Экспазіцыю камедыі складае фантастычнае адкрыццё. Вынаходнік Мурашка сканструяваў прыбор, які вымярае чалавечую дурноту. Адкрыццё адразу выклікае насцярожанасць, непрыязь у коле чыноўнікаў. Нікому не хочацца трапіць у поле ўздзеяння прыбора, тым больш што ад узроўню інтэлекту будзе залежаць далейшы лёс.
Сатырычная камедыя «Мудрамер» Мікалая Матукоўскага была пастаўлена ў 1987 годзе Нацыянальным акадэмічным тэатрам Янкі Купалы (Дзяржаўная прэмія Беларусі).
