявон.

Дзед цяжка ўздыхнуў, крыху памаўчаў:

-- Балючае ты закрануў, самае трагічнае.

Быў у мяне выпадак. Я закахаўся ў яе на дэманстрацыі. Яе жорстка зьбівалі міліцыянты каля расейскай амбасады. Абараніў: раз’юшыўся і адштурхнуў некалькіх. Яны ўсё штук дзесяць на мяне кінуліся, а яе пакінулі. Мяне білі па кожнай клетачцы. Калі па асфальце тварам цягнулі, я ўжо болі ня чуў – страціў прытомнасьць. Потым у адной камеры ў пастарунку сядзелі. Тое, што яна ацалела, было для мяне шчасьцем. Увогульле кожныя суткі ў турме здаваліся Боскім дарункам. А потым на волі, калі выйшлі, пачаліся пакуты. Дазвол на каханьне, калі ты апазыцыянер, табе ня сьвеціць. А гэтае пачуцьцё на твары не схаваеш у душу не загарнеш. Яно прэць зь цябе, як лісьцё з палкі, што вясной у глебу ўторнулі.

Тут і пачалося: штрафы, арышты і публічная ганьба за недазволенае каханьне чарагаваліся, як на кружэлцы. Па тэлебачаньні нас кожны дзень паказвалі з дэманстрацыяў, як разбэшчаных асобаў, што пагражаюць маралі грамадства і ёсьць думзлачынцы – рэцэдзівісты.

А на допыце ў ПолЧуМе не скажашь: “Я яе не кахаю!”, бо ўсё пішуць на відэо і паказваюць адзін аднаму. Да таго ж сумесные допыты і ўсе пра каханьне! Нас у турме невыпадкова ў адну камеру пасадзілі, бо так нельга, а яны ўсё разлічылі, здымалі нас схаванай камерай… Потым уся краіна глядзела.

Каханьне для апазыцыянераў у нас д’ябальская кара, а для адданых Лепшаму -- прэзыдэнскае шчасьце, бо яны маюць ільготы з усімі дазволамі на думкі і пачуцьці да любых, а таксама на безлімітные спатканьні.

Пачалося гэта пры Першым Прэзыдэнце. Ён ужо тады, падазраючы свайго прэм’ер-міністра Чыгіра ў здрадзе на ўсю Беларусь казаў:

“Я знаю пра што Чыгір са сваёй жонкай у ложку размаўляюць!”

Так, што глядзі не закахайся ў нас, а то з цябе порназлачынцу зробяць і вышлюць.


Кніга трэцьцяя


ТРЫЗНЕНЬНІ
КУЛІ ДЛЯ ДУШЫ
Ачуняў Лявон у ложку. Да галавы было нешта прычэплена. Намацаў стужку і дрот, які цягнуўся да бліскучай скрыні. Сьціснуць зубы не дазваляла трубка, праз якую ён дыхаў. Агледзеўся. Падобна да шпітальнага пакою. З-за дзьвярэй гучалі галасы, і Лявон адвярнуўся да сьцяны -- зрабіў выгляд, што сьпіць. У пакой зайшлі людзі. Адзін з іх тлумачыў:

-- Паважаныя стажоры, зараз мы праверым, што зрабіла электронная “Мама” з хворым.

-- А чаму «Мама»? – спытаў стажор.

-- Машына стварае чалавеку новую сьвядомасьць. Забівае ў галаве ўсе думкі і нараджае «веру». У маці не пытаюць доказаў, ёй проста вераць.

Пры сканаваньні мозга аб'екта мы вызначаем яго ідэалы, каштоўнасьці, а таксама тое, што ён не любіць, ці ненавідзіць. Затым мадэлюем у ягоных мазгах сытуацыі, дзе пацыент грае галоўную ролю. Усё самае каштоўнае для яго ўзьнікае разам з болем, ванітамі…

Нехта спытаў:

-- А не прасьцей электрашокерамі выцерці са сьвядомасьці інфармацыйнае сьмецьце?

-- Спрабавалі. Выцертае хутка ўзнаўлялася. Відаць нацыяналізм сядзіць у такіх як ён яго кожнай клетачцы, у генах. Перад намі ўнікальны экзэмпляр – празамбаваны нацыяналіст. Мы по поўнай праграме правялі апрацоўку яго мазгоў, але там мала што змянілася. Да таго ж пацыент хворы на радыкальную маральнасьць і перад сьмяротнай пагрозай не змяніў прынцыпаў.

-- А кто ён такі? – пачуў Лявон жаночы голас.

-- Не вызначылі. По зместу інфармацыі мазгоў ён падобны на гісторыка. І гэту гісторыю мы мусім зьнішчыць.

Прафесар націснуў кнопку на пульце і Лявон апынуўся побач са сваёй дачкой на доле полацкага храма. Толькі агледзеўся, а да дачкі, павінуючыся загаду цара Грознага ўжо кінуліся яго служкі, схапілі за рукі і пачалі зрываць вопратку. Лявон рвануўся бараніць яе, але яго схапілі, зьвязалі. У адчаі крыкнуў і рэха грукнула ў званы, адбілася і вярнулася да яго злілося стогнам і крыкам дачкі: «Ратуўце!». У дзявочы енк і стогн званоў уплёўся і цароў рогат.

Царовы слугі рассунулі акрываўленыя ногі дачкі, абхапілі яе азадак і павярнулі да ўладара. Цар пагрозліва спытаў Лявона:

-- Што выбіраеш? Ці сам згвалціш дачку і тады вас адпусцім, ці яе згвалцім на тваіх вачах, а потым яе заб'ем, а табе жыцьцё пакінем. Але рукі і ногі табе адрэжам, каб рукі на сябе не наклаў і са званіцы не ськінуўся…

І зноў рогат скалануў паветра, грукнуў у званы, а замест звону адтуль крумкачы разам крумкнулі і не с купалоў паляцелі, як звычайна – напалохана, а наадварот лятуць і лятуць у царкву, набіліся пад купал і чорнай кружэлкай харавод свой чорны круцяць, здабычу чакаючы.

-- Мяне забі! – Раве Лявон. – Можаш на кавалкі мяне рэзаць, гвалціць адначасова, а дачку адпусьці!

Грозны зіхаціць ад шчасьця, а рукі задрыжелі і кажа:

-- Гэтага яшчэ не было! Дзякуй табе за падказку… І шаблю выцягвае Мы яе будзем гвалціць тваім х… і цябе рэзаць адначасова, і сольлю раны пасыпаць.

Цар, як звер у клетцы, гойсаў па царкве, рычэў, пакутуючы ад выбару,што лепей яго душы перажыць: ці як бацька дачку будзе гвалціць, ці…

Закрычаў:

-- Ну што не хочаш яе гвалціць?! – Закрычаў цар – Не??? Тады навошта табе наперадзі х…?

І шабляй адсек Лявонаву мужчынскую моц падхапіў яе і кінуўся да дачкі, злосна прыгаворваючы:

-- Будзеш! Усё роўна згвалціш дачку! Мае загады ўсе выконвалі! І людзі і сланы. Я забіў свайго сына і стаў самым моцным чалавекам, бо забіў у сабе бацьку. Ты хочаш перамагчы мяне? Забі дачку! Калі не можаш згвалціць…Але такога не будзе… Вы, беларусы, слабыя людзі…

Па царскай руцэ цякла кроў. Па паветры цёк Лявонаў крык і стогн ягонай дачкі і рэзаў паветра цароў вар’яцкі рогатам і ўсё разам паскарала крумкачову кружёлку пад купаламі. Крумкачова віхура ўцягвала нелюдзцтва і скіроўвала яго нябёсам на Боскі суд.

І Бог пашкадаваў Лявона: ахінуў цемраю і цішынёй і забраў сьвядомасьць.

У пакоі больніцы стала так ціха, што Лявонава сапеньне здавалася грамавым.

Перад стажорамі карціна зьмянілася.

Па лясной дарозе служкі Івана Грознага вядуць палонных. Кавалкі падранай тканіны зьвісаюць па целе. Вяроўкі зьвязваюць шыі. Лявонава цела трэцца аб зямлю. Ён бачыць хістаючуюся спіну дачкі і вяроўку праз плячо, якую яна трымае. Вяроўка цягнецца да яго грудзей і дачка цягне яго па дарозе. Вяроўка то нацягваееца, то правісае. Па целе бье зямля, але яе ўдары не так пакутлівы, як раны ад адсечаных рук і ног.

Ён глянуў уніз. З пад яго выпаўзалі тоўстыя карэнні дрэў. Яны, як рэбры зямной кулі, выпіралі з пад зямлі і білі па яго тулаву, быццам хацелі спыніць, пакінуць у сябе. Кожны удар выбухам болю падкідваў цела над карэньнем. Лявон прызвычаіўся і пасьпяваў наталіцца імгненьнем палёта, калі боль крыху сьцішваўся. Пасьля кожнага удара ён імкнуўся схапіць вяроўку, каб паслабіць удар, і з адчаем пазіраў на свае акрываўленыя плечы без рук. Пасьля наступнага удара хацеў ускочыць на ногі, але замест іх позірк асекся на ніжнім абрубку цела.

--Дачушка! Забі мяне! – узвыў Лявон. Дачка кінулася да яго, падхапіла на рукі, як немаўлятка, пацалавала ў лоб і суцішыла:

-- Усё будзе добра, тата. Трэба жыць!

Ахоўнікі кінуліся да дачкі, вырвалі цела і кінулі на зямлю. Галава стукнулася аб корань і Лявон страціў прытомнасьць.

Ачуняў ад цурчаньня вады па вуху. Захопнікі заганялі палонных у раку, каб перайсьці яе. Яго галава цягнулася за дачкой па мокраму жвіру і вада імкнулася забрацца ў рот, нос, а ён, глытнуўшы некалькі разоў, сплёўваў яе, керхаў. Дачка павярнулася, укленчыла, працягнула рукі, і бліскавіцей мільганула шабля, і адсечаныя далоні ўпалі перад яго вачыма. Кроў пырснула яму на твар, і чырвань заліла вочы. На вуха націснуў бот, рот запоўніў мокры жвір, а сэрца выбухнула ад ненавісьці, запоўніўшы увесь сьвет шкадаваньнем да дачкі і прагай помсты… Яе ціхі плач зьліваўся з цурчаньнем вады. Яе кроў танюткімі ручаінкамі ўлівалася ў раку. А іхны боль уносіла рака ў схованкі памяці.

Стажоры глядзелі, як з ракі на круты бераг выходзяць палонныя. Напрыканцы калоны дзяўчына цягне абрубак цела, вяроўкай, апярэзанай вакол пояса, яно тургаецца, удараючыся аб карэньні дрэў і падскоквае быццам мячык і з рота ад кожнага удара выліваецца чырвоная вада. Захопнікі лупцуюць палонных, падганяючы: «Хутчэй! Хутчэй!»

На самым версе абрыву галоўны падбег да дзяўчыны і з крыкам: «Яна нас затрымлівае!» Тыцнуў канцом шаблі ў яе грудзі, ботам пхнуў яе з абрыва і паляцелі ў ваду бацька і дачка, зьвязаныя вяроўкай, пакутамі і смерцьцю.

Маладзенькая стажорка загаласіла і выбегла з пакоя.

Доктар тлумачыў:

-- Пасьля гэтага пацыент будзе сам імкнуцца забыць катаваньне, як кашмарны сон. Забыць і ўсё, што было ў той час.

Лявон, адыходзячы ад болю, адчуў, што яго за плечы тузаюць. Ён расплюшчыў вочы і ўбачыў твар маці. А ў галаве гучаў голас прафесара:

Пасля апрацоўкі аб'екта праводзім праверачныя тэсты. Адзін з іх – дэмакратычнае галасаваньне. Глядзіце:

Лявон ачуняў. Маці убачыла, што Лявон раскрыў вочы і ўклала яму ў руку нейкую паперку, узняла над ім выбарную урну і прапанавала:

-- Прагаласуй, сынок, за прэзыдэнта, бо калі не прагаласуеш, мяне звольняць!

-- Навошта табе гэта трэба, маці?! – падхапіўся з ложка Выліваха. -- Ты ніколі, нічога не палохалася! Што здарылася?

-- Галасуй і не пытай, любы! Павер -- так нам усім будзе лепш.

Прафесар зьмясціў Лявона щ эпізод “ВЫБОРЫ В БОЛЬНИЦЕ СКОРОЙ ПОМОЩИ” часоў Першага Прэзыдэнта:

“В воскресенье 29 октября в больничную столовую во время завтрака впорхнула активистка выборов в белом халате: “Больные, разойдитесь, пожалуйста, по палатам. Сейчас будет голосовать. В палату пришла лечащий врач с урной и начала уговаривать, буквально умолять: “Ну проголосуйте, ну, пожалуйста, ну что вам стоит” В нашу палату заходили просить 7 раз! Сказали, что им спустили план по 100%-му голосованию.”

Лявон упарціўся:

-- Я цябе не пазнаю, маці! Які план?! Ты што захварэла?

-- Не, сынок, я здарова, але калі не прагаласуеш, мяне больш не пабачыш. Такі наш лёс. А тады я не змагу цябе вылечыць, як калісьці бацьку.

Лявонава рука насуперак яго волі пацягнулася да ўрны.

Прафесар задаволена глядзеў на стажораў.

Уначы Лявон ачуняў і перапісаў са сканера УКАЗ:

О СОЗДАНИИ

ВСЕНАРОДНОЙ ВЕРЫ-НАДЕЖДЫ-ЛЮБВИ!

Разработать новую государственную идеологию на основе:

а. Абсолютной веры Найвернейшему Президенту,

бэ. Беспредельной преданности Найпреданнейшему Президенту,

вэ. Беззаветной любви к Найлюбимейшему Президенту,

гэ. Восторженного ожидания сотворения чуда Найчудеснейшим Президентом,

жэ. Неподдельного восхищения Превосходным Президентом,

зэ. Слезного умиления Наймилейшим Президентом,

и. Сочувствия нежной жалости Многострадальному Президенту,

Всему народу стать воплощением

Всенародной Веры! Надежды! Любви!

Раніцай, калі Выліваха яшчэ спаў, да яго ў палату зайшлі. Прафесар прачытаў запісанае і ўзрадваўся:

-- Дзейнічае! Вы толькі паглядзіце, як дзейнічае! Але, відаць, пацыент звар'яцеў. Ён уяўляе сябе Прэзідэнтам! Указы піша! Як шызафрэнік і параноік адначасова!

Усе пачалі чытаць указы і зарагаталі.

На шум зайшоў псіхіатр. Прачытаў напісанае і сур'ёзна сказаў:

-- Я б не сьпяшаўся з высновамі. Усё, што тут напісана нейкім чынам дайшло да самых вярхоў... Прачытайце ўказы ў сёняшніх газэтах. І псыхіятр даў прафесару галоўную газэту. Тот прачытаў і спалатнеў. Псыхіатр падаў яму дакумэнт:

-- Распоряжение Совета Безопасности о переводе поциента в наше отделение.

Вось распараджэньне Савета Бясьпекі аб пераводзе абьекта ў наша аддзяленьне.

Па інструкцыі перадача пацыента з аднаго аддзяленьня ў другое праводзілася пасьля выціраньня ўсёй інфармацыі зь ягоных мазгоў.

Уначы ён не змог заснуць. Разважаў і вагаўся. Хвалявалі пытаньні: чаму беларусы такія дзіўныя? Што зь імі адбылося? Ці змагу я зразумець нашчадкаў?

Можа, трэба стаць такімі, як яны, і тады адказы прыдуць самі? Можа, трэба добраахвотна ачысьціць свае мазгі ад мінулага, і тады стане ўсё зразумела? Але ці атрымаецца вярнуцца? Выліваха ўзгадваў тыя моманты ў жыцьці, калі ён быў крыху іншым: падчас каханьня і яго зьнікненьня. “Тут, відаць, будзе нешта падобнае”,-- разважаў Выліваха, -- а вярнуцца да самога сябе, можа, Бог дапаможа. І Выліваха, як калісьці яго бацька ў гасьцях Сьмерці, вырашыў рызыкнуць -- згуляць. Гуляючы са Сьмерцю, бацька сьцібрыў з дошкі шахматную фігуру. Лявон вагаўся: ці скрасьці з дошкі жыцьця сваю фігуру, падмяніць яе – на сябе іншага. Выліваха прадчуваў, што гэта дапаможа знайсьці сакрэт моцы ідалаў, іх слабое месца і замаскіраваць сябе, дапаможа зразумець і сучасных беларусаў і знайсьці сярод іх паплечнікаў для барацьбы. Але ж страшна...

Урэшце Выліваха згадзіўся і заявіў прафесару:

-- Я гатовы да санацыі.

-- Тады пачнем. – Дзелавіта сказаў прафесар і падключыў да Лявонавай галавы электроды. Бачучы Лявонава хваляваньне, суцішыў:

-- Не дрыжы ты, як асінавы ліст! Электроды дрэнна замацуюцца і тады мажлівы апёк мазгоў… Чаго палохаешся? Будзеш такім, як усе. Мы табе з галавы толькі сьмецьце прыбярэм, лішнюю памяць, непатрэбную любоў, вольналюбства. Станеш сапраўдным беларусам. Ну пабаліць галава некоторы час… абатрэшся з нашымі людзьмі і боль пройдзе. А потым стандартны курс рэабілітацыі пройдзеш

-- Які стандартны курс?

-- Гістарычны курс маладога савецкага байца.

А вось пачытай. – І прафесар даў Лявону аркушы з надрукаваным тэкстам, дзе апісваўся прагрэс чалавецтва з 1917 пад кіраўніцтвам кампартыі.

Скончыўшы чытаць, Лявон аддаў аркушы прафесару і адзначыў:

-- Трызненьні нейкія… Няўжо гэта праўда?

-- Час пакажа, а для твайго выжываньня гэта не толькі праўда, а і ісьціна.

Слухаючы прафесара, Лявон засынаў. Электроды, патрэскваючы, упрысківалі ў Лявонавы мазгі электраімпульсы і тыя сноўдалі па зьвілінах, вышчыкваючы залішнюю інфармацыю і, складваючы яе ў заплечнікі, каб утылізаваць яе на інфармацыйным сьметніку электроннай Мамы. На вызваленае ў мазгах месца клаліся адмысловыя яйки-словы пра сучасную гісторыю. Нараджаўся чарговы Новы беларус.

Пасьля сеансу прафесар спытаў:

-- Як пачуваецесь?

-- Галава баліць і сэрца.

-- Нічога, пройдзе. Як пасля пратэзаваньня зубоў. Табе душу выдралі, як гнілы зуб, а новую -- ўставілі, сталёвую душу савецкага чалавека. Ад старой пакінулі здольнасці чытаць у мазгах ідалаў і ўспаміны пра кожнае імгненне ўкрыжавання. Яскравыя ўспаміны. Яны табе -- як бізун над душой, на той выпадак, калі старое адродзіцца. А зараз пайшлі на іспыты.

На медкамісіі доктар спытаў:

-- Пра што думаеш?

-- Пра тое, як мага хутчэй атрымаць даведку на думаньне!

Імгненна адказаў Лявон.

-- Папаўся – Узбуджана паціраючы рукі ўсклікнуў доктар. – Спачатку трэба даведку атрымаць, а потым «пякучае жаданьне» адчуваць!

Лявон спалатнеў. А прафесар накінуўся на доктара:

-- Што ты здзекуешся з чалавека? Садыст. На гэтае жаданне даведка не патрэбна.

Лявон пранікся павагаю да прафесара, а доктар не здаваўся:

-- Мы мусім правесьці зь ім апошні тэст. «Гуканьне вясны». Паглядзім… на што яго душа адгукнецца…

Лявона паклалі на ложак. На галаву надзелі электроды і далі нешта выпіць. Лявон змагаўся са сном але не ўстояў. Апошняе, што пачуў, былі словы доктара: «Пераносім яго ў вясну 1986-га…»

Лявон апынуўся на мосьце над Нямігаю сярод узбуджаных дзяцюкоў. Пад імі на беразе юнакі і дзяўчаты ў прыгожых народных строях танчылі.

Аднекуль чуўся голас доктара:

-- Мы зьмяшчаем аб'ект у экстрэмальную сітуацыю, дзе ён мусіць зрабіць выбар. А мы на аснове яго выбара аценім яго характар. Паслухайце апісанне сытуацыі па пратаколах пракуратуры:

-- 20 красавік 1986 года. Паказаньні Андрэя Скітаева:

“Около 11.00 приехали наши ребята. Мы пошли к реке, где должен был происходить древний обряд “Гуканне вясны” Нас собралось человек 30, в основном девочки.

Мы начали петь белорусские обрядовые песни, водить хороводы… Тут я заметил, что на склоне у реки выстроились незнакомые парни, человек 70.

Мы водили хоровод. В центре стоял Минко Виктор с бумажной птицей в руках. В середину хоровода пробился незнакомый парень и сорвал с Виктора ленточку с белорусским орнаментом, потом вырвал из его рук птицу. Подбежали еще несколько парней. Виктора толкнули в толпу и там сразу начали бить.

Одновременно остальные парни начали сдирать у всех с голов ленточки, топтать ногами национальный орнамент… Многие из нападавших были пьяны, матерились.

Потом все пошли наверх, а я остался. Видел, как рвали нашу бумажную птицу – символ весны”.

Лявон немаведама як апынуўся сярод дзетак, струшчэліў нагамі папяровага птаха, уціскваў яго ашмёткі ў бруд і брудна лаяўся, абураючыся сам на сябе, і не мог спыніцца.

А доктар чытаў далей дакументы:

Наташа Белоокая:

”Мы спросили у них, что это значит, почему нас бьют, особенно мальчишек. Они говорили, что пришли из Афганистана, их собрали специально в горкоме комсомола для борьбы с фашистами, которые в этот день должны были отмечать день рождения Гитлера. Им сказали, что вначале молодежь будет петь белорусские песни, а потом кричать лозунги…

Мы стали объяснять, что мы не фашисты, а из художественной школы, что мы сюда приглашены. Это мы говорили на белорусском языке. “Говорите на русском, по-человечески давайте! – кричали они. – Еще одно слово на белорусском – и по реке поплывете!”

Лявон разам з аўганцамі ўзьняўся на мост і пільна глядзеў на дзяўчынку, якая ўкленчыўшы, моўчкі зьбірала скамячаныя стужкі. Яна зірнула ў Лявонавы вочы. Вельмі знаёмыя вочы глядзелі на яго без дакора. Толькі спачуваньне і пытаньне ўточвалі яны ў Лявонаву душу і ён пазнаў дзяўчынку, самлеў і ухапіўся за парэнчы.

Лявон ачуняў у ложку пад абыякавы голас, які дачытываў дакументы:

Из Прокуратуры БССР:

“…Установлено, что, пользуясь бесконтрольностью со стороны устроителей выставки и руководства школы, группа учащихся самостоятельно вышла на набережную реки Свислочь и начала водить хороводы, исполнять старинные белорусские песни о весне. В это время туда по собственной инициативе подошли бывшие воины ограниченного контингента советских войск в Афганистане для охраны общественного порядка. Увидев в руках учащихся деревянный крест и, изготовленный из грязного ватмана макет птицы, и, полагая, что молодежь отмечает день рождения Гитлера, они потребовали убрать указанную символику. Получив отказ, бывшие военнослужащие отняли крест и макет птицы, при этом во время потасовки некоторым учащимся были причинены ушибы”.

Доктар дачытаваў дакументы:

«Никто из избитых учеников не стал творцом, хотя все они подавали надежды».

Кіраўнік камісіі заключыў:

-- Годзен для страявой службы. Можаш прымаць прысягу.

Лявон нечакана для сябе раўкнуў:

-- Служу прэзыдэнту і ацечэству!

– І паставіў на Лявонавы паперы пячатку.

Кіраўнік камісіі паставіў пячатку.

У новай палаце, Выліваха агледзеўся. Гэта была двухпакаёўка са стандартнаю мэбляю. Псыхіятр ветліва спытаў:

-- Дарэчы, вы ў які ГОП уваходзіце?

Выліваха аўтаматычна адказаў:

-- Зьяўляюся сябрам аргкамітэта па стварэнню ГОП-ОП -- Государственного Общества Поддержки Обещаний Президента.

Сказаў і зьдзівіўся, бо не ведаў, што гэта такое.

Урач засьмяяўся:

-- Мы вам усю памяць выцерлі, зато нешта напісалі. Сьвята месца пуста не бывае! Напісалі самы неабходны мінімум, каб вы змаглі адаптавацца ў сучасным грамадстве. Скажам так джэнтельменскі набор сучаснага беларуса. Напрыклад, калі вас забяруць у міліцыю, так вы мусіце мовіць, як сучасны чалавек. Інакш упякуць у псіхушку і мы вас не знойдзем. І размаўляць вы зможаце на двух мовах: роднай і дзяржаўнай -- прэзыдэнскай трасянцы.

Лявон пагадзіўся, што гэта правільна і спытаў:

-- А вы сябра якога ГОП-а?

-- Адразу некалькіх. Але найперш Государственного Общества Поддержки всех Заведующих Верой в Завтрашний День -- ГОП-в-ЗавЗаД! Там кожны начальнік мусіць быць.

-- Салідна! -- ацаніў Выліваха.—І хто гэты ГОП прыдумаў?

-- Усё пачалося з навагодняга выступу яшчэ Першага Прэзідэнта:

“Давайте жить надеждой и оптимизмом. Давайте будем строителями этого оптимизма”.

Хутка стварылі Государственное Общество Строителей Оптимизма -- ГосСтройОпт Дарэчы, цябе мы туды запісалі. Так што не вешай нос. А заўтра ў нас будзе сур'ёзная размова аб тваёй будучыні.

Лявон спытаў:

-- Каб сурьёзна размаўляць, я мушу ведаць хаця б, дзе знаходжуся.

-- Гэта «Центр по Созданию і Поддержке Народной Любви к Президенту». Раней нацыяналісты тут вучылі гімназістаў любіць зьнікшую, віртуальную Радзіму. Гэткую беларускую атланціду.

Яшчэ раней тут месьцілася партшкола. У ёй рыхтавалі інструктароў па прывіцьцю любові да камунізма і яго важдзей. А таксама да народаў, якія таксама любяць камунізм. Гэтыя народы называлі брацкімі.

Цяпер у нас галоўны – Прэзыдэнт і галоўная любоў у душах мусіць быць да яго.

Прафесар пайшоў. Выліваха застаўся адзін і чытаў: “СТВАРАЕЦЦА ПРЭЗІДЭНЦКІ РУХ. “Советская Белоруссия” паведаміла пра ўтварэньне ініцыятыўнай групы “Комитета по поддержке президента”. Мяркуецца стварыць такія “комитеты” па ўсёй Беларусі. Афіцыйна ў якасьці ініцыятараў выступаюць вэтэранскія арганізацыі”

У другім пакоі стаяў пісьмовы стол з кампутарам.

Лявон дзівіўся зьменам. У пакой папрасіла дазволу зайсьці медсястра: «Трэба прыбраць і выцерці пыл». Сымпатычная дзяўчына глядзела на Лявона, як на суперзорку. Ён пацікавіўся чаму? Яна расказала:

-- Прэзыдэнт выдаў указы, якія цалкам супалі з вашымі. Вас спачатку палічылі за віжа, а потым перавялі ў інстытут стратэгічных дасьледаваньняў, у аддзел паранармальных зьяў. А прафесара, які назваў вас вар'ятам, ужо зьнялі з пасады і разам з групай урачоў, якія рагаталі з вашых і адпаведна прэзыдэнскіх указаў, паставілі ў “крыжы” -- за абразу Прэзыдэнтавых думак і пачалі “карміць”, як калісьці вас...

Выліваха зморшчыўся, успомніў свае турэмныя пакуты, і пашкадаваў урачоў:

-- І як гэта Бог церпіць такое паскудства? Чалавек -- ён жа Божы твор, і нікому не дадзена так зьдзекавацца зь яго.

Дзяўчына засьмяялася:

-- Ды які там зьдзек?! Яны, як толькі пачалі хлябтаць дзярмо, адразу закрычалі: “Спасибо горячо любимому Президенту за то, что можем хлебать своё г…!”, “Президент позволь нам одно! Хлебать твоё найчистейшее г…!”.

-- Яны, мусіць паварьяцелі!

-- Ды не!-- адказала дзяўчына. -- Яны выступілі с “обращением к интеллигенции страны” создать: Государственное Общество Поддержки Президентских ДерьмоХлёбов --ГосГОП-П-ДерьмоХлёб. Іх тут жа вызвалілі з турмы, далі дом каля палаца Прэзыдэнта і цэлы штат супрацоўнікаў. Бо, каб запісацца ў прэзыдэнцкія дзерьмахлёбы, выстраілася вялізная чарга.

-- Няўжо так многа? -- зьдзівіўся Лявон.

-- Ды не! Проста на ўсіх не хапае, і яны ў чарзе чакаюць. Каб трапіць у ГосГОП-П-ДерьмоХлёб кожны мусіў падпісаць заяву з асуджэннем апазыцыйнага гноя і клятву ніколі ў яго не ўступаць і не дазволіць апазіцыі уцягнуць сябе ў іх гной.

А загадчыкам нашага эксперыментальнага цэнтра зрабілі псіхіятра, які вас перавёў да сябе. І дзермахлёбы сталі нашымі канкурэнтамі. Наш цяперашні загадчык -- псіхіятр і былы загадчык, які стаў Галоўным Гаўнаедам, даказваюць у адміністрацыі Прэзыдэнта, чыя праца важнейшая, каму больш грошай трэба выдзяляць! А пра вас ходзяць чуткі, што Вы “прадказальнік”, якога паслаў прэзыдэнту Бог і бароніць. Бо ў крыжы Вы захлынуліся але не памерлі. І наш шэф хоча зрабіць на Вас карьеру.

Лявон узгадаў свае праэкты апошніх указаў і дэкрэтаў, якія пісаў для стварэньня адкрытага грамадзтва, шчырых думак і пачуцьцяў. Яму карціла паглядзець, як усё гэта ажыцьцяўляецца і ён спытаў:

-- А ці можна зараз паехаць да прэзыдэнскага палаца паглядзець на гэтую чаргу?

-- Вам выходзіць на вуліцу забаронена, але на тое і перашкоды, каб іх абмінаць. Пайшлі! Яны вылезлі праз вакно з падвала, што выходзіла на стадыён Дынама.

Іх Цэнтр быў недалёка ад прэзыдэнцкага палаца.


ПЕРАМОГА Ў БІТВЕ З ЗАХАДАМ ЗА АДКРЫЦЬЦЁ ГРАМАДЗТВА
Лявон і медсястра крочылі па галоўным прасьпекце да палаца, праходзячы па вуліцы праз дзьверы. Ходнікі праз кожных некалькі дзесяткаў метраў былі перагароджаны плотам, утвораным з дзьвярэй. І прайсьці наперад можна было толькі праз дзьвераплот. Адчыняючы чарговую, яна працягвала кантралёру дзьве дазваляльныя паперкі і яны праходзілі. На паперках былі знаёмые надпісы ФикМыЧу, ГосКомРазМова…

-- Іх ўтварылі пасьля пратэстаў апазыцыі і міжнароднай грамадзкасьці за тое, што на вуліцах краіны міліцыянты затрымлівалі тых, хто размаўляў на беларускай мове, зьбівалі ці саджалі ў пастарунак. – Тлумачыла дзяўчына. -- З таго часу ўтварылі «Госкомитет по Разрешению Разговоров на Мове» і пачалі жадаючым выдаваць даведкі. Даўшы даведку, чалавека фіксавалі, як патэнцыйнага апазыцыянера. Простыя людзі за даведкамі нікуды не пойдуць і адпаведна размаўляць на мове ня змогуць.

Да таго ж беларускамоўным дазволілі хадзіць па вуліцы і без даведак, але праз свае дзьверы. Іх зрабілі, зьняўшы пярэднія сьценкі з будак для сабак, з круглымі дзіркамі. Палкоўнік Задзюралін прыдумаў вакол дзірак намаляваць дзяржаўны герб. “Чтобы националисты проникали в самую суть государственной политики!” – Тлумачыў Задзюралін Лепшаму. І вось, ідучы па вуліцы, апазыцыянеры раз-пораз білі паклоны гярбу, прагіналіся, укленчвалі і па-сабачаму пралазілі праз яго сярэдзіну. А пакуль чалавек пралазіў праз дзірку, з рэпрадуктараў ў дзірцы трансляваўся дзяржаўны гімн, акаляючы беларускую душу. Па-сабачы беларускамоўныя апазыцыянеры былі змушаны хадзіць па прасьпекце і центральных вуліцах. А на ўскраінах ім можна хадзіць як і раней, выпрастаўшыся. Ім нават месца для мітынгаў і сходаў прызначылі на былым балоце – месцы для выгула сабак.

-- І што ўсе так ходзяць?

-- Не. Падзяліліся. Тыя, хто мог у любую дзірку пралезьці, ходзяць і ў укленчваюць. А тыя, што гонар маюць, у цэнтр не імкнуцца. Хтозамежныя гранты мае, там асобныя расходы піша на праход у даляравыя дзьверы.

-- Што гэта?

-- Праход за грошы, называецца “зялёная вуліца”, там за даляры дзверы заўжды адкрыты…

Рускія фашысты дзіркі для беларускамоўных пастаянна пэцкаюць дзёгцем і лязо ўторкваюць па краях дзіркі… ўлады глядзяць на гэта скрозь пальцы.

Толькі цяпер Лявон зразумеў, чаму па ходніках ішлі рэдкія прахожыя, нахіляючыся перад кожнай дзіркай, каб пралезьці, а высокія мужчыны дзеля гэтага мусілі ўкленчыць. Дагэтуль ён думаў, што гэта ці інваліды, ці вар'яты, альбо фанаты фізкультуры.

-- А дзе набралі столькі дзьвярэй? І чаму на некаторых эмблема хлопчыка, што сікае?

Спытаў Лявон, а сабе падумаў: «Калі пісаў праэкт указа з прэзыдэнцкіх мазгоў пра ўсталяваньне на ходніках дзьвярэй, думаў, што іх вытворчасць будуць доўга наладжваць і ўрэшце кінуць дурную справу».

Дзяўчына тлумачыла:

-- Дзверы здымалі з усіх прыбіральняў і апасля правяралі кожную кватэру. Грамадзяне па графіку прыносілі дзверы прыбіральняў, іх і ўсталёўвалі на вуліцы насупраць іх дамоў. Чынавенства адны дзверы з прыбіральні прывозіла на праспект, другія выстаўляла насупраць дома. Глядзі якія яны прыгожыя!

-- Як гэта адны, другія?

Спытаў Лявон.

-- Чынавенства ўсталявала ў сваіх прыбіральнях падвойныя дзверы, бо калі трэба было нешта сакрэтна абмеркаваць з калегам ці нават з апазіцыянерам, тады яны закрываліся ў прыбіральні ды яшчэ раз-пораз спускалі ваду, каб іх не падслухалі.

-- А чаму ўвогулле дзьверы з прыбіральняў здымалі?

Спытаў Лявон.

-- Гэты доўгая гісторыя. Першы Прэзідэнт усталёўваў дыктатарскі рэжым, знішчаючы грамадзянскую супольнасць. Калі ён знік, Захад ціснуў на Лепшага, каб той змяніў курс і будаваў адкрытае грамадства. Пры Першым Прэзідэнце вяршыняй адкрытасці лічылася, калі людзям даводзяць пра законы. Вось загаловак газеты «Звязда» за 1.10.2002 са слоў дырэктара Нацыянальнага цэнтра прававой інфармацыі Рэспублікі Беларусь Юлія Кашынскага:

«Лепшы доказ адкрытасци дзяржавы – свабодны доступ да яе прававых актаў”

-- Адкуль ведаеш?

-- Па гісторыі вучыла. Была ў школе выдатніцай.

Калі Захад даціснуў Лепшага, наладзіўшы яму блакаду, той зрабіў проста. Паабяцаў Захаду пачаць будаваць адкрытае грамадства, але паступова. Першым крокам вынес на рэферэндур пытанне: «Ці падтрымліваеце Вы будаўніцтва адкрытага грамадства метадам адкрытых дзвярэй?» Агітацыя была простай. Калі «ДА» тады Захад выдзеліць крэдыты на вытворчасць дзвярэй. 101% прагаласавалі станоўча. 100% -- гэта ўсе выбаршчыкі, а 1% гэта голас Лепшага.

Грошы атрымалі, але пусьцілі іх на павялічэньне паліцыі. І пачалася кампанія па фармаванні «Адкрытага грамадства» на першым этапе -- адкрыццём дзвярэй. Усе дзверы ў кватэрах жыхары змушаны былі пакідаць адкрытымі і каля кожнай спецслужбы выстаўлялі наглядчыка. Людзей агітавалі і тым, што міжнародныя тэрарысты апанавалі краіну і рыхтуюць напады на кватэры, бо ўзровень жыцця ў краіне самы высокі ў свеце, вось тэрарысты-жабракі з Заходніх жабрацкіх краін і збіраюцца помсціць.

-- А што апазыцыя? – Спытаў Лявон.

-- Спрабавалі пратэставаць. Але людзям давялі, што апазіцыянеры хочуць, каб дзверы на вуліцах не адкрываліся і тады ніхто і нікуды не змог бы дайсці. Жыццё б спынілася. А каб наладзіць вытворчасць новых дзвярэй на кожнага збіраліся ўвесці дзвярны падатак. Тады люді пазрывалі ў апазіцыянераў дзверы і выставілі на ходнікі. І пайшло…

Гэта была народная дзьверавая рэвалюцыя.

Каля дзвярэй на вуліцах усталявалі кантрольна-прапускныя пункты і блокпасты, каб зачыняць дзверы апазіцыянерам, якія турацца на шэсьці-мітынгі.

Цвярозым жыхарам спачатку было няёмка з адкрытымі дзвярыма. Але па тэлевізару кожны дзень паведамлялі, што больш не рабуюць кватэры і тады дзверы ў кватэры пачалі здымаць і выносіць на вуліцу і там усталёўваць. Апошнія песымісты здаліся пасля таго, як наглядчыкам даручылі выганяць з кватэраў пуцінскіх мух і дурные намеры, не прапускаць палюбоўніц і каханкаў.

Лявон, заціснуўшы сабе рот, скурчыўся і прасіпеў:

-- Мне даведку на смех... – Дзяўчына імгненна выпісала. Лявон зарагатаў. Калі сьцішыўся, патлумачыў:

-- Я ў захапленьні ад Вас! Такое прыдумаць! Ганаруся гумарам нашчадкаў!

Яна абурана зірнула на Лявона:

-- Гэта ж здзек над людзьмі! – І дакорліва дадала: -- А ты смяешся…

-- Які здзек?! Самі здымалі дзверы, самі выносілі і ўсталёўвалі…

Дзяўчына задумалася і працягвала расказ.

-- Калі наблізілася зіма, апазіцыя ўсчала лямант аб парушэнні правоў чалавека на цёплае жытло, праваабарончы вэрхал узняўся на Захадзе. Апазіцыя даводзіла, што былыя рабаўнікі кватэр падаліся ў няглядчыкі і, калі ўсе жыхары заходзяць з дому, дамушнікі крадуць маёмасць. Але ўлады супакоілі народ, давёўшы, што тыя, у каго нешта скралі, самі вінны, бо тое – скрадзенае не магло быць нажыта сумленна. Бо сумленная праца не дае мажлівасці набыць тое, што можна скрасці. Але незадавальненне расло.

І тады напярэдадні ацяпляльнага сезону Лепшы хуценька арганізаваў рэферэндур За закрыццё грамадства і пераканаўча перамог у рэферэндуме. Усе партыі і грамадскія аб'яднанні закрылі, апазіцыянераў таксама закрылі – пасадзілі ў турму. Але каб не сарваць працэс будаўніцтва «Адкрытага грамадства» і залагодзіць Захад, у кожную кватэру паставілі электроннага даглядчыка. Народ адзінагалосна падтрымаў. Усталявалі. Плацілі за электравіжа вядома ж самі грамадзяне, як і за лічыльнікі вады і чыстага паветра ў фортках.

З рэпрадуктараў гучаў голас Першага Прэзідэнта:

“Сегодня палец не проткнеш на проспектах Минска, невозможно проехать – иномарка на иномарке. Бедный народ белорусский! Бедные, нищие минчане! Так вот этих всех номера записывайте, приглашайте, и пусть помогают… Пожертвования со стороны всех, кто сегодня ходит, ползает, ездит на иномарках”.

Дзяўчына патлумачыла, што ідзе кампанія па выкананню чарговага запавету Першага Прэзідэнта.

Адразу пасля выступу рух на праспекце спынілі, запаліўшы на ўсіх светлафорах чырвонае святло і тысячы даішнікаў пабеглі паміж машынамі, перапісваючы нумары машын.

Але не гэта зьдзівіла Лявона. Побач з даляравымі дзвярыма праз найбольш шырокія шпарка крочылі асобы, якія ўвогульле нічога не давалі кантралёру. Над гэтымі дзьвярыма быў тэкст: «депутат парламента, представитель президента по Минску и Минской области А.Шпилевский:

«Теперь моя точка зрения будет совпадать с мнением главы государства. Если бы я придерживался иных взглядов, не было бы смысла приниматься за эту работу. Но, согласившись занять эту должность, я принимаю существующие правила игры. Так что, если у вас впредь будет необходимость ознакомиться с моей позицией по тому или иному вопросу, знайте – она совпадает с позицией главы государства. А с позицией главы государства можно ознакомиться в пресс-службе президента»

-- Няўжо беларускамоўныя задаволены такім сабачым станам?

Спытаў Лявон.

-- Ды не -- па-рознаму пратэстуюць.

Маладыя хлопцы з апазіцыі раз-пораз па начах такімі дзіркамі забіваюць усе дзьверы і тады, тыя хто спяшаецца і можа ісці праз нармальные дзверы з чалавечай прыбіральні, мусяць пралазіць, як беларускамоўныя, ці чакаць пакуль дзіркі павыбіваюць. Вось за гэта міліцыянты іх ненавідзяць. І як пачуюць дзе беларускую мову, адразу цягнуць у пастарунак.

Але самае страшнае, што некаторыя дзіркі, усталяваныя прэзідэнцкімі спецслужбамі, паглынаюць тых лідэраў апазіцыі, якія раней хадзілі праз прэзідэнскія дзверы і лідэры знікаюць…


ПЕРАМОГА Ў БІТВЕ ЗА ЧЭРГІ
Калі Лявон і медычная сястра прайшлі апошнія дзверы з парка і падыходзілі да прэзідэнскага палаца, да іх падбег міліцыянт:

-- Сюды нельга!

-- Дык мы ж ідзём у чаргу.

І Лявон паказаў на “змяю” з людзей, галава якой уваходзіла ў палац.

Міліцыянт недаверліва ўгледзеўся ў іхнія твары:

-- З вашымі пысамі зямлю араць ды гной растрасаць. Сюды толькі інтэлігенты ў капелюшах ідуць ды ў акулярах. Аднак жа нікому не забаронена... Ідзіце.

Лявон, убачыўшы чаргу, зніякавеў. Дзяўчына спужалася:

-- Табе дрэнна?

-- Амаль… Прыкра робіцца за беларусаў. Інтэлігенцыя ўсё ж. З іх прыклад бяруць

-- Не бядуй! З іх рэдка хто шчыра запісваецца. Яны ідуць за жыццёва неабходнай прывылеяй. Усе калгасы і саўгасы разваліліся. Скот парэзалі. Заробкі жабрацкія. І Мозг нацыі выжавае толькі за кошт лецішчаў. Гной стаў самым вялікім дэфіцытам. А членам ГОП-П-Дерьмохлёб выдаюць карткі на пазачарговае атрыманне гною. Яны ж усе з вёскі і кожны дачу мае. Хітрыя…

Яны падышлі да чаргі, калі з дзвярэй выйшаў чалавек, які ззяў ад шчасця. Над ім вісеў надпіс, выгравіраваны на вялізнай бронзавай шыльдзе:

"Интеллектуальные силы рабочих и крестьян растут и крепнут в борьбе за свержение буржуазии и её пособников, интеллигентиков, лакеев капитала, мнящих себя мозгом нации. На деле это не мозг, а говно..." (В.И Ленин)

Па чарзе пабегла пагалоска:

-- Гэты “Заслужанага…”, відаць, атрымаў. Ён столькіх з'еў, што мог бы без іспытаў уступаць. Хутка слопае самого старшыню ГОП-П-Дерьмохлёб.

І тут усе ўбачылі, як з-за прэзыдэнцкага палаца выехалі машыны з салдатамі. Сьмех аціх. З чаргі пачуліся воклічы: “Есть у нас крепкая власть!” Машыны спыніліся насупраць тэатра Янкі Купалы, што побач з рэзыдэнцыяй прэзыдэнта. Выліваха і медсястра хуценька спусьціліся ў метро і паехалі на базу. Аб тым, што адбывалася далей каля прэзыдэнцкага палаца, змаглі даведацца толькі з газет:

“Зьбірацца ў групы больш за тры чалавекі каля прэзідэнцкай рэзыдэнцыі небясьпечна!

Гэтую ісьціну адчулі на сабе акторы Акадэмічнага тэатра імя Янкі Купалы, калі сабраліся на першы пасьля летняга адпачынку сход. Звычайна на такім сходзе ідзе вольная гутарка пра тое, як працаваць у наступным сезоне, хто на якую ролю будзе прызначаны... А пачынаюць “тачыць лясы” яшчэ каля службовага ўваходу ў тэатр, дзе на лаўцы прызвычаіліся адпачываць курыльшчыкі. Надвор’е ў той дзень было добрае, і таму каля лаўкі сабралася чалавек дваццаць актораў – і знакамітых, і пачаткоўцаў. Кожную хвіліну да іх падыходзілі новыя знакамітасці, што выклікала ў стракатым натоўпе буру эмоцыяў. Відаць, з боку сапраўды магло падацца, што каля тэатра нешта насьпявае...

Неўзабаве каля тэатра спыніліся дзве машыны. У вялікай, з крытым кузавам, сядзелі пахмурыя амонаўцы, з вокнаў УАЗіка глядзелі афіцэры міліцыі, адзін з якіх выслізнуў на брук і пачаў асцярожнымі скокамі набліжацца да кампаніі актораў. “Разыходзьцеся! Чаго сабраліся? Ваш мітынг несанкцыянаваны, прэзідэнт вас не прыме!” – пачуўся добра пастаўлены голас, якому могуць пазайздросціць нават лепшыя “дыхалкі” у тэатры...”

І яшчэ адна падзея адбылася каля палаца, пасля таго як Выліваха з медсястрой пайшлі ад яго. Раптам чарга захвалявалася ад чуткі, што ўсім не хопіць. Чуліся рэплікі: “Это все оппозиция виновата: Из-за нее ни кредитов стране, ни даже навоза из-за рубежа не дают…” У гэты момант адбылося непрадбачанае:

“Роўна ў 12:00 Алесь Пушкін у традыцыйнай беларускай кашулі з’явіўся перад прэзідэнцкай рэзідэнцыяй з чырвонай тачкай і ў белых пальчатках. На тачцы сярод свежага гною ляжалі: святочны партрэт Лукашэнкі, плакат рэферэндуму “Прашу вашей поддержки” вернутая сімволіка БССР…Усё гэта было вывалена акурат перад галоўным уваходам у будынак адміністрацыі прэзідэнта, пасля чаго Пушкін урачыста віламі праткнуў выяву Лукашэнкі.”

Да хлопца падбеглі міліцыянты і кудысьці патурылі. Астатнія ахоўнікі аглядвалі рукі кожнага, хто праходзіў каля палаца і -- пад кашуляй.

Лявон з дзяўчынай хуценька спусьціліся ў мятро. Лявон ціхенька мармытаў: «Для павышэньня зацікаўленасьці ў службе ў спецворганах, трэба напісаць праэкт, каб далі мажлівасьць правяраць жанчын пад спадніцамі, …»


ПЕРАМОГА НАД ВЯРШЫНЯЙ АДКРЫТАСЬЦІ
У мятро дзяўчына прапанавала праехаць адзін прыпынак да плошчы Незалежнасьці і паглядзець на яшчэ адзін беларускі цуд.

Хутка яны былі ля ўвахода ў гарвыканкам. Стаяла чарга. Яна упіралася не ў дзьверы, а у дзяржаўны герб. На гербе, які Першы Прэзыдэнт зьмяніў у 1995-м годзе, абапал зямной кулі былі намаляваныя каласы, а пасярэдзіне пустая зямля з намаляванымі межамі Беларусі.

Нейкі чалавек у вайсковай спецвопратцы указкай паказваў у цэнтр зямной кулі і пытаў:

-- Што бачыце?

Першы ў чарзе спачатку глядзеў на дужых вайскоўцаў, на машыны з чырвоным крыжом.

Потым адказваў:

-- Бачу выяву Лепшага Прэзідэнта.

-- Праходзьце. Наступны!

Чарговы адказчык на пытаньне «указчыка» адказаў:

-- Нічога.

-- Паглядзіце ўважлівей! – Пагрозліва загадаў «указчык».

-- Да сляпы я!

Да яго падскочылі вайскоўцы, падхапілі пад рукі і патурылі ў машыну з чырвоным крыжом.

З чаргі чуліся галасы:

-- Шкада дзеда. Відаць з вёскі, дзе радыё няма і тэлевізара. Нічога яго доўга лячыць не будуць. Зато пасля лячэння без чаргі ў гарвыканкам завядуць…

-- Куды яго? – Спытаў Лявон.

-- У карэктавальню гербавага зроку. Там саджаюць у каменны мех з акенцам. Перыядычна акенца закрывае герб, як у ціры ўздымаецца мішэнь, і гучыць пытанне: “Каго бачыш?”. Калі хворы кажа, што нікога, ці некага іншага, тады герб апускаецца.

-- І што?

-- І нічога. Зусім нічога. Ні ежы хвораму, ні вывада ў прыбіральню.

І толькі, калі на ўзняты герб хворы “страляе” словамі: “Бачу Лепшага!”

Яго выпускаюць.

Лявон дакараў сябе за тое, што напісаў праэкт указа пра прапускную сістэму ў дзяржаўныя ўстановы метадам праверкі пільнасьці зроку. Спадзяваўся, што пасьля яго прыняцьця людзі перастануць хадзіць у вертыкаль. А яны ўсё ходзяць і самыя простыя і сумленныя пакутуюць… Дзяўчына тым часам тлумачыла Лявону:

-- Дзяржаўны герб па новай Лепшай Канстытуцыі самы дэмакратычны і самы адкрыты герб у сьвеце. Кожны грамадзянін можа бачыць у яго сярэдзіне якую хочаш асобу. Хоць самого сябе. А вось закрытым Лепшым Указам прадпісана бачыць усярэдзіне толькі Лепшага. Для рэалізацыі правільнага гербавага бачаньня была створана цэлая сістэма мер. Пачынаючы з дзіцячых садкоў немаўлят вучаць правільнаму гербаваму зроку таму у пакойчыках вісіць герб з выяваю Лепшага пасярэдзіне. У школах усе вучні знаюць хто пасярэдзине, як табліцу множаньня.

-- Нешта я не разумею. – Прыпыніў Яну Лявон. – Чаму б Лепшаму не вярнуць старажытны герб «Пагоня» і не напісаць у падручніках, што на кані ягоны продак?

А сабе падумаў: «Добры будзе праэкт Указа…»

Яна адказала:

-- Уяві, што людзі, якіх абсалютна не вучылі сапраўднай гісторыі, пачнуць называць яго нашчадкам конюха… А сапраўднай гісторыі у нас вучаць толькі высокіх кіруючых чыноўнікаў…

Нехта параіў герб пакінуць і ўнушаць людзям, што пасярэдзіне з рысаў межаў Беларусі праяўляецца выява Лепшага, бо ў будучыні яму будзе належаць уся зямная куля.

-- Няўжо няма выключэньняў? -- Спытаў Лявон – Такія рэжымы заўжды маюць выключэньні, ці прывілеі…

-- Ёсьць. Па-першае, для псіхічна хворых. Таму у нас усе апазіцыянеры маюць даведкі, што яны псіхі. Па-другое, выключэньні зроблены для закаханых. Калі яны ў сярэдзіне герба бачаць свайго каханага, ці каханую, ці Лепшага разам з каханай, такіх таксама прыроўніваюць да вар’ятаў і не лечаць. Але атрымаць даведку, што ты закаханы, вельмі цяжка. Трэба класьціся ў варьятню на паглыбленае даследаваньне разам з любай і там акрамя тэстаў за імі вядзецца кругласутачнае назіраньне… А сэксуальныя акты пішуцца на відэамагнітафон і потым на паседжаньні псіхіатрычнай камісі запісы праглядаюць і аналізуюць. Не шмат хто на такое пойдзе…

Такім чынам у дзяржаве практычна няма закаханых, акрамя вар’ятаў.

-- Няўжо апазыцыя не пратэстуе? – Спытаў Лявон.

-- Яшчэ як! На сьценах малююць герб, а ў сярэдзіне Лепшага, што ляжыць, ці сядзіць у труне. Тое ж самае расказваюць на камісіі, маючы даведку пра варьяцтва…

Такіх, калі спаймаюць на вуліцы, зьмяшчаюць на дзесяткі сутак за краты, а там кладуць…у труну. І не даюць ні адліць, ні да ветру схадзіць.

Перад тым, як вярнуцца ў цэнтр, Выліваха з медсястрой заехалі да дзеда і забралі футарал ад басэтлі.

На прахадной цэнтра, калі за імі зачынілся сталёвыя дзьверы, вартаўнік паведаміў: “З гэтага моманту ў Цэнтры варту ўзмацнілі, і ты, Лявон, ужо не зможаш выйсьці ў горад. Лявон зьбялеў так, што медсястра спалохана спытала:

-- Вам дрэнна? Чым дапамагчы? Што баліць?

Выліваха нічога не адказаў, бо не мог перажыць шок. Ён спадзяваўся, што будзе мець у Цэнтры рэжым, як у звычайнай бальніцы. Зможа выходзіць у горад, сустракацца зь кім захоча. А тут апынуўся, як у турме. Паставіўшы футарал у кут, задумаўся.

Калі кіраўнік цэнтра рабіў яму разнос за самаволку, Выліваха ўсьміхаўся быццам блазан. І калі той замаўчаў, Лявон спытаў:

-- І як мне цяпер трымацца? Што мне трэба рабіць?

-- Давай паразмаўляем, як мужчына з мужчынам. Ты чаго хочаш?

-- Я жадаю волі і каб мне вярнулі ўсю маю памяць. А ўсё астатняе я сам зраблю.

-- Вось і цудоўна. А мне трэба, каб ты сваімі здольнасцямі дапамог так умацаваць уладу Лепшага, каб яе не адабралі ні апазіцыя, ні ворагі з-за мяжы. Для гэтага ты мусіш дапамагаць Прэзідэнту пісаць Дэкрэты і Указы, сканіруючы яго мазгі.

Дапаможаш мне, я дапамагу табе вярнуць волю і тваю памяць. Згодзен?

-- Вы мне прапануеце каб я дабраахвотна хлябтаў дзярмо, толькі прэзыдэнцкае?

-- Хто ведае, можа, так табе Богам наканавана насёрбаць за ўсіх нас беларусаў і тады мы ўрэшце атрымаем волю, як габрэі…

-- Я дзе гарантыі? Я, напрыклад, зраблю сваё, а ты…

-- Калі ты не згодзен, тады маеш выбар:

1.Зноў апынуцца ў крыжы. Захлынуцца можа і не здолееш, а вось з крыжа ня выйдзеш...

2. Вычысцім табе з мазгоў абсалютна ўсё і выпусцім. Шнуркі завязывать не зможаш. Апраўляцца будзеш у штаны, як немаўлятка. У псіхушцы сваё жыццё і скончыш.

-- Магу падумаць?

-- Суткі. А калі ўцячэш, абвесьцім пошук як віжа. Тваё фота ўжо раздадзена міліцыянтам.

Наступным днём Лявон мусіў прыняць рашэньне.


ЛЯВОНАЎ ВЫБАР
Выбіраючы, Лявон разважаў: «Калі Лепшы на самой справе Найгоршы, якія б указы не даваліся, людзі яго раскусяць. Калі людзі падмануцца, тады яны хутка яшчэ больш узьненавідзяць прэзыдэнта і скінуць. Калі ён сілай утрымае ўладу, тады на яе свая сіла мусіць знайсьціся. А яшчэ ж ёсьць Бог, які ўсё бачыць…

А што магу я? А калі так дапамагчы, каб перамагчы? Нават пераўтварыць самога Лепшага…

Але ж для гэтага прыдзецца кожны дзень і ноч, кожнае імгненьне сканаваць прэзыдэнтавы мазгі. Жыць яго пачуцьцямі і нават іх зародкамі. Гэта як пад час дзермаўкрыжаваньня толькі ён мусіць запаўняць уладарным трызненьнем свае мазгі…

«Не! Не хачу! Не буду!» -- голасна сказаў сабе Лявон. Прыйшла палёгка, але ненадоўга. Забалела галава. Хацелася выпіць добрага віна і забыцца ў хмельным карагодзе думак. Але выпіўкі не было. Тым не меньш кружэлка з уяўленьняў хутка задурыла галаву. Лявон бачыў на кружэлцы сябе ў розных адсеках для катаваньня. Вось ён і сканаваны прэзыдэнтаў мозг, што набывае форму крыжа. Мазгавы крыж усмоктвае Лявонаву галаву, як удаў кроліка. Потым безьліч уладарных думак і пачуцьцяў танюткімі ніцямі ўпіліся ў Лявонавы мазгі і разам высмакталі зь яго ўласныя памкненьні…

У другім адсеку каруселі -- той жа прэзыдэнтаў мозгакрыж, увабраў Лявонаву галаву і касьцянее, сьцінуў яе да памераў нацельнага крыжыка, потым -- да кропкі, затым зьнішчыў і яе.

З гэтым мяжавалі ўяўленьні пра яго бездапаможны стан у вар'ятні.

Апасьля карусель выносіла бятонны крыж, амаль родны, як дом, як ложак і ненавісны да такой ступені, як успамін пра самы ганебны ўчынак, што ў яго нават пад страхам сьмерці не хочацца вяртацца.

Калі трызненьні выбару пакідалі Лявона, ён пакрысе накідваў тэзы праграмы:

«Людзі мусяць быць сытымі, мець дом, жонку дзяцей і шчасьце. І ўсё гэта мусіць даць прэзыдэнт. Калі не можа гэта даць, тады мусіць даць ілюзію, што ўсё гэта ёсьць, ці надзею, што хутка ўсё гэта будзе.

Супернікі таксама будуць абяцаць тое ж самае. Тады Лепшы мусіць даць значна больш таго. І цудоўнае надвор'е і добрыя ўраджаі. Быць усім за бацьку і маці. Разграміць усіх ворагаў і запалохаць нядобразычліўцаў народа. Выцерці кожнаму сьлёзы і падцерці сраку. Каб кожны хто жадаў, адчуваў цёплыя прэзыдэнтавы абдымкі, пацалункі і падарункі».

На сьцяне над кампутарам Выліваха павесіў плакат


“УСЯ ЎЛАДА НАД УСІМ ЛЕПШАМУ!”
Павесіў і падумаў: «Атрымліваецца, што Лепшы, каб перамагчы супернікаў, мусіць мець практычна Боскую ўладу. І Лепшага трэба падвесьці да гэтай думкі. Калі будзе сумневацца, падштурхнуць, калі занадта захопіцца, тады… тады… Ўсявышні правядзе падзел ўладаў…

Калі зайшоў псіхіатр, Лявон даў яму праграму ўмацаваньня найвышэйшай улады, паводле якой трэба было ўсталяваць уладу Лепшага над усім, што было ў краіне, грамадзтве, прыродзе.

-- І калі ўлада над нечым паслабне, -- тлумачыў Лявон, -- тады яна будзе трымацца на іншым. Нават калі ўсе людзі страцяць давер да Найвышэйшага, яго будуць падтрымліваць жывёлы, насякомыя і расьліны! Скажам, вываліць народ на пратэстную дэманстрацыю, а камары, авадні і восы іх пачнуць джаліць! І ўлада ўтрымаецца! Нават самы дэмакратычны рэферэндум можна правесьці, каб жывёлы, птушкі галасавалі, каб мурашкі і матылькі, камары, пацукі і прусакі мелі права голасу. І Лепшы пры гэтым сам асабліва нічога новага не выдумляе, а толькі выконвае запавет Першага Прэзыдэнта: «все процессы в обществе обуздать. Той 2003 год зьбіраўся зрабіць годам парадку на зямлі. Але нават сьметнікі з лясоў не змог прыбраць. А Лепшы працягне справу Першага Прэзыдэнта і дадасьць свае: навесьці парадак у паветры, а таксама ў галовах, душах і сэрцах. Нават мова патрэбна адзіная і кіруемая. Вось частка праэкта указа:

УКАЗ

О ЗАПРЭШЧЭННІ ЯЗЫКОВАГА АРУЖЫЯ

- Апрадзяліць, што злыя языкі страшнее пісталетав.

- Злаупатрабленне языкамі шчытаць стральбой.

- Злые языкі -- запраціць, балтлівым -- языкі прыкусіць, языкастых -- пасадзіць.

У мове оставить только слово “Бацька”.

С языка изъять слова РТР, ОРТ, НТВ, ввести слова Бэ-Тэ, Бэ-Тэ-эР, Бэ-Эм-Пэ, Бэ-э-э, Мэ-э-э, ни бэ, ни мя, только Президентское Имя.

А каб Прэзыдэнту дапамагалі, трэба стварыць прэзыдэнтавы партыі.

Прафесар цяжка ўздыхнуў:

-- Не выйдзе. Лепшы ўзяў прынцып Першага Прэзідэнта – ствараць толькі грамадскія арганізацыі. Пра партыі ён казаў:

“Зачем мне нужна партия? Кто в нее вступит? Подхалимы разные, тереться будут о президента – вдруг искра какая пойдет”.

Тады Лявон паказаў прафесару архіўны дакумент:

«С тех пор Президент, опираясь на волю белорусов, ведет отважное сражение с врагами Великого Государства, отражая бесчисленные атаки».

І прапанаваў:

-- Тады трэба стварыць з навукоўцаў, прафсаюзнікаў, журналістаў, пісьменьнікаў і паэтаў ваенізаваныя атрады.

Да таго ж неабходна сучасную гісторыю кіраваньня Лепшага пісаць ў стылі вайны. І кожны этап незалежна ад зьместу падзеяў мусіць быць апісаны як Бітва з адпаведнай перамогай. Напрыклад, Бітва Лепшага з ценямі і перамога над імі!

-- Як гэта?

-- Усе мусяць ведаць, што ніхто не можа кінуць цень на Прэзыдэнта. А хто наважыцца, той мусіць ведаць, што «хто да нас с ценям прыйдзе, той у цень і зыйдзе».

-- Як гэта? – Зноў зьдзівіўся прафесар. Куды зыйдзе?

-- Туды. У цень часу. Час мае такія пасткі, якія хаваюць людзей больш надзейна, чым турэмныя камеры.

Казаў гэта Лявон, а самога катавалі ўспаміны пра ўдзел у зьбіваньні моладзі на Нямізе.

Псіхіатр пагадзіўся на Вылівахаў праэкт. Але зноў задумаўся і спытаў:

-- Калі мусіць быць улада над усім, тады… і над смерцьцю? І над…над… Богам?

Цяпер задумаўся Лявон мармычучы:

-- Атрымліваецца так… Калі абсалютная ўлада, тады ўлада і над абсалютам…

Лепшы азнаёміўся з Лявонавым праектам і даў дабро. Праца закіпела. Кожны дзень Лявон выдаваў дзесяткі праектаў указаў, сканаваных і апрацаваных дзеля ўсталяваньня бязмежнай улады Лепшага. Першыя два указы прысвяціў чынавенству:

УКАЗ О КОНТРОЛЕ ЗА СЛЕДОВАНІЕМ ЛИНИИ

-- Для контроля за следованием линии, описанной Президентом всем чиновникам установить в туалетах струёметры.

УКАЗ О ВЫПРЯМЛЕНИИ ЛИНИИ

-- За уклонение от генеральной линии, описанной Президентом, применять членовыпрямитель.

Удержать стоимость спецоборудования из зарплат, пенсий, пособий, милостыни и взяток.

Праз некалькі дзён прафесар расказаў Лявону, што Лепшы доўга рагатаў з тых указаў і ўрэшце выдаў іх сакртэным чынам, давёўшы чынавенству пад распіску.

А праз некалькі дзён палкоўнік Залівалін запісаў у Кнігу «Аб Найцяжэйшых бітвах, Наймагутнейшай сіле, Найвялікшых перамогах і Найвышэйшых дасягненнях…» пра тое, як грамадзяне па ўласнай ініцыатыве і за свой кошт усталявалі ў прыбіральнях струёметры, ў ложках сэксометры і ў ва ўсім раўняліся на Прэзыдэнтавы ўзоры.

А палкоўнік Загібалін пісаў у Кнізе, што грамадзяне завалілі адміністрацыю лістамі з патрабаваньнем увечары па радыё і тэлебачанні перадаваць разам з прагнозам надвор'я афіцыйны прагноз Прэзыдэнтавых узораў і загібаў.


ВІРТУАЛЬНАЕ ЖЫЦЬЦЁ.
Лявон пакутаваў з-за таго што не меў права выходзіць за межы цэнтра. Ахова была моцная, нібы ў турме. Ежу ён меў добрую, але катавала няволя. Футарал жа мог яго выносіць ці толькі ў будучыню, ці ў мінулае. А вось у сучаснасьць не. Сканер дастаўляў інфармацыю з ідалавых мазгоў і інтэрнэта. Былі радыё, тэлевізар, газэты, а вось звычайнага жыцьця не хапала.

Гэта адбілася на выніках працы – пачаў памыляцца. Усё незадавальняла Лявона, ад усяго нерваваўся. Падлога ў яго пакоях была з пафарбаваных дошак. Настояў каб фарбу з дошак зьнялі, дошкі адшліфавалі і пакрылі лакам. Малюнакі, што прырода ўтварыла на дрэве, супакойвалі.

Калі яго шэф першы раз убачыў новую падлогу зарагатаў і пачаў кпіць з Лявона:

-- Да ты сэксуальны маньяк!

-- Чаму?

-- Табе прыемна глядзець на гэтую падлогу?

-- Да!

-- І хадзіць прыемна?

-- Вядома ж!

-- Дык вось… паглядзі на малюнак дрэва на дошках… Усе сучкі і кругі вакол іх -- гэта ж жаноцкія геніталіі! І ты па ім ходзіш…, глядзіш…

Лявон прыгледзеўся і войкнуў:

-- Сапраўды! Во як прырода малюе… Нават у дрэве жаноцкая пекнасьць закладзена…

-- Гэта ў цябе, Лявон, жаданьне да працягу рода закладзена! Трэба табе дапамагчы, гаротнік…

І шэф адкрыў дзьверы ў маленькі пакойчык памерам у турэмную камеру. Простыя ложак, стол, крэсла і намаляванае вакно нечым вабілі Лявона і ён зайшоў.

-- Табе будуць зайздросьціць каралі і прэзыдэнты, Бог і чорт, бо зажывеш, як ніхто яшчэ не жыў: будзеш жыць так, як пажадаеш!

Сказаў шэф.

Лявона цягнула ў крэсла. Сеў. Так утульна! Пацягнула да ложка. Выпрастаўся на ім і сон адразу прыплюшчыў вочы.

Прафесар з усьмешкаю глядзеў на пацыента на Лявонаў позірк, які спрабаваў нешта ўбачыць за намаляваным вакном.

Тут паўсюль умантаваныя электронныя платы часткі адзінага кампутара. І ў стале і ў столі, у ложку і ў падлозе. Нават лямпачкі скануюць тваю душу… Сама машына пад падлогаю. Усё тут здольна спасьцігнуць тваю душу і наталіць яе прагу. Нават намаляванае вакно!

Машына адскануе жаданьні і тых людзей, пра якіх ты будеш думаць. З гэтых пачуцьцяў і жаданьняў яна ўтворыць табе віртуальны сьвет. Моц пачуцьцяў там у шмат разоў мацнейшая, чым у жыцьці рэальным, як наркотых дзейнічае. Адзін наш канструктар, покуль рэгуляваў машыну, не захацеў выходзіць з віртуальнага жыцьця, а жыў адзін. Знайшлі яго мёртвым – памёр з голаду. Табе няма чаго баяцца. Новая мадэль мае прыладу, што сочыць за здароўем і сьмерці не дапусьціць. Да стварэньня “віртуальнага жыцьця” спрычыніўся сам Першы Прэзыдэнт. Вось паслухай, што ён казаў:

“Идет компьютеризация всей планеты. Кто это сделал? Кто это сделал? Да наши ребята советские, еще молодежь вот сейчас России и Беларуси, там очень много ребят наших, они создавали. 10--15 советских парней приехали и создали соответствующие программы и помогли на американские деньги это все создать, эту империю всю. Это талантливейший народ, который жил на этой части планеты”

Лявон спытаў:

-- А калі я засну ў пакойчыку і зьявіцца прыгажуня, тады дзетак таксама кампутар народзіць? Цікава… каго… машыну? чалавека? А мо кібарга… І як яны з-пад падлогі зьявяцца?…

-- Хто яго ведае… Канструктары казалі, што ў машыну закладзена праграма самаўдасканаленьня, што можа ствараць ўяўленьні максімальна набліжаныя да жыцьцёвых…

Кожны з нас мае ці меў у жыцьці свой пакойчык, дзе душа адпачывала. Дзе добра марылася, ці пісалася. Дзе кахалася і роспач зьнікала…

-- У мяне такое было ў пуні на сене. – Падхапіў Лявон. -- І апошні раз у бацькавай бібліятэцы…

-- А цяпер будзе ў гэтым пакойчыку.


“НЕВИДАННОЕ МИРУ” КАХАНЬНЕ.
Прафесар пайшоў.

Лявон сеў за стол.

У той жа момант Кашчавая, сочачы за Лявонам, прыладзіла ў мацярынскае плата кампутара “чып”, які мусіў зьмяніць праграму Лявонавага віртуальнага жыцьця. Кашчавая хацела пакінуць Лявона ў віртуальнай пастцы, каб ён не змог згуляць у “Русскую рулетку”

Лявона на імгненьне ахінула цемра і зноў вярнулась сьвятло і ён апынуўся ў рэдактарскім крэсле. Непакоіла толькі адно адчуванне: быццам замянілі галаву.

Зьдзівіўся: «За ўсё жыццё ніводнага радка не напісаў, а тут- пісьменьнік! Увогуле, што за дурата пісаць кнігі?! Хто іх чытае? Ніякая кніга не апіша таго, што бывае ў жыцьці – паперы не хопіць, каб усё апісаць, а чытачу часу, каб усё прачытаць. А як жа я буду пісаць, калі не майстар?»

Але Лявон спадзяваўся на сваю зухаватасць, дзякуючы якой, калі б кампутар занёс у крэсла Папы Рымскага, спакойна сеў бы.

Зьдзіўляў і рэдактарскі кабінэт. Стол завалены кнігамі і паперамі з надрукаванымі тэкстамі. Лявон выйшаў з кабінэта, прайшоў па калідоры, на вуліцу і ўпэўніўся, што будынак той жа самай псіхушкі. Толькі на ім вісела шыльда «Беларускі гуманітарны ліцэй».

Лявон вярнуўся ў кабінет і задуменна глядзеў на манітор кампутара, у якім зорачкі вадзілі карагод. Зорачкі згуртаваліся ў сярэдзіне манітора і ўтварылі дзявочы сілуэт. Ён павялічваўся і павольна набліжаўся да Лявона. Лявон задаволена адзначыў, што сілуэт падпарадкоўваецца яго позірку, які рабіў сілуэт маленькім ці павялічваў. А калі вобраз жанчыны, пераўзышоў межы манітора, Лявон знерухомеў.

Яна села проста перад ім на стале спінай да манітора так, што яе вострыя каленкі-зоркі ўткнуліся яму ў грудзі. Ветліва павіталася і спытала:

-- Што вы тут робіце?

-- Я прыбыў сюды з шаснаццатага стагодзьдзя гуляць у «Русскую рулетку» з гадаванцамі Кашчавай. Зараз рыхтуюся. Сканую мазгі ідалаў-прэзыдэнтаў Шклоўскага Ідала, ЛукаПШЫКА і Лепшага.

З кожным словам Лявон хваляваўся болей і болей і прыгажуня прыклала свой халодны палец да яго вуснаў:

-- Супакойся, мілы! Ты відаць вар’ят… якое чароўнае варьяцтва. Ну гэта нават класна. Мне так надакучылі нармальныя “любовнички”. Яны не маюць фантазіі. Сэкс ім патрэбен, як жывёлам. Я і не марыла пакахаць бязглуздага, а тут во лёс звёў! Сама я таксама з кампутара.

Лявон зьніякавеў і паспрабаваў змяніць сваю легенду:

-- Усё, што я сказаў, фрагмент кнігі. Я кнігу пішу… кнігу фантастычную.

Вочы прыгажуні запалалі яшчэ большай цікавасьцю і прагаю да Лявона:

-- Пра што?

-- Пра незямное каханьне. Пра тое, як яно ўзьнікае ў чалавечай душы і ў што ператвараецца… Як Бог, які дзеліць пароўну, даючы людзям каханьне, адных ім карае, а другіх -- узнагароджвае.

Сказаўшы так, Лявон зьдзівіўся з сябе і натхніўся, чытаючы далей:

“…І тады ў чаканьні кожную хвіліну сэрцам закаханага па чарзе валодаюць, Бог і д'ябл. Яна цалуе і лашчыць закаханага з мрояў. А калі закаханы, дасць Бог, праз яе стогн сьцерпіць д'яблаву спакусу і нават не дакранецца да яе рукі…»

Незнаёмка ўся пачырванела. Лявон бачыў чырвань яе цела праз празрыстую сукенку.

-- Як вас клічуць?

Спытаў Лявон

-- Ластаўка…

Адказала яна і, падпарадкоўваючыся яго позірку, пачала рэзкімі рухамі расшпільваць гузікі. Матылямі ад яе адляталі сукенка, блузка, спадніца. Апошнім адляцела пытанне:

-- Падабаюся?

Ён дакрануўся да яе пляча – хацеў упэўніцца, што не прывід. Холад апёк руку, а, прабегшы па ёй да сэрца, апёк яго полымям. Лявон глянуў на ключ у дзвярах, і ключ павярнуўся, зачыніўшы дзверы. Яго вусны асцярожна краналі яе зорную скуру і кожны дотык пакідаў на скуры расінкі з вуснаў.

-- Які ты пяшчотны, Лявон. Гэта нейкі цуд!..

...На экране ўключанага кампутара свяцілася застаўка -- зорнае неба. Зорачкі мільгацелі і ўцягваліся ў глыбіню экрана. Лявона закруціла, панесла.

-- Я запрашаю вас на зорны вальс. – выдыхнуў ён, цалуючы халодныя смочкі яе грудзей.

-- Я ўсё жыццё марыла пра зорны танец!

Лявон прытуліў яе грудзі да сваіх і адчуў боль свайго сэрца. Маленькая зорачка зь яе грудзей працяла яго пацэліла ў сэрца і сьцішылася ў ім. І яно затахтала часьцей.

Ён суцішыў яе пацалункам, дзёўбнуўшыся ў яе сухія вусны, і ледзь не самлеў ад смуроду часныка з цыбуляй і кіслай капусты. Кашчавая задаволена пацірала рукі -- чып дзейнічаў. Па яе меркаваньню менавіта гэты пах прыварожваў мужыкоў да прыгажунь.

Лявон ачуняў ад халодных рук на шыі. Сьцёгны ў зіхатлівых калготках апынуліся ў ягоных руках. Ён узьнёс кампутарную дзіву на пісьмовы стол побач з маніторам, над старонкамі рукапіса сваёй кнігі. І тэкст аддаўся ім.

Ластаўка адкінулася на стол і Лявон здзівіўся “быццам кніга раскрылася”. Як сляпыя чытаюць пальцамі, так Лявон прытуліў сваё цела да яе, чытаючы яе пачуцці і перадаючы свае.

Пульсары іх сэрцаў запаўнялі пакой, уцягваліся ў экран манітора, дзе разам з кампутарнымі зоркамі закручваліся ў зорную віхуру, што выцягвала іх з пакоя. І калі яны зліліся ў адну звышновую зорку, выбух скалануў і асляпіў...

Разарваныя чароўным выбухам, яны спакваля вярталіся ў пакой. Целы ўжо адчувалі зямны цяжар і гарачыню адно аднаго, а ў галовах буяла п’янкая віхура. І зоркі на экране, п'яныя ад волі, танчылі сьціскаючы роўныя кругі карагода.

-- Як мне цудоўна! Я шчаслівая! Можна зварьяцець ад шчасьця і ніколі ня вярнуцца назад у зорны карагод.

Іхнія целы затрымцелі. Ягоная далоня на двух пругкіх кумпячках адчула цёплы ўдар паветранага струменю, а вуха Кашчавай пацьвердзіла, што асалода зорнай багіні дайшла да апагею – зноў чып спрацаваў.

«Вось і ўсё каханьне…”, ледзь стрымліваючыся ад смеху, падумаў Лявон. І Кашчавая, зайздросцячы зорнай прыгажуне, пакутвала, што ніколі не зможа так узьляцець на вяршыню каханьня як узнёс зорную прыгажуню яе чып.

Калі яны канчаткова ачунялі, убачылі свае твары на старонках Лявонавай кніжкі паміж адбіткамі кампутарных зорачак. Радкі Лявонавай кнігі высьцілалі дно лужынкі, якую ўтварыў выбух іхняга шчасьлівага зліцьця. І кампутарныя зоркі глядзеліся ў гэтае адмысловае люстэрка, любуючыся сваім зіхаценьнем. А Кашчавая бачыла ў лужыцы яшчэ мільёны жывых зорачак, небачных чалавечаму воку.

Прыгажуня сарамліва адвяла позірк ад Лявонавай кнігі і сказала:

-- Адныя кнігі пішуць крывёю…

Лявон радасна падхапіў:

-- А маю -- піша каханьне… гэта пакуль лепшыя радкі ў маёй кнізе…

Лявон успомніў пуню, зорную ноч на Купалу, калі ў маладосьці разам з каханай лёталі ад зоркі да зоркі... А яна спытала:

-- Спадзяешся, што не апошнія?

Кашчавая, назіраючы за імі, пакутвала. Яна аж стагнала ад пякучага болю рэўнасьці і адначасова цешылася прадчуваньнямі. Бо калі Лявон застанецца ў віртуальным жыцці, тады яна выйграе «Рускую рулетку» і Лявон будзе змушаны навечна існаваць з ёй.

-- Ты такі прыгожы,-- пяшчотна сказала Ластаўка.

-- Я ведаю. Я заўжды падабаюся жанчынам. Шмат хто з іх хоча пазнаёміцца са мной, -- з адценьнем ганарлівасьці адказаў Лявон, прыгадаўшы сваю маладосьць.

Ластаўка спахмурнела і жорстка сказала:

-- І да мяне мужчыны часта заляцаюцца, а з мужам бывае не горай, чым з табой. І нават значна лепш! Ён мяне чакае. Дзяцей адправілі ў вёску да ягоных бацькоў і сёньня, відаць, мы правядзем ноч з асалодаю!

Лявон раззлаваўся і адкінуў яе руку. А яна, са штучнай абыякавасьцю прамовіла:

-- Бывай!

І імгненна паменьшылася, зьнікаючы ў зорным кампутарным карагодзе. Лявон паспрабаваў схапіць яе за плечы, і ў яго абдымках апынуўся манітор.

Лявон запісаў у сваю кнігу: «Каханьне – гэта жыцьцёвы выбух, які зьнішчае цябе, звычайнага, шэрага, замардаванага жыцьцём, расплішчваючы тваю абыякавую душу, як сьлімака. А потым нараджае цябе разам з новым сусьветам, дае ўзьнёслую душу, крылы якой нясуць цябе па-над абыдзённасьцю і ты дзівішся сам сабе і шчасьлівееш. І тады і Бог і д'ябл адначасова цягнуць тваю народжаную душу ў свой бок і разьдзіраюць яе на часткі да болю, які невыносны для чалавека».

Напісаўшы, Лявон у роспачы вярнуўся з віртуальнасьці ў сапраўднасьць – аналітычна-псіхіатрычны прэзыдэнскі цэнтр. Пачаў разьбіраць на стале газеты і кнігі. З пад папераў выбег доўгі прусак светла-рыжага колеру. Лявон стукнуў па ім газетай, але той бег зігзагамі і Лявонавы удары траплялі па кнігах, не чапляючы прыкрую істоту. Так прусак і знік пад паперамі. Лявон, злуючыся разбіраў кнігі, скінуў усё са стала, але прусак зьнік.

А Кашчавая злосна вырвала з кампутара свой «чып», раструшчэліла яго.

А Выліваха ўжо чытаў на экране сканера чарговы указ з Лепшых мазгоў.

УКАЗ

О ПОРТРЕТИЗАЦИИ ВСЕЙ СТРАНЫ

- Президентом опортретить все кабинеты,

- Квартиры, сортиры и туалеты;

- Опортретить все облака,

-

- І майку каждого дурака;

-

- частным домам приказать: печной дым из трубы выпускать – образом Президента - Курцам курить запретить, если Лепшым ликом не будут дымить!

-

І тут жа ў пакой зайшоў загадчык цэнтра.

-- Нашы справы дрэнь. Дзермахлёбы выступілі з заклікам да народа, каб кожны свядомы грамадзянін уступіў у іх арганізацыю, каб тым самым даказаць усяму свету, што Лепшы да таго ж найчысцейшы.

На прадпрыемствах, як заўжды ўсе пазапісваліся. Бо, па-першае, інакш заробак не дадуць, а па-другое, спадзяюцца, што як заўсёды будзе дзефіцыт і покуль начальства расхлябае дзермо, яно і скончыцца.

Дзермохлёбам выдзелілі ільвіную долю бюджетных грошай. Наш цэнтр пад пагрозай закрыцця. А цябе ў гэтым выпадку яны хочуць забраць да сябе і закарміць да перамогі. Бо ты на сёння самы небяспечны для іх. Давай думаць, што рабіць.

Лявон і радаваўся, што можа хутка ўсё скончыцца і не хацеў такога канца.

-- Ёсць ідэя! -- усхапіўся з крэсла Лявон. -- Калі інтэлігенцыя і начальства гатовыя лізаць яму задніцу, дык шмат хто з іх імкнецца дагадзіць кожнаму яго жаданню. І на гэтым зрабіць кар'еру! А ў нас ёсць магчымасць прадбачыць усе яго думкі! Давайце створым Государственное Гуманитарное Общество Поддержки Провидцев Указов Президента –ГосГОП-ПУП. Будзем запісваць усіх, хто яшчэ да прэзідэнтавых указаў пачаў прадбачліва выконваць іх.

Першым членам запішам аўтарку ліста ў газеце «Комсомольская правда»:

“Президент восстанавливает нашу счастливую жизнь, которая была у нас еще 10 лет назад”

Усё кіраўніцтва кінецца да нас, бо ім ўсё ж такі лепей глядзець у рот, чым лізаць зад, а кожны чыноўнік марыць стаць ГосПУПам. Масавасьць будзе забясьпечаная. А ў Лепшага якое жыцьцё пачнецца! Не трэба дэкрэтаў і ўказаў выдаваць. Толькі падумаў, а мы, як кіраўніцтва ГосГОП-ПУПа, -- ужо даводзім людзям і ўсе выконваюць!

-- Да ты геній! Выліваха... Давай зараз жа напішам “Зварот” і “Статут”!

Праз некалькі тыдняў ГосГОП-ПУП стала самай масавай арганізацыяй Беларусі. Зь яе Лепшы браў кадры і на вертыкаль, і на гарызанталь, і на тых, хто “косіць”, і хто даносіць.

А прыхільнікі Лепшага падзяліліся на дзве групы:

1. Хто глядзіць яму ў рот -- прадбачыць думак паварот;

2. Хто хоча лізнуць Лепшаму зад і кожнаму пшыку рад.

Былі і такія, што запісаліся адразу ў некалькі арганізацый і кожная суполка мела свой круглы значок. І ўсе людзі хадзілі па горадзе з такімі жэтонамі на грудзях: у цэнтры партрэт Лепшага а вакол назва. У многіх усе грудзі ў медалях, як у сабак-чэмпіёнаў.

Цяпер Лявон працаваў так напружана, як ніколі. Амаль не спаў, аналізуючы кожную думку ў галаве Лепшага.

Лявон радаваўся і ўзгадаў недзе чутае:

“Ідал смеху баіцца, як полымя вады, як усё жывое -- Смерці, як каханне -- прымусу, а свабода -- грашыма спакусы. Калі б усе людзі пачалі з ідала смяяцца, яго чары пачалі б разбурацца. Але тут патрэбна мець пачуццё гумару, якога ў нас няма. Замежныя краіны сваго гумару не пазычаць і грошай на гумар не дадуць”. Трэба яго гадаваць…

Выліваха, жартуючы, склаў праекты ўказаў, якімі цэнам забаранялася павышацца, і заўважыў, што нехта падключыўся да кампутара і відавочна чытае. Праз дзень усе ўказы са сканера выйшлі ў друку, і да яго завітаў псіхіятр:

-- Лявон! Усё, што ты запісаў, я перадаў наверх. Адразу пасля выхаду чарговых указаў, праекты якіх ты пісаў, наш цэнтр атрымаў статус прэзідэнскага. Нам выдзелена неабмяжаванае фінансаванне.

І, галоўнае, набліжаюцца бітвы Лепшага. Мы мусім яму дапамагчы перамагчы. Першай будзе бітва з «Белым аистом»!

-- Гэта што монстр такі? – Спытаў Лявон. Ці кібарг? Не з буслом жа ён біцца зьбіраецца?

-- Не. Гэта кодавая назва тэрарыстычнай аперацыі па звяржэнню Лепшага. У ёй звычайна задзейнічаны ўсе спецслужбы Захаду і ўнутраная апазіцыя. Гісторыя бітваў з “Белым аістам” пачынаецца з Першага Прэзідэнта. Яго ахова раскрыла аперацыю і 5 верасня 2001 года ў газеце “Советская Белоруссия» надрукавала падрабязнасці плана звяржэння Першага Прэзідэнта апазіцыйнымі белымі аістамі. Ён тады перамог усіх ворагаў і 9 верасня 2001 года -- у чарговы раз стаў Прэзідэнтам.

Лявон уважліва выслухаў і спытаў:

-- А якія яшчэ ў бліжэйшы час плануюцца бітвы?

-- За ўраджай, за паслухмянасьць, з карупцыяй, за любоў, з бюракратамі, з бязглуздасьцю, з ценямі…

Лявон перадаў прафесару чарговы ўказ, і той радасна пабег дакладваць наверх.


НЕБЯСЬПЕКА АД АД БУСЛОЎ І ПАСЛОЎ
У гэты час у Лепшым кабінэце ішла нарада. Сакратар саветаў бясьпекі -- Бясьпечныдакладваў:

-- “В четверг председатель комитета по безопасности росийской госдумы В. Илюхин сообщил, что прибывшие в Варшаву 18 офицеров ЦРУ собираются устроить в Беларуси беспорядков на 254 тысячы долларов...”

-- «Лидеры оппозиции рассчитывают, что после бомбардировок Югославии НАТО-вские самолеты нанесут бомбовые удары по резиденции А.Лукашенко»

Лепшы абурыўся:

-- Урагі в ачарадной раз правялі аперацыю "Горад наш" і захвацілі сваімі флагамі все высоты. Над нашай рэзідзенцыяй іх лазер малюе бел-чырвона-белы сцяг. А вы мне пра самалёты трындзіце!

Хваціт мне дурыць галаву. Эта народу па целеку дурыце. Народ нада держать в страхе. Чтобы даже ва сне станал: «Толька б не было вайны». А мне разузнайце на што Запад пусціт дзеньгі проців нас.

-- Мы даведалісь. – Адказаў Бясьпечны. -- Палякі плануюць паставіць на нашы рынкі сала з мяснымі пражілкамі па цане ў два разы ніжэй рынкавай. І праз жывот бел-чырвона-белым салам яны хочуць прапхнуць нацыяналізм у галовы нашых людзей.

-- Ну, сала я не баюсь. Его беларусам сколька не даш -- усё быстра сажруць, гарэлкай зап'юць. Беларусы -- сальная душа…

Што ешчо?

-- Амерыканцы выдзелілі грант на закупку аппазіцыяй лазераў двайнога прыз назначэння. Імі можна ўначы на небе сцягі рысаваць, а таксама сцены рэзаць.

-- Это уже серьезно. Надо лазеры із'яць, сцены укрепляць. Што дальше?

-- Французы выдзелілі грант на жаб, каб імі засыпаць усе паркі рэспублікі.

-- Пастой, пастой, а лягушак дзе яны столькі взялі? Мы жа сваіх усіх съелі ешчо в прошлам гаду... пасля ачарадной выйгранай бітвы за уражай… Можат, ані падпольные пітомнікі саздалі і там к атаке гатовілісь? Снова прамаргалі, празявалі?!

-- Да ў французов, з аднаго боку, як на ўсім загніваючым Захадзе перавытворчасць жаб, з другога -- салідарнасць з нашымі сацыял-дземакратамі і нацыяналістамі!

-- Пастой, пастой, прычом тут жабы?-- перапыніў Лепшы.-- Ты что, с ума сашол на барбе з эцімі нацыаналістамі?!

-- Да не! Яны плануюць, што за жабамі тысячы буслоў адусюль прылецяць, а яны бел-чырвона-белыя і абудзяць бусліную душу беларусаў. І тады людзі, як буслы, захочуць каб краіна была іх уласным домам пад Хрыстовымі колерамі.

-- Ну і што? Мы ж іх пастраляем на мяса і страну к выборам накормім!

-- У гэтым іх хітрасць: Мы ўсе боезапасы пастраляем, буслы схаваюцца ў Дразды на тэрыторыі заходніх рэзідэнцый, а па іх не стрэльнеш…

І нас НАТО голымі рукамі возьме…

-- Да… эта серьезна… Ох і каварэн этат Запад!

-- Думаць трэба.

-- Да што тут думаць, стралять! І па французским лягушкам, і па буслам, а па польскім свінням, і па лазернаму сцягу! Па пасольствам і сталіцам бахнуць!

Вон дзепутат Касцян правільна по радзіо заявіл, што “мы поставим ракеты нашему братскому народу из Югославии и они превратят в руины Берлин и Рим!

Крыху падумаўшы і супакоіўшыся Лепшы сказаў:

-- Страляць не будзем. Гэта мая мара… Яшчэ надыйдзе час… А зараз Першы указ:

Всей ахране метлы даць.

Лазера, птамаць, сагнаць!

Каб не песцілі буслоў

Выгнаць всех паслоў з Драздоў


ПЕРАМОГА НАД ПАСЛАМІ
Лепшы шмат у чым пераймаў вопыт Першага Прэзыдэнта. Ён засяліў замежных паслоў на тэрыторыю сваёй рэзідэнцыі ў Драздах, каб тыя зрабілі там рамонт, а ў зручны момант, каб узьняць свой рэйтынг, са скандалам адтуль паслоў выселіць. І момант настаў.

Але выселяць паслоў сілком не выпадала, бо мог выйсьці Лепшы міжнародны скандал. І тады Лепшы ва ўсіх дробязях паўтарыў аперацыю Першага Прэзыдэнта. Нават артыкулы ў газетах паўтараліся радок у радок.

Лявон чытаў і не верыў сваім вачам:

“РАЗГОРЕЛАСЬ КАНАЛИЗАЦИОННАЯ ВОЙНА”

«Вайна была арганізавана па ўсіх правілах ваеннага мастацтва. Спачатку з дыпламатамі заключылі дагавор аб арэндзе на некалькі год і тыя заплацілі за арэнду вялікія грошы. Пасля гэтага многія паслы зрабілі рамонт. Так амерыканцы заплацілі за рамонт сваёй рэзыдэнцыі 800 тыс. даляраў.

А ўжо пасля гэтага паслам сказалі, што трэба выехаць, бо неабходна адрамантаваць каналізацыю. Паслы адмовіліся, на што і разлічваў Лепшы».

“Послы не намерены сдаваться, и, даже если будут отключены электроэнергия, вода, и канализация, все равно из своих резиденций не выедут. Вот только как они туда попадут? Дорога-то, скорее всего, будет перекрыта автоматчиками.

Мировое сообщество еще не забыло, как белорусская противовоздушная оборона расстреляла воздушный шар с американскими аэронавтами”.

“... З 10 чэрвеня павінен быць спынены доступ транспартных сродкаў у дыпламатычны гарадок у Драздах, -- а якраз у гэты дзень да Д. Спехарда павінны прыехаць у госці ягоныя бацькі” .

Наступную атаку Лепшы правёў ашаламляльна. Аб’явіў усю тэрыторыю, дзе знаходзілася 22 рэзыдэнцыі замежных паслоў, сваёй рэзыдэнцыяй.

“...у сераду на ўездзе ў Дразды з’явілася шыльда: Рэзідэнцыя Лепшага Рэспублікі Беларусь. ...цяпер атрымліваецца, што паслы будуць фактычна гасцямі Рыгоравіча”.

“Раніцай, як звычайна, паслы выехалі з Драздоў на працу – у свае амбасады. А вось вярнуцца на абед ім не ўдалося: цэнтральны праезд у Дразды аказаўся перакопаны... завараныя былі вароты і на дадатковых ўездах. У свае рэзідэнцыі паслы дабіраліся хто як мог. Дэніэл Спекхард, амбасадар ЗША, пайшоў пешшу. Французскі пасол Бернар Фасье даехаў да рэзідэнцыі на веласіпедзе, які прадбачліва вазіў апошнія дні ў багажніку. Тыя, у каго не знайшлося пад рукой ні ровара, ні паветранага шара, развярнуліся і паехалі назад у Мінск...

Рэйсам авіякампаніі “Люфтганза” з Мінска адляцелі паслы Вялікабрытаніі, Германіі, ЗША, Японіі і іншых заходніх краінаў. А ў Мінск тым часам прыбываюць беларускія паслы”.

Скандал набываў палітычны характар, і тады прэзыдэнцкі бок патлумачыў сутнасьць праблемы: “Особенное неприятие вызывают у представителей власти МИД (Беларуси) намеки на политическую окраску скандала. По их мнению, не следует усматривать в проходящем большее, чем просто ремонт канализации и локальных очистных сооружений”.

Адказ з Еўропы выклікаў роспач у жонак чыноўнікаў Ускраіны Краіны Вялікай Мудрасьці.

“Краіны Еўрапейскага Саюза (15 дзяржаваў) прынялі рашэнне не выдаваць візы беларускім чыноўнікам. У “чорным спісе” першым стаіць Лепшы, а следам за ім яшчэ 130 персонаў”.


ПЕРАМОГА НАД БУСЛАМІ
Заставалася бусьліная пагроза. Лепшы пытаў Найбяспечнага:

-- Што ОМОН твой бездзельнічает? Рахі наелі на сале. Умінают, небось, не разглядывая, с уражаскими пражылкамі ці нет!

Кстаці сегодня у ніх разрешонный «Дзень волі», што апазіцыанеры задумалі?

Бясьпечны далажыў:

-- Деманстрацыю буслоў. Панясуць іх макеты на руках.

-- А што нам дзелаць?

-- То, што і Першы Прэзідэнт.

-- Раскажы.

Бясьпечны пачаў чытаць дакументы:

“После митинга трое витебчан мирно направились к резиденции главы государства, держа в руках огромных бумажных белых аистов с пораненными крыльями. И президентская охранка в очередной раз растерзала символ Беларуси: аистам рвали картонные крылья, ломали деревянные ноги, втаптывали милицейскими ботинками в грязь, окружающую резиденцию. Белорусов, несших этих прекрасных птиц символов, затолкали в милицейский воронок и этапировали в суд.”

“23 марта 1998 года судья Ленинского р-на г.Минска Терешкова Е.В. рассмотрела, материалы на МОРОЗ Юрия Геннадьевича, уроженца Витебска... 1967 Г. Р. Бориса Ханоновича, уроженца Витебска, 1948 г.р., ПЛЕЩЕНКО Владимира Григорьевича, 1948 г.р...

...Согласно протоколов от 22 марта 1998 г. №№ 8617, 8622 Мороз Ю.Г. с 14 часов 30 минут до 14 часов 40 минут принимал участие в несанкционированом пикетировании у здания Администрации Президента Беларуси в Минске по ул. Маркса-38, с целью выражения протеста против политики Президента Беларуси по объединению с Россией, при себе имел макет аиста с бело-красно-белыми лентами, привлекал к себе внимание граждан, на требование работников милиции прекратить пикет и разойтись не реагировал.”

У гэтым месцы Лепшы абурана прыпыніў Бясьпечнага:

-- Абнаглелі эці людзі! Ему прыказываюць: “Разайдзісь!”, а он не расходзіцца, і ешчо выступает за права чалавека і жывотных! Нет совесці…

Бясьпечны працягваў даклад з судовага пратакола:

-- “Хамайда виновным себя не признал и суду пояснил, что он был на санкционированном митинге в г. Минске 22.03.98 г. после окончания митинга он с товарищами по “Раде Выбор” решили подарить президенту РБ макеты аистов, вручив при этом письмо Мирона и стихотворение Бородулина. Сотрудники милиции не разрешили им это сделать, а предложили покинуть площадку перед зданием, т. к. это запретная зона.”

Лепшы спытаў:

Ну так што гэтым бусланосцам прысудзілі?

Бясьпечны зачытаў прысуд:

“...подвергнуть административному аресту на срок 10 суток... вещественное доказательство по делу – макет аиста – уничтожить. Постановление окончательное и обжалованию не подлежит...”

Лепшы узрадаваўся:

-- Унічтожыць -- эта па-нашаму, толька как унічтожыць... мне далажылі, что аістам атламалі крылья, ногі і галаву ешчо пры задзержанні... І в таком відзе оні в музее КГБ пад шклом лежат. В аддзеле барбы з тэрарыстамі.

-- Но раз лежат, значыць ногі і крылы могуць адрасці. А зараз мы іх спалім і попел па ветру растрасем.

Лепшыя вочы сьвяціліся ад шчасця. І, натхнёны пачутым, Лепшы сказаў:

-- Ну что мы все унічтожыць да разагнаць... Нада сазідаць! Немедленна гатовіць выступленне па целеку пра падгатоўку пакушэння на меня.

Разам з Бясьпечным яны да ночы разглядалі сцэнары пакушэння на Прэзыдэнта, каб людзі жахнуліся і яшчэ больш палюбілі Лепшага.

А раніцой ўсе гукі заглушылі жабавы песьні і ўсё неба над сталіцай закрылі бусьліныя крылы.

Буслы кружыліся над паркамі і не хацелі адлятаць, бо шмат вельмі смачных жаб на зямлі даволі эратычна з французскім шармам ды пранонсам сьпявалі.

Лепшы загадаў:

-- Для разгону птушак-нацыаналістов немедленна саздаць

«Буслиный Отряд Милиции Особага Назначэния --Дзеўбаки (БОМОН-Д)»

Наберыце туда из самых глухих вёсак недацёп усякіх.

УКАЗ

НАСТУПАЦЕЛЬНЫЙ

1. Всех лягушак растаптаць

Ды із пушак расстраляць.

2. Не цярая лішніх слов,

Перакрасіць всех буслов!

Седзячы ў сваім палацы Лепшы глядзеў па экран БТ на якім была застаўка пафарбаванага цалкам у белае бусла і гэта давала надзею на перамогу і над бусламі і над паэтамі.

На тэлеэкране з вайсковай часткі спецназа вырульвалі грузавікі з жаўнерамі. У руках жаўнеры трымалі цагліны. Дыктар паведамляў, што Лепшы галоўнакамандуючы аддаў загад элітным вайскам БОМОНДА спыніць агресію НАТА – нашэсьце напарфумленых жаб. Другім сюжэтам паказалі, як трэніруюцца спецназаўцы. Адны білі лобам цагліны. Другія цаглінамі – жаб. Трэція жаб за ногі раздзіралі напалам і глыталі.

Дыктар бадзёра абнадзейваў:

«Квакающие на беларуский парадак будут уничтожены в 24 часа!»

Па ўсіх парках горада байцы ў плямістай уніформе з крылцамі за плячыма і фуражках з брылём у форме доўгай дзюбы ганяліся за бусламі, размахваючы дубінкамі дзяўблі жаб па сьпінах, як і дэманстрантаў.

-- “Бомондістаў” рыхтавалі спецы па разгону дэманстрацый. -- Тлумачыў Бясьпечны Лепшаму.

Камандзір БОМОН-Да пастроіў байцоў кругамі і даў каманду“плі!”, і байцы залпам шпульнулі ў буслоў дручкі. Іх буслы падхапілі і панеслі сабе на гнёзды. Будматэр'ялаў з прылётам безьлічы птушак не хапала.

Лепшы адхіліў камандзіра і прызначыў Галоўнакамандуючым БОМОН-Да сябе. Выдаў Указ «Аб парадку на небе»: «Здзелаць тякушчы год – годам парадку над Зямлёй!

Потым па Лепшаму загаду ў рыбакоў канфіскавалі сеткі з грузіламі і ськінулі іх зь верталётаў на птушак. Яны накрылі сотні буслоў і сьцягнулі іх на зямлю.

Байцы запіхвалі буслоў у “казлы” і з выцьцём сірэн везьлі ў пастарунак. Прахожыя, што апынуліся побач з бусламі ў сетках, вызвалялі іх, і птушкі ўзмывалі за аблокі. Па тэлебачаньні тлумачылі, што жабы наладзілі несанкцыянаваныя сходы, буслы несанкцыянаваныя зьлёты і больш таго зацямнілі горад, чым вызвалі павышаную аварыйнасьць і дадатковы расход электрычнасьці.

Вось тут насельнікі сталіцы, больш палова якіх пераехала з вёскі, пачалі абурацца. Паўсюль: у транспарце, на працы, у больніцах людзі абмяркоўвалі бітвы Лепшага БОМОНДА з бусламі і шкадавалі птушак і жаб.

Лявон бачыў, што ў людзкіх душах нешта абуджаецца.

А ў ізалятары часовага затрыманьня дзяжурны міліцыянт, убачыўшы, як да яго заносяць птушак, пачаў праціраць вочы. Але мусіў “оформлять протоколы, ибо дело государственной важности, не терпит отлагательства и находится на контроле у самого президента”.

Пачуўшы магічныя словы, дзяжурны пачаў складаць паперы на затрыманых, але задумаўся, як буслоў называць і па якім артыкуле саджаць.

Яму даставілі Указ Галоўнакамандуючага БОМОН-Да:

Буслоў саджаць “За незаконнае перасячэнне мяжы!” “За незаконнае нашэнне незарэгістраванай сімволікі!” “За кантрабанду мяса і перьев”. «За парушэнне экалагічнай раўнавагі свету».

Калі да камеры баец вясковага выгляду панёс вядро з фарбай, дзяжурны не вытрымаў і спытаў:

-- І што вы зь імі носіцеся, як з пісанай торбай!? Адкруцілі б галаву ды ў суп!

Баец, а гэта быў Лявон, адказаў:

-- Нам за кожнага затрыманага бусла плацяць столькі, колькі вам за дзьвух дэманстрантаў, ды яшчэ “за вредность” і “покраску” даплата ідзе. Выезд на буслоў для нас -- як на лён у калгасе! А бусел, як карова-карміцелька...

А калі ж галовы буслам паскручваць, дык дзе ж тады працаваць? Як жыць? Ды і шкада птушак...

На дзюбцы ў кожнага Лявон пісаў лічбу “Бусел -- першы”, “Бусел --другі”... і ставіў птушак у камеру. Вось узяў на рукі маленькага бусьліка, як дзіцятка, і асьцярожна паставіў каля вядра з фарбаю. Калі падняў пэндзаль з зялёнай фарбай над белымі пёрамі птаха, той захваляваўся, пачаў варушыць нагамі ў наножніках, паспрабаваў расправіць крылы, уціснутыя кашуляй. Баец лагодна загадаў: «Спадар бусел-першы! Паводзьце сябе годна! Вы ж не верабей нейкі, а салідная птушка -- бацян! Хай жыве і пасецца беларуская птушка бацян!»

Азірнуўшыся на дзьверы і ўпэўніўшыся, што іх ніхто не бачыць і не чуе, ён пяшчотна пагладзіў бусла і зашаптаў: «Не хвалюйся, бусьлік. Я цябе не пакрыўджу. Фарба акварэльная – змыецца пасля першага дажджу і зноў будзеш, як зь яечка».

Супакойваючы бусла, Лявон дастаў з торбы жабу і паднёс да птушынай дзюбы:

-- Гэта наша з роднага балота, а не францужанка якая напарфумленая! Мы цябе ў крыўду не дамо – абаронім. Наш камандзір таксама зь вёскі. Гэта ён сказаў, каб вам зрабілі на ногі кайданкі з пластмасы, а кашулі - з чыстага лёну. Мая жонка цяжарная, і жонка майго сябра па атраду таксама. І сястра нядаўна выйшла замуж. Мы так чакаем дзіця, а калі цябе пакрыўдзяць – надоўга пасадзяць, ці заб'юць, хто ж тады прынясе нам немаўлят? Ці, не дай Бог, з-за таго, што вы тут седзіцё, народзяцца нашыя дзеткі не ў кашулі, а ў клетцы!? Ды з кайданкамі на ножках з кляпікамі ў роціках і затычкамі ў дупцы, каб ні пікнуць без указу, ні пшыкнуць без дэкрэту не маглі! Не будзе вас - не будзе ў нашым доме радасьці. Не хвалюйся, бусьлік, пасядзіш крыху і паляціш разам з сябрамі. А нанач, мы з хлопцамі вырашылі, застанемся вас ахоўваць.

Баец у дзіўнай уніформе з крыламі за сьпінай і брылём у форме дзюбкі пачаў фарбаваць бусла. Пры гэтым ён шаптаў на вуха бусьліку верш дзядзькі Рыгора “Сьмелы”:

Няма сумневу –
Ён даўно гатоў
Указ чарговы
Як заўсёды, сьмелы,
Што трэба
Перафарбаваць буслоў.
Бо кожны бусел
Бел-чырвона-белы.
Абураны бусьліны клёкат страсянуў сутарэньні турмы. Яго падтрымалі птахі ў камерах і па калідорах пабеглі даглядчыкі, грукаючы ключамі па кратах, заглушаючы бусьліны пратэст. Лявон ласкава прытуліў бусьляня і шапнуў яму: «Хутка будзе вам воля! Пацярпіце». Бусьлянятка зноў нешта клёкнуў і ўсе сьціхлі.

Пафарбаваўшы апошняга бусла, Лявон пасадзіў дзесятак птушак у камеры аўтатурмы на баку якой было напісана “Птушкафабрыка” і павез птушак на шпацыр у поле.

Там Лявон выпусьціў птушак, кажучы: “Мы вас хутка ізноў спаймаем. Але не хвалюйцеся, шкоды не зробім – ізноў выпусьцім! Нам жа за вас добра плоцяць! А заробку на харчы дзеткам не хапае…»

Лепшы таксама ведаў Рыгоравы дурноты, зайздросьціў паэтычнаму таленту і выношваў задуму перамагчы паэтаў.

Лепшы ўключыў тэлекамеры сачэньня за тэрыторыяй вакол палаца, патэлефанаваў у ахову палаца і спытаў, як там крумкачы? На экране бачыў, што па зялёным газоне хадзілі дворнікі, на лыжныя палкі наколвалі жаб і скідвалі іх у мяхі. Задаволена мармытаў: “Не будзе чаго есьці, дык і не прыляціце…” І толькі, калі пачуў даклад начальніка аховы, што ўсе жабы сабраныя і ўсе крумкачы вярнуліся са сьметнікаў сытыя і спакойна сьпяць у каштанах вакол палаца, заснуў за сталом чорным сном – нічога не сьніў. А вусны ў трызненьні шапталі: “Выслаць у эміграцыю всех, жаб… за німі у эміграцыю -- буслов… за німі апазіціанерав… всех недавольных в эміграцыю…»

Тэлефонны званок уварваўся ў Лепшы сон: заўхоз, спытаў дазволу атруціць і пастраляць крумкачоў. Бо тыя брудзілі еўраплітку, выкладзеную вакол палаца і галовы мінчукоў.

-- Нават апазіцыйныя газеты смяюцца над намі! -- тлумачыў ён Лепшаму і цытаваў: --“Они ночуют в каштанах и пушистых голубых елях, а засветло, всей стаей взлетают и исчезают в неизвестном направлении. Упаси вас Бог оказаться там в этот момент! В таких случаях я, схватив ребенка за воротник, набираю скорость и, уворачиваясь от небесных “бомб”, пересекаю дистанцию втрое быстрее обычного. Если заденут – не расстраиваюсь, а утешаю себя старой пословицей: “Хорошо, что коровы не летают”. Обычно в этом месте тротуар и парапеты приводят в порядок европейским манером – щетками, ветошью и порошком. Сколько ворон в Минске, не знает никто!”. (“Свободные новости”, 9-16.06. 2000).

Лепшы, не расплюшчваючы вачэй, папярэдзіў:

-- Крумкачов не трогай!

-- А калі Пуціну на галаву насеруць?

-- Перад Пуціным есць аправданне. Вот в Маскве возле Крамля стрелки пробавалі варон страляць і глядзі: “Снайперы начали отстрел ворон возле Кремля, но пули отскакивали от гнезд. Когда залезли в гнезда и оказалось, что вороны выложили дно своих гнезд золотыми пластинами с куполов церквей”. (НТВ, 27.06. 2000) . Скажу яму, што в чэсць інцэграціі нашы вароны прынеслі с Крамля залатыя пласціны і мы не можам пасягнуць на святое дзела інцэграціі – васстановлення всех разрушаных связей – даже вороніх! А заадно скажу, што дзенег на пулі не хватает – пусць падкінет са свайго бюджета.

Зайшоў Бясьпечны:

-- Усе буслы арыштаваны. Усе краіны Захаду прад'явілі нам ультыматум. Калі мы не выпусцім палітвязняў – буслоў, тады яны не ўпусцяць да сябе ніводнага нашага чыноўніка, уключаючы вас…

Праз хвіліну пачалося экстранае паседжаньне Савета Бясьпекі:

Заўхоз прапанаваў:

-- Прапаную абмяняць буслов на амерыканскіе акарачка.

Старшыня нацбанка падтрымаў:

-- Абмяняць – гэта правільна, але лепей на даляры.

Бясьпечны ўздыхнуў:

-- Мы ўсё гэта прапаноўвалі, а яны адмаўляюцца. Можа адпусцім?

Словы «атдавать», «атпускать», «атступать» раз'юшвалі Лепшага. І ён імгненна знайшоў выйсьце, прадыктаваўшы Указ:

-- Срочна на каждом доме пастроіць гнезда от Презідзента і пасадзіць туда буслов. А ізбірацелям я скромна заявлю, што Прэзідзент саздаёт умовы для шчасця в каждом доме. Заўхоз кінуўся да тэлефона званіць: «Срочна абрэзаць дрэвы. Арганізаваць субботнікі по уборке мусора. Веткі і хвораст доставіць на дахі…»

З гэтымі словамі Лепшы прачнуўся. Загады, якія ён аддаваў нават у сьне, выконваліся бездакорна, як і ўсё, што хацеў ці пра што марыў.

Генерал Задзяўбалін аддаў загад у гонар Найвялікшага дасягнення наладзіць салют галубамі і для паспяховай перамогі над усімі салютамі ўтварыць “Галубиный Атрад Милиции Особого Назначения” (ГАМОН).

Лявон чытаў аб тым як яшчэ Першы Прэзідэнт зарадзіў тую традыцыю:

“Па ўсім Брэсце ловяць галубоў. У адпаведнасці са сцэнарыем, падчас выступлення Презідента А.Лукашэнкі 23 чэрвеня яны будуць выпушчаны ў неба”.

Бясьпечны далажыў:

-- Прыляцелі дэлегацыі АБСЕ, Еўрапарламента і Савета Еўропы, і дзярждэпартамента ЗША, каб правесці маніторынг па захаванню ўладамі правоў чалавека, жывёл і птушак і незаконным продажы зброі.

-- Ну і што? Первый раз што лі?

-- На кожным доме краіны -- бусліныя гнёзды, ў іх па некалькі буслоў…

-- Вы што сума пасхадзілі?

-- Гэты ж ваш загад!

-- Мой? Вы звар’яцелі! Што ж рабіць… Патлумачце ім, “што на гэтым этапе дэмакратызацыі народ на рэферэндуме вырашыў забяспечыць кожнага бусла ўласным гняздом. І Прэзідэнт са сваёй камандай паспяхова выканалі наказ самага гуманнага ў свеце народа”.

А кстаці, чаму буслы сядзяць, а не ляцяць?

-- Буслоў з турмаў развезлі па дахах, рассаділі па гнёздах. Каб буслы не мяняліся месцамі і не паляцелі дадому кожнаму птаху далі імя, пашпарт і зрабілі прапіску.

-- Як гэта?

-- Мы іх прапісалі, прыкаваўшы кайданкамі да дахаў.

Міжнародная камісія адзначыла зрухі да Лепшага ў дэмакратызацыі рэспублікі. Але покуль толькі адносна захавання правоў адной нацыянальнай меньшасці -- буслоў.

Гэта радавала Лепшага і натхняла на чарговыя бітвы. Ён даўно марыў перамагчы паэтаў і рыхтаваўся да бітвы з імі. Лявонаў сканер фіксаваў паэтычны рэмікс Лепшага:

Указ падпісан.

Больш не трэба слоў.

Указ напісан белым-чырвона-белым,

“Да гнёздаў прыкаваць буслоў,

Бо кожны бусел стаў даволі сьмелым”.

Апошні радок Лепшы дапісваў у цемры. Выглянуў у вакно. Неба закрыла вялізарная хмара. Па тэлефоне і спытаў:

-- Будзе дождж?

Адказаў Бясьпечны:

-- Тое ўзляцелі буслы з кашамі. Байцы “БОМОН-Д”а, выконваючы загад “прыкаваць буслоў да дахаў”, прывязалі птушак да гнёздаў. І калі скончылася дзеяньне супакойваючых сродкаў, буслы ўзьляцелі…

Яны ляцелі дабудоўваць свае гнёзды.

Лявон бачыў, як у душах беларусаў, што сачылі за бусламі, адрастаюць крылы.

А Бясьпечны занатаваў сродак таннай супрацьпаветранай абароны і пабег дакладаць Лепшаму.

Лявон, адсканіраваўшы Лепшыя думкі, зарагатаў рукі трэсліся і ён ніяк не мог пачаць пісаць праэкт чарговага ўказа.

Урэшце сьцішыўся і запісаў указ, па якім жабам забаранялася “рактаць” і “кумкаць”, а ў школках вучыць жабак мясцовым словам. Жабам дазвалялася толькі квакаць. А тых жаб, якія размаўлялі, ужываючы словы “брэ-кэ-кэ-кэ-кс куакс-куакс” было загадана лічыць шпіёнамі і замежнымі діверсантамі-тэрарыстамі і давіць.

Праз некалькі дзён да Лявона зайшла рагочучы медсястра. Расказала, што пасьля выхаду жабінага ўказа каля вады сталі заўважаць людзей, якія падоўгу стаялі і прыслухоўваліся, потым званілі па сотавых тэлефонах, да іх імгненна прыезжала машына з байцамі спецназа ў плямістай вопратцы з аквалангамі і вадалазамі. Яны імкліва лезлі ў ваду, чуліся плёскат і мацюкі, воклічы: “Лаві яе! Трымай! Даві”. Пад раніцу машыны ад’язжалі, але вада разносіла новыя мацюкі, якімі рыбакі, слалі праклёны жабазнішчальнікам за мутную ваду і распалоханую рыбу.


МАЦІ
Лявону карцела запісаць аповед пра паляваньне на жаб. Паспрабаваў. Але нічога не выходзіла. Зайшоў у пакойчык, сеў за стол і, давячыся сьмехам пісаў

Пісаньне перарваў асьцярожны стук у дзьверы. Зайшла тая самая зорная прыгажуня, якая пакінула яго ў абдымках з маніторам. Але на гэты раз яна зьявілася асьцярожнымі крокамі і ў нерашучасьці спынілася ля самых дзьвярэй:

-- Тут прымаюць дзіцячыя працы на конкурс “Наш дом – Беларусь”?

Яна ні інтанацыяй, ні вачыма не паказвала, што яны ўжо знаёмы, вельмі блізка знаёмы. І Лявон прыняў гулью:

-- Тут! – Сказаў ён. – Што ў вас?

-- Работы маіх дачок. Вершы, малюнкі. Старэйшая піша, а малодшая малюе.

-- Давайце! Хочаце кавы?

-- Няёмка… -- Жанчына пераступіла з нагі на нагу і Лявон усхапіўся, узяў яе за руку і пасадзіў на сваё крэсла. Іншых у габінэце не было. Ён пачаў чытаць вершы і раз-пораз у захапленьні ўсклікваў:

-- Прыгожа! Добра піша…Малайчына! Раскажыце пра дачок…

Жанчына лагодна ўсьміхнулася і пачала расказ:

-- Старэйшая піша вершы. Я лаюся, калі піша ўначы, а яна плача, просіцца: “Мамуля! Не гасі сьвятло дай дапісаць… хоць пяць хвілін дай!” А сама пасьля яшчэ гадзіну піша.

-- А малодшая? – Спытаў Лявон.

Твар жанчыны папрыгажэў нейкай новай усьмешкай. І яна працягвала расказ:

-- Малюе. І сама такая прыгожая… Дзе на людзі не зьявімся, усе кажуць: “Што за лялька такая прыгожая? Як клічуць? А як на маці падобна!”

Відаць Бог мяне такімі дочкамі ўзнагародзіў… Калі б спатрэбілася, жыцьцё за іх аддала…

Але сёньня ў жыцьці так цяжка прабіцца. Паўсюль грошы патрэбны, ці сувязі. А некаторыя не саромеюцца і нават цела патрабуюць…

-- Дзякуй, што душу не хочуць браць! – Падхапіў узрушаны Лявон і хацеў яшчэ нешта дадаць, але яна з рашучасьцю на твары перапыніла:

-- Я б і душу аддала, толькі б дочкам дарогу адкрыць, каб іх талент раскрыўся…

Яны замаўчалі. Яна замілавана ўсьміхалася. Ён чамусьці ўспомніў сваю маці. Яна памерла, калі яму было пяць год і зараз быццам вярнулася ў абліччы гэтай незнаёмкі. Ён хацеў бясконца слухаць яе голас, напоўнены пяшчотай і любоўю і крыху рэўнаваў да дачок, якіх ніколі не бачыў.

Хутка рэўнасць да дочак зьмянілася ледзь не бацькоўскай любоўю да іх


БУСЬЛІНАЯ ПОМСТА
Вярнуўшыся ў сапраўднасьць – аналітычна-псіхіатрычны прэзыдэнцкі цэнтр Лявон пачаў чытаць назапашанае сканерам.

Бачыў, што Лепшы быў спакойны за абарону палаца з паветра, сьцены таксама зрабіў надзейныя. А вось абароненасьць зьнізу непакоіла. Ён загадаў праверыць сваю бясьпеку зьнізу. І хутка атрымаў даклады.

Першай чытаў дакладную запіску ад члена Славянскага сабора Белая Русь:

“Считаю, что систематические выезды в США председателя «Аб’яднанай Грамадзянскай Апазіцыі” (АГА) связаны с рытьем туннеля из США под ваш дворец и резиденцию. Ранее этим занимался Скразняк. Для этого он и сбежал за границу. Но он не смог точно направить копальщиков и его сменили на политиков так называемой новой волны. Подкопавшись, американцы либо пропустят через туннель спецназ и захватят Вас, либо устроят провал дворца и резиденции под землю, когда Вы будете спать…”

“Пахожэ на бред,-- разважаў Лепшы,-- Но пахожэ і на правду. Вон в 1945 амерыканцы пракапалі в Берліне таннэль к нашей мяжы і падслухалі тэлефонные размовы…”. І сейчас не случайна Кангрэсс США увелічыл фінансаванне аппазіцыі. Раньше амерыканцы давалі дзеньгі на семінары і фуршэты. Как хорошо было. Напьются апазіцыанеры на фуршэтах і брэдзят, што ані “Лепшыя і кіруюць” в вольнай дземакрацічнай стране. А цепер дзеньгі ідут неізвесна куда, как в прорву…”.

Пасьля ён пачаў чытаць дакладную Найбяспечага:

“У апазіцыі шмат геолагаў. Раней яны часта хадзілі на дэманстрацыі. А цяпер іх не бачна, как скрозь зямлю правалілісь! Яны казалі, што пад Мінскам шмат пячор. Мажліва яны капаюць пад палац?!”

“Нет это тоже бред, а вот Шклоўскі Ідал можэт! Ему выгадна подкапывацца з Невіданнага міру гасударства пад меня. Правалюсь і тагда он адзін будзет правіць в двух гасударствах. Можэт он і завербавал і аппазыцыю і маіх капальшчыкав?”

Хаця в этам есть класная ідзея! Нада аб'явіць ізбірацелям, што зніклыя лідзеры апазіцыі дзелалі пад меня падкоп і іх заваліла!

Лепшы, засынаючы, як муху адганяў успамін з дзяцінства, што калі пакрыўдзіць бусла, той можа падхапіць з вогнішча галавешку і прынесьці яе на дах крыўдзіцеля – падпаліць хату. З гэтым брат Сьмерці -- Сон прыняў Лепшага як роднага.

У Лепшы сон трапіў і Лявон.

Тысячы буслоў ляцелі з усіх бакоў да палаца і рэзыдэнцыі ў Драздах і несьлі галавешкі. Пікіравалі і кідалі іх на дах і пад сьцены. Хутка вогнішча з галавешак вырасла вышэй за будынкі… Ён, ратуючыся, палез у падвал-бомбасховішча. А тут голас Шклоўскага Ідала: “Гэта добра, што ты родных не забываеш… Але ў народзе кажуць, што два мядзьведзя ў адной бярлозе не сьпяць”. І з гэтымі словамі бомбасховішча пачало звужацца, набываць форму труны. Труна і голас Першага Прэзыдэнта выпрасталі яго.:

«Што такое Лукашенко в історіі? Это маленькая незаметная пылінка. І это дажэ не міг его деятельносці…»

Праз празрыстае дно труны ён бачыў у глыбіні пад сабой падобных на людзей істот. З іх ратоў струменіла. Прыгледзеўся да полымя-- беларуская мова! Словы ператвараліся ў лазерныя промні. Істоты, быццам фантастычныя дыназаўры-кібаргі, нетаропка хадзілі па крузе, разважалі пра тое, што Лукашэнка зьнішчае мову і за гэта яго Бог пакарае. Яны чыталі вершы і пераклады, а словы рэзалі глебу, расплаўлялі камяні. Глеба ляцела ў велізарны калодзеж-тунель пад палацам. Раз пораз зь іх ратоў выляталі адразу некалькі промняў. І раптам шуганула больш за дзесяць! Стала сьветла, як ад сонца і ён пазнаў Сёмуху і Баршчэўскага. “Так вот хто капаець! – злосна ўсклікнуў Лепшы і з крыўдай дадаў:

“Прыезжают эці пісьменнікі с Барщевскім в трудавые каллекцівы, скажут на матчынай мове два слова і начынают: “Дзяржава – калгас, а дырэктар у ёй Лука!”

Полымя наблізілася, зямная цьвердзь разверзлася і ён укленчыў і ськіраваў малітву да Бога: Пашкадуй паганаца! Не дай рыцару граба Гасподняга праваліцца ў ад! Агонь зьнік -- Зямля самкнула свае вусны і працягвала сьціскаць труну, памяньшяючы Лепшага да памераў немаўляці, і адначасова выціскала яе на паверхню. Як толькі труна вылезла з-пад зямлі, буслы сьпікіравалі на яе. Лепшы заплюшчыў вочы, закрычаў і цёплая вільгаць ахінула ногі.

Калі расплюшчыў вочы, зямля была далёка. Над ім вагаліся крылы, пад ім пасьвіліся каровы і набліжалася поле з маленькімі зялёнымі кулямі. «Капуста!» – пазнаў ён.

Бусел сеў і асьцярожна паставіў труну на капусны ліст, прытуліўшы яе да качана. Пагрукаў дзюбай па вечку труны, усьміхнуўся і ўзьляцеў.

А Лепшы пачуў галасы:

-- Пуста без яго жыць стала. Як і куды ён зьнік?

-- Адныя кажуць, што прэзыдзент пайшоў у народ. Так цары калісьці рабілі, каб лепей ведаць, што пра іх думаюць.

-- Не наш не такі, ён калі і пайшоў, то каб лепей даведацца якія ў нас праблемы. Пераапрануўся і пайшоў на біржу працы. Можа зараз з намі тут на полі вусеняў і зьбірае.

-- А калі і на самой справе зьнік?! Як жа мы цяпер без яго жыць будзем?

-- А можа і лепей. Ну ўжо гэтае поле і вусеняў у нас ніякае НАТА не адбяре. Хаця можа лепей каб і адабрала. У іх самалётаў нямерана. Вось дустам бы іх і пасыпала.

-- І нас заадно, каб не пакутвалі…

-- Цікава, а калі ён знойдзецца, што рабіць будзе?

-- Можа знойдзецца пабіты і хворы, тады -- на пенсію. Спрацаваўся бедны. Стараецца, а нічога не палучаецца.

Лепшы, паспрабаваў вылезьці, але толькі замахаў ручкамі і ножкамі і ад бясьсільля заплакаў:

-- «Я на пенсию не пайду – не выжыву!

Другі голас пярэчыў:

-- Не пойдзе ён на пенсію. Да сьмерці працаваць будзе. Нават калі яго апазіцыянеры сашлюць на пенсію, не пойдзе! Ён начальнікам жыць прывык…

-- Добра б было тады яго зноў да нас у калгас! Грошаў у яго нямерана…

Жах выціснуў енк з Лепшага рота:

-- Што вы думаеце, што я пайду за вас решаць вапросы праізводства малака мяса? Даіць кароў, карміць быкоу? Нет! Я ужэ свае аткарміл!»

«На селе працветают безатветственасць, разгільдзяйства, пьянства, варавство, халатнае атнашэніе к дзелу».

Галасы наблізіліся:

-- А зяць суседкі, добры хлопчык такі, адукаваны, ветлівы, толькі хворы на галаву, хвароба інцелігенція называецца… Ён і кажа, што ваш прэзідэнт – не чалавек, а ваўкалака, як князь Чарадзей. Толькі кажа: «Ваш прэзідэнт шалёны ваўкалака…»

-- А што… усё можа быць! Вунь у кожнай вёсцы кагосьці пакусалі. Дзе воўк, напаў, дзе ліс, нават шалёны вожык на дзетак накінуўся… Так толькі наш прэзідэнт шалее, калі не па яму выходзіць. Месяц таму глядзела целевізар, так ён так вачмі на Пуціна зыркаў, так зубы на яго шчэрыў, што здалося вось-вось накінецца і глотку перагрызе!

-- І я бачыла! Кажа: «Хачу на поле расійскае да вашых вайкоў і авечак! А вы гатовы?!» А Пуцін напалохаўся, кажа не-не..

Вокліч аглушыў яго:

-- Матка Боска! Што той бусел прынёс!

-- Труна! Празрыстая!

-- Глядзі! Ня можа быць! Прэзідэнт ляжыць…

-- Малюсенькі такі…

-- А касцюм дарагушчы! І мокры…

-- Не чапай! Можа то амерыканцы падкінулі. Схопіш, а ён выбухне! Цацка-бомба, як у Чачне… Трэба сапёраў зваць.

Лямант накрыў поле: «Прэзідэнт! Бомба! Мінёраў! Выбухне!

Лямант заглушыў вой сірэны. Ён убачыў вайсковы грузавік, матор якога навіс на ім, уявіў, як яго разьмініруюць і зганьбяць. І жах сораму скурчыў яго, сьпяпяліў труну, абярнуўшы яго вусенем. Ён імкліва хрумкаў капусту, уточваючыся ў сярэдзіну качана. А над ім стаялі безпрацоўныя, афіцэр, салдаты, аглушаныя нечуваным хрумканьнем.

-- Відаць жывая бомба… -- уцяміў афіцэр.

-- Кібарг-бомба… -- дадаў малады мінёр пасля інстытута. – Мяняе аблічча. То Прэзыдэнтам выглядае, каб да яе як мага больш людзей прыбегла, то вусенем маскіруецца. Відаць зараз выбухне.

-- Лажысь! – гаркнуў афіцэр. Усе плюхнуліся ў барозды.

Цішыню парушыў шорах рацыі:

-- Поле! Я дуб! Што у вас?

-- Афіцэр ціхенька прашаптаў:

-- Прэзідэнт у гробе! Залез у качан і сілкуецца біаэнергіяй для выбуху!

--У Птамаць! На кожным поле так! Усе заводы, все вуліцы і пад'езды прэзыдэнтам замініравалі…

Лепшы з качана закрычаў: «Я ненавижу вообще, когда… Вы где–нибудь найдите, чтобы в мой адрес кто–то сказал хорошее слово. Меня это сразу настораживает, если меня где–то кто–то похвалил. Я всем своим говорю, вы меня похвалите, когда я не буду Президентом, скажете спасибо. А сегодня вас много хвалить. Когда я у власти, тогда, знаете, нас всех хвалят. Мне все это чуждо. А почему, скажем так, Лукашенко везде много? Потому что я занимаюсь этими вопросами, потому что если в это время ты не вникнешь, то я не знаю…»

Хто ляжаў каля качана ўціснулі галовы ў плечы, а з рацыі неслася:

-- Біялагічную зброю ўжылі ды якую! Прэзідэнта кланіравалі! І цела і, відаць, яго дух. Уяўляеш як з яго характарам выбухне!? Чакаем ультыматуму ад… ад… невядома якіх тэрарыстаў. А можа з Крамля ці Вашынгтона…

Над полем затарахцеў шрубалёт. Рацыя запытала:

-- І да цябе журналісты лятуць?

Афіцэр зірнуў на гук. Са шрубалёта цэлілі тэлекамеры.

-- Так! Журналюгі-зьвяругі пікіруюць -- пажіву чуюць…

-- Яны паўсюль! Кіраўніцтва справамі бізнэс робіць. За добрыя грошы ім дазвол дае на здымкі.

Лепшы зьніякавеў. Ён уявіў як ягонае пачварнае аблічча пакажуць па ўсім сьвеце і закрычаў: “Средства массовой инфармации – это сегодня оружие массового поражения! Самое мощное. Это война, которая никогда не прекращалась!”

І набраўшы як мага больш паветра загадаў:

-- Я Ваш галоўнакамандуючы і Прэзідэнт загадваю: “Збіць журналістаў!”

З гэтымі словамі яго цела выбухнула, разляцелася асколкамі з указаў, што траплялі ў кожнага чалавека краіны нават у немаўляці.

Лявон бачыў, як асколкі склалілся ў Лепшае цела, якое ўселася за стол. Там ляжалі Лявонавы праэкты ўказаў пра ўтварэньне пры лечкамісіі аддзяленьня

«Па Вытворчасці Прэзідэнскіх Аптымістычных Сноў» (ВЫПАС) і Лявонаў праэкт соннага Дэкрэта для ўсіх жыхароў краіны:

УКАЗ

О семейной декларации.

1. Кожны жыхар пад'езда мусiць да 22-00 зрабіць старшаму афiцэру справаздачу: дзе быў, што рабiў, з кiм сустракаўся, пра што гаварыў, з чаго i з каго смяяўся, на што i на каго злаваўся.

2. Ранiцай кожны мусiць здаць дэкларацыю аб сваiх паводзiнах уначы. Пераказаць змест сноў. Пералiчыць колькасць пацалункаў і дакладна ўказаць, у якое месца i якой якасці.

3. Суложнікі абавязаныя уважліва падгледзець сны адзiн на аднаго i апiсаць свае назiраннi, падлiчыць колькасць цяжкiх уздыхаў адзiн аднаго, воклiчаў i аб кожным зрабiць падрабязную справаздачу.

Форма дэкларацыi -- "добрасусецкая". Усе абавязаныя пiсаць пра суседзяў. Куды тыя ходзяць i хто да iх прыходзiць. Што прыносяць i што выносяць. Пра што размаўляюць, што чытаецца ў iх позiрку, на што заплюшчваюць вочы. Што ядуць, што п'юць, чым да ветру ходзяць. Чым дыхаюць і ці падабаецца Лепшае паветра.

У дадатку да Дэкрэта Лявон апісаў яго выкарыстаньне:

Каля дзьвярэй пад'езда, як вартавы на пасту, мусіць стаяць чалавек у вайсковай форме -- камандзір пад'езднай вертыкалі. Ёго абавязак даводзіць Указы Лепшага да членаў кожнай сям'і -- праз командзіра сям'і.


ПРАВЫ МУЖА
Калі за вокнамі стала цёмна, Лявон зайшоў у пакойчык.

Кашчавая да таго часу вычытала ў часопісе для жанчын, што некаторыя мужчыны любяць глядзець сцэны згвалтаваньня, пасля якіх яны імкнуцца да згвалтаваных і адчуваюць мацнейшае каханьне. А каб Лявон не вярнуўся, Кашчавая ўсталявала ў кампутар мадэрнізаваны чып.

Лявон трапіў за свой рэдактарскі стол. Карцела пабачыць Ластаўку і Лявон уключыў кампутар. Убачыў, што яна толькі пачала засынаць і чытаў яе думкі. Ластаўка кляла сябе, называла дурніцаю, дакарала:

«Навошта хлусіла?! За што Лявона пакутаваць прымусіла, і сябе…» Пра Выліваху думалася цёпла і ўзьнёсла, пра мужа не хацелася думаць увогуле. Яго яшчэ не было. Раніцай бачыліся, і ўсё.

Ластаўка толькі заснула. Толькі ўбачыла ўсьмешку каханага, як пачула стук у дзьверы. Сканер тут жа перадаў гэты стук.

“Не пайду адчыняць, -- падумала Ластаўка.-- Хопіць. Ні ў што мяне не ставіць, быццам прыслуга якая”. Стук мацнеў, яна накрылася з галавой. Ад моцнага грукату аж падскочыла ў ложку, выбегла на калідор. Дзьверы вылецелі, як аркуш паперы і па іх крочыў муж:

--Ах ты, блядская сука! Открывать не хочешь! -- крычаў ён п’яным голасам.-- Забыла, что я твой законный муж! Пока меня нет дома, ты не спать должна, а хозяйством заниматься!

Ластаўка абурылася:

-- Які ты муж?! Ты алкаш! Паглядзі на сябе збоку!

Лявон бачыў у мужавым абліччы нейкія знаёмыя рысы. А той крычаў:

-- Так вот как ты меня любишь?! Как деньги зарабатывать, так я не алкаш, а как з друзьями отдохнул после работы с этими дебилами-учениками, так сразу и алкаш!

З прагалу выбітых дзьвярэй цягнула халодным скразьняком. Ён халадзіў босыя Ластаўчыны ногі і твар. Толькі плечы грэла накінутая коўдра. Лявон таксама адчуваў подых холаду. І яшчэ ледзяніла душу.

Ластаўка, абураная хамствам мужа, не стрымалася:

--О Боже! Лявон!

-- Какой еще Лявон? Сколько их у тебя было? Сотни! Ты проститутка! Подумай о семье, о детях!

Выліваха зьдзівіўся і ўзрадваўся: “Кахае!”

Муж схапіў Ластаўку за руку і пацягнуў да ложка. Яна супраціўлялася, ён штурхнуў яе каленам, і яна, праляцеўшы ложак, стукнулася галавой аб сьцяну.

-- Што ты робіш, вар’ят, я ж хворая, мне цяпер нельга, урач забараніла! -- крычала Ластаўка.

-- Я пока что твой муж, а ты моя жена и должна выполнять свой супружеский долг...

Кашчавая падкруціла рэгулятар інтэнсіўнасьці на чыпе і муж над Ластаўкай запыхцеў і ўспацеў так, што кроплі поту паляцелі на яе голую сьпіну.

Ён раз пораз хрыпеў:

-- “Што х… большого захотелось!?

У Ластаўкі ўнутры ўсё гарэла. Яе крык аглушыў Лявона.

У чыпе нешта хруснула і муж імгненна адваліўся і захроп.

А Лявон, сціснуўшы кулакі, машынальна чытаў у сканеры:

"...Когда мне Тесовец со слезами на глазах позвонил около 12 ночи и сказал: Александр Григорьевич, не получается по-хорошему! Повынимали ножи, достали лезвия. Первое говорят, вскрываем вены, отрезаем себе головы, и вас повырезаем, кровью зальем здесь все. Ну, извините, -- такие угрозы в резиденции Президента это уж слишком! ...депутаты это граждане Республики Беларусь, которым не позволено нарушать порядок в резиденции Президента. Пришли сюда, отработали, сухо, чисто, тепло, убрано – будьте добры после работы идти домой отдыхать. Поэтому мы покажем народу эту пленку и не только эту." (Тлумачэнні А. Лукашенкі пасля збівання дэпутатаў апазіцыі ў зале пасяджэнняў Вярхоўнага Савета; стэнаграма дзевяноста шостага пасяджэння сесіі Вярхоўнага Савета Рэспублікі Беларусь. Серада, 12.04.1995,16-00).

Зранку Ластаўка з мужам не сказалі ні слова. Муж раз-пораз забягаў у ванну і там ванітаваў, Ластаўку ўсю калаціла. Калі ён сказаў, што трэба ехаць у вёску да яго бацькоў працаваць, яна, нічога не кажучы, пачала зьбірацца. Ёй цяпер было ўсё роўна, што рабіць, куды ехаць... Толькі б да яе не дакранаўся...

Лявон адчуваў сябе брыдка ад бачанага, і ад недарэчнай радасьці, што Ластаўка пасьля згвалтаваньня наблізіцца да яго. Не давала спакою і сумненьне: «Што, калі яна зьмірыцца са станам пакутніцы?»

Знаходзіцца ў віртуальным жыцьці Лявон больш не мог і кампутар даставіў яго ў сапраўднасьць.

А Кашчавая, разьюшаная няўдалаю спробаю затрымаць назаўжды Лявона ў віртуальнасьці, пашкамутала сэксуальны часопіс Ар-хэ і паляцела па яго рэдактара.


АХВЯРА
Лявон толькі вярнуўся з віртуальнасьці, як адразу захацеў назад.

Пазваніў Ластаўцы і прачытаў свой верш пра каханьне.

-- Як прыгожа! Я так хацела, каб ты пазваніў! Уначы твае тэлефанаваньні сьніла. А я табе пра другую любоў раскажу:

-- Муж у школе паставіў аднаго вучня ў кут стаяць на адной назе. На другую паставіў урну і прыгразіў: калі урна ўпадзе, дык адлупцуе.

-- Яго са школы гнаць трэба, -- абурыўся Лявон.

Не выганіш. Ён у розные ГОПы ўваходзіць. А калі я зь ім спрачаюсь, ён мяне апазіцыянеркай называе і цытуе Першага Прэзыдэнта:

«Меня очень настораживает и волнует проблема, когда, видите ли, и в школе появляются оппозиционеры и сторонники существующей власти и народа беларуского. Не допустите этого. Не должно быть, дорогие мои, этого. Вы гробите учащихся. Вы им, особено опозиционно настроенные преподаватели, вбрасываете в этом возрасте, когда человек очень усваивает любую идею, слишком много негативного, и, приходя в ВУЗы, он сразу транзитом выходит сюда на проспект и начинает бить окна и переворачивать автомобили...”

Ластаўка працягвала:

-- А ўчора дачка камусьці ліст пісала, дык муж усё хадзіў вакол яе і заглядваў. Дачка затульвала ліст рукой. А ён аж шалеў. І калі Вольга яму сказала, што гэта яе асабістая справа, што пісаць і камупісаць, ён закрычаў: “Я не только буду читать все твои письма, я буду контролировать все твои мысли и чувства! Ты ничего от меня не скроешь!”

Лявон раззлаваўся і голас загучаў металам:

-- Як з падрыхтоўкай у асьпірантуру? Дакументы рыхтуеш? Падручнікі чытаеш?

-- Пакрысе. Не вельмі ўпэўненая, што атрымаецца: страшна нешта ў жыцьці мяняць... Ды і клопат іншы. Заўтра мой дзень нараджэньня .

-- Тады давай сустрэнемся сёньня...

-- А раптам муж прыйдзе?

-- Ён што, як жывёла ўсё адчувае?

-- Бывае…

Няўпэўнена адказала Ластаўка і дадала:

-- Прыезжай…

Калі Лявон зайшоў у чытальную залу, адразу ўбачыў, што непадалёку ад Ластаўкі сядзіць мужчына вельмі падобны на мужа с фотаздымка. «Ён і ёсьць», -- здагадаўся Лявон. Хваляваньне ўзмацнілася. Лявон, імкнучыся пазбегнуць скандалу, зрабіў выгляд звычайнага наведвальніка і папрасіў газэту. Так Лявон апынуўся непадалёку ад Ластаўкі з мужам у зале для навукоўцаў. Некалькі гадзін чытаў газеты, покуль усе разышліся.

Муж на кожнага студэнта і выкладчыка глядзеў як на пачвару. Калі чытач выходзіў з кнігай ён пытаў: “Ему сейчас в морду дать или позже? І дадаваў: “Может сама скажешь кто из мужчин и зале он?” Ластаўка засьмяялася, а муж хадзіў па зале і ўглядваўся ў твар кожнага хлопца. А калі ўсе пайшлі, зачыніў дзьверы. І тут убачыў Лявонаву прасьціну ў пакеце, што памыла Ластаўка.

-- Так вы тут с ним трахаетесь!- зароў ён. – Может ты ему и белье стираеш?!

-- Так мыю яму бялізну, таму што кахаю яго. Больш таго, мару нарадзіць ад Лявона дзетак!

Муж забегаў па пакоі, як шалёны і крычаў:

-- Я лишу тебя материнских прав на детей, которые от него родятся!

І раптам заскуголіў:

-- Я тебе больше денег не буду давать… свои грязные трусы, носки и рубашки буду выкидывать и куплять новые.

Ластаўка адказала:

-- Мяне Лявон грашыма забясьпечыць, калі муж не здольны.

Муж сарваў з сябе кашулю, паваліў Ластаўку на падлогу, зьдзіраючы з яе трусікі. Калі не атрымалася, сьціснуў пальцамі горла.

Крык, лямант падхапілі Лявона, ён уляцеў да іх, схапіў мужа за кашулю і штаны і выштурхнуў угору, закінуўшы на кніжную паліцу. Той ад шоку аціх і вісеў на паліцы як ануча на вяроўцы.

-- Лявон прытуліў да сябе Ластаўку, адчуваючы адначасова і роднасьць, і адчужанасьць да яе. Ластаўка ўсхліпвала і Лявон вывеў яе з залы.

Ластаўка была ў лепшай сукенцы, на высокіх абцасах і глядзелася бы тая топ-мадэль. Яны ішлі па ходніках і позіркі мужчын праводзілі яе пекную фігурку. Лявон сказаў:

-- Я ганаруся табой! Ты сапраўдная зорка! Мне так прыемна, што ўсе на цябе глядзяць!

-- Выдумаеш ты... засьмяялася Ластаўка. Звычайная я.

-- Не... не звычайная. Ты тварам сьвецішся, праменіш шчасьце!

-- Гэта маё каханьне да цябе, любы Лявон, праменіць! Ластаўка пацягнулася да яго твару, пацалавала ў вусны, прытулілася да Лявонавага пляча.

Яны прыйшлі да Лявона. Лявон дастаў з лядоўні вугра. Ластаўка ахнула. Яна вельмі любіла рыбу, а вось вугра ні разу не ела. Прычмоквала, аблізваючы пальчыкі. Выпілі крыху шампанскага.

-- Не магу на цябе наглядзецца! -- З замілаваньнем мовіў Лявон. –

-- Я хачу перад табой прайсьціся. Колькі месяцаў марыла ў лепшай сваёй сукенцы перад табой паказацца – сама шыла.

І яна прайшлася па пакоі як па подзіуму. Лявон глядзеў з такім захапленьнем, што Ластаўка кінулася да яго і замілавана пацалавала.

-- Ты зорка!-- Усклікнуў Лявон –Сапраўдная Зорка!

Ластаўка зняла сваю сукенку з чорнага бархата і засталася ў белай сарочцы. Яна шчыльна аблягала яе цела, выдзяляючы кожны ізгіб. Зьмена колера на целе Ластаўкі з чорнага на белы ўразілі Лявона:

-- Ластаўка! Ты абярнулася птушкай. Адчуваеш?!

-- З табой -- так! Калі ты побач, мне лётаць хочацца!

-- Стрымайся, мілая! Я баюся!

-- Чаго ты напалохаўся?!

-- Баюся, што ты ўзмахнеш крыламі і ўляціш ад мяне ...

-- Выдумаеш!

-- А каб ты не ўляцела, я твае крылы зачарую. Лявон абняў Ластаўку і прашаптаў:

-- Цяпер твае крылышкі ў маіх руках, птушка чараўніца.

І ад гэтых слоў і абдымкаў яна сапраўды адчула, як душа ўзносіць яе, а ягоныя рукі стрымліваюць, надаючы поцягу неверагодную моц.

Нечакана Ластаўка адчула зьмену ў ім, напружылася:

-- Мне калі-нікалі робіцца страшна!

Лявон зьдівіўся:

-- Няўжто я такі монстр?

-- Ды не, -- адказала Ластаўка,-- Мне страшна, што я гатовая выканаць тваё любое жаданьне! Ніхто і ніколі так не валодаў мною! Я нават дзяцей сваіх гатова пакінуць дзеля цябе…

Лявон адчуў ад гэткага прызнаньня задавальненьне.

А Ластаўка працягвала:

-- А мужа мне шкада. Ён даволі доўга быў ліквідатарам у чарнобыльскай зоне. А радыяцыя разбурае нервовую сістэму. Вось з-за гэтага ён псіхованы. Я заўжды так: спачатку злуюся на яго за псіхі, а потым шкадую. Ну і што з таго, што душыў мяне ў бібліятэцы!? Значыць любіць! Відаць так і павінен паводзіць сябе муж, калі я яго жонка?


Кніга чацьвёртая


ГАСПАДАРЫ КУЛІ
ПАДБОР ДЫКТАТАРАЎ
Жаданьні ствараюць сьвет, а жарсьці яго паляць. Пачуцьці паскараюць ці замаруджваюць хаду часу, а іх адсутнасьць спыняе час.

Калі ў некалькіх апантаных саўпадаюць жаданьні і пачуцьці новага сьвету, тады яны могуць злучыць той і гэты сьвет і выклікаць і Бога, і чорта.

А калі некалькіх асоб злучае страх сьмерці, тады прыходзіць і Яна.

Шклоўскаму Ідалу, Лепшаму, і Лукапшыку адначасна паведамілі, што іх рэйтынг абваліўся да нуля. Прывід палітычнай сьмерці скурчыў іх душы і наблізіў твары тых, хто жадаў ім адпомсьціць. Страх ахапіў душы трох прэзыдэнтаў, злучыў іх, выціcнуў зь іх жахі, зь якіх уцелілася Кашчавая.

Для Шклоўскага Ідала Сьмерць зьявілася коўдрай, якая імкнулася яго загарнуць. З аднаго боку коўдра наплывала чорным глеем, упрасаваным ў жвір, з другога – сьцюдзёнай вадой, з уплеценымі водарасьцямі. Ідал узгадаў халадэчу дна рэчкі Сэрабранкі дзе яго шліфавала вада жвірам, каменчыкамі, сьціраючы з аблічча пагрозлівыя рысы, робячы зь яго гладкі слуп.

На Лукапшыка Сьмерць абрынулася лістападам. На яго сыпаліся выбарчыя лісты з літарамі НЕ!, СУПРАЦЬ! Яны засыпалі яго з галавой, закаркоўвалі усе яго дзіркі. Ён бачыў сябе ў папяровай кулі, засыпанага выбарчымі бюлеценямі, Потым, ўсмоктаным смецьцевай машынай, што рэжа яго душу на дробныя кавалачкі і прасуе ў адзіны аркуш. І потым нейкае дзіця малявала на ім-аркушы сонейка, а яно балюча паліла яго.

Да Лепшага Сьмерць прыйшла на чатырох рыпучых нагах-костках. Яны турылі на месцы сракі тэлескрыню. З экрана яго ворагі рэзалі праўдай маткай яго – Бацьку.

Бачучы ў вачах гадаванцаў свае абліччы, Кашчавая таксама пакутвала. Тое паліла Лявонава душа лёдам абыякавасьці, у якой каханьне да ее, Кашчавай, нават не зарадзілася… Ёй карцела паквітацца з Лявонавай каханай і яго самога да сябе прыбраць. Жыць без яго каханьня яна не магла і разумела, што памерці ёй Бог не дазволіць. «Во пастка! Во чортавы хітрыкі…» – разважала яна, разглядваючы гадаванцаў.

І раптам перад ёй Кашчавай зьявілася Сьмерць! Ды як…Яна ўзгадала кожны жаноцкі позірк захапленьня, які лачшыў Лявонаў твар, яго валасы… Закаханыя ў Лявона жаноцкія твары злучыліся ў адзін, які абярнуўся гіганцкім тварам-сонцам і яно паліла Кашчавую рэўнасьцю так, што аж дым ад яе костак пайшоў.

Палёгка прыйшла з ветрыкам, але тут жа яна убачыла як вецер абкручваў, прытуляўся да Лявонава цела і, шалеючы ад рэўнасьці, кінулася ўтаймовываць паветра, уцягвала яго ў сваё нутро… А ён вырываўся са сьвістам праз рэбры і абдымаў траву. А кветкі з травою пяшчотна церліся паміж Лявонавых ног… Сьмерць шалела яшчэ больш і кідалася на луг, таптала кветкі, ірвала траву … І, бачучы марнасьць, кідалася ўсімі косткамі на кветкі і каталася па іх, асфальтавым катком, набрыняўшы бязьмежным цяжарам рэўнасьці, які заўжды цягне чалавека пад зямлю…

Толькі каханьне ўзносіць.

Ад таго шаленства на лузе заставаліся пляміны прыціснутай травы і кветак, а ў полі кругі палеглага хлеба. І нават хмары выпарывала Кашчавая сваёй рэўнасьцю і тады трава, зьнясіленая безадказным каханьнем да неба, высахшая ад сьпякоты, тулілася да грудзей матухны зямлі, імкнучыся да яе глыбіннай вільгаці.

Кашчавая рашыла, што ўсе беларусачкі мусяць страціць здольнасьць кахаць! А калі не страцяць, тады зь іх душаў трэба вылягчыць каханьне!”

Лявон спрабаваў уявіць жыцьцё беларусак без каханьня: «Гэта, калі ўсё віно, гарэлка, мядавуха зробяцца вадой! Ці, калі наступіць бясконца-бязгучная ноч…»

Сьмяротныя трызьненьні развеяў Лепшы:

-- Апазіцыанеры – атмарозкі хацяць в дзень юбілея майго праўленьня ўстроіць мне провады в відзе народных гуляній, напаіць народ, а зацем штурмам взяць мой дварэц, і меня в цюрму пасадзіць. Еслі перамогуць, не будзет ні Лукапшыка, ні Шклоўскага Ідала.

Ідалаў жах павялічыўся, ён так напружана падумаў, што яго думкі ўсе пачулі:

-- З Лукапшыкам усё зразумела, а чаму мяне не будзе?

Лепшы:

-- Чаму? Пачаму? – а па качану! Апазіцыанеры давно мараць раскапаць всё пад страной. Адны брэдзяць, што там нясметные багацці. Другія – што там зніклыя лідэры. Ані всё “Невіданное міру гасударства” перакапаюць, а там ты! І багацьце і лідэр іскапаемый! Цебя в музей паставяць…

Лукапшык дадаў:

-- У музей – гэта ў лепшым выпадку. Там месца занята -- твой родны брат стаіць на Маркса… Яны цябе з гранатамётаў на кавалачкі размалоцяць, як талібы статуі Будды …

Кашчавую непакоілі залішнія страхі гадаванцаў і радавалі адначасова. І яна сказала:

-- Мы зробім ідэальны народ, каб у яго душы была толькі любоў да вас. Бо любоў да іншых мы выпалім. І каб баяліся страціць вашу прыхільнасьць!

Страх пакінуў прэзыдэнтаў і прытуліўся на грудзях матухны-сьмерцьці. А яны з цікавасьцю спыталі:

--А як?

-- А дзе?

-- А калі?

Сьмерць урачыста нясьпешна адказала:

-- На мяжы часу, гістарычнай мяжы: дзе зьліваюцца жыцьцё і сьмерць беларусаў. Адзначыць так, каб вечнасьць вашага ўладараньня стала непарушнай… па біблейску адзначыць – упрасаваць у гісторыю.

Лепшы падхапіў:

-- Там, дзе стыкуются тры гасударства: Будушчая Беларусь, Саврэменная і “Невіданное міру государство”.

Лукапшык дадаў:

-- І на мяжы часу, дзе зьліваюцца будучыня, мінулае і сапраўднасьць.

-- В Палацэ Рэспублікі правядзём! – усклікнуў Лепшы.

-- А як жа я туды патраплю і мае госьці з будучыні? – спытаў Лукапшык – Ты там такую ахову наладзіў, што хмары палохаюцца туды ляцець...

-- І мне з “Нябачнай свету дзяржавы” туды не трапіць! -- Засмуціўся Шклоўскі Ідал. – Зьнізу ўсе падыходы праз метро замініраваў.

Кашчавая задуменна мовіла:

-- На зямлі для звышгістарычнай падзеі толькі адно зручнае месца – Мой палац -- Чарнобыльскі Саркафаг -- ЧаС. І адно імгненьне -- 26 красавіка – калі выбухнуў Чарнобыльскі рэактар.

Лепшы аж падскочыў:

-- Хваціт прастаіваць машчнасцям Чарнобыльскага рэактара. Прэдак запусціл все заводы! А я рэактар запушчу! А то саседзі газам нас шантажуюць…

Кашчавая падхапіла:

-- А потым у ЧаС мы запхнем усе беларусскія душы…

За адну ноч мы апраменім душы беларусаў прыроднаю воляй - атамамі і воляй лепшых дыктатараў сьвету, адпрасуем у душах парасткі вольналюбства, вылягчаем мары пра лепшую долю і прышчэпім свае мары.

Лепшы натхніўся:

-- Беларусав мы зьдзелаем самым ідзеальным народам в мірэ. Нам – прэзыдзентам Беларусаў - будут завідаваць все ўладары всех времён і народов! Мы абшчаперым іх душы сваей волей, выжмем з іх все бацылы «вольналюбства» і ад душы астанецца тонкая кішка, вот в неё запхнем безьмерную любовь… к нам! Як робяць пальцам пханую кіўбасу.

А кстаці, пачаму толька за адну ноч? Можам не паспеть. Праца вялізная…

Кашчавая падхапіла:

-- Звышвялізная. Бо нам трэба авалодаць і чароўнай кветкай – Зорным Чорнабыльнікам. Яна квітнее толькі адну ноч – 26 красавіка і псуе беларускія душы. Калі не пасьпеем авалодаць кветкай да ўсходу сонца – яна зьнікне і змарнуе нашу працу.

-- Дык як жа паспеем? І душы і кветку падпарадкаваць…

Спыталі хаўрусьнікі.

-- Разам з намі будуць сорак дыктатараў.

-- Чаму сорак? – спыталі гадаванцы.

-- Боская лічба… Майсей 40 год вадзіў габрэяў па пустэльне, каб памёр апошні -- з рабскай душой. Вось так габрэі вынішчалі лепшых людзей…

З беларусаў мы адродзім лепшую люцкую пароду – створым

ідэальных рабоў.

Сорак выбітных дыктатараў за адну ноч апрацуюць беларускія душы! Бо воля кожнага з сарака ўладароў зьмяшчае дзесяцігодзьдзі і ўвесь час памяці пра рабства свайго народа. Гэтага часу нам хопіць каб зрабіць з беларусаў ідэальных людзей.

Сабе падумала: “Тады Лявон ніводную не зможа кахаць … І я ў параўнаньні з беларускамі стану зоркай…”

-- А як зацягнуць душы сарака выбітных дыктатараў? – спыталі разам прэзыдэнты.

Кашчавая адказала:

-- Ніхто зь іх не мог са сваіх людзей зрабіць ідэальных рабоў. А з беларусаў змогуць. І тады месца ў Бібліі ўсім і Вам у тым ліку гарантаванае.

-- Не пасьпеем! – нецярпліва гукнулі прэзыдэнты.

Яна патлумачыла:

-- Для беларусаў ноч як вечнасьць. Бо ім жыць засталося адно стагодзьдзе. Таму іх хвіліна як дзень цягнецца, дзень, як год. А ноч у ЧаСе можа вечна цягнуцца, як у дзетак малых… бясконца… Пасьпеем!

Хопіць вагацца, давайце складаць сьпіс гасьцей…

Усе напружана думалі: “Каго?”.

Шклоўскі Ідал, які меў комплексы, бо кніжак ніколі не чытаў і імкнуўся паўсюль дэманстраваць сваю эрудыцыю, паклаў на стол кнігу «Майстар і Маргарыта»:

-- Іх запросім! І Воланда з катамі і…

Лепшы запярэчыў:

Кампанія з масцеров і маргарыт очэнь падазрыцельна. Непанятна, чэго ані хацят, чэго дабіваюца, і, падазрэваю, што могут сарваць нам празнік. Я проців катов і сіров с Запада, а цем более Воланда. Аднім глазам маргнёт і гасьцей нет, другім -- і нас – хазяев прыберот. І беларускія душы на Запад развернёт!

Лукапшык спадзяваўся выведаць сакрэт улады над часам у Воланда і казаў:

-- Гэты Майстр беларускія душы да Расіі пацягне, а Воланд да Захада. Яны на расьцяжку душы паставяць, і мы іх лёгка апрацуем.

Кашчавая дадала:

-- Будзем запрашаць душы жывых і памерлых дыктатараў. Апрацуем беларусаў жывой і мёртвай воляй.

Лукапшык прапанаваў душы Петра, Грознага, Пуціна.

Лепшы запярэчыў:

-- Пуцін не дзіктатар! Прау быў Першы Прэзідзент, кагда казал:

«Я считаю никуда не годной систему власти в России. У них все избираются, все независимы и вряд ли будут хорошо работать».

Так зачем недадзіктатара прыглашаць?

Лукапшык расхваляваўся:

-- Абавязкова трэба запрасіць! А то Пуцін падумае, што мы тут другія Віскулі ладзім, каб апошні Союз разваліць і нас разам з гасьцямі ў cаркафаге, як Дудаева, ракетаю замочыць, ці газам, як у Норд-Осте атруціць…

Лепшы прапанаваў:

-- А прыгласім мы яго как пачотнага госця! Еслі прыгласім как дзіктатара, то абідзіцца. Ему так хочацца на Западзе дземакратам слыць!

Кашчавая падсумавала:

-- Каб дыктатары ў ЧаСе на поўную магутнасьць працавалі, зладзім конкурс «Містэр дыктатар». Тады яны ўсе свае таленты праявяць і націснуць сваімі душамі на беларускія.

-- А як лепшага знойдзем? – загарэўся Лепшы і Кашчавая патлумачыла:

-- Пераможца мусіць праявіць такую уладнасьць, як у Бога, а парадаксальнасьць, як у чорта, напрыклад, падсмажыць лёд. Каб яго словы сталі рэчамі, рэчы – словамі. І галоўнае, каб самая вольналюбівая душа стала рабскай.

-- Наш продак быў праваславным атэістам! – усклікнуў Лепшы. – Эта как ледзяное сонцэ, а строіл рыначны сацыалізм… У яго шанец есть... нада прыгласіць.

І Хрыста нада прыгласіць. Он главный прэтэндэнт на званне “Місцер Дзіктатар всего чэлавецтва”. Уже тысячу лет людзі яму кланяюцца. Іконы в дамах вешаюць, дама для него спецыальные строяць. Умірают радзі него і забіваюць. Такой власці ніхто з дзіктатарав не дасцігал. І нам он сільна памог власць дзержаць. Когда вместо него в углах бабкі партрэт Первага Прэзідзента Беларусі вешалі, так он інцелігентна месца уступал. Так што долг плацяжом красен. Прыглашаем! Партрэтам прыглашем… В углу яго павесім і хай вісіць на здароўе, а захоча, дык за стол сядзе: папросіць і мы яго патрэт за стол пасодзім…

Шклоўскі Ідал запярэчыў:

-- З-за гэтага Хрыста нас ідалаў у рэчкі ськідвалі, на кавалачкі разьбівалі. Калі ён зьявіцца на юбілей, я з кута ськіну яго ікону на дно рэчкі Серабранкі!

Лукапшык хітравата прамармытаў:

-- Хрыстос недадыктатар… Сапраўдны дыктатар – гэта той, хто не толькі ў будучыню сваю ўладу распаўсюдзіў, але і ў мінулае. І той хто час спыніць і назад яго паверне і ўладу над усімі дыктатарамі атрымае... Вось калі б Хрыстос вярнуўся па часе назад да свайго Бацькі, падначаліў яго сабе і пачаў ствараць сьвет па свайму праекту: без братазабойцаў, патопаў, вавілонаў і габрэяў, тады б мы жылі ў раі і Хрыстову ўладнасьць славілі ўсе людзі зямлі.

-- Хрыстоса нада! – упарціўся Лепшы, -- Благадара яму был праведзен первый в міре дземакрацічны рэферэндум -- ерусалімскій, і Хрыста ўсенародным галасаваннем прыгаварылі на ўкрыжаваньне цела, бясконцую жызь духа і бясменнае царства. Мы в сваіх рэферэндумах ва всём далжны следаваць яго абразцам.

Шклоўскі Ідал прапанаваў:

-- І беларускіх дыктатараў трэба за сталом мець. З гаспадарскім гонарам за свае традыцыі сьвята правесьці.

Усе пагадзіліся, а Кашчавая сказала:

-- Я за запрашэньне Рагнеды.

Усе зьдзіўлена паглядзелі на ее, а Лепшы запярэчыў:

-- Ана же агнец божы – жертва! А у нас всемірный кангрэс дзіктатарав!

Кашчавая пагардліва паглядзела на яго:

-- Ахвяра кажаш? Пасля таго, як Уладзімір яе згвалціў, і на яе вачах забіў маці, бацьку і братоў, яна адсалютавала яго жорсткасьці, нарадзінамі чатырох дзетак! А забіць яго вырашыла толькі пасля таго, як Уладзімір панізіў ейны статус. Калі замест яе стаў “спатольваць ненасыцтва блуднае” з наложніцамі...

Калі Уладзімір захацеў аддаць яе іншаму мужу, Рагнеда заявіла: “Царыцай я была, царыцай і застануся, і нічыёй рабыняй не буду. А калі ты хрысціўся, дык я буду нявестай Хрыстовай”. Вось гэта сапраўдныя дыктатарскія жаданьні!

-- Запросім Хрыстову нявесту! – Падтрымаў Лукапшык. -- І абавязкова князя Радзівіла «Пане каханку»!

На запытальныя позіркі хаўрусьнікаў патлумачыў:

Аднойчы ён летам сабраў гасьцей. Усю ноч пілі-елі. І князь пытаецца: «Хочаце зімы?» «Хочам!» -- крычаць госьці і рагочуць… Раніцой прачнуліся, у галовах боль, а на двары -- сьнег. Мужыкі ў тулупах на санях едуць. Дзеці сьнежкі кідаюць, крэпасьць будуюць. Госьці ледзь не зварьяцелі. Лета ў зіму яшчэ ніхто не ператвараў.

Сяляне тады на шмат год сольлю запасьліся. А соль каштавала як золата.

Пане каханку -- першы беларус хто спрабаваў авалодаць часам.

Лепшы прапанаваў:

-- А давайце ішчо у народа спросім, каго он хочет на сваю душу!

Уключылі беларускае радыё і пачулі:

“-- Слушаем Вас! Говорите, Вы в прямом эфире!

Радыёслухач:

-- Не кажется ли Вам, что последнее время Президент много говорит и ничего не делает? Слова Лукашенко были правильные, что нужен Гитлер, нужен Сталин, нужно Чили».

-- Запросім і эту тройку -- по заявкам народа. -- Падсумаваў Лепшы.

Калі Кашчавая сказала, што абавязкова запросіць мастака Сальвадора Далі, гадаванцы падумалі, што цётка звар'яцела. На іх запытальныя позіркі яна адказала:

-- Ён уладар прасторы і формы. Яго прысутнасьць мусіць спрыяць плёну нашай справы.


НАЙЛЕПШАЯ СЛАВЯНСКАЯ АБАРОНА
Калі ўсе прапановы скончыліся, вырашылі, што, каб не траціць час на спрэчкі, кожны запросіць каго хоча па квотах.

Пасьля Лепшы нагадаў:

-- Важна наша ахова.

Тут ажывіўся Шклоўскі Ідал і гучна прамаўчаў:

-- Навошта нам ахова? Зьбіраем самых ненавісных дыктатараў… Хто нам перашкодзіць, тым больш у ЧаСе?

-- Як хто? -- зьдзівіўся Лукапшык, -- З-за Бен-Ладена ды Гітлера ЗША нас разбамбяць, як дрэздэнскую галерэю.

У 1648 годзе пад фартэцыяй Бор казакі з тысячы жывых жыдоў садралі скуру на вачах шляхцічаў… Вось бы душы тых казакоў для аховы…

І для апрацоўкі беларускіх душаў яны б спатрэбіліся…

Усе пагадзіліся, а Лепшы дадаў :

-- Учытывая то, что гаспадзін Бог "изгнал Адама, и поставил на востоке у сада Эдемского херувима и пламенный меч обращающийся, чтобы охранять путь к древу жизни"(Быт., 3:24), я прыкажу Філарэту направіць херувіма на ахрану ЧаСа.

А кіраўніком аховы трэба прызначыць Гераніма Фларыяна Радзівіла. Ён перэд сном прыказывал коменданту закрыць на замкі все дзверы, і окна, і ключы прынесці ему – знал толк в безапаснасці. Любіл парадак і строгасць. Паставіт салдату на галаву свечку і прыкажэт стаяць па стойке смірна весь дзень! І стаялі как міленькіе, паэтаму і не было ізмен і дварцовых перэваротав. А прыроду как любіл! Да безумія! Пціц жалел большэ жізні людзей! Захочэт пастраляць, прыкажа слуге залезць на дзерэва, спратацца там і кукаваць. А сам стрэляет на голас. Ні одна пціца ат его рукі не пагібла!

Пад его ахранай вся прырода вакруг ЧаСа сахраніцца… Он жа первый аснавацель парціі зялёных! І ахову ўзначаліць і ганаровым госьцем будзе.

Кандыдатуры падтрымалі адзінагалосна і перашлі да апошняга пытаньня: «Як душы беларусаў даставіць у ЧаС.


ХАПУН
Для дастаўкі душаў Шклоўскі Ідал прапанаваў Хапуна.

Кашчавая:

-- І Душу Першага Прэзыдэнта. Яго людзі хапаць і хапаць масцера! Он першы прывучыл людзей жыць у Чарнобыльскай зоне.

-- Толькі як прыцягнуць Хапуна?

-- Завербаваць! – Сказаў Лепшы -- Мы предложым яму на выбар: ці вечнае забыццё. Ці выпуск кніжкі, гдзе будзет напісана, што Хапун главный беларускій бог – уласцелін, который был у народа вечна і вечна будзет! Он выберэт званне! Схваціцца за него! Эта же Хапун… І даставіць нам усіх паганскіх беларускіх багоў. Яны таксама дыктатары! Калькі стагоддзяў уладарылі тут! Толькі Багоў мы пасодзім не як гасьцей, а проста пасодзім. А то спорцяць нам свята перуны ды дажджбогі всякія.

Кашчавая хітра спытала:

-- Як вы думаеце заклікаць ДуППу?

Лукапшык зарагатаў:

-- Яна сама зьявіцца, калі мы абвесьцім пра мажлівасьць яго легітымізацыі супольнасьцю сарака лепшых дыктатараў сьвету. Нават, калі герметычна закрыемся, яна да нас уточыцца…

-- А, кстаці, хто знает куда Першы Прэзідэнт прапал? – спытаў Лепшы.

-- Яго бачылі ў нашых лясах. – азваўся Шклоўскі Ідал. – Аднойчы, нават ён прывёў племя да мяне і танчыў, чаруючы супляменьнікаў.

Крыху памаўчаўшы з крыўдай у голасе Ідал працягваў:

-- На мяне яны не зьвярталі ўвагі, хаця тыя жанчыны раней аж біліся за тое, каб на мой тырчак сесьці і зацяжарыць, а мужчыны ўкленчыўшы сілы прасілі. Дык вось, яны на яго маліліся, а потым як шалёныя пабеглі за ім у гушчар забіваць дыназаўраў, хаця іх у нашых лясах ужо мільёны гадоў як няма… Во які зух!

-- Ён што, трапіў на некалькі стагодзьдзяў назад? – Спытаў Лукапшык. – Відаць можа вяртаць час? Але мне дакладвалі, што яго бачылі ў маёй дзяржаве, а гэта тысяча год наперад ад гэтага месца!

Яго бачылі сярод прусакоў на пыласосе. Сядзеў, расправіўшы вусы, і крыламі біў па пысах людзей. І сярод пацукоў бачылі, як зубы ашчэрыўшы хвастаў людзей хвастом па сьпінах бы бізуном скаціну.

І людзі па тэлевізары зачаравана глядзелі на яго, а ён на экране трушчэліў прусакоў і труціў пацукоў, што тыя на сьпіны адкідваліся і лапкі – дагары…

-- Ён што вечны?! – Спытаў Лепшы ў Кашчавай. – Яго не забілі?

Кашчавая задуменна адказала:

-- Забівалі і не раз, але да мяне ён так і не трапіў. Падобна на тое, што яго напаткаў лёс вечнага жыда – бясконцы пакутлівы жыцьцёвы шлях праз нараджэньне і знікненьне. Бо ён шмат грашыў. Калі Першы Прэзыдэнт заходзіў у царкву, а людзі крычалі Хрыстос уваскрос!», дык Першы Прэзыдэнт адказваў «Спасіба!»

І душы габрэяў у яго дзяржаве катавалі. Яго аднадумцы выдалі кнігу “Война по законам подлости”. Толькі паслухайце што ў ёй пісалі:

-- “Факт, что в Нью-Йорке и его окрестностях из опасения “осквернить” иудейских потребителей мяса никакого другого, кроме кошерного, не продают вовсе и не подают в ресторанах… Неиудейское население этого города, число которого в несколько раз превосходит число живущих в нем иудеев, должно подчиняться воле меньшинства и есть то, что едят их “господа”

А яшчэ аднадумцы Першага Прэзыдэнта распаўсюджвалі кнігу расейскага міністра «Б. Миронова. О еврейском фашизме»:

“Когда один народ высасывает кровь из другого народа, жиреет и жирует на бедах и страданиях другого народа – это и есть фашизм. Когди нищает, голодает, вымирает русский народ, и на этом богатеет, жиреет и жирует еврейский народ – это и есть еврейский фашизм.”

Відаць Душа Першага Прэзыдэнта за ўсё гэта на пару з вечным жыдам і вандруе.

Лукапшык зацікавіўся вечнымі вандроўнікамі і безапеляцыйна сказаў:

-- Запросім, распросім. А як заманіць?

Сказала Кашчавая:

– Ён аднойчы на прэсканферэнцыі замежным журналістам заявіў:

«Я самый чыстый прэзідзент в мірэ!»

Вось мы ў межах конкурса на званьне «Містэр дыктатар» і наладзім спаборніцтва «Самы чысты прэзыдэнт». Адразу зьявіцца. Ён сапраўды настолькі чысты, што акрамя прагі да ўлады ў яго душы нічога няма. Дзе бітва за ўладу, там і ён.

Лепшы расхваляваўся, выпрастаўся і, махнуўшы рукою, быццам шабляй, рубануў:

-- А правільна Первый Прэзідзент пра эціх кручканосых сказал!

-- Правільна! Правільна! – падхапілі Лукапшык і Шклоўскі Ідал.

І рэзка сьціхлі, а Шклоўскі Ідал ціхенька падумаў:

-- А можа яго Дух жыве ў кожным з нас? І ўсё чуе?

Ідала пачулі. Зірнулі адзін аднаму ў вочы, спрабуючы разгледзець там таямнічы Дух.

Усё гэта чуў і бачыў Дух Першага Прэзыдэнта. Ён сапраўды глядзеў зь іх вачэй і трымцеў, трызьнячы перамогамі ў доўгачаканых бітвах. Ён чуў, што хаўрусьнікі на чарнобыльскую ноч у ЧаС планавалі запрасіць і душы паслоў, якія прадстаўлялі свае краіны пры Першым Прэзыдэнце, і Душы Буша з Хусейнам!

Дух Першага Прэзыдэнта чуў, як спрачаліся пра тое, ці зьявіцца Душа Буша, калі там будзе Душа Хусэйна. Лепшы цьвердзіў, што да Хусейна калі і прыйдуць, то толькі ножкі Буша, каб пхнуць. Лукапшык даводзіў, што Душа Буша абавязкова прыпрэцца ў ЧаС, каб перамагчы сорак дыктатараў, абвясьціўшы іх тэрарыстамі і тым самым даказаць духоўную перавагу амерыканцаў і іх дэмакратыі над астатнімі. І гэта дзеля ўточваньня ў гісторыю свайго роду.

Дух Першага Прэзыдэнта гадаў разам з гаспадарамі пра тое ці змогуць мірна гасьцеваць і плённа супрацоўнічаць у ЧаСе Гітлер і Сталін.

Лепшы даводзіў:

-- В 1939 гаду 21 сенцябра в Брэсце был праведзен савмесный парад гітлеравскіх і савецкіх войск. Камандавалі парадам Гудэрыан і камбрыг Крывашэін. Сталін у той час узняў бакал і сказаў тост:

“Я знаю, как крепко немецкий народ любит своего фюрера, и я хотел бы выпить за его здоровье!”

Мы ім нагадаем пра тое і пра новы час: кампрамісаў і пагадненьняў.


ЗОРНЫ ЧАРНАБЫЛЬНІК
Лявон чуў тую размову. Думаў, што вось час згуляць у Рускую рулетку адразу з усімі супернікамі. Ён не шмат што зразумеў пра Чарнобыльскі рэактар. Падключыў сканер на пошук і спачатку натрапіў на тэкст Бібліі:

“Трэці анёл затрубіў, і ўпала зь неба вялікая зорка, палаючы, нібы сьветач, і ўпала на траціну рэк і крыніцы водаў. Імя гэтай зорцы Палын; і траціна ўсіх водаў зрабілася палыном, і многія людзі памерлі ад водаў, бо яны прагорклі”.

“Ага!- здагадаўся Лявон.-- Чарнабыльнік – гэта ж від палыну. Што ж там за рэактар па вытворчасьці зорак зьбіраецца запускаць Прэзыдэнт?”

Сканер выдаў тэкст:

“26 апреля 1986 года в 1 ч. 23 м. 58 сек. Серия взрывов разрушила реактор и здание 4-го энергоблока Чернобыльской АЭС. В годы Великой Отечественной войны немецкие фашисты уничтожили на белорусской земле 619 деревень вместе с их жителями. После Чернобыля страна потеряла 485 деревень и поселков: 70 из них уже навечно захоронены в земле. В войну погиб каждый четвертый белорус, сегодня каждый пятый живет на зараженной территории. Это 2,1 млн. человек, из них 700 тыс детей. В Гомельской и Могилевской областях (наиболее пострадавших от чернобыльской катастрофы) смертность превысила рождаемость на 20%.”

Лявон, рыхтаваўся да бітвы і чытаў у сканеры:

“26 апреля 1999 года в 12-00 состоится митинг- реквием у памятника жертвам Чернобыля на территории Белорусского научно-исследовательского института экологии и профессиональной патологии...

Просим вашу делегацию в составе 20 человек прибыть к памятнику в 11-30 с корзиной цветов, флагами республики Беларусь с черной лентой в количестве – 5, портретами Президента Республики Беларусь в кол-ве -- 2. С транспарантами “Политику Президента одобряем!”

Исполнительный комитет г. Могилева”

25-га красавіка з ранку Лявон адчуваў, што адбудзецца незвычайнае. У чаканьні ледзь не сам сканерам стаў. Прачнуўся рана. Ляжаў, слухаючы цішыню, і чуў нават чуханьне на лаўках бамжоў. Па тэлевізары ўжо пачыналіся перадачы пра аварыю на ЧАЭС.

Ластаўка тым часам мыла бялізну і слухала па радыё агляд газеты «Советская Белоруссия»:

“Центральным событием посещения Брагинского района Президентом станет церемония вручения Главой государства механизаторам технических паспортов к 41 трактору, 29 из которых уже занято на полевых работах. Как уже сообщалось, хозяйствам чернобыльской зоны будет поставлено 500 тракторов Минского тракторного завода. Такой подарок государство сделало сельскохозяйственным производителям регионов, пострадавшим от аварии на атомной электростанции.”

Ластаўка выпрасталася, выцерла з лоба пот і гаротна ўявіла, як тымі трактарамі ўзаралі зямлю і на яе паверхні блішчыць безліч драбнюткіх атамаў. Бачыла, як іх разам з вадой усмоктвае жыта, бульба, морква… А потым хлеб і бульба за сталом насупроць яе дачок, якія не бачуць блішчастых драпежнікаў. А ў тых ужо сьлінкі цякуць – у дачок цэляць…

Раптам з ванны ўзьнялася постаць з пены, і Ластаўка ледзь не страціла прытомнасьць. Постаць працягнула да Ластаўкі руку, у якой ляжала нешта цёмнае. У мыльнай істоты на месцы рота надзьмулася вялікая бурбалка, лопнула, і замагільны голас прамовіў зь дзіркі, як з таго сьвету:

«Вось той мох, што ты ўзяла з могілак і кінула на ростані, папрасіўшы ў чорнай магіі каханьня. Ты яго атрымала -- прыйшла пара плаціць. Запарыш гэты мох. Калі да поўначы застанецца поўгадзіны, выпьеш. Адразу набудзеш бязьмежную прагу да ўлады над усім: людзьмі, прасторай, часам. Праз хвіліну адкрыеш фортку. З цябе вылятуць усе страхі, гонар і сорам, застанецца прага да палёту. Як толькі праб'е поўнач, пачуеш за акном каня. Гэта будзе Кумяльган. Ён будзе голы, а яго чалавечае тулава будзе пакрыта конскай поўсьцю. Галава каня, рукі і ногі чалавечыя, а на іх капыты.

Сядзеш на яго і ён даставіць, куды трэба. Калі не выпьеш, уцячэш - за цябе заплоцяць дочкі. На зямлі ты іх не схаваеш і цябе знойдзем. З Кумяльгана не ўцякай, бо ўскочыць на цябе і задушыць. Ён звычайна так коней нішчыць…»

Лявон хваляваўся, прадчуваў, што дзеецца незвычайнае. Імгненна трапіў у віртуальнае жыцьцё, пачаў званіць, але Ластаўка не адказвала. Вярнуўся і наладзіў сканер. На экране ўбачыў Ластаўку. Яна глянула на гадзіньнік. Было поўгадзіны да дванаццаці. Ластаўка нешта выпіла і адкрыла фортку. У яе з шоргатам нешта выляцела. Нейкая моц цягнула за акно – у неба. Здавалася, вось-вось кінецца праз шыбу.

А Лявон зьдзіўляўся: «Як жа ў сканер трапілі Ластаўчыны пачуцьці? Сканер жа толькі для мазгоў стодаў. Можа, яна…яна ператварылася…?! Не, не можа быць…—угаворваў сябе Лявон.

Такой прыгожай Лявон не бачыў Ластаўку ніколі. А яна быццам адчувала яго хваляваньне і супакойвала: "Не хвалюйся, каханы, я ўсё вытрымаю". Шаптала і рабіла ўсё, як загадаў пасланец. Пачуўшы іржаньне, адчыніла акно. Конская храпа ўразіла. Узгадала, што менавіта гэты конь з дъябальскім вокам разбіў яе на спаборніцтвах. Яна проста з падлогі ўскочыла на Кумяльгана, і ён, вылецеўшы за горад, панёс яе на поўдзень, дзе з зямлі прыгожа праменіла. Кумяльган імчаў па паветры, бясшумна перабіраючы нагамі, але па таму, як уздрыгвае яго цела, Ластаўка здагадвалася, што ён абапіраецца на нябачную апору. “Відаць д'яблаў мосцік!” – падумала Ластаўка.

Але неўзабаве пад капытамі заіскрыліся прыступкі. На неба з-пад капытоў ўздымалася зорная лесьвіца. Ад удараў аб яе выкрасаліся іскры і зоркамі падалі на зямлю. На душы стала лёгка. Ластаўка ўспомніла аповед, чуты ад бабулі, пра лесьвіцу ў неба, дзе прыступкі -- вера і надзея беларусаў, а сама лесьвіца вядзе да таямніцы каханьня беларусаў. Беларусам, якім шчасьця на зямлі няма, застаецца адна надзея -- знайсьці гэтую лесьвіцу ў неба...

На самым версе лесьвіцы над галавой Ластаўка ўбачыла кветку з зорак. Усё новыя і новыя пялёсткі раскрываліся з сэрца кветкі. Яна вырастала, запаўняла неба, засланяючы звычайныя зоркі. Конь узносіў Ластаўку проста ў сэрца кветкі.

Лявон бачыў усё і маленькую зорачку, якая павольна ўздымался да суквецьця. Сканер вызначаў, што гэта – Ластаўка. Лявон зьдзівіўся: "Няўжо яна ператвараецца ў зорку!? Няўжо мы больш не сустрэнемся, і яна будзе сачыць халодным позіркам, недасягальная, а я не буду спаць начамі, молячы Бога вярнуць мне маю зорачку?!" У роспачы Лявон сканіраваў таямнічае зорнае ўтварэньне. На яго запыт сканер адказаў:

«Кветка – Зорны Чарнабыльнік. Квітнее толькі адзін раз у год, уначы 26 красавіка. Распускаецца ў 1 гадзіну. 23 хвіліны. 58 секунд. Калі ў 1986 годзе выбух разбурыў атамны рэактар у Чарнобылі.

Зоркі, якія ўтвараюць Зорны Чарнобыльнік -- гэта душы беларусаў, што загінулі ад радыёактыўнага выпраменьваньня пасьля катастрофы на ЧАЭС, злучаныя з тымі душамі, якія засталіся жывымі і кахаюць, утвараючы разам зорную кулю.

Людзям з зямлі кветка нябачна. Толькі абранніцы Бога дадзена наблізіцца ў чарнобыльскую ноч да Зорнага Чорнабыльніка. Бо зоркі-душы беларусаў у гэтую ноч перадаюць свае пачуцьці боскай абраньніцы, каб напоўніць яе душу каханьнем, і яна б змагла надзяліць ім беларусаў.

У гэтую ноч душы загінуўшых чуюць прызнаньні ў каханьні іх любых, якія засталіся на зямлі. І самі расказваюць Богу і ягонай абраньніцы пра сваё каханьне».

Усяго гэтага Ластаўка не ведала. Яна набліжалася да Чарнобыльскай кветкі і ўсё разборлівей чула галасы:

"Я не знаю, о чем рассказывать... О смерти или о любви? Или это одно и то же... О чем? Мы недавно поженились. Еще ходили по улице и держались за руки, даже если в магазин шли... Но я еще не знала, как я его любила... Самого взрыва я не видела. Только пламя. Все, словно светилось... Все небо...

Перад Ластаўкай зоркі ўтварылі саркафаг і полымя над ім і ёй стала горача. На даху хадзілі людзі быццам буслы, выцягваючы ногі са смалы. І жаноцкі голас расказваў:

… Они сбивали пламя. Сбрасывали горячий графит ногами... в одних рубашках, их вызвали на обыкновенный пожар...

Вечером в больницу к мужу не пропустили

…Врач сразу меня спросила:

-- У вас есть дети?

…понимаю, что надо скрыть мою беременность. Не пустит к нему!

-- Есть.-Отвечаю.

-- Сколько?

Думаю: "Надо сказать, что двое. Если один - все равно не пустит".

--Мальчик и девочка.

-- Раз двое, то рожать, видно, больше не придется. Теперь слушай: его центральная нервная система поражена полностью, костный мозг поражен полностью...

…если заплачешь - я тебя сразу отправлю. Обниматься и целоваться нельзя. Близко не подходить. Даю полчаса.

Но я знала, что отсюда не уйду. Если уйду, то с ним. Поклялась себе!

Он стал меняться - каждый день я встречала другого человека... Ожоги выходили наверх... Во рту, на языке, щеках - сначала появились маленькие язвочки, потом они разрослись... Пластами отходила слизистая... Пленочками белыми... Цвет лица... Цвет тела... Синий... Красный...Серо-бурый... А оно такое все мое, такое любимое!

Лявон і Ластаўка бачылі, што паміж зорак ішлі ён і яна. Ён падхапіў яе на рукі і закружыў, цалуючы. Жаноцкі голас казаў:

«Клиника острой лучевой болезни - четырнадцать дней... За четырнадцать дней человек умирает...»

В гостинице в первый же день дозиметристы меня измеряли. Одежда, сумка, кошелек, туфли, - все "горело". И все это тут же у меня забрали. Даже нижнее белье. Не тронули только деньги. Взамен выдали больничный халат пятьдесят шестого размера, а тапочки сорок третьего. Одежду, сказали, может привезем, а, может, и нет, навряд ли она поддастся "чистке". В таком виде я и появилась перед ним. Испугался: "Батюшки, что с тобой?"...

Сижу возле него в палате, открыл глаза:

--Сейчас день или вечер?

--Девять вечера.

-- Открывай окно! Начинается салют!

Я открыла окно. Восьмой этаж, весь город перед нами! Букет огня взметнулся в небо.

Перад Ластаўкай над палаючым саркафагам неба расквеціў феерверк. Выбухі раскідвалі па небе штучные рознакаляровые зоркі і яны чырвонымі цаглінкамі складваліся выяваю Крамля. Жаноцкі голас працягваў:

Оглянулась - достает из-под подушки три гвоздики. Дал медсестре деньги - и она купила.

Подбежала и целую:

--Мой единственный! Любовь моя!

Разворачивается:

--Что тебе приказывают врачи? Нельзя меня обнимать! Нельзя целовать!

Но я... Я поднимала и сажала его... Перестилала постель... Ставила градусник и вынимала... Приносила и уносила судно...

Хорошо, что не в палате, а в коридоре у меня закружилась голова, я ухватилась за подоконник... Мимо шел врач. он взял меня за руку. И неожиданно:

--Вы беременная?

--Нет-нет! - Я так испугалась, чтобы нас кто-нибудь не услышал.

--Не обманывайте, - вздохнул он.

Я так растерялась, что не успела его ни о чем попросить.

Назавтра меня вызывают к заведующей:

--Почему вы меня обманули? - спросила она.

--Не было выхода. Скажи я правду - отправили бы домой…

--Что вы наделали!!

--Но я с ним...

Звал меня постоянно: "Люся, где ты? Люсенька!" Звал и звал...

Стул двадцать пять - тридцать раз в сутки... С кровью и слизью... Кожа начала трескаться на руках , ногах... Все покрылось волдырями... Когда он ворочал головой, на подушке оставались клочья волос... Я пыталась шутить: "Даже удобно. Не надо носить расческу" Скоро их всех постригли. Его я стригла сама. Я все хотела ему делать сама. Если бы я могла выдержать физически, то я все двадцать четыре часа не ушла бы от него. Мне каждую минуту было жалко...Минутку и то жалко... Приехал мой брат и испугался: "Я тебя туда не пущу!" А отец говорит ему: "Такую разве не пустишь? Да она в окно влезет! По пожарной лестнице!"

Отлучилась... Возвращаюсь - на столике у него апельсин... Большой, не желтый, а розовый. Улыбается: "Меня угостили. Возьми себе". А медсестра через пленочку машет, что нельзя этот апельсин есть, раз возле него какое-то время полежал, его не то, что есть, к нему прикасаться страшно. "Ну, съешь, - просит. Ты же любишь апельсины". Я беру апельсин в руки. А он в это время закрывает глаза и засыпает. Ему все время давали уколы, чтобы он спал. Наркотики. Медсестра смотрит на меня в ужасе... А я? Я готова сделать все, чтобы он не думал о смерти...

Ластаўка апынулася ў больніцы. Да закаханай, да якой зьвяртаўся ўрач:

-- "Вы должны не забывать: перед вами уже не муж, не любимый человек, а радиоактивный объект с высокой плотностью заражения. Вы же не самоубийца. Возьмите себя в руки".

А жанчына адказала:

-- А я как умалишенная: "Я его люблю! Я его люблю! Он спал, а я шептала: "Я тебя люблю!" Шла по больнчному двору: "Я тебя люблю!" Несла судно: "Я тебя люблю!" Вспоминала, как мы с ним раньше жили... В нашем общежитии... Он засыпал ночью только тогда, когда возьмет меня за руку. У него была такая привычка: во сне держать меня за руку... Всю ночь...»

Жанчына падышла да ложка і ўзяла за руку мужа. Галасы Зорнага Чорнабыльніка сьціхлі. Муж уважліва паглядзеў на любую:

«--Так хочу увидеть нашего ребенка. Какой он?

--А как мы его назовем?

--Ну, это ты сама придумаешь...

--Почему сама, если нас двое?

--Тогда, если родится мальчик, пусть будет Вася, а если девочка - Наташка.

--Как это Вася? У меня уже есть один Вася. Ты! Мне другого не надо».

Ізноў загучалі галасы Зорнага Чарнабыльніка, але Ластаўка чула толькі яе голас:

-- Он... Только он... Как слепая! Даже не чувствовала толчков под сердцем... Хотя была уже на шестом месяце... Я думала, что он внутри меня, мой маленький, и он защищен...

О том, что ночую у него в барокамере, никто из врачей не знал, Не догадывался... Пускали меня медсестры. Первое время тоже уговаривали: "Ты - молодая. Что ты надумала? Это уже не человек, а реактор. Сгорите вместе". Я, как собачка, бегала за ними. Стояла часами под дверью. Просила-умоляла... И тогда они: "Черт с тобой! Ты - ненормальная". Утром перед восьмью часами, когда начинался врачебный обход, показывают через пленку: "Беги!". На час сбегаю в гостиницу. А с девяти утра до девяти вечера у меня пропуск. Ноги у меня до колен посинели, распухли, настолько я уставала...

Любой шовчик - это уже рана на нем. Я срезала себе ногти до крови, чтобы где-то его не зацепить. Никто из медсестер не мог подойти, прикоснуться, если что-то нужно, зовут меня.

Звоню на пост медсестре: "Как он там?" - " Пятнадцать минут назад умер". Как? Я всю ночь у него. Только на три часа отлучилась! Стала у окна и кричала: "Почему? За что?" Смотрела на небо и кричала... В больнице последние два дня... Подниму его руку, а кость шатается, болтается кость, тело от нее отошло... Кусочки легкого, кусочки печени шли через рот... Захлебывался своими внутренностями... Обкручу руку бинтом и засуну ему в рот, все это из него выгребаю... Это все такое родное... Такое любимое...

Я помню сон. -Вася приходит в белом и зовет Наташу. Нашу девочку, которую я еще не родила. Уже она большая. Подросла. Он ее подбрасывает под потолок, и они смеются... А я смотрю на них и думаю, что счастье - это так просто.

Мне показали... Девочка... "Наташенька, - позвала я. - Папа назвал тебя Наташенькой" ... Через четыре часа сказали, что девочка умерла... Я прихожу к ним всегда с двумя букетами: один - ему, второй - на уголок кладу ей. Ползаю у могилы на коленках... Всегда на коленках...

Мне было двадцать пять лет...

Я нашла мужчину... Я ему все открыла. Всю правду. Мы встречались, но я никогда его в дом к себе не звала. Там - Вася...

Но я вам рассказывалао любви... Как я любила".

Ластаўка плакала. Яна падумала, што больш ніколі не ўбачыць Лявона. Што каханьне ад чорнай магіі, якое апякло душу, відаць, заменяць на пякельнае полымя. І яе душа, нават не зможа хаця б раз у год, як душы-зоркі, выспаведацца.

Тыя ж галасы чуў і Лявон. Яму карціла даведацца, як узьнік Зорны Чорнабыльнік. Пошукам набіраў «чарнобыльская споведзь», «малітва», «душа», «любоў», у сканеры выплыў сайт Найлепшай бяспекі. Там, як у крымінальных дасье ў профіль і анфас твар жанчыны і подпіс:

«Сьвятлана Аляксіевіч. Небясьпечная тэрарыстка для стабільнасьці дзяржавы і яе канстытуцыйнага ладу. Сістэматычна выцягвае з беларусаў душы, апрацоўвае і прадае на Захад. Спрабуе абудзіць у беларусаў сапраўдную чалавечую душу і тым самым дэмаралізаваць грамадства. Працуе адразу на разведслужбы ўсіх буйных заходніх краінаў, аб чым сьведчаць яе падрабязныя рапарты аб стане беларускіх душ пад выглядам кніг на замежных мовах. Неаднаразова прыцягвалася да судовай адказнасьці абуранымі душамі. Працуе пад «страхой» Саюза пісьменьнікаў».


НОВЫЯ ДАЛЯГЛЯДЫ
Пакуль Ластаўка слухала споведзі чарнобыльцаў, Найбяспечны ўключаў ЦУД (Цэнтр Управленьня Дурасьцю). Калі пульт паказаў гатоўнасьць ЦУДа ўзьдзейнічаць на душы, Лепшы націснуў на пульце кнопку «Чарнобыльскі Шлях».

Па радыё і тэлевізары пастаянна паўтаралі даўні запіс прамовы Першага Прэзыдэнта:

--"Я был в 30-километровой зоне, откуда раньше правительство выселяло людей. Там есть институты, которые выращивают скотину – так там, где нельзя жить, мясо чистейшее за то, что выращивается в радиационно чистых местах".

Трансляцыі з ЦУДа праз тэле і радыёэфір траплялі ў кожную душу. Душы абуджаліся, выштурхоўвалі з сябе думы пра пасяўную, добры ўраджай і разам з імі -- цяжкія грахі. Пульсуючы, атамы напаўнялі мяхі-душы сьвятасьцю. Душы выпростваліся гордасьцю, ўздымаліся узвышанасьцю сусьветнай ахвярнасьці і ценямі ськіроўваліся ў ЧаС. Людзі не ўпарціліся і не чапляліся за свае душы. Наадварот, шмат хто апранаўся па-сьвяточнаму. Выпівалі «на дарожку», праважаючы свае душы.

Апазыцыйныя душы навыперадкі несьліся ў Чарнобыль, каб апярэдзіць Лепшага. Такая ўсталявалася традыцыя з часоў Першага Прэзыдэнта. Тады апазіцыянеры хадзілі на Шлях па гарадах, а Першы ехаў па Зоне. Пазьней спаборнічалі, хто бліжэй да ЧаСа свой Шлях пракладзе. Урэшце выйграў Мірон з-пад Віцебска, які бел-чырвона-белыя сьцягі на высачэзных вышках вывешваў. Ён і на ЧаСе сьцяг узьняў…

Адмыслова рыхтавалася да сьвята і Кашчавая. Яна выбірала сабе вопратку для балю. Сьмерць ад каханьня набыла яшчэ адну чараўнічасьць. Магла не толькі адбіраць жыцьцё, але і ў жывых прыгажунь -- строі. Яна ўяўляла строі прыгажуні, якую бязьмежна кахалі мужчыны. Потым тужылася, як калісьці, пра народзінах Шклоўскага Ідала з дна рэчкі Серабранкі, і строі зьяўляліся на ей. Кашчавая круцілася перад люстрам, пільна ўглядаючыся ў строі. Яна спадзявалася, што разам з адзеньнем прыбярэ элексір каханьня, што прымагнічваў мужчын. Скрадзеныя строі закрывала ў герметычны пакет і складвала ў сумку. Вось ужо тысячны камплект у бяздоннай сумцы. Прайшлі амаль суткі бесперапынных прымерак, а Кашчавая не адчувала стомы. Прымярала сукні і спадніцы, трусікі і бюстгальтары. Яна ведала, што Лявон абавязкова зьявіцца на баль, і тады можа зьдзейсьніцца яе мара. Менавіта таму, каб не страціць свайго шанцу, Кашчавая хацела забраць з сабой на баль вопратку ўсіх прыгажунь, і якіх калісьці палка кахалі мужчыны і ў якіх яна, Кашчавая, калісьці забрала жыцьцё. Яна бачыла, што часу застаецца зусім мала. Кляла сябе, што позна пачала прымерку. Яе рухі рабіліся ўсё хутчэйшыя, і ўрэшце яна так закруцілася, што ўтварыла віхуру са шмотак і костак.

У шахце ў лабараторыі Сьмерці ў пакоі для ганаровых гасьцей інтэнсіўна працаваў сьмяротны трансформер. Матэрыялізаваліся Нэрон, Сталін, Гітлер, Бакаса з Цэнтральна Афрыканскай Рэспублікі, а таксама Ідзі Амін, які правіў Угандай з 1971 па 1979 год і харчаваўся чалавечынай.

Лепшы зьбіраў гасьцей на мяжы з Краінай Вялікай Мудрасьці пад Лёзнам. Прыехалі дыктатары з Расеі. З турмы Кашчавая даставіла Мілошавіча – каб Душы Першага Прэзыдэнта быў сябр.

Гасьцей сустракалі і везьлі па лясной дарозе да шахты, дзе калісьці стаяла ракета «Сатана».

ЧаС рыхтавала каманда аператараў на чале з былым кіраўніком станцыі. Яны ўстаўлялі ў рэактар новыя стрыжні, разагравалі яго, каб па загадзе наладзіць чарговы выбух.


ПЕРАМОГА НАД САРКАФАГАМІ
Гасьцей з таго сьвету зьбіраў Шклоўскі Ідал ў сутарэньні Нясьвіжскага Фарнага касьцёла. Маршрут спланавалі так, каб правесьці экскурсію па краіне і адначасова заблытаць спецслужбы ворагаў. Таму спачатку зь Нясьвіжа і з пад Лёзна рушылі на Віцебск, каб склалася ўражаньне, што рушылі на Маскву. А з Віцебска на Мінск, каб лічылі, што рушылі на Захад…

Радзівілаўскія саркафагі, у якіх калісьці захоўваліся труны з княскімі целамі, пасля мадэрнізацыі ў майстэрнях Шклоўскага Ідала сталі самым эфектыўным сродкам містычнага руху. Саркафагі і труны мадэрнізавалі, абсталяваўшы лапкамі, трансплантаванымі ад апрамененых радыяцыяй кратоў, якія круціліся хутчэй думкі. Рухаліся трупаходы пад зямлёю на глыбіні людскіх пахаваньняў. Рухавікі сілкаваліся энэргіяй рэшткаў душаў людзей: успамінамі і пачуцьцямі нябожчыкаў, а таксама жалобай і нянавісьцю родзічаў, што накаплівалась на могілках.

Шклоўскі Ідал запрасіў гасьцей сесьці ў трупаходы, Рэанімаваныя нябожчыкі, агледзеўшыся, паселі ў трупаходы. Гасьцей уразіла навакольле з мноствам новых модных на Захадзе трун. Шклоўскі Ідал патлумачыў:

-- У якасьці заахвочваньня выдалі кіраўнікам мясцовай вертыкалі.

Гасьцей непакоіла бясьпека ад нападу дэмакратычных тэрарыстаў.

Лепшы супакоіў:

-- Куда паедзем, ні адзін спутнік-шпіон не засечот! Трупаходы і ЧаС всё паглашчают і нічего не ізлучают. І ЧаС ніхто бамбіць не будзет. Все баяцца павтора чарнобыльскага выбуху.

Трупаходы рушылі.


КРЫЖОВАЯ БІТВА З РАСЕЙСКІМІ ЦАРАМІ ГАБРЭЙСКІМІ ВІЖАМІ І ЗЯМНЫМ ЦЯЖАРАМ
Першы прыпынак хаўрус ганаровых гасьцей Сьмерці і яе сынкоў зрабіў пад разбуранай царквой у цэнтры Віцебска. У горадзе ішоў фестываль “Славянский базар”.

Госьці выйшлі з патаемных хадоў разбуранай царквы на ўсьпенскай горцы. Лепшы папярэдзіў, што зараз яны будуць гуляць у традыцыйную славянскую гульню “Ачышчэньне”.

С канцэртнай пляцоўкі вецер прыносіў абрыўкі расейскай папсы. А са старога квартала Віцебска, дзе месьціўся дамок мастака Шагала, ўздымаліся ў неба і плылі ў паветры, абняўшыся, над ракою душы закаханых юных габрэяў. Імі поўнілася, жыла і цешылася Душа Старога Віцебска, якую бачылі ўладары.

Госьці бачылі таксама ў Душы Віцебска празрыстыя, як аблокі, абліччы цэркваў, касьцёлаў, сынагогаў. Зруйнаваныя калісьці ўшчэнт, яны захаваліся для людзей на старажытных паштоўках і карцінах мастакоў. Дух цэркваў, напоўнены людзкаю вераю да Бога, уздымаў іх душы над горадам. І душы закаханых з шагалаўскіх карцін парылі паміж імі па-над Віцебскам і Дзьвіною і цьвелілі ўладароў недасягальнасьцю ўзьнесенасьці і непадуладнасьцю часу. Дыктатары разумелі, што ніхто зь іх не змог бы усталяваць сабе такія помнікі любові і веры ні грашыма, ні загадамі, ні пад страхам сьмерці, ні абяцаньнем райскага жыцьця. І госьці-Фараоны разумелі, што іхныя піраміды не ўздымуцца ў неба, што прыніжала іхную годнасьць і апускала іх велічнасьць да глыбіні пахаваньня трунаў простых нябожчыкаў.

Лепшы дарадца член Гос-Гоп-ПУП даў і гасьцям даведку: “Шагал в творческом и общественном отношении противостоял нашему народу.”

“Витебск избран для шагаломании…Витебский художественно-практический институт, которым некогда руководил Шагал, имел исключительно отрицательные стороны, заключающиеся в причинении ущерба республике. Ущерб состоял в том, в институте нашли прибежище дезертиры, спекулянты и другие темные личности, а подлинных художников было мало”.

Лепшы узрушыўся. – Вот адкуль “вшывые блохі!» Замаскіраваные пад “закаханых” вечна парат над страной і сверху шпіонят. А па загаду сьпікіруюць на мой дварэц, як талібы на Пентагон”

У гэты момант Найбяспечнаму перадалі, што над сцэнай Славянскага базару намаляваны лётаючыя закаханыя габрэі!

Ён і Лепшы вырашылі, што канцэрт зрываць нельга, а каб эпыдэмія каханьня і натхненьня не захапіда краіну, трэба закаханыя душы габрэяў тут зьбіць.

І Кашчавая падтрымала: «Душы старжытных гарадоў могуць спляжыць плён нашай працы ў ЧаСе, сапсуюць, апрацаваныя намі душы беларусаў. А лётаючыя габрэйскія душы – наш самы страшны вораг».

Гасьцям раздалі зброю. «Яна з часу закаханых і вернікаў, -- патлумачыў Лепшы, -- і яе кулі могуць забіць, ці параніць душу».

Першы стрэл прагучэў з бібліятэкі імя Леніна, што стаяла над Дзьвіной. З часопіса «Политический собеседник» выляцела:

“Здесь приходится отметить, как господь бог царит в небесах многих стран, так получается и с Шагалом.”

Шклоўскі Ідал моўчкі перадаў свае думкі:

-- Трэба не лётаць, а стаяць! Яны -- лётаць, мы – страляць!

І, пацэліўшы, бахнуў з абодвух ствалоў па крыжу на царкве. Крыж абрынуўся зь нябёсаў у ваду. Дружнае “ура!!!” пракацілася над Віцебскам. Лукапшык, Лепшы і Шклоўскі Ідал палілі па крыжах цэркваў, бо па традыцыі свайго роду былі праваслаўнымі атэістамі і на людзях цярпелі царкву і сьвятароў, а тут далі сваім душам волю. Першыя крыжы падалі ў Дзьвіну, як падстрэляныя качкі. А госьці бачылі, што на кожным крыжы падае прастрэляная Хрыстова Душа…

Вобразы цэркваў, сынагогаў, касьцёлаў ўзьняліся за аблокі недасягальна да куль і больш ніводзін крыж не абрынуўся зь неба.

Госьці з воклічамі палілі па душах закаханых, а тыя ад кожнага стрэлу ўздымаліся вышэй, абарочваючыся аблокамі. Ва ўсіх скончыліся патроны і толькі Гітлер, што набраў болей усіх, працягваў страляць, цэліў па аблоках, якія нагадвалі твары з гарбатымі насамі і пэйсамі. Ён злаваўся, што зброя дрэнная.

І ў яго патроны скончыліся. А з Шагалаўскага дамка ўзьляцела голая жанчына. Яна ляжала на баку, з прыўзьнятай галавой, якую падпірала рука. Ляцела лёжачы спінай да гасьцей і шмат у каго зь выклікала поцяг.

Жудасны рык гаспадароў скалануў горад. Большай абразы яны не зналі за ўсё сваё жыцьцё. Сутаргава хапалі камяні, дручкі, бутэлькі і проста кавалкі шкла і шпурлялі ў аголены зад, сьпіну, галаву.

Постаць не варухнулася. Апусьцілася ў ваду, узьнялася, сягнула да аблокаў, стала празрыстым воблакам сярод аблокаў-абліччаў храмаў, сынагог, касьцёлаў, закаханых.

Госьці ў роспачы апусьцілі вочы долу і ўбачылі, на паверхні вады маленькія крыжыкі. Іван Крывавы грозна крычаў:

-- Это видно из Полоцка плывут с евреев и монахов-бернардинцев, что я под лед кинул!

Яму пярэчыў Петр Першы:

--Это, видно, от тех священников, что я в Софийке порубал!

Нехта з дыктатарў пажартаваў:

-- Можа, мы тут Хрыста падстрэлілі!

-- Эта Вам мазгі падстрэлілі .. парыраваў Лепшы. – Как могут кресты з Полацка сюда прыплыць, кагда Полацк ад нас вніз па цечэнню!? Все абязаны плыць туда, а не аттуда!

Госьці прыгледзіліся да вады і запярэчылі

-- Вада цячэ з Полацка!

-- А она абязана цеч туда! Как цекла всю жызнь.

Усе Лепшыя слугі кінуліся да вады, пачалі грабсці яе рукамі і кансервавымі бляшанкамі ў бок Полацка. Але вада не слухалася.

Тады Іван Грозны падбег да вады, на хаду выцягнуў шаблю і пачаў секчы рэчку, прыгаворваючы: “История должна течь куда прикажут! А река слушаться хозяина! А если они не подчиняются, то их следует… на кусочки, а потом сложить как надо!»

Вада не слухалася. А Лепшыя мазгі прастрэлілі здагадкі: «Дзіктатары, калі сабраліся разам, змаглі ваду загіпнатызаваць!

А можа нехта з гасьцей вораг і абарочвае час назад а лётаючыя габрэйскія душы – у крыжыкі»

А кожны з гасьцей думаў, хто ж такі могутны сярод іх. Яны падазрона, хаваючы страх, глядзелі на гаспадароў. Душы Пётры Першага і Івана Грознага напалохаліся і скукожыліся, чакаючы помсты.

І толькі Лукапшык зіхацеў, гледзячы на крыжыкі, якія рака ўпершыню несла ў супрацьлеглы бок. Крыжыкі не танулі, а наадварот іх усплывала ўсё больш і больш. У хуткім часе ўся паверхня Дзьвіны пакрылася крыжамі. Яны напаўзалі адзін на аднаго, сьлізгалі адзін пад адным, стукаліся як ільдзінкі і пазвоньвалі. Рэчка пакрылася крыжовым панцырам, які варушыўся, скрыгатаў. Лявон падумаў, што крыжыкі аб нечым дамаўляюцца паміж сабой.

Лукапшык трымцеў: «Атрымалася! Час у рэчцы цячэ назад!»

Дыктатары з зайздрасьцю паглядзелі на яго. Яны, як зачараваныя сачылі за крыжаходам, чакаючы яшчэ нейкі цуд. Крыжыкаў з мінуўшчыны ўзьнікла столькі, што яны, напіраючы, адзін на аднаго, паўсталі. Па Дзьвіне рухаліся шчыльныя шэрагі рознакаляровых крыжыкаў з медзі, срэбра, жалеза і золата. Яны церліся і вушы балелі ад бразгату і лязгату, як быццам мільёны рук меньцяць нажы. Расейскія дыктатары здрыгануліся.

Лязгат мацнеў і крыжыкі ачышчаліся ад глею, іржы, патыны. Хмары сьвятлелі, а дыктатаравы позіркі апякаліся ад крыжыкавых зіхаценьняў – сьвятло ішло зь іх нутра.

Нерон з захапленьнем выгукнуў:

-- Як быццам бы ўсе іх могілкі ажылі і рушылі па часе!

Іван Жахлівы пахваліўся:

-- Богатый урожай мы настреляли… всех католиков и протестантов…

Неба адказала страшэнным грукатам, уціснуўшы душы гасьцей у зямлю. Лявон ачуняў, на дне рэчкі. Абрубак ягонага цела варухнуўся, яго падхапілі рукі дачкі і яны разам павольна ўсплывалі, ператвараючыся ў крыжы.

Удар грому рассунуў хмары, і сонейка зірнула на крыжыкі. Лявон з дачкой павярнуліся да сонейка і разам зь ім павярнуліся ўсе крыжы. Сонечныя прамяні трапілі на крыжыкі і незлічоная колькасць праменьчыкаў, пасланых крыжыкамі, асьляпіла дыктатарскія вочы. Яны закрыліся рукамі. Але праменьчыкі працялі далоні і з рук адных гасьцей шыбануў дым, па другіх пабегла полымя, трэцьція скукожваліся, як тоўстая абвугленая папера ў вогнішчы.

Наляцеўшы вецер ламаў над гасьцямі дрэвы, сарваў і кінуў на іх дах і наваліўся на сьпіны дыктатараў, спрабуючы ськінуць іх у Дзвіну, раздзьмуваючы на іх полымя.

Усё вакол раўло, грукатала, а бліскавіцы мецілі ў тое месца, дзе толькі што стаялі хаўрусьнікі. Госьці хто трушком, хто ўкленчыўшы паўзком забраліся ў разваліны царквы і праз яе казематы зьнікалі пад зямлю. І толькі палаючыя душы старажытных расейскіх дыктатараў адарвало ад зямлі і панесла на крыжы.

Крыжыкі працялі палаючыя рэшткі расейскіх дыктатараў і ўсё аціхла. Крыжыкі зніклі і Дзьвіна панесла ваду як раней.

Толькі пільна гледзячы ў раку, можна было заўважыць, што ў яе глыбіню плывуць два воблакі, зьліваюцца, набываючы форму крыжа. Тыя воблакі ўздымаліся ў блакіце неба. Адно набывала постаць ваяра, другое – дзяўчыны на яго руках.

… Госьці несьліся пад Мінск. А тройца пакутвала ад неспатоленай прагі зьнішчэньня лётаючых душаў. І Кашчавай недавала спакою непанішчаная душа старога Віцебска.


ПЕРАМОГА НАД ЛАЎКАЙ ЗША
Трапіўшы пад Менск трупаходы закруціліся як сабакі, што страцілі след. Яны апынуліся на падземнай плошчы, зь якой у дзесяткі бакоў адыходзілі тунэлі.

-- Весь Мінск стаіт на касцях! – Патлумачыў Лепшы. – Вот прыборы трупавідзенья і сбілісь.

-- Мы трапілі ў Душу Старога Менска, -- патлумачыў Лявон. Калі Душа Старога Віцебска парыць над горадам, то Душа Менска існуе пад зямлёй на могілках. На іх пабудаваны Мінск…

“Куды ж нам далей?” – Хваляваўся Лепшы. Ён кідаў разгубленыя позіркі на Шклоўскага Ідала на Лукапшыка, але тыя паціскалі плячыма.

Кашчавая спакойна мовіла:

Уладаром Душы старога Менска – Душа Першага Прэзыдэнта. Гэта заваёва была апошнім яе набыткам, апошняй яго бітвай і перамогай. Ён імкнуўся зрабіць краіну турыстычнай меккай марыў пра вялікія грошы. Навёў турыстычны парадак на зямлі: у Чарнобыльскую зону турысты з усяго сьвету па некалькі год у чарзе стаялі, каб паглядзець на самую чыстую ежу. Потым заглыбіўся пад зямлю. Зрабіў пад гарадамі лабірынты паміж старажытнымі могілкамі, склепамі… Ажывіў духі старажытных уладароў, ваяроў, сьвятароў і ўзяў на прэзыдэнскае ўтрыманьне: забяспечыў іх жытлом, пайком, але каб служылі -- турыстаў бавілі. І ўладу дапамагалі трымаць.

Пачуўся рытмічны хруст. З цемры па тунэлю па костках на лыжэролерах рухаўся ў спартовым адзенні вусач і штурхаў зямлю палкамі.

Кашчавая прадставіла новага госьця:

-- Дух Першага Прэзыдэнта!

Лявон уточыў сваё азначэньне:

– Скарочана -- ДуППа!

Яна прапанавала:

-- Давайце заедзем у Курапаты – Самы адметны помнік для Вас.

Усе пагадзіліся і ДуППа ўзначаліла калону. Хутка трупаходы кругамі ўздымаліся на паверхню паміж костак і чэрапоў, што шырачэзнымі слупамі ўздымаліся з глыбіні пяску.

На зьдзіўленае дыктатарскае “дзе мы?” ДуППа патлумачыла:

-- Эта паркінг для дзіктатарскіх душ. Самае утульнае места для адпачынку і роздуму аб вечным -- меж костак…

Калі ўсе госьці выбраліся на паверхню дна ямаў, пачулі нецьвярозыя галасы, сьпевы і спрэчкі:

-- Эці карупцыянеры абнаглелі! Крадуць і крадуць! Весь Мінск катэджамі акружылі – скора на горад пайдуць -- захвацяць…

ДуППа, абярнуўшыся крумкачом, абляцела ямы і крумкнула ў кожную:

-- З заводаў машынамі будмарэр'ялы вывозяць! А катэджы пакрашаны фарбаю МАЗаў і БЕЛазаў…

-- Правільна сказаў наш Прэзыдэнт! – Гучала зь ямаў

-- Сталіна на ніх нету! А так бы в эці ямы ўлажыл…

-- Да нет… Сталін с німі уже б не справілся… Гітлера нада!

-- Сагласен! А то наш прэзідзент толька балтае…

ДуППа вярнулася да гасьцей, абярнулася вайскоўцам у форме НКУС з рэвальверам у руцэ і мовіла:

-- Чуеце!? Вас чакаюць і клічуць…

Госьці асцярожна высунуліся і ўбачылі як з суседніх ям уздымаюцца слупкі дыму. У носе казытаў пах шашлыкоў. Гукі галасоў перамешваліся звонам разьбіваемых пустых бутэлек.

ДуППа патлумачыла:

-- Эта традзіцыя нашего народа – піць в ямах—над касцямі убітых. Людзі так вызывают з пад зямлі ўладарныя духі. Не случайна мы тут явілісь, а яны там паселі!

-- Што будзем рабіць? – спыталіся госьці.

-- Амавенне! -- Адказала ДуППа. Но спачатку мы выклічам духі. Глядзіце!

Па краях ямы зъявіліся вязьні, са зьвязанымі за сьпінай рукамі, змардаванымі тварамі. Яны сумна глядзелі на дно. За рамянямі былі беларускамоўныя кнігі.

Да вязьняў з суседніх ям узьняліся і, хістаючыся, падыйшлі адпачыванты з чаркамі у руках і тройкамі сталі за сьпінамі вязьняў, выцягнулі кнігі, прыгаворваючы “хоць толк будзет ат врагов народа -- на касцёр”. Потым ўзьнялі чаркі да стрыжаных патыліц ахвяраў, чокнулі імі аб патыліцы з трэскам стрэлаў. На дыктатараў з прабітых галоў пырснула кроў і мазгі, а за ёй паляцелі вязьні. Дыктатары праціналі ахвяраў, якія, дакрануўшыся да зямлі, зьнікалі.

Госьці ўзбудзіліся, павылазілі зь ямаў і гурт ценяў пайшоў па цэнтральнай алее. Яны бачылі, як выпівохі паселі ў свае ямы і разьдзіралі кнігі, падкідваючы ў агонь пад шышлыкі.

Нехта з гасьцей спытаў:

-- Ці ёсьць сярод нас дыктатары з ЗША?

-- Срэдзі нас нет, а вот тут на нашай зямле стаіць іх прадстаўніца -- лавка. Ані же все дзерьмакраты! – Адказала ДуППа – Ані все врэмя мешаюць нам строіць светлае будущае сваімі дзіктатарскімі саветамі. Даже тут дземакраціческую скамейку поставілі, штоб нас учыць как жыць! І для іздзёвкі над нашымі людзмі! Відзіце лі оні выше нас! Культурней! А маім людзям на зямле лучшэ піць… в ямах бліжэ к нашай жызні.

ДуППа падвяла гасьцей да мармуровай лавы з ЗША і са словамі: “Вот она амерыканская дзіктатарша! На від з граніта, а насамрэч “гнілая дзермакрація»! -- пнуў яе нагой са словамі “Прэч з нашай зямлі”. Лава не варухнулася, а ДуППа схапілася за нагу і заенчыла. Потым ДуППа абшчаперыла жалезны крыж, які стаяў побач, выцягнула яго і, як сякерай, рубанула крыжам пасярэдзіне лавы. Іскры пырснулі з мармура, абдаўшы ДуППу, яна схапілася за вока, працерла яго і, заплюшчыўшы вочы, пачала апантана секчы мармур. Калі іскры апалі, лаўка ляжала разваленая напалам.

ДуППа супакоілася, але бачыўшы, што дыктатаравы душы па ранейшаму загнуты пытальнікам, патлумачыла:

-- Біл Клінтон в 1994-м году поставіл в Куропатах мраморную лаву якобы в дар от амерыканскага народа в памяць аб забітых. Это старый метод імперіалістов: сначала паставяць лавку. Потом для ее охраны посадят на нее атдзялене салдат. А потом кінут всю армію, чтобы защыщать эту скамейку і жызнь атдзялення… Пака мы будзем в ЧаСе працаваць, яны ўсталююць у краіне свой дух. А потым спляжаць апрацаваныя намі душы па габрэйскму ўзору.

Беларускія прэзыдэнты раскідалі надалей кавалкі амерыканскай лаўкі.

Кавалькада трупаходаў па чэрапному паркінгу заглыбілася пад Курапаты і панеслася на поўдзень праз пад Нямігу.


ПЕРАМОГА НАД ТРОЙЦАЙ І СЭРЦАМ
Пад Нямігай трупаходы спыніліся. Наверсе так бухкала музыка, што гукавыя хвалі прасавалі зямлью і ўсё ў ёй. Ледзь чуліся званы. Лепшы ціхенька спытаў у Лукапшыка:

-- Снова врэмя адкруціл?! Куда?

-- На ДуППаў час… Сёньня праваслаўныя сьвяткуюць Тройцу.

Лепшы тлумачыў гасьцям:

-- Наверху веруюшчые празнуют едзінства Бога атца, Святога Духа і Сына. А паганцы празнуюць Сёмуху – празнік лета на седзьмую недзелю пасля празніка вясны. А маладзёш празнуець едзінства Першага Презідента моладзі і піва...

А мы атмецім свой празнік – Прэзіденскай Троіцы: Лепшага Прэзідзента, Шкловскага Ідала – Прэзідзента «Невідзімага міру гасударства» і Лукапшыка – Прэзідзента Будущай Беларусі.

Госьці падтрымалі тост за Найлепшае месца для Найлепшай Прэзыдэнскай Тройцы.

А наверсе тым часам гукі сьвятаў сягнулі да неба. Гукаўзмацняльнікі стралялі ў неба візгатам папсы, грукатам гітараў. Царква дасылала Ўсявышняму звон калакалоў і малітвы вернікаў.

Для моладзі ўлады побач з цэрквамі наладзілі сьвята “Півной празднік “Оліварія”. Рок-музыканты гралі і раўлі так, што ў цэрквах заглушалі галасы сьвятароў і званоў.

“... 30 мая на площадке перед Дворцом спорта пивзавод выставил 7 кегов пива, и каждый, собравший нужное количество крышечек от пачек сигарет “Маgna”, мог получить пиво бесплатно...”.

Дыктатары чокнуліся чэрапамі зь Нямігі і выпілі зь іх за тройцу. Іх гукавае пасланьне сягнула ўглыбь. Пасеўшы ў саркафагі, рушылі пад Чарнобыль і адначасова на 30 год наперад па часе. За імі пад зямлёй і ў часе ўтварыўся ваккум, які ўцягваў пасланьне нябёсаў: маланкі з грымотамі, хмары з дажджом, і людзей з марамі пра будучыню.

Лявон чытаў пра гэта ўспаміны сьведкаў:

“В результате внезапного изменения погодных условий (ливневый дождь с градом и грозой) в 20-40 около 2,5 тысячи участников массового мероприятия, многие из которых были в алкогольно-возбужденном состоянии, стихийно направились в подземный переход станции метро “Немига”. Началась давка....

“А гора людей на лестнице становилась все больше и больше. До потолка тунеля. Люди падали и не могли подняться... Те кто оказался внизу, задыхались. Я видела как толпа подмяла беременную женщину...” .

“По состоянию на 5 часов 1 июня 54 человека скончались.”

“Не все, конечно, в это верят. Но у меня такое чувство, что там была нечистая сила какая-то. Потому, что и происходило все в один миг, моментально, неестественно как-то. Когда мы там находились, то чувствовалось такое давление странное – давило со всех сторон. Воздух давил и как пресс какой-то на голову опускался. Я не знаю что это было. И сам момент, когда все это произошло, был настолько стремительным – крутануло, бросило - и все… дальше потянулись минуты ожидания непонятного.” (Воспоминания жертвы трагедии на Немиге.

Кавалькада трупаходаў прыбыла ў Чарнобыль.


ПЕРШАЯ ПЕРАМОГА НАД АМЕРЫКАНСКАЙ СТАТУЯЙ СВАБОДЫ
Кумяльган даставіў Ластаўку ў Чарнобыльскі саркафаг. Лявон па сканеры прачытаў:

“Четвертый реактор, именуемый объектом “Укрытие”, по-прежнему хранит в своем свинцово-железобетонном чреве около 20 тонн ядерного топлива. Что с ними происходит сегодня, не знает никто.

Саркофаг сооружали наспех, конструкция уникальная, наверное, инженеры-разработчики из Питера могут ею гордиться. Однако монтировали его “дистанционно”, плиты стыковывали с помощью роботов и вертолетов – отсюда и щели. Сегодня, согласно некоторым данным, общая площадь зазоров и трещин превышает 200 квадратных метров, из них продолжают вырываться радиоактивные аэрозоли...

Может ли саркофаг разрушиться? На это тоже никто не ответит, до сих пор невозможно подобраться ко многим узлам и конструкциям, чтобы узнать, каков у них запас прочности. Зато все понимают: разрушение “Укрытия” привело бы к последствиям даже пострашнее, чем в 1986-м...”

Кумяльган спыніўся раптоўна, як быццам нехта націснуў на ручны гамулец. Пах вільгаці і гнілізны панаваў тут.

Лявон, гледзячы на Ластаўку, напалохаўся, уявіўшы, што конскія капыты сасклізнуць з пукатага бруку, ногі падломяцца і кумяльган рухне, падмяўшы Ластаўку.

Але капыты, як гумавыя прысоскі, зачапіліся за яго, і не варухнуліся.

Перад Ластаўкай паўстала сьцяна, утвораная з тэлеэкранаў, за надпісам наверсе ЗАХАД”. У цэнтры на вялізным экране самалёты з НАТАўскімі апазнавальнымі знакамі бамбілі горад. На тэлеэкранах, што аточвалі центральны, насоўваліся ракеты, маршыравалі і стралялі жаўнеры. На другім крузе вялізных тэлеэкранаў дэманстранты біліся з паліцэйскімі.

На маленькіх тэлеэкранах, што віселі пад стольлю Ластаўка ледзь-ледзь змагла разгледзець, як аблокі атуляюць вяршыні хмарачосаў, людзі мылі брук шампунню, цалаваліся…

Калі чарговыя дзюбы ракет насунуліся з тэлеэкранаў на Ластаўку і пагрозліва загучалі барабаны, як перад выкананьнем сьмяротнага прысуду, яна жахліва азірнулася і вочы натрапілі на супрацьлеглай сцяну, таксама спрэс утвораную з тэлеэкранаў з надпісам УСХОД.

На цэнтральным – на фоне Крамля з трыбуны выступаў востраносы і востратвары палітык. А вакол яго тэлеэкрана таксама аточанага экранамі быў такасма ён. Але ў розных абставінах і атачэньнях. На адным экране ён ляцеў на знішчальніку, на другім – глядзеў у бінокль з палубы падлодкі, на трэцьцім – крочыў побач з англійскай каралевай, жартаваў з журналістамі, казаў: “Мой друг Буш”, “Мой друг Блэр”, “Мне стыдно за нищенскую жизнь моего народа…».

Наступны круг тэлеэкранаў паказваў людзей у шубах, што сядзяць у кватэрах каля парваных батарэй і паляць вогнішча, саграваючы далоні. На другіх тэлеэкранах людзі ляжалі на ложках з плакатамі са слоў: “Будем голодать пока не дадут зарплату!” На трэцціх кілеры стралялі губернатараў, палітыкаў, журналістаў. На чацвертых выбухі знішчалі дамы і з руін выносілі трупы…

Ластаўка зірнула пад столь. Там вісела гіганцкая клетка. У ёй за кратамі вісела плошча з надпісам НЕЗАЛЕЖНАСЦІ-ЛЕНІНА, па якой хадзілі апазіцыянеры, заклікаючы адзін аднаго правесці мітынг пратэсту супраць дыктатуры.

У клетцы над плошчай вісела металічная куля – касьмічы спадарожнік з надпісам БІБЛІЯТЭКА.

Лявон праз сталёвую абалонку бачыў, што ў хаце на стэлажах ляжалі кніжкі, на іх, павылазіўшы з вокладах у цемры сядзелі панурыўшысь беларускія Багі: Цмок, Лёля, Хіхатун, Пярун, Дажджбог…

Багі ўпершыню трапілі ў пастку і ўсім карціла даведацца як гэта адбылося і хто паспрыяў іх палону. Багі абурана гаманілі і Пярун усіх суцішаў. Ён папрасіў усіх уцеліцца і тут высветлілася, што няма Хапуна. Усе падумалі, што менавіта ён і здрадзіў… Пярун злосна ляснуў маланкай па сьцяне кулі. Тая нават не аплавілася, і Пярун разгублена паглядзеў на багоў бо ўпершыню перажываў сорам ад бяссілля. Сябры суцешылі:

-- Відаць з касмічных матэр'ялаў зроблена…

-- Можа нас прыхадні якія паланілі?

-- А можа вырадкі з нашчадкаў…

Лепшы, вітаючы Ластаўку, патлумачыў пра кулю:

-- Эта наш першы нацыанальны касмічны спутнік. Яшчо Первы Прэзідзент его пачал. Мы скончылі праэкт. Першы хацеў пусціць яго для сьвязі, а мы этай гістарычнай ноччу запусцім у ім всех нашых паганскіх багоў. Скіруем кулю ў бездань космасу, каб пашукаць роднасную цывілізацію. А то з нас усе кпяць. Мол на зямлі з людзей толькі вы беларусы адсталыя. А мы дакажэм, што впэрэдзі всех: і ракеты пускаем і в космасе такія как мы есць. А дажэ еслі нет, мы заселім планету. Нашы богі начнут новый род. Яны ж неўміручыя… А я стану Містэр дыктатар, как первы запускальнік багов в Космас!

Але Ластаўчыну ўвагу прыцягвала частка сьцяны з браніраванага шкла. За ёй хмарачосы казыталі аблокі. Людзі лашчылі брук, мыючы яго шампунем. Сьмяяліся, цалаваліся і радаваліся жыцьцю. Наверсе сьцяны зіхацелі нэонавыя літары: “Гнилой Запад”. Лепшы, указваючы на хмарачосы, сказаў гасьцям: «Фаласава архіцектура. Думаюць каб аблака на гмахах зацяжарылі і манну з нябес далі».

Калі Ластаўка залятала ў залу, на сьцяну Гнілога Захаду вешалі габелен веку. На ім Першы Прэзыдэнт быў вытканы ў цэнтры і вышэй за Папу Рымскага.

Лявон прасачыў за Ластаўчыным позіркам. Яны агледзелі габелен і ўбачылі на самым версе рэактара гіганскі помнік, на якім вялізнымі літарамі было напісана “Статуя Беларускай Свабоды”. Статуя стаяла, шырока раставіўшы ногі, прыціснуўшы руку да сэрца. Пад нагамі на рэактары сьвяціліся літары: “Прошу вашей поддержкі!”. Фігура была копіяй Лепшага, шматкроць павялічанай.

Лявон сканіраваў нутро помніка.

Сканер паказаў, што ў помніку ёсць Акадэмія кіраваньня пры Лепшым, якая выконвае функцыю падрыхтоўкі кадраў для ўладнай вертыкалі. Кандыдат спачатку трапляў на зубы помніку. Каб вытрымаць іспыты на зуб, кандыдат мусіў пад час адкусваньня часткі яго душы радавацца. Пад час вучобы кандыдат у чыноўнікі мусіў навучыцца разумець Лепшыя думкі без слоў, падладжваць рытм свайго сэрца пад Найлепшае, радавацца, палохацца, злавацца сінхронна з Лепшым, адгадваць яго жаданьні нават у сьне. Выдатнікамі лічыліся тыя, хто нават хадзіў да ветру адначасова з Лепшым, каб, калі той пакліча на бітву, слуга быў заўжды гатовы.


ПЕРАМОГА НАД ПАРКЕТАМ І САЛЬВАДОРАМ ДАЛІ.
Ластаўку ўразіла падлога ў зале, што пукацілася брукам з квадратаў белага, чорнага і шэрага колеру.

Кашчавая патлумачыла:

-- Гэта беларуская Галгофа – месца чарапоў. Паркет з чарапоў – новая мода, і яе

заканадаўцы – беларусы. Бо яны на могілках нават гароды садзяць, як у Слоніме.

Белыя чарапы калісьці былі галовамі самых таленавітых на Беларусі людзей:

сьвятароў, нацыяналістаў-пісьменьнікаў, якіх панішчылі захопнікі ў розныя часы.

Па чэрапах хадзіў уражаны мастак Сальвадор Далі і мармытаў нешта пра чэрапы сланоў, якімі марыў аздобіць падлогу свайго дома, але так і не парупіўся. Яго запрасілі ў ЧаС як уладара над формай.

Кашчавая, чыі чорныя вачніцы не ўспрымалі водбліску чарапоў, а паглыналі яго, разважала:

Наша падлога асаблівая – чэрапы ад рэпрэсаваных. Яны да нутра беларускія душы апрацуюць.

У залу заехаў “Мерсэдэс” з дзіркай ад кулі ў дзьверцы. Яе прастрэльваў кожны наступны Прэзыдэнт пасля Першага, як абярог ад кілера.

Зь дзьверцы выйшаў Лепшы:

-- Нашым гасцям па галовах хадзіць не толька удобна, а дажэ душэвна лучшэ, чэм па паркету са сваіх в доску людзей. Нашы пачотные госці на чэрэпах больш остра ашчушчают сваё велічые.

Госьці, разглядваючы белыя чарапныя квадраты, стаялі на чорных чарапах. Калі ж ступілі на белыя, ва ўсіх забалела галава. Кашчавая засьмяялася, і рэха разьнесла яе каркаючы голас па ЧаСе:

-- Вашы галовы толькі на чорных не баляць. Бо гэта чэрапы забойц, гвалтаўнікоў, здраднікаў… А белые вас апраменьваюць маральнасьцю. Яна і выклікае боль.

У залу заехала велізарная іржавая жалязка з чырвонымі бакамі, з трубы якой валіў чорны дым. Жалязка плавіла і прасавала чэрапы, сплаўляючы іх у адзіную шырачэзную шэрую костку. Тармозячы, жалязка завіскатала па чарапах, на белых пакінула чорны сьлед, як асфальтавы каток і, зарыпеўшы, спынілася. Госьці заперхалі. Смурод паленай касьці пацягнуў Лявона на ваніты. Вечка адкінулася, шуганула ўгору полымя, і з яго вылез увесь чырвоны, як камень у лазні, Шклоўскі Ідал. Ён выплюнуў з рота каменчык і той з шыпеньнем прапаліў белы чэрап. Ідал моўчкі спытаў і ўсе пачулі яго думкі:

-- Навошта было класьці чэрапы?

-- Вы ж не можаце і дня прабыць, каб па чыіхсьці галовах не прайсьціся. -- Адказала Кашчавая і лінула на Шклоўскага Ідала з келіха, той пшыкнуў парай, а яна параіла:

-- Выпусьці пыху. Астынь, з гасьцямі павітайся.

Ідал запшыкаў і зарыкаў. Усе госьці месьціліся на чорных квадратах. Толькі каменны Шклоўскі Ідал спакойна хадзіў па белых і зьдзіўлена пазіраў на гасьцей, што, як шашкі, пераскоквалі з квадрата на квадрат.

Лукапшык, што таксама спакойна хадзіў па чэрапах, кпіў

-- Во чушка! Істукан каменны! Яму добра -- каменныя мазгі не баляць, а ў адзінай вертыкальнай зьвіліне толькі вецер сьвішча...

Ідал адпарыраваў:

-- Няхай лепей у галаве вецер сьвішча чым срака дрышча! Гы-гы-гы!

Лукапшык стаў на чэрапы і пацікавіўся:

-- А шэрыя чэрапы якога роду?

-- Тых, хто пісаў даносы.

-- А чыі чэрапы пасярэдзіне кожнага квадрата?

-- Гасьцей! – адказала Сьмерць, яны чарнейшыя…

-- А в “Угадай мелодзію!” будзем іграць? – Спытала ДуППа.

-- Так! Будзем наступаць на гасьцявы чэрап і чуць голас душы яго гаспадара. І трэба будзе ўгадаць яго імя.

У нас прынцып: “ніхто не забыты і нішто не забыта”. А інакш наша справа перарвецца!

У сканеры Лявон чытаў расказ прафесара В. Несцярэнкі:

“Я рассказывал Слюнькову, как оперативно в Киеве председатель Совмина Украины Ляшко отселял людей из грязных деревень. В ответ: “Что ты хвалишься. Я был на Политбюро, когда Ляшко целый час клянчил, просил о помощи. Его там били. А наш Ковалев вышел, за пять минут доложил – нас похвалили”. А на возражение о том, что нельзя ради похвалы подвергать опасности народ, я услышал: “Ты не понимаешь политического момента”

Пол Потава Душа зайздросьліва сказала:

-- Цывілізація! Еўрапейцы. Я да такога не дадумаўся! Мы проста білі рыдлёўкай па галаве, а Вы атамам!

У нас чэрапы толькі на паліцы складзіравалі… А можа апасьля гэтый ночы прададзіце нам чэрапную падлогу?

ДуППа мухаю завіхалася каля мерсэдэса, то ўлазячы праз дзірку ў дзьверцы, то высклізваючы зь яе. Пачуўшы Пол Пота, ДуППа не стрымалася:

-- “Это Дементей пусть скажет, готов ли он, построив этот комплекс после войны на крови и костях нашего народа, сегодня сдать его иностранному дядьке?..”

Пол-пот панурыўся.

А ДуППа далей:

-- Эка невідаль – пол с черепов. У нас на прахе покойніков агароды возделываюць! Людзі бульбу расцят… і цветочкі!

«В 50-х в Мозыре было ликвидировано католическое кладбище. Построили на костях Дом культуры «Строитель». Старики говорили, что часть памятников пошла на ступени для здания горкома партии и горисполкома. В 60-х разрушили еврейское кладбище – на этом месте сейчас школа и жилой дом. В 80-х на православном кладбище устроили спортивную площадку…Братские могилы солдат, погибших при освобождении Мозыря от нацистов, послужили фундаментом для установки футбольных ворот, волейбольных стоек и баскетбольных щитов. Часть кладбища горисполком отвел под огород».

Вот агароды вам можам прадаць… з чарнобыльскай зоны. Будезеце чэрапы сваіх атамамі біць. А нашы чэрапы не прадаюцца. Яны нам яшчэ многа валюты прынясуць ад турыстаў.


ПЕРАМОГА НАД УСІМІ КОНКУРСАМІ І ПРЫЗАМІ
Кашчавая падцягнула Ластаўку да сябе позіркам чорных вачніц і сказала:

-- Будзешь прынцэсай балю!

-- Мне галоўнае, каб стаць Лявонавай прынцэсай! -- адказала Ластаўка.

-- Драбяза -- твой Лявон! Сёння перад табой лепшыя мужчыны зямлі. Ты зможаш завалодаць іх душамі. – І падумала – Толькі Лявона пакінь.

Але бачыла Кашчавая, што Ластаўка толькі да Лявона цягнецца, позірк ад яго не адводзіць і жорстка загадала:

Ты мусіш пакахаць усіх дыктатараў. Не проста ўлегчыся пад кожнага, а іменна пакахаць усёй душой так, як Лявона кахаеш.

Тады атрымаеш бязьмежную ўладу над імі. Перад тваімі дочкамі адкрыюцца ўсе жыццёвыя шляхі. А ты атрымаеш бязьмежную волю.

Ластаўка моўчкі выслухала і, як бы разважаючы сама з сабой, спытала:

-- Трэба пайсьці на “добраахвотнае згвалтаваньне”?

Кашчавая пацвеліла:

-- Яно было тады, калі ты з мужам жыла і ў ложку пад яго клалася. Так большасьць жыве. Але з гасьцямі так не пройдзе. Як Лявона мусіш іх пакахаць, а калі не атрымаецца твае дочкі будуць за цябе расплочвацца ды з працэнтамі.

З гэтымі словамі Кашчавая пачала мяняцца. Нейкае ўнутранае свячэньне зыходзіла ад яе, і праз некалькі імгненьняў перад Ластаўкай паўстала жанчына асляпляльнай прыгажосьці. Ластаўка жахнулася. Госьці ахнулі.

А Кашчавая ўжо ўяўляла, як Лявон, ўбачыўшы Ластаўку, што змушана аддавацца ў Чарнобыльскай начы дыктатарам, забівае ў сваёй душы каханьне. Забівае, зьнішчае, вырывае з сэрца. А пасля гэтага да Лявона зьявіцца яна – Кашчавая - суперстар! І зьдзейсніцца яе мара – Лявон пакахае яе…

А Ластаўка, назіраючы за Кашчавай, зноў чула голас з Зорнага Чарнабыльніка:

"...Муж скоро вернулся со словами: На атомной какой-то пожар... мы жили в Припяти рядом с реактором. До сих пор перед глазами -- ярко-малиновое зарево, реактор как-то изнутри светился. Это был не обыкновенный пожар, а какое-то свечение. Красиво. Ничего подобного в кино не видела. Вечером люди высыпали на балконы, у кого не было, -- шли к друзьям, знакомым. У нас девятый этаж, прекрасная видимость. Выносили детей, поднимали на руках: "Посмотри! Запомни!" И это люди, которые на реакторе работали... Инженеры, рабочие... учителя физики... стояли в черной пыли... Разговаривали...Дышали...Любовались... Некоторые за десятки километров приезжали на машинах, велосипедах, чтобы посмотреть. Мы не знали, что смерть может быть такой красивой. Но я бы не сказала, что у нее отсутствовал запах. Не весенний и не осенний запах, а что-то совсем другое, и не запах земли... Першило в горле, в глазах -- слезы сами по себе".

Лепшы запрасіў гасьцей да стала. На стале стаялі бусьліныя гнёзды, зьвітыя з калючага дроту. У іх ляжалі бусьліныя яйкі.

Госьці паселі на лавы. Толькі адзін госьць – турак сеў на пяціметровую вежу з чэрапоў. Вежу даставілі з сербскага горада Ніш. Яе туркі склалі з чэрапоў забітых сербаў, як помнік перамогі, а сербы пакінулі вежу помнікам-напамінам пра няволю.

Паміж рэанімаванымі дыктатаравымі душамі на стале ляжалі кнігі з творамі пра ўладароў. Лявон прасачыў за Лепшым позіркам і адзначыў, як перасмыкнула яго твар, ад «Мастера и Маргариты», як страх апанаваў Лепшыя вочы, якія трапілі на Біблію…

Лукапшык ужо па некалькі разоў аглядваў твары гасьцей, шукаючы некага. Потым пайшоў вакол стала, адкрываючы вокладкі кніг і чытаючы прадмовы. А сабе пад нос мармытаў: “Дзе нашы Радзівілы? Няўжо нешта здарылася… ці нехта хоча схаваць ад мяне сакрэт валодання часам?”

Лявон жахнуўся, калі ўявіў, што сапраўдны Радзівіл вылезе з кніжкі і сядзе за стол. Але гэты выпадак Лявон прадугледзеў. Ён раней прайшоўся ўздоўж стала, разглядваючы вокладкі кніжак. Над кніжкамі, дзе магло быць узгадваньне пра Радзівілаў, незаўважна пырснуў аэразольны клей і ён трывала склеіў старонкі. Пасля гэтага Лявон усеўся за стол:

-- Я тут «Пане Каханку»!

Лукапшык узрадваўся Радзівілу як роднаму. Узяў у абдымкі, пацалаваў. І зноў, агледзеўшы сталы спахмурнеў:

-- А дзе астатнія?

Лявон раней падрыхтаваў адказ, дасьледаваўшы таямніцу Радзівілаўскіх саркафагаў:

-- У 1953 – м адразу пасля сьмерці Сталіна ў фарны касьцёл у Нясьвіж прыехалі спецыялісты па бальзамаваньню разам з агентамі спецслужб з Масквы. Яны ўскрылі саркафагі, каб узяць пробы зь целаў Радзівілаў. Хацелі ўдасканаліць рэчыва для захаваньня цела Сталіна…

-- Правыльна гаварыт. – прагучаў голас з шэрага расійскай дэлегацыі. Нясьпешна прыўзьняўся Сталін і працягваў Лявонаў расказ:

-- Яны вывезьлі ўсе целы і душы Радзівілаў у Маскву, стаўклі іх у парашок і на яго аснове зрабілі бальзаматар цела і душы. Вось мая душа… я тут, дзякуючы браткам беларусам.

Вусаты развёў рукі, павярнуўся ўправа, улева і завяршыў:

-- Ніводнага дыктатара не бальзамавалі целамі іншых уладароў! У маім целе прах дзесяткаў дыктатараў. Гэта мая заяўка на званьне Лепшага.

Сваім голасам уточылася нябачная ДуППа:

-- А маё сэрца ўтворана з 53-ох рубцоў. Кожны рубец утвораны смерццю маладзёна на Нямізе. Сэрца, якое саткана са смяротных рубцоў, ні ў кога не было і не будзе! Я Лепшы.

Усе спрабавалі ўявіць такое сэрца, а Лепшы спытаў:

-- Но как тагда остался Радзівіл «Пане Каханку»? – Затым падазрона паглядзеў на Лявона. – Хто тагда этат гаспадзін?

Лявон спакойна паглядзеў у Лепшыя вочы і з усмешкай адказаў:

-- У той час, калі маіх родзічаў таўклі ў парашок, я лётаў да душы маёй каханкі. Не магу жыць без жанчын і каханьня! Па сёньняшні дзень лётаю і цяпер да Вас проста са спатканьня трапіў. Для сапраўднага дыктатара мужчыны палова справы, калі яго любяць мільёны. Другая палова, калі і ён здольны столькі ж жанчын кахаць! Вечнае жыцьцё ў каханьні, «Панове каханку»! Здольнасьць бясконца кахаць -- гэта мая заяўка на званьне «Містэр дыктатар»!

Госьці гучна апладзіравалі, грукаючы палавінкамі сваіх душаў, як далонямі, падтрымліваючы беларускага князя. І Кашчавая падтрымала Лявона:

-- Калі яму падабалася чыя –небудзь жонка, “Пане каханку” ехаў да мужа з возам падарункаў. Пілі з мужам прыгажуні, пакуль муж не засынаў. Тады “Пане каханку” адорваў жонку падарункамі, пацалункамі, пяшчотамі і шчадротамі, пакуль не выклікаў яе каханьне да сябе, і яны любіліся побач з пьяным мужам. Ніводнай жанчыны не згвалціў – усе з любові аддаліся яму! Сярод жанчын ён Лепшы! «Містэр дыктатар жаноцкага каханьня»!

Госьці зноў радасна загукалі.

Лепшы адступіў, раздражнёны магутнымі здольнасьцямі канкурэнта, агледзеў гасьцей, кнігі, што ляжалі паміж імі. Потым падыйшоў да ямы пасярэдзіне ЧаСа і пільна зірнуў на Лепшых беларускіх пісьменьнікаў.

У яме стаяў дом літаратараў. Ён быў пабудаваны квадратам. А ў яго сярэдзіне сьцены сьціскалі дворык з басэйнам пасярэдзіне, вакол якога ў мінулым праводзілі фуршэты. Той хто быў у дворыку, пачуваўся як уквадратным каменным калодзежы, а хто сядзеў за кратамі, трапіўшы туды, адразу ўзгадваў пра шпацыр у турме.

Лепшыя творцы сядзелі па дзесяць чалавек за доўгімі сталамі з салдацкай сталоўкі і аддана глядзелі ў Лепшыя вочы.

З бойніцаў ў сьценах калодзежа за літаратарамі, як з крэпасных сьцен, сачылі дзіркі аўтаматаў: з Найлепшай варты ўтварылі літаратурны заградатрад, які мусіў нагадваць паэтам і іншым Лепшы накірунак пісаньня і перакрываць адступленьне да апазыцыі, панічных настрояў, здрадніцтва.

Пісьменьнікаў мабілізавалі для напісаньня асобнай главы ў Кнізе «Аб Найцяжэйшых Бітвах Лепшага, яго Наймагутнейшай Сіле, Найвялікшых Перамогах і Найвышэйшых Дасягненнях». Пісьменьнікі мусілі ў Кнізе ў паэтычнай форме параўнаць Лепшага з кожным з дыктатараў, паказаўшы Лепшыя перавагі гаспадара. А таксама драматургічным талентам апісаць увесь трагізм Бітвы Лепшага з дыктатарамі і яго перамогу над імі. На майстэрства ўзвода з дзесятка палкоўнікаў Лепшы не спадзяваўся, хацеў выкарыстаць патэнцыял палка асобага прызначэньня – Ваенізаванага саюза пісьменьнікаў. У часы Лепшага Саюз пісьменьнікаў быў уведзены ў склад Міністэрства абароны, як спецназ. Творцы на працу хадзілі ў Дом Саюза пісьменьнікаў, які перадалі з кіраўніцтва справамі прэзыдэнта ў Міністэрства Абароны. Дом ахоўвалі салдаты ўнутраных войскаў. Пісьменьнікі насілі вайсковую форму, мелі званьні, пісалі ў Лепшых пакоях, елі ў афіцэрскай сталоўцы, а дамоў прыносілі пайкі. Іх рэгулярна выклікалі на вучэньні, дзе яны па трывозе мусілі імкліва і натхнёна пісаць творы пра Бітвы і Перамогі Лепшага.

Пра тое, што кожны пісьменьнік будзе мець афіцэрскую форму, званьне і пагоны калісьці непрадбачліва пажартаваў драматург Макаёнак у сярэдзіне 20 стагоддзя. І яго жарт зьдзейсьніўся. Творцы сядзелі ў нарадах – дзяжурылі на пару: паэт і пісьменьнік, бо калі Лепшы пра нешта выказваўся, творцы мусілі хуценька напісаць пра гэта паэтычны і празаічны творы.

Зараз прэзыдэнт ўбачыў у вачах Лепшых беларускіх творцаў поўную баявую гатоўнасьць да літаратурных і паэтычных бітваў.

А вольныя творцы – ўладары літаратурных вобразаў з-пад ілба пазіралі на гаспадароў беларускага ЧаСу.

-- Як трапілі вольныя паэты і пьсьменьнікі ў яму? – спытаў Лявон ДуППу і тая задаволена адказала:.

-- Яны звыклі да Дома пісьменьнікаў, як коні, што выцягваюць ваду з калодзежу, ходзячы па крузе і круцячы кола. Калі і ваду вычарпалі і кола спарахнела і коней адвязалі, яны ўсё роўна ходзяць жывою кружэлкаю вакол сухой ямы. Так і гэтыя. Калі б Дом пісьменьнікаў паставілі ў пекле ў гіганцкі кацёл са смалою, яны і тады б палезлі ў кацёл з кіпенем, каб трапіць у свой дом… Відаць пегасамі яны там сілкуюцца…

Калі б трэба было толькі Лепшых пісак сюды даставіць, хапіла б армейскай казармы і афіцэрскай сталоўкі. А дзеля гэтых мы Дом літаратара ў яму прытурылі.

Лепшы падслухаў іх размову і, задаволены сваёй прадбачлівасьцю і вынаходніцтвам, пачаў прамову:

-- Сей ноччу мы далжны із нас ізбраць “Місцера дзіктатара”. Сражаясь за пабеду, нашей волей мы аблучым беларускія душы. Каждый з нас на выбарах «Місцера дзіктатара» пакажэт сваі лучшые качэства і імі дашліфуець беларускіе душы.

Тут ля ўвахода ў ЧаС раздаліся крыкі. Найбяспечны далажыў Лепшаму:

-- Нейкі Шчукін ломіцца. Крычыць, што ён незалежны журналіст і па закону аб друку мае права прысутнічаць.

Лепшы паціснуў плячыма, а ДуППа абурылася:

-- Не можэт быць, он у меня у цюрме сідзіт! Трыцаць лет назад мы его за рэцыдзівіскія спробы пранікаць праз властные дзверы пажызненна асудзілі!

Найбяспечны роспачна развёў рукамі:

-- Шчукін -- зачараваны. Можа адначасова быць у некалькіх месцах…

Лявон глянуў у сканер:

“А вот на днях обнаружилось еще одно тщательно скрываемое Щукиным качество. Оказывается, бывший депутат Верховного Совета может совершать преступные деяния на расстоянии. Сегодня дело Щукина, обвиняемого в участии в шествии 27 июля 1999 года, слушается в суде. Есть даже свидетели – офицеры милиции, которые утверждают, что именно Валерий Щукин руководил “хулиганствующей толпой”: с мегафоном в руках отдавал приказы наступать и отступать… Нельзя не восхититься криминальным талантом Валерия Щукина – ведь именно 27 июля 1999 года он отбывал 15 суточный арест “за штурм здания суда Ленинского района столицы”!”

“Футарал!”—здагадаўся Лявон. – Дзед пакарыстаўся яго футаралам ад басэтлі і з турмы трапіў да ЧаСа.

Шум ля ўвахода павялічваўся, і Лепшы распаляўся, імкнучыся яго заглушыць:

-- А пабядзіцель – «Містэр дыктатар» палучыт прызы. Ад мяне – ордэн «Францыска Скарыны», званне «Пачотны гражданін Беларусі» і грашовую прэмію.

Всем прадлагаю скінуцца на обшчую прэмію…

Кожны з дыктатараў нешта клаў у Найлепшую скрынку, а ДуППа раздражнёна мармытала: «Вот как інвесціцыы бяруць! Дурань! Не мог сам дадумацца! Стварыў бы фонд на ўзнагароду самага дэмакратычнага Прэзыдэнта, зьбіраў унёскі, даваў узнагароды і сам бы карыстаўся…»

ДуППа ўточылася:

-- Ад мяне пераможца атрымае пацалунак і пакунак…

Покуль клалі грошы і каштоўныя камяні Кашчавая казала:

-- Галоўным прызам для «Містэра дыктатара» стане чароўная кветка Князёўна папараці. Яна дае боскую любоў менавіта ад беларускіх багоў. Яе каханьне спальвае ў попел душу і імгненна яе адраджае. Каханьне Князёўны папараці робіць людзей неўміручымі. Яна нябачна кіруе сьветам беларусаў і яе ўладальнік ёсць уладаром кулі і зможа авалодаць сусьветам.

Кашчавая прамаўляла ў абсалютнай цішыне, нават Шчукін за варотамі ЧаСа сьцішыўся, запісваючы кожнае слова для газеты “Народная воля”.

А Кашчавая, распальваючы дыктатараў, спадзявалася, што ўрэшце з іх дапамогаю набудзе чароўную кветку, а зь ёй і Лявонава каханьне.

Як толькі Кашчавая сказала першыя словы пра Князёўну папараці, Лявон зразумеў, што менавіта Кашчавая хоча авалодаць чароўнай кветкай. І навошта хоча таксама разумеў, але бянтэжылі іншыя пытаньні. А мажлівыя адказы віхурай раскруціліся ў Лявонавай галаве, зьбіваючы яго з панталыку.

“Калі Бог адорвае Князёўнай папараці чалавека, які сустрэўшы Сьмерць…” – напружана думаў Лявон, -- І калі Кашчавая хоча атрымаць кветку… тады, што яна плануе ператварыцца ў чалавека? Як жа гэта можа быць? Але як Сьмерць можа сустрэць Сьмерць? Што для яе Сьмерць? Жыцьцё!? Значыць яна тут у ЧаСе прадбачыць сустрэчу с сапраўдным жыцьцём!? Атрымліваецца, што за ўсё сваё існаваньне Сьмерць ніводнага разу не сустрэла сапраўднае жыцьцё?

Да таго ж Бог адорвае Князёўнай папараці не проста чалавека, а мужчыну… Божухна! Так яна, каб атрымаць кветку, хоча стаць не проста чалавекам, а мужчынай! А калі гэта атрымаецца… тады… тады мне прыдзецца вытрымаць заляцаньні гэтай… гэтага… мутанта! Божа! Абарані!” – прастагнаў Лявон.

А Кашчавая працягвала:

-- Галоўны прыз трэба заваяваць!

«Містэр дыктатар» дакажа сваю звышуладарнасьць, калі пабудуе новы сьвет. Мы разам утворым для яго ідэальны будаўнічы матэрыал, які не меў нават Бог, утвараючы гэты сьвет. Колькі сіл і часу ён патраціў, каб габрэяў зрабіць сапраўднымі людзьмі!?

Цаглінамі новага света стануць ідэальныя душы – душы беларусаў, апрацаваныя

ўначы намі разам.

Растворам паслужаць сьлёзы, пралітыя ўсімі людзьмі ў імя ўсіх дыктатараў за ўсю гісторыю існаваньня чалавецтва.

А чарнобыльскімі атамамі мы апраменім душы і яны, пасечаныя, зазіхацяць шчасьцем праз дзіркі на ўвесь сусьвет, прыцягваючы ў яго людзей, якія паверылі ў новы сьвет і, зацягваючы тых, хто пакуль не давярае.

Дыктатары нічога не разумеючы, спрабавалі ўявіць сабе свой ідэальны сьвет. А Лепшы спытаў:

-- А зачэм слёзы?

Кашчавая натхнёна тлумачыла:

-- Аснова жыцьця – вада, а аснова новага сьвету, пабудаванага хаўрусам дыктатараў і іхных рабоў, сьлёзы. Ніводная сьлязніка не будзе ўтрымліваць малекулы волі! Толькі часьцінкі пакоры. Крысталы солі ад гэтых сьлёз – сапраўдная соль новай зямлі і толькі яе будуць новыя людзі ўжываць у ежу. У ёй – малекулы бязьмежнай любові да падпарадкаваньня і рабалепства.

Уточылася нябачная ДуППа:

-- Што гэта за хаўрус? Давайце створым калгас, а лепей саўгас. Выберэм брыгадзіраў і старшыню…

ДуППу падтрымалі толькі душы Сталіна і Леніна.

Лепшы спытаў:

-- А дзіравыя душы не прастудзяцца ат скразьняков? Не падхвацят заразу? Ім не гразіць эпідэмія вальналюбства ат віруса свабоды?

-- Не! Праз дзіркі ад чарнобыльскіх атамаў не трапіць унутр ніводная бацыла волі. Дзіркі будуць толькі выпускаць шчасьце ад райскага жыцьця і гнеў супраць ворагаў.

Агаломшаныя мудрасьцю Кашчавай, дыктатары распальваліся жаданьнем утварыць свой сьвет ды яшчэ з чароўным каханьнем. Яны прагна глядзелі на душы, якіх заводзілі ў залу з люка ў падлозе.

Кашчавая ўрачыста абвясьціла:

“Пачынаем утварэньне новага сьвету! Абвяшчаю другі чарнобыльскі выбух! Атамы, што дагэтуль спалі, зараз абудзяцца. Атамы, што дагэтуль толькі казыталі сваімі прамянямі, пачнуць забіваць!”

Ад прагі авалодаць гэтымі душамі Лепшы, Лукапшык і Шклоўскі Ідал аж затрымцелі і вакол іх галоў утварыліся ледзь бачныя німбы. Яны, вібруючы, павялічваліся, сашчапіліся, утварыўшы сьнежную паветраную бабу і пакрысе набылі аблічча Першага Прэзыдэнта, то была яго Душа -- ДуППа.

Яна праляцела над галовамі гасьцей і села на макет шрубалёта, што вісеў над сярэдзінай стала, пільна аглядаючы кожнага госьця. Кашчавая патлумачыла:

-- Вышыня -- любімае месца Душы Першага Прэзыдэнта. Ён любіў лётаць на верталёце над палямі пад час бітваў за ўраджай.

Кашчавая указала на першую партыю беларусаў, якіх даставілі ў ЧаС:

-- Гэта грамадзяне Бабруйска!

Кіраўніцтва горада трымала плакат, які зьнялі з цэнтральнай вуліцы горада: «Политику Президента одобряем!”.

З дзьвярэй пад рэактарам выбеглі дзяўчыны, ўкленчылі, і з енкам пачалі цалаваць чэрапы.

Лепшы да Найбяспечнага:

-- Чаму енчаць?

Найбяспечны гучна патлумачыў:

-- Гэта члены Патрыятычнага Саюза Моладзі (ПатСаМол)! Яны ўзялі вопыт прыхільніц Кім-Ір-Сена і стогнуць ад шчасця, цалуючы Лепшыя сляды!

А на вуха Лепшаму сказаў:

-- Ім паабяцалі заплаціць здельна за кажны пацалунак.

Лепшы ўказаў на свой помнік, які стаяў на атамным рэактары:

-- Ночью мы прайдзем первый Пуць к Свабодзе -- АЧЫШЧЭННЕ. На этам пуці мы ізбавімся ад путав старага – «свабодалюбства» і «гонару» і ачысцім сваі душы для новага – любві і падчыненьня.

Усе зірнулі на статую і ўбачылі, што скура помніка Лепшаму пакрысе варушыцца, быццам дыхае. Госьці мелі біноклі і пільна разглядвалі статую. Па яе паверхні поўзалі дробненькія істоты. А Лепшы адзначыў:

«Эта вшывые блохі с презіденцким вектарам! Бізнесмэны. Палезныя. Вшывых блох с антыпрэзідэнскім вектарам мы давно страхнулі. І штоб народ не заражалі, в цюрэмныя камеры пасадзілі”.

І цех, хто плоха прайдзёт на дэманстрацыю тожа пасадзім…

Кіраўніцтва горада рушыла наперад, за імі хістаючыся крочылі пьяныя душы, а астатнія пазіралі на чэрапы і не зрабілі крока. Насьпяваў скандал.

-- Пугаю іх! – Крыкнуў нехта з гасьцей.

-- Гнаць душы не выпадае, бо яны набрыняюць такім пратэстам, што пасьля іх нічым не апрацуеш. – Адказаў Лявон.

-- Слушна! – адзначыў Шклоўскі Ідал і прапанаваў -- Наперадзе трэба пусьціць кіраўніцтва з народнымі ідаламі на руках і вазах.

-- Каб іх зрабіць, год спатрэбіцца, а у нас адна ноч на ўсё. – Хвалюючыся адказала Сьмерць.

-- Нада цветамі всё засадзіць і душы пайдуць. – Мовіла ДуППа.

-- Покуль чэрапы здымеш, зямлі навязеш ды гною, потым назад чэрапы ўкладзеш і ў дзюркі кветкі ўторніш – лета пройдзе. – Сказаў Лукапшык.

ДуППа крумкачом села на чэрап, лапкаю пакалупала дзірку ад кулі ў чэрапе, засунула туды дзюбу і мовіла:

-- Нацыяналістычным духам ваняе! Я яго на нюх адчуваю… трывалы! З кожнай дзіркі можна вырасьціць нацыянальную душу – яна ў забітых нацыяналістаў кветкамі адрастае... І мы палучым не падлогу з чэрапоў, а луг -- квітнеючую Беларусь! І все пайдуць… Толькі тут калдаўская моц патрэбна… каб мёртвае ажывіць!

Кашчавая зірнула на Лявона, яе апаліла нешта знутры. А Лявонаў пяшчотны позірк на Ластаўку сутаргава пакруціў яе косткі. Сьмерць выпрасталася, ўзьнялася на дыбачкі, распасьцёрла косткі рук над чэрапамі і з кожнага чэрапа папаўзьлі сьцяблінкі, на іх раскрываліся бутоны і падлога абярнулася палявым кветнікам. Кветкі лашчылі ногі гасьцей.

ДуППа абярнулася жырнаю мухаю і паляцела скрозь празрыстыя пялёсткі наперад. За ёй рушылі душы паміж сталоў на рэактар да статуі Беларускай Волі. Напалоханыя, душы пакорліва крочылі паміж сталоў з дыктатарамі, па шляху абмяжаваным з абодвух бакоў стужкамі са сьпінаў цалавальніц. Рытм крокаў задавалі адначасовыя цмоканьні цалавальніц у чэрапы.

Напачатку парад ішоў пеша, потым яго пагналі трушком.

Нехта з калоны крыкнуў:

-- Мы беларусы!

Госьці хорам адгукнуліся:

-- Так вам і нада! -- З братняю Руссю… Гы-гы-гы!

-- Няма святочнага настрою. – Адзначыў нехта з гасьцей. – Больш падобна на хаўтуры чым на свята. Песні і маршы не гучаць, смеху не чуваць…

Лепшы выдаў Указ дэманстрантам:

УКАЗ

О РЕЧЕВКЕ

Для Лепшых патриотов:

Враг-враг, страх-страх,бах-бах,,

Нюх-нюх, хап-хап, цап-цап.

Ням-ням, ах-ах, трах-трах,,

Чав-чав, хрум-хрум, бум-бум.

Доллару стоять,

Предприятиям лежать,

Предпринимателям бежать.

Оппозицию зажать.

-- Президента из России лажать.

Палатным депутатам поддакивать, молчать,

В виде декораций на сессиях торчать.

Оппозиции -- сидеть.

Молодежи -- балдеть.

Вертикали – бдеть.

Чэсным журналистам:

Ла-ла-ла, жу-жу-жу.

Что изволите? Скажу!

Как прикажете? Облаю!

Где приятно? Оближу!

У-К-А-З-А-Т-Ь:

Без декрета:

Весне не наступать! Солнцу -- не вставать.

Урожаю -- не поспевать! Детей -- не рожать!

Народ зажать!

Жить по команде “Ать!”

Кто без команды вякнет “Два”,

Тому с плеч голова!

Душы пайшлі, прамаўляючы “речевку”, а перад імі крочыў палкоўнік Запевалін, задаючы рытм і дэкламуючы першыя словы.

Але раптам ДуППа заляцела наперад калоны, стала перад палкоўнікам, абярнулася генералісімусам і пайшла наперадзе, раздаючы інтэрв'ю журналістам, што атачылі яе:

“Была у нас когда-то советская система. Вот, допустим, у американцев какая-то сегодня есть система, и так далее. Там, может быть, Президенту и нет смысла как-то мотаться по полям, убирать хлеб или организовывать, бывать в самых сложных местах, после гибели или утонувшей подводной лодки стоять перед родственниками. Э... может быть, не надо в хоккей бежать и так далее. А у нас ситуация такая. Нас просто сегодня разбили, и надо общество чем-то сплотить и, в том числе, бежать впереди, особенно у нас. У нас ведь не на что рассчитывать людям кроме работы, дикой работы, труда и своего ума, разума, поэтому образованию и науке мы уделяем такое внимание. У нас нет нефти и газа, понимаете, за что можно было бы получить деньги, нас мозги нас только могут спасти. Поэтому приходится где-то бежать впереди”

Скончыўшы інтэрв’ю, ДуППа ўзьляцела над сталом і крумкачом села на шрубалёт. Толькі генеральскі капялюш з вялізным брылём на ейнай галаве сьведчыў, што гэта ДуППа.

Кніга пятая


БІТВЫ З БАГАМІ
ПЛАНЫ БІТВЫ ЗА БОСКУЮ ПАСАДУ
Пасьля няўдалай апрацоўкі беларускіх душ ў ЧаСе Кашчавай яшчэ больш нясьцерпна карцела авалодаць Лявонам, яго сэрцам. Днём і ўначы трызьніла, як матылькай молі лётае вакол Лявонавай душы і раз пораз сядае ў яе і закладвае ў душу яйкі каханьня да сябе. Потым бачыла, што чарвякі з тых яек прагна точаць Лявонаву душу, распальваючы яе жарсьць і ён, ахоплены любоўным сьвербам, кідаецца да яе ў абдымкі. А яшчэ Кашчавая трызьніла, як цугляе Лявонаву душу, накінуўшы на яе Боскую аброць каханьня, што знайшла ў чароўным куфры Ўсявышняга. Знайшла пасьля таго, як яе гадаванцы захапілі Вышэйшую ўладу.

Раніцой ад тых мрояў страх выціскаў зь яе костак халодны пот. Ёй млосна рабілася ад думкі падступіцца да Бога вось і разважала як сваіх гадаванцаў на захоп боскай улады натхніць, бо разумела, што толькі з Ўсявышняй вяршыні зможа паланіць Лявона каханьнем.

Кашчавую цешыў успамін пра Кулю з беларускіх душаў, што апала ачмураным дажджом на беларускую зямлю і зачаравала яе. Бачыла Сьмерць як зямля адварочвала ступакі тутэйшых ад Бога і скіроўвала іх да прэзыдэнта. «А гэта ўжо вялікая справа… – разважала яна, узгадваючы дыктатараву ноч. – Значыць і Лявонава душа можа пазбавіцца заразнага людзкага каханьня і раскрыцца да мяне… да сапраўднай вечнасьці».

Ад думаньня і мрояў у яе балела галава. Яна звыкла пераводзіць людей з гэтага сьвету на той. Яле ж сваіх гадаванцаў мусіла правесьці да Бога на той сьвет жывымі! А як?

Кашчавая разумела, што прэзыдэнты без упэўненасьці і нахабства ня змогуць падступіцца да Боскай улады ці нават атрымаць хоць маленькі шанс на імгненьне захапіць яе.

Што і як казала Сьмерць прэзыдэнтам, каб натхніць іх на захоп Найвышэйшай улады, невядома. Можа казала ім пра вечнае жыцьцё, можа спакушала бязьмежнасьцю ўлады, можа падпальвала сэрцы мажлівасьцю уладарыць над каханьнем. Станьце на месцы прэзыдэнтаў, каб уявіць, чым магла б Вас штурхнуць на захоп Богавай улады Сьмерць. Можа страхам кары? Пагрозай адабраць жыцьцё зараз жа?

Так ці інакш, але яны пачалі прагнуць Богавай улады і ладзіць планы яе захопу.


ЛУКАПШЫКАВЫ ПЛАНЫ
Лукапшык лічыў, што толькі неадукаваныя навукоўцы і палітыкі лічаць прычынай сучаснасьці -- мінуўшчыну. На самай справе сучаснасьць вызначаецца Будучыняй. Паўсюдзённае жыцьцё вызначаюць нашы мары, мэты і планы.

Каб авалодаць Богавай уладай Лукапшык хацеў згарнуць час у імгненьне, а прастору -- ў кропку. Узяць іх у абцугі. Бог без часу і прасторы не мог кіраваць сьветам. А ён Лукапшык – уладальнік часу і прасторы ствараў бы сьвет па свайму вобразу і падабенству, пашыраючы іх па меры стварэньня.

Лукапшык меў план гнаць час назад і хапаць уладу ў тры этапы:

1. Адкруціць час назад на 3000 год і ліквідаваць нараджэньне Хрыстова.

«А што? – разважаў Лукапшык – Жывуць жа габрэі без Хрыста! І неблага жывуць…» А страціўшы Сына, Бацька страціць частку сваёй сілы, а можа больш уладарыць не захоча, і нават існаваць…

2. Калі ж Бог не прыбярэцца адгэтуль, тады -- адсунуць гісторыю чалавецтва да шасьці дзён утварэньня сьвету, пшыкнуць абдуральным газам у Богаў твар.

«А што? – разважаў Лукапшык, аналізуючы план. – Атруцілі расейцы газам тэрарыстаў разам з сотняй закладнікаў і ўсе задаволены… Прадставім вернікам Бога, як новага Бен-Ладена і правядзем вызваленьне народаў-закладнікаў і анёлаў-рабоў… Ну асыпецца сотня другая анёлавых цел з рая, як клапы са столі, але Бог іх столькі нарабіў, што пара соцен застанецца і можна будзе сказаць, што аперацыя вызвалення анёлаў ад Боскага палону прайшла паспяхова…

Раз-пораз Лукапшыкаву душу сьціскаў жах, што стары Бог можа атруціцца перадазіроўкай газа і нейкі хрысьціянскі гісторык раскапае праўду пра Бога і узрушыць людскія душы марай пра яго ўваскрэшеньне. Але супакойвала думка пра тое, што Бога можна будзе аб’явіць сепаратыстам, які аддзяліўся ад усяго сьвету і не жадаў злучэньня з рэальным жыцьцём, не хацеў усіх людзей пусьціць у рай, для вялікай часткі насельніцтва планаваў жудасныя тэракты з катаваньнямі ягоным Сынам Ісусам і таму згодна ўсенароднаму галасаваньню кара сепаратысту і тэрарысту была справядлівай і гістарычна апраўданай.

3. Пакуль Бог той прадыхаецца, у адмысловай творчай атмасферы хуценька зьляпіць новы свет паводле вобразу і падабенству свайго клона.

А калі Ўсявышні прачухаецца, сьвет ужо будзе новы і Стары Бог не зможа яго дагнаць – застанецца ў мінулым. Ды ў яго на ўсё ёсьць цудоўнае апраўданне: «Усё, што не дзеецца, тое ад Бога…»

У марах пра гэты момант Лукапшык напяваў песню сваіх партыйных продкаў:

«Весь мир до основанья мы разрушим…

Мы свой мы новый мир построим…

Кто был никем, тот станет всем!”

Вучоныя з Акадэміі Лукапшыкавых Навук інтэнсіўна працавалі над прэзыдэнскім плянам: тармазной калодкай для часу, рычагом для яго павароту і паскаральнікам хады часу ў мінулае. Кожны Акадэмік клаў на стол Лукапшыку для зацьверджаньня новыя праекты. Новы кіраўнік Акадэміі добра ведаў справу, бо па традыцыі ад Першага Прэзыдэнта меў вопыт кіраваньня ўсімі сьметнікамі, каналізацыямі і могілкамі – усяго, што застаецца ззаду жыцьця і праз што ўрэшце прыдзецца прайсьці.

Лукапшыкавы творцы зрабілі такі часасос, які, паглынаў яго і пераводзіў яго ў Прэзыдэнскі рэзерв. З гэтага моманту гісторыю можна было мяняць, адныя кавалкі прыбіраць, на іх месца -- устаўляць іншыя кавалакі гісторыі.

Але покуль было немажліва рушыць усёй дзяржавай па часе назад.

І гэта непакоіла. Да таго ж Лукапшык пакутваў ад згубы пульта кіраваньня краінай і падазраваў у крадзежы ўсіх вышэйшых чыноўнікаў. «Рыхтуюць наменклатурны пераварот!» – думаў ён, гледзячы, як народ на вачах разбэшчваецца без звыклай тэлепугі. Чуліся патрабаваньні волі. Ратаваньне было толькі ў адкручваньні часу назад. А коней і прэзыдэнтаў на пераправе не мяняюць.

Лукапшык прысвоіў сабе званьне Уладар Часу і кожны дзень прымаў часовых вынаходнікаў. Адны вучоныя раілі неба завесіць і над краінай падвесіць на трасы лазерныя сонца і месяц і цягаць іх у адваротным кірунку. І тады час для людзей пойдзе назад. Тады іхняя вера і сапраўды пагоніць час.

Нацыяналісты, адданыя прэзыдэнту, нагадвалі яму пра яго ж геніяльную ідэю: прывязаць да шрубалёта Пяруна, падпаліць і кожны дзень праносіць яго над краінай у адваротным кірунку…

Нацыяналісты, адданыя паэтам Купалу і Коласу раілі праносіць над краінай гіганскі партрэт Сталіна, бо, як яны пісалі ў лісьце правадыру: «Ты сонца для нас, што зямлю асвяціла

І ласкай сагрэла палі гарады…»

Сталіністы падтрымлівалі гэтую ідэю.

Псіхолягі раілі падрыхтаваць тысячу гіпнацізёраў-«зампалітаў» і па камандзе адначасова ўнушыць насельніцтву і спыненьне часу і яго хаду назад. А ў тэлескрынях паказаць як хутка зьбягае той час.

Генэтыкі дакладвалі, што адкрылі ген, які дазваляе сталаму чалавеку расьці назад, ператварыцца ў немаўлятка і потым у дзьве клетачкі. Працавалі над праектамі ажыўленьня нябожчыкаў і іхняга далейшага амаладжэньня пераходзячага ў зьнікненьне.

Для бясьпекі вопытаў для сябе і дзяржавы Лукапшык загадаў кланаваць усё насельніцтва і сябе. Адныя людзі з прэзыдэнтам мусілі жыць як звычайна, а другія скіроўваліся ў мінулае.

І тых і другіх вучылі па старых падручніках, што без рызыкі адсоўвала час у мазгах.

Толькі ніхто не мог сказаць, як зрабіць, каб сам час паверыў, што ён спыніўся. Каб час сам захацеў вырваць лейцы з Боскіх рук, каб паляцець назад да гаспадара? А калі паляцеў, то як дамагчыся, каб ляцеў час назад без сумненьня, нідзе не спыняючыся?

Бо не дай Бог час спынецца ў момант вяртаньня людзям іх гістарычнай памяці, калі яны былі вольнымі, тады людзі захочуць прысьпешыць час уперад і што рабіць тады?

Бяда была ў тым, што Час ніхто не бачыў, не ведаў як ён выглядае. Але на яго было створана дасье. Дакладней была тэчка з надпісам “зусім сакрэтна. Асабовая справа Часу”. А ў ёй адны версіі.

Вось таму прапановы па кіраваньню гэтай няўлоўнай асобай ці таямнічай зьявы не мелі межаў фантазіі. Каб не стрымліваць мазгавы штурм, нікога не крытыкавалі. Апантаным дазвалялі праводзіць эксперыменты ў глухіх вёсках і ў вёсках чарнобыльскай зоны з самасёламі. Бо тыя, незважаючы на сьмяротную атамную пагрозу, рваліся ў мінулае. З гэтых самасёлаў у мінулае і былі сфармаваны сьпісы сакрэтных атрадаў, якія б першымі былі кінуты на захоп прастораў мінулага часу.

У асобных регіёнах – у глухіх вёсках праводзілі такі эксперымэнт: Жыхарам па мясцоваму тэлебачанью кожны дзень увечары чыталі Лукапшыкаў указ, каб заўтра яны думалі пра тое, пра што думалі дзень таму, а напрыканцы дня падалі дэкларацыю пра тое, што думалі. Назаўтра яны мусілі думаць пра тое, што два дні таму і гэтак далей. Такім чынам нейкі вынаходнік спрабаваў ськіраваць па часе назад насельнікаў з асобных вёсак.

Лукапшык прысьпешваў загадчыка Цэнтра Кіраваньня Часам, бо даклады сакратара Савета Бясьпекі з кожным разам турбавалі ўсё болей.

Сакратар на гэты конт раіў:

-- Самаспыненьне часу -- вельмі небяспечны момант. З-за яго краіна можа выйсьці з-пад кантролю і рынуцца наперад. Гэты этап трэба пераскочыць.

Лукапшык разважаў:

-- На гэты выпадак усіх трэба імгненна ўсыпіць! Мы мусім да дробязей прадумаць сонную бясьпеку.

-- Ці пьяную. Навошта нам непамерныя расходы? Калі крутанем час назад, столькі віна і гарэлкі зьявіцца, што ў народзе так званая «самасьвядомасьць» не прабьецца. Мы яго як гістарычную яму праскочым. А каб ніхто ад піцьця не адлыньваў, увядзем пьяны падатак. Кожны будзе змушаны плаціць за сто літраў гарэлкі за год. Калі заплоцяць, тады і вып'юць! Менавіта так і было ў Вялікім Княстве Літоўскім…

У гэты момант сакратару Савета Бясьпекі пазванілі і паведамілі сенсацыйную навіну і ён радасна дакладаў Лукапшыку:

-- Унікальныя адкрыцьці Лукштэйна! Новыя законы сувязі руху вашай асобы з прасторай, часам і духам. Чым больш вы на тэлеэкране, тым большай робіцца ваша вага ў галовах выбаршчыкаў і тым меньш робіцца час і прастора. Іх месца запаўняюць мінулыя час і прастора.

Лукапшык зіхацеў ад шчасьця. Адчуў, што Боская ўлада падначальваецца ягонаму духу.

Толькі бракавала грошай. За выніковыя даследаваньні, абсталяваньне, трэба было добра плаціць, а дзе ўзяць грошы?

Дарадцы прыносілі з архіваў дакументы часоў Першага Прэзыдэнта:

«Жаль, сегодня на нашей встрече нет парламентариев. У нас еще есть время принять соответствующий закон, и иностранные деньги будут вообще не затребованы в стране – ни американские, никакие».

Лукапшык Ўказаў заробкі выдаваць у неабмежаванай колькасці валютай з банкаў самых багатых краін сьвету з мінулага часу. Выдаваць усім, хто трапіць у мінулае. Гэта быў геніяльны і просты спосаб выклікаць усенародны парыў у мінулае, каб прымусіць час бегчы назад.

Прыдумаў Лукапшык агітацыю за вяртаньне ў мінулае, што ў любога дэмакрата мову адымала. “Вы панове дэмакраты хочаце заможна пражыць адно жыцьцё, рухаючыся наперад-- казаў Лукапшык па тэлевізары. – А кожны з нас, рухаючы час назад, зможна пражыць некалькі жыцьцяў: па-першае выпраўляць памылкі ў сваім мінулым жыцьці, а па-другое, пражыць новае жыцьцё па-новаму. Раз-пораз паляпшаючы наступнае… А што тычыцца сапраўднай дэмакратыі, то яна будзе не ў вас, а ў нас. Мы пабудуем грамадства сапраўды роўных магчымасьцяў. Кожны з нашых грамадзянаў, дасягнуўшы Боскіх вытокаў жыцьця, будзе мець роўныя правы, каб пачаць будаваць сьвет па свайму вобразу і падабенству. І мы зможам пабудаваць столькі міроў, колькі нас дабярэцца да першапачатку! І кожны будзе мець права выбраць свой лёс!”

Лукапшык зьбіраўся пачаць бітвы з часам і перамогі над ім пад час рэферэндума. Каб усе істоты адкрытым галасаваньнем паднялі рукі і лапы за вяртаньне часу назад. А калі рашэньне ўсенароднае ды прынята «падаўляючай большасцю» - куды часу падзецца? Калі не пабяжыш назад, задавяць!»

Як заўжды падначаленыя канкуравалі ў барацьбе за першынство ў часавай бясьпекі прэзыдэнта. Сакратар Савета Бясьпекі раіў шэфу:

-- Не тлуміце сабе галаву, а проста Указам загадайце часу рухацца ў патрэбным накірунку з пэўнай хуткасьцю. А калі час не паслухаецца, тады пасадзім яго ў турму, ці арганізуем яго зьнікненьне, як зацятага апазыцыянера.

Кіраўніца справамі Прэзыдэнта пярэчыла:

-- Прасьцей купіць час: колькі трэба, столькі й купіць. А калі час будзе набіваць сабе цану, тады купіць іншы час. «Былі б грошы, а час, які хоча прадацца, знойдзецца!» – разважала яна. І пры гэтым мроіла колькі зможа з тых грошаў скрасьці.

Лукапшык думаў. І тут з архіва паступіла вестка:

«Беларусь стала страной, где время остановилось и идет в обратную сторону. Лукашенко почувствовал себя и царем и Богом».

Лукапшык спытаў у хаўрусьнікаў:

- І што, калі Першы Прэзыдэнт хутчэй за яго адкруціць час назад і дабярэцца да Бога? Як яго спаймаць? спыніць?

У адказ цішыня.

Лукапшык узгадаў пра «Пане Каханку», які ў Чарнобыльскім Саркафагу перанёс дыктатараў да яго ў Будучую Беларусь. Лукапшык цудоўна разумеў, што такім жа чынам можна перанесьці ў будучыню кілераў, вярнуць усё насельніцтва… і яго спробы адкруціць час назад стануць марнымі… Першы Прэзыдэнт і Лявон з яго чароўным футаралам ад басэтлі сталі галаўной Лукапшыкавай больлю -- перашкодай да пасады кіраўніка сусьветнай вертыкалі -- Боскай вяршыні.

-- Знайдзіце мне ўсе футаралы ад басэтляў! -- Загадаў Лукапшык. – І злавіце ДуППу!

-- Мы перавыканаем! Зьбярэм і праверым усе футаралы! – адказаў адданы сакратар.

Па краіне пайшла татальная мабілізацыя футаралаў музычных інструмэнтаў. Іх забралі з музычных школак, філармоній і кансэрваторый. Пачалі абшукваць кожную кватэру і звозілі ў кіраўніцтва прэзыдэнскімі справамі. Людзі хавалі футаралы, перапрадавалі на чорным рынку па коштах мэрсэдэсаў бо пайшлі чуткі, што футаралы здольныя пасьля пэўных замоваў кшталту «з рога ўсяго многа» даваць ежу і гарэлку і тыя ж мэрсэдэсы ў неабмяжаванай колькасьці.

ДуППу шукалася цяжэй. Спачатку ўсю армію ськіравалі ў лугі і палі, узброіўшы жаўнераў сачкамі. Кожнаму спайманаму матыльку адразу адрывалі крылы, каб не зьбег, потым пратыкалі іголкамі і слухалі, што ён кажа, ці па-чалавечы… Такога мусілі неадкладна арыштаваць, затачыць у слоік і даставіць на самы верх.

У гарадах усе міліцыянты і прэзыдэнцкі саюз моладзі лавілі мух, адрывалі ім крылы і пакрысе расціскалі, слухаючы што вякае…

Сялянам, як заўжды, было цяжэй. Ім давялі планы па загатоўцы душаў мух, ваднёў і камароў. І як заўжды на дапамогу паслалі студэнтаў і безпрацоўных.

Паляўнічыя мусілі страляць птушак, разразаць і правяраць наяўнасьць ДуППы.

Яшчэ ДуППу шукалі сярод апазыцыянераў. Іх білі дручкамі і нагамі на вуліцах і ў кватэрах. Білі шмат разоў, каб ДуППА нават баялася схавацца ў душы апазыцыянераў.

Міністр аховы здароўя праявіла ініцыятыву і аддала сакрэтны загад: пад час прыёмаў урачамі абавязкова пільна аглядаць азадкі пацыентаў, шукаючы на іх ДуППу, а раптам там схавалася?! Тых хто адмаўляўся, санітары вязалі, распраналі, аглядалі і клізму ўстаўлялі – так ДуППу шукалі.

Лукапшык слухаў страляніну за вакном, хлапкі мухабоек і енкі апазыцыянераў і хворых, як канцэрт арт-сімфанічнага аркестра.

Раптам ён уявіў, што калі ён сягане да пачатку ўтварэньня сьвету і адкіне Бога, і ўздыме рукі, каб утварыць Новы Сьвет, раптам зьявіцца Сьмерць і прыбярэ яго! Нездарма ж яна паводзіць сябе зь імі як гаспадыня… «І што тады рабіць?!» –пытаньне цьвеліла, адбіраючы спакой.

І тады Лукапшык прыдумаў тэлетрансляцыямі відэазапісаў сваіх выступаў перамагчы і Сьмерць. Пад непасрэдным кантролем кіраўніка прэзыдэнцкай тэлекампаніі стваралася сістэма вяшчаньня тэлепшыкаў ў мінулае, асабліва ў краіны Лепшага і Шклоўскага Ідала. Адначасова здымаўся тэлесерыял «Сапраўдная гісторыя -- Лукапшыкаў Шлях». І калі б супернікі пачалі адкручваць час назад, імкнучыся рэалізаваць ягоны план, ён па тэлехвалях усё роўна абагнаў бы канкурэнтаў.

І ўрэшце перад самым захопам Боскай улады Лукапшык хацеў паказаць выбаршчыкам, як памірае Сьмерць! І тым самым абвясьціць людзям пачатак новай эры – эры неўміручасьці.

Такога перадвыбарчага хода ў барацьбе за пасаду Ўсявышняга не мог прапанаваць выбаршчыкам ні чорт, ні д'ябл, ні нават сам Бог!

Мог толькі Богаў сын і гэту праблему Лукапшык зьбіраўся таксама зьняць.


ЛЕПШЫ ПРАЭКТ
Лепшы, ведаючы пра планы супернікаў, лічыў што ён непераможны, бо зьбіраўся перамагчы ў Бітве за Боскую ўладу зброяй свайго асноўнага канкурэнта – чароўнымі словамі. Лепшы верыў у тое, што напачатку былі словы, зь якіх узьнік увесь сьвет. Прэзыдэнт нутром адчуваў, як кожная часьцінка сьвету ўтвараецца са слоў. Бо пад час кожнага свайго выступу перад людзьмі ён утвараў новы сьвет і людзі верылі ў яго існаваньне і кожны раз пачыналі жыцьцё, як бы па-новаму.

Са слоў Лепшы марыў, як з цаглін, зрабіць новы сьвет, а сябе паставіць яго кіраўніком.

«А калі нехта захоча сказаць альтернатыўныя словы, -- разважаў Лепшы, -- дык на таго, калі нават ён і сапраўдны Бог, ёсць кнопка тэлепульта: цісь і няма…».

А тэлепультам з кнопкай не проста валодала моцная Найлепшая рука. Тэлепульт трансплантавалі ў Найлепшую руку і ён ім кіраваў сваёй воляй.

На канчатковым этапе Лепшага плана перамогі ў барацьбе за пасаду Бога праводзіўся адкрыты рэферэндум з пытаньнямі:

Ці хочаце Вы адмены смерці?

Ці згодны Вы аб'яднаць сваю краіну з Боскім царствам?

Ці згодны Вы, каб у Боскім царстве ваша краіна была ў раі?

Ці згодны Вы, каб Вамі Вечна кіраваў Лепшы?

Пра ўмяшальніцтва Сьмерці ў ягонай барацьбе за Боскую ўладу Лепшы думаў са сьмехам. «Ну ці знойдзецца хоць адзін чалавек, які захоча, каб ім у раі кіравала Сьмерць?» -- задаваў ён сабе пытаньне і сам адказваў на яго. -- Нават вар'ят не пагодзіцца». А калі Кашчавая і прыпрэцца, дык народ яе заб'е да Сьмерці!


ІДАЛАВЫ МАРЫ
Шклоўскі Ідал думаў шэльмаваць д'ябла, які займаецца недастаткова сумленна распустай чалавечых душ, ужо палову вечнасьці прамарнаваў. Так нядбайна патурае карупцыі і ў пекле, што яна пакуль яшчэ не ахапіла ўсіх чарцей і грэшнікаў! Лепшыя месцы ў катлах аддае грэшнікам за недастатковы хабар і вылізваньне сваёй смярдзючай сракі і за тое, каб яму азадкі падстаўлялі.

“Сорам! Ганьба! – крычаў грамавым голасам Шклоўскі Ідал перад люстрам на трэніроўцы па чытаньні даклада па карупцыі ў д’яблавай камандзе.

Да Шклоўскага Ідала дайшлі чуткі пра перабудову, якая мусіць прайсьці ва ўсіх куточках сьвету падчас міленіума, што плануюцца выбары ўсіх кіраўнічых пасадаў і ў тым ліку прэзыдэнта Пекла. Вось і задумаў Шклоўскі Ідал напярэдадні выбараў выступіць з антыкарупцыйным дакладам у пекле супраць галоўнага д'ябла, атрымаць давер чарцей і перамагчы ў выбарах.

Для ўпэўненай перамогі Ідал падкупляў чарцей. Паіў іх гарэлкай, абяцаў падвысіць заробкі, павялічыць адпачынкі, а чэрцям-пенсыянерам абяцаў сістэматычна выплочваць пенсіі! А прастытутак, якіх уцягвала з Беларусі ў “Невіданное міру государство”, абяцаў ў катлы не саджаць, а чарцям аддаваць.

Шклоўскі Ідал планаваў, што перамога над чортам больш за ўсіх наблізіць его да Бога – бо дапамог жа ён Усявышняму адсунуць ягонага вечнага суперніка! А тады, набраўшы кампрамату на Бога, і ў яго выйграць выбары за пасаду Ўсявышняга.

Уяўляючы будучую сусветную перадвыбарчую барацьбу з Богам, Шклоўскі Ідал паўтараў: “Ён так спарахнеў, што ўжо не можа ладзіць сьвет! Паглядзіце, што творыць. Па Еўропе і ЗША пракаціў такія буры і ўраганы, а за што тым людзям пакуты? Яны ж у Бога вераць, у храмы ходзяць, дабрачыннасьцю займаюцца… А ён, стары, за гэта нават самалёты, якія падаюць, падхапіць не можа!

А я малады і моцны. Я не толькі падаючыя самалёты буду лавіць, але і хмарачосы! Сваёй галавой буду каметы трушчыць, а грудзьмі метэарыты як арэхі калоць, баронячы Зямную Кулю.

Рыхтаваў ён і адказ на пытаньне, за кошт чаго ён зможа падвысіць узровень жыцьця на зямлі:

«Знайду іншапланецян і заманю іх на зямлю. Інтэграцыю наладзім! Інвестыцыі атрымаем. Злучым перавагі «Невіданного міру государства» з лепшымі іншапланетнымі бакамі і атрымаецца лепш чым у раі!».

Меў Шклоўскі Ідал і план на выпадак паразы ў дэмакратычных выбарах з Богам. Думаў проста скруціць Богу шыю, бо ён жа такі ж самы, як чалавек са студзеня, бо ўтвараў людзей паводле свайго аблічча і падабенства.

Непакоілі Шклоўскага Ідала адмысловыя здольнасьці «Пане Каханку» вандраваць па часе і чытаць у мазгах. Ідал думаў: «А што будзе, калі гэты «Каханку» раскажа Богу пра Ідалавы планы!?»

Смерці Ідал небаяўся. Ведаў, што Ідалы – неўміручыя.

Засынаючы Ідал трызніў, як у кожнай хаце ў куце замест Хрыстовай іконы, людзі ставяць слупкі з яго абліччам: каменныя і са срэбра, залатыя і драўляныя. А замест сьвечак запальваюць кноты яго статуэтак, полымя касмыля жарсьці грэе надзею ў сэрцах. А яшчэ сьніў сябе на дзяржаўным пасту – дзяжурстве на самым вышэзным халме, і жаноцкую чаргу да свайго тырчака, што хавалася за гарызонт. І шчасьлівыя твары дзяўчын і жанчын, што нацягвалі сябе на яго каменны гонар. І вазы з лістамі тых жанчын, якія просяцца прыняць іх без чаргі, по памруць без дзіцяці ад яго… Гэтыя лісты таксама матылямі ляталі вакол яго, ахіналі, лашчылі, паліруючы яго цела, казыталі парфумаю ў носе, прыносячы слодыч сну.

А раніцой даклады службы бясьпекі пераконвалі яго ў добрых шансах на перамогу і ў тым, што ў кожным яго сьне большая частка – праўда-прадбачаньне, бо ў Найлепшай Беларусі ўсе нявесты з жаніхамі ўскладалі кветкі да стодаў і помнікаў. Апазыцыянеры і прыхільнікі ўлады, таксама ля помнікаў мітусіліся: вершы ім чыталі, кляліся ў вернасьці…

І тады Шклоўскі Ідал уяўляў, што для канчатковай перамогі над балбатлівымі супернікамі яму прыйшлося пайсьці на тэледэбаты. Яны балбочуць, а ён маўкліва з гонарам моцна глядзіць проста ў вочы кожнаму тэлегледачу. Ад хлусьлівых слоў яго супернікаў адмахваюцца, як ад сьляпнёў. Я ў яго маўчаньні праўда. І кожны чуе ў цішыні яго позірка сваю праўду і вечную ісьціну…


ЛЯВОНАВА ЗБРОЯ
Усе планы супернікаў па захопу Боскай улады Лявон ведаў і ўяўляў гістарычныя Бітвы. Вось Лукапшык сягнуў у час утварэньня сьвету, падкраўся да Бога, засяроджанага творчасьцю як дзіцяці, і знянацку пшыкнуў яму ў твар. Можа Ўсемагутны і не заўважыць пыхлівай казюркі, але сапсаванае паветра паўплывае на Боскія істоты і што тады будзе за сьвет? Аднаму д'яблу вядома. А што калі Бог, трацячы прытомнасць ад смярдзючасьці, дзьмухне на Лукапшыка сьмяротным подыхам. А ён – Лявон, што будзе побач, станецца на імгненьне адзіным уладаром сусвету. Што рабіць яму? Кінуцца на дапамогу Богу? Хто ж не дапаможа старому? А ці не абразіцца ад гэтага Ўсявышні, саромячыся імгненнай слабасьці? Проста чакаць, калі Бог ачуняе? Але тады д'ябал падхопіць лейцы кіраваньня сусветам і сапсуе ўсё добрае… А можа самому працягнуць Боскую справу? Але як? Засяліць рай беларусамі. Але ж за такое райскае жыцьцё беларусы-вернікі могуць праклясьці, мужыкі пабьюць, бабы пысу падзяруць… Бадай што трэба навучыць гада, каб спакусіў землякоў рабіць з яблык райскае віно ды самагонку…

А калі памяняць месцамі беларусаў і габрэяў? Беларусаў зрабіць богаабраным народам на зямлі, а габрэяў на зорках… Але ж тады арабы захопяць беларускі Ізраіль і беларусы зьнікнуць, растворацца ў арабскай крыві, як сёньня іх мазгі растварыліся ў рускіх мазгах…

Марыў Лявон і думаў: «Наколькі слабы чалавек у жыцьці і наколькі ўсемагутны ў марах!? Нішто не абмяжоўвае яго ўяўленьні… Яле ж гэта не тычыцца сучасных беларусаў… Якая іх мара? У мужыкоў: каб былі чарка, шкварка і сварка. У жанчын: каб да дому даходзіў, і дамоў прыносіў. А калі б марылі па людзку, можа б так і жылі?»

І зноў Лявон уяўляў як змагаецца Бог з захопнікамі яго ўлады. Вось, напрыклад, зьдзейсніліся Лепшыя планы нападу зьнянацку на Бога. Яго схапілі байцы эскадрона сьмерці, кінулі на дно ямы, стрэлілі па традыцыі імем Першага Прэзыдэнта ў патыліцу… Бог вядома ж хоць і стары, але Ўсемагутны і з гумарам. Ён хутчэй за ўсё пад тую кулю замест сябе на дно ямы Лепшага ўкіне. Потым пакажа забойцам, што застрэлілі свайго ўладара, пачнецца бойка паміж імі, зубамі загрызуць адзін аднаго, каб без сьведкаў… Потым страляніна па Мінску пойдзе, бо грошы вялізныя засталіся яшчэ ад Першага Прэзыдэнта. І шмат хто іх хоча… Тут і Дух Першага Прэзыдэнта ў падзеі ўточыцца, а можа і сам ён уцелецца з новым абліччам пасьля пластычнай аперацыі… Енк! Стогн! Ратуйце! Лаві яго! Хапай! Бойкі! Бітвы! Грамадзянская вайна! І выбары… Можа тады самому вылучыцца кандыдатам?

А можа покуль Бог з забойцамі будзе забаўляцца, трапіць у час выбараў Першага Прэзыдэнта і ўсё зьмяніць! Самому ўзначаліць дзяржаву… Але як зменіш людзей? На гэта патрэбен час. Можа некалькі стагодзьдзяў…

Вось! Напрыклад, пачаць з часоў Шклоўскага Ідала. Калі раптам той Ідал і Бог сышліся ў двубоі. Ідал пачаў бы круціць Боскую галаву. Але той, імгненна уцелеўся ў жалеза, выстаяў. Але Бог Ідала наўрадці трушчэліў бы – нецікава! Бог відаць стаў бы нерухома супраць Шклоўскага Ідала і ў вочы таму сваімі вачыма утаропіўся. Ідал імкнуўся б сваім уладарным позіркам паваліць Бога на лапаткі, сьпяпяліць яго нянавісьцю, а можа полымям бязмежнай злосьці ідал захоча выпарыць з Бога ўсю вадкасьць. Ці ў скрайнім выпадку загіпнатызаваць Бога, каб укленчыў перад ім, павярнуўшыся задам да адбітага тырчака, а потым адлупцаваць дубцом Боскую сраку за тое, што падбухторыў людзей скідаць ідалаў у раку!

А Бог хутчэй за ўсё абуджаў бы ў каменных ідалавых зьвілінах зародкі мары, каб кожная часцінка ідалава цела прагла волі і палёту і разляцеўся б каменны істукан на кавалачкі.

«А калі б я апынуўся на Богавым месцы перад Шклоўскім Ідалам? – спытаў сябе Лявон. -- Прыдумаў! Укленчыў бы сракай да Ідала, а калі той дубцом замахнуўся б, ставіў бы на сваё месца па чарзе ўсіх захопнікаў і гвалтаўнікоў краіны, а Шклоўскі Ідал натхнёна лупцаваў бы іх, думаючы, што помсьціць Богу.

А потым увогульле пасьля кожнага Ідалавага замаху імгненна ставіў бы яго на сваё месца і той бы лупцаваў самого сябе.

А калі хрост Уладзіміраў прымусовы за той час адмяніць? Адцягнуць надалей? Каб людзі на зямлі беларускай ідалам пакланяліся да таго моманту, што жанчыны, якія тырчаком ідалавым авалодаць за найвышэйшае шчасьце лічылі, пачалі грэбаваць ім, плявацца. А мужчыны, каб не малілі ідала даць ураджай, дождж, ці бутэльку, а аб рэшткі тырчакоў Ідалавых бутэлькі адкаркоўвалі. Каб дзетак палохалі так: «Ня будзеш слухацца, скамянееш і будзеш нерухома як істукан стаяць, калі ўсе дзеткі гуляюць, і птушкі табе на галаву будуць класьць…» Карацей, каб столькі накланяліся беларусы ідалам, каб перадчарговым прыхадням плечы не толькі не тургаліся ў паклон, а наадварот, яшчэ больш выпростваліся, а паміж лапаткамі крылы адраджаліся.

«А самае першае, што б зрабіў? – спытаў сябе Лявон і адказаў. – Заклаў бы беларусам моўны ген, каб па нараджэньні адразу пачалі гукаць і вымаўляць па-беларуску. Зямлю б ачысьціў ад хімічнага і радыёактыўнага бруду. І дзьве планэты зарэзерваваў бы для нашчадкаў. На адну – райскую планету сяліў бы добрых людзей. На другую, дзе толькі пакутліва можна жыць, сплаўляў бы злыдняў…»

Яшчэ не раз вяртаўся Лявон у марах да сваіх Боскіх планаў, але часу на гэта было ўсё меньш і меньш.

І ён шукаў зброю.

Да таго ж рыхтаваўся да сустрэчы з прэзыдэнтамі, падтрымліваючы кантакт з прафесарам -- дарадцам Лепшага.

Кожны дзень ён укладваў у канверт праекты ўказаў, дэкрэтаў і планы дзеяньняў супернікаў і кідаў той канверт у паштовую скрыню прафесара з псіхушкі. І ў кожным лісьце пісаў: «Да хуткай сустрэчы», а сам пры гэтым думаў аб сустрэчы з Ластаўкай у віртуальным жыцьці і з Лепшым у сапраўднасьці. З кожным днём Лявону ўсё больш карціла ўбачыць яе і яго. Да Лепшага ён мог трапіць і праз басэтлю, але хацеў, каб прэзыдэнт не здагадваўся пра яго чароўныя прылады. Тады меў бы больш шансаў на перамогу.

Паміж сеансамі сканаваньня ён шукаў пакупніка на свой могілкавы камень. Даў абвестку ў газеты аб продажы старажытнага каменя і адказваў на тэлефанаваньні. Урэшце знайшоў заможнага пакупніка, які хацеў усталяваць камень на сваіх родавых могілках, напісаўшы, што пад ім ляжыць яго знакаміты продак.

Жадаючых было шмат, нават з Расеі. Але Лявонаў выбар быў лёгкі. Бізнэсовец фундаваў апазыцыю, выдаваў кнігі беларускіх пісьменьнікаў і марыў пра незалежную краіну.

Лявон дамовіўся аб часе продажу каменя з умовай яго хуткага вывазу. Бізнэсовец за хабар кіраўніцтву могілак вывез камень, і Лявон набыў шмат грошай і здабыў з-пад каменя свой пістоль. Але, калі камень павезьлі, кінуўся за ім. Быццам роднага чалавека назаўжды увозілі.

… Камень зьявіўся на Лявонавым двары за дзень да яго адбыцьця ў спынены час. Была ноч. Яе цішу зламаў сьвіст, цемру разрэзала полымя і дом скалануў выбух, выкінуўшы Лявона з ложка. Сабакавы брэх абудзіў апошніх, хто спаў, і людзі прыбеглі на Лявонаў двор, аточылі чырвоны камень у два чалавечых роста, падобны на асілка. За іх сьпінамі ў цемры гойсала Кашчавая, са страхам пазіраючы на магутную чырвань і паціраючы апаленыя косткі. Хвіліну таму яна стаяла на месцы вогненнага волата, зьбіраючыся прыбраць Лявона да сябе і ледзь пасьпела адскочыць…

З натоўпу гучала:

-- Зоркі паслалі прывітаньне табе, Лявон.

-- Зоркі маглі гэтым прывітаньнем дом панішчыць, а яго паклалі як раз пасярэдзіне стала! Як госць стаў! Яго толькі Боская сіла магла даслаць…

-- Такі падарунак-напамін магла даслаць родная душа з зорак…

-- І сапраўды камень постацьцю Лявонавага бацьку нагадвае…

…Зараз пасьля продажу каменя агаломшаны Лявон крочыў з вакзала па вуліцы Маркса як быццам праданы камень наваліўся на яго душу і тыя словы наноў гучалі ўвушу. У тую ноч папрасіў сяброў: “Калі зьнікну, усталюйце гэты камень мне на магілу!”

Лявон крочыў міма музея са старажытнай гарматай да прэзыдэнцкага палаца, трымаючы пістоль пад пахай. Раптам каля гарматы спыніўся. Уявіў, што Лепшы і яго ахоўнікі, праязжаючы міма, ніколі не зьвярнуць на яе увагі. Пайшоў далей. Палац абыйшоў дзесяткі разоў, а прэзыдэнта ня ўбачыў.

З таго часу Лявон, апрануты ў жоўтую вопратку, кожны дзень завіхаўся каля гарматы, чысьціў яе, праціраў. Да вар’ята прывыклі настолькі, што калі адзін дзень ён не зьявіўся, супрацоўнікі музея занепакоіліся. Лявон больш чым словам верыў зброі. Але, калі даглядаў гармату, думаў пра планы супернікаў і мяркаваў: “А што калі прыдзецца з імі на тэледуэлі словамі біцца? Якімі словамі перамагчы?” І тады, перабраўшы дзесяткі аргументаў, набыўшы досьвед зносінаў з простымі людзьмі, уяўляў, як кажа людзям з тэлеэкрана:

“У нас, у Вялікім Княстве Літоўскім быў залаты век… Кожны чалавек быў абавязаны за год выпіць бочку гарэлкі і бочку віна! Такога планаваньня не мелі жыхары ніводнай краіны зямной кулі! Скажыце, ці дрэннае гэта жыцьцё?

Кожны начальнік – шляхціч па нашаму, мусіў працаваць як просты чалавек. Не на мерсэдэсах гойсалі нашы шляхцічы, а гной з хлявоў выносілі, ў поле вывозілі і растрасалі. І адзінае, што выдзялала шляхціча ад селяніна – гэта шабля, уторкнутая ў кучу гною на возе – сьцяг элітарнасьці!

Хто з Вас не хоча такой роўнасьці? Чую, што ўсе “ЗА” яе!

А сваіх дзетак Князі аддавалі ў сялянскія сем’і на дзядзькаваньне. Каб працу ведалі і патрэбы простага чалавека. А хто сваё дзіцятка дрэнна жыць прымусіць? Гэта сёньня школамі элітнымі дзяцей падзялілі і машынамі замежнымі. Хто за вяртаньне залатой роўнасьці?

Чую, што ўсе, бачу рукі вашы ўзнятыя за вяртаньне залатога часу!”

Уяўляючы пераможныя вынікі тэлерэферэндуму, Лявон цешыўся з адчаю і роспачы супернікаў.

Разам з аргументамі для слоўнай бітвы Лявон паціху назапашваў порах і некалькі гарматавых куль.

Кожны дзень ён шпацыраваў каля рэзыдэнцыі, вывучаючы расклад Лепшага руху, і напружана думаў. Ніяк не мог сам сабе адказаць на пытаньні: “Напрыклад, калі заб’е Лепшага, шуму і гвалту будзе столькі, што Шклоўскі Ідал і Лукапшык такую абарону наладзяць, што іх і гарматны стрэл не возьме.

Тады атрымліваецца, што трэба так падстроіць, каб уся троіца злучылася, і перамагаць іх разам”.

Лявон да гэтага часу набраўся ў газэтах і інтэрнэце пра кланаваньне і пра электарат столькі, што мог чытаць лекцыі, як калісьці Першы Прэзыдэнт, у грададзкім аб’яднаньні Веды..

Таму і непакоіўся з таго, што: “Зьнішчэньне любога з прэзыдэнтаў і нават усіх разам нічога невырашала. Людзі з іх мазгамі праглі б такіх жа ідалаў… Што рабіць з электаратам? Невядома колькі клонаў прыхавала Кашчавая…”

Вось і думаў пра бацькаву басэтлю, што магла чараваць людзей. Не пакідала прадчуваньне, што басэтля знойдзецца.

Па вячарах адказваў на тэлефанаваньні. Ён даў аб’яву ў газеты аб намеры купіць басэтлю. У жадаючых яе прадаць пытаўся калі зроблена, але пошукі басэтлі не давалі плёну.

І даваў грошы тым музыкам, якія гралі на старажытных інструмэнтах і зачароўвалі людзей.

Шукаючы басэтлю, Лявон пакрысе знаёміўся з музыкамі, мастакамі, паэтамі. Бачыў, як чаруюць чытачоў іхныя словы, гукі, вобразы і думаў, што калі сабраць шмат паэтаў і пісьменьнікаў разам, ды наладзіць іх сустрэчы з чытачамі па ўсіх гарадах, тады яны, што тая басэтля ператвораць людскія душы. Падлічыў грошы ад продажу каменя – атрымлівался на дзесяткі паездак. Угаворваць нікога не давялося. Нават хворыя паехалі.


ДУППАВА КАНСЭРВАЦЫЯ ЧАСУ І ДУХУ
ДуППа таксама пільна сачыла за ўсімі супернікамі. А раз'юшылася ДуППа, калі пісьменьніца Аляксіевіч раскрыла прэзыдэнцкі сакрэт: «…власть старается консервировать время, отгородить народ от будущего, потому, что она его боится».

Лявон праз Аляксіевіч даведаўся пра ДуППаў сакрэт і капаў далей да яго прычын. У ДуППу былі закладзены духі старажытных багоў, а таксама продкаў: ваяроў, уладароў і шаманаў. Закладзены, як кансэрвы, да цяжкіх часоў. Калі ўлада слабла, страх імгненна абуджаў у ДуППе дух таго Бога, ці продка, хто лепей мог уладарыць. Прэзыдэнцкія чараўнікі апляталі той дух у словы і сказы, а тэлевізар заносіў той дух у кожную кватэру.

Абуджаныя духі кансэрвавалі Час. Ён марнеў, скукожваўся прыязна заглядваў у ДуППу, і ўрэшце засынаў. І тады ДуППа прасавала Час, шынкавала, скручвала ў сьпіраль і вязала вузламі і хавала ў таемныя сховішчы да горшых часоў. Найлепш захоўваўся Час у страўніку беларусаў, калі ў яго кулялі чарку і ўкідалі шкварку.

Чым больш уладарыла ДуППа, тым больш у ёй праяўлялася здольнасьць не толькі кансэрваваць Час, але разам зь ім кансэрваваць і Дух Часу – так яна павялічвала сваю духоўную спадчыну.

Дух рознага Часу яна ўсмоктвала з кніг, расказаў, парадаў дарадцаў, а асабліва з кінафільмаў і імгненна кансэрвавала яго. ДуППа бязьмежна прымала Дух любога Часу акрамя будучыні.

Калі нехта з суайчыньнікаў абганяў Час, ДуППа высмоктвала з ахвяры дух і кансэрвавала яго ў Часе, як рабіла гэта заўжды, сілкуючыся нават з даўно памерлых дыктатараў! У Саркафагу для яе быў сапраўдны пір! Насмакталася Духам дыктатараў на цэлую вечнасьць! У тым ліку і Лявонавым Духам... Карыстаючыся кансэрвамі Часу, як палівам, ДуППа магла вандраваць па Часе ў любы бок, набываючы розныя абліччы. Але не магла, як Лукапшык, кіраваць Часам, мяняць яго, скіроўваць плынь часу назад…

Калі прыходзілі выбары, ДуППа, адчуваючы чаго хоча народ, праводзіла раскансэрвацыю Часу Духамі і наталяла ўсенародную прагу. Калі жыцьцё пагаршалася, і людзі абураліся, ДуППа выдавала людзям Дух яшчэ больш горшага Часу, і народ сьцішваўся.

Бывалі моманты, калі ДуППа ад удараў кіраўнікоў краіны Вялікай Мудрасьці, упадала ў роспач, хварэла і, здаецца, памірала. Тады Час імкліва рваўся наперад, імкнуўся загарнуць ДуППу ў адзіноту і пакласьці ў Труну Часу. Сьмяротная пагроза небыцьця ўзбуджала. ДуППа імгненна сілкавалася кансэрвамі ўладарнага Духу, як вярблюд з гарбоў. Ёй вярталася жыцьцё і натхненьне. Людзі бачылі, што ДуППа абарочваецца паганскім Богам. І яна сапраўды, сілкуючыся людзкім духам сляпой веры, абагаўлялася.

Калі б Лукапшык, лятучы па часе назад, трапіў у ДуППаву дзяржаву, там бы і ўліп. Дзяржава была гіганцкім сховішчам кансэрваў Часу і Духу, якія хаваліся ў душах насельніцтва. Тыя кансэрвы, як багна, ўсмоктвалі іншы Час і Дух! Ці з мінуўшчыны хто б туды прарваўся, ці з будучыні трапіў -- усіх чакаў адзін лёс -- тапельца ў багне з беларускіх душаў.

Калі ДуППе былі патрэбны грошы, яна гандлявала кансэрвамі Часу і Духу. На Захадзе адкрылі крамы, дзе і прадавалі кансэрвы. Разбэшчаныя безтурботным жыццём, жыхары за вялікія грошы куплялі сурагат, ускрывалі бляшанкі і цешылі душу вострымі пачуцьцямі… ДуППе ўдалося таксама прабіць тунэль у часе і праз яго ў краіну таксама за вялікія грошы траплялі заходнікі. Тут яны па начах пісалі на сьценах апазыцыйныя графіці, клеілі ўлёткі, ездзілі па Чарнобыльскай зоне… А, трапляючы ў пастарунак, кайфавалі ад дыму танных цыгарэт у камеры, ад удараў дручкоў, як ад наркотыка.

Лявон даведаўся пра тое, што ДуППа наладзіла са сваёй пячоры пастаўкі кансэрваў Духу і Часу у Краіну Вялікай Мудрасьці. Па яе акраінах людзі, як наркаманы, настолькі звыклі да сурагатаў Духу і Часу, што прагнулі мець сваім Прэзыдэнтам ДуППу.

Калі Лепшы кансэрваваў Час і Дух, тады ў апазыцыйных душах мара дзеля самазахаваньня шынкавалася і квасілася. Пад час чаркаваньня квашаная мара добра ішла на закусь да гарэлкі. А з цягам часу шынкаваную ды квашаную мару сем'і апазыцыянераў ужывалі ў ежу. Але не ўсе. Шмат у каго тая мара марнела, набывала горыч і яе, сапсаваную, выкідалі на сьметнік часу.

Але да сапраўднай таямніцы Лявону было далёка.

Лявон радаваўся, што павуціньне часу пачалі рваць паэты і пісьменьнікі, а ДуППа злавалася.


НАЙЛЕПШАЯ ПЕРАМОГА НАД ПАЭТАМІ І ІХ ПОМНІКАМІ
Найбяспечны рапартаваў прэзыдэнту:

-- На сёння самы небяспечны накірунак атакі апазыцыі -- паэтычны. «Паэты і пісакі» высадзілі дзесант ва ўсіх гарадах. Тысячы людзей прыходзяць на сустрэчы з імі. Прыходзяць нармальнымі, а ўходзяць хворымі -- нашымі ворагамі. Могуць сарваць адзінагалоснае галасаваньне… Але мы ўмацавалі вашу паэтычную бясьпеку: аднаго рыфмаплёта пасадзілі ў турму, а для кіраваньня іншымі стварылі ГосКомВъездЗапретСкандал. Ён ахоўвае мяжу паміж пісакамі і народам. Выезжаць за дзяржаўную мяжу пісакам можна і пажадана там застацца, а вось наведваць гарады і сустракацца з чытачамі ім забаронена.

Прэзыдэнта адказ незадаволіў:

-- Главнае не то, штобы проців меня не выступалі, а главное, штобы пра меня все сачынялі. Ва врэмя Божэскага рэферэндума должны дажэ не сьціхі звучаць аба мне – паэмы!

Найбяспечны дакладваў:

-- Для гэтага мы з Расіі выклікалі десант пісьменнікаў і адкрылі супраць тутэйшых пісак расійскі паэтычны фронт. Яны едуць па слядах тутэйшых і адраджаюць разбураныя душы.

Прэзыдэнт крыху супакоіўся, але нешта ўсёж турбавала і ён спытаў:

-- А чаму ані часта к памятнікам паэтам ходзят і ім сціхі чытают?

-- У помнікаў яны сілкуюцца натхненьнем.

Ёсць звесткі, што яны рытхтуюць пад час рэферэндуму тэракты тыпу “Каменны госць”. Яны ходзяць да помнікаў і абуджаюць іх, чытаючы ім вершы, прамаўляючы палымяныя прамовы. А напачатку рэферэндуму дадуць знак, каб помнікі сыйшлі са сваіх месцаў, аточылі наш палац і паспрабавалі паціснуць вам руку, каб потым праваліцца скрозь зямлю…

-- Хто так спланіравал?

-- А.С.Пушкін з Расіі

-- Тот, хто гной возле дварца на мой партрэт сваліл?

-- Не. Другі. Арабскі тэрарыст… Прадзед Бен-Ладэна. Араб Пушкін спачатку ў Расеі ў сваіх вершах на цара гной валіл. Да тэрактаў заклікаў: “Цемніцы рухнут! І свобода нас встреціт радосна у входа!”

Вось нашы апазіцыянеры ад безвыходнасці, таму што людзі за імі не ходзяць, рашылі помнікі ўзрушыць. Але гэта неверагодна. Ну калі толькі помнік у якую апазіцыянерку закахаецца, як Міцкевіч у Марылю.

Прэзыдэнт засьмяяўся, а Найбяспечны працягваў:

-- Мы контрмеры прынялі. У музеі Навагрудка сёння адкрываецца экспазіцыя пра Міцкевіча. А паэты Кастусь Цвірка і Міхась Скобла паспрабуюць пад час адкрыцця трапіць у экспазіцыю і схіліць помнік Міцкевіча супраць нас. Цвірка ўвайшоў да Міцкевіча ў давер – пераклаў яго ўсе творы з польскй на беларускую. І Скобла некалькі вершаў пераклаў.

-- І што вы прэдпрынялі?

-- Каля помніка выставілі блок-пасты. Вядзем назіранне за паэтычнымі тэрарыстамі.

І Лявон вёў назіраньне.

А ў салоне машыны Цвірка паказваў Скобле паперу: “Запрашэньне на адкрыцьцё. Хадзем”.

Цвірка, Скобла выйшлі з машыны, а да іх ужо беглі трое ў штацкім. А вакол музея на падыходах да яго і помніка сядзелі на лаўках і хадзілі коратка стрыжаныя хлопцы. Трое ў штацкім, падбегшы да паэтаў, загадалі:

-- Дакументы!

--А навошта? -- Спытаў Скобла

--Тут мы спрашываем!

Прагледзеўшы пашпарты і Цвіркава запрашэньне, сказалі:

-- Скоблу прыказана не пускаць, а пра Вас зараз утачнім.

І яны пабеглі ў музей. Вярнуліся хутка:

-- І вас -- не пускаць. Праз час в доме культуры будзе другое адкрыціе з шырокімі масамі і Цвірке туда можна, а Скобле – не.

Скобла спытаў:

-- Хто гэта рашыў? Хто там загадвае?

-- Там начальнікі города. Яны рашылі, што паэтав ім уже хваціт.

Паэты пакрочылі ў гатэль, зьнялі нумары і выпілі па чарцы за Міцкевіча. Потым накіравалі Цвірку ў дом культуры.

Той моўчкі пакружляў вакол культурнага дома і вярнуўся:

-- Не магу я так. Ты тут сядзіш, а я буду там, быццам нечым лепей за цябе.

У гэты вечар за Міцкевіча было выпіта столькі, колькі за ўсё жыцьцё не выпіў сам Адам.

А тым часам па-Лепшым загадзе помнік паэту зьнялі і на месцы помніку павесілі шыльду “Снят на переучот”, а помнік даставілі ў Лепшы кабінет. Ад улады над помнікам прэзыдэнт млеў. Ён валодаў адначасова паэтам, паэзіяй і сапсаваным настроем паэтаў!

А Скобла і Цвірка ўначы, дапіўшыся да натхненьня, скіравалі свае паэтычныя ступакі да помніка Міцкевічу. Лявон, уявіўшы паэтавы роспач і гора ад пустога пастаменту, не вытрымаў і з дапамогай басэтлі стаў на Міцкевічава месца. Скобла і Цвірка падыйшлі да жывога помніка і прапанавалі яму:

-- Выпей з намі, Адам! За паэзію!

Лявон асьцярожна сеў на пастамент, зьвесіў ногі. Яго сэрца білася ад хваляваньня, бо баяўся, каб ад такога вытрымалі сэрцы паэтаў. А яны ніколькі ні зьдзівіліся. Справа ў тым, што ў тыя Лепшыя часы ўлады не маглі забараніць людзям хадзіць да помнікаў паэтам, як было пры Першым Прэзыдэнце. Тады 25 сакавіка 2002 года арыштавалі грамадзян з кветкамі, якія тыя несьлі помніку Якубу Коласу. Цяпер за забарону наведваньня помніка маглі выключыць з усіх еўраструктур і забараніць прэзыдэнту і яго чыноўнікам мець дазвол на ўезд у Эўрапейскія краіны да тамтэйшых помнікаў. Толькі так яны маглі наведаць Эўропу.

І тады Лепшыя дарадцы прыдумалі супраць апазыцыі зняцьцё помнікаў на пераўлік і рэстаўрацыю. Калі апазіцыянеры зьбіраліся да помніка паэту, яго здымалі, каб сарваць сьвята. І тады на месца помніка станавіўся тагачасны паэт, імітаваў класіка і акцыя ўсё роўна праходзіла. Праўда паэта потым арыштоўвалі за несанкцыянаваны пікет. Вось і зараз Скобла з Цвіркам, калі ўбачылі, што помнік Міцкевічу сеў, налілі дублёру Міцкевіча чарку, мяркуючы, што перад імі мясцовы талент. Лявон кульнуў яе, а паэты на закусь чыталі яму вершы. Потым яны пайшлі абняўшыся ў цэнтр, сьпяваючы песьні. А там іхныя паэтычныя раты заткнулі міліцыянты. Калі складалі пратакол, Лявон на пытаньне: «Ты хто?» з гонарам адказаў: «Помнік Міцкевічу!». Міліцыянты пільна паглядзелі на Лявонаву адмысловую вопратку, пачухалі патыліцы, а калі пачулі, што яшчэ двое – паэты з Мінска і таксама жывая помнікі, прапанавалі: «Мы вас зараз адпусьцім, але праз гадзіну з горада вы зьнікаеце і ні мы вас не бачылі, ні вы нас, а кніжачку з аўтографам падарыце…»

Найбяспечны пасля адбітай атакі паэтаў нацыяналістаў на помнік, бюст і экспазіцыю Адама Міцкевіча далажыў Лепшаму. Той спытаў, што рабіць з паэзіяй і якія вершы даць народу як Лепшыя. Той разгубіўся, але ДуППа падсунула свой твор і Найбяспечны прачытаў:

-- Верш Першага Прэзыдэнта покуль лепшы:

“В этот день мы с тобой подружились,
Солнце светило тогда.
Я никогда не забуду
Этого ясного дня”.
Лепшы зацьвердзіў узор лепшага верша пра каханьне, але паэтычныя перамогі не доўга радавалі Лепшага. Зняцьцё помнікаў на “пераучот” парадзіла столькі новых лідэраў апазіцыі, так распаліла іх імпэт, што яны, калі хваляваліся, абуджалі народ. Абудзілася і паэтычная струна прэзыдэнтавай душы. Да яго, як да сапраўднага паэта, прыходзілі вобразы: крочылі помнікі паэтаў, каб паціснуць яго руку. Яны станавіліся ў чаргу, але крыху пастаяўшы, пачалі незадаволена грукатаць нагамі па паркеце, потым атачылі яго і пачалі сьціскаць яму хто руку, хто нагу, каменныя пальцы ціснулі за нос, круцілі вушы, абшчапэрвалі галаву і шыю, пхалі каменныя пальцы яму ў вочы…

Калі апрытомнеў, аддаў загад Найбяспечнаму распрацаваць планы умацаваньня прэзыдэнскай бяспекі ад помнікаў і патлумачыў, што трэба:

1. Адмяніць “пераучоты”;

2. Забараніць помнікам зыходзіць са свайго месца і ўвогульле забараніць помнікам хадзіць, збірацца разам;

3. Забараніць падыходзіць вялікім группам людзей да помнікаў, каб іх не скралі.

4. Увесьці зямельны падатак на помнікі;

5. Пры неўплаце падатку прыхільнікамі помніка, помнік здымаць і змяшчаць у спецпрыёмнік-ізалятар часовага ўтрыманьня;

6. За ўтрыманьне помніка ў ізалятары ўвесьці аплату прыхільнікамі помніка;

7. У выпадку неўплаты прыхільнікамі помніка аплаты за яго ўтрыманьне ў ізалятары разам з помнікам сажаць яго прыхільнікаў;

8. Пры адмове прыхільнікаў ад помніка арыштантаў вызваляць, помнік – разбіваць.

9. Забараніць: людзям хадзіць да помнікаў паэтам, паэтам чытаць вершы чытачам, пісьменнікам -- пісаць, чытачам – чытаць.

10. Ім усім паміж сабой забараніць размаўляць

Каля помнікаў усім выбітным асобам пачаліся работы. Людзям казалі, што вакол помнікаў аздабляюць прастору. А па-начах спецвойскі падкопваліся пад фундаменты, ладзілі пад імі глыбокія бетонныя падушкі і замацоўвалі да іх ланцугамі помнікі -- ставілі на якар.


АДЗІНЫ КАНДЫДАТ АД БЕЛАРУСІ НА ПАСАДУ БОГА
Сьмерць сачыла як гадаванцы рыхтуюцца да Бітвы за Боскую пасаду і ўпадала ў роспач. Ім усім яўна не хапала спартовай і разумовай падрыхтоўкі. Тады Кашчавая давяла кожнаму пра пляны супернікаў па фізпадрыхтоўцы і тыя натхніліся.

Быць Богам для ДуППы азначала быць чемпіёнам ва ўсім.

У ДуППавы часы амаль усе паганскія багі беларусаў жылі ў казках, праяўлялі свае здольнасьці на тэлеэкранах ў спартовых душах і асабліва ў душах чемпіёнаў, а адпачывалі ў лясах.

Апазіцыянеры таксама любілі спорт і таму абмяркоўвалі ідэю перамагчы ненавіснага дыктатара ў спорце “па-мужчынску. У выглядзе баксёрскага турніру. Сіла, дык няхай будзе сіла. Хай яна вырашае, каму наступныя гады ўладарыць на Беларусі”.

Апазіцыянеры рабілі разлік на тое, што іх лідэр Сямён Домаш – былы майстар спорту па боксе.

А Найбяспечны пазваніў у ГОС ГОП САМБО і “За ўклад у развіццё самба выканкам Міжнароднай федэрацыі аматарскага самба вырашыў адзначыць А. Лукашэнку сваёй “фірменнай узнагародай – Залатой зоркай”.

Апазіцыянеры заціхлі. ДуППе былі патрэбны грошы. Навошта? Каб набудаваць спартовых залаў і зрабіць усё насельніцтва чемпіёнамі. А чемпіёнам як багам грошы не патрэбны.

Заўхоз падказаў як зарабіць грошы: “Гуляць у шахматы, там мільёны плоцяць! Можам стварыць сваю сусветную шахматную федэрацыю, цябе зробім яе Прэзыдэнтам і будзем грошы зарабляць!»

Ідэя натхніла, і яны пачалі разам трэніравацца гуляць у шахматы, а каб быў стымул, гулялі на “пстрычкі ”. Першая ж гульня скончылася трагічна. Заўхоз зламаў палец, а ДуППа атрымала страсеньне мазгоў.

Мазгі ачунялі праз некалькі дзён. Галава балела. Заўхоза выгнаў. І той, помсьцячы, даў інтэрв'ю, дзе раскрыў ДуППавы сакрэты:

«Почти все пять лет, которые я был рядом с ним, он работал в сутки не более 3-х-4х- часов… первым делом выслушивает службу безопасности, потом встречается с прессой… потом в Дрозды А там тенис, хоккей… Как можно работать, когда через день хоккей в пять часов и через день – тенис?»

Урэшце ДуППа выцягнула спорт на палітычны алімп і Прэзыдэнт пачаў вырашаць пад час спартовых бітваў эканамічныя пытаньні:

“Ельцин со мной на корте не справляется, Коржаков не справляется, Лужков проиграл три раза... В последний раз с Лужковым мы играли на пять тысяч тонн сливочного масла: если я побеждаю, -- Беларусь имеет право поставить их в Москву и продать по своей цене. Мэр все же проиграл. Я говорю: Готовь теперь холодильники”

З таго часу ўся палітыка і эканоміка рабілася ДуППай у спорце:

“По стране больше 5 тысяч тонн масла, которое мы не можем продать… Вот еще будет проблема. Надо будет ехать опять к Лужкову в теннис играть на тысячу или 5 тысяч тонн масла. Вот ты, Долголев, и поедешь сейчас играть, у меня пока нога больная”

Адпаведна ДуППАў Дух быў настолькі гатовы да бітваў за Боскую пасаду, што ніводзін супернік не мог бы яму супрацьстаяць.

Лепшы футбол

Наіўная ДуППа! Яна не ведала, што і пра загартоўку яе спартовага Духа усё вядома супернікам. Яны таксама праводзілі адмысловыя трэніроўкі.

Лепшы трэніраваў свой Дух, гуляючы з апазіцыяй у футбол. Гэта было ўсёроўна, што гуляць з дзьябламі.

… На поле выйшлі па адзінаццаць гульцоў з кожнага боку, а вакол Лепшага паўсталі яшчэ пяць ахоўнікаў. Гульня пачалася, і апазыцыянеры адразу рушылі на вароты ягонай каманды. Дэпутат Юра Беленькі, які калісьці скончыў школу вышэйшага спартыўнага майстэрства па футболе, прабіў з-за лініі штрафной пляцоўкі. Кіраўнік справамі Ціцянкоў нязграбна, як жаба, растапырыў рукі, і мяч сьвіснуў у “дзевятку”. Судзьдзя замахаў рукамі і заявіў, што гол не залічаны. Ён дастаў з кішэні Лепшы дэкрэт і зачытаў, што галы, забітыя з-за штрафной, з гэтага дня не залічваюцца, бо трэба гуляць па-беларуску: чэсна абводзіць гульцоў, уваходзіць у штрафную пляцоўку... Карацей галы мусяць быць працоўнымі, а не халяўнымі.

Новая атака апазіцыі. Сяргей Антончык абвёў палову прэзыдэнцкай каманды, давёў мяч да рысы брамніцкай і прабіў Прэзыдэнту паміж ног! Судзьдзя не залічыў гол, паказаў Антончыку чырвоную картку, выдаліў яго з поля за “унижение чести и достоинства высшего должностного лица государства”. На поле выбегла Найлепшая ахова. Яны, страляючы ў паветра, пакацілі Антончыка на траву, скруцілі яму рукі і панесьлі ў “варанок”. Праз некалькі секунд Антончыка у футбольных трусах і майцы паставілі перад судзьдзёй Вярхоўнага Суда, які прысудзіў:

«За унижение чести и достоинства Президента приговорить Антончика к штрафу в 20 000 долларов США».

... Асноўны час гульні скончыўся ўнічыю – судзьдзя не залічыў галы, якія забілі апазыцыянеры, а прэзыдэнскія гульцы нічога не забілі. І вось пенальці.

Напярэдадні гульні Лявон дамовіўся са Шчукіным, што прыклеіць бараду, парык і выйдзе замест дзеда бараніць браму. Ведаў, што Лепшаму будуць падсуджваць, і патрэбен быў нестандартны брамнік.

І вось у браме Лявон. Лепшы бяжыць да мяча. Лявон замахаў рукамі бы птах. З трыбун над полем ўзьвіліся бел-чырвона-белыя буслы. Лепшы на замаху ўзняў галаву і мяч ад яго нагі дагнаў ніжэйшага бусла. Той у паветры дзёўбнуў нагой па мячы і той упрасаваў Лепшы касмыль жарсьці! Балельшчыкі ўзьвіліся над лаўкамі, вітаючы прыём апазыцыянера.

Судзьдзя адмяніў удар, з-за вонкавай перашкоды і парушэньня закону абаронцам брамы, бо яго вачы адлюстравалі забароненую сімволіку. Лявону надзелі кайданкі, каб больш не размахваў рукамі, што забаронена апошнім дэкрэтам Лепшага. А Лявонавы вочы завязалі, каб не распаўсюджваў забароненую сімволіку і не сьляпіў Лепшага.

Новы прэзыдэнтаў удар. Лявон ўскінутымі рукамі над галавой, узмаліў Бога аб дапамозе, кайданкі звякнулі і мяч трапіў у іх.

Судзьдзя зноў адмяніў удар, зрабіў Лявону папярэджаньне за заўчасны рух, вяк і зьвяк. А паводле Лепшага Дэкрэта да любога ўдару, вякаць і зьвякаць было забаронена. Да таго ж мяч быў адбіты прадметам, які правіламі гульні не прадугледжаны.

На поле выбег судзьдзя з Вярхоўнага Прэзыдэнцкага Суда, зачытаў прыгавор, і судовы выканаўца надзеў на Лявонавы ногі жалезкі за тое, што некалькі месяцаў назад Шчукін крочыў па праезжай частцы вуліцы начале дэманстрацыі. За гэта яго аштрафавалі таксама на 1000 даляраў, а ў сувязі з тым, што ў яго не было ніякай маёмасьці, а пенсію за штрафы арыштавалі на 1000 год наперад зь Лявона зьнялі майку, трусы, шнуркі, красоўкі і гадзіньнік і перадалі ў кіраўніцтва справамі прэзыдэнта. Лепшыя людзі спадзяваліся, што вратар прыкрые сорам рукамі і нагамі, а Лепшы заб'е гол.

Лявон вырашыў пасля сьвістка не варушыцца, і спадзяваўся толькі на свой мужчынскі гонар...

Лепшы пабег да мяча. Лявон не варушыўся, толькі вачыма «стрэліў» па тварах сэксзорак сьвету, якіх Лепшы запрасіў на гульню. Лявонаў фалас паўстаў. Мяч стукнуўся аб яго, прадзіравіўся і засеў! Трыбуны выбухнулі захапленьне. Жанчыны кідалі Лявону паветраныя пацалункі і крычалі “Эрыэл мэн! Сапраўдны мужчына! Сапраўдны беларус!

Судзьдзя ізноў адмяніў удар за тое, што Лявон гуляў небясьпечна востра.

А на поле ірваўся суддзя Вярхоўнага Суда і крычаў: “Ён пашкодзіў дзяржаўную маёмасьць! Прыгавор Вярхоўнага Суда: рэквізаваць сродак злачынства!»

Але яго заглушыў роў.

Гэтым разам Лявонаў фалас прымацавалі трэцьцяй парай наручнікаў да рук, а чацьвёртай – да ног!

Напружаньне на трыбунах дасягнула апагею. Сто тысячаў балельшыкаў крычалі “Шчукін -- Беларусь!”, “Шчукін -- Не здаюсь!”

Лепшыя прапагандысты рыхтавалі публіку да сенсацыйнага удара:

«Президент играет как заправский футболист…азартно, задиристо, со многими филигранными приемами, которые присущи этой жесткой и прекрасной спортивной игре»

Сьвісток. Лепшы тыграм ірвануў да мяча, а Баршчэўскі, які гуляў за апазыцыю, валодаючы 14-ю мовамі, ціха па-афрыканску прамовіў заклён ад змеяў. Лепшы замёр каля мяча ў позе замаху на ўдар, як гіпсавая скульптура ў парку “культуры и отдыха”, а потым, стоячы на адной назе, пачаў, як кобра, круціць тулавам, галавою і задніцай, на галаве гадам паўстаў касмыль жарсьці. Авацыі скаланулі стадыён.

На трыбунах балельшчыкі сьпявалі скакалі, крычалі. Некалькі соцень чалавек выскачылі на поле, падхапілі Лявона на рукі і панесьлі да выхаду, але іх адлупцавалі дубінкамі ахоўнікі Лепшага. Судзьдзя выдаліў Лявона з поля за нелігітымна-інтымную гульню, а Баршчэўскага – за чараўнічы тэрарызм і іх тут жа павезьлі ў Вярхоўны Суд.

На месца брамніка стаў Скразьняк. Ён стаў, паклаўшы рукі на ўяўны столік, як прэзыдэнт ЗША падчас прамовы на лужайцы перад Белым Домам.

Покуль Лепшы адыходзіў каб разбегчыся, Скразьняк мовіў, абвінаваціў і сьпляжыў шэраг апазыцыянераў, як стаўленьнікаў Масквы.

Сьвісток. Лепшы разбегся, глянуў у вочы Скразьняку, скалануўся, наткнуўшыся на востры позірк, ударыў правай нагой па... сваёй левай і паваліўся на траву. Адборныя мацюкі Лепшага паляцелі над трыбунамі. Стадыён дружна зарагатаў.

Судзьдзя адмяніў удар за небяспечную гульню Скразьняка “празмерна вострым позіркам”, што на мяжы злачынства. Зрабіў заўвагу, каб Скразьняк замяніў востры позірк на больш лагодны. І прызначыў пенальці.

Скразьняк зноў стаў у позу амерыканскага Лепшага, Лепшы -- у позу пенальціста. Сьвісток. Лепшы пабег, як бык на карыдзе. Скразьняковы вусны расцягнуліся ў паблажлівай усьмешцы, як бывае ў людзей, якія глядзяць на хворых на галаву. Лепшы убачыў усьмешку Скразьняка і ад зьдзіўленьня магутны удар валасатай нагі выбіў пад мячом яміну, а мяч толькі крыху адкаціўся ўбок. Ахоўнікі зьбілі Скразьняка на зямлю, селі яму на рукі, ногі і пачалі выціскаць вочы і заклейваць рот скотчам.

Судзьдзя адмяніў удар за выкарыстаньне Скразьняком забароненых метадаў гульні. Усьмешкі і сьмех былі даўно забароненыя ў краіне дэкрэтам Лепшага і выконваліся толькі са спецдазволу. З апазыцыі ніхто не мог атрымаць такога дазволу, што давала магчымасьць перыядычна саджаць за краты амаль усіх лідэраў апазіцыі.

Перад новым штрафным Скразьняку, як і Лявону, завязалі вочы. А ў рот уторнулі кляп.

Цяпер Лепшы разбягаўся з сярэдзіны поля. Ён набраў хуткасьць, як шасьцісоты “мерсэдэс”. Калі ад буцы да мяча заставалася трошкі, з-пад зямлі вытаркнуліся рукі, схавалі мяч пад зямлю, а на яго месца стала галава Шклоўскага Ідала, размаляваная пад футбольны мяч. На трыбунах падмены ніхто не заўважыў, а Лепшы з усяе сілы ўдарыў па каменнай галаве. Боль працяў нагу. Ідалава галава засталася на месцы, а Лепшы паляцеў над травой, і ягоны нос араў газон, вусы расцягнуліся як крылы ў кажана і плаўна планерам адарвалі яго ад зямлі.

Ён ляцеў і крычаў: “Глава государства -- это не футбольный мяч, который можно пинать, как кому-то заблагорассудится”.

Заляцеўшы ў вароты, прадраў галавой сетку і завіс у ёй, нібы скуты кашуляй псіхічна хворы.

Судзьдзя закрычаў так, як быццам яму растрэл замянілі на волю. Ён крычаў: “Гол!!!”

Апазіцыйныя балельшчыкі дружна раўлі “Ганьба! Ганьба! Ганьба!”. Чуліся воклічы: «Толькі шалёны можа так лётаць!»

І да яго беглі двое ў белых халатах, трымаючы вялізны шпрыц. Калі санітары садралі з яго трусы і паднеслі шпрыц, ён сутаргава дзёрнуўся ў сетцы варот, уявіў, што калі знойдуць допінг, дадуць пажыцьцёвую прэзыдэнскую нелігітымнасьць. Жах абудзіў яго ў ложку, кашмар зьнік. Асьцярожна прагледзеў апазіцыйныя газеты. Раптам нехта з журналістаў бачыў яго ганьбу і зрабіў рэпартаж!? Але газетчыкі не ведалі пра яго паразу.

Лукапшыкава брама.

Прэзыдэнт Будучай Беларусі рагатаў, чытаючы рапарт Службы Бясьпекі пра спартовую падрыхтоўку супернікаў да Боскіх бітваў. Яго дасягненьні ў спорце мелі касьмічны маштаб і былі засакрэчаны. І да народа Лукапшыкавы рэкорды даводзілі чуткамі.

Тады ў Будучай Беларусі дыспуты і спрэчкі на палітычныя тэмы дазвалялі толькі па зацьверджаных зверху тэмах. Дазвалялася спрачацца пра тое, хто ёсць сапраўдны сын Бога: Лукапшык ці Хрыстос. І ўсе мусілі рабіць правільную выснову... Указ пра дыспуты прадпісваў, што дыспутанты напрыканцы спрэчкі мусяць прывесьці санкцыянаваныя аргументы за тое, што продак Лукапшыка вышэйшы за Хрыста, бо ён мацнейшы за яго і больш дасканалы, бо Хрыстос не гуляў у футбол, хакей і не бегаў на лыжах, а быў звычайным турыстам – хадзіў пешкі. Як доказ на дамах вісеў выраз з Бібліі дзе было сказана пра высокасьць першапродка: “…Что сверх этого, то от лукавого” (Мт.5:37)

А людзям на кожны раток не накінеш платок і шмат хто расказваў, як пад час гульні ў футбол Лукапшык так пнуў мяч, што абаронца варот, у якога мяч трапіў, абляцеў на мячы вакол зямлі. С таго часу ў алімпійскія гульні ўключылі касмічны футбол – чый удар больш разоў абкруціць мяч вакол зямлі, а Лукапшыка зрабілі прэзыдэнтам касьмічнай федэрацыі футбола.

Расказвалі і пра тое, што аднойчы пад час гульні Лукапшык так дзёўбнуў па скураной кулі, што яна лопнула, нага па інэрцыі пхнула зямную кулю і тая сыйшла з арбіты, наблізілася да сонца і ў Беларусі некалькі год запар расьлі пальмы, бананы і какосы, а на мяжы памежнікі замучыліся стрымліваць незаконных эмігрантаў – малп, бо беларускія бананы былі смачнейшыя за ўсе! Тады і пабудавалі вакол краіны вялікую беларускую сьцяну. Аб тых часах расказвалі легенды пра самы смачны вінаград і найлепшае і таньнейшае ў сьвеце віно, якое пілі нават замест вады.

Ды што там віно! Некаторыя найбольш дасьведчаныя ў Боскіх справах шэптам даводзілі, што як раз пад час таго удару Бог і д'ябл гулялі ў футбол. Абодва стаялі на варотах, а іх ангелы і чэрці ганялі па сусьвету кулю, пашытую са скуры дыктатараў. І вось пасля Лукапшыкавага ўдару зямная куля зляцела з арбіты і заляцела ў вароты д'ябла. Той падумаў, што гол зямной куляй зрабіў Ўсявышні, і здаўся. Бог, які ўсё ведаў, пасля таго пачаў лічыць Лукапшыка ў футболе мацней за сябе. І з гэтым немажліва было спрачацца, бо з чуткамі не спрачаюцца, іх толькі падхопліваюць і разносяць.

І калі тыя чуткі данесьлі Прэзыдэнту розныя спецслужбы, ён і сапраўды ўявіў, як выйшаў на гульню супраць аб'яднанай зборнай лідэраў дэмакратычных краін усяго сьвету. Як пасьля асноўнага часу гульні, які скончыўся ўнічыю, білі пенальці. І ўсе дэмакраты залезлі ў вароты так, што туды носа неўточыш, не тое што мяча. І тады ён вытрас усіх з сеткі, як вытрасаюць пыл з анучкі, а потым біў дэмакратаў замест мяча пад сраку, скіроўваючы іх у бок брамы. І так разышоўся, што Бог і Чорт схапілі яго за ногі, каб утаймаваць А ён страсянуў з ног абодвух уладароў у накірунку брамы, і яны паляцелі сашчапіўшыся і куляючыся. Перад яго вачыма -- Кашчавая, каб спыніць, і ёй дзёўбнуў паміж вачніц сваім лбом, яе чэрап трэснуў, адарваўся ад тулава і куляй паляцеў наўздагон за Ўладарамі. Лукапшык маланкаю абагнаў усіх, каго шпульнуў у браму. Стаў брамнікам, растапырыўшы рукі, і узмакрэў ад прадбачаньня звышнапругі. Цела гуло, як высакавольтны дрот. Ён бачыў, як яго душа ўсмоктвае пачуцьці істот з усяго сьвету. Потым заплюшчыў вочы, так заіскрыла цела. Яго нервовая энергія перакінулася на штангі брамы і абярнула футбольную браму ў вароты Ада і Раю. Брама і Ён сталі цэнтрам сусьвету. Да яго імчалі Бог, Чорт і Сьмерць і ён пакутліва думаў каго куды дзець. Пра дэмакратаў сумненьня не было – у пекла. А вось куды Чорта? Ён можна сказать ветэран працы. Колькі год працуе ў гарачым цэху! Можа пара на заслужаны адпачынак – у рай? А кім тады замяніць Чорта? Пакінуць у пекле дэмакратаў без нагляду свайго чалавека? Яны там такі вэрхал уздымуць! Жах! Пачнуць выбары катлавых і драку катламі па галовах, узгадуцюць карупцыю і прададуць усю смалу, катлы і чарцей у заапаркі і ў публічныя дамы для геяў… Відаць галоўным у пекле трэба ставіць свайго чалавека – пракурора!

А куды Бога? Ён ужо стары. Яму належаць павага і прывілеі. Але ў раі яму будзе сумна… Ну не ў пекла ж старога! Дык што ўвогульле не пускаць праз чароўную браму? А можа аддаць яму сваю рэзыдэнцыю, а сабе збудаваць новую…

Адказнасьць за ўсё: на тым сьвеце і гэтым рабіла яго Найвышэйшай істотай сусьвету, цэнтральным брамнікам лёсу кожнага. І гэтая адказансьць і пакутлівы выбар давялі яго да страты прытомнасьці. Нават Бог не даведаўся, куды ськіраваў яго з чортам Прэзыдэнт Будучай Беларусі.

Фінальны матч за статус адзінага кандыдата на пасаду Бога

Усё ішло да таго, што гульня ў футбол паміж гадаванцамі Сьмерці магла стаць вызначэньнем адзінага кандыдата ад беларускіх прэзыдэнтаў на Боскую пасаду, а то і фінальнай гульнёй за лёс зямлі і яе насельнікаў.

Лепшаму не было роўных у прызначэньні судзьдзяў на любую гульню. Ён мог прызначыць судзіць хоць генерала Пасаджаліна, хоць адмірала Засуджаліна.

Шклоўскі Ідал мог пад час гульні імгненна і незаўважна мяняць месцамі мяч і сваю каменную галаву. Прычым, меняючы, імгненна пераафарбоўваў галаву ў клетачку, а мяч – у камень і наадварот.

Лукапшык мог намертва прыклеіць мяч да нагі і ляцець з ім па паветры, кіруючы яго траекторыяй, як манеўровы рухавік ракетай, што залятаў у вароты супернікаў з цэнтра поля і ніводзін з гульцоў не мог нават крануцца таго мяча. Лукапшык мог гуляць адзін супроць не толькі цэлай каманды, а нават супроць гульцоў усёй зямлі!

Здавалася б, што Лукапшыку няма роўных у Боскім футболе?! Але мы забыліся пра ДуППу! Яна, памятаеце? Магла мяняць стаўкі на гульню. Магла вынікам гульні зрабіць права на гандль маслам у самой Маскве! Адпаведна ніхто ў сьвеце не мог ёй перашкодзіць пад час яе пройгрышу таму ж Пшыку заявіць, што пераможца мае прызам не пасаду Ўсявышняга, а Чортаў лёс! О бедны Чорт! О бедны Лукапшык! Абодва шчапіліся б у сьмяротным двубоі за тую пасаду, потым выйшлі на Бога са сваімі апеляцыямі і чортавымі інтрыгамі. Давялі б Старога да інфаркту, а там ДуППа і села б часова выконваць Боскія абавязкі і судзіць усіх чарцей і анёлаў! Вось вам і вынік палітычнага футбола, дзе ўсё для ДуППы як па маслу…

Якія шансы меў бы ў той гульні Лявон? А… ніякіх. Акрамя, бадай што спадзеву на сваю зухаватасьць… Да такіх і дзеўка да сэрца клеіцца і мяч да нагі. Такі і чэмпіёна абвядзе вакол пальца і чорта вакол хваста…

Такі зух, як Лявон, мог і Сьмерць сваім каханьнем амаладзіць і Бога пасьмяшыць. А сваёй гульнёй ў жыцьцё і сьмерць мог Усявышняга пацешыць! А там глядзіш, і магло паўстаць перад Богам пытаньне: «Каго зрабіць сваім нашчадкам: шматпакутнага Хрыста, ці зуха-беларуса? А можа паміж імі падзяліць Боскае царства? Не паверыце, але Лявон пра гэта апошняе нават думаў. І тады прыйшоў да яго такі адказ: «Дзякуй табе Божа за ласку, але зрабі так: няхай будзе Богу Богава, а нам беларусам – беларусава. Будзь ласкавы, адфутболь нам назад, Божа, чалавечую Душу.

Карацей усе беларускія прэзыдэнты былі гатовыя вызначыць адзінага кандыдата на Богаву пасаду па выніках футбольнай Бітвы.

Але рыхтаваліся а да іншых спаборніцтваў. Такіх як гонкі па Часе, праломваньне сьценаў, перацягваньне душ.

А ДуППа ўпарта трэніравалася ў хакей, ганяла на лыжэролерах і на лыжах з гары. Яна добра ведала, што як бы ты высока не забраўся, прыйдзе час спускацца і не проста, я як мага хутчэй – бегчы.


БІТВА СА СЬЦЕНАМІ ЗА ПЕРАМОГУ Ў НОВАЙ ІДЭАЛЁГІІ
Лепшага клапаціў пошук аптымальнай хуткасьці руху дзяржавы па часе. Ён разумеў, што ідэалогія – рухавік хуткасьці гістарычнага руху дзяржавы. Калі ён будзе прысьпешваць час і нават абганяць яго, тады трапіць у Будучую Беларусь. А там Лукапшык яго пераможа. Калі ён -- Лепшы замарудзіць хаду і паверне час назад, тады яго ўладу адбяруць нацыяналісты і паставяць кіраваць свайго нацыяналістычнага Ідала. А калі ён -- Лепшы адкруціць час яшчэ далей у мінуўшчыну, тады ўжо Шклоўскі Ідал возьме верх.

Рухацца ўбакі было бессэнсоўным, бо там былі свае кіраўнікі. У Краіне Вялікай Мудрасьці ўладу аддалі Лепшаму з Лепшых спецслужбаў. І за спробу захапіць там ўладу маглі забіць і пакінуць на зямлі помнікам.

Атрымлівалась, што Лепшага атачылі нябачныя сьцены і ў часе і ў прасторы, што істотна замінала дасягнуць Боскай улады – не было разгону.

Вось пад час такога роздуму прыйшоў з дакладам Найбяспечны і таксама далажыў пра апазыцыйныя сьцены:

-- Яны зьдзекуюцца над адданымі Прэзыдэнту людзьмі, пішучы на сьценах:

ЕСЛІ ТЫ ЗА ЛУКАШЕНКУ, БЕЙСЯ ЛБОМ ОБ ЭТУ СТЕНКУ!

Мы іх арыштоўваем, але колькасьць пішучых не памяньшаецца. Прапаную выставіць каля кожнай сьцяны часавога, і ніводзін надпіс не зьявіцца.

Лепшы спачатку спахмурнеў, потым нешта падлічыў:

-- Дык мы всех часавых каля труб паставілі ад Міронав са сьцягамі ахраняць...

Нейкая думка білася ў Найлепшай галаве аб чэрап з хуткасьцю вышэй за хуткасьць сьвета і Лявонаў сканер не мог яе ўхапіць. Урэшце думка сьцішылася і аформілася. Лепшы загадаў:

-- Выпусціць всех араставаных і сказаць, што за роспісы больш не арэстуюць, а дадуць гранты. І всех нашых прыхільнікаў кінуць на роспісы сьцен «…бейся лбом…»

Праз ноч у краіне кожную сьцяну і плот распісалі заклікамі:

ЕСЛІ ТЫ ЗА ЛУКАШЕНКУ, БЕЙСЯ ЛБОМ ОБ ЭТУ СТЕНКУ!

Раніцой, калі людзі ехалі на працу, каля кожнай сьцяны з надпісам стаялі на каленях людзі: старое і малое, жанчына і дзяўчына, біліся галавой аб сьцяну. Праз гадзіну-дзве ім на зьмену прыходзілі новыя людзі і таксама пачыналі біцца галавой аб сьцяну. Калі-нікалі паміж імі ўзьнікалі бойкі і скандалы за права біцца аб сьцяну – не хапала месца. Ніхто не ведаў, што гэта былі "патрыёты прэзідэнта" з БРСМ” Ніхто не ведаў, што Лепшы выдаў сакрэтны ўказ:

УКАЗ

Самым твердолобым -- выдаваць малако бясплатна для крэпасці касцей.

Тех кто разобьет галаву, прыравнять к вецеранам войны.

На раніцу насельніцтва, калі ехала на працу, бачыла, што пад кожным надпісам-заклікам, дзе ўчора біліся ў істэрыцы, у сьценах зьзяў пралом. У грамадзкім транспарце нейкія людзі крычалі:

-- Как крепка любяць Лепшага! Значыць, он самый лучшы презідзент на земле! У него столько врагов! Надо яго поддзержываць. Ён стараецца! Для Лепшага нічаго не жалка. Даже лоб расшыбіць.

Некаторыя пасажыры спрабавалі жартаваць:

-- Прымусь дурня Богу маліцца, ён і лоб разаб'е! -- і агітатары падхоплівалі:

-- Правільно! Наш Презідзент – как Бог на зямле!

І амаль ніхто не ведаў, што АМАПУ загадалі па начах доўбнямі і ламамі прабіваць дзіркі пад надпісамі. А хто гэта выпадкова бачыў, той зьнікаў.

З таго часу ўсе гарады перайшлі на двухдзённы рытм жыцьця. Адзін дзень па ўсім горадзе біліся аб сьцяну, уначы сьцены ламалі, на другі дзень праломы замуроўвалі. Патрыёты Лепшага ішлі на свой пост з песняй "І вновь начінается бой, і сердце грохочет в груді, Лука-а на-аш такой молодой, і новый іюль впередзі!".

Калі Лепшаму данесьлі, якім посьпехам у народзе карыстаюцца насьценныя бітвы і яго перамогі, ён ашалеў ад шчасьця! Удалося выканаць абавязак кожнага членароду лукавых – выйграць сваю гістарычную бітву! Бітву насьценную!

Лепшыя дарадцы падказвалі яму распачаць бітву з цэнамі і выйграць яе, ён абачліва пярэчыў словамі Першага Прэзідэнта:

«Вы можете мне сказать – отпустите Вы эти цены, не трогайте Вы их. Они сами урегулируются. Ну если хотите разнести всю страну, то можно это сделать. Я это уже проходил дважды, будучи президентом».

Але нешта ўсё роўна яго турбавала. Ён нервова круціўся ў пакоі і напяваў: "Бейся лбом! Бейся лбом! Бейся лбом аб гэту сценку!". І раптам зразумеў, што не давала яму спакою. Ён кінуўся да сьцяны і пачаў бiцца аб яе галавой. Удар! Яшчэ удар! І, самлеўшы, упаў на падлогу. А перад вачыма зіхацела празрыстая сьцяна. На ёй было напісана:

СЬЦЯНА ДЭМАКРАТЫІ

ОБСЕ -- ЕЎРАЗВЯЗ -- ЕЎРАПАРЛАМЕНТ -- РАДА ЕЎРОПЫ

Потым "сьцяна дэмакратыі" зьнікла, а ў ягоных вачах, як у дзіцячым калейдаскопе, паплылі кругі, у якіх лёталі зорачкi i цаглiны. З iх у Лепшых мазгах пачала складвацца крамлёўская сьцяна. Ён падскочыў з падлогі і зноў пачаў біцца галавой аб сьцяну свайго габiнэта. Лепшы ўяўляў, што сьцяна крамлёўская, і крычаў:

-- Бейся лбом, бейся лбом, бейся лбом об эту стенку!

Выход есть! Моя Москва! Москва – за Меня!

Рыфма не ўдалася, але чорт з ёю, з рыфмаю. Галоўнае, што яго радасьць чулі ўсе ў Краіне Вялікай Мудрасьці, бо ён змог выступіць па маскоўскім телебачаньні. І няважна, што ў перадачы «Вокруг смеха»:

“Эта мая Масква! Эта мая сталица! Эта мой любимый горад!

Первая мая ўстрэча с президзентам Рассии праизашла два с паловинай года таму назад. Я ему сразу сказал, он так меня ўнимацельна, прыстальна рассматрывал маладога президзента, я гавару: вы меня не рассматрывайце так прыстальна! Я прыехал в сваю сталицу! В сваю Маскву! Здесь у меня многае связана с Масквой, паэтаму не нада на меня сматрэць, как на инастранца! Ельцин засмеялся и гаварыт: "Я согласен". Паэтаму эта мая Масква, эта мая сталица!”.

Ён працягваў біцца аб сьцяну кабінэта галавой. Удар! Яшчэ удар! Пасьля самлеў і трызьніў:

Са сьцяны вылезла чырвоная цагліна і ўпала. З дзіркі выляцела празрыстая труна з Леніным. Яна паляцела ўздоўж сьцяны, і з яе выляталі, як коркі з бутэлек, урны з прахам савецкіх ідалаў. Яны пачалі кружыць пад стольлю. За пластыкавай труной ляцелі урны з прахам савецкіх ідалаў. Яны высоўвалі рукі і імітавалі крылы. Раптам Ленін прыўзняўся ў труне, і пацягнуўся да яго: "Что же вы медліте, батенька! Мы заждалісь вас! Помніте, вчера было рано, завтра будет позно! Выбірай! А то проіграешь! Не выберешь нашу дулю, получішь пулю."

Рукі з урнаў з прахам запрошвалі яго да сябе, і галасы ідалаў хорам заспявалі:

"Мы выбралі і выйгралі! Мы выйгралі і выбралі! Вам к Нам! Нам к Вам! Будзем вместе тут і там."

Лепшы адчуў нечалавечую цягу да труны з суперідалам, да урнаў з прахам.

Нейкая патойбочная сіла падняла яго з падлогі, адарвала ад яе, і Лепшы залунаў пад стольлю свайго кабінета, прыстроіўшыся да працэсіі з трунаў. Хуткасьць палёту расла, ён дагнаў апошнюю, дзёўбнуўся ілбом у труну, адштурхнуўшы яе, потым адкінуў другую. Набліжалася ўрна з прахам Сталіна. Толькі намерыўся пратараніць правадыря, як з задней стенцы ўрны, дзе быў намаляваны серп і молат, выпаўзла рука, ухапіла намаляваны молат і дзёўбнула па Лепшаму лбу.

Ён сьпікіраваў у сваё крэсла, перакуліўся ў паветры праз галаву, чмякнуўся тоўстым задам у крэсла і, не прыходзячы да памяці, з заплюшчанымі вачыма трызніў указамі, якія вылоўліваў Лявонаў сканер:

"Саздать спецатрад для правядзення в Москве спецакцый.

Регулярно на кремлевской стене праізвадзіць надпісі:

МОСКВА НАША!

САША.

1. В мавзолей Леніна регулярно подкладываць ляльку Лепшага.

2. На стенах домов і заборах Москвы регулярно пісаць:

"ДУРОПРОВОДУ -- НАРОДНАГА ХОЗЯІНА!"

І сапраўды спецатрады выляцелі ў регіёны Краіны Вялікай Мудрасьці для выкананьня сакрэтнага ўказа.

А думкі пра чарговую бітву і мажлівую перамогу прыводзілі Лепшага ў шаленства, як драпежніка, які чуе кроў.

Упэўненасці ў перамозе за дураправод і кранік да яго дадавала геніяльна выйграная бітва за сьцены. Яго цвердалобыя прыхільнікі так імпэтна завіхаліся ля сьцен, што самыя спрытныя без АМАПА і ламоў за гадзіну лбамі прабівалі сьцяну з цэглы, за дзве – жалезабетонную. Ад біцьця пачаўся землятрус, і Савет бясьпекі ААН прыняў спецыяльную рэзалюцыю аб увядзеньні санкцый супраць Лепшага міжнароднага тэрарыста і адданьні яго ў Гаагскі Міжнародны Суд, бо атамныя станцыі ў Еўропе спыніліся ад пагрозы разваліцца.

З НАТА паляцелі самалёты, каб скінуць на агрэсіўных беларускіх дзеўбакоў бомбы з супакоўваючым.

Але і тут Лепшы перамог НАТА. Пакуль натаўцы даляцелі, усе гарады Ускраіны Краіны Вялікай Мудрасьці ляжалі ў руінах, і дзяўбсьці не было чаго. Толькі сьцены амбасадаў стаялі цалюткімі. Іх не дзяўблі, каб на Захадзе не падумалі, што іх тут любяць. Да таго ж іх цэлыя сьцены сьведчылі, што менавіта Захад апынуўся ў ізаляцыі і самаізаляцыі. Гэтыя дурні – Заходнія дыпламаты не зразумеўшы Найлепшай задумкі не здагадаліся заплаціць апазіцыянерам, каб тыя зрабілі надпісы тыпу:

«У ШТАТАХ ФАЙНА ХОЧАШ ЖЫЦЬ? ТРЭБА СЬЦЕНУ ЛБОМ ПРАБІЦЬ!»,

а потым раздзяўблі б сьцены іх амбасадаў, як доказ любові да іх вобраза жыцьця з боку беларускага народа.

А народу ў гонар перамогі над сьценамі і ізаляцыяй выдалі чарнільца і гарэлачкі і ўся краіна храпла, як пасьля касьбы ці жатвы.

Калі людзі ачунялі, пачалі перасяляцца ў зямлянкі, доты, дзоты і бомбасховішчы, якія ніколі не зьнікалі з зямлі гэтай краіны. Лезлі і на дрэвы, дзе таксама будавалі хаткі, накшталт гіганцкіх шпакоўняў.

Для былых вайскоўцаў рэстаўравалі доты на лініі Сталіна і пасялілі іх туды, як у элітнае жытло.

Былым вяскоўцам дазволілі жыць у былых партызанскіх зямлянках.

На чарговым рэферэндуры людзі, як звычайна, аднадушна прарэферэндзілі за першачарговае накіраваньне бюджэтных сродкаў на абсталяваньне зямлянак дурызатарамі. Чаму? Покуль дзяўблі сьцены, Найлепшая прапаганда даводзіла насельніцтву, што гэта з-за любові да Лепшага. А калі ўсё раздзяўблі, тады прапаганда абвінаваціла апазыцыю, назваўшы яе ўдзельнікаў фашыстамі-натаўцамі, якія рэалізавалі югаслаўскі варыянт разбурэньня краіны.

Спытаеце адкуль бралі грошы на дурызатары? Краіну разам з жыхарамі здалі ў арэнду на 99 год замежным кінастудыям. Тут здымалі фільмы жахаў, фільмы пра таталітарные краіны, пра войны. Большую палову ўзяў галівуд.

На кожным метры ішлі здымкі фільмаў. Людзям за тое, што яны жылі як жылі, кінастудыі плацілі грошы за ўдзел у масоўках. Рэгулярна! А калі б не, тады простые беларусы пабілі б кінакамеры… не, скралі б і прадалі.

Адно непакоіла жыхароў, а некаторых даводзіла да стрэсаў. На руінах здымалі фільмы ўсё больш пра катастрофы, вайну і фашыстаў. Вось і не вытрымлівалі ў нармальных людзей нервы. Лявон чытаў аб гэтым у газетах:

«Расійскі кінарэжысёр Д.Астрахан закончыў гродзенскія здымкі новага фільма «Бабін яр», прысвечанага ваенным падзеям 1941 года. На тры дні старыя вуліцы горада ператварыліся ў разбітыя бомбамі яўрэйскія кварталы. На сценах былі наклееныя ўлёткі на нямецкай мове. Калі здымалі эпізод зачысткі фашыстамі яўрэйскага квартала, з будынка нечакана выбегла пажылая жанчына і закрычала: «Фашысты! Як вы ўжо абрыдлі! Прэч з горада!»

Напачатку кампаніі ўсенароднай дурызацыі некаторыя мясцовыя вертыкальныя дурыкі праявілі дурініцыятыву і пачалі ўсталёўваць дурызатары нават у лесе і на фермах. У лесе людзі пачалі зьбіраць паганкі і патруцілася к чортавай матары, а на фермах здурнелыя даяркі ўявілі, што яны каровы, і падключылі да грудзей адна адной апараты механічнага даеньня... Мужыкі, напіўшыся і надурыўшыся, ўявілі сябе быкамі-асямяняльнікамі. Гэта ж столькі ім усім убівалі ў мазгі, што галоўнае -- бітва за ўраджай, надоі, падважкі і прыплод, што ў гэтым сэнс іхняга жыцьця. Нават песьні ім спявалі "Первым делом, первым делом самолеты, ну а девушкі, а девушкі потом!"

Тут і пачалі нараджацца дзяўчынкі з цыцкамі, як у кароў ,і хлопчыкі з чэлясамі як у быкоў, ды ўсе з рагамі. Яно б і нічога, але ж рогі маглі б быць выкарыстаныя пад час паўстаньня, як зброя. Таму было загадана рогі рэгулярна пілаваць. З іх рабілі айчынныя лекі што моцна стымулявалі патэнцыю. І на сусьветным рынку «лука-рога-сэкс» хутка выціснуў «віагру», ды даў валюту.

Насельніцтва краіны паменьшала ў сто разоў. Яго вопыт перанялі ў Краіне Вялікай Мудрасці, Адтуль перадалі:

«Местная власть разрешает старикам разбирать руины. Кирпичи заменяют деньги. Ими можно латать дыры в стенах и строить дома».

Яшчэ ДуППа прызначыла кіраваць Нацыянальным банкам

будаўніка.

Усе перамогі сьведчылі аб галоўнай -- Час удалося спыніць. Першая Перамога над часам дадавала Лепшаму сілы і натхненьня.

Заставаўся толькі адзін клопат: выбар адпаведнай ідэалёгіі для апраўдання адмысловай палітыкі. Ідэёлагі далі яму шмат прапаноў, і ён злаваўся, адкідаючы лісты з вар'яцкімі ідэямі. Яго супакойвала ДуППа:

“Мы несколько раз подходили к выработке национальных ценностей, идей, которые могли бы сплотить наше общество. И я вам в очередной раз говорю – у нас ничего не получилось. Ну, не получилось и все. Национальную идею испоганили, под видом национализма насаждали, нагнетали и хорошее дело загубили”.

На чарговай дакладной быў напісаны дзіўны праект з эпіграфам Гётэ:

Калі імгненню я скажу:

“Цудоўнае, спыніся! – панясу

З сабой у вечнасць я тваю красу...

Лепшы, агаломшаны геніяльнасьцю ідэі, мармытаў: “Якія мудрыя гэтыя немцы! А якая цудоўная наша мова! Вось табе і ўся ідэалогія…»

А Кашчавая, назіраючы за сваім кланаваным сынком, таксама паэтычна мармытала: “Спынісь імгненьне! Ты цудоўна!..”

Лепшы трымцеў ад шчасьця, што знайшоў новую ідэалёгію. Рухацца, спыніўшыся. Рухацца ў вечнасьць. «Вось чаму Воланд казаў, што беларусам наканавана лётаць! – Узгадаў Лепшы. --Узлятаць у вечнасьць да боскай вяршыні!

Але хто дапаможа? Па якой лесьвіцы караскацца? На якіх крылах узьлятаць? А можа патрэбна адмысловая сьцяна, па якой можна забрацца на неба? Ці трэба знайсьці сьцяну, праз якую можна трапіць да Бога?»


ПЕРАМОГА НАД БІБЛІЯЙ
Лепшы пільна сачыў за вынікамі падрыхтоўкі да бітвы з Богам. Яму дакладвалі пра супернікаў:

«У 1994-м у вёсцы пад Гародняй адна бабулька адразу пасля выбараў Прэзыдэнта зьняла са сьцяны ікону Хрыста і на тое месца павесіла партрэт Прэзыдэнта. Тое ж самае зрабіла бабуля з Бабруйска.

З-пад Смаленска пісалі «Лукашенко послал нам сам Господь Бог, чтобы все мы, русские, белорусы, украинцы, опомнились и объединились против новых татаро-монгол с Запада. Это вселяет надежду. Наше святое дело -- донести правду о Белоруссии до широких слоёв народа, кого сбивают с толка лживые средства массовой информации. Уверены, что за Лукашенко подписались бы почти все жители нашего Ярцевского района”.

У Віцебску на праязныя талоны ў грамадзкім транспарце слугі Лукашенко нанесьлі выяву герба горада з Хрыстоваю выяваю. І грамадзяне, каб аплаціць праезд, змушаныя былі кампасьціраваць на талонах Хрыстову галаву. У Мінску на талоны нанесьлі Маці Божую з дзіцём, і мінчукі кампосьцерамі прабівалі дзіркі ў выявах галоў сьвятых.

Праваслаўнага Бога ДуППа часова паралізавала заявай пра стварэньне “православного атеізма”. І народ яго падтрымаў. Людзі пачалі біць сябе кулаком у грудзі і ганарліва казаць, што мы, як і Лепшы -- праваслаўныя атэісты.

Газета “Советская Белоруссия” пісала пра дзейнасьць Першага Прэзідэнта:

“Сначала был Хаос, потом поиск и только после этого пусть медленное, осторожное, но планомерное и поступательное движение к построению настоящей государственности». ”

«Во время родительских собраний в средней школе №6 г.Солигорска (директор Т.П.Теряева) учителя настоятельно рекомендовали отцам и матерям проводить дома с детьми политбеседы. Завести тетрадки, выписывать туда цитаты из речей Президента и заучивать их вместе с детьми. Похожие указания звучат и в других школах».

Усё гэта заводзіла Лепшага, і ён паўтараў ДуППавы словы:

“Я сам о себе подумал: слава Богу, что есть Президент, который может сохранить стабильность в обществе”.


ПЕРАМОГА Ў БІТВЕ З БОГАВЫМ ПОГЛЯДАМ… БУДЗЕ!
Крыху непакоіла Лепшага апазіцыя. Найбяспечны далажыў:

-- Яны стварылі «Незалежны погляд», каб назіраць за выбарамі.

-- А мы?

-- На іх «Незалежны пагляд» у нас есць свой власны взгляд, які мы ўзялі ў Першага Прэзыдэнта і працытаваў:

“Власць адна. І таго, хто рассуждает, что он там незавісім, отправляйце туда, гдзе он будзет незавісім навсегда”.

«Министерство юстиции заявляет, что организация по подготовке наблюдателей «Незалежны погляд» не зарегистрирована в республике Беларусь и согласно закону она не вправе осуществлять свою деятельность в Беларуси.».

Але Лепшага незадаволіла заява мінюста Першага Прэзыдэнта:

-- А што вы здзелалі, штоб запрэціць богав взгляд!? Вы же знаеце, што не зра в народзе гаварат, што Бог всё відзіт?

Для нашай пабеды в выбарах за должнасць Бога нам нада рашыць дзве праблемы:

1. Запраціць Богу всё відзець;

3. Нам відзець всё, што дзелает Бог.


ПЕРАМОГА НАД НАДВОР'ЕМ
Калі Лявон уключыў сканер, ў Лепшым кабінеце пачалося экстранае паседжаньне Савета бясьпекі пра правядзеньне самага дэмакратычнага ў сьвеце рэферэндура аб прызнаньні за Лепшым Боскіх паўнамоцтваў. Лепшы пачаў:

-- Мы далжны праверыць усе бакі маёй безапаснасці.

Далажыце пра маю пагодную безапаснасць!

Той пачаў:

“В первой половине мая 1999 года заморозки на почве в отдельных районах Беларуси достигали 12 градусов мороза. В мае 2000 года в Брестской области на осушенных торфяниках морозы достигли 16 градусов. Даже в северных странах, таких как Швеция и Норвегия, ничего подобного не было за последние миллион лет!”

Надвор'е нас турбуе. Мы пакуль не можам уплываць на засуху, дождж, мароз і снег.

-- Хто і што нам замінае? Бог ці Масква? –перапытаў Лепшы і сакратар патлумачыў:

-- Мы вінны бо не разлічылісь за добрае надвор'е за мінулыя гады. На аддалі даўгі Першага Прэзідэнта, хаця кляліся на Канстытуцыі аддаць. І былы міністр сельскай гаспадаркі Васілій Леонаў здрадзіў нашаму клану – адкрыў сакрэты кіраваньня надвор'ем, змагаючыся з Першым Прэзідэнтам. Вось яго ліст, напісаны з турмы і перадрукаваны ў апазіцыйных газетах:

“Вы обманули меня и группу российских физиков на “особо крупную сумму”... Вы помните, как твердо обещали россиянам заплатить за то, что они обеспечивали на Беларуси солнечную сухую погоду в период уборки в 1996 и 1997 годах. Вы ведь лично пообещали Мартынову за чашкой кофе у Вас в кабинете, что вопросов с оплатой такой важной работы не будет. По вашей заявке в те годы была обеспечена благоприятная погода, и Вы не стеснялись говорить: “Я дал Вам нужную погоду”…

По вашему поручению полную оплату должен был провести И. И. Титенков. Однако под надуманным предлогом он отказался это сделать. Обсудить с Вами проблему долгов Вы не позволили – упрятали Леонова в тюрьму. Для сведения эти люди корректировали в Беларуси погоду с 1988 года, с перерывом в 1992--1994 годах. В те годы по указанию Кебича им платили. Заплатите обещанное и Вы, и тогда, возможно, при необходимости они снова помогут Беларуси. Но это не просьба – это напоминание о долгах” (Письмо бывшего министра сельского хозяйства В. С. Леонова из тюрьмы к А. Лукашенко. “Белорусская деловая газета”, 11.06. 1999).

Лепшы сьціснуў кулакі:

-- Немедленна найці і наказаць віновных!

Найбяспечны адрапартаваў:

-- Міністра Леонава зноў пасадзілі: абвінавацілі ў раскрыцьці дзяржаўнай таямніцы. Але ж ад слёз яго родзічаў дождж не пойдзе…

-- Я сам все здзелаю, -- сказаў Лепшы. Палкоўніку Філарэту

перадайце загад маліць Бога і аб ураджае, і аб збіранні хмар.

Нада і с врэменамі года разабрацца і са всемі канкурэнтамі. Как там віцебскі гукальнік весны? Еще не уціхамірылся?

Найбяспечны паказаў паперу:

“4.04.97. в 11-45 гр. Б. Хамайда зноў стаяў на аўтобусным прыпынку па вулiцы Ленiна каля дома № 28 з плакатам "Беларусь! Незалежнасць! Вясна!". Затрыманы, дастаўлены ў мiлiцыю i асуджаны як "рецидівіст" за: "Повторную организацию несанкционированного пикета без разрешения органов власти с плакатом "Беларусь! Незалежнасць! Вясна!”

Тем самым Б. Хамайда допустил нарушение Декрета Президента Республики Беларусь А. Лукашенко № 5, ст. 12."

Судья постановіл Хамайду Б. подвергнуть штрафу в доход государства в размере 22 млн. 500 тыс рублей."


БЛІСКУЧАЯ ПЕРАМОГА НАД ГОЛАДАМ
Нарада працягвалась. Лепшага хвалявала харчовая бясьпека ўсіх выбарцаў:

-- Маі людзі галадаць не будут і ва врэмя рэферэндума на нагах устаят. Бульба у поле і парсючок у хлеве всегда будут. К сільна выпівшым прыставім міліцыю ГАМОН – паддзержыт ізбірацелей на нагах. А вот как скот?

Найбяспечны рапартаваў:

-- Скатовая харчовая бяспека падарвана. Але мы нашлі спосаб абароны ў вопыце Першага Прэзідэнта:

“На Віцебшчыне ўзімку касілі чарот на лёдзе, каб хоць нечым набіць трыбухі каровам”.

Лепшы загадаў словамі ДуППы:

-- «Пусць чыновнікі тот скот, который у ніх остался, ілі скелеты выведут на пастбіще!”


ДУППАВА ПЕРАМОГА Ў БІТВЕ УНІТАЗЫ
ДуППа яшчэ ў целе Першага Прэзыдэнта ведала, што яе чакаюць гістарычныя бітвы. Таму рыхтавалася грунтоўна. Бараніла дзяўчат і жанчын ад продажу за мяжу гвалтаўнікам-рабаўладальнікам. Стварала сіліконавую даліну для вырошчваньня беларускіх геніяў.

Аналіз накірункаў усіх мажлівых атак на прэзыдэнта пад час рэферэндуму, зроблены яго аналітыкамі, паказваў два найбольш небяспечных: адзін -- з боку Прэзыдэнта Краіны Вялікай Мудрасьці, другі -- знізу праз каналізацыю. Глыбокі аналіз прыводзіў да высновы, што гэтыя накірункі могуць зліцца.

-- Як мяне любяць в Расіі? -- Дапытваўся прэзыдэнт у Найбяспечнага.

-- Меньш пасля таго, як Пуцін заявіў:

“Мы будем преследовать террористов, где бы они ни оказались: в аэропорту – так в аэропорту! В туалете – так мы их и в сортире замочим!”

Пасля гэтага каналізацыйна-электаральны рэйтынг Пуціна папоўз уверх вышэй калена, крышкі ўнітаза і нават сліўнога бачка!

-- Да, эта он сільна сказал. Как жэ я не успел аперэдзіць – замачыць?

Раздражнёна мовіла ДуППа. – А што мая аппазіцыя?

Найбяспечны глыбока ўздыхнуў:

-- Яны з Пуціным дзейнічаюць разам. Апазіцыя перашла ў падполле і рыхтуецца да масавых терарыстычных актаў. Плануюць падсыпаць слабіцельнае ў ежу выбаршчыкам, каб у дзень рэферэндума людзі з вуліц і плошчаў пабеглі дамоў у прыбіральні. Мы ж ні воднай грамадскай прыбіральні не пабудавалі, а тыя, што былі, зрабілі платнымі.

-- Чаму не строілі? – Спытала ДуППа.

-- Там народ мог збірацца на несанкцыянавыя сходы і мітынгі…

Вунь у Барысаве апазіцыянеры ўжо правакуюць народны выбух.

Найбяспечны зачытаў газету:

“Активисты незарегистрированного движения «Зубр» снова напомнили городским властям Борисова про отсутствие общественных уборных в городе. Снова как и месяц назад, на ступеньках горисполкома появился унитаз. На нем был прикреплен плакат, где говорилось о том, что унитаз будет появлятся снова и снова, пока власти не начнут строить в городе общественные уборные»

Уяўляеце, што падсыпаўшы парашок, апазіцыянеры выставяць на ўсіх «ганках» вертыкалі ўнітазы і народ пад час галасавання сядзе на іх? Пачнуцца бойкі за месцы. Фото і целерэпартажы з галасуючымі на унітазах зганьбіць нас! Апазіцыя скажа што народ галасаваў сракамі.

Ёсць яшчэ адна унітазная пагроза…

Апазіцыянеры наладзілі масавую вытворчасць баявых комплексаў шматразовага выкарыстоўвання. У яго склад уваходзяць:

1. Вечка і седала для унітаза ў форме дзяржаўнага герба.

2. Шчотка для ўнітаза в форме лялькі, з вашым абліччам і касмылём жарсці.

3. Музычная прыстаўка да сліўнога бачка з уключэнем пад час смыва песні "Товаріщ Презідент" Э. Ханка.

Камплект назвалі: ПРАСРАЎ БЕЛАРУСЬ -- НАМЫЛЬВАЙ ДУППУ!"

Лявон, гледзячы на адкрытые рты зьдзіўленых хаўруснікаў, аж сьвяціўся ад шчасьця! Гэта была яго ідэя.

На самой справе апазіцыянеры нічога не выпусьцілі, але так горача спрачаліся, так доўга абмяркоўвалі рабіць ці не, і калі рабіць то як, што ўсе спецслужбы падалі ДуППе рапарты пра тое, што справа ўжо зроблена.

Сканер паказаў, як за ДуППай ўзьнік Хіхітун і рагатаў, трымаючыся абедзвюма рукамі за жывот, паціраючы рукі.

Найбяспечны працягваў даклад:

-- Прэзідэнты дзэрмакратычных краін іх ужо ўстанавілі. Паслы таксама! Усе члены апазіцыі імі актыўна карыстаюцца. А калекцыянеры ўсяго сьвету ў чарзе стаяць. Апазіцыя плануе здабыць шмат валюты за продаж гербавых унітазаў. А беларусам боекамплекты даюць бесплатна!

Змешаныя пачуцьці -- страх і захапленьне -- змагаліся ў ДуППе:

-- Эта какой геній прыдумал наглядную контрагітацыю?

-- Нашы навукоўцы. Вы ім зрэзалі заробкі, вось яны і прыдумалі. Ды яшчэ гранты на тое атрымалі. Лепшы і сам чуў, што унітазы карысталіся вялікім попытам у жыхароў. Нават яго каханка прасіла паставіць у прыбіральню гербавы ўнітаз, як апоші пшык моды.

Паставіў, а потым жахнуўся ад прадчуваньня перамогі антыдурацкай і дураадводаўскай апазыцыі і суродзіча. Бо так усе сімвалы маглі змыць да Шклоўскага Ідала.

На пасяджэньні паплечнікі ДуППы, якія ўвесь час змагаліся за ўплыў на яго, ледзь не пабіліся. Найбяспечны не хацеў выпускаць ініцыятыву з рук:

-- Трэба правесці па краіне суботнік пільнасці па вобыску прыбірален. Гербавыя ўнітазы канфіскаваць і выставіць на плошчы Незалежнасці. Потым правесці васкрэснік і публічна разбіць ганьбу. Прымусіць біць свае творы саміх апазіцыянераў!

Супраць яго рэзка выступіў прэзыдэнтаў заўхоз:

-- Вам, воякам, только бы біць, крашыць... Не то врэмя на дваре. Атбіраць -- да! Но не разбіваць, а прадаваць. За мяжой чарга стаіць на куплю гербавых унітазав! А у нас валюты нет. Я все гербовые унітазы і іх праізводства заберу себе в управленіе дзеламі Прэзідзента... Валюту ат прадажы -- в презіденскій фонд для рэферэндума!

ДуППа падтрымала:

-- Створым сваё падполле і будзем прадаваць пад відам апазіцыанераў!

Заўхоз, адчыніўшы дзьверы нагой, упэўнена выйшаў з прэзыдэнцкага офіса, трымаючы на жываце бліскучы ўнітаз, а на шыі гербавае седала.

Лепшы, натхнёны прадчуваньнем чарговай перамогі, падскочыў з воклічам:

-- Мы его замочым і перамочым! Здзелаем праграму «Саюзный целевізар»! А футляры для целевізара памесцім в унітаз з сідзеннем із нашего нового герба-ошейніка-нажопніка! Я ўсю Расію замачу, абхамучу і абжоплю ўмесце с пуцінымі-распуцінымі!

Рыхтуйце пробны экзэмпляр і яго прэзынтацыю!

Праз тыдзень Найбяспечны далажыў. Чытаў па газеце:

«З 14 верасня па 1 кастрычніка ў Палацы мастацтваў прайшла 11 Рэспубліканская выстава маладых мастакоў «Новыя імёны». Найбольшую цікавасць наведвальнікаў выставы прыцягваў унітаз з убудаваным у яго і ўвесь час працуючым тэлевізарам. Звычайна былі ўключаны расійскія каналы, але пры жаданні можна было перашчоўкнуцца і на адзіны наш… пабачыць і паслухаць, як вяшчае з «тэлеўнітаза» той, хто болей за ўсіх беларусаў з'яўляецца на экране БТ».

-- Запускайце масава! І туалетную бумагу с маімі партрэтамі і аппазіцыанеры скупят у неагранічанам калічыстве і дзіпламаты, да весь цівілізованный мір для сваіх дзермакратічэскіх нужд скупіт. Вот вам і бюджэт гасударства! Дзеньгі не пахнуць! А кроме, таго бумагу можна іспользаваць с двайным назначэннем -- прадаваць на новый год і мой дзень раждзення как гірлянды. Да ешчо ўключыць факт праізводства і прадажы туалетных комплексаў у аччоты для Савета Европы і ОБСЕ как даказацельства дзермакрацізаціі страны.

ДуППу панесла:

--“Хваціт нам занімацца туалетнай бумагай на уровне прэзідзента!”

Нада мысліць шырэ і комплексна! Нада і вучоных на свой бок вярнуць.

“Вы сегодня обижаетесь на то, что возникло ряд академий в отраслях: Академия аграрных наук, медицинских наук. Какой там? Канализационных нет еще? Будзет уже. Ну, вот видите, даже канализационных наук, Президент говорит, будзет."

З наступнага дня кожны выбаршчык краіны, заходзячы ў прыбіральню, адчуваў сябе вучоным, а некаторыя напрыканцы акта нават -- акадэмікамі. Бо цэлы месяц з ранку да вечара па радыё і тэлевізары перадавалі абяцаньне Першага Прэзыдэнта ўтварыць каналізацыйную Акадэмію і яго загад аб прызначэнні кіраўніком Нацыанальнай Акадэміяй спецыаліста ў гэтых справах доктара М.Мясьніковіча.


ІДАЛАВА ПЕРАМОГА НАД ЧАЛАВЕЧАЙ МУДРАСЬЦЮ
Савет Бясьпекі Шклоўскі Ідал зрабіў пашыраным. На яго ён вынес пытаньне аб усеагульным прызнаньні Ідала мудрэйшым сярод усіх, як перадумовы перамогі ў бітве за Богаву пасаду.

Найбясьпечны далажыў:

-- Апазіцыянеры шукаюць і рыхтуюць адзінага кандыдата на выбарах супроць Прэзідэнта! Нашы людзі скралі ў іх сакрэтны прыбор для выяўлення сапраўднага лідэра.

Ён дастаў з дэсантнай сумкі нешта падобнае да баксёрскага шлема. Ад шлёма цягнуўся дрот да электроннага пульта. Зьверху шлема была дзірка і над ёй месьцілася лыжка. «Мая!» – войкнуў Лявон, гледзячы ў сканер. Ён так расхваляваўся, што ўскочыў з крэсла.

Як Лявон пазнаў лыжку? Калі прадаваў свой могілкавы камень, разам з маладымі кампутаршчыкамі распрацоўваў прыбор для вымярэньня моцы ідэй лідэра, якія могуць узняць выбаршчыкаў і павесьці іх на барацьбу. Прыбор, надзеты на галаву палітыку, які абгучваў кіруючую ідэю, рэагаваў вышынёй узняцьця лыжкі. Вышыня лыжкі фіксавалася з электроннай дакладнасьцю. Чым вышэй уздымалася лыжка, тым мацней была электаральная ідэя.

Дарадца працягваў:

-- Лідэры Вашай апазіцыі толькі па аднаму разу памерылі свае галовы. Усчалі спрэчкі, бойку з-за міліметраў вышыні лыжкі і мы іх затрымалі за парушэньне грамадзкага парадку і прыбор наш. Пад час выпрабаваньняў яны ўключалі шумы, але мы расшыфравалі назву прыбора – Дурамер. Мы спрабуем яго асвоіць. З яго дапамогай можна падбіраць кадры для вертыкалі.

Кіраўнік справаў адчуў, што сакратар выйшаў наперад у спаборніцтве за блізкасьць да шэфа, выхапіў дурамер і надзеў сабе на галаву, кажучы: «Дурамерам можна самага мудрага выбраць! Калі публічна прадэманстраваць доказ Боскага паходжаньня Ідала, мы пераможам».

Заўхоз працягнуў палец да кнопкі "пуск", а Лявон у роспачы закрычаў у сканер: «Дурань! Ты ж наадварот шлем надзеў!»

Але каменны палец тыцнуў у пульт і лыжка пачала рытмічна стукаць па галаве. Пры гэтым на электронным пульце заскакалі лічбы. Прайшла гадзіна і ўвесь гэты час хаўруснікі пазіралі то на галаву заўхоза і на ягоны твар, які праменіў здзіўленьне і захапленьне, то на лічбы прыбора.

Лявон рагатаў. Ідал зайздросьліва спытаў у заўхоза:

-- Ну, што чуствуеш, Ваня?

-- Што я тут самый умный! І главнае, што ні ўдар, то новая мысля...

-- Да не пра мыслю спрашываю, а что чуствуеш!?

-- Саша, я Сеня – сьпікер 13-й! А вы -- мудакі! Я к вам в апазіцыі. А-а-б’являю вас нелігіцімнымі! І забіраю все вашы вклады швей-царскіе себе!

Ідал зароў:

-- У-у! Прадацель! Мяшок з дзермакраціяй!

Ідал падскочыў да заўхоза, замахнуўся і, нешта ўзгадаўшы, прыпыніўся:

-- Ваня! Ты проста геній! Ты атлічный прымер!

Ідал нацягнуў дурамер сабе на галаву, націснуў на кнопку і лыжка дзёўбнула па каменнай галаве і з яе выляцелі іскры. Выцьцё пажарнай сірэны напалохала хаўрусьнікаў, са столі лінулі пена і вада, ўсе мітусіліся па пакоі ў пене, грукаліся ілбамі, крычалі ратуйце… Ахоўнікі выскачылі з ніш у сьценах павалілі ўсіх на падлогу і ўсім начапілі кайданкі. Першы раз Прэзыдэнт апынуўся закаваным, уціснутым тварам у брудную пену. Але Ідал застаўся задаволеным -- ахова не падвяла. Толькі вентыляцыя не спраўлялася, бо ўсе наклалі ў штаны.

Выпрабавальнікі хутка абцерліся, падцерліся і перайшлі ў другі кабінет і ў дурамер прыладзілі залатую лыжку, якая не іскрыла.

Дурамерная лыжка дзёўбнула па Ідалаваму касмылю жарсьці і зьнікла ў ім. Бачнай засталася толькі ручка. Ідал знерухоміў. Асалода расплылася па яго твары. Лыжка, відаць, закранула сьценкі простай звіліны і адтуль выляцеў голас ДуППы: “На меня, так сказать, обвалилась философская мысль! Я просто обязан сейчас быть в цэнтрэ!”

Ідалу паднесьлі габелен, дзе ён быў вытканы вышэй за Папу Рымскага, а пасярэдзіне габелена вытканы Бог.

І ДуППА зноў сказала:

-- «Народ всегда умнее нас с вами, группы людей или же отдельных людей."

Выпрабаваньне дураметра так захапіла хаўруснікаў, што прышлося выклікаць брыгаду ўрачоў. У выніку спаборніцтва, хто больш вытрымае ўдараў, некалькі чалавек атрымалі сатрасеньне мазгоў, аднаму лыжка праламіла чэрап, а ва ўсіх астатніх на галаве тырчэлі гузакі і па шчоках цякла кроў. Але ніхто не жадаў выглядаць дурнейшым за астатніх і раз-пораз паміж хаўрусьнікамі ўзьнікла бойка за выпрабаваньне дурамерам. Гэта цешыла каменнага Ідала.

Вырашылі прапанаваць выкарыстаць Дурамер для пошуку адзінага кандыдата ад беларускіх прэзыдэнтаў для выбараў на пасаду Бога.


ДРУГАЯ БІТВА З ЗОРНЫМ ЧАРНАБЫЛЬНІКАМ
Зорная бясьпека моцна хвалявала прэзыдэнта. Лепшы часта ўздымаў свае вочы да зорак. І зараз спытаў Найбясьпечнага:

-- Как нашчот маей звезданутай безапаснасці? Мне внешняя разведка прынесла фільмы пра звезные войны, звезных тэрарыстав. Ніхто з іх не збіраецца меня звездануць?

-- Звездная безопасность – наше самое слабое место,— спахмурнеўшы, сказаў Найбяспечны і працягваў:

-- Нам не ўдалось заслаць свайго агента да зорных тэрарыстаў у Зорны

Чорнабыльнік. -- Вдруг он расцвецёт ва врэмя галасавання за должнасць Бога? – Захваляваўся Лепшы. -- Есць рашэнне как всегда прастое і геніальнае:

Нада здзелаць так, штоб на дзень галасавання ў Зорны Чарнобыльнік перашлі все нашы людзі. Тагда цветку некага будзет валнаваць на земле! Кроме нас канечна. А пасля выбарав пусць там і астануцца. І власць наша будзет вечнай!

Распахаць і засеяць все чарнобыльскіе паля! Выгнаць каров на чарнобыльскіе луга! І досыта накорміць народ атамамі! А ўсе гуманітарные лекі затрымаць на мытні покуль не сапсуюцца. Людзям сказаць, што з-за мяжы атруту пруць.

І Лявон прачытаў у газэце:

"Франк Нэгель, прадстаўнiк чарнобыльскай iнiцыатывы з нямецкага горада Золiнгена распавёў: "Для шасці дзетак, хворых на рак, авiякампанiя Люфтганза" даставiла прэпараты (на 10 тыс марак), якiя блакуюць утварэнне метастазаў. Замежнiкi падрыхтавалi ўсе неабходныя для мытнi паперы. Але гэтыя лекi трымалi на мяжы больш сямi тыдняў".

Лепшы спытаў:

-- А што еслі в Зорнам Чарнабыльніке саздадут атрад смертнікав і ані пратаранят маю рэзідзенцыю? мой дварэц? Маю машыну?

Найбяспечны супакоіў:

Мы зноў буслоў на дахі пасадзім у кошыкі на… кайданкі. Калі адпусьцім, яны ўтвораць самы надзейны шчыт.

Кніга шостая


КУЛЯ НА ПРЭЗЫДЭНТА
Cтрэл вынес Лепшага на дах. Ляцеў уверх, а думаў уніз: “Кто падкапал? Снова Сёмуха с Баршчэвскім сваімі двадцатью замежнымі мовамі? Не зра немцы наградзілі Сёмуху высшым ордзенам… А можэт Шкловскі Ідал падкапал? Ілі не выдзержалі перекрыція секрэтнага метро?»

Ліхаманкава шукаў Лепшы супакаеньня, узгадаў кашмарны сон, калі пад яго падкапалі з супрацьлеглага боку зямной кулі апазіцыянеры і амерыканскі спецназ даставіў у суд ЗША. І мільганула выратавальнае: «А вдруг мой дварэц праляціт да амерыкі і выб'ет Белый дом в космос і я стану Презідзентам ЗША? У ніх жэ Прэзідзент нелігіцімный! А маіх працэнтав на дзве легіцімнасці хваціт…Буду «кіраваць” аднавременна Беларусью і США, лётая па танелю!»

У Найлепшай галаве гучалі і словы ДуППы:

«Президент должен быть президентом… Почему я должен быть иным президентом для своей страны, нежели тот канцлер Шредер или президент Франции? Они их ценят за твердость, несгибаемость, еще там может за что-то… Почему я должен быть у гордого народа какой-то мочалкой? Что я сделал плохого, чтобы испортить имидж нашего государства, что?!»

Шмат хто, гледзячы на Лепшага, захапляўся: "Какой харошый наш Прэзідзент, забоціцца а нас. Вон как на врагов разазлілся, што дажа в ліцэ перамянілся. Мы далжны Прэзідзенту памагаць, верыць яму, штоб спакойна спаць".

У гэты момант Мiнск накрыў сьвiст, быццам на горад пікіравала камета. Разгубленыя мінакі аглядвалi неба, пазiралi адзiн на аднаго, шукаючы адкуль жудасны гук. Апазыцыянеры і журналісты, як заўжды, зубаскалілі:

-- Гэта Лепшы ў космас на сваім спутніку паляцеў. Хоча стаць першым Прэзыдэнтам-касманаўтам.

Сьвіст мацнеў і сьведчыў, што нешта ляціць, набліжаецца да горада.

Тры асобы: Бог, чорт і Лявон бачылі, як Кашчавая дастала са сваёй кішэні кулю, якую выразала з галавы Шклоўскага Ідала на беразе рэчкі Серабранкі і шпульнула яе ў касмыль жарсьці, які закрываў простую зьвіліну.

Лявон не мог зразумець чаму Кашчавая зьнішчае свайго гадаванца.

Куля з маркiроўкаю "Лёзна" з жудасным сьвiстам ляцела да ўладнага палаца, а яе сьвіст раз-пораз заглушаў толькі голас ДуППы:

“Я президент государства, и это государство будет, пока я президент”

Куля дзёўбнулася ў галаву, нібы ўджаліла, і адскочыла з гукам каменя, які упаў на века каналізацыйнага люка. Лепшы разгубіўся. Разгубілася і Кашчавая, пачуўшы ДуППаў крык:

“Не пудрице нам мазги!” .

Лепшы упаў на калені і прыціснуў левую руку да сэрца, молячы сваю хросную за хутчэйшае выратаваньне. Але як толькі ён упаў укленчыў, акамянелыя ногі адваліліся, у галаве пранесліся ДуППавы словы:

"...Уважаемые депутаты Верховного Совета! Я не пришел просить извинения, как здесь Голубев этого требует. Вы этого, господин Голубев, от меня не требуйте, потому что не получите. Я просто хочу проинформировать вас, откуда ноги растут... Мы приняли закон, и этот закон надо сегодня осуществлять. Я сейчас скажу, откуда ноги растут... Да, далеко не прыгнули, не шагнули, но ничего не развалилось больше того, что было развалено. А теперь по поводу ног. Я очень сомневался, что этот вопрос будет внесен в Верховный Совет, но меня постоянно информировали о тех движениях..."

Лявон у роспачы ад таго, што Сьмяротная куля адскочыла ад Найлепшай галавы, націснуў на Лукапшыкавым тэлепульце кнопку, «Дождж» і яго руку з пультам паказалі тэлевізары ўсяго сьвету.

Кнопка вярнула час на той момант, калі сярод зор распадаўся Чарнобыльскі Саркафаг.

З неба хлынулі патокі сьлёз, пралітых па дыктатарах у ЧаСе, а людзі ў захапленьні крычалі:

«Вось сапраўдны Прэзідэнт! Не балбоча, а справу робіць! Хоць не абяцаў, а дождж даў!»

Патокі магічных сьлёзаў растваралі пацукоў і прусакоў, каменныя стоды ачышчаліся, а беларусы набывалі чалавечыя душы.

Сьлезы скончыліся, і як толькі прагучала першае «Дзякуй Богу!», як на беларусаў з ЧаСу пасыпаліся каменныя фаласы. Вуліцы апусьцелі. Зухі зьбіралі рарытэты, уварочваючыся ад удараў мэсыджаў продкаў.

Гучала: «Гэта нам кара Боская за ідалапаклонства…»

Фаласапад скапыціў ахоўнікаў Клімаўскай клеткі. А адмысловы тырчак зьбіў замок на клетцы Андрэя Клімава, Андрэй адкрыў клетку, але ня выйшаў на волю, бо зь неба сыпала, а падхапіў вызваліцеля, абцёр зь яго пыл, узьняў над галавой і ў захапленьні ўсклікнуў:

«Во б…ць! Хто мог подумать, что древний х…й выпустит меня на свободу!?»

Хоць тысячам чалавек пашчасьціла набыць каменны фалас, але Андрэеў набытак быў лепшым. Усе журналісты вакол Клімаўскай клеткі фатаграфавалі жаноцкія позіркі. Усе яны з захапленьнем пазіралі на Андрэя. Прычым ніводная не глядзела на каменны тырчак, а толькі на Андрэя. Яму ў рукі патрапіў чароўны ўладар, што стагодзьдзямі прыварожваў жанчын і… ўладу і не страціў свайго чараўніцтва.

Андрэй падумаў, гледзячы на скароныя позіркі: «А навошта мне зараз прэзыдэнцкая ўлада?! Я ітак – уладар сэнсу жыцьця, чараўнік…»

Але яго лёс ад яго ўжо не залежыў.

У руках Клімаў трымаў сімвал бязьмежнай улады на Беларусі -- тырчак Шклоўскага Ідала, якога Першы Прэзыдэнт выкінуў праз вакно, Душа Буша падправіла траекторыю і тырчак зьбіў замок на Клімаўскай клетцы, вызваліўшы яго.

Жанчыны пачалі крычаць:«Клі-маў- прэ-зы-дэнт!» і ўсе падхапілі вокліч.

Першым Андрэя з воляй павіншаваў Лявон. Уладар Кулі паціснуў руку ўладальніку чароўнага тырчака і фотаздымкі двух уладароў абышлі ўсе газэты. Іх супольнасьць істотна паўплывала на лёс краіны.

А маленькі каменны пэніс трапіў Лепшаму на панцырны касмыль жарсьці і ўвайшоў у яго. Галава скрыгатнула -- быццам нажом прадзіравілі кансервавую бляшанку. Такi самы гук быў пад Лёзнам, калi куля прабiла бок "Мерсэдэса". Толькi цяпер прабiтая галава пшыкнула, пэніс выціснуў з простай зьвіліны рэшткі Лукапшыкавага духа і ДуППу, якія ўзьвіліся словамі:

“Радзі сахранения спакойствия в стране я готов пажэртваваць собственным разумам!”.

«Ситуация всегда была сложной, мы всегда плакали, нам всегда чего то не хватало…Но в итоге оказывалось, что не хватало хорошего шила! И когда это шило в райкоме партии или еще где-то доставали, тогда мы начинали шевелиться».

Нi крывi, нi мазгоў не пырснула з галавы. Яго твар засьвяціўся асалодай, быццам яму ўвялі наркотык.

Пэніс з неба куляй увайшоў у адзіную "прямую извилину" -- "мазгавую вертыкаль", заткнуў, як корак затыкае бутэльку. Менавіта ў гэтай "вертикальной прямой извилине" і хаваліся Лепшыя – бязмежнае імкненьне да ўладараньня, страх і злосьць.

Лепшы не ўпаў і нават не пахіснуўся. Ён выцягнуўся, як салдат на каманду "зважай!", і канчаткова скамянеў. Вочы закаціліся і заплылі каменнай плеўкай. Вусны стуліліся, быццам хто заляпіў іх цэментам. Вушы прыліплі да галавы. Адпалі вусы, бровы і рэшткі валасоў з лысіны. Адпалі рукі. Тое ж самае адбылося з шыяй, яна раздалася па самыя плечы, і галава зрабілася працягам тулава. Лепшы канчаткова ператварыўся ў iдала.

А вакол яго віхурай круцілася ДуППА, уварочваючыся ад граду пэнісаў і Лявонаў сканер фіксаваў яе словы:

“Это бесперспективно – пытаться меня лишить власти силой или такими методами, какие были применены к Милошевичу. Меня, конечно, можно убить физически, но тогда на вашей демократии будет поставлен крест. Американские и немецкие политики слишком хорошо это понимают. Меня никто никогда не тронет, если меня не предаст российское руководство».

Каменнымі пэнісамі нікога не забіла і не пакалечыла! Бо да часу кіраваньня Лепшага народ так прывучылі да дубінак, што некаторыя маглі лавіць сваімі галовамі нават метэарыты! А тыя, хто не ведаў зьдзеку ўлады, хутка прыстасаваліся да камнепаду, як сапраўдныя беларусы.

А прэзыдэнскія ідэёлагі далдонілі, што камянямі народ дзяўбе апазыцыя з нябачных амерыканскіх бамбардзіроўшчыкаў, што купілі іх на 40 млн. даляраў, якія выдзеліў Кангрэс ЗША на дапамогу ўсталяваньня дэмакратыі. «Бачыце, якую хреновую дэмакратыю хочуць занесці нам амерыканцы?!» – рытарычна пыталі прапагандысты з тэлеэкрана. Але людзі не глядзелі тэлевізар. Усе збіралі пэнісы, каб потым прадаць іх як сувеніры замежным турыстам.

Праз імгненьні фаласападу палац і Лепшы на яго даху схаваліся, накрытыя куляй з пэнісаў. З пад іх даляцелі словы ДуППы:

"Президент как глава государства должен занимать лучшее здание, которое существует сегодня в нашем государстве. Есть бывшее здание Центрального комитета, где сидел тот коллективный президент. У нас всегда был, кстати, Президент, только, конечно, под крышей компартии. Поэтому я вам однозначно заявляю, что резиденция Президента будет в здании Центрального комитета партии".

Куля з палацам паціху пайшла пад ваду-сьлёзы.

І Лявон узгадаў словы Бібліі:

“... а калi Гасподзь учынiць незвычайнае, i зямля разьзявiць вусны свае i праглыне iх i ўсё, што ў iх, i яны жывыя сыдуць у апраметную, дык ведайце, што людзi гэтыя пагардзiлi Госпадам. Толькi ён сказаў словы гэтыя, як расьселася зямля пад iмi; i разьзявiла зямля вусны свае i праглынула iх i дамы iхнiя, i ўсiх людзей… i ўсю маёмасьць;i сышлi яны з усiм, што належала iм, жывыя ў апраметную, i накрыла iх зямля, i згiнулi яны спасярод супольства”.

Як толькі фаласапад скончыўся, людзі ўсе падабралі, нават кавалкі, і разабралі ўсе з кулі над прэзыдэнцкім палацам. Працяглы час іхны продаж, а таксама іх падробкаў стаў выгодным бізнесам для беларусаў.

На паверхню сьлёз, дзе схаваўся палац, выплывалі бурбалкі, лопаліся і з іх вылятаў ДуППаў вокліч:

“Просто мурашки бегут по спине, когда задумаешься, насколько мы погрязли и лезем глубже в это дерьмо”.

Выліваха ўзгадаў пра свае пакуты пад час дзермаўкрыжавання і падумаў: «Вось чаму Беларусь такая багатая на балоты! Бог не дае кожнаму гаўнюку паганіць нашу зямлю! Ён стварае пад такімі багну. Гэта ж колькі засранцаў разам з іх набыткам Усявышні паклаў на дно?!»

Пасля стрэлу Шклоўскага Ідала пад Лёзнам засталася дзірка ў "Мерсэдэсе", галовах людзей, гербе Беларусі. Прадзіравілася яе гісторыя і дэмакратычная Еўропа.

Пасля стрэлу Лепшага засталася яшчэ дзірка ў ягоных нагавіцах, на прастоле з "царскими полномочиями" і на месцы цэкоўскага палаца, а пад зямлёй "огромная дерьмовертикаль".

А ў шчырых беларусаў застаўся жарт для маленькіх дзетак. Калі каторае, загуляўшыся, нечакана "страляла", бацькі казалі: "Ты -- зусім як Прэзыдэнт! Глядзі! А то яшчэ раз "стрэліш", дык Шклоўскім Ідалам абернешся! Скамянееш, палысееш, і толькі касмыль жарсьці на галаве застанецца!"


ПЕРАБУДОВА ПА—БЕЛАРУСКУ
Журналісты перадавалі рэпартажы аб падзеях у цэнтры Мінска па ўсім сьвеце. Яны прыводзілі інтэрв'ю, дзе адны казалі, што прэзыдэнта паглынула зямля. А другія цьвердзілі, што палац паляцеў за аблокі касьмічным караблём і такім чынам Бог забраў прэзыдэнта. Заклікаў да сябе, каб, як Маісея, прызначыць на іншую планету для вывядзеньня істот з рабства…

Лявон жа кінуўся шукаць Настачку. Знайшоў у больніцы. Настачка ляжала ў ложку. Медсёстры праціралі ёй шнары, а ўрач ветліва тлумачыў: “Не хвалюйся, да вясельля зажыве, а пасьля абеду мы цябе выпішам”.

Лявон вызначыў, дзе знаходзіцца больніца, купіў кветкі, злавіў таксі і праз гадзіну шпарка крочыў па дворыку да ганка больніцы.

Налаўках сядзелі хворыя, дзе ў адзіноце, дзе разам з родзічамі. Каля самага ганка Лявона спыніў знаёмы голас, што выляцеў з пад капюшона хворага. Ён сядзеў у халаце і галава была таксама накрыта як у манаха:

-- Сядай на хвілінку! Настачка яшчэ не гатова… -- Загадаў голас, і Лявону стала млосна. Ён пазнаў…

-- Што зь ёй? Кажы! – І Лявон схапіў халат за каўнер, узьняў над галавой…

З пад капюшона голас спакойна сказаў:

-- Зь ёй усё добра. Зараз пабачыш… А вось с табой… табе прыдзецца вярнуцца назад у …наццатае стагодзьдзе… А гэта значыць, што твой лёс скончаны і перадаецца ў мае рукі…

-- Як!?

-- Так. Ты выканаў наканаванае… А каханьне да Настачкі – гэта табе не прадвызначана. Хочаш застацца зь ёй? Тады мусіш авалодаць мной – Смерцьцю… Гэта дасьць табе неўміручасьць і Настачку. Выбірай. Можаш не зважаць на мяне. Ляці да каханай! Але атрымаеш імгненьні спатканьня, а пасьля навечна страціш жыцьцё, а зь ім і Настачку, і каханье…

Сьлёзы зьявіліся на Лявонавых вачох. Ён кінуў долу халат, а тая, што вяшчала зь яго растаяла ў паветры.

А насустрач бегла Настачка. Яна, убачыўшы Лявона, пачырванела, сумка выпала з рук. Яна далонямі затуліла твар.

Лявон пацалаваў яе пальчыкі, расціснуў далоні і лёгкімі дотыкамі вуснаў расцалаваў шнары на яе твары.

Настачка, не расплюшчваючы вачэй, узмаліла:

-- Навошта я табе, такая пачварына?! Пакінь ты мяне, Лявон!

-- Ніколі і нізавошта! Нават калі пластом ляжаць будзеш, спаралізаваная, усё роўна не пакіну. Кахаў і буду кахаць.

І Лявон палка сьціснуў яе ў абдымках – гэтак, што яна войкнула і ўзмалілася: “Дзіцятка нашае пашкадуй – задушыш!”

-- Божачка, ты зацяжарыла!? Якое шчасьце! - усклікнуў Лявон і выцалаваў Настачкін зарубцаваны твар, кожны шнар, быццам цалаваў немаўлятка.

Яны ішлі абняўшыся і Лявон расказваў пра сваё віртуальнае жыцьцё і каханьне. Настачка нагадвала Лявону пра драбніцы, якія той забыў. І Лявон дзівіўся:

-- Адкуль ты гэта ўсё ведаеш? Ты ж увесь час непрытомная была… толькі трызніла. Можа, думкі чытаць можаш?

-- Ды не, я ж з табой усё гэта перажывала… Я трызьніла табой.

Лявон, даведаўшыся ад урача, што Настачку нельга хваляваць, не сьпяшаўся распытваць далей пра яе ўражаньні ад віртуальных спатканняў. Але нясьцерпна карціла задаць адно пытаньне і ён не вытрымаў:

-- А твой муж пад час нашых спатканьняў… Хто ён? Каго нагадваў з твайго ранейшага жыцьця?

Настачка крыху памаўчала. Потым пільна паглядзела на Лявонаў твар, быццам адшуквала на ім нешта і ціхенька сказала:

-- Гэта быў ты, ранейшы, якога я цябе знала да падзеньня з каня… Муж -- з нутра тваёй душы…

Чырвань разлілася па Лявонавым твары, па ўсяму целу, кроплі поту выступлі на ілбе. Ён прыгадаў Ластаўкіна згвалтаваньне ўначы, сутыкненьне з яе мужам у бібліятэцы, пах спаленай кнігі з тэлефонай трубкі. І запярэчыў:

-- Не мог я спаліць сваю кнігу… Не я гэта быў! Тым больш я не мог цябе…

Яна імкліва прыціснула палец да яго губ:

-- Вядома ж не ты. Ты пасля ўкрыжаваньня зусім іншы стаў. Але раней быў як сапраўдны «Пане каханку». Нездарма ж ты ў ЧаСе ў яго ўцелеўся. Але я цябе і такога кахала… І не хвалюйся так! Тыя выпадкі з мужам былі трызненьнем, а калі яны праходзілі, тады ты, ласкавы, з мілатою прыходзіў на спатканьне…

Для мяне нашае жыцьцё было выратаваньнем, хаця і было ў трызненьнях і мроях. Каб не тваё каханьне, я б ніколі не выжыла. А дарэчы, як твая кніга? Дапісаў?

-- Канцоўка не атрымліваецца. Нічога не магу прыдумаць. Кажуць, што мужчына мусіць пасадзіць дрэва, пабудаваць дом і выгадаваць сына. Беларусам цяжка гэта зрабіць. Толькі жыць пачнуць, як ворагі лясы выпальваюць, дамы нішчаць, сыноў забіваюць. Вось жа, замест гэтага, беларусы будуюць мару. Мая кніга – гэта тая ж мара, мой дом. Мне ж ніяк не выходзіць дапісаць кнігу, дабудаваць дом. Відаць, яшчэ нешта будзе…

... Яны ішлі абняўшыся, хмельныя ад радасьці. На цэнтральнай плошчы зьбіраліся пенсіянеры з партрэтамі Лепшага, аперазаныя чорнымі стужкамі. Перад імі апантаны прамоўца абяцаў правесьці з Галандыі малакаправод.

У кожную кватэру прамоўца абяцаў паставіць яшчэ два кранікі і разам з гарачай і халоднай вадой падаваць піва і віно. Іх ён зьбіраўся правесьці пасьля інтэграцыі з Германіяй і Францыяй.

-- Лозунг дня! -- крычаў прамоўца:-- ДОЛОЙ ДУРОПРОВОД! ДА ЗДРАВСТВУЕТ -- ВИНОПРОВОД! ПИВО -- В КАЖДЫЙ РОТ!

Ішла перадвыбарная прэзыдэнцкая кампанія.

Тут жа маладыя хлопцы рабілі бізнэс. Яны абменьвалі ў пэнсіянераў іх прыватызацыйныя чэкі на відэакасеты з запісамі выступаў Лепшага.

Шмат дзе было відаць, як людзі цягнулі ў хаты гербавыя Лепшыя седалы для унітазаў. Па горадзе ляцелі чуткі, што тыя, хто будзе мець гэтыя седалы, не будзе плаціць за камунальныя паслугі.

Лявон патлумачыў Настачцы, што адбываецца ў краіне:

-- Апазыцыя падзялiлася на два лагеры. Лiдэры грамадскага руху "Дураадвод за Народ" закінулі лiдэрам партыі Аб’яднанай Мудрасьці (АМ) ў віну, што яны ўсе тайныя агенты i стаўленiкi краiны Вялiкай Мудрасьці. Дураадводаўцы прынцыповым праграмным патрабаваннем зрабiлi тэставаньне на дурамеры ўсiх кандыдатаў у Прэзыдэнты i ў дэпутаты.

Лiдэры партыі Аб’яднанай Мудрасьці прынцыповым праграмным палажэньнем прынялі два тэзiсы:

1. Усе лiдэры антыдурацкай партыi ёсць генii.

2. Кожны чалавек, якiм бы дурнем цi вар'ятам нi быў, мае права на роўных удзельнiчаць у канкурэнтнай барацьбе на рынку эканамiчным i палiтычным.

Лявон прывёз Настачку на плошчу Чаканьня Рэвалюцыі Андрэя Клімава. Там дзе стаяў прэзыдэнцкі палац, месьціўся адкрыты басейн, абкладзены мармурам і абсаджаны ў перыметры дрэвамі. Над ім дугамі перакрыжоўваліся масты-ходнікі, якія пачыналіся з кутоў басейна. Пасярэдзіне басейна, выступаючы з паверхні вады, стаяла мармуровая зямная куля. З яе тырчэў мармуровы стод -- копія Шклоўскага ідала. З дзіркі ў яго галаве высока біў струмень вады, які затым парасонам накрываў ходнікі над стодам. Па перыметру басейна стаялі мятровыя каменныя фаласы крыху нахіленыя да сярэдзіны і таксама струменілі ў вадзяны ідалаў парасон.

-- Гэта новы беларус пабудаваў, каб выйграць парламенцкія выбары. Моладзь адразу палюбіла гэтае месца, і назвала яго Боскім. Чаму - так ніхто і не ведае. Але ўжо ёсьць прыкмета – тут нікому нічога не абяцаць, а калі і даваць слова, то толькі жартуючы, і дадаваць: «Ты ж мне тут не вер». І лічыцца, што калі дзяўчына і хлопец пройдуць разам пад вадзяным парасонам без слоў і візгату, тады іхняе каханьне будзе моцным і дзеці добра народзяцца.

Было горача, і маладыя плавалі ў басейне. Зухі скакалі з ходнікаў, ластаўкамі пралятаючы праз фаласавы струмяні і, даючы нырца пад кулю. Яна унутры была пустой і хлопцы хаваліся ў кулю, палохаючы дзяўчат сваім знікненьнем. А некаторыя маладыя, занырнуўшы ў Кулю разам, цалаваліся там і кахаліся.

-- Мы сюды яшчэ вернемся. – сказаў Лявон. – А зараз пойдзем на сьвята сьмеху.

-- Так.


СЬВЯТА СЬМЕХУ
Покуль яны ішлі на першае беларускае сьвята сьмеху Лявон расказваў:

-- Пасля перамогі над Ідалавай дыктатурай апазыцыя прыняла рашэньне паставіць шклоўскага стода як статую сьмеху -- першую за ўсё iснаваньне Беларусi. Яе паставілі насупраць цэнтральнага ўвахода ў Беларускі дзяржаўны ўніверсытэт тварам да плошчы незалежнасьці. Як раз насупраць помніка Леніну. Аснову помніка ідалу зрабілі з камля дуба і назвалі камель сьмеху, на якой кожны мог пакінуць анекдот пра беларуса. Габрэі маюць сьцяну плачу, а сьмяюцца зь сябе ў анекдотах і мы завялі камель сьмеху, бо ўсё жыцьцё плачам... Сьвята сьмеху прызначылі на той дзень, у якi беларусы паддалiся ачмурэньню i выбралi Першага Прэзыдэнта.

Сьвяткаваць вырашылі дзесяць дзён, у два туры, як і выбіралі.

Стоды глядзелі адзін аднаму ў вочы і адзін аднаго ачмуралі. На помніку Леніну было напісана: “Пад сцягам Леніна уперад да перамогі камунізму!”. Пад нагамі Шклоўскага ідала быў высечаны надпіс: "Если ты за Лукашенку, бейся лбом об эту стенку!"

Сьвята пачалося песняй жаўрука. Пад час панаваньня Лепшага ўсіх жаўрукоў муштравалі, каб напачатку бітвы за ўраджай яны сьпявалі разам. Вось такога і выпусьцілі на плошчу. Ён вылецеў на сярэдзіну і пачаў выводзіць рулады пра каханьне да ідалаў. Скончыўшы, праляцеў над ідалавым помнікам і пусьціў развітальную кроплю на "Касмыль жарсьці".

Нехта з гледачоў кінуў рэпліку:

-- Божы знак!

Ленін накінуўся на ідала:

-- Ты тут стоишь, потому что не смог этих соловьев переловить и в клетки засадить! А мы своих и изловили, и посадили, и расстреляли!

Ідал у кішэню па словы ніколі не лез:

-- Вот она дерьмократия! Эти интеллигентики всегда сначала песни поют, а потом на голову гадят! Хорошо, что коровы не летают!

Размову Ідалаў заглушыла гучнае мычаньне. На плошчу вылецела эскадрыльля кароў. На чале эскадрыльлі ляцела ўнучка каровы Першага Прэзыдэнта мілкі.

Каровы сьпікіравалі на стодаў і прадэманстравалі дакладнасць і шчодрасьць ляпёхаскіданьня. На іх галовы хляпнулі доказы сытнага жыцьця разняволеных кароў.

Ляпёшкі паэтычна планіравалі, вальсуючы у паветры, паступова набліжаючыся да галоў Ідалаў. І кожная -- ў выглядзе былога дзяржаўнага герба Першага Прэзыдэнта.

Шклоўскі Ідал прамаўляў голасам газеты «Советская Белоруссия»: “Особенно тревожная ситуация в сельском хозяйстве. За первый квартал количество крупного рогатого скота сократилось на 133 тысячи голов... К этой теме глава государства обращался в ходе совещания не раз, причем, в отличие от ряда руководителей правительства и облисполкомов, без напускного оптимизма. Действительно, уповать лишь на то, что коровы, выйдя на весеннее пастбище, тут же начнут резко прибавлять в надоях и привесах, вряд ли стоит. Нужна, как справедливо отметил Президент, железная дисциплина и тщательно спланированные меры”.

Ляпёшкавыя гербы плюхнуліся на лысіны і над плошчай выбухнуў рогат. Гнедкі рабілі разварот з захаду над інстытутам культуры для чарговай атакі. Іх віталі студэнцкія воклічы: “Гэта вам не інтэлігент Пушкін з адной тачкай гною ля ганка! Гэтыя шчодра проста на лысіны накладуць!”

І Кашчавая ўцяміла, што набліжаецца пагібель яе ўлюбёнца. Пачала ліхаманкава думаць, як свайго сынка выратаваць.

Усе ўбачылі, што Шклоўскі Ідал, узьляцеў над плошчай, працяў статак кароў і ўзняўся вышэй за кароў і аблокі. Сьмех аціх. Вокліч захопленных цудадзейным узьлётам злучыўся са зьдзіўленым мычаньнем і скалануў паветра так, што аблокі падскочылі, а каровы далі залп ляпёшак на камель і на ім з гною ўтварылася ідалава выява!

-- Вось гэта холдынг! -- Крычалі гледачы. – Вось табе «мастацтва і літаратура» адначасова! Не! Нават паэзія!

Сьмерць, пераскокваючы з воблака на воблака, патурыла стода на ўсход.

Даляцела да дзірцы ў зямной кулі пад Лёзна і закаркавала яе Шклоўскім Ідалам.

Як толькі аціхла рэха ад цмока зямной куляй Ідалавай сракі. Ідал сказаў словамі Першага Прэзыдэнта:

«Нас нельзя изолировать, мы Богом определены жить в центре Европы, и это право у нас сегодня никто не отнимет, нет такой силы!»

Сьмерць разлічыла, што скуты ў дзірцы гісторыі зямной куляй, Ідал не разваліцца не кавалкі.

Яна радасна заскакала вакол Лявона і Настачкі, пакручваючы азадкам:

-- Скончаны, Лявон, твой “Боскі час каханьня”.

Настачка ў роспачы ўсклікнула:

-- Што, што будзе, Лявон? Няўжо цябе забірае Сьмерць?

Лявон пяшчотна прыгарнуў каханую:

-- Басэтлю чароўную і Князёўны папараці моц, відаць, Бог даў толькі да таго часу, пакуль я з кланаваным Шклоўскім Ідалам і іх матухнай-цёткай у “Русскую рулетку” гуляў. Краіну ўдалося выратаваць, народ пазбавіць ад залішняй дурасьці і вар'яцтва. На тое была воля Бога. А сёньня, відаць, яна скончылася. І мушу я вярнуцца ў мінуўшчыну, -- у старажытную Беларусь.

-- А як жа я? Як нашае каханьне? Я ж без цябе не выжыву! Я ж толькі нарадзілася... толькі жыць па-сапраўднаму пачала! Ды і не сябе шкада...

Настачка ўся калацілася ад хваляваньня, і Лявон лашчыў яе, супакойваў. Настачка паклала рукі сабе на жывот і з сарамлівай усьмешкай, як бы не верачы сабе самой сказала:

-- А дзіця ўва мне ёсьць. Яно народзіцца!

-- Як?!—усклікнуў Лявон, -- Я ж цябе толькі ў віртуальным жыцьці кахаў!

-- Ды і я цябе гэты час толькі ў снах кахала… І больш ні з кім блізкай не была. Толькі

цябе і любіла, ды Бога маліла, каб табе жыцьцё захаваў, а нам дзіцё даў .

І напалохана спытала:

—Ты што, не хочаш, каб у нас было дзіця?!

-- Ды ў нас Боскі сын можа нарадзіцца?!—усклікнуў Лявон, гледзячы ў зьдзіўленыя вочы Настачкі. І тут жа ў кожнага пахаладзела ўнутры ад жудаснай думкі: “А калі, наадварот?”

Кашчавая кінулася да іх. У яе жудасным, бяздонным нутры сканцэнтравалася злосьць і нянавісьць усяго сьвету, што назапашвалася мільёны гадоў. З яе ашмёткамі спаўзла скукожаная штучная скура, пасыпалася апаленая нянавісьцю біямаса. Шкілет у чорнай накрыўцы апынуўся побач з закаханымі, у чэрапе палала і языкі полымя праз вачніцы і дзірку ад носа лізалі лоб. Сьмерць ускінула над Настачкай рукі-косткі, кінулася наперад. Здавалася, яшчэ імгненьне -- і Кашчавая раздзярэ прыгажуню на кавалкі і спаліць іх.

Але Сьмерць грукнулася аб нябачную сьцяну -- маланкі і грымоты страсянулі зямлю!

Дзяўчына стаяла, як стаяла!

Любоў пераўтварыла боскіх абранцаў!

Кашчавая не здавалася і полымям вачэй зыркнула на Лявона:

-- А што дачка твайго сябра Вайжбуна? Так і будзе ў Радзівілаўскім палоне? Ты ў будучыню зьбіраўся толькі на ноч, а раніцой мерыўся Вайжбунаўну вызваляць. Хутка сяброў забываеш і сябровак мяняеш…

Лявон жахнўся: “Сапраўды, у сваім доме ён стаў у басэтлю, каб за адну ноч згуляць у рускую рулетку. А колькі прайшло часу з таго вечара!? Безліч падзей! А можа то быў чароўны сон даўжынёй у адну ноч? Але ж тады сон яшчэ не скончыўся…

Лявон паглядзеў у каханыя вочы і сказаў сабе: “Лепей, каб гэты сон не канчаўся. А яшчэ лепей, каб гэта быў не сон”. Потым усьміхнуўся, зразумеўшы хітрыкі Кашчавай, і сказаў ёй:

-- Кніжкі, старая, чытаць трэба! Крашэўскі ў «Апошніх хвілінах князя ваяводы» апісаў, як Вайжбунаўну яе каханы вызваліў ад Пане Каханку і ў Вільні схаваў. Калі думала нас з Настачкай пасварыць, так ведай, што яна сама мне тую кніжку дала пачытаць пасьля першага спатканьня…

Лявон не хацеў вяртацца назад. Бо назад можна было толькі разам са Сьмерцю. А яму так хацелася жыць, каб дачакацца народзінаў сына. Быў пэўны, што народзіцца менавіта хлопчык і што ён дажыве да таго, калі ён пойдзе і загаворыць і нават паляціць. Куды паляціць і чаму не ведаў, але прадчуваў, што Бог адорыць яго сына крыламі.

Лявонавы і Настачкавы вусны злучыліся… у адзінай малітве да Бога:

-- Божачка! Не раздзяляй нас! Зберажы свой дар! Бо толькі ён мацней за ўсё набліжае нас да цябе!

Ад звышнапругі і нянавісьці Кашчавай выцьцём пакрыла прастору, і на тым месцы, дзе толькі што была Сьмерць, закруцілася віхура...

-- Ну і дзякуй Богу – з палёгкай уздыхнула Настачка, і закаханыя адчулі на сваіх шчоках макрэчу. Але іх вочы былі сухія.

Над усёй краінай сьвяціла сонейка. Не было ні хмаркі. А па ўсёй краіне ішоў цёплы дробненькі дождж.

Калі пайшоў чароўны дождж, ў лясах якраз бутоніла папараць-кветка і зрабіла бачным яшчэ адзін цуд.

Кроплі чароўнага дажджу ў багнах і гушчарах ажыўлялі клоны Ідалаў, прыхаваныя Сьмерцю ў вірах і балотах на чорны дзень. Клоны расьлі каменнымі пэнісамі, ажывалі, уздымаліся і з каменю ўзьнікала жывая тканіна. І прэзэдэнтам сярод іх, вышэй за ўсіх, узнёсься Шклоўскі Ідал – беларускі прыап, заторкнуты Кашчавай у дзірку гісторыі пад Лёзнам. У прыапавай галоўцы мацнела думка, Лявон у сканеры прачытаў:

“Политик в стране один, я вас давно к этому приучаю -- это Президент!”

Сьмерць, натхнёная прадчуваньнем нечаканай перамогі над Богам, кідалася да паўсталых ідалаў, абдымала, лашчыла і цалавала сваіх улюбёнцаў, каб выстаялі, дачакаліся ночы. А каб нехта не скукожыў іх, прыкрывала кулявой саломай. Кашчавая была ўпэўнена, што ў гэтую купальскую ноч беларускія дзяўчаты адродзяць старажытны абрад і кінуцца да паўсталых ідалаў-прыапаў, каб сесьці на іх. І тады памножацца яе сьмяротныя клоны і кланы ад Шклоўскага Ідала... І тады не з Богам у душы заселяць людзі беларускую зямлю, а з Ідалам у сэрцы і Кашчавай у душы. “Урэшце прабіў мой час! – думала Кашчавая. – Набліжаецца мая ноч! Беларускім прыгажуням прыдзецца пасесьці не на калені каханым, а на на маіх Ідалаў-прыапаў!”

Кроплі Дажджбогавага сітнічку ператваралі і Кашчавую. Яна, пралятаючы над возерам, убачыла сябе такою прыгажуняю, што, як зачараваная, гледзячы на свой адбітак у вадзе, наразала кругі над водным люстрам і сачыла за Лявонам.

Сітнічак абудзіў у Кашчавай галаве і адмысловы глузд.

Каханьне да Лявона ўрэшце нарадзіла ў ёй жаданьне стаць звычайнай жанчынай кахаючай і каханай. Цяпер яна была гатова прамяняць вечнае існаваньне перавозчыцай людзей з зямнога свету ў Боскі і д'ябальскі на імгненьні пакутлівага зямнога жаноцкага шчасця даваць і бараніць жыцьцё. Яна зразумела, што толькі так зможа зарадзіць каханьне ў Лявонавай душы і за гэта ўрэшце набыць канец свайму Боганаканаванаму існаваньню.

І ад звышчалавечай прагі зямнога жаноцкага шчасьця яе нованароджаная душа пакрыла воклічам зямную кулю. У ім вібравалі пацяг да Лявона, мара аб зямным жаноцкім лёсе і адчай ад разуменьня нязбыўнасьці ўсяго гэтага.

Ад сьмяротнага воклічу ажыў той клон, якога Кашчавая прыхавала ў абіўцы крэсла “с царскими полномочиями” ва ўладнай вертыкалі, што апусцілася ў “Невиданное миру государство”. Прэзыдэнцкі палац у выглядзе бочкі з “дзярмом” стаяў цяпер у “Невиданном миру государстве”. Туды не даставалі жыватворныя кроплі. Ідалаў клон у адказ на магічны поцяг Кашчавай пачаў расьці, прарваў абіўку крэсла.

Калі Сьмерць падлятала да свайго ўлюбёнца, які тырчаў фаласам у дзірцы гісторыі, кланаваны Лукавы, якога прыхавала Кашчавая у прэзыдэнтавым кабінеце, ужо сядзеў волатам у крэсле “с царскими полномочиями” і чытаў запавет Сьмерці, у якім былі і словы сына Лукашэнкі:

“Он вырос без отца, в деревне, ходил с матерью коров доить. И поднялся в таком молодом возрасте, в 40 лет только благодаря своему уму! Ведь все были против него, никто его не проталкивал”

Лукавы ўцяміў сакрэт свайго клона і з воклічам: «Ах так! Не проталкивал!» выскачыў з прэзыдэнцкага палаца і павялічыўся ў сотні разоў. Ён абхапіў палац валасатымі лапамі і пачаў выбіваць цэкоўскай вертыкальлю Шклоўскага Ідала з дзіркі ў зямной кулі. Той учапіўся кіпцюрамі, што адраслі на лапах пад зямлёй ад чароўнага дажджу, і залямантаваў:

“Меня часто били, не в прямом, конечно смысле, за то, что я не молчал, а всегда говорил правду, сражался за нее до крови в ногтях...”

У гэты момант Кашчавая сьпікіравала на “Прэзідэнта прыапаў”. Яна пакутавала ад падзеленасьці. Лашчыла Шклоўскага Ідала, як калісьці, калі нарадзіла на беразе рэчкі Серабранкі і тужылася выцягнуць ягонага клона з пад зямлі.

Чарговы ўдар Лукавага клона зьнізу па Шклоўскім Ідале, што тырчаў каменным пенісам у зямной кулі, падкінуў Кашчавую, і яна ўзьляцела, узмахнуўшы косткамі рук, спрабуючы зачапіцца за паветра; і сапраўды чорныя крылы яе рукавоў на імгненьне затрымалі Кашчавую ў паветры.

“Во дзіва! -- усклікнуў Лявон, назіраючы за ёй – узьляцела, бы крумкачыха з елкі”.

Пэнісаў штуршок скалануў Кашчавую душу, і яна ясна ўсьвядоміла сутнасны сэнс сапраўднага жыцьця і самы кароткі шлях да Лявонавага сэрца. Гукнула Лявона, і калі той азваўся перадала яму: «Ты мусіш ведаць, што сапраўднае жыцьцё – ёсць пераход, мост ад жыцьця да сьмерці. Менавіта ў гэты час чалавек жыве па-сапраўднаму. Жах невядомасьці і страх адзіноты цалкам валодае ім. І тады чалавек так моцна пачынае любіць жыцьцё, што яно авалодвае ўсім чалавекам і раздзірае яго душу. Боль ад гэтага і ёсць сэнс жыцьця. І я малю, Лявон, правесьці мяне праз гэты шлях!

Я столькі пакут прынесла табе… Столькі тваіх каханых прыбрала, што заслужыла твайго пакараньня і дараваньня.

Распні мяне! Як Хрыста распні!»

Хітравала яна, думала: «Хрыстос, даўшы ўкрыжаваць сваё цела, забраў, паланіў сэрцы. Калі ўгавару Лявона наладзіць мне Хрыстовы шлях, тады Лявонава сэрца будзе ў палоне майго каханьня».

Кашчавую абхапіў нехта нябачны, і яна паспрабавала вырвацца. «Няўжо Хапун?» -- мільганула думка. А волат скруціў Кашчавую ў кулю і запуліў проста на каменны тырчак. Кашчавая ляцела і не магла, як ні спрабавала, зьмяніць траекторыю. Яна вылаяла Хапуна мацюкамі, якія паляцелі на лес крумканьнем груганьня. Над пенісам Кашчавую распрастала, як выпростваюць цеста сялянскія рукі, зьдзерла з яе чорнае адзеньне і сонейкам апякло белыя косткі. У тут жа нябачны волат насадзіў Кашчавую сэксуальнай дзіркай на тырчак. Той ад удару скамянеў, а Кашчавы шкілет разваліўся. У той жа момант Лукавы зьнізу дзёўбнуў палацам па Шклоўскаму Ідалу. Ад двайнога удара расколіны дробнай сеткай пакрылі каменнага тырчака, і ён рассыпаўся. Толькі Ідалава срака тырчэла ў зямной, кулі скутая дзіркай гісторыі. Але пад час прымусовага зняволяньня і галадаваньня срака схуднела і паспрабвала выбрацца з зямной кулі. Хапун прытрымаў сраку і па ёй з грукатам сьцебанула Перунова маланка, аплавіла і ўпаяла яе ў зямную кулю.

“Вось табе, Кашчавая, і прыапаў абрад па-беларуску!” -- пракаментаваў Лявон. – Адмысловая зь цябе выйшла Куля для Прэзыдэнта – Боская Куля!”

Пярун з Хапуном абняўшыся паляцелі ў лясны гушчар да Дажджбога.

А Лукавы пад зямлёй ізноў натужыўся, сьціскаючы ў абдымках палац з “дзярмом”, а ДуППа вілася над ім, натхняючы:

“Надо серьезным образом пересмотреть весь мировой порядок!”

«Если мы не создадим альтернативные центры силы, сорвем планету с орбиты!»

І той палацам нанёс шалёны ўдар па аплаўленай прэзыдэнтавай срацы. Яна адказала апошнім стрэлам. І дзермавертыкаль распалася, заліла “Невиданное миру государство”. ДуППа перад тым як захлынуцца мовіла:

«Я родзился на этай земле. Эта мая земля. Я на ней и умру!»


ПОМНІКІ БЕЛАРУСКАЙ ДУШЫ
Калі Боскі сітнічак акрапіў зямлю і ажывіў сьмяротныя клоны, зямная Куля ўздыбілася ў Курапацкіх ямах і ў іншых месцах растрэлаў рэпрэсаваных. З ям выходзілі вежы, складзеныя з чэрапоў і костак нявінна закатаваных і забітых і тых, хто катаваў і забіваў. З воклічамі жаху беглі ад тых ям гараджане, якія расклалі ў іх вогнішчы. З вежаў у мох бясшумна падалі пустыя бутэлькі, кавалкі смажанага мяса… Вежы ўздымаліся ўпоравень з соснамі.

У Мінскай Яме на вуліцы Мельнікайтэ, дзе немцы забівалі габрэяў, таксама ўздыбілася зямля і з Ямы пакрысе выходзіла вежа з чэрапоў. За ёй, аслупянеўшы, назіралі ўсе жыхары дамоў, пабудаваных над Ямай. Людзі думалі пра тое, як ім жыць далей каля Ямы…

Лявон, назіраючы, як зямная Куля выціскала з сябе вежы з чэрапоў, шаптаў:

«Зямля ставіць помнікі каб вярнуць беларусам чалавечую душу».


БОГАВА КУЛЯ
Праз некалькі гадоў геолагі знайшлі на Беларусі велізарнае радовішча газу і нафты, і праблема з энэрганосьбітамі для Беларусі была вырашана на тысячагодзьдзі, дзякуючы засранцам і засланцам. Адшукалі таксама радовішча каштоўных камянёў. То былі застыўшыя слёзы Воланда, якія з пад Зорнага Чорнабыльніка прасыпаліся метэарытным дажджом.

Не прапалі дарам і сьлезы, пралітыя па дыктатарах, што з саркафага трапілі на беларускую зямлю. Зямная Куля адфільтравала сьлёзы і геолагі адкрылі падземнае мора чысьцюткай вады, якая ў той час стала даражэй за газ і нафту. Па ўсёй краіне шчыльна паўсталі вышкі, з якіх качалі ваду, нафту і газ. З самалёта зямля нагадвала скуру вожыка. Усе вядучыя краіны сьвету пабудавалі з Беларусі вадаправоды.

І зажылі беларусы лепей, чым арабы ў у сваіх Эміратах.

Толькі старыя сумавалі па тых часах, калі яны вырошчвалі на сваіх сядзібах гародніну. На лазерных дысках яны слухалі парсючковае рохканне, пеўневыя сьпевы і мычаньне кароў, і сьлёзы каціліся па іх шчоках на клавіатуру кампутараў. А за вокнамі на месцы былых град і хлявоў, тырчэлі мінівышкі, як тырчаць часнык і цыбуля.

Праўда, праз некаторы час санкантроль заходніх краін зафіксаваў у беларускай вадзе наяўнасць невядомых псіхатропных крысталаў і запатрабаваў часова перакрыць вінцілі да правядзення комплекснага аналіза. Пусьцілі нават чуткі, што ў беларускай вадзе шмат яшчура і радыяцыі. Але ўжо было позна. Кіраўнікі краін Захаду адчулі, як з кожным годам ужываньня вады з Беларусі расьце да іх любоў выбаршчыкаў, узвышаюцца рэйтынгі. Усе яны правялі рэферэндумы і перамаглі па пытаньні неабмяжаванага терміна прэзыдэнства. Пасля чаго самые прынцыповыя грынпісы зьніклі няведама куды. Дасьледчыкі заўважылі, што менталітэт жыхароў краін Захада ўсё больш стаў нагадваць беларускі характар, а мова ўсё больш пазычала беларускіх слоў, робячыся трасянкай.

Вы спытаеце: «А што стала з каменнымі пэнісамі, якія пападалі з Чарнобыльскага саркафага і глыбока ўвайшлі ў зямлю?» Зямная Куля з іх апладнілася фаласавай беларускай душой. Кожны мужчына лічыў сваім абавязкам не толькі пабудаваць дом, пасадзіць дрэва і вырасціць сына, а таксама абавязкова адкапаць каменны пэніс і паставіць яго ў хаце на пачэснае месца. Бо наступствы Чарнобыля падкасілі мужчынскую моц беларусаў, а чароўны амулет вяртаў і бараніў яе.

Гэта было пазней, а тады ад ўдару Перуновай маланкі Ідалы-пенісы, што паўсталі ў лясах з клонаў Сьмерці і ад сітнічка Дажджбога ператварыліся ў сухастой.

З прыапава сухастою ў самую доўгую зімовую ноч беларусы будуць выкладаць крыжы над вірамі і паліць, каб не ўздымаліся на Беларусі больш Ідалы і не тужылася ў нялюдскіх высілках сьмяротных народзінаў Кашчавая.

А Сьмерць ад болю, што не атрымался набыць Боскую ўладу, што каханьне шчырага беларуса не падуладнае ёй, ад адмысловага прыапава абраду зайшлася ў жудасным рыку, ад якога па ўсёй краіне пранёсься ўраган; ён зрываў з дамоў дахі, вырываў з карэннем дрэвы і клаў слупы. Гэта быў апошні ўраган у краіне.

Кашчавая, аддаўшы ўсе сілы, усю жарсьць сваім улюбёнцам, заціхла на некалькі стагодзьдзяў, даўшы беларусам пажыць па-людзку. І толькі радкі з верша Брэхта, што калісьці падгледзела ў Лявона, круціліся ў яе пустой чарапушцы, як Боскі прысуд:

Бальзам уліе ў душу, і на гэтым сьвеце
Адкрыецца рай, і прыме твой дух асьвяжэньне,
І прыйдзе чысьцец, і змые аб’ёбіны зь цела.
У Настачкі народзіцца хлопчык. Настачка і Лявон да скону так і не разгадалі цуд яго нараджэньня, бо перад тым як Настачка зацяжарыла, яны сустракаліся паміж сабой толькі ў віртуальным жыцці і Лявон быў у яе адзіны мужчына. Хлопчык усіх уражваў незвычайнымі здольнасьцямі і дабрынёй і людзі казалі бацькам – гэта вам Боскі дарунак, відаць за пакуты.

Хрыстафера Паніко дзярждэп ЗША накіраваў паслом у вольную Беларусь. Вох, і пагулялі яны з Лявонам! Колькі дзяўчат дзячылі Богу за тое шчасьце, якім адорылі іх хаўруснікі пад зоркамі, – аднаму чорту вядома! І кожны раз яны, гледзячы на зоркі, што зіхацелі ў чырвоным віне, налітым у гранёныя шклянкі, марылі:

-- Як хочацца з іншапланецянкамі ночку правесьці!

-- Цікава, а ці могуць яны кахаць!?

-- Відаць, нашым сынам давядзецца гэтую таямніцу спасьцігнуць…

Усё гэта было пазьней, а цяпер… наблізілася купальская ноч, усё аціхла. Сонейка схавалася. Па ўсёй краіне хлопцы складвалі з сухастою вогнішчы. Калі полымя занялося, іскры імкліва ськіраваліся да зорачак і тыя сунуліся насустрач.

Дробненькія кроплі дажджу па-дзіцячаму бавіліся з агнём: давалі нырца ў полымя, адтуль узносіліся нябачнымі аблачынкамі і зноў, як са сьнежнай горкі, сасьлізгвалі па языках агню ўглыбь вогнішча.

Хлопцы і дзяўчаты, вышаўшы з рэчак, скакалі праз полымя.

Тут у небе палыхнула, і сьвятло разлілося па усёй краіне: зацьвіла Князёўна-папараці.

Яе цвет раскрыў усе палыновыя суквецьці. Іх водыр напоўніў душы і да шоргату кропель далучыліся галасы і па ўсёй краіне гучала: “Кахаю!” рэхам праносілася па барах – “ахаю!”, над рэкамі – “хаю!” і ўзлятала да неба - “аю!” І шчаслівы стогн А-А-А! Пралятаў над лугамі, абтрасаючы сітнічкавы кроплі з травы, наталяючы прагу зямлі.

Расквітнеў і Зорны Чoрнабыльнік. І галасы яго душаў упляліся ў чароўны хор кахаючых.

Хлопцы і дзяўчаты зноў скакалі праз вогнішчы. А агонь нябёсаў апраменьваў душы.

Лявона паклікаў сканер. На экране Лявон убачыў, што адно з вогнішчаў раскладзена проста на Лепшым азадку, заплаўленым у зямную кулю. Сканер паказаў, што з яе таксама ўзьняўся нейкі дымок і прагучалі словы ДуППы:

«Это была элегантная победа!»

А вакол таго вогнішча паселі беларускія Багі. Пярун расказваў, як спрабавалі завербаваць Хапуна, як ён параіўся з Пяруном і вырашылі, што Хапун войдзе ў змову з ідаламі, каб быць у курсе іхных задумак і ў адказны момант абароніць людзей. «Не было сярод беларускіх багоў здраднікаў і не будзе!» – падсумаваў Пярун і запалымяніў вогнішчам. Багі танчылі, як падлеткі, скакалі праз Пяруна, а той хапаў багоў рукамі-полымям. Багі заляцаліся, кахаліся, плавалі, лёталі, як і бывае ўсё і ў людзей.

Па шчоках Настачкі каціліся кропелькі, а вочы яе сьмяяліся.

Святы дождж -- сьлёзы Бога!

Усявышні плакаў ад шчасьця...

Лявон адчуваў, як Усявышні, акрапіўшы сьлёзным сітнічкам беларускую мару, з палёгкай уздыхнуў і увабраў у сябе Лявонаву і Настачкаву душы. Богаў удых вырваў беларусавы душы з рэшткаў кулявой саломы, асушыў іх ад слёз, і, пазбавіўшы зямнога цяжару, ўзняў да зорак, напоўніўшы імі сваю дыхаўку.

Лявон бачыў, як празрыстыя душы беларусаў лятуць да Князёўны папараці, ўтвараючы над краінай гіганскую празрыстую кулю. Залятаючы ў Князёўну папараці, падобную да гіганскай басэтлі, зямные душы злучаліся з душамі Зорнага Чорнабыльніка, і гулі разам, як пчолы. Потым, сьцішаныя, разам уздымаліся вышэй да Богавай дыхаўкі.

Не паспеў Лявон падумаць «што будзе з імі далей?”, як Бог, выдыхнуўшы, вярнуў асвечаныя душы гаспадарам. І Беларусы набылі часьцінкі Боскія душы, што ўмацавалі іх чалавечыя душы.

У небе над Беларуссю плылі белыя аблокі, расквечаныя чырвонымі маланкамі, але грому не было. Тое з усяго сьвету на боскае сьвята зляталіся буслы і несьлі свае дарункі.


КУЛЯ ДЛЯ ПРЭЗЫДЭНТА
У касьмічным разведцэнтры, што лётаў вакол зямлі, прачыталі кнігу. Пасьля некалькіх дзён апрацоўкі дадзеных, праверкі новых аб’ектаў камандзір карабля сабраў усіх кіраўнікоў груп на мазгавы штурм. Першым дакладваў кіраўнік дасьледчыкаў:

-- Мы праверылі прастору на зямлі, пад зямлёй, неба і бліжэйшы космас. Прыборы не зафіксавалі наяўнасьці такіх аб’ектаў, як “Бог”. Мы не маем ніякіх знакаў існаваньня такіх істот, як “Кашчавая (Сьмерць)” і “Князёўна папараці”. Нашы прыборы не змаглі зафіксаваць матэрыяльных часьцінак “Каханьня” - ні боскага, ні чалавечага, зямнога. Ні футарал ад басэтлі ні яго рэшткі таксама не знойдзены. Не знайшлі ніводнага сляда Пяруна, Хапуна, Хіхітуна, Цмока і Лёлі і інышх прывідаў. Шукалі таксама Воланда, Ката-Бегемота і такога гібрыда не знайшлі. Хоць катоў у зямлян шмат.

Знайшлі каменныя пэнісы на дне возера Сеніца, якое мясцовыя завуць х…ёвым. Але прыкметаў беларускага ЧаСа не зафіксавалі. І ў чарнобыльскім Саркафагу няма сьлядоў магічнай ночы. Не знайшлі мачулішча з беларускімі душамі.

Шклоўскі Ідал стаіць у музеі з гарматай на ганку па вуліцы Маркса, яго выява ў падручніках па гісторыі Беларусі за сёмы клас. Праўда яго там замаскіравалі назовам Магілёўскае Божышча.

Насупроць музея сапраўды жыве пісьменьнік Арлоў. Але Ідала ён не пільнуе, а наадварот за Арловым віжуюць ідалавы паслугачы.

Не ўбачылі мы ў палёце ніводнага кніжнага труналёта. Іх кніжкі ляжаць простымі трунамі ў бібліятэцы дома літаратараў.

Узровень радыяцыі беларусаў вельмі высокі. Нармальныя людзі мусілі б загінуць, а гэтыя жывуць. Можа таму беларусы жывуць, як бы ў іншым сьвеце і бачаць тое, што мы і нашыя прыборы не фіксуюць… І душы іхныя не спасьцігальныя. Шмат што жыве ў іхных душах, хаваецца там і мае сэнс толькі для ніх, узьдзейнічае толькі на ніх.

Мы не знайшлі “Зорны Чорнабыльнік”, а ягоных сьлядоў ў душах беларусаў безьліч. Можа зь іх ён і ўтвараеца ўначы раз угод.

Відаць у глыбіні іх душаў схаваны і дзермакрыж у якім кожны зь іх пакрысе хлябае сваё дзярмо. А дзермакрыж іхнага Лявона можа узьнёсься да Бога.

Відаць, пашкоджаньне псіхікі нашых астранаўтаў адбываецца ў дарозе – у космасе. Лічу, што трэба сесьці на зямлю і працягваць даследваньні ў кантакце з зямлянамі.

А алгарытм, закадаваны ў назве твора, прымітыўны --“Убить Президента”. “Куля” перакладаецца як -- “куля, снарад”. “Для” – азначае -- “убить”. Але гэта ўжо не наша справа, --і ён выразна паглядзеў на кіраўніка групы бясьпекі Прэзыдэнта.

Пасьля яго выказаўся кіраўнік каманды бясьпекі экіпажа:

-- Мы пакуль таксама не знайшлі шмат якіх рэчавых доказаў існаваньня ўсіх гэтых істот і ўтварэньняў. Але думаю, што прычыны гэтага ў недасканаласьці нашых прыбораў. І калі беларусы маюць машыну для перамяшчэння па часе, якую называюць футаралам ад басэтлі, дык яны, натуральна, будуць яе адмыслова хаваць. Відаць, яны адкрылі законы ўплыву будучыні на сапраўднасьць і карыстаюцца гэтым, каб карэктаваць будучыню і, тым самым, мяняць сваё сапраўднае жыцьцё. Магчыма, яны нават пераўзышлі нас у спосабе жыцьцядзейнасьці. Здаецца, яны, калі неабходна, вяртаюць сваю цывілізацыю назад, нешта там выпраўляюць, а потым даганяюць і абганяюць час. Яны жывуць не так, як мы, -- “прямолинейно”. Самае галоўнае, што іх кніга сапраўды мае таямніцы. Усе члены экіпажа, уключаючы дасьледчыкаў і камандзіра, пасля прачытаньня кнігі набылі істотныя зьмены ў псіхіцы: шмат хто хоча разгадаць таямніцы іх жыцьця. Гэта вельмі падобна на псіхатропны наркотык – цягне да чарговай дозы. А тое, што душы зямлян моцна трансфармуюцца пад узьдзеяньнем іх гістарычных кодаў, тут і вучню школы касьмічнай выведкі зразумела. А калі так, тады абавязкова ёсьць матэрыяльная крыніца як іх носьбіт. Лічу, што пасадку рабіць нельга. Нас можа напаткаць лёс нашых суродзічаў.

Кіраўнік групы бясьпекі Прэзыдэнта таксама выказаўся:

-- Сапраўды, не ўсё так проста, як здаецца на першы погляд. Пачнём з назвы твора. Вы прынцыпова памыліліся, даўшы сваю інтэрпрэтацыю назвы. “Забіць Прэзідэнта” – гэткі сэнс можна было б даць, калі б назва гучала так: “Куля НА Прэзыдэнта”. А мы маем у назве не “НА”, а “ДЛЯ”. Гэта галоўная ваша памылка. “Куля” мае першым сэнсам -- зямны шар, шар увогульле. Такім чынам першы сэнс назвы -- Зямля Прэзыдэнту. Гэта можа азначаць, что зямная куля створана… і для нашага Прэзыдэнта…

Мы знайшлі ў архівах інтэрв'ю з парадамі пасла ЗША Д. Спекхарда перад яго ад'ездам з Беларусі:

“Вопрос: Что бы Вы могли посоветовать, пожелать своим коллегам, которые начинают работать в Беларуси?

Спекхард: … быть осторожней и не допускать, чтобы Беларусь завладела их сердцем. Потому что потом будет очень тяжело уезжать отсюда”.

Як бачыце, пасол яшчэ тады прадбачыў небясьпеку беларускіх душаў.

Па-другое, “куля” – гэта стог кулявой саломы, а па кнізе - гэта душы беларусаў. Ведаеце, калі малоцяць жыта, тады частка саломы ператвараецца ў трасянку і мякіну, а частка застаецца моцнай. Яе складваюць у снапы – кулі. Дык вось душы беларусаў гісторыя так вымалаціла, што яны ператварыліся ў нешта падобнае на кулявую салому. Моцныя, гнуткія, што ўнутры -- не адразу пабачыш, бо абалонка хавае, як чэрапахаў панцыр. Вось гэтае, «што ўнутры», нам пакуль невядома. Менавіта яно і ўзьдзейнічае на нашых астранаўтаў, прыцягвае да беларусаў. І можа прыцягнуць. Такім чынам, другі сэнс назвы Кнігі -- беларускія душы -- Прэзыдэнту.

Па-трэццяе, “кулі” – гэта мыліцы, ці інакш кажучы – пратэзы, кастылі. Беларусы ўсё жыцьцё ці былі падпоркай другім народам: ці палякам, ці расейцам, альбо самі шукалі ў іншых людзях апірышча. І тут невядома, як адаб’ецца гэта беларуская куля на нашым Прэзыдэнце. Ці беларусы дапамогуць пераабраньню нашага Прэзыдэнта на новы тэрмін, як чароўныя мыліцы? Ці нашаму прыйдзецца стаць самому пратэзам для беларусаў…

Прэзыдэнцкая мыліца, на якую абапіраецца беларускі кіраўнік, - у тым, што без беларускіх цяглавых мужыкоў і баб няма Прэзыдэнта. І гэта небясьпека для кіраўніка нашай дзяржавы. Даведаецца пра беларусаў, спасьцігне іх душу і тады не захоча кіраваць нашым народам. А можа і так, что пасьля візіту пачне крытыкаваць нашых выбаршчыкаў, параўноўваць з беларускімі, і яго не пераабяруць.

І толькі апошні сэнс “кулі” – гэта “куля-снарад”.

Прыхільнік кулі-пулі падхапіўся:

-- Вы мусіце ведаць, што менавіта беларус Грынявіцкі забіў рускага цара, а забойца амерыканскага Прэзідэнта Освальд жыў у Менску.

Кіраўнік групы бясьпекі касмічнага карабля адмахнуўся, як ад назойлівай мухі:

-- Сёньня такія тэрарысты ні для каго не праблема. Нават дэтэктывы пра іх ужо не пішуць! Яны, -- ён кіўнуў на кіраўніка группы бясьпекі Прэзыдэнта,-- маюць свае метады барацьбы з імі. Іхныя кулі адмысловыя -- забіваюць чужыя душы. Палоняць іх, чаруюць.

Напрыклад -- вочы беларускіх дзяўчат? Мы даўно пазбавіліся шкодных звычак, уключаючы моцныя пачуцьці. А вочы беларускіх дзяўчат так цэляць у душу, такімі кулямі спакусы і каханьня страляюць, што наш Прэзыдэнт можа не ўстояць. А моцнае хваляваньне можа стаць летальным…

-- Дарэчы, -- зноў уточыўся кіраўнік групы бясьпекі Прэзыдэнта, -- я ўжо даслаў у цэнтр сваю расшыфроўку Кнігі. Вонкава статыстыка нашых невяртальнікаў сьведчыць – большасьць закахалася ў беларускіх дзяўчат. Насамрэч душы тамтэйшых інфіцыруць іншых магічнымі флюідамі, якія трансфармуюць чужыя душы.

Я даслаў свае прапановы, каб на зямлю накіравалі двайніка нашага Прэзыдэнта. Навошта рызыкаваць? Бо гэтыя беларусы маюць адмысловы гумар. Нават хх сьмехавыя кулі могуць быць сьмяротнымі нашаму Прэзыдэнту. Бо ўжо некалькі тысячагодзьдзяў як мы пазбыліся такой лішняй звычкі, як сьмех. Ад сьмеху дарэчы памерлі некаторыя з нашых астранаўтаў.

Выслухаўшы ўсіх, камандзір вырашыў садзіцца. На гэты выпадак ускрылі сакрэтныя інструкцыі. Па інструкцыях на пасадку мусіў пайсці невялікі карабель, а камандаваньне станцыяй пераходзіла да кіраўніка группы бясьпекі.

Калі карабель з большай часткай экіпажа адышоў ад станцыі і пайшоў да зямлі на пасадку, усе адчулі нейкую салодкую прагу таямніц. Табло паказвала 2 гадзіны ночы 26 красавіка. Калі карабель увайшоў у верхнія пласты атмасферы, усе члены экіпажа пачулі нейкія галасы. Спачатку мова была незразумелай, але праз некалькі секунд яны разумелі кожнае пачуцьцё, што трапляла ў іх душы.

Праз некалькі месяцаў на пазасонечную планету прыйшла інфармацыя, што экіпаж касьмічнага дасьледчыка адмовіўся вяртацца на планету. Новы камандзір карабля ўскрыў чарговыя інструкцыі. Там было напісана, што трэба вяртацца на родную планету з вынікамі даследаваньня. Але новы камандзір прыняў рашэнне другі раз даследаваць «Кулю», і станцыя працягвала палёт вакол зямлі ў зоне яе прыцягненьня. Толькі кіраўнік групы бясьпекі Прэзыдэнта вылецеў дамоў.

Пасля вяртаньня ён зрабіў грунтоўны даклад, да якога прыклаў Кнігі.

-- Галоўнае, -- казаў кіраўнік, -- беларусы маюць касьмічную душу. Іхны Казімір Семяновіч з пад Дуброўна распрацаваў тэорыю ракетабудавання тады, калі нават простых машых не было. Напачатку ХХ стагоддзя беларус намаляваў адваротны бок Марса і так дакладна, як быццам там пабываў. Двое беларусаў у ХХ стагодзьдзі лёталі ў космас. Можа зараз яны засялілі нейкую планэту…

Прэзэдэнт спытаў:

-- Чаму хочаш у адстаўку?

Кіраўнік адказаў:

-- Хачу вярнуцца на зямлю дасьледчыкам.

-- Адстаўку не прымаю. Відаць… паляцім разам!

Прэзэдэнт пачаў рыхтавацца да палёту на зямлю. Падрыхтоўка галоўным чынам заключалася ў тым, што яго вучылі чалавечым пачуцьцям, трэніравалі сэрца і давалі кнігі пра каханьне. Іміджмейкеры радасна паціралі рукі, калі бачылі як Прэзыдэнт сьмяецца, чытаючы дурноты дзядзкі Рыгора, Прэзідэнтаў ЗША Дж.Буша і Лукашэнкі.

І яшчэ Прэзыдэнт пазасонечнай цывілізаціі праглядваў запісы выступу перад сваімі суродзічамі трох маладых астранаўтаў. Яны расказвалі пра жыцьцё на зямлі. Хрыс-малодшы – пра амерыканскае, а маладыя Вылівахаў сын ды Шчукінава ўнучка - пра беларускае. Іміджмейкеры казалі Прэзыдэнту, што калі атрымаецца зрабіць нешта падобнае -- будзе перамога ў выбарах. І маладыя беларусы сапраўды скаралі сэрцы мясцовых прыгажунь. А жонка начальніка Прэзыдэнтавай бясьпекі, закахаўшыся ў Выліваху, па начах трызніла.

Усе жанчыны пазасонечнай сістэмы вар’яцелі ад незвычайнага пачуцьця, што апанавала іх душы. Але па жаночых тварах амаль нічога нельга было зразумець. А ўначы вохі і ўздыхі кулямі лёталі над пазасонечнай бяздушнай цывілізацыяй і не давалі заснуць цнатлівым грамадзянам цывілізаванай планеты.

У такія бяссонныя ночы Прэзыдэнт пазасонечнай цывілізацыі чытаў гісторыю Беларусі. А яшчэ з прэзыдэнцага кабінета раз-пораз чуўся рогат, што прыводзіла прэзыдэнцкую ахову ў шок. Напачатку і прэзыдэнскі ўрач вельмі хваляваўся. Бо сьмех лічыўся жудаснай заразнай хваробай. Але Прэзыдэнт даў і ўрачу пачытаць «Кулю для Прэзыдэнта», што падарыў яму Лявонаў унук. І з габінэта даносіўся падвоены рогат.

Перад самым палётам на Зямлю кіраўнік аховы папярэдзіў Прэзыдэнта пазасонечнай цывілізацыі, што лепш не ляцець, рызыкуючы, бо пачуцьці беларусаў вельмі моцныя, яго сэрца можа не вытрымаць, і тады -- сьмерць.

Прэзэдэнт адказаў:

-- Ты выклаў не ўсё. Прывёў толькі адмоўнае. Рызыка, безумоўна, вялікая. Але! Мая канкурэнтка на выбарах Прэзыдэнта ў праграму ўключыла вяртаньне ў душы людзей каханьня. Сацыёлагі сьведчаць, што гэтая мара апанавала амаль усіх, і рэйтынг суперніцы імкліва расьце. Таму, калі пасьля прылёту на зямлю мяне апануе каханьне і прыйдзе Сьмерць, тады бязмежна ўзрастае верагоднасьць атрымаць чароўную кветку – Князёўну-папараці. Для мяне асабіста і для нашай цывілізацыі гэта можа стаць лёсавызначальным! Тады я змагу даць сваім выбаршчыкам і каханьне і няўміручасьць.

Адлёт Прэзыдэнта на зямлю амаль ужо нішто не магло стрымаць. Ён аж трымцеў ад прадчуваньня прыгодаў.

І тут зь зямлі прыйшло яшчэ аднопаведамленьне: «Беларусы кланавалі Хрыста, і наблізіўся час Яго зьяўленьня!»

Прачытаўшы тэкст, Прэзыдэнт узрадваўся. “Добра нашы хлопцы спрацавалі. Вось як прыдзецца вярнуцца на Радзіму…”

Рэшткі беларусаў, якія любілі Лепшага, ЛукаПШЫКА і Шклоўскага Ідала. Мы заселім імі тры нашы пустыя рэзервовыя плянэты. Потым я з’яўлюся да іх з космаса, утвару некалькі цудаў і стану іх Прэзыдэнтам. Нашы грамадзяне будут прылятаць да нас на райскія плянэты, як зямляне лётаюць адпачываць на Багамы, ці Сейшэлы.

Пакрысе беларусы зьменяць наш народ, і на чарговых выбарах мы пераможам!

У габінэт шпарка зайшоў кіраўнік касьмічнай бясьпекі і далажыў

-- Экстрэнае паведамленьне нашага агента з Зямлі.

Дасьледчыкі са спецэкспедыцыі шукалі і вывучалі не тую кнігу. Гэта была маскіровачная падманка, сапраўдная Куля для Прэзыдэнта, каб завесьці нас у зман і разбурыць прэзыдэнцую кампанію. І Зорны Чарнабыльнік, і кветка-папараць, і Князёўна-папараць – зброя ідэялагічных тэрарыстаў.

Сапраўдная кніга, дзе закадаваны коды беларускаў і сакрэты іх любові – гэта «Кніга аб Найцяжэйшых Бітвах Лепшага, яго Наймагутнейшай Сіле, Бліскучых Перамогах і Найвышэйшых Дасягненнях», якую пісалі палкоўнікі-апосталы Залівалін, Завісалін, Загібалін, Заклевалін, Запевалін і кіраўнік рэдактарскага калектыву генерал Задзяўбалін.

Супрацоўнікі Лепшых спецслужб стварылі сапраўдны твор пра любоў народа да Прэзыдэнта і сапраўдную павучальную гісторыю пра ўмацаваньне прэзыдэнкай бясьпекі. У кнізе расказваецца, як зрабіць бестэрміновым час прэзыдэнскага кіраваньня і сьціснуць да нуля час апазыцыйнага супрацьстаяньня.

Прэзыдэнт, бачучы адданасьць на твары генерала спытаў:

-- Хочаш узначаліць Службу Бясьпекі Прэзыдэнта?

Той кіўнуў.

-- Вось калі пераможам, тады і разгледзім тваё пытаньне. А зараз пачнем рыхтавацца да палёту на Зямную Кулю. На месцы разбярэмся.

Інтэграцыя пазасонечнай цывілізацыі і зямлянаў-беларусаў мела ўсе шанцы на посьпех. Амаль.

Генерал, вытрымаўшы паўзу, далажыў:

-- Перад адлётам Вы мусіце ведаць, што рэйтынг астранаўта з зямлі Вылівахі дасягнуў Вашага. І шмат хто з нашых апазыцыянераў прапануе менавіта Выліваху вылучыць адзіным кандыдатам ад апазыцыі, калі вы адляціце. І ён не раз жартаваў, што лёгка выйграе нашы выбары…

Да таго ж, па нашых зьвестках, Выліваха, як і бацька, як і дзед, адораны Князёўнай папараці. Калі ляцелі да нас, на іх караблі здарылася аварыя, і ўсе ледзь не загінулі. Выліваха не напалоўхаўся, бо закахаўся ў Шчукінскую ўнучку і выратаваў карабель. Так што каб здабыць Князёўну папараці, не трэба рызыкаваць…

Прэзыдэнт пазасонечнай цывілізацыі чамусьці ўсьміхнуўся

-- Настаў час. Падрыхтуйце мне сустрэчу з гэтым зухам!

А калі ўсе выйшлі, уключыў відэамагнітафон. На экране зьмяняліся кадры: вось маленькі хлопчык крычыць у радзільным доме, вось ён робіць першыя крокі, кажа першыя словы па-беларуску. Прэзыдэнт, замілавана гледзячы на выступы Лявонавага ўнука перад грамадзянамі пазасонечнай цывілізацыі, ледзь чутна мармытаў: «Ну, унучак, паглядзім у каго ты ўдаўся: у дзеда, ці ў бацьку…».

Праз некалькі хвілін унук стаяў перад дзедам, усьміхаўся і мовіў:

-- Я прыляцеў за табой! Пара вяртацца дамоў. Нам не хапае сапраўдных беларусаў. Такія як ты мусяць адрадзіць беларусам чалавечую душу!

-- А ці засталіся сярод Вас сапраўдныя габрэі?

-- Амаль не…

-- А бязь іх мы ня зможам вярнуць беларусам чалавечую душу. Прыдзецца шукаць нашчадкаў Пейцаха.

Такога трымценьня ў душы старога Вылівахі не было з часоў першага каханьня. На наступны дзень усе, хто заходзіў да Прэзыдэнта па справах адлёту першыя імгненьні знерухомлівалі ад непазнавальнасьці кіраўніка, так моцна памаладзеў яго твар. Ён праменіў зусім другую невядомую падначаленым душу – беларускую чалавечую душу.


Оглавление

  • Уладзімір Падгол Куля для прэзыдэнта
  • Пра кнігу
  • КАСЬМІЧНЫ ХЛОПЧЫК
  • КНЯЗЁЎНА ПАПАРАЦІ І СЬМЕРЦЬ
  •   Кніга першая
  •   Кніга другая
  •   Кніга трэцьцяя
  •   Кніга чацьвёртая
  •   Кніга пятая
  •   Кніга шостая